lakbima.lk

කොරියානු රැකියාවකට ගොස් උපයන ලද මුදලින් රුපියල් ලක්ෂ පහක් තම අතිජාත  මිතුරෙකුට ලබාදුන් තරුණයෙකු වසර පහකට පසු එම මුදල යලි ඉල්ලීමට යාමේදී  මිතුරාගෙන් හා ඔහුගේ සහෝදරයන්ගෙ පොලු මුගුරු පහරකෑමට ලක්ව බරපතල තුවාල දඹුල්ල මුලික රෝහලට ඇතුලත් කරතිබේ.

දඹුල්ල නගරයේ පදිංචි 30 හැවිරිදි අසන්ජන සේනාරත්න නමැති තරුණයා මෙසේ රෝහල්ගතව ඇත.

2015 වසරේදී මිතුරාට රුපියල් ලක්ෂ පහක මුදල්  ලබාදී ඇත්තේ වාචික එකඟතාවයකිනි. කොරියාවේ සිටින තම මිතුරා සමග  දුරකතනයෙන් සම්බන්ධවී අදාල මුදල ඉල්ලා ඇත්තේ දඹුල්ල අතුපාරයාය පදිංචි නිශ්නත දිල්හාර නම්වූ අයෙකි.එවකට කොරියාවේ සිටි අසන්ජන තමා උපයන මුදල මවගේ ගිණුමට ඒවා තිබේ.ඒ අනුව  තම මවගේ ගිණුමෙන් අදාල මුදල මව හරහා මිතුරාට ලබාදී තිබේ.

කොරියාවේ සේවය කිරීමෙන් අනතුරුව මෙරටට පැමිණි අසන්ජන මිතුරාගෙන් රුපියල් ලක්ෂ පහක මුදල අවස්ථා ගනනාවකදී යලි  ඉල්ලා ඇතත් විවිධ හේතු දක්වමින් මුදල් ලබාදීම මඟ හැර ගොස් තිබේ.එම මුදලට අදාල අගරු චෙක්පත්ද ලබාදී තිබේ. මේ අතරතුර අසන්ජන සංචාරක හෝටලයක් ඉදිකරමින් තිබියදී මුදල් අවශ්‍යතාවයකට යලිත් මුදල් ඉල්ලා තිබේ.මිතුරා එම අවස්ථාවේ කියා ඇත්තේ පොලියකට හෝ මුදල් සොයා ගන්නා ලෙසත් එම මුදල් පියවීමට කටයුතු කරන බවය.

එම පොරොන්දුවද කඩකිරීමෙන් පසු   මිතුරා මුණ ගැසී මුදල් ලබාගැනීමට  අතුපාරයාය  මිතුරාගේ  නිවෙසට ගොස් ඇත්තේ 06 දින පස්වරු 7.00 පමණය.එම අවස්ථවේ කැබ් රියකින් පැමිණි මිතුරා හා ඔහුගේ සහෝදරයින් දෙදෙනෙකු එක්ව පොලු මුගුරුවලින් තමාට බරපතල ලෙස පහරදී පලාගිය බවට පොලිසියට ප්‍රකාශ කර ඇත..

සිද්ධියට සම්බන්ධ සැකකරුවන් තිදෙනා ප්‍රදේශය මඟ හැර ගොස් ඇති බව පොලිසිය කියයි.

දඹුල්ල පොලිසිය වැඩිදුර පරීක්ෂණ සිදුකරයි.

දඹුල්ල - අශෝක එරමිනිගම්මන

Page 2 of 270

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.