lakbima.lk

නාවික හමුදාපති වයිස් අද්මිරාල් පියල් ද සිල්වා මහතා නාවික හමුදාපති ධූරයේ වැඩ බාරගත් පසු ඔහු අකුරු කළ අම්බලන්ගොඩ ධර්මාශෝක විද්‍යාලයට ඊයේ (17) පැමිණියේය. ඒ ධර්මාශෝක විද්‍යාලයෙන් බිහිවු ප්‍රථම නාවික හමුදාපතිතුමන්ට හරසර දැක්වීමට විදුහල්පති ගුරුභවතුන් සහ සිසු දරු දැරියන් සංවිධානය කර තිබූ උත්සවයට සහභාගී වීම සඳහාය.  

ධර්මාශෝක විද්‍යාලයේ දීප්තිමත් ආදි ශිෂ්‍යයෙකු වන වයිස් අද්මිරාල් පියල් ද සිල්වා මහතා අධ්‍යාපන කටයුතු සහ විෂය බාහිර ක්‍රියාකරකම් මෙන්ම පැසිපන්දු ක්‍රීඩාවට ද විශේෂ දක්ෂතා දැක්වූ අයෙකි.

එම උත්සව අවස්ථාවෙන් පසු පාසල් පැසිපන්දු ක්‍රීඩා පිටියේදී විද්‍යාලීය පැසිපන්දු කණ්ඩායම සහ ආදිශිෂ්‍ය කණ්ඩායම අතර සුහද පැසිපන්දු තරඟාවලියක් පැවැත් විය.

පාසල් සමයේදී පැසිපන්දු ක්‍රීඩා කළ කාලය සිහි කරමින් මෙන්ම නාවික හමුදා පැසිපන්දු කණ්ඩායමේ දක්ෂ පැසිපන්දු ක්‍රීඩකයෙකු ලෙස තරඟ වැදුණු නාවික හමුදාපති තුමන් විද්‍යාලීය පැසිපන්දු කණ්ඩායමට නව අත්දැකීම් රාශියක් ලබා දීමට මෙම තරඟය අවස්ථාවක් කර ගත්තේය.

තරඟාවලිය අවසානයේ නාවික හමුදාධිපතිතුමා විසින් විද්‍යාලයේ පැසිපන්දු ක්‍රීඩාව වැඩිදියුණු කිරීමේ අදහසින් පැසිපන්දු ප්‍රදානය කිරීමක්ද සිදු කරන ලදී.

 

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.