lakbima.lk
2017-01-16 ඇමෙරිකා ඩොලරය ගැනුම් මිල රු.148.09 , විකුණුම් මිල රු.151.84 | බි‍්‍රතාන්‍යය පවුම ගැනුම් මිල රු.177.44 , විකුණුම් මිල රු.183.57 | යුරෝ යුරෝපය ගැනුම් මිල රු.156.31 , විකුණුම් මිල රු.162.31 | ස්වීස් ප‍්‍රෑන්ක් ගැනුම් මිල රු.145.62 , විකුණුම් මිල රු.151.44 | කැනඩා ඩොලරය ගැනුම් මිල රු.112.04 , විකුණුම් මිල රු.116.49 | ඔස්ට්‍රේලියා ඩොලරය ගැනුම් මිල රු.109.83 , විකුණුම් මිල රු.114.78 | සිංගප්පූරු ඩොලරය ගැනුම් මිල රු.103.16 , විකුණුම් මිල රු.106.97 | ජපානය යෙන් ගැනුම් මිල රු.1.2905 , විකුණුම් මිල රු.1.3395 |

රක්ෂිත බන්ධනාගාරගතව සිටින ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතාගේ සුවදුක් බැලීම සඳහා අද (17) පෙරවරුවේ කලා කරුවන් වැලිකඩ මැගසින් බන්ධනාගාරයවෙත පැමිණ සිටියා.  විමල් වීරවංශ මහතා රජයේ වාහන අවභාවිතා කිරීමේ සිද්ධියක් සම්බන්ධයෙන් පසුගියදා අත්අඩංගුවට පත්වූ අතර පසුව රක්ෂිත බන්ධනාගාරගත කෙරුණි.




ඡායාරූප - තුෂාර අතපත්තු

ජාතික ජල සම්පත් හා ජල ප්‍රවාහන මණ්ඩලයට අයත් දඹුල්ල නගරයට පානිය ජලය ලබා දෙන වසර  40 වඩා වැඩි කාලයක් පැරණි භූගත ජල නල පද්ධති මතින් නගරයේ මාර්ගය පුළුල් කර  සංවර්ධනය  කර කාපට් ඇතිරීමෙන් පසු මේ වනවිට සති ගණනාවක සිට නිරන්තරයෙන් ජල නල පුපුරායාමට පටන් ගෙන ඇති අතර කාපට් ඇතිරූ මාර්ගයටද විශාල  හානි සිදුවෙමින් පවතී.
මේ වනවිට දඹුල්ල.ඉබ්බන්කටුවේ සිට මිරිස්ගෝනියාව දක්වා කිලෝ මීටර් හතරක පමණ දුර ප්‍රමාණයේ පමණක්  එවැනි ස්ථාන දහයකට වැඩි සංඛ්‍යාවක් නිරීක්ෂණය කළ හැකි බව දඹුල්ල නාගරික ප්‍රජා සුභ සාධක සංගමයේ ලේකම් එච්.කේ.සුනිල් මහතා කියා සිටියි..
මේ දිනවල පවතින වියලි කාලගුණය හමුවේ ජලය හිඟවෙමින් පවතින තත්වය තුළ ජල නල පුපුරායාම නිසා විශාල ජල නාස්තියක් සිදුවෙමින් පවතින බවත් මාර්ගයේ කාපට් ස්තරය ගැලවියාම හා මාර්ගයේ වලවල් හැරී තිබීම නිසා ගමනාගමනයදට බාධා එල්ලවී ඇති බවත් නාගරිකයින්ටද වරින්වර ජල සැපයුම අඩාලව අසීරුතාවයන්ට මුහුණපෑමට සිදුව ඇති  බවද  එච්.කේ.සුනිල්  මහතාවැඩි දුරටත්  ප්‍රකාශ  කරයි.
මාර්ග සංවර්ධන අධිකාරිය විසින් මාර්ගයේ එවැනි ස්ථානයන්හි අවදානම් සහගත බව සඳහන් පුවරු ප්‍රදර්ශනය කර ඇත,
මේ පිළිබඳව ජාතික ජල සම්පත් හා  ජල පවාහන මණ්ඩලයේ දඹුල්ල කාර්යාලයෙන් විමසීමේදී එහි ප්‍රකාශකයෙකු කියා සිටියේ දඹුල්ල විසල් ජල යෝජනා ක්‍රමය යටතේ නගරයේ මාර්ගය දෙපස නව ජල නල පද්ධති මේ වනවිට සවිකර අවසන්වී ඇති බැවින් පැරණි ජල නල පද්ධතිය වසා දැමීමටත් නව  ජල නල පද්ධතියෙන්   ජල සැපයුම් මෙම මස අවසන්වීමට පෙර කඩිනමින් ලබදීමට පියවර් ගන්නා බවය.



දඹුල්ල -අමිල ගමආරච්චි
 
 
 

දිවයිනේ රෝහල්වල සිදුකරන  අක්ෂි කාච බද්ධ කිරීමේ සැත්කම් (සුද ඉවත් කිරීමේ ) සැත්කම් අද (17) සිට මුලුමනින්ම නතර වී ඇතැයි රෝහල් ආරංචි මාර්ග සඳහන් කරයි.
මේ අනුව දිවයින පුරා දිනකට  සිදුකරන සුද ඉවත් කිරීමේ සැත්කම් 1000ට ආසන්න සංඛ්‍යාවක් ඇන හිටින බව එම ආරංචි මාර්ග වැඩි දුරටත් අනාවරනය කර සිටියි.
පිටතින් අක්ෂි කාච මිලදී ගන්නා ලෙසට රෝගීන්ට උපදෙස් ලබා නොදෙන ලෙස සෞඛ්‍ය ඇමතිවරයා නියෝග කිරීමත් සමඟ රෝගීන්ට බද්ධ කිරීමට අක්ෂි කාච නොමැති වීම මේ තත්ත්වය ඇති වීමට හේතු වී ඇතැයි ජාතික අක්ෂි රෝහ‍ලේ ජ්‍යෙෂ්ඨ ප්‍රකාශකයෙක් වැඩිදුරටත් පැවසීය.
සෞඛ්‍ය අමාත්‍යංශය මගින් නොමි‍ලේ අක්ෂි කාච ලබා දෙන බවට පැවසුවද මේ වන තෙක් කාච මිලදී ගැනීමේ නිසි ක්‍රමවේදයක් සෞඛ්‍ය අමාත්‍යංශය තුළ නොමැති වීමෙන් රෝගීන්ට බද්ධ කිරීමට අක්ෂි කාච නොමැති වීම
අක්ෂි බද්ධ කිරීම සඳහා කිසිදු අයිතමයක් පෞද්ගලික අංශයෙන් මිලදී නොගන්නා ලෙසට සෞඛ්‍ය අමාත්‍යංශය ප්‍රකාශ කිරීමත් සමඟ අක්ෂි රෝහල තුළ ක්‍රියාත්මක වූ පෞද්ගලික අංශයේ සියලුම උපකරණ, රසායනික ද්‍රව්‍ය හා ඇතැම් ඖෂධ වර්ගයන් ඉවත්කර ගන්නා ලෙසට විශේෂඥ වෛද්‍යවරුන් නියෝග කිරීමත් සමඟ එම සමාගම් ඒවා රෝහලෙන් ඉවත් කරගත් බවද පැවසේ.
අක්ෂි ශල්‍යකර්ම සිදු කිරීම සඳහා ශල්‍යාගාරයන් තුළ පවතින කාච බද්ධ කිරීමේ යන්ත්‍ර 8න් 4ක්ම පෞද්ගලික සමාගම් සතු ඒවා බැවින් එම යන්ත්‍ර හතරම  අද (17) දිනයේදී රෝහලෙන් ඉවත් කර ගත් බව එම ප්‍රකාශකයා පැවසීය.
බද්ධ කිරීම සඳහා අක්ෂි කාච සෞඛ්‍ය අමාත්‍යංශයෙන් ලබා දෙන තෙක්  රෝහල් ප්‍රතිපාදනවලින් ලබා ගන්නා ලෙසට සෞඛ්‍ය අමාත්‍යංශය  දැනුම් දුන් බව රෝහල් අධ්‍යක්ෂිකා වෛද්‍ය නිලන්ති ප්‍රනාන්දු මහත්මිය අප කළ විමසුමකදී සඳහන් කළාය.
මේ අනුව අක්ෂි කාච මිලදී ගැනීමට කටයුතු කරන බව  ඇය පැවසීය.
සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතාගෙන් විමසු කළ ඔහු සඳහන් කළේ සැත්කම් සඳහා අවශ්‍ය කාච රාජයේ ඔසුසැල්වලින් මිලදී ගන්නා ලෙසට අක්ෂි රෝහ‍ලේ අධ්‍යක්ෂකවරියට දැනුම් දී ඇති බවය.
කෙසේ නමුත් වෛද්‍යවරුන්ට දැනුම් දී ඇත්තේ  රෝගීන් මේ වන විට පිටතින් මිලදී ගෙන තිබෙන අක්ෂි කාච බද්ධ කිරීමට කිසිදු බාධාවක් නොමැති අතර අලුතින් අක්ෂි කාච මිලදී ගැනීමට උපදෙස් නොදෙන ලෙසය,  යැයිද අධ්‍යක්ෂ ජනරාල්වරයා සඳහන් කරයි.
කෙසේ නමුත් අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතාගේ මෙම උපදෙස් ලිඛිතව දැනුම් දෙන්නේ නම් පමණක් මේ වන විට පිටතින් මිලදී ගෙන තිබෙන කාච බද්ධ කිරීමට කටයුතු කරන බව ජාතික අක්ෂි රෝහ‍ලේ විශේෂඥ ශල්‍ය වෛද්‍යවරයෙක් අප කළ විමසුමකදී සඳහන් කළේය.

ශ්‍රියානි විජේසිංහ    

ආඩිගම - නාගවිල ප්‍රදේශයේදී යතුරු පැදියක්  කැන්ටර් වර්ගයේ ලොරියක ගැටීමෙන් සිදුවී ඇති අනතුරකින් යතුරු පැදිකරු මිය ගොස් ඇති බව පල්ලම පොලීසිය කියයි.
ඉකුත් 16 වැනිදා රාත්‍රී 8.45 ට පමණ මෙම අනතුර සිදුවී ඇත. අනතුරින් මිය ගොස් ඇත්තේ පල්ලම - සේරුකැලේ,අරසන්වැව පදිංචිව සිටි  17 වියැති තරුණයෙකි.
ආනතුරට පත්ව ඇති යතුරු පැදිය අතුරු මාර්ගයක සිට ආණමඩුව - හලාවත ප්‍රධාන මාර්ගයට අවතීර්ණ කර ඇත. ඒ වන විට හලාවත දෙස සිට ආණමඩුව දෙස අධික වේගයෙන් ගමන් කරමින් තිබූ ලොරියේ යතුරු පැදිය ගැටී ඇත.
අනතුරින් බරපතල ලෙස තුවාල ලබා සිටි යතුරු පැදිකරුව එම අවස්ථාවේදීම හලාවත මහා රෝහලට ඇතුළත් කිරීමට කටයුතු කර ඇති නමුත් ඔහු මිය ගොස් ඇත.අනතුරින් පසුව ලොරි රථයේ රියදුරු පලා ගොස් ඇති බව පොලීසිය කියයි. පල්ලම පොලීසිය වැඩිදුර විමර්ශණ කටයුතු කරගෙන යයි.

ජුඩ් සමන්ත

 

ජාතික නිදහස් පෙරමුණේ පාර්ලිමේන්තු මන්ත්‍රී පද්ම උදය ශාන්ත මහතා පොලිස් මූල්‍ය අපරාධ ඒකකයට පැමිණ ඇත.
පසුගිය රජය සමයේ ජනාධිපති කාර්්‍යාල වාහන වාහන අවභාවිත කිරීමේ සිදුවීමක් සම්බනධයෙන් ප්‍රකාශයක් ලබාගැනීම සඳහා  ඔහු මූල්‍ය අපරාධ ඒකකයට කැඳවා ඇතැයි වාර්තාවෙයි.
ජාතිකනිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතාද වාහනඅවභාවිත කිරීමේ සිදුවීමක් සම්බන්ධයෙන් අත්අඩංගුවට ගෙන මේ වන විට රක්ෂිත බන්ධනාගාර ගතකර ඇති අතර ජාතික නිදහස් පෙරමුණේ නියෝජ්‍ය නායක, පාර්ලිමේන්තු මන්ත‍්‍රී වීරකුමාර දිසානායකද ඊයේ පොලිස් මූල්‍ය අපරාධ ඒකකයට කැඳවා තිබුණි.

මේ වන විට පවතින වියළි කාලගුණික තත්ත්වය තවදුරටත් පැවැතියහොත් පෙබරවාරි මාසය මැද වන විට ජලය කපා හැරීමට සිදුවනු ඇතැයි ජාතික ජලසම්පාදන හා ජලාපවහන මණ්ඩලයේ සාමාන්‍යාධිකාරී ජී.ඒ. කුමාරරත්න මහතා ප්‍රකාශ කළේය.
කුරුණෑගල හා කළුතර ඇතුළු ප්‍රදේශ කිහිපයක මේ වන විට ජලය කප්පාදුවක් සිදුවන බවත් ඉදිරියේදී තවත් ප්‍රදේශවල ජලය කප්පාදු කිරීමට සිදුවනු ඇති බවත් ඒ මහතා පැවැසීය.
එමෙන්ම ජලය හිඟ ප්‍රදේශවලට ජල බවුසර් 90ක් මගින් මේ වන විට ජලය බෙදා හැරීම ආරම්භ කර ඇති බව ද පැවැසීය. මෙම වියළි කාලගුණික තත්ත්වය තවදුරටත් පැවැතිය හොත් පෙබරවාරි මාසය මැද වන විට දිවයිනේ සෑම ප්‍රදේශයකම ජලය කප්පාදු කිරීමට සිදුවනු ඇතැයි ඒ මහතා වැඩිදුරටත් සඳහන් කළේය.
 
කමණි හෙට්ටිආරච්චි

මේ දිනවල පවතින අධික පෑවිල්ලත් සමග පාචන රෝගය හා සමේ රෝග පැතිරයාමේ අවදහමමයහානමක් ඇතැයි වසංගත රෝග විද්‍යා අංශයේ විශේෂඥ වෛද්‍ය සමිත ගිනිගේ මහතා සඳහන් කරයි.අධික පෑවිල්ලත් සමග ජල මූලාශ්‍ර  සිඳී යාම හේතුවෙන් ජල  මූලාශ්‍රවලට විෂබිජ ඇතුළුවීමේ හැකියාවක් පවතින බැවින් බිමට ගන්නා ජලය උතුරවා නිවාගන්නා ලෙස හෙතෙම  මහජනතාවගෙන් විශේෂ ඉල්ලීමක් කරයි.
එසේම පරිසරයේ පවතින අධික දූවිල්ල සමේ රෝග ඇති කිරීමට හේතුවක් වන බැවින් ඒ පිළිබඳවද වඩාත් සැලකිලිමත් වන්නැයි ගීනිගේ මහතා වැඩිදුරටත් සඳහන් කරයි.
 
ශ්‍රියානි විජේසිංහ

දින ගණනාවක සිට දිවයින පුරා බලපා තිබෙන වියළි කාලගුණික තත්ත්වය හේතුවෙන් මේ වන විට පුද්ගලයන් එක්ලක්ෂ පනස් දහසකට අධික පිරිසක් පීඩාවට පත්ව ඇතැයි ආපදා කළමනාකරණ මධ්‍යස්ථානය පවසයි.
 ආපදා කළමනාකරණ මධ්‍යස්ථානය වෙත ලැබි තිබූ සංඛ්‍යා ‍ලේඛනවලට අනුව දිවයිනපුරා පිහිටි දිස්ත්‍රික්ක නවයකට මෙම වියළි කාලගුණයෙන් දැඩි බලපෑම් එල්ල වී තිබූ අතර ඒ හේතුවෙන් පවුල් හතළිස් පන්දහසකට අධික සංඛ්‍යාවක් පීඩාවට පත්වී ඇත. මෙම තත්ත්වය මීට වඩා වැඩි වීමට ඉඩ තිබෙන බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා පැවැසීය.
 යාපනය, මන්නාරම, ත්‍රිකුණාමලය, මහනුවර, ගම්පහ, හම්බන්තොට, මොණරාගල, බදුල්ල, අනුරාධපුරය යන දිස්ත්‍රික්කවලට වියළි කාලගුණයෙන් එලෙස දැඩි බලපෑම් එල්ල වී ඇත. මීට අමතරව නියඟය හේතුවෙන් දිස්ත්‍රික්ක ගණනාවක කුඹුරු විශාල සංඛ්‍යාවක් පුරන් වී ඇති බවට ද තොරතුරු වාර්තා වී ඇත.
 මේ හේතුවෙන් පීඩා විඳින්නන් පිළිබඳව තොරතුරු ලබා ගැනීම සඳහා ආපදා කළමනාකරණ මධ්‍යස්ථානයේ 117 ක්ෂණික දුරකථන අංකය දවසේ පැය 24 පුරාම ක්‍රියාත්මක වන බව ද ඒ මහතා කීය.
 ජල ගැටලුවෙන් පීඩා විඳින සියලු දෙනාට මේ වන විට පානීය ජලය බෙදා හරිමින් සිටින බවත් වාරි මාර්ග දෙපාර්තමේන්තුව සමග එක්ව පවතින ජලය ආරක්ෂා කර ගැනීමට කටයුතු කරමින් සිටින බවත් හෙතෙම කීය.
එමෙන් ම තවත් මාසයක කාලයකටත් අධිකව මෙම නියං තත්ත්වය බලපැවැත්විය හැකි බැවින් ජලය අරපිරිමැස්මෙන් භාවිතා  කරන ලෙස මහජනතාවගෙන් ඉල්ලා සිටින බවද ප්‍රදීප් කොඩිප්පිලි මහතා අවධාරණය කළේය.
 
 ගයාත්‍රි ගීගනආරච්චි

කොස්ලන්ද පොලිස් ස්ථානයේ සිට කි.මී  72 ක් දුරින් පිහිටි මහලන්ද ග්‍රාමසේවා වසමේ උණකන්ද රක්ෂිතයේ පවත්වාගෙන ගිය කංසා හේන් 3 ක් වටලා එම කංසා වගාව සමග  සැකකරුවන් තිදෙනෙක්  අත්අඩංගුවට ගැනීමට බණ්ඩාරවෙල කොට්ඨාශ වැටලීම් ඒකකය සහ කොස්ලන්ද පොලිසියේ නිලධාරින්  අද (16) දා සමත්ව ඇත.
බණ්ඩාරවෙල පොලිස් අධිකාරි සුදත් මාසිංහ මහතාට ලැබුන තොරතුරක් මත සිදුකල මෙම වැටලීමට පොලිස් නිලදාරින් 19 දෙනෙක් සහභාගි වි ඇති අතර අඩි 6 ක් පමණ උසට වැවි තිබු කංසා හේන්  විනාශ කල බවද පොලිසිය පවසයි.
අක්කර 3ක පමණ භුමියක මෙම  කංසා වගාව ව්‍යාප්තව තිබු බවද අත්අඩංගුවට ගත් සැකකරුවන් වැල්ලවාය ප්‍රදේශයේ පදිංචිකරුවන් බව විමර්හන වලදි අනාවරණය වු බවද පොලිසිය සදහන්  කරයි. 
මීට දින කීපයකට පෙර මෙම ප්‍රදේශයේම කංසා හේන් 3ක් වටලා සැකකරුවන් තිදෙනෙක් අත්අඩංගුවට ගත් අතර ඔවුන් බණ්ඩාරවෙල මහේස්ත්‍රාත් අධිකරනයට ඉදිරිපත් කිරිමෙන් පසු වරද පිළිගෙන ඇති බව ද බණ්ඩාරවෙල පොලිස් අධිකාරි සුදත් මාංසිහ මහතා පැවසීය .
 
සුලක්ෂ පියතිස්ස බදුල්ල

පවතින වියළි දේශගුණය නිසා වී සදහා ඉහළ ඉල්ලුමක් ඇතිවුණත් සහල් නිෂ්පාදනය සදහා බිත්තර වී යොදා නොගන්නා ලෙස කෘෂිකර්ම දෙපාර්තමේන්තුව ගොවියන්ගෙන් ඉල්ලා සිටියි.
ශ්‍රී ලංකාවේ වගා කිරීම සදහා සුදුසු බිත්තර වී දේශීයව සම්පාදනය කර ගත යුතු බැවින් ඉදිරියේදි බිත්තර වී රැක ගැනීම සදහා ගොවියන් දැඩි අවදානයක් යොමු කළ යුතු යැයි අද (16) කෘෂිකර්ම දෙපාර්තමේන්තුවේදී පැවැති මාධ්‍ය හමුවකදී අධ්‍යක්ෂ ජනරාල් ආචාර්ය රොහාන් විජේකෝන් මහතා ප්‍රකාශ කළේය.
නියගය හේතුවෙන් සහල් ඉල්ලුම ඉහළ යාම නිසා ඇතැම් ගොවියන් බිත්තර වී අලෙවි කිරීමේ අවදානමක් පැවතිය හැකි නිසා බිත්තර වී නිෂ්පාදනය කරන ගොවියන් කඩිනමින් ලියාපදිංචි කිරීමට ද ඔවුන්ගේ බිත්තර වී වැඩි මිලක් ගෙවා සිය දෙපාර්තමේන්තුවට මිලදී ගැනීමට ද එම කාර්යය සම්බන්ධීකරණය කිරීම සදහා ක්ෂේත්‍රයට නිලධාරියෙකු යෙදවීමට  කටයුතු කරන බව ඒ මහතා සදහන් කළේය.
සහල් හිගයක් මතුවුවහොත් විදෙස් රටවලින් සහල් ආනයනය කළ හැකි නමුත් බිත්තර වී ඒ අයුරින් ආනයනය කළ නොහැකි බවත් මෙරට වගාවට උචිත වන්නේ දේශීයව යොදා ගන්නා පාරිශුද්ධ වූ බිත්තර වී පමණක් යැයි කී අධ්‍යක්ෂ ජනරාල්වරයා මෙසේ ද කීවේය.
මෙරට සියලු කුඹූරු වගා කිරීම සදහා ප්‍රමාණවත් බිත්තර වී සංචිතයක් කෘෂිකර්ම දෙපාර්තමේන්තුව සතුව නැහැ. විශාල භූමි වපසරියක් දෙපාර්තමේන්තුව සතුව නොමැති නිසා ලියාපදිංචි ගොවියන්ගෙන් බිත්තර වී මිලදී ගැනීමට අප ක්‍රියාකරනවා. නමුත් මේ වන විට සහල් මිල ඉහළ යාම නිසා ගොවියන් සිය බිත්තර වී සහල් කොට අලෙවි කිරීම වැළැක්විය යුතුයි. ඒ නිසා ඉහළ මිලක් ගෙවා හෝ බිත්තර වී අප දෙපාර්තමේන්තුවට ලබා ගැනීමට පියවර ගන්නවා. මේ සදහා අප වෙත රුපියල් මිලියන් දහසක පමණ මුදලක් විදෙස් අධාර වශයෙන් ලබාදීමට නියමිතයි.
නියං තත්ත්වයක් එළැඹෙන බව කෘෂිකර්ම දෙපාර්තමේන්තුව අවබෝධ කර ගත්තේ ඉකුත් වර්ෂයේ ජූනි මසදීයි. එතැන් සිට මේ දක්වා ම වියළි කාලගුණයට මුහුණදීම සදහා කටයුතු කළා. ඒ නිසයි නියගය එළැඹ මාස 06කට වැඩි කාලයක් ගතවී ඇතත් මේ දක්වා ආහාර හිගයක් මතු නොවුණේ.
ඉකුත් මහ කන්නයේදී කුඹුරු හෙක්ටයාර් ලක්ෂ අටක් වගා කළ යුතු වුවත් වගා කරන ලද්දේ අඩක් පමණයි. එසේ වුවත් අපට පෙබරවාරි මස අවසන් වන තුරු එහි සහල් ප්‍රමාණවත් පරිදි පරිභෝජනයට යොදා ගත හැකියි. මෙවර යල කන්නයේදී අපේක්ෂිත පරිදි කුඹුරු වගා කළ හොත් එහි සහල් අස්වනු ජූනි හා ජූලි මාස දක්වා ප්‍රමාණවත් පරිදි පරිභෝජනයට යොදා ගත හැකියි.
නියං තත්ත්වය හේතුවෙන් මහවැලි ව්‍යාපාරයේ ගොවියන්ට ජලය ප්‍රමාණවත් පරිදි නොලැබීම නිසා කුඹුරු වගාවට ඔවුන් යොමුවුණේ නැහැ. මහවැලි ව්‍යාපාරයේ කුඹුරු හෙක්ටයාරයකින් මෙට්‍රික් ටොන් 07ක පමණ දළ වී අස්වැන්නක් ලබා ගත හැකියි. ජල සම්පාදනය හා ප්‍රමාණවත් සූර්ය රශ්මිය හේතුවෙන් මෙම අස්වනු පවතින්නේ සාපේක්ෂ වශයෙන් ඉහළ මට්ටමකයි.
නියං තත්ත්වය හේතුවෙන් එම ප්‍රදේශවලට ජලය ප්‍රමාණවත් නොවුණත් කොළඹ, ගම්පහ, කළුතර, මාතර යන දිස්ත්‍රික ආවරණය වන තෙත් කාලපයට වී වගාව සදහා ප්‍රමාණවත්ව ජලය ලැබී තිබෙනවා. ඒ දේශවල කුඹුරු හෙක්ටයාර් එක්ලක්ෂ පනස්දහසක් පමණ පවතින්නේ වගාවෙන් තොවරවයි. ඒ නිසා රජයේ වියදමින් එම කුඹුරු වගා කිරීම සදහා කඩිනම් පියවර මේ වන විටත් යොදා තිබෙනවා.
නියං කාලගුණික තත්ත්වය වී වගාවට අහිතකර අයුරින් බලපෑවත් එය පළතුරු හා එළවලු වගාවට දක්වන්නේ යහපත් ප්‍රතිචාරයක්. වියළි කාලගුණය ප්‍රකාශවීම නිසා ගොවියන් මේ වන විට විශාල ලෙස එළවලු වගාකිරීමට පෙළඹී සිටිනවා. මේ නිසා ආහාර හිගයක් ඇතිවීම වළක්වා ගැනීමට හැකියි. එළවලු ඇතුලු භෝග අස්වනු ගබඩා කිරීම සදහා රජයේ මැදිහත්වීමෙන් කඩිනමින් ගඩඩා කිහිපයක් ඉදිකිරීමට ද සැලසුම් සකස් කර අවසන්.
අතීතයේදීත් මෙවැනි නියං තත්ත්වයන් ඇතිවුණු. ඒ සදහා හෙළ මුතුන් මිත්තන් මුහුණදී සිටියේ ඉතා සාර්ථක අයුරින්. ඔවුන් වැව් ඉදි කළේ නියගය මුහුණදීමට හැකි පරිදියි. හේන් හා ගෙවතු වගාව වියළි කාලගුණයට යොදා ගත හැකි යහපත්ම ආදර්ශයයි. වී අස්වනු නෙමැති කාලවලදී කොස්, කුරක්කන්, බඩ ඉරිගු, වෙනත් ධාන්‍ය වර්ග හා කොළ වර්ග අනුභව කිරීමට පැරැන්ණෝ කටයුතු කළා.
නියගයට පමණක් නොව ඉදිරියේදී රට ආහාරයෙන් ස්වයං පෝෂිත කිරීම සදහා ගෙවතු වගාව යොදා ගන්නා බව කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය රොහාන් විජේකෝන් මහතා වැඩිදුරටත් ප්‍රකාශ කළේය.
 
නදීක දයා බණ්ඩාර - මහනුවර

Athuraliye Rathana Theroපාර්ලිමෙන්තු මන්ත්‍රී පුජ්‍ය අතුරලියේ රතන හිමි පාර්ලිමෙන්තුව තුල ස්වාධීන මන්ත්‍රීවරයෙකු ලෙස කටයුතු කරන බව උන්වහන්සේ ප්‍රකාශ කරයි.

 

එක්සත් ජාතික පක්ෂයෙන් ගම්පහ දිස්ත්‍රික්කය නියෝජනය කරමින් ජාතික ලයිස්තුවෙන් පාර්ලිමෙන්තුවට තේරී පත්විය

ලක්බිම ගොසිප්

වයස 169 ක අයෙක් ලංකාවේ ?

IMAGE 2017 Jan 05 13:45
වැඩිහිටි හැඳුනුම්පතේ දෝෂයෙන් වයස අවුරුදු 169ක් වූ අයෙකු ගලහ දෙල්තොට ප්‍රදේශයේ ජීවත් වන බව...
Views - 2540

‍පෝරකයට නියමවූවෙක් උපාධියක් ලබයි

IMAGE 2017 Jan 05 10:00
මරණීය දණ්ඩනය නියමවූවෙකු මෙරට ඉතිහාසයේ ප්‍රථම වතාවට  අද (05) ශ්‍රාස්තවේදී උපාධිධාරියෙකු ලෙස...
Views - 3445

බ්‍රිතාන්‍ය ආණ්ඩුකාරයාට ගෙදරයන්න සැලැස් වූ ලාංකිකයා

IMAGE 2017 Jan 04 12:14
එක්දහස් අටසිය දහඅටේ උඩරට ගිවිසුම ප්‍රකාර රටේ පාලනය හා ස්වාමීත්වය කොන්දේසි සහිතව භාරගත්...
Views - 3316

ලංකාවේ දේශපාලන වේදිකාවට ආ හිට්ලර්ගේ සිහින මෝටර් රිය

IMAGE 2017 Jan 04 11:15
මලලසේකර ශබ්දකෝෂයේ Bettle යන වදනට සපයා ඇති සරල සිංහල තේරුම වනුයේ 'කුරුමිණියා' යන්නයි. එහෙත්...
Views - 3925

9 වරක් විවාහවී 99 වසරක් ජීවත් වූ හොලිවුඩ් නිළි “සා සා...

IMAGE 2017 Jan 04 09:58
හොලිවුඩ් චිත්‍රපට හා ටෙලි නාට්‍ය හැටක රඟපෑ රූමත් නිළි සා සා ගේබර් ජනප්‍රිය වූයේ සිනමාවේ හා...
Views - 4567

සෝරත ‍පොඩිනමගේ චරිතය සාමණේර භික්ෂුවට අපහාසයක් - හෑගොඩ...

IMAGE 2017 Jan 04 09:03
දෙරණ නාලිකාවේ විකාශය වන සිඳු ටෙලිනාට්‍යයේ ජනප්‍රියතාවයට ප්‍රධානතම හේතුව සාමණේර චරිතයයි....
Views - 9781

Please publish modules in offcanvas position.