lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ජාතික ලොතරැයි මණ්ඩලය මුදල් අමාත්‍යාංශය යටතේ තිබිය යුතු වුවද මෙය විදේශ කටයුතු අමාත්‍යාංශයට පවරා දීමට එරෙහි වී ඇති ඒකාබද්ධ විපක්ෂයේ පාර්ලිමේන්තු මන්ත්‍රී බන්දුල ගුණවර්ධන මහතාගෙන් අපරාධ පරීක්ෂණ දෙපාර්තමේන්තුව ප්‍රශ්න කිරීමට සූදානම් බව ඔහු සඳහන් කළේය. 
1963 අංක 11 දරන පනතට අනුව ලොතරැයි මණ්ඩල පැවැතිය යුත්තේ මුදල් අමාත්‍යාංශ යටතේ බැවින් මෙම ලොතරැයි විදේශ අමාත්‍යාංශය යටතට පත් කිරීමට එරෙහිව ශ්‍රේෂඨාධිකරණයේ නඩුවක් පවරා තිබියදී අපරාධ විමර්ශන දෙපාර්තමේන්තුව තමාගෙන් කටඋත්තර ලබා ගන්නේ කුමක් නිසාදැයි තමන්ට අවබෝධයක් නොමැතී බවද මන්ත්‍රීවරයා කීවේය. 
කොළඹදී ඊයේ (13) පැවැති ඒකාබද්ධ විපක්ෂයේ ආර්ථික පර්යේෂණ ඒකකයේ මාධ්‍ය හමුවට සම්බන්ධ වෙමින් මන්ත්‍රීවරයා මේ බව සඳහන් කළේය. එහිදී ඔහු මෙසේද කීවේය.
“ අප ජනතාවට කරුණු ඉදිරිපත් කරන්නේ පෞද්ගලික එදිරිවාදීකම් නිසා නොවෙයි. මන්ත්‍රීවරුන් ලෙස අපි සත්‍ය හෙළි කරන්න ඕනේ. මුදල් අමාත්‍යාංශය යටතේ තිබිය යුතු ලොතරැයි මණ්ඩල විදේශ අමාත්‍යාංශය යටතට පත් කිරීම නීතිවිරෝධීයි. ඒ ගැන අපි අවස්ථා ගණනාවකදී මාධ්‍ය හමු  තියලා පැහැදිලි කරලා තියෙනවා. මේ පිළිබඳව හිටපු මුදල් අමාත්‍ය රවි කරුණානායක මහතා ‍පොලිස්පතිට පැමිණිලි කරන බවට පාර්ලිමේන්තුවේදී කීවා”. යැයි මන්ත්‍රීවරයා කීවේය. මෙහිදී  මාධ්‍යවේදීන් ඇසූ ප්‍රශ්නවලට පිළිතුරු අමාත්‍යවරයා සඳහන් කළේ හෙට (15) තමන්ගෙන් කට උත්තර ලබා ගැනීමට ඛි..ච්. නිලධාරී සූදානම් වන බවයි. 
මාධ්‍යවේදීන් : ඔබව ඛි..ච්. කැඳවලා තිබෙනවද ? 
මන්ත්‍රීවරයා  : ඒ අය මගෙන් කට උත්තරයක් ගන්න ඕනෑ කීවාට ඒ අයට මම හෙට අපේ ගෙදරට එන්න කීවා. 
මෙම සිද්ධිය සම්බන්ධයෙන් බොරැල්ල වජිරාශ්‍රමයේ අධිපති වටිනාපහ සෝමානන්ද හිමියන්ගෙන්ද ඉකුත් ජූලි 28 දා කට උත්තර සටහන් කර ගෙන ඇතිබවද මන්ත්‍රීවරයා කීවේය.
 
ජයසූරිය උඩුකුඹුර 

මත්ද්‍රව්‍ය පිළිබඳ සහ සංවිධානාත්මක අපරාධකරුවන් පිළිබඳ තොරතුරු ලබා ගැනීම සඳහා ‍පොලිස් විශේෂ කාර්ය බළකා මූලස්ථානයේ පැය විසිහතර  පුරාම ක්‍රියාත්මක විශේෂ මෙහෙයුම් මැදිරියක් ස්ථාපිත කර ඇති බව ‍පොලිස් මූලස්ථානය පවසයි.
මෙහිදී තොරතුරු ලබාදෙන පුද්ගලයන්ගේ අනන්‍යතාවය පිළිබඳ රහසිගතභාවය පූර්ණ වශයෙන් සුරකින බවත් සාර්ථක තොරතුරු සඳහා ත්‍යාග මුදල් පිරිනැමීමටද බලා‍පොරොත්තු වන බවත් ‍පොලීසිය පවසයි.
මත්ද්‍රව්‍ය හා සංවිධානාත්මක අපරාධකරුවන් පිළිබඳ තොරතුරු ඇත්නම් 011-2580518, 011-2058552 සහ 011 - 2 081040 යන දුරකථන අංක ඔස්සේ දැනුම් දෙන ලෙස ‍පොලිස් මූලස්ථානය මහජනතාවගෙන් ඉල්ලීමක් කරයි.
එමෙන්ම ෆැක්ස් අංක 011-2081044 හා 011-2588499 ඔස්සේත් stinqopsrppm@gmallcom හා This email address is being protected from spambots. You need JavaScript enabled to view it. යන විද්‍යුත් තැපෑල ඔස්සේ එවැනි තොරතුරු දැනුම්දිය හැකි පහසුකම් සලසා ඇති බව ‍පොලිස් මූලස්ථානය සඳහන් කරයි. 
 
ශානිකා මාධවී පීරිස්
 

ජනාධිපති මෛත්‍රීපාල සිරිසේන මහතාගේ විශේෂ උපදෙස් පරිදි පිහිටුවනු ලැබූ ජනාධිපති ඩෙංගු මර්දන කාර්ය සාධන බලකායේ කාර්යයන් ඩෙංගු රෝගීන්ගේ සංඛ්‍යාව පහළ ගියත් නොකඩවා ක්‍රියාත්මක කරන බව ජනාධිපති ‍ලේකම් ඔස්ටින් ප්‍රනාන්දු මහතා 'ලක්බිම'ට අද (13) පැවැසීය.
ඩෙංගු කීටයන් මර්දනයට ස්ථීර වැඩසටහනක් ක්‍රියාත්මක කරන තුරු ඩෙංගු මර්දන කාර්ය සාධන බලකායේ කාර්යයන් රටට අවශ්‍ය වන බවත් පසුගිය කාලය පුරාවට මෙම බලකාය විසින් රට පුරා ක්‍රියාත්මක කළ ඩෙංගු මර්දන වැඩසටහන් අති සාර්ථක වූ බවත් ඔස්ටින් ප්‍රනාන්දු මහතා පැවැසීය.
දිසාපතිවරුන්, වෛද්‍යවරුන්, මහජන සෞඛ්‍ය පරීක්ෂකවරුන්, ‍පොලිස් නිලධාරීන්, සිවිල් සංවිධාන නියෝජිතයන් ඇතුළු ක්‍ෂේත්‍ර ගණනාවක සම්බන්ධතා මත ඩෙංගු මර්දන කාර්යයන් ක්‍රියාත්මක කළ බවද හෙතෙම පැවැසීය.
මෙම කාර්ය සාධන බලකාය නිරතුරුව රැස්වෙමින් මෙහි ප්‍රගතිය හා ඩෙංගු මර්දන අවශ්‍ය අනාගත සැලසුම් සාකච්ඡාවට ලක්කරන බවද ඒ බොහෝ සාකච්ඡාවලට ජනාධිපති මෛත්‍රීපාල සිරිසේන මහතාගේ උපදෙස් පරිදි තමාද සහභාගි වන බව ඔස්ටින් ප්‍රනාන්දු මහතා පැවැසීය.
 
පානුක රාජපක්ෂ
 

තමන්  ඒකාබද්ධ විපක්ෂයට එක්වන බවට කට කතා පැතිරි යන බවත් කිසිදිනක ශ්‍රීල.නි.පක්ෂය හැර නොයන බව වරාය හා නාවික කටයුතු පිළිබඳ නියෝජ්‍ය ඇමති නිශාන්ත මුතුහෙට්ටිගම මහතා පවසයි.
ඊයේ (12) ගාල්ල දිස්ත්‍රික් ශ්‍රීල.නි.පක්ෂ බල මණ්ඩල රැස්වීමේදී නියෝජ්‍ය ඇමැතිවරයා මේ බව සඳහන් කළේය. හෙතෙම මෙසේද කීවේය.
මම ආණ්ඩුවෙන් ඉවත්වන බවට මගේ ඡායාරූපයකුත් පත්තරවල පළ කරලා තිබුණා. ඒක සම්පූර්ණ බොරුවක්. අපි ඉන්නේ ශ්‍රීල.නි.පක්ෂය හා පක්ෂ නායකයා සමගයි. කිසිදිනක ශ්‍රීල.නි. පක්ෂය හැර යන්නේ නෑ. මම මැරෙන්නෙත් ශ්‍රී.ල.නි. පක්ෂ පාක්ෂිකයෙකු හැටියට ශ්‍රීල.නි.පක්ෂය තුළ සිටිමින් බවද නියෝජ්‍ය ඇමැතිවරයා සඳහන් කළේය. 
සන්ධානයේ මහ ‍ලේකම් මහින්ද මහතාගේ ප්‍රධානත්වයෙන් ගාල්ල  දිස්ත්‍රික් බල මණ්ඩල රැස්වීම හෝල්ඩ්ගෝල් ශාලාවේදී පැවැත්විණි.
 
ගාල්ල කමල් විජේහේවා

අද පෙරවරු 8.38ට සුමාත්‍රා දිවයිනට ඔබ්බෙන් මුහුදු ප්‍රදේශයේ සිදූවූ භූ කම්පනයෙන් ශ්‍රී ලංකාවට සුනාමි අවදානමක් එල්ලවී නැතැයි ජාතික ජලජ සම්පත් පර්යේෂණ සහ සංවර්ධන නියෝජිතායතනයේ (NARA) ජ්‍යෙෂ්ඨ සාගර විද්‍යාඥ ආචාර්ය කේ.අරුලානන්දන් මහතා කියයි.

ඔහු වැඩි දුරටත් කියා සිටියේ එම භූ කම්පනය රික්ටර් මාපකයට අනුව 6.5කට සීමා වී ඇති අතර එම භූ කම්පනයේ ප්‍රමාණය එය සිදුවූ මුහුදේ ගැඹුර ඇතුළු සෙසු සාගර විද්‍යාත්මක සාධක අනුව එවැනි භූකම්පනයකින් කිසිසේත්ම සුනාමි අවදානමක් ඇතිවිය නොහැකි බවයි. 

එස්.ටී.පී.සිල්වා

ඊයේ මීගමු කුරණ මංසධියේදී විශේෂ පොලිස් කාර්ය  බලකා (STF) සෙබළුන් සමඟ වෙඩි හුවමාරුවකින් පසු අත්අඩංගුවට ගත් සැකකරුවන් සිව් දෙනා ගෙන් දෙදෙනෙකු මේ වන විට කොළඹ ශ්‍රී ලංකා ජාතික රෝහලේ සහ උතුරු කොළඹ(රාගම) මහ රෝහලේ ප්‍රතිකාර ලබමින් සිටි. ඒ සීදූවේ රන්හොටි ගෙදර වජිර කුමාර(40) සහ බියගම පතිරණ චම්පික කුමාර(41) යන දෙදෙනාය.

මීට අමතරව තෙල්දෙණියේ වෙදමාද ගෙදර ජනක අරුණ ශාන්ත සහ රාගම අලවත්ත කංකානම්ලාගේ තරිඳු මධූෂ යන දෙදෙනෙක්ද පොලිස් අත්අඩංගුවට පත්ව ඇත.

ආයුධ සන්නද්ධ පිරිසක් වෑන් රථයකින් මීගමුව දෙසට යන බවට ලැබුණු තොරතුරක් මත විශේෂ පොලිස් කාර්ය බලකා සෙබළුන් එම වෑන් රථය ලුහුබැද සැක කරුවන් අත්අඩංගුවට ගැනීමට සූදානම් වූ විට ඔවුන් විශේෂ පොලිස් කාර්ය බලකා සෙබළුන්ට වෙඩි තබා ඇත.

සැකකරුවන් තුවාල ලබා ඇත්තේ විශේෂ කාර්ය බලකා සෙබළුන් එල්ල කළ ප්‍රතිප්‍රහාර වලිනි.

වෑන් රථයේ තිබූ නීති විරෝධී ගිනි අවි කිහිපයක්ද මේ වන විට පොලිස් අත්අඩංගුවට පත්ව ඇත.

දමන්ති ගමගේ

බුද්ධ ශාසන සහ අධිකරණ අමාත්‍ය විජයදාස රාජපක්ෂ මහතාට එරෙහිව විශ්වාසභංග යෝජනාවක් ගෙන ඒමට එක්සත් ජාතික පක්ෂ පාර්ලිමේන්තු පසු පෙළ මන්ත්‍රී කණ්ඩායමක් සූදානම් වුවද ඒ සම්බන්ධයෙන් එක්සත් ජාතික පක්ෂය මෙතෙක් නිල වශයෙන් තීරණයකට එළඹ නැතැයි එක්සත් ජාතික පක්ෂ මහ ලේකම් කබීර් හෂීම් මහතා පවසයි.

ඒ කෙසේ හෝ දූෂිතයන් ආරක්ෂා කිරීම හා පරීක්ෂණ කල් දැමූ බවට ඇමති වරයාට එරෙහි චෝදනා එල්ල වී ඇති අතර එවන් විශ්වාසභංග යෝජනාවක් ඉදිරිපත් වන්නේ නම් එහිදී එක්බද්ධ විපක්ෂය ඇමති වරයාට පක්ෂව ඡන්දය ප්‍රකාශ කරන බව පාර්ලිමේන්තු මන්ත්‍රී දිලුම් අමුණුගම මහතා කියා සිටී.

ඒ.ජී.රේණුකා

හිටපු විදේශ කටයුතු ඇමැති රවි කරුණානායකට තවදුරටත් ඇමැති වරප්‍රසාද ලබාදීමට නියමිතව ඇතැයි දේශපාලන ආරංචිමාර්ග අනාවරණය කරයි. ඒ අනුව ඔහු විදේශ කටයුතු අමාත්‍යාංශයට අදාළව පත්කර තිබෙන කාර්ය මණ්ඩලය ඉවත් නොකිරීමට එකඟත්වය පළවී තිබෙන බවද දේශපාලන ආරංචි මාර්ග පවසයි. එක් ඇමැතිවරයෙක්ට අමාත්‍යාංශ දෙකක් ලබාදුන් විට එක් අමාත්‍යාංශයකට  අදාළව කාර්ය මණ්ඩල පත්කරගත හැකි නිසා මෙසේ කාර්ය මණ්ඩල ඉවත් නොකරනු ඇතැයි ද ආරංචි මාර්ග පවසයි. මේ අතර රවි කරුණානායක හිටපු ඇමැතිවරයා සිය අමාත්‍යාංශය යටතේ තිබෙන ආයතනවලට පත්වූ නිලධාරීන්ද ඉවත්  නොකරයි. ඒ අනුව එම ආයතනවල දැනට සිටින සභාපතිවරු සහ අධ්‍යක්ෂ මණ්ඩල එලෙසම  තබා ගැනීමට නියමිතව ඇත.
එසේම රවි කරුණානායකට ලබාදී ඇති ආරක්ෂාව ඉවත් නොකිරීමට එකඟත්වය පළවී තිබෙන බවද දේශපාලන ආරංචිමාර්ග  වැඩිදුරටත් සඳහන් කරයි.

සංජය නල්ලපෙරුම

අධිකරණ හා බුද්ධ ශාසන ඇමැති විජයදාස රාජපක්ෂට සහ පළාත් සභා හා පළාත් පාලන ඇමැති ෆයිසර් මුස්තාපාට විරුද්ධව විශ්වාසභංග යෝජනා දෙකක් ඉදිරිපත් කිරීමට එක්සත් ජාතික පක්ෂයේම මන්ත්‍රීවරු පිරිසක් සූදානමින් සිටින බවට දේශපාලන ආරංචි මාර්ග අනාවරණය කරයි.
එක්සත් ජාතික පක්ෂයේ පසුපෙළ මන්ත්‍රී කණ්ඩායමේ මන්ත්‍රීවරු පිරිසක් විශ්වාසභංග යෝජනාව අත්සන් කිරීමට අදාළ කටයුතු ආරම්භ කර තිබෙන බවද ආරංචි මාර්ග පවසයි.
කැබිනට් මණ්ඩලයේ සාමූහික වගකීම කඩකිරීම, දූෂණ වංචාවලට අදාළ විමර්ශන කටයුතු යට ගැසීම ඇතුළු චෝදනා කිහිපයකට විජයදාස රාජපක්ෂ ඇමැතිවරයාටද පළාත් සභා හා පළාත් පාලන ඡන්දය කල් දැමීම හේතු කොටගෙන ෆයිසර් මුස්තාපා ඇමැතිවරයාටද විරුද්ධව විශ්වාසභංග යෝජනා ඉදිරිපත් කිරීමට නියමිත බව, විශ්වාසභංග යෝජනාව ඉදිරිපත් කිරීමට සූදානමින් සිටින එක්සත් ජාතික පක්ෂ මන්ත්‍රීවරයෙක් පැවැසීය.ඒ අනුව ඉදිරි දින කිහිපය තුළදී විශ්වාසභංග යෝජනාවට  අදාළ අත්සන් ලබාගැනීම ආරම්භ කරන බවද එම මන්ත්‍රීවරයා පැවැසුවේය.

 සංජය නල්ලපෙරුම

මෙරට වැවිලි කර්මාන්තයේ ප්‍රවර්ධනය අරමුණු කර ගනිමින් පැවැත්වෙන CRT තේ, රබර්, පොල් අන්තර්ජාතික වෙළෙද ප්‍රදර්ශනය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (11) පෙරවරුවේ කොළඹ සිරිමාවෝ බණ්ඩාරනායක ජාත්‍යන්තර සම්මන්ත්‍රණ ශාලාවේදී (BMICH) ආරම්භ කෙරිණි.

වැවිලිකර්මාන්ත අමාත්‍යාංශය විසින් සංවිධානය කර තිඛෙන මෙම ප්‍රදර්ශනයේදී අදාළ ක්ෂේත්‍රයන්හි ජාත්‍යන්තර සමාගම්වල නියෝජිතයින් හමුවී අදහස් හුවමාරු කරගැනීමටද අවස්ථාව සළසා තිඛෙන අතර විදේශීය නිෂ්පාදකයින්ගේ සහ අලෙවිකරුවන්ගේ අවශ්‍යතා හඳුනා ගැනීමටත්, නව තාක්ෂණය හා පහසුකම් සමඟ බද්ධ වීමටත් ඒ තුළින් දේශීය නිෂ්පාදනවල තත්ත්වය හා ගුණාත්මකභාවය ඉහළ නැංවීමටත් අවස්ථාව උදා වේ.

දේශීය මෙන්ම විදේශීය නිෂ්පාදකයින්, අලෙවිකරුවන්, නිෂ්පාදන මිලදී ගන්නවුන් සහ ආයෝජකයින් විශාල පිරිසක් මෙම ප්‍රදර්ශනයට එක්ව සිටින අතර, මෙය මෙවර ශ්‍රී ලංකාවේ පැවැත්වීම තුළින්  ශ්‍රී ලාංකික වැවිලි කර්මාන්ත ක්ෂේත්‍රය නැවුම් ඉසව් ගණනාවකින් ජාත්‍යන්තරයට සමීප කරවීමට මං පෙත් විවර කෙරෙතැයි අපේක්ෂා කෙරේ.

ප්‍රදර්ශනය විවෘත කළ ජනාධිපතිවරයා එහි නිරීක්ෂණ චාරිකාවක ද නිරත වෙමින් ව්‍යාපාරිකයින් සමඟ සුහද කතා බහක නිරත විය.

අමාත්‍ය නවීන් දිසානායක, නියෝජ්‍ය අමාත්‍ය ලක්ෂ්මන් වසන්ත පෙරේරා යන මහත්වරුන් ඇතුථ පිරිසක් මෙම අවස්ථාවට එක්ව සිටියහ.



පාර්ලිමේන්තු මැති ඇමතිවරුන්ට ද්‍රවිඩ භාෂා අධ්‍යාපනය ලබාදීම අරමුණු  කරගනිමින්  ජාතික සහජීවනය , සංවාද හා  රාජ්‍ය භාෂා අමාත්‍යාංශය ක්‍රියාත්මක කරන වැඩසටහනේ සමාරම්භය කථානායක  කරු ජයසුරිය මහතා ගේ ප්‍රධානත්වයෙන් අද  (11)  සිදු විය.

මෙම  අවස්ථාවට  අමාත්‍ය මනෝ ගනේෂන්, නියෝජ්‍ය කාරක සභා සභාපති සෙල්වම්  අඩෛක්කලනාදන්,මහාචාර්ය ජේ.බී  දිසානායක යන  මහත්වරුද  එක්  වූහ.


IMAGE

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 205

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 1871

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 1416

මත්පැන් ‘තිත්ත කරන’ පෙත්ත අතුරුදන්?

IMAGE 2017 Aug 15 17:23
මත්පැන් පානයට ඇබ්බැහිවූවන් ඉන් මුදවාලීම පිණිස නිෂ්පාදනය කොට ඇති ඖෂධ වර්ගයක් මේ දිනවල...
Views - 1132

කාලගුණ විද්‍යාඥයන් සුනාමි ගැන දන්නෙ කොහොමද? (Voice cut)

IMAGE 2017 Aug 15 13:00
සුනාමි ඇතිවීම, එහි බලපෑම, දුර ප්‍රමාණය ආදිය පිළිබඳව සමීක්ෂණ‍ සිදුකොට ඇත්තේ සාගර...
Views - 678

අත්තනගලු ඔයේ මාළුන්ට දන්සලක් (Video)

IMAGE 2017 Aug 14 12:58
ලක් ඉතිහාසයේ එදා මෙදා තුර වාර්තා වන සුවිසල්ම දානය සිරිසඟබෝ රජතුමා විසින් පිරිනමන ලද්දකි. ඒ...
Views - 2030

Please publish modules in offcanvas position.