Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අධ්‍යයන පොදු සහතික පත්‍ර සාමාන්‍ය පෙළ විභාගය උදෙසා පවත්වනු ලබන උපකාරක පන්ති, පුනරීක්ෂණ පන්ති, සම්මන්ත්‍රණ, දේශන, ආදර්ශ ප්‍රශ්න පත්‍ර බෙදාහැරීම් සහ විභාගය සම්බන්ධ සියළු ප්‍රචාරණ කටයුතු හෙට මධ්‍යම රාත්‍රියේ සිට සපුරා තහනම් කොට ඇති බව විභාග දෙපාර්තමේන්තුව නිවේදනය කරයි.

ලබන දෙසැම්බර් 12‍ වෙනිදා අපොස සාමාන්‍ය‍ පෙළ විභාගය ඇරඹෙන අතර විභාගය අවසන් වන තෙක මෙම තහනම ක්‍රියාත්මක වන බවත් මෙම තහනම කඩකරන පුද්ගලයන් තරාතිරම නොබලා අත්අඩංගුවට ගෙන අධිකරණය වෙත ඉදිරිපත් කරවන බවත් විභාග දෙපාර්තමේන්තුව නිවේදනය කරයි.

එස්.ටී.පී සිල්වා

 

ඉදිරි පළාත් පාලන මැතිවරණය ලබන පෙබරවාරි 17 වෙනිදා හෝ ඊට පෙර දිනක පැවැත්විය හැකි බවට මැතිවරණ කොමිසමේ සභාපති මහින්ද දේශප්‍රිය මහතා පවසන නමුදු එම මැතිවරණය තව දුරටත් කල් යා හැකි පසුබිමක් නිර්මාණය වෙමින් පවතින බව තතු දත් ආරංචි මාර්ග පවසයි.

ඒ නව සීමා නිර්ණ ගැසට් පත්‍රය මගින් ශ්‍රී පාදස්ථානය අඹගමුව ප්‍රාදේශීය සභාවෙන් ඉවත්වීම මුල් කොට අඹගමුව ප්‍රාදේශීය සභාවේ හිටපු මන්ත්‍රීවරයෙකු මූලික අයිතිවාසිකම් පෙත්සමක් ශ්‍රේෂ්ඨාධිකරණයට ගොනු කිරීමත් සමඟිනි.

 


එස්.ටී.පී සිල්වා

 

 

 

දළ පූට්ටුවාගේ මරණය පිළිබඳව වගකිවයුතු යැයි හඳුනාගෙන ඇති රජයේ ඉහළපෙළේ නිලධාරීන් දෙදෙනකුගේ රාජකාරි වහාම ක්‍රියාත්මක වන පරිදි අත්හිටුවීමට රජය තීරණය කර ඇත.පරිසරයට සම්බන්ධ ඉහළ තනතුරු දෙකක නිලධාරීන් දෙදෙනකුගේ තනතුරු මේ අනුව අත්හිටුවනු ඇත.
දළ පූට්ටුවාගේ මරණය පිළිබඳව රජය විසින් මේ වන විට පවත්වා ඇති පරීක්ෂණවලදී  ඉහත නිලධාරීන් දෙදෙනා සිය රාජකාරි කටයුතු පැහැර හැර ඇති බවට අනාවරණය වී තිබේ.
ඔවුන් සිය රාජකාරි කටයුතු නිසි ලෙස ඉටු කළේ නම් දළ පූට්ටුවාගේ ජීවිතය රැකගැනීමටද ඉඩ තිබුණු බවට මෙම පරීක්ෂණවලදී කරණු හෙළිදරව් වී තිබේ. කෙසේ වෙතත් මෙම මරණය පිළිබඳව පරීක්ෂණ කටයුතු තවමත්් නිමවී නොමැති අතර ඉදිරි දින කිහිපය ඇතුළත මෙම නිලධාරීන් දෙදෙනාගේ රාජකාරි අත්හිටුවනු ඇති බව රජයේ ආරංචි මාර්ග පැවැසීය.

පානුක රාජපක්ෂ

ජාතික මත්ද්‍රව්‍ය ප්‍රතිපත්තියට අනුව බියර් හෝ අරක්කු භාවිතය සඳහා සහන ලබාදීම සුදුසු නැති බව ජනාධිපති මෛත්‍රීපාල සිරිසේන මහතා පාර්ලිමේන්තුවේදී අවධාරණය කර සිටියේය. සිගරට්, අරක්කුවලින් රාජ්‍ය ආදායම වර්ධනය කිරීමද නුසුදුසු බැවු සෞඛ්‍ය අමාත්‍යාංශය වැය ශීර්ෂ විවාදයට එක් වෙමින් ජනාධිපතිවරයා සඳහන් කළේය.
මෙහිදී වැඩිදුරටත් අදහස් දැක්වූ ජනාධිපතිවරයා මෙසේද පැවැසීය. නිදහස් සෞඛ්‍ය සේවය තුළ අප ඉතාමත් යහපත් ප්‍රතිඵල ලබා තිබෙනවා. මම සෞඛ්‍ය අමාත්‍යවරයා ලෙස කටයුතු කරන කාලයේ පිළිකා රෝගියෙකුට ලබා දුන්නේ ලක්ෂ 15ක මුදලක් පමණයි. එය වැඩි කිරීමට උත්සහ කළත් අද එය කිරීමට හැකිව තිබෙනවා. අවශ්‍ය මුදලක් අවශ්‍ය පරිදි ලබාදීමට අද අප කටයුතු කරනවා.
වෛද්‍ය සේවය මෙන්ම ඉතාමත් හොඳ හා අතුරු වෛද්‍ය සේවයක්ද තිබෙනවා. අන්තර් ජාතික කීර්තියක් අපගේ සෞඛ්‍ය සේවයට ලැබි තිබෙනවා.
මේ වකුගඩු රෝගීන් සඳහා ලබන 06 වෙනිදා ‍පොළොන්නරුවේ, රෝහලක් ආරම්භ කරනවා. චීන රජයෙන් ලැබුණු ආධාරයක් ලෙස තමයි එය ඉදිකෙරෙන්නේ. අප රජයක් ලෙස වකුගඩු අරමුදලක් ඇති කළා. ඔවුන් සඳහා වෙනම මධ්‍යස්ථාන 2ක් ආරම්භ කළා.
මත්ද්‍රව්‍ය මර්ධනය සඳහා පුළුල් ජාතික වැඩසටහනක් අප දියත් කර තිබෙනවා. ඒ හරහා රටේ දුම්පානය විශාල ලෙස අඩු කිරීමට, අවම කිරීමට අපට හැකි වුණා. ජාතික මත්ද්‍රව්‍ය ප්‍රතිපත්තියක් අප ක්‍රියාත්මක කිරීමට කටයුතු යොදා තිබෙනවා. ඒ තුළ බියර් හෝ අරක්කු හෝ භාවිතය සඳහා සහන ලබාදීම සුදුසු වන්නේ නැහැ. එසේම සිගරට් හා අරක්කුවලින් රාජ්‍ය ආදායම වර්ධනය කිරීම සුදුසු නැහැ.
හෙළ වෙදකම පිළිබඳ විශාල වැඩකොටසක් අප ඉටු කළා. සෞඛ්‍ය අමාත්‍යාංශය ඒ වෙනුවෙන් පුළුල් වැඩපිළිවෙළක් ක්‍රියාත්මක කර තිබෙනවා.
නිදහස් සෞඛ්‍ය සේවය, නිදහස් අධ්‍යාපනය රැක ගැනීමටත්, කෘෂිකර්මය නැංවීමටත් රජයක් හැටියට අපට කළ හැකි සෑම දෙයක්ම කරනවා.
අපගේ රජය දුප්පත් ජනතාවගේ හෘදය ස්පන්දනය හඳුනාගෙන වැඩ කරන රජයක්. එසේම ජාතික සංවර්ධන ඉලක්ක ජය ගැනීමට කැපවීමෙන් කටයුතු කරන ලෙස සියලුදෙනාගෙන් ඉල්ලා සිටිනවා.
සෑම අමාත්‍යවරයෙකුටම නිදහසේ වැඩ කටයුතු කිරීමට අවශ්‍ය පරිසරය මා ලබාදී තිබෙනවා. නිවාස සංවර්ධ වැඩසටහන කාර්යශූරව ඉටු කරන දක්ෂ ඇමැතිවරයෙක් අපට සිටිනවා.
ජාතික නිවාස සංවර්ධන සාර්ථකව ක්‍රියාත්මක කිරීම පිළිබඳව මා අදාළ සියලුදෙනාට ස්තුතිය පළ කරනවා.
නිදහස් සෞඛ්‍යයෙන් බලා‍පොරොත්තුවෙන් රන් නිරෝගිමත් ජනතාවක් ඇති කිරීමයි. මිනිසුන් සතුටින් ඉන්නා ප්‍රමාණය අනුව රටේ අධ්‍යාත්මික සංවර්ධනය පෙන්නුම් කරනවා.

පැතුම් වික්‍රමරත්න/ ප්‍රසාදිකා ජයවර්ධන

නාමයෝජනා භාරදීමේ සිට මැතිවරණය පැවැත්වීම යන කාලසීමාව තුළ අ‍පොස (සාමාන්‍ය පෙළ) විභාග අපේක්ෂකයන්ට බාධා වන ආකාරයට පෙළපාළි
රැලි පැවැත්වීමට ඉඩ නොදෙන ලෙස මැතිවරණ කොමිසමේ සභාපති මහින්ද දේශප්‍රිය මහතා ‍පොලිසියට නියෝග කර ඇත.
අ‍පොස (සාමාන්‍ය පෙළ) විභාගය මෙම මාසයේදී පැවැත්වෙන අතර එම කාලවකවානුවේදීම නාමයෝජනා භාර ගැනීම හා මැතිවරණ කටයුතු ආරම්භ වන බැවින් මෙම නියෝගය කළ බවද මහින්ද දේශප්‍රිය මහතා ප්‍රකාශ කළේය.
සියලුම දිස්ත්‍රික් තේරීම් භාර නිලධාරීන්ට, ‍‍‍ජ්‍යෙෂ්ඨ නියෝජ්‍ය ‍පොලිස්පතිවරුන්ට, නියෝජ්‍ය ‍පොලිස්පතිවරුන්ට හා ‍‍‍ජ්‍යෙෂ්ඨ ‍පොලිස් අධිකාරිවරුන්ට ලිඛිතව මේ පිළිබඳව දැනුම් දුන් බවද ඒ මහතා සඳහන් කළේය.
විභාග අපේක්ෂකයන්ට බාධා වන ලෙස කටයුතු කරන පුද්ගලයන්ට එරෙහිව උපරිම බලය යොදා නීතිය ක්‍රියාත්මක කරන ලෙසද ඒ මහතා උපදෙස් දී තිබේ.
රාජගිරිය මැතිවරණ මහ‍ලේකම් කාර්යාලයේ ඊයේ පැවැති ප්‍රවෘත්ති සාකච්ඡාවකදී ඒ මහතා මේ බව කීවේය.

ලසන්ත වීරකුලසූරිය

එළැඹෙන පළාත් පාලන මැතිවරණය වෙනුවෙන් රුපියල් කෝටි 350ත් 400ත් අතර මුදලක් වැය වනු ඇතැයි අපේක්ෂා කරන බව මැතිවරණ කොමිසමේ සභාපති මහින්ද දේශප්‍රිය මහතා ප්‍රකාශ කළේය.
මැතිවරණ ඉතිහාසයේ එකම දිනක සියලුම පළාත් පාලන ආයතනයන්හි මැතිවරණය පවත්වන පළමු අවස්ථාව මෙය වන බැවින් මුළු මැතිවරණ රාජ්‍ය යන්ත්‍රයම ඒ වෙනුවෙන් යෙදවීමට සිදුවනු ඇති බවද රාජගිරිය මැතිවරණ මහ‍ලේකම් කාර්යාලයේ පැවැති ප්‍රවෘත්ති සාකච්ඡාවකදී සභාපතිවරයා එසේ කීවේය.
එක් කෝටි පනස් ලක්ෂයක ජනතාවකට එකම කාලවකවානුවකදී ඡන්ද කාඩ් බෙදා හැරෙන බව කී සභාපතිවරයා වෙසක් කාඩ්වත් එපමණ සංඛ්‍යාවක් බෙදා නොහරින බවද සඳහන් කළේය.
රාජ්‍ය සේවකයන් ලක්ෂ 4කට වැඩි සංඛ්‍යාවක් සේවයේ යෙදවීමට සිදුවන අතර ඔවුන් වෙනුවෙන් ගෙවීමට සිදුවන දීමනා සහ අතිකාල ප්‍රමාණයද වැඩිව ඇතැයිද ප්‍රකාශ කළේය.
එසේම ඡන්ද ‍පොළේදී මැතිවරණය ගණන් කිරීමට සිදුවීම නිසා ජෙනරේටර් යෙදීම ඇතුළු කාර්යයන් රැසක් කිරීමට සිදු  වන බව පෙන්වා දුන් ඒ මහතා එම නිසා මෙපමණ මුදලක් වැය වනු ඇති බවට අපේක්ෂා කරන්නේ යැයි ද කීවේය.

ලසන්ත වීරකුලසූරිය

ශ්‍රී ලංකාවට ගිණීකොණ දෙසින් කි.මී 1500ක පමණ දුරින් බෙංගාල බොක්ක මුහුදු තීරයේ වර්ධනය වී ඇති අඩු පීඩන කලාපය පීඩන අවපාතයක් දක්වා වර්ධනය වුවහොත් අද දිනයේ දිවයින හරහා හමන සුළඟේ වේගය වැඩි වන බවත් මෙම තත්වය උතුරු නැගෙනහිර ප්‍රදේශ කෙරෙහි වැඩි වශයෙන් බලපෑ හැකිබවත්  කාලගුණ විද්‍යා දෙපාර්තමේන්තුව අද දහවල් නිවේදනය කළේය.

ඒ අනුව උතුරු, උතුරු මැද, නැගෙනහිර සහ ඌව යන පළාත් වල වැසි හෝ ගිගුරුම්  සහිත වැසි ඇති විය හැකි බව නිවේ දනය කරන කාලගුණ විද්‍ය දෙපාර්තමේන්තුව දිවයිනේ සෙසු ප්‍රදේශවලට ගිගුරුම්  සහිත වැසි සහ නැගෙනහිර, උතුර, උතුරු මැද, ඌව සහ මධ්‍යම පළාත් වලටත් හම්බන්තොට දිස්ත්‍රික්කයේ ඇතැම් ප්‍රදේශවලටත් මී.මී75 ට වැඩි තද වැසි ඇති වෙතැයි බලාපොරොත්තු වෙයි.

මේ අතර ගිගුරුම්  සහිත වැසි ඇති වන ප්‍රදේශවල තාවකාලිකව තද සුළං ඇතිවිය හැකි අතර බස්නාහිර, සබරගමුව සහ ඌව පළාත් වලත් පැයට කි.මී 50ක පමණ වේගයෙන් හමන තද සුළං අපේක්ෂා කළ හැකි බවත් දෙපාර්තමේන්තුව පවසයි.

ඒ අතර අකුණු මඟින් සිදුවන අනතුරු අවම කරගැනීම සම්බන්ධයෙන් සැළකිලිමත්වන ලෙසද කාලගුණ විද්‍යා දෙපාර්තමේන්තුව දන්වා සිටියි.

එස්.ටී.පි සිල්වා

පුත්තලම් දිස්ත්‍රික් ජ්‍යෙෂඨ මාධ්‍යවේදීයකු වූ ක්‍රිස්පිල් බෙනඩික් මහතාගේ ආදරණීය භාර්යාව හා මාධ්‍යවේදී ජුඩ් සමන්ත මහතාගේ මැණීයන්වූ ආණමඩුවේ පදිංචිව සිටි පි.රීතා ජුලියට් පෙරේරා මහත්මිණිය අභාප්ප්‍රාප්ත විය.
මිය යන විට 75 වන වියේ පසුවූ ඇය දරුවන් 06 දෙනකුගේ මවකි. ආගමික සමාජීය කටයුතු වලට කැපවීමෙන් කටයුතු කල රීතා මහත්මිය පසුගිය දිනවල රොගී තත්වයෙන් පසුවු අතර පුත්තලම මූලික රොහලේදී ප්‍රථිකාර ලබමින් සිටියදී මිය ගියේය.
දේහය දැනට හලාවත - මාදම්පේ මැදගම පිහිටි ජුඩ් සමන්ත මහතා ගේ නිවසේ තැන්පත් කර තිබේ. අවසන් කටයුතු 06 දා සවස 3.00 සිදු කිරීමට නියමිතව ඇත.

ඉදිරි පළාත් පාලන මැතිවරණයේ දී එක්සත් ජාතික පක්‍ෂය සමඟ එක්ව තරඟ කිරීමට ශ්‍රී ලංකා මුස්ලිම් කොන්ග්‍රසය මූලික එකගතාවය පළ කර ඇතත් ඔවුන්ට වැඩි බලයක් හිමි නැගෙනහිර පළාතේ ඔවුන් තනිවම මැතිවරණයට මුහුණ දෙනු ඇතැයි දේශපාලන ආරංචි මාර්ග කියයි.

විශේෂයෙන් නැගෙනහිර පළාතේ අම්පාර දිස්ත්‍රිකයේ ශ්‍රී ලංකා මුස්ලිම් කොන්ග්‍රසය ඔවුන්ගේ 'ගස' ලකුණින් තරඟ කිරීමෙන් වැඩිපුර දේශපාලන බලයක්  හිමිකර ගැනීමේ අදහසින් පසුවන බව දේශපාලන ආරංචිමාර්ග කියයි.

මෙහිදී ශ්‍රී ලංකා මුස්ලිම් කොන්ග්‍රසයේ නැගෙනහිර පළාත් සාමාජිකයින් මේ සම්බන්ධ දැඩි ස්ථාවරත්වයක පසුවීම නිසා පක්‍ෂ නායක රවුෆ් හකීම් මහතා ඔවුන් සමඟ වෙනම සාකච්ඡාවක් පැවැත්වීමට තීරණය කර ඇති බව මුස්ලිම් කොන්ග්‍රස් ආරංචි මාර්ග කියයි.

 

 

පළාත් පාලන මැතිවරණය පෙබරවාරි 17 හෝ ඊට පෙර පැවැත්වෙන බව මැතිවරණ කොමිසමේ සභාපති මහින්ද දේශප්‍රිය මහතා පවසයි.

එමෙන්ම නව ගැසට් පත්‍රය මඟින් ප්‍රකාශයට පත්කරනු ලැබූ පළාත් පාලන ආයතන 341හිම  එකවර මැතිවරණය පැවැත්විය හැකි බව ඔහු අද (04) පැවැති මාධ්‍ය හමුවක දී සඳහන් කළේය.

 

 

ඉදිරි පළාත් පාලන මැතිවරණය සඳහා ශ්‍රී ලංකා පොදුජන පෙරමුණ ඒකාබද්ධ විපක්ෂය ඇතුළු තවත් දේශපාලන පක්‍ෂ විස්සක් පමණ පොහොට්ටුව ලකුණ යටතේ තරඟකිරීම තීරණය කර ඇත.

ලංකා සමසමාජ පක්ෂය, පිවිතුරු හෙළ උරුමය, මහජන පක්ෂය, ශ්‍රී ලංකා කොමියුනිස්ට් පක්ෂය, ලිබරල් පක්ෂය, දෙමළ මහජන විමුක්ති පෙරමුණ, ජාතික කඳුරට පෙරමුණ ඇතුළු දේශපාලන පක්‍ෂ  සහ සංවිධාන නියෝජිතයින් ශ්‍රී ලංකා පොදුජන පෙරමුණේ පොහොට්ටුව ලකුණින් ඉදිරි පළාත් පාලන ඡන්දයට තරඟවැදීමට නියමිතය.

 

 

එස්.ටී.පී සිල්වා

IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.