Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ගල්ගමුවේ දළ පූට්ටුවා නම් හස්තියා මරා දැමූ සැකකරු මීට පෙර ද දළ ලබා ගැනීම සඳහා ඇතුන් මරා දමා ඇති බවට ‍තොරතුරු ලැබෙමින් පවතින බව පොලිස් ආරංචිමාර්ග සඳහන් කරයි.

මේ වන විට සැකකරුවන් දස දෙනෙකු අත්අඩංගුවට ගෙන රක්ෂිතබන්ධනාගාර ගත කොට ඇති අතර මෙම අපරාධයේ සත්‍යය යටපත් කිරීම පිණිස පොල්පිතිගම ප්‍රදේශයේ දඩයම් කරුවන් කිහිප දෙනෙකු අත්අඩංගුවට පමුණුවා ඔවුන්ගෙන් ව්‍යාජ පාපෝච්ඡාරණ ගෙන අධිකරණය නොමග  යැවීමට දේශපාලන බල‍වතෙකු දරණ උත්සාහයක් පිළිබඳවද පොලිස් බුද්ධි අංශ නිලධාරීන්ට තොරතුරු ලැබී ඇත.

එස්.ටී.පී සිල්වා

 

ජනාධිපති මෛත්‍රීපාල සිරිසේන මහතා ශ්‍රීලනිප නව ආසන සංවිධායකවරුන් විසි දෙදෙනකුට (22) පත්වීම් ලිපි ලබාදී තිබේ.
ඒ අනුව ජාතික නිදහස් පෙරමුණේ දේශපාලන මණ්ඩල සභික හිටපු ත්‍රිකුණාමලය දිස්ත්‍රික් පාර්ලිමේන්තු මන්ත්‍රී ජයන්ත විජේසේකර මහතා ඉකුත් 1 දා ශ්‍රී ලංකා නිදහස් පක්ෂය සමග එක්වූ අතර ඔහු ත්‍රිකුණාමලය දිස්ත්‍රික් සංවිධායකවරයකු ලෙස පත්කර තිබේ.
නියෝජ්‍ය අමාත්‍ය ලක්ෂ්මන් වසන්ත පෙරේරා මහතා ශ්‍රී ලංකා නිදහස් පක්ෂ මාත‍ලේ දිස්ත්‍රික් නායකයා ලෙසද ඉකුත් 1 දා පත්කර තිබේ. මේ අතර පෙරේදා (2) දින එක්සත් ජාතික පක්ෂයේ ගම්‍පොළ නගර සභාවේ හිටපු නගරාධිපති සරත් ගාමිණී හෙට්ටිආරච්චි මහතා ශ්‍රී ලංකා නිදහස් පක්ෂයට එක්විය. පහුගිය වසර කිහිපය පුරා ඒකාබද්ධ විපක්ෂය සමග කටයුතු කළ ඒ මහතා ශ්‍රී ලංකා නිදහස් පක්ෂ මහනුවර දිස්ත්‍රික් සංවිධායකවරයකු ලෙස පත්කිරීමට ජනාධිපතිවරයා පියවර ගෙන තිබේ.
එමෙන්ම නුවරඑළිය ආසන සම සංවිධායක ලෙස රොෂාන් ගුණවර්ධන, ගම්පහ දිස්ත්‍රික්කය සඳහා ප්‍රදීප් චන්දන පෙරේරා හා නලින් සේනක දිසානායක, කොළඹ දිස්ත්‍රික්කය සඳහා චන්ද්‍රිකා ද සොයිසා, ගාල්ල දිස්ත්‍රික්කය සඳහා අසාම් හමාඩ්, අනුරාධපුර දිස්ත්‍රික්කය සඳහා එම්. ආර්. එම්. බි. ඥානතිලක, පුත්තලම දිස්ත්‍රික්කය වෙනුවෙන් මල්පිනි විතාරණ, ගාල්ල දිස්ත්‍රික්කය සඳහා පී. එච්. චම්පිකා නිරංජලී හා ඩබ්ලිව්. ඒ නාලනී, නින්දවුර් ප්‍රාදේශීය බල ප්‍රදේශය සඳහා වයි. එල්. සුලෙයිමා ලබේබේ, රත්නපුර දිස්ත්‍රික්කය සඳහා සමන් ඉන්දික මානවගේ හා කේ. එම්. එස්. එස්. රත්නායක, දිගාමඩුල්ල දිස්ත්‍රික්කය සඳහා එම්. එච්. එම්. සහිල්, දිගාමඩුල්ල දිස්ත්‍රික්කයේ කාර්තිව් ප්‍රාදේශීය සභා බල ප්‍රදේශයේ මුස්ලිම් ජන ප්‍රදේශය සඳහා අබ්දුල් මජීඩ් ජාහිර්, දිගාමඩුල්ල දිස්ත්‍රික්කයේ තිරුක්කෝවිල් ප්‍රාදේශීය සභා බල ප්‍රදේශය සඳහා එස්. විග්නේෂ්වරන්, මඩකලපුව දිස්ත්‍රික්කය සඳහා එස්. සුජාන් හා ගුණරත්නම් හරිතරන්, මහනුවර දිස්ත්‍රික්කය සඳහා අලගර් සෙල්වකුමාරන්, රත්නපුරය දිස්ත්‍රික්කය සඳහා නිමල් ගාමිණී වීරසිංහ යන මහත්ම මහත්මීන් සඳහා පත්වීම් ලිපි පෙරේදා ජනාධිපති නිල නිවසේදී ලබාදුනි.
 
ශානිකා මාධවී පීරිස්

අයහපත් කාලගුණික තත්ත්වය නිසා මහ මුහුදේදී අනතුරට ලක්ව මියගිය ධීවර කාර්මිකයන් අට දෙනාගේම මළසිරුරු හමුවී ඇති බැව් ගාල්ල දිස්ත්‍රික් ආපදා කළමනාකරණ ඒකකය පවසයි.
දොඩන්දූව හා පැරෑලිය ධීවර වරායෙන් මුහුදු ගිය ධීවරයන් පිරිසක් මෙසේ අනතුරට ලක්විය. වල්ලම් මගින් මෙම ධීවර කාර්මිකයන් මුහුදු ගොස් තිබූ අතර දැඩි සුළංවලට හසුවී වල්ලම් පෙරළීමෙන් ධීවර කාර්මිකයන් අනතුරට ලක්විය. හික්කඩුව ප්‍රදේශයේ පදිංචි ධීවර කාර්මිකයන් පස්දෙනකු, අම්බලන්ගොඩ ප්‍රදේශයේ පදිංචි ධීවර කාර්මිකයකු, ඇල්පිටිය හා ගොනාපීනුවල පදිංචි ධීවර කාර්මිකයන් දෙදෙනකු මෙසේ අනතුරට ලක්වීමෙන් මියගියහ.
මියගිය එක් ධීවර කාර්මිකයකු වෙනුවෙන් රජය මගින් වන්දි වශයෙන් රුපියල් ලක්ෂ 10 ක මුදලක් ලබාදීමට තීන්දු කොට ඇත. මියගිය එක් ධීවර කාර්මිකයකු වෙනුවෙන් රුපියල් ලක්ෂයක අත්තිකාරම් මුදලක් ඔවුන්ගේ පවුල්වලට මේ වන විට ලබාදී ඇත. ඇමැති වජිර අබේවර්ධන මහතා විසින් මියගිය ධීවර කාර්මිකයන්ගේ පවුල්වලට ගොස් අත්තිකාරම් මුදල් ලබාදීමට කටයුතු කරනු ලැබිය.
 
ගාල්ල - කමල් විජේහේවා

දිවයිනේ බොහෝ ප්‍රදේශවලට ඉකුත් සතියේ බලපෑ දැඩි සුළං තත්ත්වය හේතුවෙන් විදුලිය ඇනහිටි නිවාස හා ගොඩනැගිලි 1,18,500 කට ඊයේ (3) පස්වරුව වන විටත් විදුලිය ලබාදීමට නොහැකි වූ බව අධ්‍යක්ෂ සංවර්ධන හා විදුලිබල හා පුනර්ජනනීය බලශක්ති අමාත්‍යාංශ මාධ්‍ය ‍ලේකම් සුලක්ෂණ ජයවර්ධන මහතා පැවැසීය.
පසුගිය දින කිහිපයේ ගාල්ල, මාතර, හම්බන්තොට, කොළඹ ප්‍රදේශවලට ඇතිවූ දැඩි සුළං තත්ත්වය හේතුවෙන් නිවාස හා ගොඩනැගිලි ලක්ෂ 10 ක පමණ විදුලි බිඳවැටීම් සිදුව තිබුණු බවත් ඒ මහතා පැවැසීය.
මේ වන විටත් විදුලිය ලබාදීම සඳහා ලංකා විදුලිබල මණ්ඩලයේ සේවකයන් අඛණ්ඩව සේවයේ නිරතව ඇති බවත්, සබරගමුව, නැගෙනහිර, උතුර, මධ්‍යම යන පළාත්වලින් විදුලිබල මණ්ඩලයේ සේවයේ නිරත අතිරේක සේවක පිරිසක් විදුලිය බිඳ වැටී ඇති ප්‍රදේශ සඳහා කැඳවූ බවත් ඒ මහතා පැවැසීය. මේ නිසා අද පස්වරුව වන විට විදුලි පද්ධතිය යථා තත්ත්වයට පත්කිරීමට හැකිවෙතැයිද ඒ මහතා වැඩිදුරටත් පැවැසීය.
 
ප්‍රසාදිකා ජයවර්ධන

දැනට පළාත් පාලන ඡන්දය ප්‍රකාශයට පත් කර ඇති පළාත් පාලන ආයතන සිල්ලක්ම ඇප මුදල් තැන්පත් කිරීම 6දායින් අවසන් කරන බව ශ්‍රී ලංකා ‍පොදුජන පෙරමුණ සඳහන් කරයි. මේ වනවිට උතුරු පළාතේ   චාවකච්ච්ෙරි නගර සභාවද ඇතුළුව දිස්ත්‍රික්ක 12ක ඇප මුදල් තැන්පත් කර ඇති බව ‍පොදුජන පෙරමුණේ සභාපති මහාචාර්ය ජී.එල්. පීරිස් මහතා සඳහන් කළේය.
පළාත් පාලන මැතිවරණය සඳහා නිල වශයෙන් ඇප මුදල් තැන්පත් කිරීම ආරම්භ වූ පසුගිය 27 දාම ශ්‍රී ලංකා ‍පොදුජන පෙරමුණ කළුතර දිස්ත්‍රික්කයේ පළාත් පාලන ආයතන සඳහා ඇප මුදල් තැන්පත් කිරීමෙන් ‍පොදු ජන පෙරමුණ ඕනෑම මැතිවරණයක් සඳහා ඇති සූදානම  මැනවින් තහවුරු කර ඇති බවද හෙතෙම සඳහන් කළේය.
මේ මැතිවරණය පළාත් පාලන ආයතනසඳහා සභිකයන් තෝරන මැතිවරණයක්ම පමණක් නොවන බවත් මෙම මැතිවරණයෙන් වත්මන් රජය   පිළිබඳ ජනතාවගේ අප්‍රසාදය පළ කිරීමට අවස්ථාව ලැබි ඇතැයි පීරිස් මහතා කීවේය. ‘අපි මේ මැතිවරණයට මුහුණ දෙන්නේ ජනමත විචාරණයක් විදියටයි. වත්මන් රජය තම විරුද්ධවාදීන්ට හිරිහැර කරමින් අභූත චෝදනා නගමින් ඔවුන් මර්දනය කිරීමට ගෙන යන වැඩපිළිවෙළ පරාජය කොට රටේ බහුතර ජනතාව තුළ රජයට ඇති අප්‍රසාදය මෙම මැතිරණයෙන් ඉස්මතු කර පෙන්වීමට ශ්‍රී ලංකා ‍පොදුජන පෙරමුණ කටයුතු කරන බවද පීරිස් මහතා සඳහන් කළේය.
 
ජයසූරිය උඩුකුඹුර

පාසල් සිසුන් සඳහා නව වසරට අදාළ නිල ඇඳුම් වවුචර් පත් මෙම සතියේදී සිසුන් වෙත බෙදා දීමට කටයුතු යොදා ඇතැයි අධ්‍යාපන අමාත්‍යාංශය පවසයි.
අදාළ වවුචර් පත් දැනටමත් සියලුම පළාත්වලට බෙදා අවසන් කර ඇති බවත්, මෙම සතිය තුළ ඒවා සිසුන්ට ලැබෙනු ඇති බවත්, අධ්‍යාපන අමාත්‍ය අකිල විරාජ් කාරියවසම් මහතා පැවැසීය.
හතළිස් දෙලක්ෂයකට ආසන්න පාසල් දරුවන් සඳහා රුපියල් මිලියන 2370ක වටිනාකමකින් යුතු නිල ඇඳුම් වවුචර පත් සහ පිරිවෙන් සඳහා රුපියල් මිලියන 75ක වටිනාකමකින් යුතු වවුචරපත් මේ වන විට නිකුත් කර අවසන් වී ඇත. නිල ඇඳුම් වවුචර් පත්වල මුළු වටිනාකම රුපියල් මිලියන 2445කි.
 
ගයාත්‍රි ගීගනආරච්චි

ගල්ගමුවේ දළ පූට්ටුවාගේ ඝාතනය සම්බන්ධයෙන් සැකපිට තවත් ග්‍රාම නිලධාරීවරුන් දෙදෙනකු ඇත් දළවලින් සකස් කළ පෙන්ඩන්ට් තුනක් සමග පෙරේදා (02) සවස නිකවැරටිය කොට්ඨාස බුද්ධි අංශ නිලධාරීන් විසින් අත්අඩංගුවට ගෙන තිබේ. 
දෙදෙනෙකු ඇත් දළවලින් සකස් කළ පෙන්ඩන්ට් තුනක් සමග පෙරේදා (02) සවස නිකවැරටිය කොට්ඨාස බුද්ධි අංශ නිලධාරීන් විසින් අත්අඩංගුවට ගෙන තිබේ. 
මෙසේ අත්අඩංගුවට පත්ව ඇත්තේ මකුල්‍පොත  ග්‍රාම නිලධාරීවරයා ලෙස සේවය කළ මා එළිය, මුදුගමුව, පදිංචි, චමින්ද ආරියරත්න, (43) හා දොරවේරුව ග්‍රාම නිලධාරීවරයා ලෙස සේවය කළ මකුල්‍පොත, කොස්ගහ ඇළ පදිංචි ඉන්දික සේනාධීර (32) යන දෙදෙනාය. 
මොවුන් සන්තකයේ තිබි ඇත් දළ රන් කොපු යොදා සකස් කළ පෙන්ඩන්ට් 03ක් ද ‍පොලිස් භාරයට ගෙන තිබේ. 
මේ අතර කොට්ඨාස දූෂණ වැටලීම් අංශයේ නිලධාරීන්ට ලද තොරතුරක් මත දළ පූට්ටුවාට වෙඩි තැබිමට යොදා ගත් බවට සැක කෙරෙන විදේශීය රටක නිෂ්පාදිත ගිනි අවිය හා උණ්ඩ 05ක් සමග පුද්ගලයකු ඉකුත් 01 දා මහව, කිරිඳිගල්ල මාර්ගයේ දැදුරුඔය පාලම අසලදී අත්අඩංගුවට ගෙන තිබුණි. 
ඊට පෙර දින (30) දා  නිකවැරටිය කොට්ඨාස අපරාධ විමර්ශන අංශයේ නිලධාරීන් හා අඹන්‍පොළ ‍පොලිස් ස්ථානයේ නිලධාරීන් එක්ව සියඹලාව, මොරගොල්ලාගම ප්‍රදේශයේදී සැකකරුවන් පස් දෙනෙකු ඇත් දළ කැපීමට උපයෝගී කර ගත් කියත් පටි 03ක්, අත් කියතක කොටසක්, ඇත් දළවලින් සාදන ලද සිංහ රූප සහිත පෙන්ඩන්ට් 02ක්, ඇත් දළවලින් සාදන ලද සුර 01ක්, ඇත් දළ කොටසක් , කුඩා ගජ මුතු එකක් සමග අත්අඩංගුවට ගෙන තිබුණි. 
මෙම පුද්ගලයන් සය දෙනාම ඉකුත් 01 වෙනි දින මහව මහේස්ත්‍රාත් අධිකරණය වෙත ඉදිරිපත් කිරීමෙන් පසු මෙම මස 12 වෙනි දින දක්වා රක්ෂිත බන්ධනාගාර ගත කරන ලෙස අතිරේක මහේස්ත්‍රාත්  පී. රාජපක්ෂ මහතා විසින් නියෝග කර තිබුණි. 
අලෙවි කිරීමට සූදානම් කර තිබූ ඇත් දළ දෙක හා ගජ මුතු හයක් වලාන දූෂණ මර්දන අංශයට ලැබුණ තොරතුරක් මත ඉකුත් 22 දින සැකකරුවන් දෙදෙනකු සමග මොරගොල්ලාගම නිකවැව ප්‍රදේශයේදී අත්අඩංගුවට ගෙන තිබුණි.  අත්අඩංගුවට ගත් දළ දෙක දළ පූට්ටුවාගේම බව සැකහැර දැනගැනීමට ගල්කිරියාගම අඩවි වනජීවි ආරක්ෂක නිලධාරි ඩී. රාමසිංහ මහතා පසුගිය 28 මහව මහේස්ත්‍රාත් අධිකරණයේදී සමත් විය.  
ඒ අනුව යමින් ඇතා හෝ මළ සිරුර සොයා ගැනීමට වනජීවි නිලධාරීන් ‍පොලීසිය සමග එක්ව මෙහෙයුමක් ආරම්භ කළහ. එම මෙහෙයුම මගින් ඉකුත් 29 වෙනිදා මොරගොල්ලාගම, සොරව්වැව ඉස්මත්තේ තිබි දළ පූට්ටුවාගේ මළ සිරුර සොයා ගැණුනි. 
ඇතාගේ මළ සිරුර සම්බන්ධයෙන් කළ පශ්චාත් මරණ පරීක්ෂණයේ ඇතා මරා  දමා ඇත්තේ හිසට හා උදර ප්‍රදේශයට වෙඩි තබා බවත් ඒ මීට සති තුනකට පමණ පෙර බවත් අනාවරණය විය. ඇතාගේ දළ කපා ඇත්තේ සතා මිය යෑමෙන් පසුව බවද පශ්චාත් මරණ පරීක්ෂණයේදී අනාවරණය වූ බව වන ජීවි නිලධාරීහු පැවැසූහ. 
ඇත් දළ දෙක හා ගජ මුතු හය අලෙවි කිරීමට සූදානම් වු දෙදෙනා ඒවා වෙනත් පිරිසකගෙන් මිලදී ගෙන ඇති බවත් ඊට වඩා වැඩි මිලකට අලෙවි කිරීමට සූදානම් වූ මොහොතේ අත්අඩංගුවට පත්ව ඇති බවත් මූලික විමර්ශනවලදී අනාවරණය වූ බව ‍පොලීසිය පැවැසීය. 
මේවා අලෙවි කිරීමට සූදානම් වූ මොහොතේ අත්අඩංගුවට පත් හේරත්ගම ග්‍රාම නිලධාරී අසංක සෙනරත් බණ්ඩාර හා ගල්ගමුව, නිතලව පදිංචි  හිටපු ‍පොලිස් කොස්තාපල්වරයකු වන ආර්.එම්. රුවන් නිලන්ත කුමාර යන සැකකරුවන් මීට පෙර අධිකරණයට ඉදිරිපත් කිරීමෙන් පසු මේ මස 12 වෙනදා දක්වා රිමාන්ඩ් ගත කොට තිබේ. 
නිකවැරටිය කොට්ඨාස බාර ‍පොලිස් අධිකාරී සංජීව බණ්ඩාර මහතාගේ උපදෙස් මත අඹන්‍පොළ ‍පොලිස් ස්ථානාධිපති ප්‍රධාන ‍පොලිස් පරීක්ෂක පද්මකුමාර මහතා ඇතුළු කණ්ඩායමක් පරීක්ෂණ පවත්වයි.
 
ශානිකා මාධවී පීරිස් / ආනන්ද කරුණාතිලක - ගිරිබාව 

දිවයිනේ බොහෝ ප්‍රදේශවලට ඉකුත් සතියේ බලපෑ වැසි සහ සුළං හේතුවෙන් මියගිය පුද්ගලයන් සඳහා එක් අයෙකුට රුපියල් ලක්ෂ 10 බැගින් ලබාදීමට රජය තීරණය කර ඇත.
ඉන් පළමුව අත්තිකාරම් මුදලක් ලෙස රුපියල් ලක්ෂය බැගින් ලබාදීමට පියවර ගත් බව ස්වදේශ කටයුතු අමාත්‍ය වජිර අබේවර්ධන මහතා පැවැසීය.
ඒ අනුව ගාල්ල දිස්ත්‍රික්කයේ මියගිය ධීවරයන් අටදෙනාගේ නිවාසවලට ගොස් රුපියල් ලක්ෂය බැගින් ඔවුන්ගේ ඥාතීන්ට ලබාදීමට කටයුතු කළ බවද අමාත්‍යවරයා කීය. දොඩන්දූව, රත්ගම, ගෝනාපීනුවල, පිංකන්ද හා අම්බලන්ගොඩ පදිංචිව සිටි ධීවරයන් අටදෙනකු වෙනුවෙන් මෙලෙස මුදල් ලබා දී ඇත.
ඊට අමතරව සුළඟින් දේ‍පොළ හානියට පත් පුද්ගලයන්ට මූලික වශයෙන් රුපියල් 10000 බැගින් ලබා දීමට ද රජය පියවර ගෙන ඇත. ඔවුන්ගේ දේ‍පොළවලට සිදු වූ හානිය තක්සේරු කරන තෙක් එම මුදල ලබා දෙන බවත්, පසුව හානියට අනුව මූල්‍යාධාර ලබාදීමට කටයුතු කරන බවත්, වජිර අබේවර්ධන මහතා කීය.
 
ගයාත්‍රි ගීගනආරච්චි
 

මාගම්පුර වරාය සේවකයන්ට එහි සේවයට නොඑන ලෙසට දන්වා තිබූ චක්‍ර‍ලේඛය වහාම අවලංගු කරන ලෙසට කම්කරු හා වෘත්තීය සමිති සබඳතා සහ සබරගමුව සංවර්ධන අමාත්‍ය ඩබ්ලිව්.ඩී.ජේ. සෙනවිරත්න මහතා විසින් නියෝග කර ඇත.
එම වරාය සේවකයන්ට 2017 නොවැම්බර් 30 වෙනිදා සිට සියලුම සේවකයන් හම්බන්තොට වරායේ සේවයට වාර්ත නොකරන ලෙස දැනුම් දෙමින් මාගම්පුර වරාය කළමනාකරණ පෞද්ගලික සමාගමේ සභාපතිවරයාගේ අත්සනින් එම චක්‍ර‍ලේඛය නිකුත් කර තිබේ.
අදාළ එම චක්‍ර‍ලේඛය වහාම අවලංගු කොට එම වරායේ සේවකයන්ට සුපුරුදු පරිදි සේවයට වාර්තා කිරීමට ඉඩකඩ සලසා දෙන ලෙසට දැනුම් දෙමින් අමාත්‍ය ඩබ්ලිව්.ඩී.ජේ. සෙනවිරත්න විසින් ශ්‍රී ලංකා වරාය අධිකාරියට නියෝග කර ඇත.
ඉකුත් 30 වෙනිදා පස්වරුවේ වරාය පාලනාධිකාරිය හා එහි සේවකයන් සමග කම්කරු අමාත්‍යාංශයේදී පැවැති සාකච්ඡාවකදී ඇමැතිවරයා විසින් එම නියෝගය දී තිබේ.
මාගම්පුර වරාය කළමනාකරණ පුද්ගලික සමාගමේ සභාපතිවරයා විසින් නිකුත් කර ඇති එම්.පී.එම්.සී./ සී.අයි.ආර්. 2017/18 දරන එම චක්‍ර‍ලේඛය මගින් කම්කරු නීති බරපතළ ලෙස උල්ලංඝනය කර තිබෙන බවද අමාත්‍යවරයා විසින් මෙහිදී  වරාය පාලනධිකාරිය වෙත අවධාරණය කර ඇත.
මාගම්පුර වරායේ 438 දෙනකු සේවය කරන අතර එම සේවක සේවිකාවන් හා පාලනාධිකාරිය අතර ඇති වී තිබෙන කාර්මික ආරවුල විසඳීම සඳහා කම්කරු ඇමැතිවරයා විසින් බේරුම්කරුවෙකු පත්කර තිබියදී මෙවැනි ක්‍රියාමාර්ගයක් ගැනීම නීති විරෝධී මෙන්ම නීතිය හෑල්ලුවට ලක් කිරීමක් යැයිද අමාත්‍යවරයා මෙහිදී පැවැසීය.
ආයතනයක අයිතිය වෙනස් වීමේදී නව අයිතිකරුවාට එම ආයතනය පැවැරිය යුත්තේ සේවකයන්ද සමග බවත් එසේ නොවන්නේ නම්  ඔවුන්ට හිමිවිය යුතු වන්දි මුදලක් දී ඔවුන්ගේ සේවය අවසන් කළ යුතුව ඇති බවද ඇමැතිවරයා මෙහිදී සඳහන් කළේය.
එසේම මේ කුමන තීරණයකට එළඹියද එය සිදුවිය යුත්තේ කම්කරු දෙපාර්තමේන්තුවේ මැදිහත්වීම යටතේ සේවය අවසන් කිරීමේ පනතට අනුකූලව යැයිද අමාත්‍යවරයා මෙහිදී දැඩිව අවධාරණය කරමින් කියා සිටියේය.
මේ අතර මේ සම්බන්ධයෙන් වැඩිදුරටත් අදහස් දක්වමින් අමාත්‍යවරයා ‘ලක්බිම’ට කියා සිටියේ දෙපාර්ශ්වය අතර සමථයකට අවස්ථා ගණනකදී සාකච්ඡා කර උත්සහ ගනු ලැබූ බවත් එසේ සමථයකට පැමිණීමට නොහැකිවීම නිසා අවසානයේ බේරුම්කරුවෙකුට මෙම ප්‍රශ්නය යොමු කිරීමට අමාත්‍යාංශය පියවර ගනු ලැබූ බවයි. බේරුම්කරු මේ ප්‍රශ්නයට මැදිහත් වෙමින් දෙපාර්ශ්වයේ කරුණු විමසමින් සිටින විට එයට පටහැනිව යමින් පාලන අධිකාරිය මෙම සේවකයන් ඉවත් කරන බවට ලිපියකින් දැනුම් දී තිබෙන බවත් එය කම්කරු නීති අමු අමුවේ උල්ලංඝනය කිරීමක් යැයිද ඇමැතිවරයා කීය.
බේරුම්කරුවෙකුට යොමුකළ අවස්ථාවක සේවකයන් ඉවත් කිරීමට පාලන අධිකාරියට කිසිදු ෙනෙතික බලයක් නැති බවත්, නීතියට පටහැනිව කටයුතු කිරීමෙන් මෙම ප්‍රශ්නය තවත් උග්‍ර වී තිබෙන බවද පැවැසූ ඇමැතිවරයා සේවකයන්ට රැකියාවට එන්න එපා යැයි කියන දැනුම්දීම ඉල්ලා අස්කර ගන්නා ලෙසට වරාය අධිකාරියට කියා සිටින බවද කීය.
අප අතර කිසියම් වන්දි මුදලක් ලබා දී සේවකයන් ඉවත් කිරීම පිළිබඳව ‘ලක්බිම’ කළ විමසීමේදී ඇමැතිවරයා සඳහන් කර සිටියේ පාලනාධිකාරිය වන්දියකට එකඟ වුවත් එම වන්දිය කිසිසේත්ම ප්‍රමාණවත් නොවන බවය.
කම්කරු අමාත්‍යාංශය රටේ වැඩ කරන ජනතාවගේ අයිතිවාසිකම් සුරක්ෂිත කිරීම වෙනුවෙන් පෙනී සිටින අමාත්‍යාශයක් යැයිද පෙන්වා දුන් ඇමැතිවරයා හිතුමතේ සේවකයන් ඉවත් කිරීමක් හෝ ඔවුන්ට සාධාරණ වන්දි මුදලක් ලබා නොදී සිටීමට කිසිවෙකුට අයිතියක් නොමැති බවද කීය. 
 
පද්මිණී මාතරගේ

උඩරට දුම්රිය මාර්ගයේ ධාවන කටයුතු අද (3) වැනිදා සිට බදුල්ල දක්වා ගමන් ආරම්භ කළ බව දුම්රිය දෙපාර්තමේන්තුවේ නිලධාරියකු ලක්බිම ට පැවැසීය.
අයහපත් කාලගුණය හේතුවෙන් උඩරට දුම්රිය මාර්ගයේ ධාවනය පසුගිය 29 වැනිදා නානුඔය දුම්රිය ස්ථානය දක්වා සීමා කර තිබිණි. අයහපත් කාලගුණික තත්ත්වය පහව යාමත් සමග ඊයේ (3) දහවල් කොළඹ කොටුව සිට බදුල්ල දක්වා දුම්රිය ධාවනය යළි ආරම්භ කළද රාත්‍රී කාලයේදී උඩරට මාර්ගයේ දුම්රිය ධාවනය නානුඔය දුම්රිය ස්ථානය දක්වා සීමා කර ඇති බව එම නිලධාරියා පැවැසීය. ඒ අනුව කොළඹ කොටුවේ සිට උදෑසන 5.55, 8.30, 9.45 කාලසටහනට ධාවනය වන දුම්රිය බදුල්ල දුම්රිය ස්ථානය දක්වා ගමන් කරන අතර රාත්‍රී 8 කොළඹ කොටුවෙන් පිටත් වන දුම්රිය නානුඔය දුම්රිය ස්ථානය දක්වා පමණක් ධාවනය කරයි.
 
තනුජා නානායක්කාර

ආසියාවේ වයස්ගතම ක්‍රීඩිකාව ලෙස ගිනස් වාර්තාවක් පිහිට වූ අරණායක ගැවිලිපිටියේ පදිංචි එස්.පී. අනුලාවතී මාතාව අවුරුදු 116ක් ආයුවිඳ ඉකුත් 1 වනදා දිවියෙන් සමුගත්තාය. දරු මුණුපුරන් 125 දෙනෙකුට වැඩි පිරිසකගේ ආදරය සෙනෙහස රැකවරණය ලැබූ අනුලාවතී මහත්මියගේ අවසන් කටයුතු 2 වෙනිදා මාවනැල්ල ආදාහනාගාරයේදී සිදුකෙරිණි.
යමෙකු නිරෝගීව චිරාත් කාලයක් දීර්ඝායුෂ විදී නම් සැබැවින්ම ඔහු හෝ ඇය සසරේ කළ පින් බල මහිමය අපමණක් විය යුතුය. සසරේ කළ පින් බල මහිමය මිස යමෙකුට දීර්ඝායුෂ හිමිවන්නේ නම් ඒ කලාතුරකිනි. අරණායක ගැවිලිපිටියේදී අනුලාවතී මාතාව උපත ලැබුවේ 1902 ජුනි හතරවැනිදාය.
 
අරණායක ප්‍රදීප් කුමාර ධර්මරත්න
IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 55

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.