lakbima.lk

 

හච් ශ්‍රී ලංකා සුපර් සීරීස් 2019 තරගාවලියේ ආරම්භය ශ්‍රී ලංකා යුද හමුදා සහ ශ්‍රී ලංකා නාවික හමුදා නිලධාරීන්ගේ සහභාගීත්වයෙන් නිල වශයෙන් මාර්තු මස 28 වනදා DIMO 800 ශ්‍රවණාගාරයේදී ප්‍රකාශයට පත් කෙරිණි. ශ්‍රී ලංකා මෝටර් රථ හා යතුරුපැදි ධාවකයන්ගේ සංගමය (SLARDAR), ආසියානු මෝටර් රථ ධාවකයන්ගේ ක්‍රීඩා සමාජය (AMRC), සිලෝන් මෝටර් ස්පෝර්ට්ස් ක්‍රීඩා සමාජය (CMSC) මෙන්ම මෙම තරගාවලියේ ප්‍රධාන අනුග්‍රාහකවන හච් සමාගම ද, සම අනුග්‍රාහකයන්වන Stafford Motors HONDA, McLarens Lubricants MOBIL සහ Promowatch සමාගම් ද නියෝජනය කරමින් නිලධාරීහු රැසක් ද මෙම අවස්ථාව සඳහා සහභාගී වූහ. තරගාවලිය අවසානයේදී දක්ෂත ම මෝටර් රථ ධාවකයාට සහ යතුරුපැදි ධාවකයාට Stafford Motors සමාගමේ අනුග්‍රහයෙන් Honda වර්ගයේ යතුරුපැදිය බැගින් පිරිනැමේ.

ෆොක්ස් හිල් සුපර්ක්‍රොස්, කැවල්රි සුපර්ක්‍රොස්, කමාන්ඩෝ චැලේන්ජ් සුපර්ක්‍රොස්, කටුකුරුන්ද තරගාවලිය, කලම්බෝ සුපර්ක්‍රොස් සහ ශා. ජේම්ස් හිල් ක්ලයිම්බ් යන තරගාවලි අටකින් හච් ශ්‍රී ලංකා සුපර් සීරීස් 2019 තරගාවලිය සමන්විත වේ. 2019 දෙසැම්බර් මසදී මෙහි ප්‍රධාන ත්‍යාග ප්‍රදානෝත්සවය පැවැත්වීමට නියමිතය.

කෙසේවෙතත්, ආධුනිකයන්, නවකයන් මෙන්ම ප්‍රවිණයන්ද අමන්දානන්දයට පත් කරමින් එතෙක් මෙතෙක් ඉතිහාසයේ දැවැන්තම ත්‍යාග මල්ල  පිරිනැමීමමින් මෝටර් රථ ක්‍රීඩාව නව මානයකට යොමු කළ ශ්‍රී ලංකා මෝටර් රථ හා යතුරුපැදි ධාවකයන්ගේ සංගමයට (SLARDAR) මෑතකදී පනවන ලද තහනම මෝටර් රථ ක්‍රීඩා ලෝලීන්ගේ මෙන්ම තරගකරුවන්ගේ ද අප්‍රසාදයට ලක්ව තිබේ. හච් ශ්‍රී ලංකා සුපර් සීරීස් 2019 තරගාවලියේ ශූරයන් දෙදෙනා සඳහා මෝටර් රථ දෙකක් පිරිනැමීමට මුලදී සැලසුම් කර තිබුණ ද, මෙම තහනම හේතුවෙන් අනුග්‍රාහක භවතුන් කිහිප දෙනෙක් සිය තීරණ වෙනස් කිරීම නිසා පෙර පරිදි එම මෝටර් රථ දෙක පිරිනැමීමට නොහැකිවී ඇතැයි එම සංගමය පැවසුවේය.

මෙම තහනම අධිකරණයේදී අභියෝගයට ලක් කෙරුණු අතර අධිකරණය විසින් එම තහනම ඉවත් කරන ලදි. මෙම තරගාවලියේ ප්‍රධාන අනුග්‍රාහකයා ලෙස හචිසන් ටෙලිකොමියුනිකේෂන්ස් සමාගම කටයුතු කරන අතර එම තරගාවලිය ආසියානු මෝටර් රථ ධාවකයන්ගේ ක්‍රීඩා සමාජය (AMRC) සහ සිලෝන් මෝටර් ස්පෝර්ට්ස් ක්‍රීඩා සමාජය (CMSC) සමග එක්ව සංවිධානය කෙරේ.

Honda 1-make තරග කාණ්ඩය මෙවර හච් ශ්‍රී ලංකා සුපර් සීරීස් තරගාවලියේ සුවිශේෂී ඉසව්වකි. යතුරුපැදි ධාවන තරග සඳහා පිවිසීමට අපේක්ෂා කරන නවක ක්‍රීඩකයන් වෙනුවෙන් ම වෙන්වූ මෙම ධාවන ඉසව්ව Stafford Motors Honda විසින් අනුග්‍රාහකත්වයෙන් සංවිධානය කෙරේ. පූර්ණ අනුග්‍රාහකත්වය ලද යතුරුපැදි 16ක් වෙනුවෙන් මෙම අනුග්‍රාහකත්වය හිමිවන අතර එම යතුරිපැදි ධාවකයන් හට තරගාවලියේදී ධාවනය කිරීමට Honda 1-make යතුරුපැදිය බැගින් පිරිනැමේ.

මෙහිදී අදහස් පළ කළ ශ්‍රී ලංකා මෝටර් රථ හා යතුරුපැදි ධාවකයන්ගේ සංගමයේ (SLARDAR) සභාපති කමිල් හුසේන් මහතා සඳහන් කළේ, මෙරට සියලු ජනතාව ආදරය කරන මෙම ක්‍රීඩා ඉසව්ව රැක ගැනීම සඳහා දරන ලද මාස ගණනක ප්‍රයත්නයෙන් අනතුරුව යළි එය ආරම්භ කිරීමට හැකිවීම පිළිබඳ තම සංගමය බෙහෙවින් සතුටුවන බවත් මෙම තරගාවලිය පුරාම තමන් හට ශක්තියක් වෙමින් අපගේ ප්‍රධාන අනුග්‍රාහකයන් ලෙස සම්බන්ධ වුණු හචිසන් ටෙලිකොමියුනිකේෂන්ස් සහ Stafford Motors Honda සමාගම්වලට සිය කෘතඥතාව පළ කර සිටින බවත්ය.

"අභියෝග රැසක් සාර්ථකව ජය ගැනීමට අප සමත් වුණා. ආසියානු මෝටර් රථ ධාවකයන්ගේ ක්‍රීඩා සමාජය (AMRC) සහ සිලෝන් මෝටර් ස්පෝර්ට්ස් ක්‍රීඩා සමාජය (CMSC) පෙර පරිදිම මෙරට මෝටර් රථ ක්‍රීඩාව ජාත්‍යන්තර තලය දක්වා ගෙන යාමට ශ්‍රී ලංකා මෝටර් රථ හා යතුරුපැදි ධාවකයන්ගේ සංගමය (SLARDAR) සමග සමීපව කටයුතු කරනවා. ශ්‍රී ලාංකේය ධජය ජාත්‍යන්තර වේදිකා මත ලෙලදීමට සමත් වූ මෝටර් රථ ධාවකයන් රැසක් මෙරටින් බිහිවී ඇතත් ඔවුන් එම ජයග්‍රහණ කරා ගමන් කළේ ස්වශක්තියෙන්. ශ්‍රී ලංකාවේ ක්‍රීඩා ක්ෂේත්‍රය තම පුද්ගලික සහ දේශපාලන න්‍යායපත්‍ර පසෙකලා විශිෂ්ට ජාත්‍යන්තර මට්ටමේ ක්‍රීඩකයන් බිහි කිරීම සඳහා කැපවිය යුතුයි" යනුවෙන් ආසියානු මෝටර් රථ ධාවකයන්ගේ ක්‍රීඩා සමාජයේ සභාපති දිනේෂ් ජයවර්ධන මහතා ප්‍රකාශ කළේය.

මෙම තරගාවලිය සඳහා ධාවන පථ ලබාදෙන ශ්‍රී ලංකා යුද හමුදාවේ සහ ශ්‍රී ලංකා නාවික හමුදාවේ ජ්‍යෙෂ්ඨ නිලධාරීන් මෙන්ම මෙරට මෝටර් රථ ධාවන ක්ෂේත්‍රයේ උන්නතිය වෙනුවෙන් දැඩි සේ කැපවන පිරිස් ඇතුළු සම්භාවනීය අමුත්තෝ රැසක් ද මෙම අවස්ථාවට සහභාගී වූහ. මෝටර් රථ ධාවකයන් සහ යතුරුපැදි ධාවකයන් විශාල පිරිසක් හච් ශ්‍රී ලංකා සුපර් සීරීස් තරගාවලිය සඳහා සිය සහයෝගය ලබාදී ඇති අතර තරගාවලියේ සාර්ථකත්වය සඳහා ඔවුන්ගෙන් ලද දායකත්වය බෙහෙවින් වැදගත් වේ.

 

  1. රේගුවේ ගැටළුවකින් Wagon R ආනයනය නවතී?
  2. මැක්සිස් වෙළද නියෝජිත සම්මාන රාත්‍රිය
  3. Taxi ලොවේ පෙරළියක් - Caboo (කැබූ) Taxi සේවාව හදුන්වා ළගදීම
  4. ඇ.ඩො.මි. 450ක ආයෝජනයක් සිදුකරමින් Belluna Co. Japan සිය හැකියාවන් පෙන්වයි
  5. පන්නිපිටිය පෞද්ගලික රෝහලෙන් අවුරුදු තෑගි
  6. LOLC 3 වසරටත් SLIM - Nielsen ජනතා සම්මානයෙන් පිදෙයි
  7. කොමර්ෂල් බැංකුව අන්තර්ජාල ගනුදෙනුකරුවන් දිනවයි
  8. Dialog වසරේ ජනප‍්‍රියතම ටෙලිකොම් සහ අන්තර්ජාල ජනතා සම්මානයෙන් පිදුම් ලබයි
  9. ශ්‍රී ලංකාව හා ඇෆ්ගනිස්ථාන අතර ද්වීපාර්ශවික වෙළඳ සබඳතා ඇරඹීමට සාකච්ඡා
  10. මොබිටෙල් අනුරාධපුර පාරිභෝගික සේවා මධ්‍යස්ථානය නව ස්ථානයකට
  11. ප‍්‍රීමා සිලෝන් 40 වසරක අභිමානය සමරයි
  12. පන්නිපිටිය පෞද්ගලික රෝහලින් නිවසටම ගොස් වෛද්‍ය ප‍්‍රතිකාර
  13. තෙල් නැතිව ආහාර පිසීමට සිංගර් මයික්‍රොවේව්
  14. දකුණු ආසියාවේ උසින් පිහිටි ‘අහස් පාලම’ කොළඹ ගුවන් ගැබෙහි ඉදි වෙයි
  15. 85 වෙනි සාන්තුවරයන්ගේ සටනට එලිෆන්ට් හවුස්, කීල්ස් ක්‍රෙස්ට් සමාදර අනුග්‍රහය
  16. ඩොලර් මිලියන 14ක ඒකාබද්ධ ලොජිස්ටික් මධ්‍යස්ථානයට මුල්ගල තැබේ
  17. ග්ලෝරියස් රෙසිඩන්සීස් විවෘත වේ
  18. සුපිරි වෙළෙඳසල්වලට සීමාවූ ‘‘මැක්කරි’’ දැන් සිල්ලර වෙළෙඳ සල්වලින්
  19. හච් සහ ආයෝජන මණ්ඩලය අතර ඇ.ඩො. මිලියන 115ක ආයෝජනයක්
  20. ශ‍්‍රී ලංකාවේ ප‍්‍රථම වරට දත් සිටුවීම පිළිබඳ අන්තර්ජාතික සමුළුවක්
  21. Mahindra e2O රථ පහසු මිලට
  22. www.di.lk වෙබ් අඩවියට සම්මාන ද්විත්වයක්
  23. ලොව ප්‍රථම පන්ච් ස්ක්‍රීන් ජංගම දුරකථනයවන NOVA 4 වෙළඳපලට
  24. AIA Walk for Life වැඩසටහනට එක්වී රෝගී හදවත් සුවකරන්න
  25. ලංකා හොස්පිට්ල්ස් වෙතින් නේවාසික රෝගීන්ට WiFi

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.