lakbima.lk

මිරිදිය ධීවරයන්ට විශ්‍රාම වැටුපක් හඳුන්වා දීමට කටයුතු කරන බව කෘෂිකර්ම, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී. හැරිසන් මහතා අනුරාධපුර මධ්‍ය විද්‍යාලයේ පැවති මිරිදිය ධීවර හා ජලජීවි වගා තාක්ෂණික සමුළුව අමතමින් පැවසීය.

එහිදී වැඩිදුරටත් අදහස් දැක්වූ අමාත්‍යවරයා - රටේ ප්‍රෝටීන අවශ්‍යතාවයෙන් කොටසක් සපුරාලන්නේ මේ ධීවර ජනතාව.

අද ධීවර කර්මාන්තයේ පූර්ණකාලීනව ධීවරයන් යෙදී සිටිනවා. එදා එහෙම නෑ. තමන්ම මාළු ඇල්ලුවා, ආහාරයට ගත්තා. නමුත් වැවක්, ජලාශයක් කේන්ද්‍ර කරගනිමින් ධීවර සමිතියක්, ධීවර සාමාජිකයින් පිරිසක් අද ජීවිකාව සරිකර ගන්නවා. ඒ හේතුවෙන් මිරිදිය මත්ස්‍ය වගාව අපි ක්‍රමවත්ව ආරම්භ කරන්න ඕනෑ. මාළු අල්ලලාම මදි. මාළු වගා කරලා අල්ලන්න ඕනෑ. ඒ නිසා මම පුරන් වූ ඉඩම් හා වගා කළ නොහැකි භූමි හඳුනාගෙන පොකුණු ඉදිකර ජලජීවි වගාව ආරම්භ කරන්න කියලා ජලජීවි දෙපාර්තමේන්තුවට උපදෙස් ලබා දුන්නා.
 

මේ වසරේ ලංකාව පුරා වැව් 700ක් පමණ ප්‍රතිසංස්කරණය කරනවා. ඒ වැව් සඳහා මාළු පැටව් දාන්න අපි සැලසුම් කරලා තියෙන්නේ. ඒ වගේම වැව් බොහොමයක් ගොඩ වෙලා. ධීවර කර්මාන්තයට එය ගැටළුවක්. ඒ ගැටළුවටත් අපි පිළියමක් හොයනවා.

ඇතැම් විට වාරිමාර්ග නීතිරීතිත් ධීවර කර්මාන්තයට බලපාලා තියෙනවා. මම වාරිමාර්ග අමාත්‍යවරයා ලෙසත් කටයුතු කරන නිසා, එම ගැටළු නිරාකරණය කර දෙන්න මම කටයුතු කරනවා.

කරදිය ධීවරයන් මෙන්ම මිරිදිය ධීවරයන් ද රක්ෂණය කළ යුතුයි. මම ඒ සඳහා කෘෂි රක්ෂණ මණ්ඩලයට යෝජනාවක් ඉදිරිපත් කළා. අපි මේ වසරේ මිරිදිය ධීවරයන්ව රක්ෂණය කරනවා. දළ දේශීය නිෂ්පාදනයට දායක වෙමින් මේ ධීවරයන් කැප වුණත්, වයසට ගියාම ඉතුරු වෙන්නේ ඔරුවයි, දිරාගිය කොල්ලෑවයි විතරයි. මම මේ ධීවරයන්ටත් විශ්‍රාම වැටුපක් යෝජනා කරන්නේ ඒ හින්දා.
 

බංගලාදේශය, තායිලන්තය වැනි රටවල නිවස තුළම මාළු වගා කරන තාක්ෂණයක් ඔවුන් ළඟ තියෙනවා. මම ධීවර දෙපාර්තමේන්තුවට කිව්වා, අපේ රටේ ධීවරයින්, ධීවර සමිතිවල නිළධාරීන් මේ රටවල තාක්ෂණික දැනුම බෙදා ගන්න විදේශීය ශිෂ්‍යත්ව ධීවරයන්ටත් ලබා දෙන්න අවශ්‍යයි කියලා. අපි බලාපොරොත්තු වෙනවා ධීවරයන් බංගලාදේශයට, තායිලන්තයට යවන්න මේ තාක්ෂණය ඉගෙන ගන්න යැයි අමාත්‍යවරයා වැඩිදුරටත් කීය.

මෙම සමුළුවේදී හොඳම ධීවර සමිතිය වෙනුවෙන් රු. ලක්ෂ දෙකක වටිනාකමින් යුත් මත්ස්‍ය පැටව් මිලදී ගැනීමට චෙක්පතක් ද, හොඳම ධීවරයා වෙනුවෙන් රු. 10,000ක මුදලක් ද, අනෙකුත් ධීවරයන් වෙනුවෙන් ලක්ෂ 55 ක් පමණ වටිනාකමින් යුත් දැල් ආම්පන්න, බෝට්ටු ආදිය ද, ධීවර නිවාස අලුත්වැඩියාව වෙනුවෙන් එක් ධීවරයෙකු සඳහා රු. 50,000 බැගින් ධීවරයන් 21 දෙනෙකු සඳහා මුදල් ආධාර ද අමාත්‍යවරයාගේ ප්‍රධානත්වයෙන් පිරිනැමිණ.

මෙම අවස්ථාවට ජාතික ජලජීවි වගා සංවර්ධන අධිකාරියේ සභාපති නුවන් ප්‍රසන්න මදවන්ආරච්චි මහතා, අධ්‍යක්ෂ ජනරාල් නිමල් චන්ද්‍රරත්න මහතා, දිස්ත්‍රික් අධ්‍යක්ෂ සිසිත කුමාර මහතා ඇතුළු නිළධාරීන් පිරිසක් සහභාගි විය.

  1. කේරළ ගංජා සමඟ පුද්ගලයින් දෙදෙනෙකු අත්අඩංගුවට
  2. පුද්ගලයින් ලියාපදිංචි කිරිමේ කාර්යාලයක් නුවරඑලියට
  3. පවතින වැසි තත්ත්වයේ වැඩිවීමක්
  4. පැසිපික් ළමා සමුළුවට සහභාගී වන සිසුන්ට ගුවන් ටිකට්පත්
  5. යටිතල පහසුකම් සංවර්ධනයට ශ්‍රී ලංකාවට ඩොලර්
  6. තේ වත්තේ මැණික් ගැරු ජාවාරම්කරුවන් 7ක් පොලිස් අත්අඩංගුවට
  7. නුවරඑළිය මහ රෝහල සඳුදා ජනතා අයිතියට
  8. පළමු ශ්‍රේණියට සිසුන් ඇතුළත් කිරීමේ නව සංශෝධන සඳහා අනුමැතිය
  9. අමු මිරිස් ගණන් උස්සයි
  10. කෘෂිකර්මාන්තයට පණ පොවන වැව් ගම් පුබුදුව
  11. අතුරුදහන්ව සිටි අලුත් ගෙදර සුදුමැනිකේ සොයා ගනියි
  12. ගුරු විදුහල්පති වැටුප් විෂමතා සම්බන්ධයෙන් මුදල් අමාත්‍යාශයේ අවධානය
  13. ධීවර අවසරපත් නොමැතිව මසුන් ඇල්ලූ පුද්ගලයින් 09 ක් අත්අඩංගුවට
  14. ජලජීවී වගා පර්යේෂණ කේන්ද්‍රය විවෘත වෙයි
  15. වැන් රථයක් තුල අභිරහස් ලෙස මිය ගිය අයෙකුගේ සිරුරක් හමුවෙයි
  16. හොර දැල් එලූ පිරිසක් දැලේ
  17. ඉන්ධන මිල වෙනස්වෙයි
  18. ජාතික ආරක්ෂාව පිළිබඳ වෘත්තික උපදේශක මණ්ඩලයක්
  19. විදුලිබල මණ්ඩලයයි ඛනිජ තෙල් සංස්ථාවයි එකඟතාවයකට
  20. ලොරි රථයකට යට වු පාසල් සිසුවාට බරපතලයි
  21. හම්බන්තොට වරායේ නීති විරෝධී ලෙස යකඩ ප්‍රවාහනය කළ පුද්ගලයින් අත්අඩංගුවට
  22. පුජීතට හා හේමසිරිට ඇප
  23. යතුරු පැදි අනතුරෙන් තිදරු පියා මරුට
  24. ඇමතිකම් ගන්නවාට වඩා රටේ සාමය සහජීවනය ඇති කරන්න කැපවෙනවා
  25. පින්නදූව පිවිසුමේ ඇති බුද්ධ ප්‍රතිමාව ඉවත් කිරීමට එරෙහිව විරෝධතාවක්

Page 2 of 2438

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.