lakbima.lk

චීනයේ චොන්ග්චින්ග් නුවරදී අද (4 වැනිදා) පැවති ආසියානු  ගෝන්- ප්‍රී මලල ක්‍රිඩා තරග මාලාවේ පළමු වැනි අදියරට සහභාගි වූ ශ්‍රී ලංකා ක්‍රීඩක ක්‍රිඩිකාවෝ රිදි පදක්කම් හා  ලෝකඩ පදක්කම් දෙකක් බැගින් දිනා ගැනීමට සමත් වුණි.
 
 මීටර 400 (කාන්තා) ඉසව්වෙන් නදිෂා රාමනායක (තත්පර 53.24) දෙවැනි ස්ථානය ලැබුවාය. ශ්‍රී ලංකාවට තවත් රීදි පදක්කමක් නිමාලි ලියනාරච්චි දිනා දුන්නේ මීටර 800 කාන්තා ඉසව්ව (වි 2:03.17) නිමා කරමිනි.
 

චීනයේ හර්බින් නුවර දී මෙම 26 වැනිදා ආරම්භ වන 53 වැනි ආසියානු කායවර්ධන හා ශාරීරික යෝග්‍යතා (වාර්ෂික) ශූරතාවලිය සඳහා ශ්‍රී ලංකාවෙන් ක්‍රීඩකයන් පස් දෙනෙකුගෙන් සමන්විත කණ්ඩායමක් තරගාවලියට සහභාගිවීමයි.
 
වසර 2015 න් පසුව ශ්‍රී ලංකාව ඒ සඳහා සහභාගි වී නොමැති අතර ඊට ශ්‍රී ලංකා කායවර්ධන සම්මේලනයේ දිගින් දිගටම උද්ගත වූ පරිපාලන අර්බුද ඊට  හේතු විය.
 

මේ වනවිට දේශීය කායවර්ධන පරිපාලනය ක්‍රීඩා අමාත්‍යාංශය විසින් පත් කරන ලද අතුරු කමිටුවක් මගින් පාලනය කරයි. 
 
රාජ් කුමාර් (කිලෝග්‍රෑම් 60 බර පංතිය), කොලින් හෙට්ටිආරච්චි (කිලෝග්‍රෑම් 55 බර පංතිය), පියල් ලක්මිණ (කිලෝග්‍රෑම් 75 බර පංතිය කනිෂ්ඨ), නුවන් ගුණසේකර (ශාරීරික යෝග්‍යතා ඉසව්ව), නිෂාන්ත පෙරේරා (වයස 55න් ඉහළ ප්‍රවීණයන්ගේ කාණ්ඩය) මෙවර ආසියානු ශූරතාවලිය සඳහා ශ්‍රී ලංකාවෙන් නිර්දේශ වී සිටියි.
 

ශ්‍රී ලංකාව වෙනුවෙන් අන්තර්ජාතික තරඟවලට රිද්මයානුකූල ජිම්නාස්ටික් ක්‍රීඩාවෙන් සහභාගී වී කිහිපවරක්ම ශ්‍රී ලංකාවට ජයග්‍රහණයන් ලබාදුන් ක්‍රීඩිකාවක් වන ඇනා- මරී ඔන්ඩාච්චි ශ්‍රී ලංකාවේ ක්‍රීඩාව ඔප් නැංවීමේ අරමුණින් ක්‍රීඩා පදනමක් ආරම්භ කිරීම පසුගියදා සිදුකරනු ලැබුණි. එහි මූලික වැඩපිළිවෙලක් ලෙස  මහනුවර ජානාධිපති ආදර්ශ ප්‍රාථමික විද්‍යාලයට කරාතේ ක්‍රීඩාව සඳහා අඩුපාඩුවක්ව පැවති කරාතේ මෙට්ට 16 ක් ප්‍රධානය කරන ලදී

නවින් දිසානායක මැතිතුමාගේ සංකල්පයකට අනුව 2018 වර්ශයේ ආසියානු දැල් පන්දු තරගාවලිය‍ේ ශූරියන් වූ ශ්‍රී ලංකා දැල් පන්දු කණ්ඩායම සඳහා ලෝක කුසලාන තරඟාවලියේදී සිලෝන් ටී සන්නාමය ප්‍රචලිත කිරීම වෙනුවෙන් ප්‍රධාන අනුග්‍රාහකත්වය ගෙන ශ්‍රී ලංකා තේ මණ්ඩලය රුපියල් මිලියන 05ක මුදලක් අදියරෙන් අදියරට ලබා දීමට කටයුතු සැලසුම් කර ඇත.


ඒ අනුව දැල් පන්දු කණ්ඩායමට ලෝක කුසලාන තරඟාවලියට අවශ්‍ය ඉදිරි කටයුතු වෙනුවෙන් 2 වන අදියර ලෙස ලබා දීමට සැලසුම් කල රුපියල් මිලියන 02 ක මුදල ප්‍රධානය කිරීම වැවිලි කර්මාන්ත අමාත්‍ය, එක්සත් ජාතික පක්ෂ ජාතික සංවිධායක නවින් දිසානායක මහතාගේ ප්‍රධානත්වයෙන් වැවිලි කර්මාන්ත අමාත්‍යාංශයේදී සිදු විය.


චීනයේ ඉමෙයිෂාන් නුවරදී  පැවැත්වෙන 08 වන ලෝක කුංග්ෆු ශූරතා තරගාවලියේදී රන් පදක්කම් දෙකක් දිනාගැනීමට ශ්‍රී ලංකාවේ පැතුම් පූර්ණ වැන්කියුලන්බර්ග් සමත්වූහ. මෙම රන් පදක්කම් දෙකත් ඇතුළුව තරගාවලියේ පළමු දින දෙකේදී ශ්‍රී ලංකා ක්‍රීඩක ක්‍රීඩිකාවන් දිනාගත් පදක්කම් සංඛ්‍යාව 7 කි.

චීනයේ පැවැත්වෙන ආසියානු ග්‍රොන් ප්‍රී මලල ක්‍රීඩා උළෙ‍ලේදී රිදී පදක්කම් දිනා ගැනීමට නදීෂා රාමනායක සහ නිමාලි ලියනආරච්චි සමත් වූහ.

මී. 400 ඉසව්ව නියෝජනය කළ නදීෂා ඉසව්ව තත්. 53.24 කින් අවසන් කරමින් රිදී පදක්කම දිනා ගත්තේය.

මී. 800 ඉසව්ව නියෝජනය කළ ජඉසව්ව වි.2 තත් 03. 17 කින් ඉසව්ව නිම කරමින් ශ්‍රී ලංකාවට රිදී පදක්කමක් දිනා දුන්නාය.

මී. 800 ඉසව්වට සහභාගීවූ ගයන්තිකා අබේරත්න ඉසව්ව වි.2 තත්.03. 59 කින් නිම කරමින් ලෝකඩ පදක්කමක් දිනා ගත්තාය.

හෙල්ල විසි කිරීමේ ඉසව්වට සහභාගීවූ සුමේධ රණසිංහ මී. 76.92 ක් දුර හෙල්ල විසි කරමින් ලෝකඩ පදක්කමක් දිනා ගැනීමට සමත් විය.

Page 1 of 10

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.