Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

වෙළෙඳ ‍පොළ තුළ රතුළුෑණු මිල මේ දිනවල ශීඝ්‍රයෙන් ඉහළ යාමත් සමග පාරිභෝගිකයෝ දැඩි පීඩාවකට පත්ව සිටිති. දේශීය රතුළුෑණු අස්වැන්න අඩුවීමත්, රතුළුෑණු ආනයනික බදු ඉහළ යාමත් හේතුවෙන් එහි මිල ඉහළ ගොස් ඇතැයි තොග වෙළෙඳ සංගමයේ සභාපති පලණියන්ඩි සුන්දරම් මහතා පැවැසීය.
ඒ අනුව තොග වෙළෙඳ ‍පොළ තුළ වන විට රතුළුෑණු කිලෝවක තොග මිල රුපියල් 350 ත් 400 ත් අතර මිලකට පැවැති බවද ඒ මහතා කීය.
මේ අතර හැටන් ප්‍රදේශයේද රතු ළුෑණු කිලෝවක මිල මේ වන විට රුපියල් 430 ත්, 450 ත් අතර මිලකට අලෙවි වන බැවින් රතුළුෑණු මිලදී ගැනීම අඩුවී ඇතැයිද ජනතාව පවසති.

ගයාත්‍රි ගීගනආරච්චි, සුදත් සෙල්ලහේවා - හැටන්

මේ වසරේ ගතවූ මාස 12 තුළ වැඩිම ළමා අපයෝජන සංඛ්‍යාවක් වාර්තා වී ඇත්තේ කොළඹ දිස්ත්‍රික්කයෙන් බව ජාතික ළමා ආරක්ෂක අධිකාරිය පවසයි.
ඒ අනුව කොළඹ දිස්ත්‍රික්කයෙන් එවැනි සිද්ධීන් 1232 ක් පිළිබඳව තොරතුරු වාර්තා වී ඇතැයි ජාතික ළමා ආරක්ෂක අධිකාරියේ සභාපතිනි නීතිඥ මරිනි ද ලිවේරා මහත්මිය ප්‍රකාශ කළාය.
ඊට අමතරව ගම්පහ දිස්ත්‍රික්කයෙන් එවැනි පැමිණිලි 925 ක්, කළුතරින් පැමිණිලි 550 ක්, කුරුණැගලින් 647 ක්, රත්නපුරෙන් 490 ක්, ගාල්ලෙන් 546 ක්, යාපනයෙන් 177 ක්, වව්නියාවෙන් 122 ක්, මඩකලපුවෙන් 170 ක්, මුලතිව් දිස්ත්‍රික්කයෙන් 125 ක් සහ කිලිනොච්චි දිස්ත්‍රික්කයෙන් පැමිණිලි 117 ක් පිළිබඳ තොරතුරු ලැබි තිබේ.
එමෙන්ම ඉකුත් 8 දා දක්වා ගතවූ කාලය තුළ ළමා අපයෝජන පිළිබඳ පැමිණිලි 8548 ක් ජාතික ළමා ආරක්ෂක අධිකාරියට ලැබි ඇත. ඉන් වැඩිම සංඛ්‍යාව වන 2037 ක පැමිණිලි ලැබි ඇත්තේ ළමයින් කෲරත්වයට පත්කිරීම සම්බන්ධයෙන් යැයි සභාපතිවරිය ප්‍රකාශ කළාය.
ඊට අමතරව ලිංගික අතවර කිරීම් පිළිබඳ පැමිණිලි 481 ක් ලැබි ඇති අතර බරපතළ ලිංගික අපයෝජන 284 ක් ලැබි ඇත. වයස අවුරුදු 18 ට අඩු ස්ත්‍රී දූෂණ 332 ක්, ළමා ශ්‍රමිකත්වයට අදාළ පැමිණිලි 246 ක්ද වාර්තා වී ඇත.

ගයාත්‍රි ගීගනආරච්චි

මෙවර අපොස සා.පෙ විභාගයට මුහුණදෙන දරුවන් පිළිබදව රජය සැලකිලිමත් වන්නේ නම් කළයුත්තේ හැකි ඉක්මනින්  තම වැටුප් විෂමතාව  සකසා දීම බව දුම්රිය රියදුරු සංගමයේ ප්‍රධාන ලේකම් ඉන්දික දොඩම්ගොඩ මහතා අද (11) මාධ්‍යහමුවේ පැවසීය.

එහෙත් ප්‍රවාහන නියෝජ්‍ය අමාත්‍ය අශෝක් අබේසිංහ මහතා අද පාර්ලිමේන්තුවේ දී අදහස් දක්වමින් කියා සිටියේ දුම්රිය රියදුරකු අතිකාල දීමනා සමග මාසයකට දෙලක්ෂ විසි හයදාහක්( 2 26 000 )ක් වැටුප් ලබා ගන්නා බවකි.

එවන් විශාල වැටුපක් ලබාගනිමින් මෙවන් වැඩ වර්ජන සිදුකිරීම අසාධාරණ බව නියෝජ්‍ය අමාත්‍යවරයා සදහන් කළේ මෙලෙසිනි.

“පඩිය රුපියල් 10 000 කින් වැඩි කළාම දුම්රිය රියදුරන්ගේ මේ අවුරුදු දෙකට පඩිය රුපියල් 22 000 කින් වැඩිවෙලා තියෙනවා. 2020 වෙද්දි රුපියල් 54 000 කින් පඩිය වැඩිවෙනවා. ඔවුන් අතිකාල දීමනා එක්ක මාසෙකට දෙලක්ෂ විසි හයදාහක්( 2 26 000 ) පඩිගන්නවා. සමහර අය දෙලක්ෂයක් , එක්ලක්ෂ හැත්තැ පන්දහසක් ගන්නවා.දුම්රිය රියදුරෙක් පැය අටක් වැඩකරනවා. පැය නවයක් විවේක කාලයක් තිබෙනවා. ඒ විවේක කාලයේ පැය නවයට එක පැයකට පැය එකහාමාර ගානේ පැය 600 ක් අතිකාල ගන්නවා.”

කෙසේ හෝ මෙම වැඩවර්ජනය සමථයකට පත්කර ගැනීමට දේපාර්ශවයට මේතාක් හැකිවී නැත.

ඒ.ජි.රේණුකා

ඒකාබද්ධ විපක්ෂයේ පාර්ලිමේන්තු මන්ත්‍රීවරුන් කිහිප දෙනෙකු අද (11) ජනාධිපති මෛත්‍රීපාල සිරිසේන මහතා හමුවී ශ්‍රී ලංකා නිදහස් පක්ෂයට එක්වීමට නියමිතව ඇතැයි ශ්‍රී ලංකා නිදහස් පක්ෂ ආරංචිමාර්ග කියයි.

මේ අතර ඒකාබද්ධ විපක්ෂයේ මන්ත්‍රීවරුන් ශ්‍රීලනිපයට එක්වීම වැලැක්වීම සඳහා රාජපක්ෂ පවුලේ ප්‍රබලතමයෙකු රහසිගත මෙහෙයුමක් දියත්කොට ඇතැයි ද වාර්තාවේ.

මේ අතර කැස්බෑව මැතිවරණ කොච්ඨාෂයේ එක්සත් ජාතික පක්ෂයට සම්බන්ධ කොටසක් ඉන් ඉවත් වී ඉදිරි පළාත් පාලන මැතිවරණයේ දී ස්වාධීනව තරග කිරීමේ සැලසුමක් ඇතැයි ද වාර්තා වේ. එම පිරිසට කැස්බෑව ආසනයේ එක්සත් ජාතික පක්ෂ තරුණ නියෝජිතයින් කිහිප‍දෙනෙකු ඇතුළත් බවද පැවසේ. මීට අමතරව ජාතික නිදහස් පෙරමු‍‍ණේ හිටපු ලේකම් පියසිරි විජේනායක, නියෝජ්‍ය නායක වීරකුමාර දිසානායක, උතුරුමැද පළාත් සභා හිටපු මන්ත්‍රී පී.ඩි කුමාර යන මහත්වරුන්ද අද (11) ජනාධිපති තුමා හමුවී ශ්‍රී ලංකා නිදහස්පක්ෂ සාමාජිකත්වය ලබා ගත් බව වාර්තා වේ.

මේ අතර පොදුජන එක්සත් පෙරමුණ කෑගල්ල ප්‍රාදේශීය සභාවේ සභාපති ලෙස කටයුතු කළ උපාලි දිසානායක මහතා අද එක්සත් ජාතික පක්ෂයට එක් වී ඇත. ඔහු අද සිරිකොත පක්ෂ මූලස්ථානයේ දී රනිල් වික්‍රමසිංහ මහතා හමුවී එජාප සාමාජිකත්වය ලබා ගත් බව වාර්තා වේ.

මේ අතර මහජන එක්සත් පෙරමුණේ දිගාමඩුල්ල දිස්ත්‍රික් පාර්ලිමේන්තු මන්ත්‍රී ශ්‍රීයානි විජේවික්‍රම මහත්මිය ද ඉදිරි මැතිවරණයේ දී ජනාධිපති මෛත්‍රීපාල සිරිසේන මහතාට සහය දීමට කැමැත්ත පළ කළාය.

 

දමයන්ති ගමගේ

 

 

මේ දිනවල පවතින වෛරස් උණ රෝගයට පෞද්ගලික වෛද්‍ය මධ්‍යස්ථානයකින් ප්‍රතිකාර ලබාගත් සිසුන් පිරිසකට ලබාදුන් ඖෂධ පානය කිරීමෙන් පසුව අසාත්මිකතාවක් ඇතිව දැඩි ලෙස රෝගී වීම නිසා ප්‍රතිකාර සඳහා අනුරාධපුර ශික්ෂණ රෝහලට ඇතුළත් කර ඇත.

කුඩා දරුවන්ට ලබාදුන් ප්‍රතිකාර පාවිච්චි කිරීමෙන් අනතුරුව ක්ලාන්තය ගෙල ඔසවා ගැනීමට නොහැකි වී කට ඇදවීමේ තත්ත්වයකට පත්වීම නිසා දෙමාපියන් කඩිනමින් රෝහලට ඇතුළත් කර තිබේ.
මිහින්තලය ප්‍රදේශයේ පෞද්ගලික වෛද්‍ය මධ්‍යස්ථානය පවත්වාගෙන යන වෛද්‍යවරයාගෙන් උණට ප්‍රතිකාර ලබාගත් මාත‍ලේ හන්දිය, පුල්ලෙයාර් හන්දිය හා යාපනය හන්දිය ප්‍රදේශවල පදිංචි වයස අවුරුදු 12ත් 15ත් අතර දරුවන් මෙසේ අසාත්මික තත්ත්වයට පත්වී රෝහ‍ලේ නේවාසිකව ප්‍රතිකාර ලබයි.

දරුවන් අසාත්මික තාවයට පත්වීම සම්බන්ධයෙන් අදහස් දැක්වූ දෙමාපියන් කිහිප දෙනකු මේ දිනවල අනුරාධපුර ප්‍රදේශය පුරා වෛරස් උණක් සමග කැස්ස සෙම පවතින නිසා දරුවන්ට උණ වැලඳුණු නිසා අනුරාධපුර ශික්ෂණ රෝහ‍ලේ වෛද්‍යවරයෙකු හමුවට ප්‍රතිකාර ගන්න ගිය බව පැවැසීය.
දින දෙකක් විතර දරුවෝ බෙහෙත් බිව්වා එහෙම බෙහෙත් බොනකොට දරුවන් ක්ලාන්තය වී ඇද වැටෙන්න ගත්තා. කටවල් ඇද වුණා බෙල්ල ඔසව ගන්න බැරි වුණා මේ නිසා අපි වහාම දරුවන්ව අනුරාධපුර ශික්ෂණ රෝහලට ඇතුළත් කළා. මේ වනවිටත් දරුවෝ නේවාසිකව ප්‍රතිකාර ලබනවා.

දරුවන්ට බෙහෙත් දුන්නේ කවුද කියලා රෝහල් වාට්ටුවෙන් අහන්නෙත් නෑ. මොකද මේ වෛද්‍යවරයා රෝහලම බය කරගෙන ඉන්න නිසා. එක අම්මා කෙනෙක්නම් වෛද්‍යවරයාව වාට්ටුවටම ගෙන්වගෙන දොස් කිව්වා. අපි දරුවන්ට බෙහෙත් දුන්නට පස්සේ සිදුවුණ අකරතැබ්බය ගැන කියන්න ගියාම වෛද්‍යවරයා කියනවා ඒ බෙහෙත් නිෂ්පාදනය කරපු කොම්පැණියේ වරදක් කියලා. කොම්පැණියේ බෙහෙත් හොඳ නැත්නම් ඇයි දෙන්නේ. අපේ දරුවෝ අසාත්මික තාවයෙන් මැරුණනම් එයාලම මිනිය කපලා වෙන රෝගයක් කියලා වෛද්‍ය වාර්තාව දෙයි.

මේ වෛද්‍යවරු දීපු බෙහෙත් එක්කෝ කල් ඉකුත් වෙලා. නැත්නම් සියලුදෙනාට දීලා තියෙන බෙහෙත් වැරදි ඒවා. ඔහුගේ වෛද්‍ය මධ්‍යස්ථානයෙන් නිකුත් කරන කිසිම බෙහෙත් පැකට්ටුවක නමක් සඳහන් නෑ. කිසිම පිළිවෙළක් නෑ. මොනවා හරි බෙහෙත් ටිකක් දීලා සල්ලි තමයි ඔහුට අවශ්‍ය යනුවෙන් දෙමාපියන් පිරිස පැවැසූහ.

අනුරාධපුර- බුද්ධික මහේෂ් විජේසූරිය

කැකිරාව අධ්‍යාපන කලාපයේ පාසල් දරුදැරියන් අතට පත්වූ 9 ශ්‍රේණිය ගණිතය පෙළ‍පොතට ඉතිහාසය පාඩම් ඇතුළත් වීම සම්බන්ධයෙන් වහාම සොයාබැලීම සඳහා විමර්ශනයක් ආරම්භ කරන ලෙස අධ්‍යාපන අමාත්‍යංශ අකිල විරාජ් කාරියවසම් මහතා අධ්‍යාපන ‍ලේකම් සුනිල් හෙට්ටිආරච්චි මහතාට නියෝග කර තිබේ.
අධ්‍යාපන ප්‍රකාශන දෙපාර්තමේන්තුව හරහා මුද්‍රණය කෙරෙන සියලුම පෙළ‍පොත් පිළිබඳව නියැදි පරික්ෂාවක් කෙරෙන අතර, එවන් පසුබිමක් තුළ අදාළ දෝෂ සහිත පෙළ‍පොත් දරුවන් අතට පත්වූයේ කෙසේ දැයි වහාම සොයා බලන ලෙස අමාත්‍යවරයා ‍ලේකම්වරයාට දැනුම් දී ඇත.
එමෙන්ම අදාළ පෙළ‍පොත් මුද්‍රණය කළ මුද්‍රණ ආයතනයෙන්ද මේ සම්බන්ධයෙන් නිදහසට කරුණු විමසන ලෙසත් අමාත්‍යවරයා ප්‍රකාශ කර තිබේ.
මෙවැනි අතපසුවීම් හා දෝෂ සහගත තත්ත්වයන් හේතුවෙන් දරුවන් මෙන්ම ගුරුවරුන්ද අපහසුතාවට පත්වන බවත්, එය අධ්‍යාපන අමාත්‍යංශයේ කීර්ති නාමටද හානියක් බවත් අමාත්‍යවරයා පෙන්වා දී ඇත. එබැවින් මේ සම්බන්ධයෙන් දැඩි පියවර ගන්නා ලෙසද අමාත්‍යවරයා උපදෙස් දී ඇත.
දෝෂ සහගත පෙළ‍පොත් වෙනුවට නව පෙළ‍පොත් ලබාදීමට පියවර ගන්නා ලෙසත් අමාත්‍ය අකිල විරාජ් කාරියවසම් මහතා උපදෙස් දී තිබේ.

ගයාත්‍රි ගීගනආරච්චි

මුදල් උපයා ගැනීම පෙරට දමමින් මිථ්‍යාව වපුරන්න එපා යැයි තමන් මාධ්‍යයෙන් ඉල්ලා සිටින බව විපක්ෂයේ ප්‍රධාන සංවිධායක අනුර දිසානායක මහතා පාර්ලිමේන්තුවේදී පෙරේදා (09) ප්‍රකාශ කළේය.
විද්‍යුත් මාධ්‍ය මගින් සාස්තරකරුවන්, රූපලාවන්‍ය විශේෂඥයින් යැයි කියා ගන්නා පුද්ගලයන් ගෙන්වා පවත්වන වැඩසටහන්වලදී “ මෙය මුදල් ගෙවා ප්‍රචාරණය කරන්නක් “ යනුවෙන් හෝ මෙය ඉදිරිපත් කරන්නාගේ මතය ලෙස හෝ යටින් පටියක් පළ කරනා ලෙසද ඒ මහතා ඉල්ලීිමක් කළේය.
එසේ නැතිනම් ජනතාව මෙය අදාළ රූපවාහිනි ආයතනයේ වැඩසටහනක් ලෙස විශ්වාස කරමින් එය විශ්වාස කිරීමට පෙළඹෙන බවද ඔහු කීවේය. මේ නිසා ජොතිෂ්‍යවේදීන් මුදලාලිලා බවට පත්ව ඇති බවද ඒ මහතා ප්‍රකාශ කළේය.
අනුර දිසානායක මහතා වැඩිදුරටත් මෙසේද කීය.
අද අපේ සමාජ ජීවිතයට සැලකියයුතු බලපෑමක් කරන්න ජනමාධ්‍ය හේතු වෙලා තියෙනවා. මාධ්‍යවල ප්‍රබලතාවය සමාජ උන්නතිය වෙනුවෙන් යොදා ගත යුතුයි. මාධ්‍ය හැමදාම උදේට පත්තර කියවනවා. ඊට පස්සේ ටයිකෝට් දාන් , රැවුල වවන් ආපු පුද්ගලයන් සාස්තර කියනවා. මේ වැඩසටහන්වල ලියුම් ගොඩක් ගොඩගසා තියෙනවා. අපේ අය නිවෙස්වලට වෙලා ඒ ලියුම් කියවනකම් බලා ඉන්නවා. මේ වැඩසටහන් නොවේ. දැන්වීම්. මේවා විවිධ ආන්දෝලාත්මක ප්‍රකාශ කරමින් ප්‍රසිද්ධිය ලබා ගන්න දරන  උත්සහයන්. මාකටින් පැත්තෙන් කියලා මේ වැඩසටහන් කරනවනම් මෙය මුදල් ගෙවා ප්‍රචාරය කරන ලදී කියලවත් කියන්න වැඩසටහන යටින් යොදන්න. එසේ නැත්තනම් එම ‍ජ්‍යෝතිෂ්‍යවේදියාගේ මතයක් ඉදිරිපත්කරන්නේ කියලා හෝ කියන්න.
මාධ්‍ය මගින් රූපලාවන්‍ය වැඩසටහන් කරනවා. මේ වැඩසටහන් පැයභාගයක් තියෙනවා. කවුරු හෝ නිරූපණ ශිල්පියෙක් ගෙන්වලා ඔවුන්ගේ නිෂ්පාදන ඉදිරියෙන් තියලා මේ වැඩසටහන් කරනවා. මේවා බලන් ඉන්න අපේ ගමේ කාන්තාවෝ මේ ක්‍රීම් වර්ග ගාලා කළුවෙලා කැතවෙලා මුණ පුච්චගෙන ඉන්නවා. මේ නිසා මේ වැඩසටහන කරන ආයතනයේ අනුග්‍රහයෙන් බවවත් පවසන්න. ඒ රූපලාවන්‍ය ආයතනය විසින් කැඳවපු නිරූපණ ශිලපිනියක බව මාධ්‍ය ඔස්සේ ප්‍රකාශ කරන්න.

ලසන්ත වීරකුලසූරිය, පැතුම් වික්‍රමරත්න

ශ්‍රී ලංකා දුම්රිය සේවයේ කොන්ත්‍රාත් පදනම මත දැනට සේවය කරන සියළුම දුම්රිය ස්ථානාධිපතිවරුන් දුම්රිය රියදුරන් සහ දුම්රිය නියාමකවරුන් හට වහාම සේවයට වාර්තා කරන ලෙස දුම්රිය දෙපාර්තමේන්තුව විශේෂ නිවේදනයක් මඟින් නියෝග කොට ඇත.

අද (11) එසේ සේවයට වාර්තා නොකරන සියළු දෙනා සේවය හැර ගියා සේ සලකා කටයුතු කරන බවට එම නිවේදනය මඟින් දන්වා තිබේ.

මේ අතර මෙම අවස්ථාවේ දුම්රිය සේවාව පවත්වාගෙන යාමට කැපවී කටයුතු කිරීමට කැමති සෙසු විශ්‍රාමික දුම්රිය ස්ථානාධිපතිවරුන්, දුම්රිය පාලකවරුන්, දුම්රිය රියදුරන් සහ දුම්රිය නියාමකවරුන් හට නැවත දුම්රිය සේවයට එක්වීමට කැමති නම් දුම්රිය මූලස්ථානයේ අතිරේක දුම්රිය සාමාන්‍යාධිකාරී (පාලන) වෙත වහාම වාර්තා කරන ලෙසද දෙපාර්තමේන්තුව දැනුම් දී තිබේ.

දුම්රිය සාමාන්‍යාධිකාරී එස්.එම්.අබේවික්‍රම මහතා සහ අතිරේක දුම්රිය සාමාන්‍යාධිකාරී (මෙහෙයුම්) විජය සමරසිංහ මහතාගේ අත්සනින් යුතුව මෙම නිවේදනය නිකුත්කොට තිබේ.

 

 

ගල්ගමුවේ දළ පූට්ටුවා හස්තියාගේ ඝාතනය සහ  ඇත්දළ යුගල විකිණීම  සම්බන්ධයෙන් අත්අඩංගුවට ගැනීමට නියමිතව සිටින  පොල්පිතිගම නාගල රජ මහා විහාරයේ විහාරාධිපති හිමි තමන් අත්අඩංගුවට ගැනීම වළකාලන ලෙස ඉල්ලමින් මහව මහෙස්ත්‍රාත් අධිකරණය වෙත අපේක්ෂිත ඇප අයැදුම්පතක් යොමු කර තිබේ.

ඉකුත් 8 වැනි දින තම නීතිඥවරුන් මාර්ගයෙන් මෙම අපේක්ෂිත ඇප අයැදුම්පත ඉදිරිපත් කර ඇත. ගල්ගමුවේ දළ පූට්ටුවාගේ ඝාතනය සම්බන්ධයෙන් එම  හිමියන්ගෙන් ප්‍රශ්න කිරීමට අපරාධ පරීක්ෂණ දෙපාර්තමේන්තුව කටයුතු කරමින් සිටින අතරේ සතියකට අධික කාලයක් නාගල රජ මහා විහාරයේ විහාරාධිපති හිමි අතුරුදන්ව ඇත. එම නිසා එම හිමියන්ගෙන් ගල්ගමුවේ දළ පූට්ටුවාගේ ඝාතනය සම්බන්ධයෙන්  ප්‍රකාශ සටහන් කර ගැනීමට මෙතෙක් නොහැකි වී ඇතැයි අපරාධ පරීක්ෂණ දෙපාර්තමේන්තුව පවසයි.

දළ පූට්ටුවාගේ ඝාතනය සහ ඇත්දළ ගනුදෙනුව සම්බන්ධයෙන් මේ වනවිට එම විහාරාධිපතිගේ  රියැදුරු සහ සමීපතමයකු වූ හේරත්ගම ග්‍රාම නිලධාරිවරයා රක්ෂිත බන්ධනාගාර ගත කොට ඇත.

ඔහුගේ ප්‍රකාශයන් මත මෙම හිමියන්ගෙන් ප්‍රශ්න කළ යුතු බව අපරාධ පරීක්ෂණ දෙපාර්තමේන්තුව සඳහන් කරයි.

 

ඒ.ජී.රේණුකා

ඉල්ලීම් කීපයක් මුල්කර ගනිමින් දුම්රිය රියදුරන් ඇතුළු තවත් අංශ කිහිපයක සේවකයන් දියත් කළ වැඩවර්ජනය තවදුරටත් ඉදිරියට ගෙන යාමට තීරණය වී ඇත.

ඊයේ (10) ජනාධිපති ලේකම්වරයා සමග පැවැත් වූ සාකච්ඡාව එකගතාවයකින් තොරව අවසන්වීම නිසා ඔවුන් මෙම තීරණයට එළඹ ඇත. එහෙත් දුම්රිය සේවකයන් සඳහා වැටුප් වැඩිකිරීමට රජය කටයුතු කළහොත් සෞඛ්‍ය සේවකයන් හටද එම වැටුප් වැඩිවීම ලබා දිය යුතු බව සෞඛ්‍යසේවා වෘත්තීය සමිති සන්ධානයේ කැඳවුම්කරු සමන් රත්නප්‍රිය මහතා කරයි.

දුම්රිය රියදුරු, දුම්රිය නියාමක ඇතුළු වෘත්තීන් කිහිපයකට වඩා ඉහළ තලයක ‍හෙද, ඖෂධවේදී, මහජන සෞඛ්‍ය පරීක්ෂක යන වෘත්තීන් හි වැටුප්තල පිහිටවා ඇතත් පසුගිය වසරේ සිට එම තත්ත්වය වෙනස්ව ඇති බව රත්නප්‍රිය මහතා පවසා සිටී.

 

දමයන්ති ගමගේ

දුම්රිය සේවාව අත්‍යවශ්‍ය සේවාවක් බවට පත් කොට අද (11) සේවයට වාර්තා නොකරන දුම්රිය සේවකයන් සේවය අතහැර ගියා සේ සැලකීමට රජය ක්‍රියා කිරීම මුල්කොට වර්ජනයෙහි නියුතු සියළුම වෘත්තීය සමිති සාමාජිකයන් අද (11) මරදානේදී විශේෂ රැස්වීමක් පැවැත්වීමට තීරණය කොට තිබේ.

රජයේ මෙම ස්ථාවරය සම්බන්ධයෙන් තම වෘත්තීය සමිතිවල ඉදිරි ක්‍රියාමාර්ගයන් පිළිබඳව මෙහිදී සාකච්ඡා කිරීමට නියමිතය.

රජයේ  ස්ථාවරය අනුව සේවකයන් තවදුරටත් වැඩවර්ජනයෙහි යෙදුන හොත් ශ්‍රී ලංකාවේ දුම්රිය සේවය මුළුමනින් අඩාල වන අතර ඒ සම්බන්ධයෙන් රජයට ගත හැකි එකම විකල්පය වනුයේ තම ඉල්ලීම් ඉටුකොට වෘත්තීය සමිති අයිතිවාසිකම් තහවුරු කිරීම පමණක් බව දුම්රිය රියදුරු සංගමයේ ප්‍රකාශකයෙක් පැවසීය.

එස්.ටී.පී. සිල්වා

Page 6 of 184

IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.