Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

විශ්ව විද්‍යාල තුළ නොමිලේ මත්ද්‍රව්‍ය බෙදා හරින බව එක්තරා විශ්ව විද්‍යාල උප කුලපතිවරයකු මඟින් තමන්ට දැනගන්නට ලැබී ඇතැයි ජනාධිපති මෛත්‍රීපාල සිරිසේන මහතා පවසයි.

ඔහු මේ බව ප්‍රකාශ කළේ ඊයේ (16) පස්වරුවේ කොළඹ රාජකීය විද්‍යාලයීය 165 වෙනි ත්‍යාග ප්‍රධානෝත්වයට සහභාගී වෙමිනි.

පවතින තත්ත්වය අනුව රටේ අනාගත පරම්පරාව මත් රකුසාගෙන් බේරා ගැනීම සඳහා ‍ගුරු දෙගුරුන්ගේ මැදිහත්වීම ඉතා වැදගත් කාලීන අවශ්‍යතාවයක් යැයිද ජනාධිපතිවරයා කීය.

පර්පචුවල් ට්‍රෙශරීස් සමාගමේ හිමිකරු වන අර්ජුන් ඇලෝෂියස් ගේ පුද්ගලික ලේකම් ප්‍රකාශයක් ලබා දීම සඳහා බැඳුම්කර කොමිසමට මේ වන විට පැමිණ තිබේ.

ඔහුට කොමිසම හමුවේ පෙනී සිටින ලෙස ඊයේ (16) බැඳුම්කර ගණුදෙනුව පිළිබඳ පරීක්ෂණ පවත්වන ජනාධිපති කොමිසම විසින් දන්වා තිබුණි.

 

 

 

 

වත්මන් රජයට ආණ්ඩුක්‍රම ව්‍යවස්ථාව සම්පූර්ණයෙන් වෙනස් කිරීමට ජන බලයක් ලබා දී නැති බව හිටපු ජනාධිපති මහින්ද රාජපක්ෂ මහතා සඳහන් කරයි.පසුගිය ජනාධිපතිවරණයේදී මොවුන් ජනතා වරම ඉල්ලුවේ 2015 අප්‍රේල් 20ට පෙර මැතිවරණ ක්‍රමය වෙනස් කොට විධායක  ජනාධිපති ක්‍රමය අහෝසි කිරීම සඳහා බවද රාජපක්ෂ මහතා පෙන්වා දෙන්නේය.
යෝජිත ව්‍යවස්ථාව සම්බන්ධයෙන් මේ වන විට පාර්ලිමේන්තුවට ඉදිරිපත් කර ඇති අතුරු වාර්තාව හා එහි අන්තර්ගත කරුණු සම්බන්ධයෙන් මාධ්‍ය නිවේදනයක්  නිකුත් කරමින් රාජපක්ෂ මහතා මේ බව සඳහන් කර තිබේ.
පාර්ලිමේන්තුවට ඉදිරිපත් කර ඇති ව්‍යවස්ථා සම්පාදන මෙහෙයුම් කමිටුවේ  අතුරු ව්‍යවස්ථාවේ අඩංගු විශේෂ කරුණු අටක් සම්බන්ධයෙන් එකඟ විය නොහැකි බව රාජපක්ෂ මහතා මෙම නිවේදනයෙන් අවධාරණය කර තිබේ.
සිංහලෙන් “ඒකීය” යන වචනය තව දුරටත් භාවිතා කරමින් “යුනිටරි” යන ඉංග්‍රීසි වචනය හා එහි සංකල්පය නව ව්‍යවස්ථාවෙන් ඉවත් කිරීම නිසා ලංකාවේ  බහුතර ජනතාව ශ්‍රී ලංකාව ඒකීය රටක් ලෙස පිළිගෙන තිබුණද ජාත්‍යන්තර ප්‍රජාව හමුවේ ලංකාව තවදුරටත් “ඒකීය” යුනිටරි රටක් නොවනු ඇති බවද යෝජනාවලියේ සිවුවන පිටුවේ උතුරු නැගෙනහිර පළාත් එක් ඒකකයක් ලෙස පිළිගත යුතු බව සඳහන් වී තිබිමද, පළාත් මට්ටමේදී කළ හැකි සියලුම දේ පළාත්වලට පැවැරිය යුතු යැයි සඳහන් වීම තිබිම වැනි කරුණු තුළින් රජය ජනතාව නොමග යවා කටයුතු කරන්නේ කුමක් සඳහා දැයි තේරුම් ගත හැකි බවද රාජපක්ෂ මහතා පෙන්වා දී තිබේ.‍පොලිස් සේවය දැන් ක්‍රියාත්මක වන ආකාරයට රට පුරා ඉදිරියේදීද ක්‍රියාත්මක විය යුතු බවද රාජපක්ෂ මහතා සිය නිවේදනයෙන් අවධාරණය කර තිබේ.

ජයසූරිය උඩුකුඹුර

සයිටම් ගැටලුව සම්බන්ධයෙන් ඕනෑම පාර්ශ්වයක් සමග ඕනෑම මොහොතක සාකච්ඡා කිරීමට රජය සූදානම් බව උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මහතා සඳහන් කරයි. සයිටම් අර්බුදය සම්බන්ධ ප්‍රශ්නය දැනට අධිකරණයේ විභාග වෙමින් තිබෙන නිසා අධිකරණ තීන්දුව අවසන් තීරණය ලෙස පිළිගැනීමට සිදුවනු ඇති බවද අමාත්‍යවරයා සඳහන් කරයි.
සයිටම් ගැටලුව තවදුරටත් වර්ධනය වීමට ඉඩනොතබා සියල්ලටම එකඟ විය හැකි විසඳුමකට පැමිණීම කඩිනම් කරන ලෙස ෙතේ‍රනිකායික මහනාහිමිවරුන් ලිපියක් මගින් රජයෙන් ඉල්ලා තිබුණි.
'අපි සයිටම් ප්‍රශ්නය ගැන ඕනෑ අයෙක් සමග සාකච්ඡා කරන්න සූදානම්. නමුත් මේ වන විට ප්‍රශ්නය අධිකරණ ක්‍රියාමාර්ගයක් දක්වා ගිහිල්ල තියෙනවා. මහනාහිමිවරුන්ගේ අනුශාසනා හා ඉල්ලීම ගැන අපේ අවධානය යොමු වී තිබෙනවා. අධිකරණ තීන්දුව ලැබුණු පසු එම තීන්දුව අනුව අපිට කටයුතු කරන්නට සිදුවන බවද අමාත්‍යවරයා කීවේය.

ජයසූරිය උඩුකුඹුර
 

කොළඹ ප්‍රධාන පෙළේ පාසලක ජපන් භාෂා ගුරුවරියක් මෙන්ම ජපන් භාෂා විශේෂ උපාධිධාරිනියක් වූ කාන්තාවක් විසින් ජපානයේ රැකියා ලබාදෙන බව පවසා රුපියල් කෝටි හතරකට අධික මුදලක් වංචා කිරීමකට අදාළව ශ්‍රී ලංකා විදේශ සේවා නියුක්ති කාර්යාංශය විසින් අත්අඩංගුවට ගෙන ඇත.
කාර්යාංශයේ විශේෂ විමර්ශන ඒකකයේ නිලධාරීන් විසින් එම කාන්තාව එසේ අත්අඩංගුවට ගෙන තිබෙන අතර මෙය කාර්යාංශ ඉතිහාසයේ විශාලතම වැටලීම බවද වාර්තා වේ.
ජපානයේ රැකියා ලබාදෙන බව පවසමින් පුද්ගලයන් පනස් දෙනකුට අධික පිරිසකගෙන් මෙම කාන්තාව මුදල් ලබාගත්තද, එම රැකියා ලබානොදුන් පුද්ගලයකු විසින් කාර්යාංශයේ විශේෂ විමර්ශන ඒකකය වෙත පැමිණිල්ලක් ඉදිරිපත් කර ඇත.
ඒ අනුව ක්‍රියාත්මක වූ කාර්යාංශ නිලධාරීන් විසින් වෙස් වළාගෙන ගොස් කරන ලද විමර්ශනයකින් අනතුරුව  කඩවත, සූරියපාලුව ප්‍රදේශයේ සැකකාරිනියගේ නිවසේදී අත්අඩංගුවට ගෙන තිබේ.
එහිදී ඇයගේ නිවසේ තිබි ගුවන් ගමන් බලපත්‍ර 80ක්, ජපානයේ රැකියා සඳහා රැකියා එකඟතා ගිවිසුම් විශාල ප්‍රමාණයක්, රැකියාවට අවශ්‍ය යෝග්‍යතා සහතික, දිවුරුම් ප්‍රකාශද විමර්ශන නිලධාරීන් බාරයට ගෙන තිබේ. එසේම මෙහි තිබි ව්‍යාජ නිල මුද්‍රා 14ක්ද, හමුවී තිබෙන අතර ජපන් නොතාරිස් මුද්‍රා, විදේශ සේවා නියුක්ති කාර්යාංශයේ මුද්‍රා 2ක්ද හමුවී තිබෙන බව කාර්යාංශය පවසයි.
මෙම කාන්තාව එක් පුද්ගලයකුගෙන් රුපියල් ලක්ෂ 7ත් 9ත් අතර මුදලක් ජපාන රැකියා ලබාදෙන බව පවසා ලබාගනිමින් මෙම මූල්‍ය වංචාව කර තිබෙන බවද කාර්යාංශය පෙන්වා දෙයි.
මෙම රැකියා ජාවාරම පිළිබඳව තොරතුරු අනාවරණය වීමෙන් පසු එයට හසුවූ පුද්ගලයින් කාර්යාංශයට පැමිණිලි ගණනාවක් කර තිබේ. ඒ අනුව සැකකාරිය වංචා කළ මුළු මුදල රුපියල් කෝටි 10කට අධික විය හැකි යැයිද විමර්ශන නිලධාරීහු විශ්වාස කරති.
අදාළ සැකකාරිය ඔක්තෝබර් 15 වන දින මහර මහේස්ත්‍රාත් අධිකරණයට ඉදිරිපත් කරනු ලැබූ බවත්, ඔක්තෝබර් 19 දින දක්වා රක්ෂිත බන්ධනාගාරගත කරන ලද බවද කාර්යාංශය පවසයි.
මෙම ජාවාරමට සහය වූ එක් සැකකරුවකු විදේශගත වී ඇති අතර, අනෙක් සැකකරුවන් අත්අඩංගුවට ගැනීමට කාර්යාංශය පරීක්ෂණ මෙහෙය වන බවද කාර්යාංශය සඳහන් කර සිටී.
කොළඹ ප්‍රධාන පෙළේ පාසලක ජපන් භාෂා ගුරුවරියකද වන මෙම කාන්තාව මීට පෙර අධ්‍යාපන වීසා මත සිසුන් ජපානයට යොමුකර තිබෙන බවත්, ඉන් අනතුරුව 2012 වර්ෂයේ සිට මෙම රැකියා ජාවාරම මෙහෙයවා තිබෙන බවද කාර්යාංශය පවසයි.
මෙම ජාවාරම සම්බන්ධයෙන් කාර්යාංශයට තොරතුරු ලබාදුන් හා මෙම කාන්තාව අත්අඩංගුවට ගැනීමට විමර්ශන කටයුතු මෙහෙය වූ සියලු නිලධාරීන්ට ස්තූතිවන්ත වන බවද පවසා සිටින අධිකරණ හා විදේශ රැකියා ඇමැතිනි තලතා අතුකෝරල මහත්මිය මෙවැනි වංචාකරුවන්ට එරෙහිව නීතිය ක්‍රියාත්මක කිරීමට තමන් කිසිසේත්ම පසුබට නොවන බවද පවසයි.
මෙවැනි වංචාකරුවන් පිළිබඳව තොරතුරු දන්නේ නම් කාර්යාංශයේ පැය 24 තොරතුරු සේවාවේ දුරකථන අංකයන් වූ 009411-2879900, 009411-2879902 යන අංකයන්ට දැනුම් දෙන ලෙසත් අමාත්‍යවරිය මහජනතාවගෙන් ඉල්ලා සිටී.
මෙම වැටලීමට කාර්යාංශයේ ක්‍රියාකාරී අධ්‍යක්ෂ නීතිඥ උපුල් දේශප්‍රිය හා නියෝජ්‍ය සාමාන්‍යාධිකාරී නීතිඥ කීර්ති මුතුකුමාරණ යන මහත්වරුන්ගේ උපදෙස් මත විමර්ශන ඒකකයේ කළමනාකරු ප්‍රධාන ‍පොලිස් පරීක්ෂක සී.ජී. වෙළගෙදර, නීති ක්‍රියාත්මක කිරීමේ නිලධාරී ‍පොලිස් පරීක්ෂක එම්.ඒ.එස්.ජේ. අබේධීර, උප ‍පොලිස් පරීක්ෂක මංජුල ජයවර්ධන, උප ‍පොලිස් පරීක්ෂක ප්‍රදීප් කුමාර යන නිලධාරීන් සහ කාර්යාංශ මාණ්ඩලික සහකාරිනි අසංකි හුළුගල්ල, රියැදුරු එම්.ඒ. අජිත් යන අය එක්වී ඇත.

පද්මිණි මාතරගේ

තායිවානයේ ෆා ඊස්ටන් ඉන්ටර්නැෂනල් බැංකුවේ අන්තර්ජාල පද්ධතියට ඇතුල් වී ඇමරිකානු ඩොලර් මිලියන ගණනක් වංචා කිරීම සම්බන්ධයෙන් දැනට රක්ෂිත බන්ධනාගාරගතව සිටින ලිට්රෝ ගෑස් සමාගමේ හිටපු සභාපති ශලීල මුණසිංහ මහතාට එරෙහිව රාජගිරිය ප්‍රදේශයේ ගොඩනැගිල්ලකට නීති විරෝධී ලෙස විදුලිය ලබා ගැනීම සම්බන්ධයෙන් ලංකා විදුලිබල මණ්ඩලය නඩුවක් ගොනු කොට තිබූ අතර එහි සාක්ෂි විභාගය අද (16) ආරම්භ කෙ‍රිණ.

කොළඹ අතිරේක මහේස්ත්‍රාත් බුද්ධික ශ්‍රී රාගල මහතා ඉදිරියේ මෙම නඩුව ගොනු කෙරුණු අතර වැඩිදුර සාක්ෂි විභාගය පෙබරවාරි මස 13 වෙනිදාට නියම කරන ලදී.

එදින  සාක්ෂිකරුවන්ට අධිකරණය හමුවේ පෙනීසිටීමට නොතීසි නිකුත් කරන ලෙසද මහේස්ත්‍රාත්වරයා නියම කළේය.

ඒ.ජී.රේනුකා

 

මධ්‍යම කදුකරයේ බටහිර බෑවුමි ප‍්‍රදේශවල පිහිටි ජල පෝෂක කලාපවලට කඩින් කඩ ඇදහැළෙන ධාරානිපාත වර්ෂාව තව දුරටත් පවතී.

එම වර්ෂාවත් සමඟම විවෘත කර තිබූ ලක්‍ෂාපන,  ඉහළ කොත්මලේ  සහ කැනියොන් ජලාශවල වාන් දොරටු මේ වන විට තාවකාලිකව වසා දැමු බව විදුලිබල මණ්ඩලය පවසයි.

කාසල්රි ජලාශයේ ජල මටිටම පිටාර මට්ටමට අඩි නවය දක්වා ආසන්න වි ඇති අතර මාවුස්සාකැලේ ජලාශයේ ජල මටිටම අඩි අට දක්වා පිටාර මටිටමට ආසන්න වි තිබේ.

එම ජලාශවල ජල මට්ටම ඉහළ යෑමත් සමග ලක්‍ෂපාන, නව ලක්‍ෂපාන, කැනියොන්,පොල්පිටිය හා විමලසුරේද්‍ර යන ජලවිදුලි බලාගාර වල විදුලි උත්පාදනය උපරිම ධාරිතාවකින් සිදුකරන බව විදුලි බලමණ්ඩලය කියයි.

පවතින වැසි තත්ත්වයත් සමඟම  ප‍්‍රදේශය පුරා හමා යන දැඩි සුළං තත්ත්වයක් හේතුවෙන් ප‍්‍රදේශය පුරා වරින් වර විදුලියද විසන්ධි වෙමින් තිබේ.




හැටන් රංජිත් රාජපක්‍ෂ     

 

පසුගිය 06 වෙනිදා අධිකරණ නියෝග නොතකා උද්ඝෝෂණය කිරීමේ වරදට රක්ෂිත බන්ධනාගාරගතව සිට අද (16) හම්බන්තොට මහේස්ත්‍රාත්වරයා හමුවට පත්කරන ලද පාර්ලිමේන්තු මන්ත්‍රී ප්‍රසන්න රණවීර, බස්නාහිර පළාත් සභා මන්ත්‍රී උපාලි කොඩිකාර, විශ්‍රාමික මේජර් අජිත් ප්‍රසන්න යන අය මේ මස 30 වෙනිදා දක්වා යළි බන්ධනාගාරගත කිරීමට  හම්බන්තොට මහේස්ත්‍රාත්වරයා අද නියෝග කොට ඇත.

අද (16) හම්බන්තොට මහේස්ත්‍රාත් අධිකරණය වෙත ඉදිරිපත් කරන ලද පාර්ලිමේන්තු මන්ත්‍රී නාමල් රාජපක්ෂ මහතා ඇතුළු අට දෙනෙකු ඇප පිට මුදා හැරීමට හම්බන්තොට මහේස්ත්‍රාත්වරයා මීට සුළු වේලාවකට පෙර නියෝග කොට ඇත.

 

 

 

 

 

'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

නාමල් ඇතුළු පිරිස අද හම්බන්තොට අධිකරණයට

අධිකරණ නියෝග උල්ලංඝණය කරමින් උද්ඝෝෂණයක් කිරීමේ චෝදනාව මත පසුගිය (10) සවස පොලිස් අත්අඩංගුවට පත් පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී.චානක, ප්‍රසන්න රණවීර,උපාලි කොඩිකාර, සම්පත් අතුකෝරාල, අජිත් ප්‍රසන්න ඇතුළු සය දෙනා අද (16) හම්බන්තොට මහේස්ත්‍රාත්වරයා වෙත ඉදිරිපත් කිරීමට නියමිතය.

ඒ ඉකුත් 06 වෙනිදා  හම්බන්තොට පැවැති විරෝධතාවයේ දී අධිකරණ නියෝග කඩකිරීම, කලහකාරී ලෙස හැසිරීම, පොදුදේපල වලට හානි කිරීම, පොලිස් නිලධාරීන්ගේ රාජකාරියට බාධා කිරීම යන චෝදනා යටතේ මේ වන විට හතලිස් දෙනෙක් බන්ධනාගාර ගත කොට ඇති අතර ඔවුන් ද ඒ සමඟම මහේස්ත්‍රාත්වරයා හමුවට පත්කරණු ඇත.

මහා භාණ්ඩාගාර බැඳුම්කර නිකුතුව සම්බන්ධයෙන් තමන් ගැන කියැවුණු සඳහනට අදාළව ඕනෑම පැහැදිලි කිරීමකට තමන් සූදානම් බව අගමැති රනිල් වික්‍රමසිංහ මහතා ශ්‍රී ලංකා මහා භාණ්ඩාගාර බැඳුම්කර නිකුතුව ගැන සොයා බැලීමට පත්කර ඇති ජනාධිපති පරීක්ෂණ කොමිසමට දැනුම් දී තිබේ. 
එම කොමිසමේදී තමන් ගැන සඳහන් වූ කාරණා සම්බන්ධයෙන් අවධානය යොමු කිරීමෙන් පසුව වික්‍රමසිංහ මහතා මෙම දැනුම් දීම කර ඇත. 
ඒ අනුව එහිදී සඳහන් වු කරුණු සම්බන්ධයෙන් ඕනෑම කරුණු දැක්වීමකට තමන් සූදානමින් සිටින බව අගමැතිවරයා එම කොමිසමට ප්‍රකාශ කර ඇත. 
 
ලසන්ත වීරකුලසූරිය / ගයාත්‍රි ගීගනආරච්චි 

දිවයිනේ නිරිතදිග ප්‍රදේශවල පසුගිය දිනවල පැවැති අධික වර්ෂාව අද (16) සිට තාවකාලිකව තරමක් අඩුවනු ඇතැයි කාලගුණ විද්‍යා දෙපාර්තමේන්තුව පවසයි.
එහෙත් අද (16) දිනයේද අහස වළාකුළුවලින් බරව තිබෙන අතර බස්නාහිර, සබරගමුව, මධ්‍යම පළාත්වල තවදුරටත් වැසි පැවැතිය හැකි යැයි කාලගුණ විද්‍යාඥ දර්ශන චමිල් ප්‍රේමතිලක මහතා පැවැසීය.
දිවයිනේ බොහෝ ප්‍රදේශවල පසුගිය දිනවල පැවැති අධික වර්ෂාවත් සමග ප්‍රදේශ බොහොමයක් ජලයෙන් යටවී තිබේ.
බද්දේගම, මාතර, කළුතර, මිල්ලකන්ද ආදී ප්‍රදේශවල එලෙස සුළු ගංවතුර තත්ත්වයක් ඊයේ (15) වන විට දැකගත හැකිවූ බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා පැවැසීය.
මේ අතර අධික වර්ෂාව හේතුවෙන් කුකුළේගඟ ජලාශයේ වාන් දොරටුවක් තවමත් විවෘතව පවතින බවද ඒ මහතා කීය. එහෙත් සුළු ගංවතුර මට්ටමට පැමිණ තිබූ නිල්වලා ගඟේ ජලය ශීඝ්‍රයෙන් යමින් පැවැති කළු ගඟේ ජල මට්ටම ඊයේ (15) සවස් වන විට අඩුවෙමින් පැවැති බව හෙතෙම කීය.
එමෙන්ම ගාල්ල, මාතර, රත්නපුර, කළුතර ආදී දිස්ත්‍රික්කවල තවදුරටත් නාය යාමේ අවදානම පවතින බැවින් ඒ සම්බන්ධයෙන් අවධානයෙන් පසුවිය යුතු යැයිද ප්‍රදීප් කොඩිප්පිලි මහතා කීය.
 
ගයාත්‍රි ගීගනආරච්චි

Page 4 of 131

IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 761

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 1476

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1321

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1300

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 1774

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 2781

Please publish modules in offcanvas position.