lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ආනයනික සීනි සඳහා වන විශේෂ වෙළද බද්ද අද මධ්‍යම රාත්‍රියේ සිට කිලෝග්‍රෑමයකට රුපියල් 8කින් ඉහළ දැමීමට මුදල් අමාත්‍යංශය තීරණය කර ඇත.

ඒ අනුව අද මධ්‍යම රාත්‍රියේ සිට මෙතෙක් සීනි කිලෝවක් සඳහා අයකරනු ලැබූ රුපියල් 8 විශේෂ වෙළඳ බද්ද රුපියල් 18ක් වනු ඇත.

මුදල් අමාත්‍යංශයේ පැවති ජීවන වියදම් කැබිනට් අනුකාරක කමිටු රැස්වීමකදී මෙම තීරණය ගෙන තිබේ. දේශීය උක් ගොවීන් දිරිගැන්වීම මෙහි අරමුණ බව මුදල් අමාත්‍යංශය පවසයි.

නමුත් මෙම මිල වැඩිවීම හේතුවෙන් දේශීය වෙළඳපලේ සීනි මිලෙහි වෙනසක් සිදු නොවනු බව සීනි ආනයනකරුවන්ගේ සංගමය පවසයි.

ඒ.ජී.රේණුකා

රවි කරුණානායක මහතාගෙන් පුරප්පාඩු වූ විදේශ අමාත්‍ය ධූරය සඳහා ජනාධිපති නීතිඥ තිලක් මාරපන මහතා අද (15) පෙරවරුවේ ජනාධිපති මෛත්‍රීපාල සිරිසේන මහතා ඉදිරියේ දිවුරුම් දුන්නේය.

දැනට සංවර්ධන කාර්යභාර අමාත්‍ය ධුරය‍ හොබවන මාරපන මහතාට මෙම පදවිය හිමිවී ඇත්තේ එම අමාත්‍ය ධුරයට අමතරවය.

මෙම අවස්ථාවට ජනාධිපති ලේකම් ඔස්ටින් ප්‍රනාන්දු මහතා ද එක් විය.

රගර් ක්‍රීඩක වසීම් තාජුඩීන්‍ ගේ මරණය සම්බන්ධයෙන් ප්‍රකාශයක් ලබා දීම පිණිස හිටපු ජනාධිපති මහින්ද රාජපක්ෂ මහතාගේ බිරිඳ ශිරන්ති රාජපක්ෂ මහත්මිය මේ වන විට කොළඹ රහස්පොලිස් අපරාධ පරීක්ෂණ දෙපාර්තමේන්තුව වෙත පැමිණ තිබේ.

රාජපක්ෂ මහත්මියගේ ‘සිරිලිය’ පදනම සතු සුදු පැහැති වෑන් රථයක් තාජුඩීන් මහතා‍ගේ මරණයෙන් පසු කලු පැහැ ගැන්වීම පිළිබඳව ඇගෙන් ප්‍රකාශයක් ලබා ගැනීමට නියමිත අතර ඒ සම්බන්ධයෙන් ප්‍රකාශයක් ලබා ගැනීමට හෙට (16) යෝෂිත රාජපක්ෂ මහතා අපරාධ පරීක්ෂණ දෙපාර්තමේන්තුව වෙත කැඳවා තිබේ.

ඡායාරූප - තුෂාර අතපත්තු

බස්රථ සඳහා ප්‍රමඛතා මංතීරු ක්‍රමය හෙට සිට ක්‍රියාත්මක කිරීමට මහ නගර සහ බස්නාහිර සංවර්ධන කටයුතු අමාත්‍යංශය කටයුතු කර ඇත.

එහි සමාරම්භක උත්සවය හෙට පෙරවරු 6.00ට මොරටුව කුරුස හන්දියේදී ආරම්භ කිරීමට නියමිතය. 

හෙට සිට පෙරවරු 6 සිට 9 දක්වා මොරටුව සහ කොළඹ දක්වාත් කොළඹ සිට බත්තරමුල්ල දක්වාත් ඇති මංතීරු තුනකින් යුතු මහා මාර්ග වල පෞද්ගලික, ලංගම බස් රථ සහ පාසල් සිසුන් ප්‍රවාහනය කරන බස් රථ සඳහා මෙම ප්‍රමුඛතා මං තීරුව වෙන් කෙරෙනු ඇත.

නමුත් මෙම ප්‍රමුඛතා මංතීරු ක්‍රමය සම්බන්ධයෙන් තමන්ට සෑහිමකට පත්විය නොහැකි බව ලංකා පෞද්ගලික බස් හිමියන්ගේ සංගමය පවසන අතර එහි සභාපති ගැමුණු විජේරත්න මහතා පවසනුයේ ඒ සම්බන්ධයෙන් මේ තාක් බස් හිමියන් නිසි පරිදි දැනුවත් කොට නොමැති බවය.

කෙසේ හෝ නාගරික රථවාහන තදබදය අඩු කිරීම සඳහා ක්‍රියාත්මක වන මෙම ප්‍රමඛතා මංතීරු ක්‍රමය තුළින් තවත් අතිරේක ප්‍රශ්න ගණනාවක් පැන නැගිය ඇති බවට සමාජයේ විවිධ පාර්ශවන් වෙතින් අදහස් පළ වෙමින් පවතී.

ඉතිහාසයේ මින් පෙර කිසිම දිනක ඇති නොවූ පරිදි බුලත් කර්මාන්තයේ බිඳ වැටීමක් ඇතැයි බුලත් ගොවීහු පවසති. පසුගිය දිනවල දුම්කොළ සම්බන්ධයෙන් පැනවූ තහනම් නිසා බුලත්විට නිෂ්පාදනය පහත ගොස් ඇති අතර අපනයන මට්ටටම් පවතින බුලත් වෙළඳ පොළද බිඳවැටී ඇති බව වෙළද පොළ ආරංචි මාර්ග පවසයි.

මීට පෙර රුපියල් 15000-18000 අතර අලෙවි වූ අපනයන මට්ටමේ පවතින බුලත් වට්ටියක් රුපියල් 2000 දක්වා පමණ පහළ වැටීමත් බුලත් වගාව සඳහා ගනු ලබන කොවුල් (ඉනි) සහ පන්දලම් බැඳීමට ගනු ලබන පටි ආදී මිල ඉහළ යාමත් නිසා වගා කරුවන් බොහෝ දෙනෙකු මේ වන විට එම වගාව අත හරිමින් සිටින බව වෙළද පොල ආරංචි මාර්ග පවසයි.

එමෙන්ම බුලත් සැපීම මුඛ පිළිකාවට හේතුවක් ලෙස සෞඛ්‍ය අංශ මගින් ගෙන යන ප්‍රචාරය නිසාද දේශීය වෙළද පොලේ බුලත් මිල ශීඝ්‍රයෙන් පහත වැටී ඇති අතර මීට දශක කිහිපයක් දක්වා මෙරට ගැමි ජනතාවගේ ප්‍රධාන ආදායම් මාර්ගයක්ව පැවති බුලත් වගාව නගා සිටුවීම සම්බන්ධයෙන් රජය නිහඬ පිළිවෙතක් ගැනීම ඔස්සේ මෙරට සංස්කෘතියේ ප්‍රමුඛ ශාකය මතු අභාවයට යා හැකි බව බුලත් වගා කරුවෝ පෙන්වා දෙති.

දමයන්ති ගමගේ

පෞද්ගලික බස් රථයක් ඊයේ (13) රාත්‍රී 09.00 ට පමණ වලපනේ- නුවරඑළිය ප්‍රධාන මාර්ගයේ, මහව්ව පතන ප්‍රදේශයේදී  අඩි 70 ක් පමණ ප්‍රපාතයට පෙරළීමෙන් බස් රථයේ ගමන් ගත් මගීන් 21 දෙනෙක් තුවාල ලබා 15 දෙනෙක් වලපනේ ප්‍රාදේශීය රෝහල වෙත ඇතුළත් කිරීමෙන් අනතුරුව බරපතල තත්වයේ සිටි තුවාලකරුවන් 06 දෙනෙක් නුවරඑළිය මහ රෝහල වෙත මාරු කරනු ලැබූහ.

මිහින්තලේ, බෝගහයාය ප්‍රදේශයේ සිට කතරගම බලා වන්දනාකරුවන් පිරිසක් රැගෙන පැමිණි බස් රථයක් මෙසේ අනතුරට පත්ව ඇති බව වලපනේ පොලීසිය පවසයි.

කතරගම ගොස් ආපසු මිහින්තලේ බලා ධාවනය කරමින් සිටියදී මෙම බස් රථය අනතුරට පත්ව ඇති අතර අනතුරට පත්වන අවස්ථාවේ එහි මගීන් 21 දෙනෙක් සිට ඇත.

බස් රථයේ රියදුරාට නින්ද යෑම හේතුවෙන් මෙම අනතුර සිදුව ඇති බව වැඩිදුර පරීක්ෂණ පවත්වන වලපනේ පොලීසිය පවසයි.

ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක

මේ රටේ මධ්‍යම කඳුකරය මේ රටේ  හිටපු පාලකයින් දැනට සිටින පාලකයින් බහුජාතික සමාගම් ලවා මේ රටේ මධ්‍යම කඳුකරය සමුහ දුෂණයකට ලක්කර ඇති බව ඌව පළාත් සභා මන්ත්‍රී සමන්ත විද්‍යාරත්න මහතා පැවසීය.

සමන්ත විද්‍යාරත්න මහතා ඒ බැව පැවසුවේ ‘මධ්‍යම කදුකරයේ විනාශය‘ රටේ අනාගත මරණය යන මැයෙන් ඊයේ (13) පස්වරුවේ ගිනිගත්හේන මධ්‍ය මහා විද්‍යාලයේ පැවැති සම්මන්ත්‍රණය අමතමිනි. මෙහිදි වැඩි දුරටත් අදහස් දැක්වු සමන්ත විද්‍යාරත්න මහතා කියා සිටියේ මිනිසාට පරිසරය අයිති නොවන බවත් පරිසරයට මිනිසා අයිති බවත්ය.

මේ රටේ ලෝක උරුමයක් වශයෙන් නම් කර ඇති ස්ථාන කිහිපයක් පාලකයින්ගේ අත්තෝනෝමතික ක්‍රියා නිසා එය ලෝක උරුමයෙන් ඉවත් කිරීමේ අවදානමකට ලක්වි ඇති බවද සමන්ත විද්‍යාරත්න මහතා පවසනවා. මධ්‍යම කඳුකරයේ බොර්ඩිලන් ජල විදුලි බලාගාර ව්‍යපෘතිය හා උමා ඔය ව්‍යාපෘතිය මධ්‍යම කඳුකරයේ මෑත කාලයේදි සිදුකළ විශාලතම පරිසර හානිය බව ඔහු අවධාරණය කරයි. මධ්‍යම කඳුකරයේ පරිසර විනාශය තුළින් මේ රටේ වාරි කර්මාන්තයට හා සංස්කෘතික උරුමයක්ව තිඛෙන ගොවිතැනද අවදානමට ලක්වි ඇති බව ඔහු වැඩිදුරටත් පවසා සිටී.

මෙම සමිමන්ත්‍රණයට කැළණිය විශ්ව විද්‍යාලයේ භූගෝල විද්‍යාව පිළිබඳ මහාචාර්ය ජිනදාස කටුපොත, රජරට විශ්ව විද්‍යාලයේ ජ්‍යෙෂ්ඨ කථීකාචාර්ය එම්.බි ගොඩිගමුව යන මහත්වරුන්ද සමිමන්ත්‍රණය ඇමතුහ.

හැටන් රංජිත් රාජපක‍ෂ

මන්ත්‍රිවරු 113 ක් හිටියොත් ආණ්ඩුව ගෙනියන්න පුළුවන්. පක්ෂ දෙකක නායකයෝ දෙදෙනෙක් එකතුවෙලා හදපු ආණ්ඩුව දිගු ගමනක් යන එක නවත්තන්න බැහැ.

මස්කෙළිය මැතිවරණ කොට්ඨාශයට අයත්, ගිනිගත්හේන ප්‍රදේශයේදි කුඩා පරිමාණ ස්වයං රැකියා කර්මාන්තකරුවන් පිරිසක් දැනුම්වත් කිරීම හා ගිනිගත්හේන, අඹගමුව, ගල්පොතුයාය ප්‍රදේශයේ කුඩා පරිමාණ ඇගළුම් කර්මාන්ත ශාලාවක් ජනතා අයිතියට පත්කිරීමේ අවස්ථාවට ඊයේ (13) එක්වු අවස්ථාවේ මාධ්‍යයට අදහස් දක්වමින් කර්මාන්ත හා වාණිජ කටයුතු ඇමති නිතිඥ රිෂාඩ් බදියුදීන් මහතා එසේ පැවසිය.

නුවරඑළිය දිස්ත්‍රික් පාර්ලිමේන්තු මන්ත්‍රි හා එක්සත් ජාතික පක්ෂයේ මස්කෙළිය ආසනයේ ප්‍රධාන සංවිධායක කේ. කේ. පියදාස මහතා විසින් සංවිධානය කර තිබූ මෙම රැස්වීමේදී වැඩිදුරටත් අදහස් දක්වමින් රිෂාඩ් බදියුදීන් අමාත්‍යවරයා මෙසේද කීය.

“රවි කරුණානායක ඇමතිවරයාට චෝදනාවක් එල්ල කළාට තවම තීන්දුවක් දීලා නෑ. එතුමා නව සංස්කෘතියක් බිහි කරමින් එතුමාගේම කැමැත්තෙන් පක්ෂය ගැන හිතලා ඉල්ලා අස්වුණා. එතුමට ඒ චෝදනාව එල්ල කළේ විපක්ෂය විසින්. ඒ වගේම විජේදාස රාජපක්ෂ මහතාටද චෝදනාවක් නිසා විශ්වාස භංග යෝජනාවක් තියෙනවද කියලා මම දන්නේ නෑ. පත්තරවලින් තමයි මමත් දැනගත්තේ ඒ ගැන.”

“ආණ්ඩුව දිර්ඝ ගමනක් යන එක නවත්වන්න බෑ.1019 වන වගන්තිය යටතේ අවුරුදු හතරහමාරක් ආණ්ඩුව විසුරුවා හරින්න බෑ කියලා යහපාලන ආණ්ඩුව නීතියක් ගෙනාවා. අළුත් පාර්ලිමේන්තුවට අවුරුදු දෙකයි ගතවෙලා තියෙන්නේ. මන්ත්‍රීවරු 113 ක් හිටියොත් ආණ්ඩුවක් ගෙනියන්න පුළුවන්. කවදාවත් පක්ෂ දෙකක් එකතුවෙලා මේ වගේ ආණ්ඩුවක් හදලා නෑ. නායකයෝ දෙන්නා එකට ඉන්නවා. රටේ අනාගතය වෙනුවෙන් එකට එකතු වෙලා . ඒ ඉන්න නිසා කිසිම ප්‍ර‍ශ්නයක් නෑ ආණ්ඩුව ඉදිරියට ගෙනියන්න.”

අධීවේගි ජුකි මැෂින් 25න් සමන්විත මෙම කුඩා ඇගළුම් කර්මාන්ත ආයතනය සදහා රුපියල් ලක්ෂ 12 ක මුදලක් කර්මාන්ත හා වාණිජ කටයුතු අමාත්‍යාංශයෙන් සපයා තිබෙන අතර මාස හයක කාලයක් සඳහා පාලිකාවට හා මුරකරු සදහා ගෙවිම්ද  ගොඩනැගිලි කුළියද එම අමාත්‍යාංශයෙන් ගෙවිමට නියමිතය.

මෙම අවස්ථාවන්ට පාර්ලිමේන්තු මන්ත්‍රී කේ.කේ පියදාස. අඹගමුව කෝරළය ප්‍රාදේශිය ලේකම් ටී.පි. සුමනසේකර යන මහත්වරු හා ආශිර්වද හා සුභ පතන්නවුන් ඇතුළු විශාල පිරිසක්ද එක්ව සිටියහ.

මස්කෙළිය-ගාමිණී බණ්ඩාර ඉලංගන්තිලක

රජය ඉහළ දමනු ලැබූ රුපියල් 25,000 ක රථවාහන දඩ ‍ලේඛනය පිළිබඳව කරුණු කිහිපයක්  මුල් කර ගනිමින් විරෝධය පළ කරන බව අන්තර් පළාත් පෞද්ගලික බස් සංගමයේ සභාපති සරත් විජිත කුමාර මහතා අද (13) පැවැසීය.
කොළඹ නාරාහේන්පිට  කාන්තා පර්යේෂණය අද (13) පැවැති විශේෂ  සාකච්ඡාවදී හෙතෙම මෙම අදහස් පැවැසීය.රියැදුරු බලපත්‍රය, රක්ෂණ සහතිකය ලබාගෙන නොමැති විට රුපියල් 25,000ක දඩයක් පැනවීම සාධාරණ වුවත් එම බලපත්‍ර රැගෙන යාමට යම් හේතුවක් මත රියැදුරුටම නොහැකි වුවහොත් ඒ සඳහා එවැනි දඩයක් නියම කිරීම අසාධාරණ බව ඒ මහතා පැවැසීය. 
අදාළ බලපත්‍ර රැගෙන නොයාම යනු එම බලපත්‍ර ලබා නොගැනීම නොවන බවද ඒ මහතා කීවේය.
මීට අමතරව  වමෙන් ඉස්සර කිරීමද වරදක් ලෙස එම දඩ ‍ලේඛණයේ ඇති බවත් ඒ සඳහාද රුපියල් 2000ක දඩයක් නියමකර ඇති බවත් හෙතෙම කීවේය.
මහමාර්ගවල පවතින අවහිරතාමත  වමෙන් ඉස්සර කිරීම නොකර බැරි අවස්ථා උදාවන බවද ඒ මහතා කීවේය. අධික වේගය සියයට ගණන් මගින් ගණනය කර රුපියල් 15,000ක උපරිමයක් දක්වා දඩ නියම කිරීමද අනුමත කළ නොහැකි බව සරත් විජිත කුමාර මහතා පැවැසීය. බිමත්ව රිය පැදවීම, රියැදුරු බලපත්‍ර නොමැති අය සේවයේ  යෙදවීම, වලංගු බලපත්‍රයක් නොමැතිව රිය ධාවනය වැනි වැරදි සඳහා රුපියල් 25,000ක දඩයක් නියම කිරීම අනුමත කරන බවද හෙතෙම වැඩිදුරටත් කීවේය.
 
පානුක රාජපක්ෂ

බැඳුම්කර සිද්ධිය සම්බන්ධයෙන් අනවශ්‍ය බලපෑම් නොකර පරීක්ෂණ කටයුතු ස්වාධීනව කරගෙනයාමට ඉඩ දෙන්නේ නම් මෙම අර්බුදය පිළිබඳව ඉක්මන් තීන්දුවක් ලබාගත හැකි වනු ඇතැයි අස්ගිරි පාර්ශ්වයේ ‍ලේඛකාධිකාරී ආචාර්ය මැදගම ධම්මානන්ද හිමියෝ හිටපු විදේශ ඇමැති  රවි කරුණානායක මහතාට පැවැසූහ.
හිටපු විදේශ අමාත්‍ය රවි කරුණානායක මහතා අද (13) අස්ගිරි පාර්ශ්වයේ මහානායක වරකාගොඩ ඤාණරතන හිමියන් බැහැ දැක ආශීර්වාද ලබා ගත්තේය.
එහිදී වැඩිදුරටත් අදහස් දැක් වූ අස්ගිරි පාර්ශ්වයේ ‍ලේඛකාධිකාරී ආචාර්ය මැදගම ධම්මානන්ද හිමියන් මෙසේද කීහ.
'රටේ යම් යම් ගැටලුකාරී අවස්ථාවලදී රවි කරුණානායක මහතා මහනාහිමිවරුන් බැහැදැක ආශිර්වාද සහ උපදෙස් ලබා ගන්නවා. මේ අවස්ථාවේදී බැඳුම්කර සිද්ධිය සම්බන්ධයෙන් අර්බුදකාරී තත්ත්වයක් ඇති වී තිබෙනවා. ඒ කාරණ නිවැරදිව නිරවුල්ව පරීක්ෂණ මට්ටමේ පවතින දේවල් නිසා ඒවා ක්‍රියාත්මක වී යම් ප්‍රතිඵලයක් ලබා ගන්නා තුරු නිහඬව සිටීම සුදුසුයි. මේ සිද්ධිය මුල් කරගෙන එහි වරදකරුවකු වෙන්න පෙර දේශපාලන ක්‍ෂේත්‍රය තුළ යම් යම් ක්‍රියාදාමයන්  සිද්ධ වෙමින් පවතිනවා. දේශපාලන ක්‍ෂේත්‍රයේ බල අරගලයක් මෙන්ම විවිධ දේශපාලන අරමුණු තිබෙන්න පුළුවන්. විසඳුමක් ලැබෙනතුරු අප මධ්‍යස්ථව මේ දෙස බලා සිටිනවා.
මේ රටේ ජනසම්මත වාදය තුළ දේශපාලනඥයන්ගේ යම් යම් කාරණා පිළිබඳව තීරණ ගත යුත්තේ ජනතාවයි. මෙවැනි කටයුතුවලදී ඒ පිළිබඳව මහජනතාව බලා සිටිනවා. නමුත් දේශපාලනයේ නිරත වී සිටින අයම මේ පිළිබඳව යම් යම් තීන්දු තීරණ ගැනීමේදී මහජනතාවගේ පරමාධිපත්‍යය පිළිබඳව ගැටලු  මතුවනවා. ඒ වගේම අමාත්‍යවරුන් පත් කිරීමේ වගකීම තිබෙන්නේ ජනාධිපතිවරයාට සහ අගමැතිවරයාටයි.  ඇමැතිවරුන්ගේ යම් දෝෂයක් වරදක් ඇත්නම් අවසාන වශයෙන් ඒ චෝදනා  එල්ල වන්නේ ජනාධිපතිතුමාට සහ අගමැතිවරයාටයි. ඒ නිසා දේශපාලන ක්‍ෂේත්‍රය තුළ සිදුවන කටයුතු බොහෝම කල්පනාවෙන් සිදුවන්න ඕනෙ. මේ රට ප්‍රජාතන්ත්‍රවාදී රටක් ලෙස ඒ කටයුතු ප්‍රජාතන්ත්‍රවාදයට අනුකූලව සිදුවන්න ඕනේ. එසේ නැතිව දේශපාලන අරමුණු සහ පුද්ගලයන්ගේ පටු අදහස් මෙන්ම යම් යම් අමනාපකම්  මුල්කරගෙන කටයුතු කිරීම අනුමත කළ නොහැකියි. මහජන නියෝජිතයන්ට එලෙස යම් යම් දේ සිදුවනවානම් එය මහා අසාධාරණයක් සහ අකටයුත්තක් බව අපට හැඟී යනවා. ඒ නිසා මේ සම්න්ධයෙන් අනවශ්‍ය බලපෑම් නොකර ස්වාධීනව පරීක්ෂණ කටයුතු කරගෙන යන්න ඉඩ දෙන්නේ නම් මෙම අර්බුදයේ  ඉක්මන් තීන්දුවක් අපට ලබා ගත හැකිවෙයි. මේ අවස්ථාවෙදී නිහතමානීව එම තනතුරෙන් තාවකාලිකව ඉවත් වී කටයුතු කිරීම පිළිබඳව සතුටු වන බවද උන්වහන්සේ කීහ.'
එහිදි අදහස් දැක් වූ රවි කරුණානායක මහතා කියා සිටියේ මාධ්‍යයෙන් ඇති කළ ප්‍රශ්නවලට මහනාහිමිවරුන් බැහැදැක කරුණු කීමට පැමිණි බවත් තමා අලුත් දේශපලන සංස්කෘතියක් ඇති කිරීම සඳහා ආදර්ශයක් ලබා දුන් බවයි. 
 
ගයා වන්නිආරච්චි

මැතිවරණ කල් දැමීමම ප්‍රජාතන්ත්‍ර විරෝධීයි, මැතිවරණ පවත්වන්න අපි ඕන වෙලාවක සූදානම්. එහෙම වුණත් ඡන්ද බලයෙන් පත්වෙච්ච අයට ව්‍යවස්ථාදායකය නියෝජනය කරමින් මැතිවරණය කල්දැමීමේ නීති සකස් කරනවානම් ඒ නීති අභිබවා කටයුතු කරන්න මට, මැතිවරණ කොමිසමට හැකියාවක් නැති බව මැතිවරණ කොමිෂන් සභාවේ සභාපති මහින්ද දේශප්‍රිය මහතා සඳහන් කළේය.
ඡන්දය මූලික මිනිස් අයිතිවාසිකමක් ලෙස ආණ්ඩුක්‍රම ව්‍යවස්ථාවේ සඳහන් නොවුණද මැතිවරණ සම්බන්ධයෙන් අධිකරණය ලබා දී ඇති ප්‍රසිද්ධ නඩු තීන්දු 3කදී ඡන්දය මූලික මිනිස් අයිතිවාසිකමක් ලෙස පිළිගෙන ඇති බවද දේශප්‍රිය මහතා පෙන්වා දෙන්නේ ශ්‍රී ලංකා පදනම් ආයතනයේ අද (13) පැවැති විශේෂ සම්මන්ත්‍රණයකදී ඔහු මේ බව සඳහන් කළේය. එහිදී දේශප්‍රිය මහතා මෙසේද කීවේය.
මැතිවරණ නෑ කියලා අපි නයා මැරිච්ච අභිකුණ්ඨකයා වගේ නිකන් ඉන්නේ නැහැ. අපි රට පුරා ගිහිල්ලා ජනතා පරමාධිපත්‍ය පිළිබඳ දැනුවත් කරනවා. ඡන්දය පිළිබඳ අධිකරණය දුන් තීන්දුවක සඳහන් වන්නේ යමෙකු ප්‍රසිද්ධ වේදිකාවේ කරන ප්‍රකාශයක් මැතිවරණයකදී ඡන්ද මධ්‍යස්ථානයේදී ඡන්දය ප්‍රකාශ කරන කුටියේදී තම අදහස ප්‍රකාශ කිරීමත් අතර වෙනසක් නැති බවයි.
අපිට ඡන්ද කල්දාන්න බලයක් නැහැ. ඒ සඳහා නීතිය සකස් කරන්නේ මහජන ඡන්දයෙන් බලයට පත් ව්‍යවස්ථාදායකය නියෝජනය කරන අයයි. ඒ නීති කඩන්න අපට බැහැ. පාර්ලිමේන්තුව ජනතා පරමාධිපත්‍යයයි. නියමිත කාලයට මැතිවරණ පවත්වන්න පුළුවන් නම් ඒකට අපි ඕන වෙලාවක සූදානම්. එහෙම වුණානම් යාපනය නගර සභාවේ මැතිවරණය 2014 අගෝස්තුවේ සිට මේ දක්වා කල්දාන්න දෙන්නේ නැහැ යැයිද ඔහු සඳහන් කළේය.
මෙම අවස්ථාවට ශ්‍රී ලංකා නිදහස් පක්ෂය නියෝජනය කරමින් අමාත්‍ය සුසිල් ප්‍රේමජයන්ත, එක්සත් ජාතික පක්ෂය නියෝජනය කරමින් අමාත්‍ය විජේදාස රාජපක්ෂ මහතා, අමාත්‍ය මනෝගනේෂන්, පාර්ලිමේන්තු මන්ත්‍රී එම්.ඒ. සුමන්දිරම්, හෙළ උරුමය නියෝජනය කරමින් නිශාන්ත වර්ණකුලසූරිය ඇතුළු පිරිසක් සහභාගිව සිටියහ. එය සංවිධානය කර තිබුණේ ශ්‍රී ලංකා පදනම් ආයතනයේ සභාපති සරත් කෝන්ගහගේ මහතාගේ මූලිකත්වයෙනි.
 
ජයසූරිය උඩුකුඹුර
IMAGE

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 204

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 1869

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 1416

මත්පැන් ‘තිත්ත කරන’ පෙත්ත අතුරුදන්?

IMAGE 2017 Aug 15 17:23
මත්පැන් පානයට ඇබ්බැහිවූවන් ඉන් මුදවාලීම පිණිස නිෂ්පාදනය කොට ඇති ඖෂධ වර්ගයක් මේ දිනවල...
Views - 1132

කාලගුණ විද්‍යාඥයන් සුනාමි ගැන දන්නෙ කොහොමද? (Voice cut)

IMAGE 2017 Aug 15 13:00
සුනාමි ඇතිවීම, එහි බලපෑම, දුර ප්‍රමාණය ආදිය පිළිබඳව සමීක්ෂණ‍ සිදුකොට ඇත්තේ සාගර...
Views - 678

අත්තනගලු ඔයේ මාළුන්ට දන්සලක් (Video)

IMAGE 2017 Aug 14 12:58
ලක් ඉතිහාසයේ එදා මෙදා තුර වාර්තා වන සුවිසල්ම දානය සිරිසඟබෝ රජතුමා විසින් පිරිනමන ලද්දකි. ඒ...
Views - 2030

Please publish modules in offcanvas position.