Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ්‍රී ලංකා නිදහස් පක්ෂය ශක්තිමත් කිරීමට දරදිය ඇදි ආසන සංවිධායකයින් ඉවත් කිරීමට අවශ්‍ය වී ඇත්තේ ඉතා මෑතකදී පක්ෂයට බැඳුණු, පක්ෂයේ ඉතිහාසය නොදන්නා පිරිසකට බව ශ්‍රීලනිප ජාතික සංවිධායක තාක්ෂණ හා පර්යේෂණ ඇමැති සුසිල් ප්‍රේමජයන්ත මහතා 'ලක්බිම'ට ප්‍රකාශ කළේය.
ජනාධිපති මෛත්‍රීපාල සිරිසේන මහතා ඇතුළු පක්ෂයට ආදරය කරන පක්ෂයේ බහුතරයකට අවශ්‍ය වී ඇත්තේ බෙදීමක් නොව පක්ෂය සමගි කිරීමක් බව පැවැසූ ඇමැතිවරයා, යටි අරමුණු මත පක්ෂය දෙකඩ කිරීමට උත්සාහ දරන අතළොස්සකට අවශ්‍ය දෙය ඉටුකර ගැනීමට කිසිවිටෙකත් ඉඩනොදෙන බව ඇමැතිවරයා පැවැසීය.
චමල් රාජපක්ෂ මහතා ඇතුළු පස්දෙනකු ආසන සංවිධායක ධුරවලින් ඉවත් කරන බවට පළවන වාර්තා සම්බන්ධයෙන් තමා ජනාධිපතිවරයාගෙන් සහ පක්ෂයේ මහ‍ලේකම්වරයාගෙන් විමසන බවද සුසිල් ප්‍රේමජයන්ත මහතා පැවැසීය.
ඔවුන් සංවිධායක ධුරවලින් ඉවත් කිරීමට සූදානම් වන්නේ නම්, තමා ඒ සඳහා දැඩි ලෙස විරෝධය පළකරන බවද සුසිල් ප්‍රේමජයන්ත මහතා වැඩිදුරටත් කීය..
 
කමණී හෙට්ටිආරච්චි

පවතින වැසි සහිත කාලගුණික තත්ත්වය ඉදිරි දින කිහිපයේදීත් බලා‍පොරොත්තු වන බව කාලගුණ විද්‍යා දෙපාර්තමේන්තුව පවසයි.
ඒ අනුව ඇතැම් විට බස්නාහිර, සබරගමුව, දකුණ, නැගෙනහිර හා ඌව පළාත්වලත් වවුනියාව හා මුලතිව් දිස්ත්‍රික්කවල මිලිමීටර 75ත් 100ත් අතර තද වැසි ඇතිවිය හැකි යැයි කාර්යයේ නියුතු කාලගුණ විද්‍යාඥ උදේනි වීරසිංහ මහත්මිය පැවැසුවාය.
මේ අතර ඇතැම් විට ගිගිරුම් සහිත වැසි ඇති විටෙක තාවකාලිකව හමන තද සුළං ඇතිවිය හැකි බවත් ඇතැම් විට සුළඟේ වේගය පැයට කිලෝමීටර 70-80 පමණ දක්වා වැඩිවිය හැකි බවත් ඇය පැවැසුවාය.
 
ගයාත්‍රි ගීගනආරච්චි

අර්ජුන් මහේන්ද්‍රන්, අර්ජුන් ඇලෝසියස් හෝ පර්පචුවෙල් ටේ‍රසරීස් සමාගම හෝ ඊට සම්බන්ධ කිසිවකුත් එ.ජා.ප.යේ කටයුතුවලට මූල්‍ය හෝ වෙනත් කිසිම දායකත්වයක් ලබාදී නැතැයි එ.ජා.ප. මහ‍ලේකම් කබිර් හෂීම් හා එ.ජා.ප. සභාපති මලික් සමරවික්‍රම යන අමාත්‍යවරු අද (11) බැඳුම්කර කොමිසමේදී ප්‍රකාශ කළහ.
ප්‍රශ්නගත බැඳුම්කර විමර්ශන විශේෂ ජනාධිපති කොමිසම හමුවේ අද (11) සාක්ෂි දුන් අමාත්‍යවරු දෙදෙනා මේ බව සඳහන් කළේ කොමිසමේ සභාපති ශ්‍රේෂ්ඨාධිකරණයේ ‍‍‍ජ්‍යෙෂ්ඨ විනිසුරු කේ.ටී. චිත්‍රසිරි මහතාගේ ප්‍රශ්න කිරීම් හමුවේය. කොමිසම ඊයේ පෙ.ව. 10.00ට එහි සභාපති ශ්‍රේෂ්ඨාධිකරණ ‍‍‍ජ්‍යෙෂ්ඨ විනිසුරු කේ.ටී. චිත්‍රසිරි මහතාගේ ප්‍රධානත්වයෙන් රැස්විය.
කොමිසමේ ඊයේ සාක්ෂි දීමට කැඳවා සිටි අය අතරින් එ.ජා.ප. මහ‍ලේකම් හා එහි සභාපති කබිර් හෂීම් හා මලික් සමරවික්‍රම යන මහත්වරුද වූහ. කබිර් හෂීම් මහතා කොමිසමට පැමිණියේ පෙ.ව. 9.20ට පමණය. මේ දෙදෙනාගෙන්ම කොමිසම විමසා සිටියේ මහබැංකුවේ පැවැති රැස්වීමකට මොවුන් සහභාගි වූයේද එහිදී ගනු ලැබූ තීරණ කවරේද යන්න ගැනය. විශේෂයෙන්ම කොමිසම ඔවුන්ගේ ප්‍රශ්න කරනු ලැබූවේ එ.ජා.ප.යට පර්පචුවෙල් ටේ‍රසරීස් සමාගම හෝ ඊට අයත් වෙනත් ආයතන හෝ පුද්ගලයින් ආධාර අනුබල ලබා දුන්නේද යන්නය. එහිදී දෙදෙනාගේම පිළිතුර වූයේ එවැන්නක් ගැන දැන ගැනීමට නැති බවත් එවැනි ආධාර හෝ අනුබල මෙම සමාගම හෝ ඊට අදාළ කිසිවකු විසින් ලබාදී නොමැති බවත්ය.
මෙම සාක්ෂිකරුන් දෙදෙනාගෙන්ම සාක්ෂි සටහන් කර ගැනීම ඊයේ පෙ.ව. 10.00ට ආරම්භ වී පෙ.ව. 01.40ට පමණ නිමා විය. සාක්ෂි දීමෙන් නඩු කොමිෂන් ශාලාවෙන් පිටතට පැමිණ කබිර් හෂීම් මහතා සඳහන් කළේ තමන් කොමිසමට ගරු කරන බවත් කොමිසමේ කැඳවීම අනුව මෙහි පැමිණ ඊට සහය වූ බවත්ය. අපි මේ කොමිසමට කැඳවන්න එපා කියලා ජනාධිපති පිටුපස්සේ යනවා කියලා ඇතැම් අය චෝදනා කළත් එසේ කිරීමට තමන් වරදක් කර නැති බවද කොමිසම කැඳවන ඕනෑම දිනක මෙහි පැමිණ ඊට සහය වීමට තමන් සූදානම් බවද කබිර් මහතා කීවේය.
 
ජයසූරිය උඩුකුඹුර

අද මධ්‍යම රාත්‍රියේ සිට දුම්රිය රියදුරන් සහ නියාමක වරුන් විසින් ඇරඹීමට නියමිත වැඩ වර්ජනයක් මත අද පස්වරුවේ සිටම දුම්රිය ධාවන අඩාල වීම නිසා මහජනතාව ඉමහත් අසීරුතාවකට පත්වූහ.

අද රාත්‍රියේ කොළඹ කොටුවෙන් ගමන් ආරම්භ විමට තිබු රාත්‍රී තැපැල් දුම්රියන් රියදුරන් සහ නියාමකවරුන් නොමැති බැවින් හදීසියේ අවලංගු කිරීමට සිදුව ඇති අතර ඒ වන විට එම දුම්රියන් සඳහා ටිකට් ද නිකුත් කොට තිබිණ.

එමෙන්ම දුම්රිය මගින් ප්‍රවාහනය සඳහා තැපැල් මලුද ඒ වන විට සූදානම් කොට තිබිණ.

සම්මත බදවා ගැනීමේ පටිපාටියෙන් බැහැරව දුම්රිය රියදුරු සහායකයන් බඳවා ගැනීමට විරුද්ධවත්වය පළ කිරීම සඳහා මෙම වැඩ වර්ජනය සංවිධානය කළ බව වෘත්තීය සමිති ප්‍රකාශ කළද මගී ජනතාවට දැඩි පීඩා ගෙන දෙන මෙවනි හදීසි ක්‍රියා මාර්ග කෙසේ වත් අනුමත කළ නොහැකි බව අද පස්වරුවේ දුම්රිය ගමන් බලාපොරොත්තුවෙන් සිටි මගීන් බොහෝ දෙනෙක් කීය.

ජාත්‍යන්තර ක්‍රිකට් කවුන්සිලයේ නවතම ටෙස්ට් ශ්‍රේණිගත කිරීමට අනුව හත්වන ස්ථානයේ සිට හයවන ස්ථානය දක්වා ඉදිරියට ඒමට ශ්‍රී ලංකාව සමත්ව සිටියි.

ඒ පාකිස්ථානය සමඟ පැවැති දෙවන ටෙස්ට් ක්‍රිකට් තරඟයෙන් ලකුණු 68 ක ජයග්‍රහණයක් වාර්තා කිරීමත් සමඟිනි. එක්සත් අරාබි එමීර් රාජ්‍යයේ පැවැති ටෙස්ට් ක්‍රිකට් තරඟාවලියකින් පාකිස්ථානය පරාජයට පත් කළ පළමු රට ලෙස ද වාර්තාවක් තැබීමට මෙවර ශ්‍රී ලංකාවට හැකිවිය.

ශ්‍රී ලංකාව සහ පාකිස්ථානය අතර පැවැත්වෙන තරඟ පහකින් යුතු ක්‍රිකට් තරඟාවලිය ලබන 13 සිකුරාදා ඩුබායි හිදී පැවැත්වෙනු ඇත.

තායිවානයේ ෆා ඊස්ටන් ඉන්ටර්නැෂනල් බැංකුවේ පරිගණක ජාලයට අනවසර‍යෙන් ඇතුළු වී සිදුකරන ලදැයි කියන ඩොලර් මිලියන ගණනක වංචාව සම්බන්ධයෙන්  අත්අඩංගුවට පත්ව සිටි ලිට්රෝ ගෑස් සමාගමේ සභාපති ශලීල මුණසිංහ මහතා ඔක්තෝම්බර් 25 දක්වා රක්ෂිත බන්ධනාගාර ගත කරන ලෙස කොටුව මහේස්ත්‍රාත් ලංකා ජයරත්න මෙනවිය අද(11)  නියෝග කොට ඇත.

 

 එස්.ටී.පී සිල්වා

 

අත්අඩංගුවට ගන්නා ලද පාර්ලිමේන්තු මන්ත්‍රී නාමල් රාජපක්ෂ මහතා ඇතුළු පිරිස තංගල්ල බන්ධනාගාරයේ රක්ෂිත බන්ධනාගාර ගත කොට ඇතැයි වාර්තා වේ.

ඒ ඉකුත් 06 වෙනිදා  හම්බන්තොට පැවැති විරෝධතාවයේ දී අධිකරණ නියෝග කඩකිරීම, කලහකාරී ලෙස හැසිරීම, පොදුදේපල වලට හානි කිරීම, පොලිස් නිලධාරීන්ගේ රාජකාරියට බාධා කිරීම යන චෝදනා යටතේය.

මෙම විරෝධතාවයේ දී අත්අඩංගුවට ගැනුණු කාන්තාවන්ද ඇතුළු 28 දෙනෙක් ද මේ වන විට රක්ෂිත බන්ධනාගාර ගත කොට ඇත.

පැමිණිල්ල වෙනුවෙන් පොලිස් මාධ්‍ය ප්‍රකාශක නීතිඥ රුවන් ගුණසේකර, හම්බන්තොට සහකාර පොලිස් අධිකාරි සනත් අමරසිංහ සහ හම්බන්තොට මූලස්ථාන පොලිස් පරීක්ෂක ප්‍රියන්ත අබේසිංහ මහතා ඇතුළු පිරිසක් පෙනී සිටි අතර සැක කරුවන් වෙනුන් ප්‍රේම ලාල් දොලවත්ත මහතා ඇතුළු නීතිඥවරු පහළොවක් පෙනී සිටියහ.

ආචාර්ය රංග කලන්සූරිය මහතාගේ ඉල්ලා අස්වීමෙන් පුරප්පාඩු වූ රජයේ ප්‍රවෘත්ති අධ්‍යක්ෂ ජනරාල් පදවියේ වැඩ බැලීම සඳහා ශ්‍රී ලංකා ගුවන්විදුලි සංස්ථාවේ සභාපති නීතිඥ සුදර්ශන ගුණවර්ධන මහතා පත්කිරීමට කැබිනට් මණ්ඩලයේ අනුමැතිය හිමිව තිබේ.

එම යෝජනාව කැබිනට් මණ්ඩලයට ඉදිරිපත් කොට ඇත්තේ මුදල් හා ජනමාධ්‍ය අමාත්‍ය මංගල සමරවීර මහතා විසිනි.

නීතිඥ ගුණවර්ධන මහතා මානව හිමිකම් ක්‍රියාධරයකු ලෙස මෙරට සමාජයේ කැපී පෙනෙන පුරවැසියෙකි.

අධිකරණ නියෝග උල්ලංඝණය කරමින් උද්ඝෝෂණයක් කිරීමේ චෝදනාව මත ඊයේ (10) සවස පොලිස් අත්අඩංගුවට පත් පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී.චානක, ප්‍රසන්න රණවීර ඇතුළු උපාලි කොඩිකාර, සම්පත් අතුකෝරාල, අජිත් ප්‍රසන්න ඇතුළු සහදෙන දෙනා ලබන 16වන තෙක් රක්ෂිත බන්ධනාගත කරන මෙන් හම්බන්තොට මහේස්ත්‍රාත් මංජුල කරුණාරත්න මහතා ඊයේ රාත්‍රී නියෝග කර ඇත.

මෙම නියෝගයෙන් පසු ඇතැම් කණ්ඩායම් ඔවුන් බන්ධානාගාරයට ගෙන යන මාර්ගයේ ටයර් පුළුස්සමින් කළහකාරී ලෙස හැසිරුණු බව වාර්තාවේ.

ප්‍රශ්නගත බැඳුම්කර සිද්ධිය සම්බන්ධයෙන් කරුණු විමර්ශනය කරන ජනාධිපති විශේෂ විමර්ශන කොමිසම හරහා දැනට හෙළිදරව් වන කරුණු අනුව චෝදනා ලැබ සිටින පුද්ගලයන්ට සිර දඬුවම් හා අදාළ රාජ්‍ය අලාභය අයකර ගැනීම සඳහා ඔවුන් සතු දේපළ රාජසන්තක කිරීමට සිදුවනු ඇතැයි මහාචාර්ය ජී. එල්. පීරිස් මහතා සඳහන් කරයි.
මහ බැංකුවේ සිදුව ඇති මහ මුදල් කොල්ලය පිළිබඳව ජනාධිපති කොමිසම දැන් විමර්ශන කටයුතු කරනවා. දැන් හෙළිවී තිබෙන කරුණු අනුව රාජ්‍ය බැංකුවලට හා අර්ථසාධක අරමුදලට අයවිය යුතුව තිබූ විශාල ලාභයක් අහිමි වීමට හේතුව එවකට මුදල් ඇමැතිවරයා දුන් උපදෙස් බවත් දැන් හෙළිවී තිබෙනවා. මේ කරුණු සියල්ල පිළිබඳව සලකා බැලීමේදී මේ ජනතා මුදල් කොල්ලය ඉතාම සැලසුම් සහගතව සිදුකර ඇති බව අවබෝධ කරගන්න පුළුවන්. මේ අපරාධයට සම්බන්ධ අයට හා ඊට අනුබල දුන් අයට ඉන් බේරෙන්න දැන් ක්‍රමයක් නෑ. කොමිසමට දඬුවම් දෙන්න බලයක් නැති වුණත් කොමිසමේ වාර්තාව ජනාධිපතිවරයාට ලැබුණු පසු එය අනිවාර්යයෙන්ම නීතිපතිට බාරදී අධිකරණ කටයුතු කරන්න සිදුවනවා යැයිද පීරිස් මහතා කීවේය.
මේ මුදල් කොල්ලය ගැන දැන් ජනතාවට ඔවුන්ගේ මතය ප්‍රකාශ කරන්න ක්‍රමයක් නෑ. ඒ නිසයි ජනතාව ඡන්දයක් ඉල්ලන්නේ. රජය ජනතාවගේ ඒ පරමාධිපත්‍යයත් කොල්ලකමින් රජයේ සිටින තාක් සාක්කු පුරවා ගැනීමේ ප්‍රතිපත්තියක් අනුගමනය කරන බවද පීරිස් මහතා කීවේය. ඔහු මේ බව සඳහන් කළේ කොළඹ ඊයේ පැවැති මාධ්‍ය හමුවකදීය.
 
ජයසූරිය උඩුකුඹුර

ශ්‍රී ලංකා ‍පොදුජන පෙරමුණේ කටයුතු සඳහා සම්බන්ධ වී සිටින, ශ්‍රී ලංකා නිදහස් පක්ෂයේ ආසන සංවිධායකයන් පස්දෙනකු එම සංවිධායක ධුරවලින් ඉවත් කිරීමට තීරණය කර ඇත.
ඒ අනුව නාවලපිටිය ආසන සංවිධායක මහින්දානන්ද අලුත්ගමගේ, හොරණ ආසන සංවිධායක විදුර වික්‍රමනායක, තිස්සමහාරාම ආසන සංවිධායක චමල් රාජපක්ෂ, රක්වාන ආසන සංවිධායක රන්ජිත් සොයිසා හා වෙන්නප්පුව සම සංවිධායක අරුන්දික ප්‍රනාන්දු යන මහත්වරු වෙනුවට නව ආසන සංවිධායකවරු පත් කිරීමට නියමිතය.
මීට අමතරව ඒකාබද්ධ විපක්ෂය සමග කටයුතු කරන පාර්ලිමේන්තු මන්ත්‍රීවරු නොවන පිරිසක්ද ආසන සංවිධායක ධුර දරන අතර ඔවුන්ද එම සංවිධායක ධුරවලින් ඉවත් කර නව සංවිධායක ධුර පත් කිරීමට නියමිත බව එම ආරංචි මාර්ග වැඩිදුරටත් අනාවරණය කළේය.
එමෙන්ම පක්ෂ ක්‍රියාකාරකම්වලට සම්බන්ධ නොවී සිටින දුර්වල සංවිධායකයන්ද ඉදිරියේදී පැවැත්වීමට නියමිත පළාත් පාලන මැතිවරණයට පෙර ඉවත් කර ඉතා ඉක්මනින් නව ආසන සංවිධායකයන් පත් කිරීමට ශ්‍රී ලංකා නිදහස් පක්ෂය තීරණය කර ඇත.
 
කමණී හෙට්ටිආරච්චි
IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 761

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 1476

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1321

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1300

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 1774

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 2781

Please publish modules in offcanvas position.