lakbima.lk

 විල්පත්තුව ජාතික වනෝද්‍යානයේ ආරක්ෂක තත්වය පරික්ෂා කිරීමට යමින් සිටි ශ‍්‍රි ලංකා යුධ හමුදාවේ සාලියපුර ගජබා රෙජිමේන්තුවේ සේනා විධායකවරයා ඇතුළු පිරිසක් ටී පන්ස් හය වර්ගයේ ස්වයංක්‍රීය ගිනි අවිවලින් වෙඩි තබා ඝාතනය කිරීමේ සිද්ධිය සම්බන්ධයෙන් අත්අඩංගුවට පත්වී වසර නමයකට අධික කාලයක් අඛණ්ඩව රක්ෂිත බන්ධනාගාරගතව සිටි එල්.ටී.ටී.ඊ ත්‍රස්ත සංවිධානයේ හිටපු ප්‍රබල සමාජිකයන් දෙදෙනෙකු එකි චෝදනාවන්ට අධිකරණය හමුවේ වරද පිළිගැනීමෙන් අනතුරුව වසර දහය බැගින්වූ බරපතල වැඩ සහිත සිරදඩුවමක් උතුරුමැද පළාත්බද මහාධිකරණ විනිසුරු මහේෂ් වීරමන් මහතා විසින් ඊයේ (21දා) නියම කලේය.

දඩුවම් නියමවුයේ අංක 43කල්ලන්ඩි කුලම් වව්නියා ලිපිනයේ පදිංචිව සිටින සූරියකාන්ති ජෙයචන්ද්‍රන් නොහොත් උදයන් නොහොත් අයියන් හා වෙල්ලමුල්ලිවයික්කායි මුලතිව් ලිපිනයේ පදිංචි සිවප්‍රකාශම් සිවසීලන් නොහොත් ඉහෙයිකිරන් නොහොත් සත්‍යන් යන දෙදෙනාටයි.ඔවුන්ට එරෙහිව නගා තිබූ අධි චෝදනාවන්ට වසර පහ බැගින් වසර දහයක සිරදඩුවම් නියමක විනිසුරුවරයා එම දඩුවම එකවර ගෙවියන ලෙස ක්‍රියාත්මක බව විවෘත අධිකරණය හමුවේ පැවසුවේය.

වර්ෂ 2007 මාර්තු මස 09වනදින හෝ ඊට ආසන්න දිනයකදී විල්පත්තුව ජාතික වනෝද්‍යානයේ කොක්අරියවිල් ප්‍රදේශයේ කැලෑවක සැගවී සිට වනෝද්‍යානයේ ආරක්ෂක තත්වය පරික්ෂා කිරීමට යමින් සිටි අනුරාධපුර සාලියපුර යුද හමුදා කදවුරේ සේනාවිධායකවරයවූ කර්නල් ජයන්ත සුරවීර මේජර් ඩී.එස්.ඒ ජයසේන මහත්වරුන් ඇතුළු යුද හමුදා සෙබළුන් වන 46046 කපිල කුමාර 466793 සුරංග ඇතුළු පිරිසක් එල්ලවූ දරුණු වෙඩි ප්‍රහාරයෙන් බරපතල තුවාල ලබා ජීවිතක්ෂයට පත්වී තිබුණි.

විල්පත්තුව කොක්අරියවිලදී පැමිණිල්ල නොදන්නා අන්අයත් සමග එක්වී ශ්‍රී ලංකා යුද හමුදාවේ නිලධාරින්ගේ මරණය සිදුකිරිමේ පොදු අරමුණ කරගත් නීති විරෝධී රැස්වීමක සාමාජිකයන්වීම හා යුද හමුදා නිලධාරින් පිරිස මරණයට පත්කිරිම ඇතුළු අධි චෝදනා නමයක් සම්බධයෙන් විත්තිකරුවන් අධිකරණය හමුවේ චෝදනා ලබා සිටියහ.

විත්තිකරුවන්ගේ චෝදනා සම්බන්ධයෙන් සලකා බැලු අනුරාධපුර මහාධිකරණ විනිසුරු මහේෂ් වීරමන් මහතා විත්තිකරුවන්ට එක සිට පහ දක්වා ඇති චෝදනාවන්ට වසර පහ බැගින් වසර දහයක බරපත වැඩ සහිත සිරදඩුවමක් නියමකල අතර හයේ සිට නමය දක්වාවූ අධි චෝදනාවන් විකල්ප චෝදනා වන බැවින් එම චෝදනා වලින් එක දෙක චූදිතයින් නිදොස් කොට නිදහස් කෙරුණි.

නඩුව විභාගයට ගත් අවස්ථාවේ විත්තිකූඩුවේ සිටි දෙවැනි විත්තිකරු විවෘත අධිකරණය හමුවේ ප්‍රකාශයක් සිදුකල යුතු බව විනිසුරුවරයාට දැන්වූ අතර විනිසුරුතුමන් ඔහුට එම ප්‍රකාශය සිදුකිරීමට අවසරය ලබා දුන්නේය. එහිදි දෙවන විත්තිකරු කියා සිටියේ සිය මව නැගණිය ඇතුළු සහෝදරයන් යුද්ධයෙන් මියගිය බවයි. ජීවත්ව සිටි පියාත් මීට මාස කිහිපයකට ඉහතදී මියගිය බව අධිකරණයට පැවසු අතර වසර නමයක පමණ කාලයක් අඛණ්ඩව රක්ෂිත බන්ධනාගාරගතව සිටින තමන්ට සිර දඩුවම් නියම කරන ලෙසත් එසේ නොකරන්නේ නම් ආහාර වර්ජනයකර බන්ධනාගාරයේ උපවාසයක නිරතවන බව පැවසුවේය.

එහිදි විවෘත අධිකරණය ඇමතු විනිසුරුවරයා ආහාර වර්ජනය කිරීමේ අවශ්‍යතාවක් නෑ. විත්තිකරුවන් රක්ෂිත බන්ධනාගාර ගතව සිටි කාලය සලකා බලමින් හා අධිකරණය හමුවේ වරද පිළිගැනීම පිළිබදව සැලකිල්ලට ලක්කරමින් අවම සිර දඩුවමක් ලබාදෙන බව පැවසුවේය .ඒ අනුව විත්තිකරුවන්ට සිරදඩුවම් නියම කෙරුණි.

මෙම විත්තිකරුවන් ත්‍රස්ත විමර්ශන ඒකකය මගින් අත්අඩංගුවට ගෙන තිබූ අතර සිද්ධියවූ ස්ථානයේ තිබී ටී-56වර් ගයේ ස්වයංක්‍රීය ගිනි අවියට යොදන හිස් උණ්ඩ 35ක් තරු සහිත කැප් තොප්පියක් පොරවක් ඩබල්කැබ් රථයක් යුදහමුදා හැදුණුම්පත් ජංගම දුරකථන දෙකක් ඇතුළු නඩු භාණ්ඩ 15ක් අධිකරණයට ඉදිරිපත්කර තිබුණි. පැමිණිල්ල වෙනුවෙන් පොලිස් අධිකාරිවරයෙකු ඇතුළු සාක්ෂිකරුවන් 31දෙනෙකු අධිකරණයට ඉදිරිපත්කර තිබුණි.

අනුරාධපුර - මහේෂ් විජේසූරිය

  1. විපක්ෂ නායක මහින්ද පාර්ලිමේන්තුවේ වැඩ අරඹයි
  2. මිලියන් 1080ක කුඩු කොල්ලුපිටියෙන් අල්ලයි
  3. පාර්ලිමේන්තු ගැටුමේ වාර්තාව කථානායකට
  4. සේනා හානියට මිලියන 250ක්
  5. හොඳම ජාත්‍යන්තර ක්‍රිකට් විනිසුරු ධර්මසේන
  6. පාර්ලිමේන්තුව අද රැස්වේ
  7. වරෙන්තුවෙන් වැඩක් නැහැ - බ්‍රිගේඩියර්ට දඬුවම් දෙන්න බ්‍රිතාන්‍යයට බැහැ
  8. ගෝඨාභය විශේෂ මහාධිකරණයට
  9. සේනා තඹුත්තේගමත් ආක‍්‍රමණය කරලා?
  10. වට්ස්ඇප් (WhatsApp) සඳහා සීමා පැනවේ
  11. කුඩුත් එක්ක ජර්මන් කතුන් දෙදෙනකු අත්අඩංගුවට
  12. ගිනි අවි බලපත්‍ර අහෝසියි - අලුතෙන් ගන්න වෙයි
  13. දෙදෙනෙකුට මරු කැඳවමින් අනතුරට පත්ව ඇත්තේ යුද හමුදාපති ආරක්ෂක රියක් (Update)
  14. කුඩාවැල්ලේ සිව් පුද්ගල ඝාතනයට ගිය යතුරු පැදිය කාණුවක සඟවා තිබියදී සොයා ගනී
  15. මත්ද්‍රව්‍ය ජාවාරම් ගැන කියන්න නව දුරකතන අංකයක් - ගාස්තු අය නොකෙරේ
  16. ජනපතිවරණයට පෙර මහ මැතිවරණයකට එ.ජා.ප.ය සැරසේ
  17. උතුරෙන් යන්න බැරි යැයි ‍පොලිස් නිලධාරීහු කියති
  18. රටපුරා ජලභීතිකා එන්නත් හිඟයක්
  19. ආණ්ඩුව කියන්නේ බොරු ව්‍යවස්ථා කෙටුම්පත පාර්ලිමේන්තු වෙබ් අඩවියේ
  20. වටිටක්කා ගන්න ගිය ඇමති ගොවියන්ට දුන් සහතිකය
  21. නීතිවිරෝධී අවි ගැන ඔත්තු දුන්නොත් ‍පොලීසියෙන් තෑගි
  22. යතුරුපැදි අනතුරින් පාසල් සිසුවකු මරුට
  23. යුද හමුදාවෙන් අලුත් මෙහෙයුමක් - උතුරේ ජනතාවගේ ප්‍රසාදය
  24. සේනා ප්‍රහාරය දරුණු වෙයි ; වලපනේ තෙරිපැහැ ප්‍රදේශයෙනුත් සේනා හමුවෙයි
  25. මහින්දට ශ්‍රීලනිපයෙන් ඇරයුමක්

Page 4 of 677

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.