lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

රජයට පවරා ගන්නා ලද මාලබේ නෙවිල් ප්‍රනාන්දු රෝහලේ බාහිර රෝගී අංශයේ ප්‍රතිකාර සඳහා අද (03) පෙරවරුවේ සැලකිය යුතු රෝගීන් සංඛ්‍යාවක් පැමිණ ඇති බව වාර්තා වේ.

එහි බාහිර රෝගී අංශයේ ප්‍රතිකාර ඇරඹූ මුල්ම දිනයේ එනම් පෙරේදා  (01)  රෝගීන් 186 ද, ඊයේ (02) රෝගීන් 350 ක් ද බාහිර රෝගීන් අංශයෙන් නොමිලේ ප්‍රතිකාර ලැබූ බව රෝහල් ආරංචිමාර්ග සඳහන් කරයි.

මේ අතර අප වාර්තාකරුවන් පවසනුයේ අද (03) දිනයේ එම සංඛ්‍යාව තවත් වැඩි වී ඇති අයුරක් දක්නට ලැබුණු බවය.

දැනට උද්ගත වී ඇති සයිටම් ආයතනයේ අර්බුදය විසදීම පිණිස 2016 ට පෙර එම ආයතනයට බඳවා ගැනුණු අපොස උසස්පෙළ සම්මාන සාමාර්ථ දෙකක් සහ සාමාන්‍ය සාමාර්ථයක් ලබා ගත් සිසුන්ට ඔවුන්ගේ වෛද්‍ය උපාධි පාඨමාලාව සම්පූර්ණ කිරීමට ඉඩ දිය යුතු බවත්, ශ්‍රී ලංකා වෛද්‍ය සභාව විසින් පවත්වනු ලබන අමතර පුහුණු අවශ්‍යතා සපුරාලීමෙන් සහ ශ්‍රී ලංකා වෛද්‍ය සභාවේ බලපත්‍ර විභාගය සමත්වීමෙන් පසු ඔවුන්ට වෛද්‍ය වෘත්තිය සඳහා වන හිමි ලබාදිය යුතු බවත්, රාජ්‍ය විශ්ව විද්‍යාල වෛද්‍ය පීඨ අටේ පීඨාධිපතිවරුන්, උසස් අධ්‍යාපන සහ මහා මාර්ග අමාත්‍ය ලක්ෂ්මන් කිරිඇල්ල මහතා වෙත ලිපියක් මගින් දන්වා තිබේ.

ජනාධිපති මෛත්‍රීපාල සිරිසේන, අග්‍රාමාත්‍ය රනිල් වික්‍රමසිංහ සහ ශ්‍රී ලංකා වෛද්‍ය සභාවේ ලේඛකාධිකාරීවරයා වෙත පිටපත් සහිතව ‍නිකුත් කොට ඇති මෙම ලිපියෙහි සඳහන් සෙසු නිර්දේශ අතරට සයිටම් වෛද්‍ය උපාධිය සඳහා නවක සිසුන් බඳවා ගැනීම ස්ථිර පදනමක් යටතේ නතර කිරීම, 2016 ට පෙර බඳවාගන්නා ලද සිසුන් සඳහා අන්තර් කාලීන වෛද්‍ය උපාධි පාඨමාලාව සහ වෛද්‍ය උපාධිය හිමිකිරීම, ශ්‍රී ලංකා වෛද්‍ය සභාවේ රෙගුලාසි වලට අනුකූලව අන්තර් කාලීන ස්වාධීන අධිකාරියක් මගින් අනුමත කිරීම ද වෙයි.

එමෙන්ම වෛද්‍ය පනතේ 72.4 වගන්තිය ප්‍රකාරව ‍එම සිසුන් බඳවා ගැනීම නතර කිරීම සහ අන්තර් කාලීන ස්වාධීන අධිකාරියක් පිහිටුවීම සඳහා පාර්ලිමේන්තු අනුමැතිය ලබා ගැනීම සහ එම අනුමැතිය ගැසට් නිවේදනයක් මගින් ප්‍රසිද්ධ කිරීම ද අවශ්‍ය බව වෛද්‍ය පීඨාධිපතිවරු පෙන්වා දෙති.

කොළඹ විශ්ව විද්‍යාලයේ වෛද්‍ය පීඨාධිපති මහාචාර්ය ජෙනිෆර් පෙරේරා, පේරාදෙණිය විශ්ව විද්‍යාලයේ වෛද්‍ය පීඨාධිපති මහාචාර්ය වජිර වීරසිංහ, රුහුණ විශ්ව විද්‍යාලයේ වෛද්‍ය පීඨාධිපති මහාචාර්ය සමන් විමලසුන්දර, යාපනය විශ්ව විද්‍යාලයේ වෛද්‍ය පීඨාධිපති ආචාර්ය එස්. රවිරාජ්, කැලණිය විශ්ව විද්‍යාලයේ වෛද්‍ය පීඨාධිපති මහාචාර්ය නිලන්ති ද සිල්වා,  ශ්‍රී ජයවර්ධනපුර විශ්ව විද්‍යාලයේ වෛද්‍ය  පීඨාධිපති මහාචාර්ය සුරංගි යසවර්ධන, නැගෙනහිර විශ්ව විද්‍යාලයේ සෞඛ්‍ය සත්කාර විද්‍යා පීඨයේ පීඨාධිපති ආචාර්යඇන්ජෙලා අරුල්ප්‍රගාසම් සහ රජරට විශ්ව විද්‍යාලයේ වෛද්‍ය පීඨාධිපතිමහාචාර්ය සිසිර සිරිබද්දන යන මහත්ම මහත්මීන් එම ලිපියට අත්සන් තබා තිබේ.

 

 

http://www.lakbima.lk/images/frontimage/2017/August/2017.08.02/ravi2.jpgතමන් මේ ආණ්ඩුවේ ඇමැතිවරයෙක් වීමටත් පෙර සිට අර්ජුන ඇලෝසියස් පවුල දන්නා බවත් ඔහුගේ පවු‍ලේ විවාහ මංගල්‍යයකට හිටපු ජනාධිපති මහින්ද රාජපක්ෂ, වත්මන් ජනාධිපති මෛත්‍රීපාල සිරිසේන, අගමැති රනිල් වික්‍රමසිංහ ඇතුළු දේශපාලනඥයින් 25 හෝ 30ක් පැමිණ සිටි බවත් හිටපු මුදල් අමාත්‍ය වත්මන් විදේශ කටයුතු අමාත්‍ය රවි කරුණානායක මහතා ඊයේ (02) බැඳුම්කර විමර්ශන විශේෂ ජනාධිපති කොමිසම ඉදිරියේ සාක්ෂි දෙමින් ප්‍රකාශ කළේය.

බැඳුම්කර වංචා විශේෂ ජනාධිපති විමර්ශන කොමිසම එහි සභාපති ශ්‍රේෂ්ඨාධිකරණ විනිසුරු කේ.ටී. චිත්‍රසේන මහතාගේ ප්‍රධානත්වයෙන් ඊයේ (02) රැස්වූ අවස්ථාවේ නීතිඥ චානක ද සිල්වා මහතාගේ හරස් ප්‍රශ්නයකට පිළිතුරු දෙමින් එසේ සඳහන් කළේය.

රවි කරුණානායක මහතා ඊයේ උදේ 9.30ට පමණ කොමිසම හමුවට පැමිණි අතර ප.ව. 3.30 දක්වාම කොමිසම පැය 6ක් ඔහුගේ සාක්ෂිය ලබාගත්තේය. රවි කරුණානායක මහතා වෙනුවෙන් ජනාධිපති නීතිඥ රියෙන්සි අර්සකුලරත්න, රිෂාඩ් අමීන්, චාමින්ද්‍රි අර්සකුලරත්න, තේජිත කෝරලගේ, නාමල් කරුණාරත්න, ශෂීන් අර්ස කුලරත්න, උදාර මුහුන්දිරම්ගේ තිළිණ පුංචිහේවා ඇතුළු නීතිඥ කණ්ඩායමක් පෙනී සිටියහ.

රජයේ නීතිපති දෙපාර්තමේන්තුවේ ‍‍‍ජ්‍යෙෂ්ඨ අතිරේක සොලිසිටර් ජනරාල් ජනාධිපති නීතිඥ දප්පුලි ද ලිවේරා මහතා සාක්ෂි මෙහෙයවූ අතර අතිරේක සොලිසිටර් ජනරාල් යසන්ත කෝදාගොඩ මහතා ඇතුළු රජයේ නීතිඥ කණ්ඩායමක් ඔහුට සහය විය.

මෙහිදී කොමිසම හමුවේ විශේෂ ප්‍රකාශයක් කරමින් රවි කරුණානායක මහතා සඳහන් කළේ මීට පෙර කොමිසම හමුවේ පෙනී සිටින ලෙස තමන්ට දැන්වුවත් රාජකාරි හේතුවෙන් එසේ පැමිණීමට නොහැකි වීම ගැන සමාව අයැද සිටින බවයි.
මෙහිදී දීර්ඝ ප්‍රශ්න කිරීම් හමුවේ අමාත්‍ය රවි කරුණානායක මහතා මෙසේද කීවේය. ජී.ටී.එල්. සමාගමේ අධ්‍යක්ෂ මණ්ඩලයේ මගේ බිරිඳ හා දුව ඉන්නවා. ඔවුන් මිලදී ගත් නිවසක තමයි මම දැන් පදිංචිව ඉන්නේ. ඒ නිවස කොටස් දෙකකින් සමන්විත වර්ග අඩි 4000ක් බව මම පිළිගන්නේ නැහැ. එහි වපසරිය වර්ග අඩි 2000ක් පමණයි.
විනිසුරු ප්‍රසන්න ජයවර්ධන මහතා මේ කොමිසමේ තිබෙන සාක්ෂි අනුව එම නිවස සහිත භූමිය වර්ග අඩි 4000ක් බව හෙළි වී තිබෙනවා.

රවි කරුණානායක මහතා -
ස්වාමීනි  ඒක පිළිගන්න බෑ. මා සිටින නිවස නිදන කාමර 3ක් කෑම කාමරයක් ඇතුළු ‍පොඩි ඉඩක් තිබෙන තැනක්. ඒ ප්‍රමාණය වර්ග අඩි 4000ක් වෙන්න පුළුවන් කමක් නෑ. ඒ ගැන නැවත පරීක්ෂා කරන්න කියලා මම ඉල්ලනවා.

‍‍‍ජ්‍යෙෂ්ඨ අතිරේක සොලිසිටර් ජනරාල් දප්පුලිද ලිවේරා මහතා -
මේ නිවසට කුලී ගෙවා තිබෙන්නේ අර්ජුන ඇලෝසියස් සතු සමාගමකින් නේද?

රවි කරුණානායක මහතා -
ඒ ගැන මම දන්නේ නෑ. මම දන්නා විදියට මගේ බිරිඳ හා දරුවන් අධ්‍යක්ෂ ධුර දරන ජී.ටී.එල්. සමාගම මෙම නිවසට මුදල් ගෙවූ බවට රිසිට් තිබෙනවා.

රවි කරුණානායක මහතා මෙසේද කීවේය,
මම ජී.ටී.එල්. සමාගමෙන් 2015 ජනවාරි අයින් වුණා. ඉන් පසු බිරිඳ හා දරුවන් තමයි එය පවත්වාගෙන ගියේ. ඔවුන් අපි දැනට පදිංචි නිවස මිලදී ගත්තා කියලා මට කීවා. මම ඒ නිවස මිලදී ගැනීමේ ගනුදෙනු ගැන දන්නේ නැහැ. මගේ බිරිඳගෙන් ඒ ගැන අහන්න ගියෙත් නෑ.

මම මුදල් ඇමැති සමයේ 2015.02.26 දින අපේ අමාත්‍යාංශයේදී මලික් සමරවික්‍රම, කබිර් හෂීම් ඇතුළු පහළොස් දෙනකුගෙන් පමණ කණ්ඩායමක් සමග රැස්වීමක් පැවැත්වූවා. ඒ රැස්වීමේදී ගත් තීරණයක් අනුව එවකට මහා මාර්ග ඉදිකිරීම් සඳහා ගෙවීමට තිබූ හිඟ මුදල් ගෙවන්න කටයුතු කළ යුතු බවට තීරණයක් ගත්තා. ඒ සම්බන්ධයෙන් මහ බැංකු අධිපතිව සිටි අර්ජුන් මහේන්ද්‍ර මහතාට මම යවපු ලිපියේ අත්සන මගේ බව පිළිගන්නවා. එහි දින හා ලිපිගොනු අංකයක් සඳහන් නොවුණත් ඒ ලිපිය රාජකාරි ලිපියක් විදියටයි මහ බැංකු අධිපතිවරයාට යවා තිබෙන්නේ.

මම දිනකට ලිපි 500ක් පමණ අත්සන් කරනවා. උදේ 7.00 සිට රාත්‍රී 11.00 පමණ වනතුරු මම රාජකාරි කටයුතු කරනවා. ඒ නිසා මගේ පෞද්ගලික දේවල් මගේ බිරිඳ හා දරුවන් ඉටුකරනවා. ඒ අනුව තමයි මට අමාත්‍යාංශයට යන්න පහසුකම් තිබෙන තැනකින් නිවසක් ගන්න ඔවුන් උනන්දු වුණේ. මේ නිවස මිලදී ගත්තේ කොහොමද ඒ සඳහා සල්ලි කොහෙන්ද කියලා මම ඇහුවේ නෑ. මම හිතන්නේ බිරිඳ හා දරුවන් අධ්‍යක්ෂ ධුර දරන ජී.ටී.එල්. සමාගමේ මුදල්වලින් මෙම නිවස ගත්තා කියලයි. ඔවුන් ඊට මුදල් ගෙවූ රිසිට් තිබෙනවා.

මෙහිදී රජයේ ‍‍‍ජ්‍යෙෂ්ඨ සොලිසිටර් ජනරාල් දප්පුලි ලිවේරා මහතා දින රහිතව රවි කරුණානායක මහතා මහ බැංකු අධිපතිවරයා වෙත යවා ඇති ලිපිය සම්බන්ධයෙන් දිගින් දිගටම ප්‍රශ්න කිරීම නිසා කොමිසමේ සභාපති ශ්‍රේෂ්ඨාධිකරණ විනිසුරු කේ.ටී. චිත්‍රසේන මහතා එකම ප්‍රශ්නය දිගින් දිගට විමසා කාලය නාස්ති නොකරන ලෙස ලිවේරා මහතාට දැන්වීය. අවස්ථා කිහිපයකදීම ප්‍රසන්න ජයවර්ධන විනිසුරුවරයාද ලිවේරා මහතා එකම ප්‍රශ්න යළි යළි විමසීම නිෂ්ඵල බව පෙන්වා දුන්නේය.

බැඳුම්කර සිද්ධිය සම්බන්ධයෙන් පත්කර ඇති ජනාධිපති කොමිසම හමුවේ දීර්ඝ ලෙස එක දිගට පැය 6ක (තේ විවේකය විනාඩි 15ක් හැර) සාක්ෂි දුන් රවි කරුණානායක අමාත්‍යවරයා නැවත කොමිසම හමුවට කැඳවීමක් ගැන ඊයේ (2) දැනම් දුන්නේ නැත.

ජයසූරිය උඩුකුඹුර

ආනයනික තිරිඟු පිටි සඳහා  වන බදු මිල අඩු කර ඇතත් මතෛක් පිටි මිල අඩුකර නැති බැවින් පිටි මිල අඩු කරන තෙක් පාන් ඇතුළු බේකරි නිෂ්පාදනවල මිල අඩු කිරීමේ හැකියාවක් නැතැයි සමස්ත ලංකා බේකරි හිමියන්ගේ සංගමය පවසයි.

පිටි මිල අඩු කළ වහාම, ඊට සාපේක්ෂව පාන් ඇතුළු සියලුම බේකරි නිෂ්පාදනවල මිල අඩු කිරීමට පියවර ගන්නා බව එම සංගමයේ සභාපති එන්. කේ. ජයවර්ධන මහතා ලක්බිම කළ විමසීමකදී පැවැසීය.

ආනයනික තිරිඟු පිටි හා තිරිඟු ඇට සඳහා පනවා තිබූ බදු මුදල් අඩු කිරීමට රජය ඉකුත්දා පියවර ගෙන තිබිණි. ඒ අනුව ආනයනික තිරිඟු පිටි කිලෝ ග්‍රෑමයක් සඳහා මතෛක් අය කළ රුපියල් 25 සෙස් බද්ද රුපියල් 15 දක්වා අඩු කෙරිණි.

තිරිඟු පිටිවල ආනයනික බදු අඩු කිරීම සම්බන්ධයෙන් මතෛක් ලිඛිත තොරතුරු ලැබි නැති බැවින් ඒවා ලැබෙන තෙක් පිටි මිල අඩු කිරීම සම්බන්ධයෙන් තීරණයක් ගැනීමට නොහැකි බව මේ සම්බන්ධයෙන් ලක්බිම කළ විමසීමකදී පිටි ආනයනික සමාගම් සඳහන් කළේය.

ගයාත්‍රි ගීගනආරච්චි

මාලඹේ සයිටම් ආයතනයට එරහිව සයිටම් විරෝධි ජන පවුර සංවිධානය කළ විරෝධතාවයක් අද (02) දහවල් කෑගල්ල රෝහල අසල දී ආරම්භ කෙරිණි.

 රාජ්‍ය හා පෞද්ගලික ආයතන වල වැඩ බිම්වල අද උදෑසන කලූ කොඩි ඔසවමින් විරෝදය පළ කර තිබෙණු දක්නට ලැබුණි. විරෝධතා ප‍්‍රදර්ශනය කිරීමද රාජ්‍ය ආයතනය රැසක අද පෙරවරුවේ සිදු කෙරණි.

අද දහවල් 12 ට ආරම්භ කෙරුණු මෙම විරෝධතාව සඳහා ඒකාබද්ධ විපක්ෂය නියෝජනය කරමින් කෑගල්ල දිස්ත‍්‍රික් පාර්ලිමේන්තු මන්ත‍්‍රී වරුන් වන කනක හේරත්, තාරක බාලසූරිය යන මහත්වරුද පෙරටුගාමි පක්ෂයේ නියෝජිතයින්ද එක්ව සිටියහ. වෛද්‍ය වරුන්, විශ්ව විද්‍යාල ශිෂ්‍යයින් සහ දෙමව්පියන් මෙන්ම සිවිල් සංවිධාන නියෝජිතයෝ ද මෙම විරෝධතාවට එක්ව සිටිහ.




අරණායක ප‍්‍රදීප් කුමාර ධර්මරත්න

 

කොළඹ - මහනුවර අධිවේගී මාර්ගය ඉදිකිරීමේ දී ගලගෙදර සිට පොතුහැර දක්වා වූ කොටසේ ජනතාවට වන්දි ලබා දීම සාධාරණ නොවන බව කියමින් ඉඩම් අහිමිවන ගලගෙදර පදිංචිකරුවෝ  අද (02) ගලගෙදර නගරයේ උද්ඝෝෂණයක නිරතවූහ.

ඉඩම් හා දේපොල අහිමිවන පදිංචිකරුවන්ට අදියර තුනක් යටතේ වන්දි ලබාදීමට නියම කළ අතර පළමු අදියරේ වන්දි ලැබූවන්ට සාධාරණ වන්දි මුදලක් ලැබුණු බව විරෝධතාකරුවෝ පැවසූහ.

 නමුත් දෙවන හා තුන්වන පියවරේ පදිංචිකරුවන්ට ලබාදීමට නියමිත වන්දි මුදල් බෙහෙවින් අඩු මට්ටමක පවතින බව විරෝධතාකරුවෝ කීහ.

වැලිවිට සංඝරාජ අනුස්මරණ ප්‍රතිමාව අබියස සිට මහා ඝංඝරත්නයේ පිරිත් සජ්ඡායනා ආශිර්වාද මැද මෙම  විරෝධතාව ආරම්භ කරන ලදි.

අනතුරුව ප්‍රදේශවාසීන් ගලගෙදර තුම්පනේ ප්‍රාදේශීය ලේකම් කර්යාලය අබියස සිට පැය තුනක පමණ කාලයක් විරෝධතාවයෙහි නිරත වූහ.

දෙවන හා තෙවන අදියරේ වන්දි මුදල් ලැබීමට නියමිත පිරිස් සඳහා ඉඩම් හා දේපොල තක්සේරු කිරීමේ දී බලවත් අසාධාරණයක් සිදුව ඇති බවත් සිය වතු පිටි වල පිහිටි පොල් හා සෙසු කෘෂි වගාවන් තක්සේරු කිරීමෙන් බැහැර කර ඇතැයි  උද්ඝෝෂණකරුවෝ කීහ මේ පිළිබදව ප්‍රාදේශීය ලේකම්වරිය දිගින් දිගමට දැනුවත් කළ ද ඇය ගැටලුවට විසදුම් ලබා දෙනු වෙනුනවට විවිධ සාකච්ඡා පවත්වමින් ගැටලුව මග හරින බව ඔවුහු පැවසූහ.

උද්ඝෝෂණය අතරේ විරෝධතාකරුවන්ගෙන් කිහිපදෙනෙකු සමග ප්‍රාදේශීය ලේකම්වරිය සිය කාර්යාලයේ රැස්වීම් ශාලාවේදී සාකච්ඡා කළ අතර එහිදී තීරණය වූයේ අදාල ගැටලුව අමාත්‍යංශ මට්ටමට දැනුම්දී ඉදිරියේදී විසදුමක් ලබා ගන්නා බවයි. ඒ අනුව එහිදී එක්සත් ජාතික පක්ෂයේ ගලගෙදර ආසන සංවිධායක පද්මලාල් ද අල්විස් මහතා සහ අමාත්‍ය ලක්ෂ්මන් කිරිඇල්ල මහතා දුරකථනයෙන් දැනුවත් කිරීම සිදුවිය.

මෙම සාකච්ඡාව සඳහා සිද්ධියට සම්බන්ධ නොවන පිරිස් සිටින බවට ලැබුණු තොරතුරක් අනුට අදාල නොවන පාර්ශව ඉන් ඉවත් වන ලෙස ද ප්‍රාදේශීය ලේකම්වරිය දැනුම් දුන්නාය.

විසදුම් නොලැබුණු පිරිස් ප්‍රාදේශීය ලේකම් කාර්යාලයෙන් පිටතට පැමිණ යළි උද්ඝෝෂණයේ නිරත වූහ.

පැය තුනක පමණ කාලයකින් පසුව නිසි විසදුමක් නොලැබුණු බැවින් ඉදිරියේදී ඉඩම් අහිමිවන සමස්ථ ජනයා සම්බන්ධකොට දැවැන්ත විරෝධතාවක් සංවිධානය කරන බව විරෝධාතාකරුවන් කීහ.






නදීක දයා බණ්ඩාර - මහනුවර

 

 

එල්.ටී.ටී.ඊ සංවිධානය මුලින් ආපු විදිහක් තිබුණා. අද නැවත යාපනය ත්‍රස්තවාදයක් මතු වෙන්න මාන බලන්නෙත් ඒ විදිහටමයි. යුද්ධය ඉවරවුණාට ත්‍රස්තවාදය අවසන් වුණා කියලා කාටවත්ම කියන්න බැහැ. ත්‍රස්තවාදී යම් බීජයක් තිබුණත් ඒක නැවත මුතුවෙන්න පුළුවන්. සියල්ලටම කලින් අපි ඒ ගැන වටහාගත යුතුයි. පොලිස්පති පූජිත් ජයසුන්දර මහතා ඊයේ (01) යාපනය පොලිස් ශ්‍රවණාගාරයේ දී සිවිල් සහ ආගමික නායකයන් සමඟ පැවැති සාකච්ඡාවක දී එසේ පැවසීය.

ශ්‍රස්තවාදීන් ලක්ෂ ගණනින් ආයුධ භාර දුන්නා තමයි, නමුත් සියළු අවි ආයුධ භාර දී ඉවරයි කියන්න බැහැ. අනික් කරුණ ඒ අයගේ යුද පුහුණුව සමඟ එක්වූ ජීවන රටාවත් එක්ක පැවැති ආකල්ප වෙනස්වෙලා නැහැ. පහුගියදවස් වල සිද්ධියක් වුණා; දෙකක් වුණා; අපේ නිලධාරීන්ගෙත් වැරදි තිබුණා. නමුත් මේක මේ විදිහට යන්න දෙන්න බැහැ. මේක නවත්තන්නම වෙනවා. පොලිසිය සහ පොලිස් විශේෂ කාර්ය බලකාය යොදා දැන් ආරක්ෂාව තහවුරු කරලා තිබුණත් අපිට මහජනතාවගේ සහයත් අවශ්‍යයි.

විවිධ අන්තවාදී කොටස්, විවිධ සංවිධාන වල පුද්ගලයන්, සාමය හා ජන ජීවිතය අඩාල වන විදිහට දේශීය හා විදේශීය වශයෙන් වැරදි ප්‍රචාරයක් පතුරවනවා. අපි ඒ ගැනකත් සොයා  බැලිය යුතුයි.

එසේ පැවසු පොලිස්පති වරයා මෙසේද කීය,

පොලිස් නිලධාරියෙකු මැරුවයි කියලා පොලිසිය ඒ අයගෙන් පළිගන්න යන්නේ නැහැ. අපි බොහොම ඉවසීමෙන්, සංයමයෙන් ඒ සිද්ධි දිහා බලලා අදාල පුද්ගලයන් ගැන බුද්ධි අංශ වාර්තා වලිනුත් තොරතුරු අරන් සාකච්ඡා කරලා තමයි අත්අඩංවට ගන්නේ. කෝපායි සිද්ධිය සම්බන්ධයෙන් අපි දැනටමත් එවැනි පුද්ගලයන් දෙදෙනෙක් අත්අඩංගුවට අරන් තියෙනවා. ඒ අය පුනරුප්තානය නොවුණු එල්.ටී.ටී.ඊ සංවිධානයකට අයත් අය බව මේ වන විට තහවුරු වී අවසන්. ඒ අනුව අපි මේ සමස්ථ ප්‍රශ්නය දෙසම ඉවසිලිවන්ත සහ සංයමශීලී ආකල්පයකින් කටයුතු කරනවා.

 

 

කාන්තාවකට අයත් බව පැවසෙන තවත් කාන්තාවක් විසින් පාලනය කරන ලද මහා පරිමානයේ නීතිවිරෝධී ස්කාගාරයක් ඊයේ (01) ගල්කිරියාගම පොලිසිය විසින් වටලා ඇත.

ගල්කිරියාගම හබරත්තාවල ගොවි ජනපදයේ එළවලු ගොවිපළක මුවාවෙන් පවත්වාගෙන ගිය මෙම නීතිවිරෝධී ස්කාගාරය ගොඩනැගිලි පහසුකම් සහ මත්පැන් පෙරීමේ යන්ත්‍ර පහසුකම් වලින් යුතු ස්ථානයක් යැයි පොලිසිය කියයි.

ප්‍රදේශවාසීන් ගෙන් ලැබුණු ඔත්තුවක් අනුව එම ස්ථානය වැටලූ පොලිස් නිලධාරීන්ට ගෝඩා බැරල් 62 ක් සීනි මිටි කිහිපයක් සහ ස්කාගාර උපකරණ සමඟ එය පාලනය කළ කාන්තාව ඇතුළු තවත් 07 දෙනෙකු අත්අඩංගුවට ගැනීමට හැකිවී තිබේ.

මේ සඳහා ප්‍රදේශවාසීන් විසින් පොලිසියට මනා සහයෝගයක් ලබා දී ඇති අතර ගොවිපළ වශයෙන් වට කරන ලද මෙම භූමි භාගය තුළ පුද්ගලයන් නවාතැන් ගෙන මෙම ජාවාරමේ යෙදී ඇති බව වාර්තාවී තිබේ.



ඡයාරූප - අශෝක එරමිණිගම්මන

වියළි කාලගුණය හමුවේ විදුලි බිල වැඩි කිරීමක් හෝ විදුලිය කප්පාදුවක්  සිදු නොකරන බව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා පවසයි.

ඒ සම්බන්ධයෙන් වැඩිදරටත් අදහස් දක්වන අමාත්‍යවරයා මෙසේද කියයි.

"මේ දවස්වල විශේෂයෙන්ම බොහෝ අය කතා කරනවා විදුලිය කපනවාද, කපන්න සුදානම්ද, පෙරහුරුවක්ද කියා.

අපි ඉතාමත් අභියෝගාත්මක තත්ත්වයකට මුහුණ දීලා තියෙනවා. විශේෂයෙන්ම අද දවසේ මේ වන විට තත්ත්වය බලන විට දෛනික විදුලි ඉල්ලුම ගි.වො. පැය 44 ඉක්මවා ගිහින් තියෙනවා. පසුගිය වර්ෂයේ මේ දිනවල දෛනික විදුලි ඉල්ලුම තිබුණේ ගි.වො. පැය 40කට ආසන්න ප්‍රමාණයක්. මේ විදියට බැලුවම 10%ක විදුලි ඉල්ලුම වැඩි වීමක් මේ වියළි කාළගුණයත් එක්ක ඇති වෙලා තියෙනවා. නමුත් අපේ විදුලිය නිෂ්පාදනය කරන ජල ධාරිතාව 36% දක්වා අඩු වෙලා තියෙනවා. සමහර ජලාශ වල ධාරිතාව 20% දක්වා අඩු මට්ටමකට පැමිණ තියෙනවා. අපේ ප්‍රධානතම බලාගාරය බවට පත් වී තියෙන නොරෙච්චෝලේ තාප බලාගාරයේ මෙ.වො. 300ක් නිපදවන එක් යන්ත්‍රයක් අලුත්වැඩියාවක් සඳහා නතර කර තියෙනවා. ඒ වගේම පෞද්ගලික බලාගාරයක් වන සොජිස්ටිස් බලාගාරයේ මෙ.වො. 60ක් අලුත්වැඩියාවක් සඳහා නතර කර තියෙනවා.

මේ සියලුම අභියෝග ජල විදුලිය නිෂ්පාදනය අඩු වීමට හේතු වෙනවා. එතකොට අපට විශේෂයෙන්ම තාප බලාගාර සියල්ල ක්‍රියාත්මක කරන්න වෙනවා. අපි මේ ගැන ජනතාව එක්ක, ඒ වගේම රජයත් එක්ක කතා කළා. අපිට මේ 2017 පළවෙනි මාස 6 තුළ දීර්ඝවම අඛණ්ඩව නියගය පැවතුණොත් අප ගණනය කරලා තිබුණා රු. බිලියන 51 ක වැඩිපුර මුදලක් දරන්න වෙනවා අඛණ්ඩව විදුලිය ලබා දීමට. අප යම් ආකාරයකින් සතුටු වෙනවා ඒ ගණනය කළ බිලියන 52 අමතර වියදම පළවෙනි මාස 6 දී බිලියන 38ක් දක්වා අමතර වියදම අඩු කරගන්න. ඒ විශේෂ කළමණාකරනය වගේම විශේෂ ක්‍රම මඟින්. හැකි හැම විටම අවම වියදම පිළිබද තීරණ ගැනීම, අපි හැම මිලදී ගැනීමක්ම ඉතාමත් තරඟකාරි ආකාරයට සිදු කිරීම නිසා තමයි අපට මේ තැනට එන්න පුළුවන් වුණේ. ඒ විදියටම ඉදිරි අභියෝග හමුවෙත් අපි බලාපොරොත්තු වෙනවා භාණ්ඩාගාරයේ, රජයේ සහයෝගය ඇතුව විදුලිය කප්පාදුවක් හෝ ව්දුලි බිල වැඩි කිරීමක් සිදු නොකිරීමකට." අමාත්‍යවරයා කීය.

 

පොලොන්නරුව පොලිස් වසමට අයත් මා ඔය  ප්‍රජා ජංගම පොලිස් මුරපොළ අසල අත් පන්දු ක්‍රීඩාපිටියේ අත් පන්දු තරගාවලියක් පැවති අතරතුර ඇති වූ බහින් බස් වීමක් දුරදිග ගොස් කලහකාරී ලෙස හැසිරුණු පුද්ගලයෙකු පොලිසිය විසින් පොලිස් මුරපොළට ‍රැගෙන යෑම ට විරෝධය පා කලහකාරීන් පිරිසක් එම පොලිස් මුරපොළට ඊයේ (01) සවස 6.30 ට පමණ ගල් මුල්වලින් පහර දී අලාභ හානි සිදු කර ඇතැයි පොලොන්නරුව පොලිසිය කියයි.

පොලිසිය පවසන අන්දමට ඊයේ (01) සවස සිංහ උදාගම හා මා ඔය තරුණ කණ්ඩායම් දෙකක් අතර සංවිධානය කර තිබූ අත් පන්දු තරඟාවලියක් අතරතුර මාඔය ප්‍රදේශයේ  බීමත් පිරිසක් පැමිණ කලහකාරී ලෙස හැසිරී තිබේ. එය පාලනය කිරීමට පොලිසිය උත්සාහ ගෙන ඇති අතර පසුව ක්‍රීඩා පිටියේ ක්‍රීඩාවට බාධා වන අන්දමින් වෙනත් බෝලයක් ගෙනවිත් එහාට මෙහාට විසි කරන්නට පටන් ගැනීම නිසා එහි සිටි පුද්ගලයෙකු පොලිස් බාරයට ගෙන මුරපොළට කැඳවාගේන ගොස් ඇත. පොලිස් මුරපොළ වෙත කැඳවාගෙන ගිය පුද්ගලයා ඉල්ලා තවත් පිරිසක් කලහකාරී ලෙස පොලිස් මුරපොලට ගල් මුල් ප්‍රහාර එල්ල කර ඇති අතර පසුව පොලිස්  මුරපොළට ‍රැගෙන ගිය පුද්ගලයා පලා යෑමට උත්සාහ දරා තිබේ.

කෙසේ වෙතත්පොලිසිය ඔහුව පාලනය කරගෙන ඇති අතර බිත්තියේ ඔලුව ගසාගෙන හා කැරම් ලැල්ලක්කඩා දැමීම නිසා ඔහුට සුලු තුවාල හේතුවෙන් පොලොන්නරුව මහ රෝහලට ඇතුලත් කර ඇතැයි පොලිසිය කියයි.

පොලිසියට ගල් මුල් ප්‍රහාර එල්ල කළ පුද්ගලයන් සොයා පොලිස් පරික්ෂණ කණ්ඩායම් කිහිපයක් යොදා ඊයේ (01) රාත්‍රියේම පරීක්ෂණ අරඹා ඇතත් සැකකරුවන් පළා ගොස් ඇති බවත් හඳුනාගත් පුද්ගලයින් 6 දෙනෙකු අත් අඩංගුවට ගැනීමට කටයුතු කරන බවත් පොලොන්නරුව මූලස්ථාන පොලිසියේ ස්ථානාධිපති මු.පො.ප.එම්.එස්.එම්.ජරූල් මහතා පැවසීය.

සිද්ධිය සම්බන්ධයෙන් වැඩි දුර පරික්ෂණ උතුරු මැද පළාත් බාර නියෝජ්‍ය පොලිස් පති සදුන්ගහවත්ත මහතාගේ උපදෙස් පරිදි පොලොන්නරුව ප්‍රදේශය භාර ‍පොලිස් අධිකාරි ලක්සිරි විජේසේන මහතාගේ මෙහෙයවීමෙන් පොලොන්නරුව මූලස්ථාන පොලිසියේ ස්ථානාධිපති මු.පො.පෝ.එම.එස්.එම්.ජරූල් මහතාගේ ප්‍රධානත්වයෙන් සිදු කෙරේ.

ප්‍රියන්ත බණ්ඩාර පොලොන්නරුව

 

මනම්පිටිය ලක්බිම වාර්තාකරු නිමල් ජයරත්න මහතාගේ මව වන කේ. ජී. සෝමාවතී මහත්මිය අභාවප්‍රාප්ත වූවාය. මිය යන විට 75වෙනි වියෙහි පසුවූ ඇය තිදරු මවකි. දේහය අංක 109, නැගෙනහිර මනම්පිටිය,මනම්පිටිය ලිපිනයේ තැන්පත්කර ඇති අතර අවසන් කටයුතු අගෝස්තු 05 වන සෙනසුදරාදා නැගෙනහිර මනම්පිටිය පොදු සුසාන භූමියේදී සිදුකෙරේ.

IMAGE

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 211

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 1872

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 1416

මත්පැන් ‘තිත්ත කරන’ පෙත්ත අතුරුදන්?

IMAGE 2017 Aug 15 17:23
මත්පැන් පානයට ඇබ්බැහිවූවන් ඉන් මුදවාලීම පිණිස නිෂ්පාදනය කොට ඇති ඖෂධ වර්ගයක් මේ දිනවල...
Views - 1132

කාලගුණ විද්‍යාඥයන් සුනාමි ගැන දන්නෙ කොහොමද? (Voice cut)

IMAGE 2017 Aug 15 13:00
සුනාමි ඇතිවීම, එහි බලපෑම, දුර ප්‍රමාණය ආදිය පිළිබඳව සමීක්ෂණ‍ සිදුකොට ඇත්තේ සාගර...
Views - 678

අත්තනගලු ඔයේ මාළුන්ට දන්සලක් (Video)

IMAGE 2017 Aug 14 12:58
ලක් ඉතිහාසයේ එදා මෙදා තුර වාර්තා වන සුවිසල්ම දානය සිරිසඟබෝ රජතුමා විසින් පිරිනමන ලද්දකි. ඒ...
Views - 2030

Please publish modules in offcanvas position.