Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

විසිවන ආණ්ඩුක්‍රම ව්‍යවස්ථා සංශෝධනය අද (12) සබරගමු පළාත් සභාවේ දී වැඩි ඡන්ද 21 කින් සම්මත විය. සංශෝධනයට පක්ෂව ඡන්ද 29 ක් ලැබුණු අතර විපක්ෂව ලැබී තිබුණේ ඡන්ද 08 ක් පමණි.

 

 

ඊයේ (11) අරලියගහ මන්දිරයේ පැවැති සෞඛ්‍ය සේවා පත්වීම් ලිපි බෙදා දීමේ උත්සවයකට සහභාගී වූ පත්වීම් ලිපි ලාභීන් සහ ඔවුන්ගේ ඥාතීන් වන 5000 ක පමණ පිරිසකට පිළුණු ආහාර පාර්සල් බෙදා දීම සම්බන්ධයෙන් සෞඛ්‍ය අමාත්‍යංශය කඩිනම් පරීක්ෂණයක් අරඹා ඇත.

මෙම ආහාර පෞද්ගලික සමාගමක් මඟින් ඇණවුම් කොට ඇති අතර දිවා ආහාර ගන්නා අවස්ථාවේ ඒවා පිළුණු වී තිබීම සිතා මතා කළ ක්‍රියාවක ප්‍රතිඵලයක් දැයි මෙහිදී විමසා බැළෙණු ඇත.

සෞඛ්‍ය අමාත්‍යංශයේ ලේකම්වරයාගේ නියමයෙන් සිදුකෙරෙන මෙම පරීක්ෂණය නිම වන තුරු එම ආහාර සඳහා මුදල් ගෙවීම සම්පූර්ණයෙන් අත්හිටුවා ඇති බව සෞඛ්‍ය අමාත්‍යංශ ආරංචි මාර්ග කියයි.

මෙහි එක් කෑම පාර්සලයක් සඳහා අමාත්‍යංශය රුපියල් 350/- බැගින් කෑම පාර්සල් 5000 සඳහා මිලියන 1.75 ක මුදලක් වැය කිරීමට නියමිතය.

 

ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රී කණ්ඩායම හා ජනාධිපති මෛත්‍රීපාල සිරිසේන මහතා අතර විශේෂ සාකච්ඡාවක් ජනාධිපති නිල නිවසේදී අද (12) රාත්‍රී 7.00ට පැවැත්වීමට නියමිතය.
ඉදිරියේදී පාර්ලිමේන්තුවේදී විවාදයට ගැනීමට නියමිත ආණ්ඩුක්‍රම ව්‍යවස්ථාවේ 20 වැනි සංශෝධනය සම්බන්ධයෙන් මෙහිදී විශේෂයෙන් සාකච්ඡා කෙරෙනු ඇතැයි එම පක්ෂ අභ්‍යන්තර ආරංචි මාර්ග සඳහන් කළේය. තමන් ඇතුළු ආණ්ඩුවෙන් ඉවත් වීමට තීරණය කර ඇති මැති ඇමැති කණ්ඩායම සිය ගැටලු සම්බන්ධයෙන් මෙහිදී සෘජුව සාකච්ඡා කරන බවත් ආණ්ඩුවෙන් ඉවත් වන දිනය සම්බන්ධයෙන් මෙම සාකච්ඡාවෙන් පසු නිශ්චිතව තීන්දු කරන බවත් රාජ්‍ය ඇමැති ටී.බි.ඒකනායක මහතා ලක්බිම කළ විමසීමකදී සඳහන් කළේය.
කෙසේ වෙතත් ආණ්ඩුවෙන් ඉවත් වීමට ගෙන තිබෙන තීරණයේ කිසිදු වෙනසක් සිදුනොවන බවද ඒකනායක මහතා සඳහන් කළේය.

කමණී හෙට්ටිආරච්චි, පානුක රාජපක්ෂ

ගල්කිස්ස හා රත්මලාන ප්‍රදේශවල  ඉඩම් මිලදී ගැනිමට මුදල් යෙදවීම සම්බන්ධයෙන් ප්‍රකාශයක් ලබා ගැනීම සඳහා හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා අද (12) උදෑසන 10.00 ට මුල්‍ය අපරාධ කොට්ඨාශය වෙත කැඳවා තිබේ.
ගල්කිස්ස, මිහිඳු මාවතේ  පර්චස් 31ක ඉඩමක් හා රත්මලාන, සිරිමල් උයන, කෙකටිය ප්‍රදේශයේ  නිවසක් සහිත පර්චස් 31.5 ක ඉඩමක් යෝෂිත රාජපක්ෂ මහතාගේ මිත්තණිය වු ඩේසි ෆොරස්ට් යන අයගේ නමින්  ඉඩම් මිලදී ගැනීම සම්බන්ධයෙන් මූල්‍ය අපරාධ කොට්ඨාශය මුදල් විශුද්ධිකරණ පනත යටතේ සිදු කරන පරීක්ෂණයක් සම්බන්ධයෙන් ප්‍රකාශයක් ලබා ගැනීම සඳහා මෙම කැඳවීම සිදු කර ඇති බව ‍පොලිස් මුලස්ථානය පවසයි.
මේ සම්බන්ධයෙන් යෝෂිත රාජපක්ෂ ප්‍රකාශ ලබාදීමට මුල්‍ය අපරාධ කොට්ඨාශය වෙත පැමිණෙන්නේ දෙවැනි වරටය.

ශානිකා මාධවී පීරිස්

උසස්පෙළ විභාගයේ පිළිතුරු පත්‍ර ඇගයීමේ දෙවන අදියර හෙට (13) ආරම්භ වන බව විභාග දෙපාර්තමේන්තුව පවසයි.
ලබන 26 දින දක්වා මෙම ඇගයීම් පැවැත්වෙන අතර අදාළ කාලය තුළ පාසල් 7ක් සම්පූර්ණයෙන් වසා තැබෙන අතර තවත් පාසල් 20ක් කොටසක් වසා පිළිතුරු පත්‍ර ඇගයීමේ කටයුතු සඳහා යොදා ගෙන තිබේ.  සම්පූර්ණයෙන්ම වසන ලද පාසල් 7 ලබන 27 දා යළි විවෘත වන බව විභාග දෙපාර්තමේන්තුව පවසයි.
ඒ අනුව කොළඹ සී.ඩබ්ලිව්.ඩබ්ලිව්. කන්නන්ගර විද්‍යාලය, කොළඹ ආනන්ද විද්‍යාලය, කළුතර ගුරුළුගෝමී මහා විද්‍යාලය, කුරූණෑගල ලක්දාස් ද මැල් විද්‍යාලය, ගාල්ල සුධර්මා විද්‍යාලය, මාතර ශාන්ත සර්වේසස් විද්‍යාලය, සහ බණ්ඩාරවෙල සීවලී නවෝද්‍යා මහා විද්‍යාලය යන පාසල් 7 මෙලෙස 27 දා දක්වා වසා තබනු ලැබේ.
 

ගයාත්‍රි ගීගනආරච්චි

පාර්ලිමේන්තු මන්ත්‍රී හිටපු ජනමාධ්‍ය අමාත්‍ය කෙහෙළිය රඹුක්වැල්ල මහතා හා රාජ්‍ය මුද්‍රණ නීතිගත සංස්ථාවේ හිටපු අධ්‍යක්ෂ ජනරාල් ජයම්පති බණ්ඩාර හීන්කෙන්ද මහතා රුපියල් ලක්ෂ පහ බැගින් වූ ශරීර ඇප මත මුදා හැරීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා නියෝග කළේය.
එම සැකකරුවන් දෙදෙනාට එරෙහිව අධිකරණය හමුවේ පැමිණිල්ලක් ගොනු කර  නඩු පැවැරීමට තරම් ප්‍රමාණවත් සාක්ෂි නොමැති බව පෙන්වා දෙමින් විත්තියේ නීතිඥවරුන් ලිඛිත දේශන මගින් දැක්වූ මූලික විරෝධතාවය සම්බන්ධයෙන් ලබන ඔක්තෝබර් 30 වැනිදා ලිඛිත දේශන ගොනු කරන ලෙසටද ප්‍රධාන මහේස්ත්‍රාත්වරයා අල්ලස් හෝ දූෂණ විමර්ශන කොමිෂන් සභාවට නියෝග කළේය.
කෙහෙළිය රඹුක්වැල්ල මහතා ජනමාධ්‍ය අමාත්‍යවරයා ලෙස කටයුතු කළ සමයේ ඔහුගේ පෞද්ගලික දුරකථනයේ මාසික බිල වූ රුපියල් දෙලක්ෂ තිස් දහසක මුදලක් රාජ්‍ය මුද්‍රණ නීතිගත සංස්ථාවේ මුදලින්් ගෙවීම මගින් අල්ලස් හෝ දූෂණ විමර්ශන පනතේ “දූෂණය” නමැති වැරැද්ද සිදුකර ඇතැයි චෝදනා කරමින් අල්ලස් හෝ දූෂණ විමර්ශන කොමිෂන් සභාව එම නඩුව පවරා තිබුණි.
මේ අතර රාජ්‍ය මුද්‍රණ නීතිගත සංස්ථාවේ මුදල් රුපියල් කෝටි අටකට අධික මුදල් වැයකර රාජ්‍ය මුද්‍රණ නීතිගත සංස්ථාවේ සේවකයන්ට ප්‍රසාද දීමනා හා හෝටල් බිල්පත් ගෙවීමේ සිද්ධියකට එරෙහිව ජයම්පති බණ්ඩාර හීන්කෙන්ද මහතාට එරෙහිව අල්ලස් හෝ දූෂණ විමර්ශන කොමිෂන් සභාව විසින් පවරා තිබූ නඩු 13ක්ද ඊයේ (11) කොළඹ ප්‍රධාන  මහේස්ත්‍රාත් අධිකරණය හමුවේදී කැඳවිණි. එම සැකකරුද රුපියල් ලක්ෂ 5 බැගින් වූ ශරීර ඇප මත මුදා හැරීමට ද නියම කළ ප්‍රධාන මහේස්ත්‍රාත්වරයා එම නඩු ද ලබන ඔක්තෝබර් 30 වැනිදා කැඳවීමට නියෝග කළේය.
අල්ලස් හෝ දූෂණ විමර්ශන කොමිසන් සභාව වෙනුවෙන් පෙනී සිට සහකාර අධ්‍යක්ෂ ජනරාල් අනුරාධා සිරිවර්ධන මහත්මිය දීර්ඝ ලෙස කරුණු දක්වමින් කළ ඉල්ලීමක් සලකා බැලූ ප්‍රධාන මහේස්ත්‍රාත්වරයා එම නියෝගය කළේය.

නිශාන්ති රාමනායක, කොළඹ අධිකරණ

හබරණ සිට පින්නවලට ප්‍රතිකාර සඳහා ගෙන යමින් සිටියදී කඩුගන්නාව හේනාවල ප්‍රදේශයේදී අනතුරට පත් රථයේ සිටි අලියා අද අලුයම ජීවිතක්ෂයට පත්විය.

රථයේ තිරිංග ක්‍රියාත්මක කිරීම හේතුවෙන් රථය තුළ ඇද වැටුණු අලියාගේ පාදයක අස්ථි බිදීමක් සිදුවී තිබුණු අතර දොඹකරයක අධාරයෙන් පිටට ගත අලියාට ප්‍රතිකාර කිරීම එම ස්ථානයේදීම සිදු කරන ලදී.

නමුත් ඒ වන විටත් අසාධ්‍ය තත්වයේ සිටි අලියා අද අලුයම මිය ගොස් තිබේ.

මෙම මරණයට හේතුව අලි ඇතුන් ප්‍රවාහනයේදී පිළිපැදිය යුතු නීති රීති කිසිවක් මෙම අලියා ප්‍රවාහනයේදී අනුගමනය නොකිරීම යැයි පරිසර වේදීහු චෝදනා කරති.

උත්සව කාල සහ දීර්ඝ සති අන්ත නිවාඩු මුල් කොට කතරගම පුදබිමට පැමිණෙන බැතිමතුන් සංඛ්‍යාව වැඩි වත්ම එහි ඇතැම් වෙළදසැල් වල ආහාරපාන ආදියේ මිල හිතුමතේ ඉහළ දැමීමට වෙළඳුන් කටයුතු කරන බව එහි පැමිණෙන බැතිමත්හු කියති.

එහි ඇති ඇතැම් ආපන ශාලාවල ආහාර පාන සාමාන්‍ය මිල මෙන් දෙගුණයක් පමණ මිල ඉහළ නැංවෙන අතර බැතිමතුන් ඒ පිළිබඳව විමසීමට උත්සාහ කරන විට එහි පැමිණෙන අතරමැදි පුද්ගලයන් බැතිමතුන් නිහඬ කිරිමට වෙර දරන බව වාර්තා වේ.

බැතිමතුන් ඔවුන් හා වැඩිදුර කතා බහක එළඹුනහොත් තර්ජන ගර්ජන මගින් ඔවුන් නිහඬ කිරීමටද එම පිරිස් පසුබට නොවන බව පැවසේ.

ආහාර පාන ප්‍රමිතිය සහ වැඩිමිලට විකිණීම සම්බන්ධයෙන් රටේ බල පැවැත්වෙන නීති රෙගුලාසි දීර්ඝ සති අන්ත නිවාඩු දින වල සහ උත්සව සමයේ කතරගම වෙළඳුන්ට බලනොපානුයේ මන්දැයි බැතිමත්හු ප්‍රශ්න කරති.

එස්.ටී.පී.සිල්වා

මුතුරාජවෙල සහ ජා ඇල ප්‍රදේශයේ සිදුවන ඉවක් බවක් නොමැති තෙත් බිම් ගොඩ කිරීම නිසා ගම්පහ දිස්ත්‍රිකයේ ජා ඇල ආශ්‍රිත ප්‍රදේශ ගණනාවකට ගං වතුර ඇතුළු බලවත් පාරිසරික තර්ජන එල්ල විය හැකි බව ජා ඇල ප්‍රාදේශීය සංවර්ධන කමිටු සම සභාපති වරුන් වන හිටපු කතානායක වරයෙකු සහ අමාත්‍යවරයෙකු වන ජෝෂප් මයිකල් පෙරේරා(එජාප) මහතා සහ හිටපු අමාත්‍යවරයෙකු වන ෆීලික්ස් පෙරේරා (එජනිප) මහතා එක්ව හඬ නගති.

ඒ දැන් පැවැත්වෙන ජා ඇල ප්‍රාදේශීය සංවර්ධන කමිටු රැස්වීමේදීය. මහ නගර සංවර්ධනය මුවාවෙන් සිදුකෙරෙන මෙම නොවිධිමත් ගොඩ කිරීම සඳහා නිත්‍යානුකූල අවසර ලබා ගෙන නොමැති බව පෙන්වා දෙන මෙම සම සභාපතිවරු මේවා තුළ අල්ලස්, දූෂණ, වංචා ඇතුළු නොවිධිමත් රාජ්‍ය මුදල් අවභාවිතයක් පවතින බවද අවධාරණය කරති.

වෙනදා ප්‍රාදේශීය සංවර්ධන කමිටු රැස්වීමකදී එකම කරුණක් සම්බන්ධයෙන් මතභේදාත්මක අදහස් පළ කරන මෙම සම සභාපතිවරුන් දෙදෙනා මෙම පරිසර විනාශය සම්බන්ධයෙන් එක්ව හඬ නැඟීම දුලබ සිදුවීමක් යැයි එය වාර්තා කිරීමට පැමිණි මාධ්‍යවේදීහු කියති.

ප්‍රසංග පෙරේරා - ජා ඇල

රුපියල් කෝටි හැටක රජයේ මුදල් අවභාවිතා කොට සිල්රෙදි බෙදා දීමේ වරදට දැනට බන්ධනාගාරගතව සිටින හිටපු ජනාධිපති ලේකම් ලලිත් වීරතුංග සහ විදුලිසංදේශන නියාමන කොමිසමේ හිටපු අධ්‍යක්ෂජනරාල් අනූෂ පැල්පිට නිදහස් කරගැනීම සම්බන්ධයෙන් අරමුදලක් පිහිටුවීමට සැලසුම් කොට ඇතැයි ඒකාබද්ධ විපක්ෂ ආරංචිමාර්ග කියයි.

මෙහිදී මේ සම්බන්ධයෙන් අදහස් පළ කළ පාර්ලිමේන්තු මන්ත්‍රී බන්දුල ගුණවර්ධන මහතා ප්‍රකාශ කරනුයේ මෙම සිල්රෙදි බෙදා දීම සම්බුද්ධ ජයන්ති මහෝත්සවය සඳහා පත් කළ රාජ්‍ය කමිටුවේ නිර්දේශයකට අනුව ජනාධිපතිවරයාගේ නියමයෙන් සිදුකරන ලද්දක් බවය.

එස්.ටී.පී සිල්වා

 

 

 

මින් ඉදිරියේදී බන්ධනාගාර ගත වී සිටින රැඳවියෙකු යම් අසනීප තත්ත්වයක් හේතුවෙන් බන්ධනාගාර රෝහල වෙත ප්‍රතිකාර ලැබිමට ඇතුළත් වන්නේ නම් බන්ධනාගාර රෝහල් වෛද්‍යවරුන් තිදෙනකුගේ අනුමැතිය ලබා ගත යුතු යැයි බන්ධනාගාර ප්‍රතිසංස්කරණ, පුනරුත්ථාපන, නැවත පදිංචි කිරීම හා හින්දු ආගමික කටයුතු අමාත්‍ය ඩී.එම්. ස්වාමිනාදන් මහතා පවසයි. 
මීට පෙර ඒ සඳහා ලබාගත යුතුව තිබුණේ එක් වෛද්‍යවරයෙකුගේ අනුමැතිය පමණක් වුව ද , මින් ඉදිරියේ දී බන්ධනාගාර රෝහල් වෛද්‍යවරු තිදෙනකුගේ අනුමැතිය මත පමණක් රැඳවියකු බන්ධනාගාර රෝහලට ඇතුළත් කිරීමට කටයුතු කරන ලෙස අමාත්‍යවරයා බන්ධනාගාර කොමසාරිස් ජනරාල්වරයාට උපදෙස් ලබා  දී ඇත. 
මෙහිදී අදාළ වෛද්‍ය වාර්තා අමාත්‍යාංශය වෙත ඉදිරිපත් කළ යුතු අතර අමාත්‍යාංශය විසින් ඒවා පිළිබඳව වැඩිදුර විමර්ශනය කරන බවද ස්වාමිනාදන් මහතා පවසයි. 
බන්ධනාගාර රැඳවියන් බන්ධනාගාර රෝහලට ඇතුළත් කිරීමේදී අක්‍රමිකතා සිදුවන බවට විවිධ පාර්ශ්වවලින් ලැබි ඇති පැමිණිලි හා ඉල්ලීම් සලකා බැලීමෙන් පසුව මෙම තීරණයට එළඹී බවද අමාත්‍ය ඩී.එම්. ස්වාමිනාදන් මහතා ප්‍රකාශ කරයි. 
 
ගායත්‍රි ගීගනආරච්චි
IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.