Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

දුම්රිය වෘත්තීය සමිති හතරක් වැටුප් විෂමතාවක් මුල්කර ගනිමින් හයවන දිනටත් ක්‍රියාත්මක කළ දුම්රිය වර්ජනය නිසා රටපුරා දහස් සංඛ්‍යාත දුම්රිය මගීහු අද (12) දිනයේද දැඩි අපහසුතාවට පත්වූහ.
දුම්රිය පාලන අධිකාරිය විසින් දුම්රිය ගමන් වාර 40 ක් පමණ අද (12) ධාවනය කරවීමට පියවර ගෙන තිබුණත් මගීන්ගේ ඉල්ලුමට සාපේක්ෂව එය කිසිසේත් ප්‍රමාණවත් නොවීය.
විශේෂයෙන් කාර්යාල සේවක සේවිකාවන්ට නියමිත වේලාවට රාජකාරියට වාර්තා කිරීමටද නොහැකි විය.
දුර පළාත්වල සිට දුම්රිය මගීන් කොළඹට පැමිණෙන කාර්යාල සේවකයන් බොහොමයක් දුම්රිය වර්ජනය නිසා රාජකාරියට නොපැමිණ නිවාඩු ගොස් සිටින බවද රජයේ බොහෝ කාර්යාලවලින් සහ ඇතැම් පෞද්ගලික ආයතනවලින්ද වාර්තා වේ.
දුම්රිය වර්ජනය නිසා මේ දිනවල බස් රථවලද අධික මගී තදබදයක් දැකගත හැකිය. බස් රථ නැවතුම් ‍පොළවල්වලද අධික මගීන් පිරිසක් උදෑසන සහ සවස් කාලයේ දැකගත හැකි අතර බොහෝ මගීන්ට බස් රථවලට ගොඩවීමට පවා අපහසුතා ඇතිවී තිබේ.
පාසල් නිවාඩු ගත කිරීමට නුවර, නුවරඑළිය, බදුලු, බණ්ඩාරවෙල වැනි පළාත් වෙත සහ සිය ගම්බිම් වෙත දුම්රියෙන් ගමන් කිරීම සඳහා ප්‍රවේශ පත්‍ර වෙන්කර ගත් ජනතාවද මෙම වර්ජනය නිසා බරපතළ පීඩාවට පත්ව සිටිති.
වර්ජනය අවසන් කිරීමට අද (12) පස්වරු වනවිටත් කිසිදු තීරණයක් ගෙන නොතිබුණ අතර මේ නිසා අද දිනයේද රටපුරා දුම්රිය සේවය අඩාල වනු ඇත.
 
පානුක රාජපක්ෂ

සාමාන්‍ය පෙළ විභාගයට පෙනී සිටින දරුවන් මුහුණ දෙන අපහසුතාවන් මගහැරීම ප්‍රමුඛ කොට සලකා දුම්රිය වැඩවර්ජනය විසඳීමට ආණ්ව මැදිහත් විය යුතුව සේම දරුවන් මුහුණ දෙන අපහසුතාවන් පිළිබඳව විශේෂ අවධානයක් යොමු කරන ලෙසට දුම්රිය වෘත්තීය සමිති වෙතින් ඉල්ලා සිටින බවද ජනතා විමුක්ති  පෙරමුණේ නාක අනුර දිසානායක මහතා පවසයි.
දුම්රිය වැඩවර්ජනය නිසා ජනතාව අපහසුතාවයට පත්ව සිටින බවත්, කොළඹට එන වැඩි පිරිසක් භාවිත කරන්නේ දුම්රිය නිසා ජනතාව තුළ නොසන්සුන්තාවක් ඇතිවී තිබෙන බවද පැලවත්ත එම මූලස්ථානයේදි අද (12) පැවැති මාධ්‍ය සාකච්ඡාවකදී මාධ්‍යවේදියකු නැගූ ප්‍රශ්නයකට පිළිතුරු දෙමින් පැවැසීය.
මෙම ගැටුම ඇති වී තිබෙන්නේ වෘත්තීය සමිති සහ ජනතාව අතර නවෛන බව ද පැවැසූ ඒ මහතා ආණ්ඩුව උත්සාහ කරන්නේ වෘත්තීය සමිති සහ ජනතාව අතර ගැටුමක් ඇති කිරීමට යැයිද කීය.
මෙහි සැබෑ ගැටලුව තිබෙන්නේ ආණ්ඩුව මෙම වර්ජනය දෙස අවධානය යොමු නොකිරීම යැයිද පෙන්වා දුන් ඒ මහතා වගකීම තිබෙන්නේ ආණ්ඩුව සතුව යැයිද කීය.
තෙල් සංස්ථාව සේවකයින්ගේ වැඩවර්ජනයේදීත් ජනතා අපහසුතාවයට පත්වුණා. ඒ මොහොතේදී ජනාධිපතිවරයා වෘත්තීය සමිතිවලට ‍පොරොන්දුවක් දුන්නා ඔවුන් සමග සාකච්ඡාවකින් අනතුරුවයි හම්බන්තොට වරාය ගිවිසුම අත්සන් කරන්නේ කියලා. ජනාධිපතිවරයා එම ‍පොරොන්දුව ලබාදෙන කොටත් ගිවිසුම අත්සන් කරලා ඉවරයි. එනිසා මේ ආණ්ඩුව වෘත්තීය සමිති රැවටීමකට ලක්කොට තිබෙනවා. ආණ්ඩුව කෙරෙහි විශ්වාසය තහවුරු වන තෙක් වෘත්තීය ක්‍රියාමාර්ගවලට එළඹීමට වෘත්තීය සමිති තීරණය කර තිබෙන්නේ ඒ නිසයි යනුවෙන්ද මෙහිදී ඒ මහතා පැවැසීය.
 
පද්මිණි මාතරගේ

දුම්රිය වර්ජන සඳහා විසඳුම් සෙවීමට පත් කොට ඇති අමාත්‍ය අනුකමිටුව සමඟ සාකච්ඡා කිරීමෙන් පසු හෙට(13) දිනය තුළ වැඩවර්ජනය පිළිබඳ තීරණයකට එළඹිය හැකි යැයි දුම්රිය වෘත්තීය සමිති එකමුතුව පවසයි.

මේ අතර සේවයට නොපැමිණෙන කොන්ත්‍රාත් පදනම යටතේ සේවය කරන දුම්රිය සේවකයන්ගේ සේවය අත්හිටුවන අතර ස්ථීර සේවකයන් සේවය අත්හැරගියවුන්සේ සලකන බව දුම්රිය දෙපාර්තමේන්තුව නිවේදනය කරයි.

මේ අනුව හෙට දිනය පසුගිය හය වෙනිදායින් ඇරඹි දුම්රිය වැඩ වර්ජනය පිළිබඳ තීරණාත්මක දිනයක් වනු ඇතැයි අපේක්ෂා කෙරේ.

එස්.ටී.පී.සිල්වා

දුම්රිය වර්ජනයට සහභාගී වූ වෘත්තීය සංගම් 07 ක සාමාජිකයින් මේ වන විට යළිත් සේවයට වාර්තා කර ඇති බව දුම්රිය ආරංචිමාර්ග සඳහන් කරයි.

දුම්රිය විදුලි සංදේශ නිලධාරීන්ගේ සංගමය, දුම්රිය මාර්ග හා පාළම් නිලධාරීන්ගේ සංගමය, දුම්රිය මාර්ග හා කර්මාන්තශාලා නිලධාරීන්ගේ සංගමය, දුම්රිය ගොඩනැගිලි අධීක්ෂණ නිලධාරීන්ගේ සංගමය, දුම්රිය ධාවන බල කලමනාකරුවන්ගේ සංගමය, රේල්වේ ලොකොමොටිව් සහ ටෙක්නිකල් ඉංජිනියරින් සංගමය සහ ජාතික ඉංජිනේරු ඩිප්ලෝමාධාරීන්ගේ සංගමය එසේ නැවත සේවයට වාර්තා කොට ඇති බව සඳහන්ය.

මේ අතර ලොකොමටිව් ඔපරේටිව් ඉංජිනියර්ස් යුනියන් හෙවත් දුම්රිය රියදුරු සංගමය, දුම්රිය නියාමක සංගමය, දුම්රිය පාලකවරුන්ගේ සංගමය සහ දුම්රිය ස්ථානාධිපතිවරුන්ගේ සංගමය තවදුරටත් අඛණ්ඩ වැඩ වර්ජනයක යෙදෙන අතර අද (12) පැවැත්වෙන කැබිනට් රැස්වීමේ දී තම වැටුප් විෂමතා සමනය කිරීම පිණිස වැදගත් තීරණයක් ගනු ඇතැයි තමන් බලාපොරොත්තු වන බව එම වෘත්තීය සමිති නියෝජිතයෙක් ලක්බිම ඔන්ලයින් සමඟ පැවසීය.

එස්.ටී.පී සිල්වා

ජනාධිපති මෛත්‍රීපාල සිරිසේන මහතා වර්ජනයේ නියුතු දුම්රිය වෘත්තීය සමිති නියෝජිතයන් සාකච්ඡාවක් සඳහා කැඳවා ඇති අතර මෙය බොහෝ දුරට අද (12) දිනය තුළ පැවැත්වෙනු ඇතැයි වාර්තා වේ.

සාකච්ඡාව පැවැත්වෙන වේලාව මේ දක්වා නිශ්චය වී නොමැති අතර මේ වන විට ජනපති හා සාකච්ඡාවකට ඇතැම් වෘත්තීය සමිති එකඟ වී ඇති අතර තවත් වෘත්තීය සමිති කිහිපයක් ඒ සම්බන්ධයෙන් උනන්දුවක් පළ නොකරන බවද වාර්තා වී තිබේ.

එමෙන්ම මෙම වැඩවර්ජනය වෙනත් පාර්ශවයක අවශ්‍යතාවයක් මත සිදුකරන ලද්දක් දැයි සැකයක් පවතින බව ජනාධිපති ලේකම් ඔස්ටින් ප්‍රනාන්දු මහතා ද පවසා තිබුණි.

මේ අතර දුම්රිය සේවකයන්ගේ වෘත්තීය ගැටළු වලට විසදුම් සොයනු පිණිස ජනාධිපතිවරයා අමාත්‍ය සරත් අමුණුගම මහතාගේ ප්‍රධානත්වයෙන් කමිටුවක් ද පත්කර තිබේ.

 

දමයන්ති ගමගේ

 

 

ගල්ගමුවේ ජීවත් වූ දළ පූට්ටුවා ඇතු‍ගේ මරණය සම්බන්ධයෙන් මේ වන විට අත්අඩංගුවට ගෙන ඇති සැකකරුවන් අට දෙනා ලබන 25 වෙනිදා තෙක් රක්ෂිත බන්ධනාගාරගත කිරීමට මහව මහේස්ත්‍රාත්වරයා අද (12) නියෝග කළේය.

මෙම චෝදනාව සම්බන්ධයෙන් අත්අඩංගුවට ගැනීමට නියමිතව සිටි නාගල රජමහාවිහාරාධිපති හිමියන් තම නීතිඥවරුන් වෙතින් අපේක්ෂිත ඇප අයැඳුම්පතක් ඉදිරිපත් කර තිබුණි.

 

එස්.ටී.පී. සිල්වා

 

 

දැනට පවත්නා මාර්ග තදබදය නිසා පෞද්ගලික බස් රථ වල ආදායම ශීඝ්‍රයෙන් පහළ බැස ඇති බැවින් මෙම ප්‍රශ්නයට කඩිනම් විසදුමක් ලබා නොදුනහොත් ලබන ජනවාරි මාසය වන විට පෞද්ගලික බස් රථ ධාවනයෙන් ඉවත් කර ගැනීමට සිදුවන බව පෞද්ගලික බස් හිමියන්ගේ සභාපති ගැමුණු විජේරත්න මහතා පවසයි.

වත්මන් රජය 2020 වන විට 'ඉහළින්' ගමන් කිරීමට කථා කළද වර්තමානයේ 'පහළින්' වත් යා නොහැකි තත්ත්වයකට පත්ව ඇතැයි පවසා සිටින ඔහු මේ සම්බන්ධයෙන් විසඳුමක් ලබා දීමට නොහැකි නම් යහපාලන රජයේ ඇමතිවරුන් පස් දෙනෙකු ඉල්ලා අස්විය යුතු බවද ඔහු කියා සිටී.

බස් රථ සඳහා ප්‍රමුඛතා මංතීරුව හඳුන්වා දීමේ වැඩපිළිවෙල ප්‍රායෝගිකව ක්‍රියාත්මක නොකිරීම මත කොළඹ නගරයේ රථවාහන සාමාන්‍ය වේගය පැයට කිලෝ මීටර් පහ දක්වා අඩුවී ඇතැයි ද විජේරත්න මහතා පවසයි.

 

දමයන්ති ගමගේ

 

දැනට පවත්නා දුම්රිය වර්ජනය හේතුවෙන් අද (12) පෙරවරු 08.30න් ඇරඹි අපොස සාමාන්‍ය පෙළ විභාගයට පෙනී සිටින සිසුන්ට දැඩි අපහසුතාවයන්ට මුහුණපෑමට සිදුව ඇති බව අප වාර්තාකරුවෝ කියති.

වෙනදා දුම්රිය මගින් ගමන් කළ විභාගයට මුහුණ දෙන සිසුදරුවන් බස් රථ මගින් ගමන් කිරීමේ දී මාර්ග තදබදයන් නිසා බොහෝ ප්‍රමාදයන් සිදුවූ අවස්ථාවන් රැසක්ද වාර්තා වී තිබේ.

මෙම විභාගය දිවයින පුරා විභාග මධ්‍යස්ථාන 5116 කදී පැවැත්වෙන අතර මෙවර විභාගයට පෙනී සිටින සිසුන්ගේ සංඛ්‍යාව 688536 කි. කෙසේ හෝ දුම්රිය වාර ‍ප්‍රවේශපත්‍ර මගින් ‍අපොස සාමාන්‍ය පෙළ විභාගයට පැමිණීමට බලාපොරොත්තු වන සිසුන්ට ඒවා යොදා ගනිමින් පෞද්ගලික බස් රථ වල ගමන් කිරීමේ පහසුකම් සලසා ඇති බව ජාතික ගමනා ගමන කොමිසමේ සභාපති එම්.ඒ.පී ප්‍රේමචන්ද්‍ර මහතා සඳහන් කොට ඇත.

එහෙත් අද (12) පෙරවරුවේ එම දුම්රිය වාර ප්‍රවේශපත්‍ර මගින් පෞද්ගලික බස් රථ වල ගමන් කිරීමට උත්සාහ දැරූ ඇතැම් සිසුන්ට ඒවායේ කොන්දොස්තර වරුන් පවසා ඇත්තේ එවැනි දැනුම් දීමක් හෝ එම ගාස්තු ලබා ගත හැකි ක්‍රමයක් ගැන තමන් කිසිවක් නොදන්නා බවය.

මේ අතර දුම්රිය වාර ප්‍රවේශපත්‍ර මගින් විභාගයට පැමිණෙන සිසුන්ට ලංගම බස් රථ මගින් නොමිලේ ගමන් පහසුව සැලසෙන බව ලංගම සභාපති රමාල් සිරිවර්ධන මහතා පවසයි.

 

ඒ.ජී.රේණුකා

 

 

මාත‍ලේ නගරයේ තොග වෙළෙන්දෝ ‍පොල් තොග ගෙන්වීම නවතා දැමීමට තීරණය කර ඇත. රජයේ සහතික මිලට වඩා වැඩි මුදලකට ‍පොල් විකුණු මාත‍ලේ නගරයේ තොග හා සිල්ලර වෙළෙඳුන් කීපදෙනකුට එරෙහිව පාරිභෝගික සේවා අධිකාරිය නඩු පැවැරීමට කටයුතු කිරීම මෙම තීරණය ගැනීමට හේතු වී ඇත.
ඉකුත් සෙනසුරාදා වෙළෙඳසල් වැටලූ නිලධාරීන් ‍පොල් ගෙඩිය රුපියල් 100කට අලෙවි කළ ව්‍යාපාරිකයන් කීපදෙනෙකු 14 දින අධිකරණයට හමුවේ පෙනී සිටින ලෙස දක්වා තිබිම නිසා ඔවුන් ‍පොල් වෙළෙඳාමෙන් ඉවත්වීමට තීරණය කර තිබේ.
තොග වෙළෙඳුන්ගෙන් රු. 87ට මිලදී ගත් ‍පොල් ගෙඩිය රජයේ උපරිම මිල වන රුපියල් 75ට අලෙවි කරන්නේ කෙසේදැයි සිල්ලර වෙළෙන්දෝමෙන්ම තොග වෙළෙන්දෝ ප්‍රශ්න කරති.
 මිල ගැටලුව හමුවේ මාත‍ලේ ‍පොල් තොග වෙළෙඳුන් තොග මිලදී ගැනීම නවතා දැමීමට තීරණය කර ඇති බැවින් රුපියල් 75ක උපරිම මිලට විකිණීමට හැකි ‍පොල් තොග ලබාදීමේ යාන්ත්‍රණයක් ක්‍රියාත්මක කරන ලෙස සිල්ලර වෙළෙන්දෝ රජයට යෝජනා කරති.

හේව.පී. කරුණාරත්න, මාත‍ලේ දිස්ත්‍රික්

වැටුප් විෂමතාවක් මුල්කර ගනිමින් දුම්රිය වෘත්තීය සමිති 4 ක් ඒකාබද්ධව දින 5 ක් පුරාවට ක්‍රියාත්මක කරන දුම්රිය වර්ජනය සිය ඉල්ලීම්වලට විසඳුම් ලැබෙනතුරු අඛණ්ඩව ක්‍රියාත්මක කිරීමට එම වාත්තීය සමිති ප්‍රධානීහු ඊයේ (11) තීරණය කළෝය.
ඒ අනුව අද (12) දිනයේත් දුම්රිය ධාවනය නොවනු ඇත.
මෙම වෘත්තීය සමිති ඉල්ලා සිටින වැටුප් වැඩිවීම රුපියල් 320 කි. දැනට ඉහත දුම්රිය ශ්‍රේණිවල දුම්රිය සේවකයන් රුපියල් 16,500 ක මූලික වැටුපකට හිමිකම් කියති. එම වැටුප රාජ්‍ය සේවයේ වෛද්‍යවරු වැනි උපාධිධාරී ශ්‍රේණිවලට අනුමත ර්1 ර්2 මට්ටම වන 16,820 දක්වා වැඩිකරන ලෙස මෙම දුම්රිය වෘත්තීය සමිති නායකයෝ ඉල්ලා සිටිති.
ඊට හේතුව වී ඇත්තේ ඉහත දුම්රිය ශ්‍රේණිවලට පහළින් සිටි දුම්රිය මූලික වැටුප් තලයේ සේවකයන්ගේ වැටුප් වත්මන් ආණ්ඩුව බලයට පැමිණි පසු ද්විතීයික තලයේ වැටුප් මට්ටමට ඉහළ දැමීමයි. වර්ජනයේ නිරත සියලු දුම්රිය සේවකයන් ද්විතීයික වැටුප් තලයේ සිටින අතර ප්‍රාථමික තලය ද්විතීයික තලය දක්වා උසස් කළ නිසා තම වැටුප් තලය තෘතීයික තලයට ගෙන එන ලෙස ඔවුහු මෙලෙස ඉල්ලා සිටිති.
දුම්රිය රියැදුරන්, දුම්රිය නියාමකවරු, දුම්රිය ස්ථානාධිපතිවරු සහ දුම්රිය පාලකවරු මෙම වර්ජනයට එක්ව සිටිති.
මෙම වර්ජනය නිසා ෙදෙනිකව දුම්රිය මගින් සිය ගමන් අවශ්‍යතා සපුරා ගන්නා කාර්යාල සේවක සේවිකාවන් ඇතුළු දහස් සංඛ්‍යාත දුම්රිය මගීහු දැඩි අපහසුතාවකට පත්ව සිටිති.
දුම්රිය වර්ජනය නිසා අපහසුතාවට පත්වන මගීන් වෙනුවෙන් ශ්‍රී ලංගම විසින් අමතර බස් සේවා රටපුරා ක්‍රියාත්මක කළත් දුම්රිය මගීන්ගේ ඉල්ලුමට සාපේක්ෂව එම බස් රථ ප්‍රමාණවත් නොවීය.
දුම්රිය නොමැතිකමින් දුම්රිය ස්ථාන මගීන් නොමැතිව පාළුවට ගොස් තිබුණත් තදාසන්න නගර රැසකම බස් නැවතුම් ‍පොළවල්වල අධික මගී තදබදයක් උදෑසන සහ සවස් කාලයට දැකගත හැකිවිය.
අධ්‍යයන ‍පොදු සහතික පත්‍ර (සාමාන්‍ය පෙළ) විභාගය ආදියත් ආරම්භ වන අතර දුම්රිය මගීන් විභාග මධ්‍යස්ථාන වෙත යාමට බලා සිටින පාසල් දරුවන් දුම්රිය වර්ජනය නිසා දැඩි පීඩාවට පත්වනු ඇත.
දුම්රිය බලධාරීන් විසින් ඊයේ දිනයේදී දුම්රිය ගමන් වාර 12 ක් ධාවනය කළේය.
මේ අතර දුම්රිය ධාවනාගාරවල දුම්රිය ඇන්ජින් ක්‍රියාත්මක කරවීමට සිටින දුම්රිය 'සන්ටින්' රියැදුරන් ප්‍රධාන දුම්රිය ධාවනයට එක්කර ගැනීමට දුම්රිය සාමාන්‍යාධිකාරීවරයා ඊයේ (11) තීරණය කළේය. තවද විශ්‍රාමික දුම්රිය රියැදුරන්ද යළි සේවයට කැඳවීමට දුම්රිය සාමාන්‍යාධිකාරිවරයා පියවර ගෙන තිබුණි. ත්‍රිවිධ හමුදාවේද සහය ඇතිව අද (12) දිනයේ දුම්රිය 100 කට ආසන්න සංඛ්‍යාවක් ධාවනය කරවීමට දුම්රිය බලධාරීන් තීරණය කර ඇත.
මේ අතර දුම්රිය සේවාව අත්‍යවශ්‍ය සේවාවක් කරමින් ජනාධිපතිවරයා විසින් පෙරේදා (10) අත්සන් තැබූ ගැසට් නිවේදනය ප්‍රකාරව වර්ජනයේ නිරත සියලු දුම්රිය සේවකයන්ට පැය 24 ක් ඇතුළත රාජකාරියට වාර්තා කරන ලෙසට දුම්රිය සාමාන්‍යාධිකාරිවරයා නියෝගයක්ද නිකුත් කළේය.
එසේ සේවයට වාර්තා නොකරන දුම්රිය සේවකයන් සේවය අතහැර ගියා සේ සලකන බවටද දන්වමින් දුම්රිය නිලධාරීන් විසින් වර්ජනයේ නිරත සේවකයන් වෙත ලිපි යොමු කිරීමටද ඊයේ (11) පියවර ගනු ලැබිය.
නමුත් එවැනි කිසිදු ලිපියක් වර්ජනයේ නිරත කිසිදු සේවකයකු වෙත ඊයේ (11) පස්වරු වන විටත් නොලැබුණු බව දුම්රිය වෘත්තීය සමිති එකමුතුවේ කැඳවුම්කරු ජානක ප්‍රනාන්දු මහතා පැවැසීය.
තම වෘත්තීය සමිති විසින් ඉල්ලා සිටින වැටුප් තලය ලබාදෙන තුරු වර්ජනය අඛණ්ඩව ඉදිරියට ගෙන යන බවද ඔහු කීවේය.

පානුක රාජපක්ෂ

රජයේ ණය සීමාව මේ වසරේ (2017) බිලියන 1629 කින් වැඩිකර ගැනීම සඳහා පාර්ලිමේන්තුවට ඉදිරිපත් කර තිබූ විසර්ජන (සංශෝධන) පනත් කෙටුම්පත වැඩි ඡන්ද 45 කින් සම්මත විය.
මෙම පනත් කෙටුම්පතට පක්ෂව ඡන්ද 53 ක්ද, විරුද්ධව ඡන්ද 8 ක්ද ලැබිණ. ජනතා විමුක්ති පෙරමුණ හා ඒකාබද්ධ විපක්ෂය පනත් කෙටුම්පතට විරුද්ධව ඡන්දය ලබාදුන්හ.
රජයට සම්බන්ධ පක්ෂ හා ද්‍රවිඩ ජාතික සන්ධානය පනතට පක්ෂව ඡන්දය භාවිත කළහ.
2016 වසරේ ඉදිරිපත් කළ අයවැය ‍ලේඛනයෙන් 2017 වසර සඳහා සීමා කර තිබූ ණය ප්‍රමාණය වැඩිකර ගැනීම වෙනුවෙන් මෙම පනත් කෙටුම්පත මුදල් අමාත්‍ය මංගල සමරවීර මහතා විසින් පාර්ලිමේන්තුවට ඉදිරිපත් කළේය.

පැතුම් වික්‍රමරත්න, ප්‍රසාදිකා ජයවර්ධන

Page 5 of 184

IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.