lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ඌව පළාත්සභාවේ නව සෞඛ්‍ය දේශීය වෛද්‍ය පරිවාස හා ළමා ආරක්ෂණ, වනිතා කටයුතු හා සමාජ සුභ සාධන අමාත්‍යවරයා ලෙසට අනුර විදානගමගේ මහතා  ඊයේ (10)  ජනාධිපති මෛත‍්‍රීපාල සිරිසේන මහතා විසින් පත් කර තිබුණි.
 
විවිධ දේශපාලමය කරුණු කීපයක් මුල් කර ගනිමින් සිදු කරන ලදැයි පැවැසෙන මෙම පත්වීම ප‍්‍රධාන අවස්ථාවට ඌව ආණ්ඩුකාර  එම්. පි. ජයසිංහ මහතාද කැඳවා තිබේ.

පසුගිය ඌව පළාත්සභා මැතිවරණයේදී එක්සත් ජනතා නිදහස් සන්ධානයෙන් තරඟකර මනාප ඡන්ද 59316ක් ලබාගෙන බදුල්ල දිස්ත‍්‍රික් මනාප ලැයිස්තුවේ  ප‍්‍රථමයා බවට පත් වු අනුර විදානගමගේ මහතා ඌව පළාත්සභාවේ කෘෂි කර්ම අමාත්‍ය වරයා ලෙස  හිටපු මහ ඇමතිවරුන් වන ශෂින්ද්‍ර රාජපක්ෂ හා හරීන් ප‍්‍රනාන්දු මහතුන් යටතේද කටයුතු කර තිබේ.

පසුව වර්තමාන ඌව මහ අමාත්‍ය චාමර සම්පත් දසනායක මහතා පත්විමෙන් පසු සිදු වු අමාත්‍ය මණ්ඩල වෙනසේ දී අනුර විදානගමගේ මහතාගේ කෘෂි කර්ම අමාත්‍ය ධුරය එවකට ඌව පළාත් සභාවේ විපක්ෂ නායකවරයාව සිට් උපාලි සමරවිර මහතාට පවරා තිබුණි.

කෙසේ වුවද ඌව පලාත් සභාවේ කෘෂි කර්ම අමාත්‍යවරයා ව සිට් කාලයේ දී දක්ෂ ජනහිතකාම් තරුණ දේශපාලකයෙකු ලෙසට අනුර විදානගමගේ මහතා පක්ෂ විපක්ෂ සියලූ දෙනාගේම සිත් දිනා ගැනිමට සමත්ව තිබේ.

    ( අර්නි දඹදෙනිය - වැලිමඩ)

තලවාකැලේ ප‍්‍රදේශයේ සමෘද්ධි ලාභින් පිරිසක් අහිමිවි ඇති සමෘද්ධි කාඩි පත නැවත ඉල්ලා සමෘද්ධි බැංකුව ඉදිරිපිට අද (11) උද්ඝෝෂණයක් ආරමිභ කර ඇත.

එම වසම් වල තමන්ට හිමිව තිබු සමෘද්ධි කාඩිපත් පන්සිය තිස් එකක් සමාජ බල ගැන්විමේ අමාත්‍යංශය මගින් සිදුකළ සමීක්‍ෂණයකින් පසු අහිමි කර එම කාඩි පත වෙනත් අයට ලබා දි ඇති බව උද්ඝෝෂණයේ නියැලි සමෘද්ධි ලාභීහු චෝදනා කරති. එම අමාත්‍යංශය මගින් සිදුකළ සමික්‍ෂණයට අදාල කරගෙන තිබු නිර්නායක කෙසේවත් සාධාරන නොවන බව ඔවුහු කියති.

එම අමාත්‍යංශය මගින් සමෘද්ධි ලාභින් පරිගණක පද්ධතියට ඇතුලත් කර ගැනිම සඳහා මෙම සමික්‍ෂණය සිදුකළ අතර එම සමික්‍ෂණයේදි සමෘද්ධි කාඩි පත අමිවන සමෘද්ධී ලාභින්ට ඒ සඳහා ප‍්‍රදේශයේ ප‍්‍රාදේශිය ලේකම්වරයා හරහා අභියාචනයක් ඉදිරිපත් කිරිමටද  අවස්ථාව ලබා දි ඇත.



හැටන් රංජිත් රාජපක්‍ෂ  

 

President Maithripala Sirisena4

සමෘද්ධි සහානාධාරය කිසි සේත්ම කප්පාදු නොකරන බව ජනාධිපතිවරයා අවධාරණය කරයි. සුදුසුකම් සපුරා ඇති සියළුම සමෘද්ධි ලාභීන්ට කිසිම අඩුකිරීමකින් තොරව සමෘද්ධි සහානාධාරය ලබාදෙන බව ජනාධිපති මෛත්‍රීපාල සිරිසේන මහතා ප්‍රකාශ කළේ අද ඇඹිලිපිටියේ පැවැති ඉඩම් ඔප්පු ප්‍රදානය කිරීමේ උත්සවයකදීය.

 

රජය සමෘද්ධි ප‍්‍රතිලාභය කපාදැමීමට සූදානම් වන බවට විවිධ දේශපාලන උසිගැන්වීම් සිදු කෙරෙන අතර එහි කිසිදු සත්‍යතාවයක් නොමැති බව පැවසූ ජනාධිපතිවරයා වත්මන් රජය සෑමවිටම ප‍්‍රතිපත්තිමය තීන්දු තීරණවලට එැළැඹෙන්නේ පොදු ජනතාවගේ යහපත උදෙසා බවද කියා සිටියේය.

මෙහිදී අදහස් දැක්වූ ජනාධිපතිවරයා වැඩිදුරටත් ප‍්‍රකාශ කළේ රටේ ගොවි ජනතාවට ඔවුන්ගේ ආර්ථිකය සවිමත් කර ගැනීමට මෙන්ම ජාතික ආර්ථිකය ශක්තිමත් කිරීම සඳහා කෘෂිකර්මාන්තය තුළ නව වැඩපිළිවෙළක් ආරම්භ කිරීමට රජය අපේක්ෂා කරන බවයි.

දේශීය එළවළු සහ පළතුරු සඳහා විදේශීය වෙළෙඳපොළ අවස්ථා වැඩිදියුණු කරමින් ඒ තුළින් ජාතික ආර්ථිකය මෙන්ම ගොවි ආර්ථිකය ශක්තිමත් කර ගැනීමේ හැකියාව පෙන්වා දුන් ජනාධිපතිවරයා මෙරට කෘෂිකර්මාන්තය නව්‍යකරණයට ලක් කරමින් තරුණ පරපුර ඊට ආකර්ශණය කිරීමේ වැඩපිළිවෙළක් ද කි‍්‍රයාවට නැංවීමට රජය සැළසුම් කර තිබෙන බව කියා සිටියේය.

ජනතාවගේ ඉඩම් අයිතිය තහවුරු කිරීම පිළිබඳවද අදහස් දැක්වූ ජනාධිපතිවරයා ප‍්‍රකාශ කළේ එම කටයුතු ප‍්‍රමාදයකින් තොරව ඉටුකරදීම රාජ්‍ය නිලධාරින්ගේ වගකීම වන අතර එහිදී කිසිදු විටක දේශපාලන හා පක්ෂ බේදයක් සැළකිල්ලට නොගත යුතු බවයි.

ඉතිහාසයේ ලොව පුරා මහා අරගල සිදුවූයේ ඉඩම් අයිතිය මුල් කර ගනිමින් බව සිහිපත් කළ ජනාධිපතිවරයා සෑම ශී‍්‍ර ලාංකිකයෙකුටම තමන්ට කියා ඉඩමක හිමිකම හා නිවසක උරුමය හිමිකරදීමේ වගකීම ඉටුකිරීමට වත්මන් රජය කටයුතු කරමින් සිටින බවද කියා සිටියේය.

මහවැලි ජනපදිකයින් වෙත ඉඩම් ඔප්පු ලක්ෂයක් බෙදාදීමේ ජාතික වැඩසටහන යටතේ වලව කලාපයේ ගොවි ජනතාවට ඉඩම් හිමිකම්පත‍්‍ර පන්දහසක් ලබාදීම මෙහිදී සිදු කෙරුණු අතර එය සංකේතවත් කරමින් ගොවීන්ට ඉඩම් හිමිකම් පත‍්‍ර ප‍්‍රදානය ජනාධිපතිවරයා අතින් සිදු විය.

අමාත්‍යවරුන්වන මහින්ද අමරවීර, තලතා අතුකෝරාල, නියෝජ්‍ය අමාත්‍ය අනුරාධ ජයරත්න, කරුණාරත්න පරණවිතාන යන මහත්වරුන් ඇතුළු පළාතේ දේශපාලන නියෝජිතයින් සහ රාජ්‍ය නිළධාරීහූ මෙම අවස්ථාවට එක්ව සිටියහ.

 

විනය ධර්ම කීර්ති ශ්‍රී සෝභිත සුගුණතිස්ස යන ගෞරව නාම සහිතව ඉතාලියේ ප්‍රධාන අධිකරණ සංඝනායක පදවිය ලැබූ ඉතාලියේ බ්‍රෙෂියා බෞද්ධ විහාරාධිපති රාජකීය පණ්ඩිත ශාස්ත්‍රපති වතෝගල ධම්මික හිමිපාණන්ව එම පදවිය පිළිබඳ හක්ත පත්‍ර ප්‍රදානය අගෝස්තු 19 දා සවස 2.00ට මහනුවර මල්වතු මහ විහාරයීය උ‍පෝෂථාගාරයේදී පැවැත්වේ.
මෙම අවස්ථාවට දෙස් විදෙස් ගිහිපැවිදි ආරාධිතයෝ රැසක් සහභාගි වෙති.
ඉතාලියේ ප්‍රධාන අධිකරණ සංඝනායක පදවියට පත් වතෝගල ධම්මික නාහිමියන් පිළිගැනීමේ උළෙල ඔක්තෝබර් 01 දා සවස 2.00ට ඉතාලියේ බ්‍රෙෂියා හිදි පැවැත්වේ. ප්‍රංශයේ ප්‍රධාන සංඝනායක පරවාහැර චන්දරතන නාහිමියෝ මෙම උත්සවයේ මුලසුන හොබවති.

බාලවයස් කරුවෙකු රිය පැදිවීමේ දඩ මුදල 30000 දක්වාද , බීමතින් රිය පැදවීම ඇතුළු රථ වාහන වැරදි පහක් සම්බන්ධ දඩ මුදල රුපියල් 25000 දක්වා ද ඉහළ නැංවීමට කැබිනට් අනුමැතිය හිමි වූ බව අද පැවැති කැබිනට් තීරණ දැනුම් දීමේ මාධ්‍ය හමුවේ දී අමාත්‍ය රාජිත සේනාරත්න මහතා පැවසීය.

ඒ අනුව වලංගු රියදුරු බලප්‍රත්‍රයක් නොමැතිව රිය ධාවනය, වලංගු රියදුරු බලපත්‍රයක් නොමැති අයෙකු රියදුරෙකු වශයෙන් සේවයේ යෙද වීම, බීමත්ව රිය පැදවීම, දුම්රිය හරස් මාර්ග වලට අපරික්ෂා කාරි ලෙස රිය ඇතුළත් කිරීම, වලංගු රක්ෂණ ආවරණයක් නොමැතිව රථ ධාවනය මෙම දඩ මුදල නියම විය හැකි වැරදි අතර වේ.

අධික වේගයෙන් රිය පැදවීම සඳහා නියම කෙරෙන දඩ මුදල වාහනය පැදවූ වේගය මත පදනම් වන අතර එය රුපියල් 3000 , 7000 , 10000 සහ 15000 වශයෙන් වනු ඇත. මේ අතර වමෙන් ඉස්සර කිරීමේ දඩය රුපියල් 2000 දක්වාද නොසැලකිලිමත් අයුරින් රිය පැදවීමෙ දඩය රුපියල්  10000 දක්වාද අපරික්ෂා කාරී ලෙස හෝ අනතුරු දායක ලෙසින් රිය පැදවීමේ දඩය රුපියල් 10000 දක්වා වැඩි කර තිබේ. බලපත්‍ර ලබා ගැනීමට සුදුසු වයස් සීමාවට වඩා අඩු වයසකින් යුතු පුද්ගලයකු රිය ධාවනය කළ විට පැනවෙන දඩය රුපියල් 5000 සිට 30000 දක්වා වැඩි කර ඇත.

විදේශ කටයුතු ඇමති රවී කරුණානායක මහතා පාර්ලිමේන්තුවේදී විශේෂ ප්‍රකාශයක් කරමින් සිය තනතුරෙන් ඉල්ලා අස්වෙන බව මීට ස්වල්ප වේලාවකට පෙර පැවසීය. ඒ අනුව මින් ඉදිරියට ඔහු පාර්ලිමේන්තුවේ පසු පෙළ මන්ත්‍රීවරයෙකු ලෙස කටයුතු කරනු ඇත.

 

අත්තිඩියේ පෞද්ගලික බැංකුවකට ඇතුළු වී ආයුදසන්නද්ධ කොල්ලකරුවන් දෙදෙනකු සිදු කළ වෙඩි තැබීමකින් බැංකුවේ ආරක්ෂකනිලධාරීයෙකු මරණයට පත්වී ඇති අතර අනෙක් තැන්තා කළුබෝවිල රෝහලේ ප්‍රතිකාර ලබන බවපොලිසිය පවසයි.  

සැකකරුවන් යතුරුපැදියකින් පැමිණි ඇති අතර කොල්ල කන ලද මුදල පිළිබඳ මෙතෙක් තොරතුරු අනාවරණය වී නොමැත.

උතුරු නැගෙනහිර දෙපළාතේ එක් නොකළොත්  නැගෙනහිර රටට අහිමි වන්නට ඉඩ ඇතැයි උතුරු පළාත් සභාවේ මහ ඇමැති සී.වී. විග්නේෂ්වරන් මහතා උතුරේ දෙමළ මාධ්‍යයට සඳහන් කර තිබේ. නව ව්‍යවස්ථා සංශෝධනයේදී ඒකීය රාජ්‍ය වෙනුවට එක්සත් රජය යන්න ඇතුළත් කළ යුතු බව තමන් යෝජනා කර ඇති බවද දෙමළ මාධ්‍යයට සඳහන් කර ඇත.
අපි පෙඩරල් ක්‍රමය හා උතුරු නැගෙනහිර එක්කිරීම මෙන්ම ඒකීය රාජ්‍ය යන වචනය වෙනුවට එක්සත් රාජ්‍ය කියන වචන ඇතුළත් කරලා නව ව්‍යවස්ථාව සම්පාදනය කරන්න කියලා. යෝජනා කරලා තිබෙනවා.
රජය මේ කාරණා පිළිගන්නවාද නැද්ද කියලා මම දන්නේ නෑ. දැනටමත් පෙඩරල් රාජ්‍ය ක්‍රමයට හා ඒකීය රාජ්‍ය වෙනස් කිරීමට විරෝධතා මතු වී තිබෙනවා යැයිද ඔහු දෙමළ මාධ්‍යයට සඳහන්කර තිබේ.
උතුරේ මහ ඇමැතිවරයාට පළත් සභාවේ මැති ඇමැතිවරු පත් කිරීම හෝ වෙනස් කිරීම ඇතුළු මහ ඇමැතිට හිමි සියලු බලතල පවරා දීමට දෙමළ ජාතික සන්ධානය ඉකුත්දා රැස් වී තීරණය කර තිබිණ. මේ මාධ්‍ය හමුව පවත්වා ඇත්තේ ඉන් අනතුරුව බවද වාර්තා වේ.
 
ජයසූරිය උඩුකුඹුර

ලංකා විදුලිබල මණ්ඩලයේ සේවකයන්ගෙන් ඉටුකරගත හැකි බොහෝ සේවාවන් ලංවිම පාලනාධිකාරිය පෞද්ගලික කොන්ත්‍රාත්කරුවන්ගෙන් ලබාගන්නා බව ලංකා විදුලි ‍පොදු සේවක සංගමය චෝදනා කරයි. මෑන් පවර් ප්‍රශ්නයද ලංවිම පාලන අධිකාරිය එසේ නිර්මාණය කරන ලද්දක් බවද ඔවුහු පෙන්වා දෙති.
ලංවිම සේවක වැටුප් විෂමතා ඉවත් කර පහළ සේවකයන්ට සාධාරණත්වය ඉටුකර දෙන ලෙස ඉල්ලමින් ලංකා විදුලි ‍පොදු සේවක සංගමය ජනාධිපති අගමැති වෙත යවා ඇති ලිපියකින් මේ බව පෙන්වා දී තිබේ. ලංවිම පාලනාධිකාරිය අත්තනෝමතික ලෙස ව්‍යාජ චක්‍ර ‍ලේඛ උපයෝගී කර ගනිමින් ඔවුන්ගේ පමණක් වැටුප් වැඩිකර ගෙන තිබිම අසාධාරණ බවද ඔවුන් පෙන්වා දී තිබේ.
නීතිවිරෝධී ලෙස ලංවිම පාලනාධිකාරිය වැටුප් වැඩිකර ගැනීමට එරෙහිව තම සංගමය අභියාචනාධිකරණයේ පවරා ඇති නඩුව රාජ්‍ය පාර්ශ්වයේ දැඩි උදාසීනත්වය නිසා වසර දෙකක් ඉක්මවා ඇතත් මේ දක්වා විසඳුම් ලැබි නැති බවද පෙන්වා දෙන ලංවිම ‍පොදු සේවක සංගමය සයිටම් වලට එහා ගිය අරගලයක් නිර්මාණය වීමට පෙර මෙම වැටුප් විෂමතාව ඉවත් කර පහළ සේවකයන්ටද සාධාරණ වැටුප් වැඩිවීමක් ලබාදීමට මැදිහත් වන ලෙස ජනාධිපති හා අගමැතිවරයාට යවා ඇති ලිපියේ සඳහන් කර තිබේ.
 
ජයසූරිය උඩුකුඹුර

හම්බන්තොට වරාය ගිවිසුම පිළිබඳව රජයේ අමාත්‍යවරයකු ලෙස අධිකරණ අමාත්‍ය විජේදාස රාජපක්ෂ මහතාගේ ක්‍රියාකලාපය ඒකාබද්ධ විපක්ෂය අගය කරන බවද එම ගිවිසුම අහෝසි කිරීමේ වැඩපිළිවෙළේදී ඒකාබද්ධ විපක්ෂය අමාත්‍යවරයාට අවශ්‍ය සහයක් වේ නම් එය ලබා දෙන බවද ඒකාබද්ධ විපක්ෂයේ පාර්ලිමේන්තු මන්ත්‍රී කෙහෙළිය රඹුක්වැල්ල මහතා සඳහන් කළේය.
අපේ රටේ ආර්ථික වශයෙන් ඉහළ වටිනාකමක් ඇති හම්බන්තොට වරාය චීනයට බදු දීමට රජය ක්‍රියා කිරීම ගැන විජේදාස රාජපක්ෂ මහතා ආණ්ඩුව තුළ සිට විරෝධය දැක්වීම සතුටක් බවද අගමැතිවරයාට අමාත්‍යවරයාට තරම්වත් අවබෝධයක් නොතිබිම රටේ ජනතාවගේ අවාසනාවක් බවද ඔහු සඳහන් කළේය.
 
ජයසූරිය උඩුකුඹුර

සිහින පාලපල වල සත්‍යයක් තිබේද? යන මැයෙන් සජීවි සංවාදයක් අද (10) රාත්‍රී 10.10ට ජාතික රූපවාහිනියෙන් විකාශය වන ‘යථාරූප‘ වැඩසටහන ඔස්සේ විකාශය කෙරේ. කොළඹ විශ්ව විද්‍යාලයීය ශීපාලි මණ්ඩපයේ ආචාර්ය ටියුඩර් වීරසිංහ, කරාපිටිය ශික්ෂණ රෝහලේ විශේෂඥ මනෝ වෛද්‍ය රූමි රූබන්, ජන විශ්වාස පර්යේෂක මාධ්‍යවේදී තිලක් සේනාසිංහ යන විද්වත්හු මීට සහභාගී වෙති.

සිහින පලාපල සම්බන්ධයෙන් නරඹන්නගේ ප්‍රශ්න වලට සජීවීව පිළිතුරු සැපයීම මෙහිදී සිදුකෙරේ.

‘යථාරූප‘ සුමින් තිලකසේනගේ නිශ්පාදනයකි.

IMAGE

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 209

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 1871

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 1416

මත්පැන් ‘තිත්ත කරන’ පෙත්ත අතුරුදන්?

IMAGE 2017 Aug 15 17:23
මත්පැන් පානයට ඇබ්බැහිවූවන් ඉන් මුදවාලීම පිණිස නිෂ්පාදනය කොට ඇති ඖෂධ වර්ගයක් මේ දිනවල...
Views - 1132

කාලගුණ විද්‍යාඥයන් සුනාමි ගැන දන්නෙ කොහොමද? (Voice cut)

IMAGE 2017 Aug 15 13:00
සුනාමි ඇතිවීම, එහි බලපෑම, දුර ප්‍රමාණය ආදිය පිළිබඳව සමීක්ෂණ‍ සිදුකොට ඇත්තේ සාගර...
Views - 678

අත්තනගලු ඔයේ මාළුන්ට දන්සලක් (Video)

IMAGE 2017 Aug 14 12:58
ලක් ඉතිහාසයේ එදා මෙදා තුර වාර්තා වන සුවිසල්ම දානය සිරිසඟබෝ රජතුමා විසින් පිරිනමන ලද්දකි. ඒ...
Views - 2030

Please publish modules in offcanvas position.