lakbima.lk


නුගේගොඩ, පැලවත්ත පාර, අංක 05 නිවසේ පදිංචි හතළිස්තුන් හැවිරිදි ශිරෝමා විතානගේ කොළඹ ප්‍රදේශයේ පාසලක සේවය කරන ගුරුවරියකි. තැපැල් ස්ථානාධිපතිවරයකුගේ දියණියක වන ඇය අවිවාහකය. ඇගේ තනි නොතනියට සිටියේ සෝමාවති ප්‍රනාන්දු නම් හැටනව හැවිරිදි තැනැත්තියකි.ශිරෝමාගේ නිවසට ඉකුත් 31 දා තරුණයෙකු පැමිණියේය. යතුරුපැදියකින් පැමිණ සිටි ඔහු සිනාවකින් මුව සරසාගෙන “ආන්ටි, මාව මතක නැද්ද? මගේ අම්මා තමා ...... “ යැයි  පැවැසීය. එකනෙහිම ඇයට ඇගේ හෝමාගම පැරණි මිතුරියක් සිහි විය. ඇයද ගුරුවරියක වූ අතර එකල මෙම කොලු ගැටයා කොළඹ ප්‍රසිද්ධ පාසලක අධ්‍යාපනය ලබන කල දුටුවාට පසු වෙනස් වී ඇති තරම යැයි සිතමින් “එන්න පුතා ගෙට” ආරාධනා කළාය.

“ආන්ටි මට ලොකු උදව්වක් ඕනේ. මම මේ අට වෙනිදා ජපන් යනවා. මට කොළඹින් වැඩ ටිකක් කරගන්න තියෙනවා. මාව ටික දවසකට නවත්වගන්න පුළුවන්ද” යැයි තරුණයා විමසුවේය. සිය මිතුරියගේ දරුවාට පිටුපෑමට නොහැකි වූ ශිරෝමා ඔහුට නවාතැන් දීමට කැමති වූවාය. තරුණයා එදා සිටම ඒ ගෙදර නැවතුණේය.

එසේ නැවතුණු  තරුණයාට ඉකුත් 03 වෙනි දින කතා කළ  ශිරෝමා “පුතා මමයි සෝමවාවතියි හෙට ගමනක් යනවා. ඔයා ගෙදර ගිහින් පහුවදා එන්න” යැයි පැවැසීය. ඒත් මෙම ආගන්තුක තරුණයා ඊට වැඩි කැමැත්තක් දැක්වූ බව පෙනෙන්නට නොතිබුණි. එදා දිනයට පමණක් ගෙදර ගොස් එන්නැයි එම තරුණයාට පැවැසූ ශිරෝමා ගෙදර ආලින්දයේ ඇති පුටුවකට බර වූවාය. ඒ සමගම එහි පැමිණි තරුණයා තම අතවූ පිහියෙන් එකවරම ශිරෝමාගේ ගෙල කැපුවාය. බිම ඇදවැටුණ ශිරෝමා දෙස මොහොතක් බලා සිටි හෙතෙම වහ වහා මුළුතැන්ගෙට දිවගොස් එහි සිටි සෝමාවතීටද පිහි පහරවල් කීපයක් එල්ල කළේය.

තරුණයාගේ උපකල්නයන්හි එක් තැනක් වැරදී තිබුණි. ඔහු සිතන්නට ඇත්තේ ගෙල කැපීමෙන් ශිරෝමාද මිය යන්නට ඇති බවයි. ඒත් එසේ වූයේ නැත. ගෙල කැපීමත් සමග සිහිමුර්ඡා වූ ශිරෝමා තව මොහොතකින් පියවි සිහියට එළැඹියාය.

සිහිය ලැබූ ඇය නිවසේ ඉදිරිපස සිට කෑගසා උදව් ඉල්ලුවාය. ඇගේ කෑගැසීමට අසල පිහිටි නිවෙස්වල එකා දෙන්නා දිව ආහ. ඒ සමගම තරුණයා නිවසින් එළියට පැන දිවයන්නට විය. අහළ පහළ තරුණ පිරිස් ඔහු පසුපස හඹා ගියෝය. මේ ආගන්තුක තරුණයා මහ පාරේ මෙන්ම ගෙවල්වල තාප්ප උඩින් මෙන්ම වහල උඩින්ද වහලෙන් වහලට පනිමින්ද දිව ගියේය.

මේ වන විට මිරිහාන මූලස්ථාන ‍පොලීසියටද 119 ඔස්සේ පණිවුඩයක් ලැබි තිබුණි. ඒ චැපල් පාරේ නිවසක සිටි කාන්තාවක මරා පුද්ගලයෙකු පැන යන බවය.ඒ අනුව මිරිහාන ‍පොලීසියේ ප්‍රධාන ‍පොලිස් පරීක්ෂක හේමන්ත විජයවර්ධන මේ පිළිබඳ වහාම අපරාධ විමර්ශන අංශයේ ස්ථානාධිපති උප ‍පොලිස් පරීක්ෂක සමීර නුවන් වීරතුංගව දැනුවත් කළේය. ඔහු ඒ වන විට සිටියේ තවත් ‍පොලිස් නිලධාරියෙකු සමග නුගේගොඩය. පණිවුඩය ලද සැණින් ඔහු චැපල් පාරේ සිද්ධිය වූ නිවස වෙත ගොස් එහි ආරක්ෂාව නිලධාරියෙකුට පවරා සැකකරු පලා ගිය විදුරුවන ප්‍රදේශය බලා ගියේය.

පලා යමින් සිටි සැකකාර තරුණයා ඒ වනවිටත් සිටියේ කොහොඹ ගසක් උඩය. ‍පොලිස් නිලධාරීන්ට මහත් පරිශ්‍රමයක් දරා ඔහු ගසින් බිමට බස්සවාගෙන අත්අඩංගුවට ගත්තේය. මෙසේ අත්අඩංගුවට ගනු ලැබුයේ හෝමාගම, උසාවිය පාර පදිංචිව සිටි කොළඹ විදානලාගේ සඳුන් සමීර සේනානායක නමැති විසිපස් හැවිරිදි තරුණයෙකි. ඔහු එම ලිපිනයට අමතරව මිල්ලෑව, හල්බරාව, බඳුරා පාර ප්‍රදේශයේද පදිංචිව සිටින බව මෙහිදී හෙළි වී ඇත.
කොළඹ ප්‍රසිද්ධ පාසලක අධ්‍යාපනය ලබා ඇති මොහු ඊට පසු රැකියා කිහිපයක්ම කර ඇතිමුත් ඔහුගේ සිහිනය වී ඇත්තේ ජපන් යාමය. විවාහකයකු වන මොහුගේ බිරිඳ තව නොබෝ දිනකින් කුළුඳුල් දරුවා ප්‍රසුත කිරීමට නියමිතව ඇති බවද මූලික ‍පොලිස් විමර්ශනවලදී හෙළිව තිබේ.

අත්අඩංගුවට ගැනීමෙන් පසුව ගුරුවරියගේ නිවසේ තිබියදී ‍පොලීසිය විසින් මොහුට අයත් රම්බෝ වර්ගයේ පිහියක්, නවීන යතුරුපැදියක්, නවීන ජංගම දුකථනයක්, වෙනත් පුද්ගලයෙකුට අයත් රියැදුරු බලපත්‍රයක් සොයා ගෙන තිබේ.
‍පොලීසිය විසින් යතුරුපැදිය පරීක්ෂාවට ලක් කළ අවස්ථාවේ මිරිහාන විශේෂ අපරාධ මෙහෙයුම් ඒකකය විසින් පවසා ඇත්තේ මෙම යතුරුපැදිය ඉකුත් දිනෙක නවගමුව ලැඟුම්හලකදී අබිරහස් ලෙස ඝාතනය වූ තරුණයාට අයත්  යතුරුපැදිය බවය. එමෙන්ම මොහු  ළඟ තිබූ රියැදුරු බලපත්‍රයද ඔහුගේ නම සඳහන්වීම නිසා මෙහි සම්බන්ධයක් ඇති බවට ‍පොලීසිය නිගමනය කළේය. ඒ අනුව වහාම මිරිහාන ‍පොලීසිය වැඩිදුරටත් මොහුගෙන් ප්‍රශ්න කරන්නට විය.

එහිදී ‍පොලීසිය බලා‍පොරොත්තු නොවූ ලෙස මෑතකදී සිදුවූ තවත් ඝාතන දෙකක තොරතුරු හෙළිවූයේය.
ජපන් යාමේ සිහිනයෙන් සඳුන් ජපන් භාෂා පාඨමාලාවක් හදාරන්නට වූයේ මීට මාස කිහිපයකට ඉහතදී සිටය. එහිදී ඔහුට ගැටලුවක් වූයේ මුදල්ය. වරක් සඳුන් ත්‍රිකුණාමලයේ ගිය අවස්ථාවක නිධානයකින් ගොඩ ගත්තා යැයි පැවැසෙන රත්තරන් කිලෝ එක බැගින් කිලෝ දෙකක් ලැබි ඇත්තේ ස්වාමීන්වහන්සේ නමකගෙනි.
එය මුදල් කර දෙන ලෙස ඉල්ලා සිටි හෙයින් සඳුන් මෙම රත්තරං කොළඹ ගෙනවිත් තිබේ. මේ අතර තමන්ගේ ජපන් පන්තියේ ගුරුවරියක සමගද පෙමින් වෙලී සිටි සඳුන් ඇය විදේශ ගතව සිට ලංකාවට ආ ඉකුත් 14 වෙනි දින කුලී රථ සේවාවකින් වැගන්ආර් මෝටර් රථයක් ගෙන ජපන් පන්තියේ මිතුරෙකු වන ජයතිස්ස රත්නායක සමග කටුනායක ගුවන්තොටුපළ වෙත ගොස් තිබේ. සඳුන්ට රිය පැදවීමේ හැකියාවක් නොමැති හෙයින් ජයතිස්සව මෙම ගමනට එක් කර ගෙන තිබේ.

ජයතිස්ස රත්නායක යනු මහරගම, නාවින්න, ජනතා මාවතේ පදිංචි අයෙකි. ඔහු හිටපු යුද හමුදා සෙබළෙකි. මොහු සඳුන් හා මිතුරු වූයේ ජපන් පන්තියේදීය.එසේ හඳුනාගත් ජයතිස්ස සමග සඳුන් රත්තරං කිලෝ දෙක විකිණීමට ගැණුම්කරුවෙකු සොයා ගෙන ඇත. එහිදි ජයතිස්ස සඳුන්ට මුදල් නොදී වංචා කිරීම නිසා සඳුන් තුළ ජයතිස්ස කෙරෙහි ක්‍රෝධයක් හටගෙන ඇත.

නමුත් ඔහුට මේ බව නොහඟවා සිටීමට සඳුන් ක්‍රියා කර තිබේ. මේ අතර ඉකුත් 21 දින ජයතිස්ස සමග මෝටර් රථයෙන් ගමන් කරමින් සිටියදී හොරණ ප්‍රදේශයේදී ඔහුට පහරදී ඝාතනය කර ඇත. රිය ධාවනය නොහැකි සඳුන් එම අවස්ථාවේදී සිය මිතුරෙකු වූ නඳුන්ට දුරකථන ඇමතුමක් ලබාදී හදිසියක් යැයි කියමින් හොරණට ගෙන්වාගෙන තිබේ. එසේ ගෙන්වාගත් නඳුන්ට ඔහු කියා ඇත්තේ තමන්ට රිය පැදවිය නොහැකි බැවින් එය පුරුදු කරන ලෙසටය.  ඒවන විටත් මෝටර් රථයේ ඩිකියේ තිබු ජයතිස්සගේ මළසිරුර දුටු නඳුන් බියට පත්වී සඳුන්ට පැය කිහිපයක් මෝටර් රථය පැදවීමට කියාදී  පිටව ගොස් තිබේ.

නඳුන් කියා දුන් පරිදී සඳුන් දින තුනක් පුරා හොරණ ක්‍රීඩාංගණයේ මෝටර් රථය පැදවීමට පුරුදු පුහුණු විය. ඒ ජයතිස්සගේ මළසිරුර මෝටර් රථයේද තබාගෙනය. පසුව ඉකුත් 24 වෙනි දින මොරටුව, එගොඩ උයන, රංවැලි මාවත අසල පිහිටි ලී මෝලක් ආසන්නයට ගොස් ජයතිස්සගේ මළසිරුර පිටතට ගෙන පුළුස්සා දැමීය. අනතුරුව මෝටර් රථය රැගෙන ගොස් කහතුඩුව ප්‍රදේශයේ ඇලක් වෙත තල්ලු කර දැමූ සඳුන් කොළඹට පැමිණියේය.
කොළඹ කරක් ගසමින් සිටි ඔහුට දිනක් පාසල් මිතුරෙකු වූ කොළඹ 05, තිඹිරිගස්යාය පාර පදිංචි ගණිදු මල්ෂාන් හමු විය. ඡායාරූප ශිල්පියෙක් වූ ඔහු මෝස්තර නිරූපණ ශිල්පියෙකුද ලෙස ඒ වනවිට කටයුතු කරමින් සිටියේය. ඔහු සමග අතීත තොරතුරු කතා කරමින් සිටි සඳුන්ට එම අවස්ථාවේ දැන ගැනීමට ලැබුණේ ගණිදුට ජපන් වීසා ඇති බවත් නුදුරු දිනකදීම ඔහු විදේශ ගත වන බවත්ය.

දින කිහිපයක් පුරා කොළඹදී ගණිදු හමු වූ සඳුන් ඉකුත් 29 වෙනි දිනද ඔහු සමග ගියේ රණාල ලැඟුම්හලක් වෙතය. එහි ගොස් සිටි සඳුන්ට මුදල් අවශ්‍යතාවක්  ඇති වූ හෙයින් මුදලක් ඉල්ලා ගැනීමට ඔහු නඳුන් සොයා මහරගම ගියේය. ඒ වනවිට නිවසේ නඳුන්ගේ අයියා සිටි අතර ඔහු පවසා සිටියේ “මිරිහාන යුනිට් එකෙන් ඇවිත් මල්ලිව අරන් ගියා“ යනුවෙනි. ඒ සමගම සඳුන්ට සිහිපත් වූයේ ජයතිස්සගේ ඝාතනයය. තමන් පිළිබඳ ඉව වැටුණ ‍පොලීසිය නඳුන්වද එහි රැගෙන ගිය බව වටහා ගත් සඳුන් නඳුන්ගේ සහෝදරයාගෙන් රුපියල් දහසක්ද ණයට ඉල්ලාගෙන රණාලට පැමිණෙන තුරු කල්පනා කළේ මෙයින් බේරී පලා යන මාර්ගයක් පිළිබඳවය.

සිය මිතුරා වූ ගණිදු තමන්ගේ පෙණුමට සමාන බවත්, ඔහුගේ ‍ලේ වර්ගයම තමන්ට ඇති බවත් සඳුන්ට සිහිපත් වූයේ එම අවස්ථාවේදීය. ඔහු ලැඟුම්හලට යන අතරමගදී පෙට්‍රල් බෝතලයක්ද මිලට ගත්තේය. ඒ ගණිදුව ඝාතනය කර ජපන් යාමටය.

ලැඟුම්හලට යනවිට සුවබර නින්දක පසු වූ ගණිදුව ගෙල මිරිකා මරා දැමීමට සඳුන් දෙවරක් සිතුවේ නැත. එසේ ඝාතනය කිරීමෙන් පසු කාමරයේ නාන කාමරයට ඇද දමා පෙට්‍රල් වත්කර ගිනි තැබුවේය. ඊට පෙර හෙතෙම තම මාලයද ගණිදුගේ ගෙලට දැමුයේ  පිළිස්සී මියගොස් ඇත්තේ සඳුන් නමැති තමා බව ‍පොලීසියට ඒත්තු ගැන්වීමටය.
අනතුරුව ඔහු ලඟුම්හල් සේවකයන්ට දන්වා සිටියේ තම මිත්‍රයා ගිනි තබාගෙන ඇති බවය. මෙහිදී ගණිදුගේ රියැදුරු බලපත්‍රය, ජාතික හැඳුනුම්පත ඇතුළු ලියකියවිලි කිහිපයක් සොරා ගත් සඳුන් ‍පොලීසිය පැමිණෙන විට ඉතා සුක්ෂ්ම ආකාරයෙන් ලැගුම්හලෙන් පිටව යාමට සමත් විය.

ඔහු එසේ එම ලැඟුම්හලෙන් පිටවූයේ නිකමට නොවේ.  ගණිදුගේ යතුරුපැදියද රැගෙනය. එතැනින් පිටවූ සඳුන් ඊළඟට ගොස් තිබුණේ ශිරෝමාගේ නිවසටය. ඒ ජපන් යනතෙක් නවාතැන් ඉල්ලීමටය. සිය මිතුරියගේ පුතාට පිටුනොපෑ ශිරෝමාට අවසානයේ සිය දිවි බේරා ගැනීමට හැකිවූයේද අනූනවයෙනි. ඒත් එහිදී ඇගේ මෙහෙකාරිය ඝාතනය විය.

මේ ඝාතනය සම්බන්ධයෙන් බස්නාහිර පළාත දකුණ භාර නියොජ්‍ය ‍පොලිස්පති වසන්ත වික්‍රමසිංහ, නුගේගොඩ කොට්ඨාස භාර ‍පොලිස් අධිකාරී ප්‍රසාද් රණසිංහ හා කොට්ඨාස 01 ‍පොලිස් අධිකාරී සමන් සිගේරාගේ උපදෙස් මත මිරිහාන මූලස්ථාන ‍පොලීසියේ ස්ථානාධිපති ප්‍රධාන ‍පොලිස් පරීක්ෂක හේමන්ත විජයවර්ධනගේ අධීක්ෂණයෙන් අපරාධ අංශයේ ස්ථානාධිපති උප ‍පොලිස් පරීක්ෂක සමීර නුවන් විරතුංගගේ මෙහෙයවීමෙන් ‍පොලිස් සැරයන් (28762) කුලරත්න, (11069) නිමල්, (4853) චන්දන, (57729) සෙනරත් ‍පොලිස් කොස්තාපල්වරුන් වන (84771) අකලංක, (82128) කෝසල, (40841) කුමුදේශ්, (91364) බණ්ඩාර, (70456) කරුණාවිදාන, (81598) විරාජ්, (80539) රත්නායක, (66267) විජේසූරිය, (69080) ප්‍රමිල, (64243) තරංග, (38535) බණ්ඩාර හා කාන්තා ‍පොලිස් කොස්තාපල් (10200) ගයනි ‍පොලිස් කොස්තාපල් රියැදුරු (77506) අමරසිංහ යන නිලධාරීන් විසින් විමර්ශන පවත්වා සැකකරු අත්අඩංගුවට ගෙන තිබේ.

ඡායාරූප - සමීර අබේසිංහ

ශානිකා මාධවී පීරිස්

  1. අම්පාරෙන් මතුවුණේ වඳවුණූ නිට්ටෑවන්ද ?
  2. අපටත් නොදැනීම අපේ සල්ලි බැංකුවෙන් ගන්නා ATM හොරු
  3. ඡායාරූපවලින් ඩයස්‍පෝරාව අන්දන උතුරේ හොර කොටි
  4. ලොක්කන්ගේ දුරකථන ආණ්ඩුව ටැප් කරලද?
  5. සේනා ඉබේ ආවාද? ගෙන ආවාද?
  6. වනාතවිල්ලුව අන්තවාදීන්ගේ කඳවුර පන්සල්වලට ගහන්න බෝම්බ හැදූ තැනද?
  7. නත්තල් දා කුඩාවැල්ල ලේ වැල්ලක් කළ සිව් පුද්ගල ඝාතනයේ සුලමුල හෙළිවෙයි
  8. කාන්තාවන් 450ක් කෙස් දන්දුන් මහා දන්සැල
  9. රටට රස බෙදන ගමන් කොත්ම‍ලේ ඔය ජරා කරන යෝගට් ෆැක්ටරිය
  10. මිල්කෝ සතුන්ට වෙන් කළ කිරිපිටි මිනිසුන්ට ‍පොවන කුලියාපිටියේ ජාවාරම
  11. ඒ තාත්තා 5වැනි මහලෙන් දරුවා බිමට දමද්දී බැංකු නිලධාරියෙකු ඔහු අල්ලා ගත්තා
  12. මේජර් ජෙනරාල් ශවේන්ද්‍ර සිල්වා තීරණාත්මක මංකඩ අබියස
  13. මෝටර් රථ ලියාපදිංචියට නව ක්‍රමයක්
  14. පුලියන්කුලම කැලෙන් කොටි පුල්ලි මතුවේ
  15. බලාගෙනයි සතුන්ට දැමූ කිරිපිටි වෙළෙඳ‍පොළට ඇවිත්
  16. ගෙල නොකපාම උගුරේ පිළිකාව ඉවත් කළ විස්මිත සැත්කම
  17. අප්‍රිකාවේ බල්ලන්ට හැදෙන ලෙඩක් අපේ රටෙත්
  18. විජේවීරත් බිය වූ එකම පොලිස්කාරයා
  19. ආණ්ඩුකාරවරු ගෙදර යැවූ චන්ද්‍රිකාගේ කුමන්ත්‍රණය
  20. නාමල් කුමාර රෝහිණී හතුරුසිංහගේ “මල්ලීි
  21. සේද මාවතේ රහස් සොයා මන්නාරම් වරාය කැණීම් යළි ඇරඹේ
  22. සිරීපාදේ ඉරසේවය ලෝකෙටම එකයි
  23. ලංකාවේ ගොවිතැන වනසන සේනා දළඹු සංහාරයට දහයියා අළු
  24. චිකාගෝ ක්‍රමයට බන්ධනාගාරයෙන් පැන ගිය සිරකරු මීමුරෙන් මතුවෙයි
  25. කළුතරින් මතු වූ අලුත් සක්විත්තා “අසංක”

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.