Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පළාත් පාලන මැතිවරණයේදී ශ්‍රී ලංකා නිදහස් පක්ෂය හා ඒකාබද්ධ විපක්ෂය ‍පොදුජන එක්සත් පෙරමුණ යටතේ පුටුව ලකුණින් තරග කිරීමට බොහෝදුරට ඉඩ ඇතැයි දේශපාලන ආරංචිමාර්ග සඳහන් කරයි.
දෙපාර්ශ්වය සමගි කිරීම සඳහා ඉකුත් සතියේදී දිනක ඉහළ මට්ටමේ දේශපාලනඥයන්ගේ සහභාගිත්වයෙන් සාකච්ඡාවක් පවත්වා ඇති අතර ඉන්පසු ඉකුත් බ්‍රහස්පතින්දා (07) රැය පහන් වනතුරු ශ්‍රී ලංකා නිදහස් පක්ෂයේ ප්‍රධාන පෙළේ මැති ඇමැතිවරු ඉදිරි වැඩකටයුතු පිළිබඳ දීර්ඝ සාකච්ඡාවක් පවත්වා ඇත.
ශ්‍රී ලංකා නිදහස් පක්ෂය සමගි වීම සම්බන්ධයෙන් එහි බොහෝ දෙනකුගේ ආශිර්වාදය ලැබි තිබෙන බවත්, විරෝධය පළවී ඇත්තේ තනතුරු හා පටු දේශපාලන අරමුණු දරන අතළොස්සක් වන පිරිසකගෙන් බවත් එහි ‍‍‍ජ්‍යෙෂ්ඨ ප්‍රකාශකයකු 'ලක්බිම ඉරිදා සංග්‍රහය'ට පැවැසීය.
පක්ෂය දෙකඩ වීමෙන් කිසිදු ඵලක් නොවන බැවින් ශ්‍රී ලංකා නිදහස් පක්ෂ පාර්ශ්වයෙන් ඔවුන්ට කිසිදු කොන්දේසියකින් තොරව එකතුවීම සඳහා කටයුතු කළ යුතු බව ජනාධිපති මෛත්‍රීපාල සිරිසේන උපදෙස් දී ඇත. පළාත් පාලන මැතිවරණයට අදාළ දෙපාර්ශ්වයේ සාකච්ඡා ඉදිරියටත් පැවැත්වෙන බව එම ආරංචිමාර්ග වැඩිදුරටත් සඳහන් කළේය.
‍පොදුජන එක්සත් පෙරමුණේ මහ ‍ලේකම් දි.මු. ජයරත්නගේ මෙහෙයවීම යටතේ ඉදිරි මැතිවරණ කටයුතු ක්‍රියාත්මක කිරීමට නියමිතය.

කමණි හෙට්ටිආරච්චි

වතුකරයේ පාසල්වල ඇති විද්‍යා, ගණිත ගුරු හිඟය මගහරවා ගැනීම සඳහා ඉන්දියාවෙන් ගුරුවරු සියයක් ගෙන්වා ගැනීමට රජය කටයුතු කරමින් සිටින බව අධ්‍යාපන අමාත්‍යංශයේ ආරංචිමාර්ග සඳහන් කරයි.
මේ සම්බන්ධයෙන් අධ්‍යාපන නියෝජ්‍ය අමාත්‍ය වී. රාධක්‍රිෂ්ණන්ගෙන් අප කළ විමසුමකදී ඔහු කියා සිටියේ වතුකරයේ මෙන්ම දෙමළ මාධ්‍යයෙන් උගන්වන සෙසු පාසල්වලත් විද්‍යාව හා ගණිතය ඉගැන්වීම සඳහා සුදුසුකම්ලත් ගුරුවරුන් ප්‍රමාණවත් නොවන නිසා එම සිසුන් බලවත් අපහසුතාවකට මුහුණදී ඇතිබවයි. තමා මේ පිළිබඳව අගමැතිවරයා සමග සාකච්ඡා කළ බවත්, එහිදී ඉන්දියාවෙන් සුදුසුකම් ලත් ගුරුවරුන් සියයක් ගෙන්වීමට අගමැතිවරයා එකඟවූ බවත් රාජ්‍ය ඇමැතිවරයා වැඩිදුරටත් සඳහන් කළේය.

ජයසූරිය උඩුකුඹුර

සේවක අර්ථ සාධක අරමුදල විසින් හෝටල් සමාගමක කොටස් මිලදී ගැනීම මෙන්ම ගුවන් සමාගමක සහ නව හෝටලයක් වෙනුවෙන් කළ රුපියල් කෝටි 630ක ආයෝජනයෙන් අරමුදලට කිසිදු ප්‍රතිලාභයක් අත්ව නැති බව රාජ්‍ය ගිණුම් කාරක සභාව අද සිකුරාදා (08) පාර්ලිමේන්තුවට ඉදිරිපත් කළ වාර්තාවේ දැක්වේ.
කිසිදු ප්‍රතිලාභයක් අත් නොවුණු මෙම මුදල අලාභයක් ලෙස අර්ථ සාධක අරමුද‍ලේ මූල්‍ය වාර්තාවලින් කපා හැර ඇතැයිද එම වාර්තාවේ සඳහන් කර ඇත.

ලසන්ත වීරකුලසූරිය

MR
ඉදිරි පළාත් පාලන මැතිවරණයේදී ඒකාබද්ධ විපක්ෂය නියෝජනය කරන දේශපාලන පක්ෂ පොදුජන පෙරමුණ වශයෙන් තරඟවදිනු ඇතැයි හිටපු ජනාධිපති මහින්ද රාජපක්ෂ මහතා කියයි. එක්සත් ජාතික පක්ෂය සමග හවුලේ ආණ්ඩුකරන ශ්‍රී ලංකා නිදහස් පක්ෂය සමග පොදුජන පෙරමුණ සන්ධාන ගතවුවහොත් පොදුජන පෙරමුණද  එම ප්‍රතිපත්ති පිළිගත් බව ඇඟවෙන බැවින් ඒකාබද්ධ විපක්ෂයේ නියෝජිතයින් එයට එකඟ නොවූ බවද රාජපක්ෂ මහතා පැවසීය. කෙසේ වෙතත් මේ සාක්ච්ඡාව සඳහා ජාතික නිදහස් පෙරමුණේ නායක විමල් වීරවංශ මහතා සහභාගී වී නැත.

ඒ ජී රේණුකා

Roof

මත්ද්‍රව්‍ය ජාවාරමක් සම්බන්ධයෙන් මොරටුව පොලීසියෙන් අත්අඩංගුවට ගෙන  බන්ධනාගාර සිර මැදිරියක රඳවා සිටි සැකකරුවෙකු ඉතා සූක්ෂම ලෙස වහලය මතින් පැනගොස් තිබේ. මේ  සැකකරු අල්ලා ගැනීමට මේ දක්වා බන්ධනාගාර නිලධාරීන්ට නොහැකිවී ඇත. සැකකරු පැනයන බවට සෙසු රැඳවියන් කෑගසා කීවත් ඒ වන විටත් ඔහු සිර මැදිරියේ වහලය මතික් පැන පලා ගොස් ඇතැයි බන්ධනාගාර ආරංචිමාර්ග සඳහන් කරයි.
 එස් ටී පී සිල්වා

 

ඇත් දළ සොරුන් විසින් ඝාතනය කරන ලද ගල්ගමුවේ දළ පූට්ටුවා නම් ඇතුසිහිපත් කොට ගල්ගමුව, උස්ගල - සියඹලන්ගමුව ගම්වාසීන් විසින් සංවිධානය කරනුලබන පිංකම් මාලාවක්  08 සිකුරාදා(අද) සහ 09 වෙනි සෙනසුරාදා (හෙට) ගල්ගමුව, උස්ගල -සියඹලන්ගමුව වැව් පරිශ‍්‍රයේ දී සිදුකෙරේ.

අද රාත‍්‍රී 7.00 ට පැවැත්වෙන ධර්ම දේශනාවක්, හෙට පෙරවරු 9.00 ට සිදුකෙරෙන සත්ව ඝාතනඇතුලූ වන අපරාධ වලට එරෙහි දේව කන්නලව්වක් සහ ඉන් පසුව සිදුකෙරෙන සපිරිකරසංඝගත දක්ෂිණාවක් මෙම පිංකම් මාලාවට අතුලත් වේ.

මේ සඳහා පැමිණ සහභාගී වන මෙන් උස්ගල - සියඹලන්ගමුව ගම්වාසීහු සැමගෙන් ඉල්ලා සිටිති.

එස්.ටි.පි සිල්වා

දුම්රිය වර්ජනය අවසන් වනතුරු  දුම්රිය වාර ප්‍රවේශ පත්‍රය හිමි මගීන්ට ජාතික ගමනා ගමන මණ්ඩලයට අයත් බස්රථ වල නියමිත ගමනාන්තය දක්වා නොමිලේගමන්කිරීමට අවස්ථාව හිමිව ඇති බව ලංකා ගමනාගමන මණ්ඩලයේ සභාපති රමාල්සිරිවර්ධන මහතා කියයි.
 
ගමනා ගමන මණ්ඩලයේ සියලුම ඩිපෝ වෙත මේ පිලිබඳව දැනුම් දී ඇතැයිද සමාන්‍යයෙන් දුම්රිය ධාවනය සිදු වු ගමනාන්තයන් වෙත ලගා වීමට හැකි ආකාරයට සහ එම ගමනාන්තයන්හි සිට කොළඹ බලා ඒමට අවශ්‍ය පරිදි බස් රථ ධාවන වාර වැඩි කිරීමට උපදෙස්ලබා දුන් බවද   සභාපතිවරයා පවසයි.

එස්.ටි.පි සිල්වා

දුම්රිය රියැදුරන් විසින්  ආරම්භ කර ඇති දුම්රිය වර්ජනයට දුම්රිය ස්ථානාධිපතිවරු, දුම්රිය නියාමකවරු සහ දුම්රිය පාලකවරුද ඊයේ (7) මධ්‍යම රාත්‍රියේ සිට එක්වූහ.
දුම්රිය රියැදුරන් සහායකයින් බඳවා ගැනීමේ ක්‍රමවේදයට විරෝධය පළකරමින් දුම්රිය රියැදුරන් විසින් පෙරේදා (6) මධ්‍යම රාත්‍රියේ මෙම වර්ජනය ආරම්භ කළේය.
එම අවස්ථාවේදී සෙසු දුම්රිය වෘත්තීය සමිති එම වර්ජනයට සහාය නොදැක්වූ අතර, ඉන්පසු වැටුප් විෂමතාවත් නොවිසදීම යන නව ඉල්ලීමක් මුල්කරගනිමින් දුම්රිය ස්ථානාධිපතිවරු ඇතුළු තවත් දුම්රිය වෘත්තීය සමිති 3ක් ඊයේ (7) මධ්‍යම රාත්‍රියේ සිට එම වර්ජනයට එක්වූහ.
අදාළ වැටුප් විෂමතාව මුල්කරගනිමින් පසුගිය නොවැම්බර් මාසයේදීද දුම්රිය රියැදුරන් ඇතුළු ප්‍රධාන දුම්රිය සමිති 4ක් වර්ජනයක් ක්‍රියාත්මක කළ අතර එහිදී අග්‍රාමාත්‍ය ‍ලේකම්වරයා මැදිහත්වී සාකච්ඡාවක් ලබාදෙමින් අදාළ වැටුප් විෂමතාව විසඳාදෙන බවට එකඟතාවක් දුම්රිය වෘත්තිය සමිති වෙත ලබාදී තිබුණි.
සති දෙකක් ඇතුළත අදාළ වැටුප් විෂමතාව විසඳාදෙන බවට අග්‍රාමාත්‍ය ‍ලේකම්වරයා ‍පොරොන්දු වූවත් ඊයේ (7) දිනය වන විට එම සති දෙක ඉකුත්ව ගියත් සිය වැටුප් විෂමතාව විසඳා නොදීම නිසා දුම්රිය රියැදුරන්ගේ මෙම වර්ජනයට සමගාමීව මෙලෙස ඊයේ (7) මධ්‍යම රාත්‍රියේ සිට ඔවුන්ද දුම්රිය ධාවනයෙන් ඉවත් වූහ.
දුම්රිය රියැදුරන් පෙරේදා (6) මධ්‍යම රාත්‍රියේ සිට ක්‍රියාත්මක කළ දුම්රිය වර්ජනය නිසා ඊයේ (6) උදෑසන සහ පස්වරුවේ දුම්රිය මගීහු දැඩි අපහසුතාවට පත්වූහ.
සමස්තයක් ලෙස ඊයේ (6) දිනය තුළ දුම්රිය 58ක් පමණ ධාවනය කළ බවත් එවැනි දුම්රිය ප්‍රමාණයක් හෝ ධාවනය කළේ දුම්රිය මගීන්ගේ පහසුව ගැන සිතා බවත් දුම්රිය රියැදුරු සංගමයේ ‍ලේකම් ඉන්දික දොඩංගොඩ මහතා පැවැසීය.
සාමාන්‍ය දිනකට දුම්රියයන් 350ක් පමණ ධාවනය වන අතර වර්ජනය නිසා එය දුම්රිය 58කට පමණ සීමා වීම මගී ඉල්ලුමට  සාපේක්ෂව කිසිසේත් ප්‍රමාණවත් නොවීය.
දුම්රිය රියැදුරු සංගමයේ නිලධාරීන් හා ප්‍රවාහන අමාත්‍යාංශයේ ‍ලේකම්වරයා අතර වර්ජනය පිළිබඳව ඊයේ (7) දහවල් තීරණාත්මක සාකච්ඡාවක් පැවැති නමුත් එයද විසඳුමකින් තොරව අවසන් විය.
සිය ඉල්ලීම්වල ස්ථීර විසඳුම් ලැබෙන තුරු වර්ජනයට සහාය දෙන සියලු දුම්රිය වෘත්තීය සමිති සමග දුම්රිය වර්ජන අඛණ්ඩව ක්‍රියාත්මක කරන බවද ඉන්දික දොඩංගොඩ මහතා පැවැසීය.
මේ අතර දුම්රිය වාර ප්‍රවේශපත්‍ර ලබාගෙන තිබෙන දුම්රිය මගීන් හට එම වාර ප්‍රවේශපත්‍ර ඉදිරිපත් කර ශ්‍රී ලංගම බස් රථවල ගමන් කිරීමේ පහසුකම් සලසා දෙන ලෙස අග්‍රාමාත්‍ය රනිල් වික්‍රමසිංහ මහතා ප්‍රවාහන අමාත්‍ය නිමල් සිරිපාල ද සිල්වා මහතා වෙත ඊයේ (7) පස්වරුවේ උපදෙස් ලබාදී ඇත.

පානුක රාජපක්ෂ

ඉදිරි පළාත් පාලන මැතිවරණයේදී ශ්‍රී ලංකා නිදහස් පක්ෂය එක් එක් දිස්ත්‍රික්ක සඳහා “ අත” ලකුණෙන් හා “ බුලත් කොළය” ලකුණෙන් තරග කිරීමට තීරණය කර තිබේ. ඒ අනුව ශ්‍රී ලංකා නිදහස් පක්ෂය සමග දේශපාලන පක්ෂ සන්ධාන ගතවී තරග කරන දිස්ත්‍රික්කවල බුලත් කොළය ලකුණෙන්ද ශ්‍රී ලංකා නිදහස් පක්ෂය තනිව තරග කරන දිස්ත්‍රික්ක අත ලකුණෙන් තරග කිරීමට නියමිතය.
මහනුවර, බදුල්ල, මොනරාගල, ත්‍රිකුණාමලය, කොළඹ, නුවරඑළිය, හම්බන්තොට, බදුල්ල යන දිස්ත්‍රික්ක “ බුලත්  කොළය” ලකුණෙන් තරග කිරීමට නියමිතය. අනුරාධපුර, පුත්තලම, අම්පාර, ‍පොළොන්නරුව, යාපනය, මඩකලපුව, හා කළුතර යන දිස්ත්‍රික්ක සඳහා “ අත” ලකුණෙන් තරග කිරීමට නියමිතය.
ශ්‍රී ලංකා නිදහස් පක්ෂයෙන් හා එක්සත් ජනතා නිදහස් සන්ධානයෙන් තරග කරන අපේක්ෂකයන් අද (08) ඇප මුදල් තැන්පත් කිරීමට කටයුතු යොදා ඇත.

කමණි හෙට්ට්ආරච්චි

තිරසර සංවර්ධනය හා වනජීවී අමාත්‍යාංශයේ ‍ලේකම්  ආර්.එම්.ඕ.බි. මීගස්මුල්ල මහතා වහාම ක්‍රියාත්මක වන පරිදි විශේෂ ව්‍යාපෘති අමාත්‍යාංශය වෙත මාරු කර ඇත. ජනාධිපති කාර්යාලය විසින් මෙම මාරු කිරීම කර තිබේ.
දළ පූට්ටුවාගේ මරණයට අදාළව සිය රාජකාරි කටයුතු නිසි ලෙස ඉටු නොකිරීම හා රේගුව මගින් අත්අඩංගුවට ගනු ලැබූ පක්ෂීන් තොගයක් නීත්‍යානුකූල ක්‍රමවේදයකින් පිට පෞද්ගලික සත්ව උද්‍යානයකට ලබා දී ඇතැයි කියන චෝදනවක් මුල් කරගනිමින් අදාළ ‍ලේකම්වරයාට ස්ථාන මාරුවක් ලබා දී ඇති බව රජයේ ආරංචි මාර්ග පැවැසීය.
මෙවැනි ස්ථාන මාරුවීමක් පිළිබඳව තමන්ටද දැනගන්න ලැබි ඇති බවත් නමුත් ඊයේ (07) දින වන විටත් එම ස්ථාන මාරුවීම පිළිබඳව තමන් වෙත ලිඛිතව දැනුම්දීමක්් නොලැබුණු බවත් තිරසර සංවර්ධන හා වනජීවි අමාත්‍යාංශයේ ‍ලේ්කම්වරයා  ඊයේ (07) අප කළ විමසුමකදී පැවැසීය.
තමන්ගේ පාලන කාලය තුළ පක්ෂීන් බෙදාහැරීමේ ගනුදෙනුවකට කිසිසේත් සම්බන්ධ නොවූ බවත් ඇතැම් ජාවාරම්කරුවන්ගෙන් තමන්ගේ චරිතය ඝාතනය කිරීම සඳහා මෙවැනි ප්‍රචාර ගෙනයන අයට එරෙහිව අධිකරණ ක්‍රියාමාර්ග ගන්නා බවත් එම ‍ලේකම්වරයා පැවැසීය.
රාජ්‍ය සේවය තුළ තමාට ලැබෙන ඕනෑම අමාත්‍යාංශයක වැඩ කිරීමට කිසිදු ගැටලුවක් නැති බවත් අමාත්‍යාංශයක් නොදී සංචිතයේ තැබූවත් කිසිදු ප්‍රශ්නයක් නොමැති බවත් ‍ලේකම්වරයා කීවේය.

පානුක රාජපක්ෂ

පාර්ලිමේන්තු මන්ත්‍රීවරයකු ලෙස ඉදිරිපත් කළයුතු වත්කම් බැරකම් ප්‍රකාශ හෙළි නොකිරීමේ චෝදනාවට වරද පිළිගත් හිටපු පාර්ලිමේන්තු මන්ත්‍රී සජින් ද වාස් ගුණවර්ධන මහතාට කොළඹ අතිරේක මහෙස්ත්‍රාත් අරුණි ආටිගල මහත්මිය රුපියල් 1000ක දඩයක් නියම කළාය.
පාර්ලිමේන්තු මන්ත්‍රීවරයකු ලෙස කටයුතු කළ 2011 මාර්තු 31 වැනිදා හා 2012 මාර්තු 31 වැනිදා කාලය සඳහා එකී වත්කම් බැරකම් ප්‍රකාශ හෙළි නොකිරීමේ චෝදනාව යටතේ අල්ලස් හෝ දූෂණ විමර්ශන කොමිසන් සභාව විසින් හිටපු පාර්ලිමේන්තු මන්ත්‍රී සජිත් ද වාස් ගුණවර්ධන මහතා එරෙහිව එම නඩුව පවරා තිබුණි.

නිශාන්ත රාමනායක - කොළඹ අධිකරණ

Page 7 of 184

IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.