Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

SL post

 පාර්ලිමේන්තු මන්ත්‍රීවරුන් සහ පළාත් සභා මන්ත්‍රීවරුන් සඳහා ලබාදෙනු ලබන නිදහස් තැපැල් දීමනාව සියයට සියයකින් ඉහළ දැමීමට අමාත්‍ය මණ්ඩල අනුමැතිය හිමි වී තිබේ. 

මෙම තැපැල් පහසුකම්වල වටිනාකම 2007 වර්ෂයෙන් පසු සංශෝධනය කර නොමැත.

මේ අනුව පාර්ලිමේන්තු මන්ත්‍රීවරුන් සඳහා ලබාදෙනු ලබන රුපියල් 175000ක වාර්ෂික නිදහස් තැපැල් පහසුකම රුපියල් 350000ක් දක්වා ඉහළ නංවා තිබේ. පළාත් සභා මන්ත්‍රීවරුන් සඳහා ලබාදෙන රුපියල් 24000ක වාර්ෂික නිදහස් තැපැල් පහසුකම රුපියල් 48000ක් දක්වා ඉහළ නැංවීමට නියමිතය.

තැපැල්, තැපැල් සේවා හා මුස්ලිම් ආගමික කටයුතු අමාත්‍ය එම්.එච්.ඒ. හලීම් මහතා විසින් මීට අදාළ යෝජනා කැබිනට් මණ්ඩලයට ඉදිරිපත් කර තිබේ.

 

පානුක රාජපක්ෂ

 

 

Dayasri

කාන්තාවන්ට මත්පැන් මිලදී ගැනීමට තිබූ තහනම ඉවත්කරමින් මත්පැන් විකිණීමට අදාළව තිබූ ඇතැම් නීති ලිහිල් කරමින් මුදල් හා ජනමාධ්‍ය අමාත්‍ය මංගල සමරවීර මහතා ඉදිරිපත් කළ චක්‍ර‍ලේඛය අවලංගු කරනු ලැබුවේ එය ශ්‍රී ලංකාවේ කාන්තා සමාජට සහ සංස්කෘතියට නොගැළපෙන නිසා බව සම කැබිනට් ප්‍රකාශක අමාත්‍ය දයාසිරි ජයසේකර මහතා ඊයේ (17) පැවැසීය.

කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා එම අදහස් පැවැසීය.

මුදල් අමාත්‍යවරයාගේ මෙම චක්‍ර‍ලේඛය නිසා රජයට විශාල අපකීර්තියක් සිදුවූ බවද හෙතෙම කීවේය. කැබිනට් මණ්ඩලය දැනුවත් නොකර මෙම තීරණය ගෙන තිබූ බවත් ගම්වල සිටින බොහෝ කාන්තාවන්ද මෙම තීරණය නිසා අපහසුතාවට පත්වූ බවත් හෙතෙම කීවේය.

කෙසේ වෙතත් මෙම නීතිය නැවත ක්‍රියාත්මක කිරීම පිළිබඳව විරෝධය දක්වමින් මාධ්‍යවේදිනියක මෙහිදී ප්‍රශ්න කළේය. ඇය කියා සිටියේ කාන්තාවට පුරුෂයින්ට සමාන අයිතිවාසිකම් ලබාදීමට ව්‍යවස්ථාවට අනුව රජය බැදී සිටින බවයි. එවැනි තත්ත්වයක් මත කාන්තාවන් ඉලක්ක කර මෙවැනි නීති පැනවීම අසාධාරණ බව ඇය කියා සිටියාය.

ඊට පිළිතුරු දුන් අමාත්‍ය රාජිත සේනාරත්න මහතා පැවැසුවේ අපේ රටේ කාන්තාවන් යුරෝපයේ කාන්තාවන්ට සමාන කළ නොහැකි බවයි. තවද ශ්‍රී ලාංකික කාන්තාවන්ට මෙවැනි අවශ්‍යතා විදේශීය කාන්තාවන් තරමට නොමැති නිසා මෙවැනි නීති තිබිය යුතු බව කීවේය.

කාන්තාවකට තමා පිළිබඳව තීන්දු ගැනීමේ අයිතියක් තිබිය යුතු බවත් එය රජයට නීති පනවා හැසිරවිය නොහැකි බවත් අදාළ මාධ්‍යවේදිනිය නැවත ප්‍රශ්න කර සිටියාය.

මතින් නිදහස් රටක් තැනීම සඳහා බලයට පැමිණි වත්මන් රජය යටතේ මෙවැනි කාරණා කිසිසේත් සිදුනොවිය යුතුයි. 

සම අයිතිය තිබුණා කියලා පුරුෂයින් කරන සෑම දෙයක්ම කාන්තාවන්ට ගැළපෙන්නේ නැහැ. මෙවැනි නීතියක් අපේ රටේ තිබුණු බව කාන්තාවන් දැනගනු ලැබුවේත් මෙම චක්‍ර‍ලේඛය නිසයි. ඒ වෙනතුරු කාන්තාවන්ද මෙවැනි නීති ගැන නොදැන සිටි බවද රාජිත සේනාරත්න මහතා පැවැසීය. 

 

පානුක රාජපක්ෂ

Bar1

 

 

 

 

 

 

 

 

 

 

 

 

 

 

 

මත්පැන් අලෙවි සල්වල සේවය කිරීමට හා මත්පැන් අලෙවි සල්වලින් මත්පැන් මිලදී ගැනීමට කාන්තාවන්ට අවසර ලබාදෙමින් මුදල් අමාත්‍යවරයා විසින් පසුගිය 10 වැනිදා නිකුත් කළ ගැසට් පත්‍රය අවලංගු කිරීමට කැබිනට් මණ්ඩලය විසින් ගෙන ඇති තීරණය අවලංගු කරන ලෙස ඉල්ලා කාන්තාවෝ පිරිසක් ඊයේ (17) පස්වරුවේ ශේ්‍රෂ්ඨාධිකරණයට මූලික අයිතිවාසිකම් පෙත්සමක් ගොනු කළහ.

ජනාධිපතිවරයාගේ උපදෙස් මත ගෙන ඇතැයි කියන කැබිනට් මණ්ඩලයේ එම තීරණය මගින් තමන්ට අති සමානාත්මතාවේ අයිතිය අහෝසි වන බවත් නීතිඥ තීශ්‍ය වේරගොඩ මහතා මගින් ගොනුකර තිබූ එම පෙත්සම මගින් පෙත්සම්කාරියන් ඉල්ලා තිබුණි.

එබැවින් තම මූලික අයිතිවාසිකම් පෙත්සම විභාගයට ගැනීමට නියම කරනා ලෙසත් එම මූලික අයිතිවාසිකම් පෙත්සම් විභාගයෙන් අනතුරුව කැබිනට් මණ්ඩලයේ එකී තීරණය නිසා තමනනගේ මූලික අයිතිවාසිකම් කඩවී ඇති බවට නිගමනයක් කරනා ලෙසත් මුදල් අමාත්‍යවරයා, මුදල් අමාත්‍යංශයේ ‍ලේකම්වරයා හා නීතිපතිවරයා වගඋත්තරකරුවන් කරමින් ගොනු කළ එම මූලික අයිතිවාසිකම් පෙත්සම මගින් එම පෙත්සම්කාරියන් ඉල්ලා තිබුණි.

මහ බැංකු බැඳුම්කර සිද්ධිය පිළිබඳව ජනාධිපති විමර්ශන කොමිසන් සභාවේ  අවසන් වාර්තාව සහ  බරපතල වංචා, දුෂණ,  විමර්ශන කිරිම සඳහා වූ ජනාධිපති පරික්ෂණ අවසන් වාර්තාව අද දින පාර්ලිමේන්තුව වෙත භාර දී තිබේ.  මේ පිළිබඳව පැවැති විශේෂ  ප්‍රවෘත්ති සාකච්ඡාවක දී  කථානායක කරු ජයසුරිය මහතා සඳහන් කලේ රටේ  මහ ජනතාව වෙනුවෙන් මෙම  වාර්තාවන් සම්බන්ධව පාර්ලිමේන්තුවේ වගකීම විනිවිදභාවයෙන් යුතුව නොපිරිහෙලා ඉටු කිරීමට සහතික වන බවයි.

එ‍ලඹෙන 22 දා පෙරවරුවේ  පක්ෂ නායක රැස්වීමේදී  සාකච්ඡා කර ගනු ලබන ඉදිරි පියවර දැනුම් දෙන බවද සඳහන් කළ කථානායකවරයා  වැඩි  දුරටත්  සඳහන් කළේ   ඊට පෙර මෙම  වාර්තාවන් කඩිනමින් පරිවර්තනය කොට මුද්‍රණය  කර  සියළුම මන්ත්‍රි වරුන් වෙත  ලබා දීමට  හැකි වනු  ඇතැයි තමන් අපේක්ෂා කරන බවය.

ජනාධිපතිතුමන් සඳහන් කළ පරිදිම  අද දිනයෙහි අදාල  වාර්තාවන් නිසි පරිදි  පාර්ලිමේන්තුව වෙත  යොමු  කිරීම පිළිබදව කෘතඥතාව පළ කරන බවද කථානායකවරයා පැවසීය.

මෙම  අවස්ථාව සඳහා , නියෝජ්‍ය  කථානායක තිලංග සුමතිපාල, පාර්ලිමේන්තු මහ ලේකම් ධම්මික දසනායක, පාර්ලිමේන්තු කාර්ය මණ්ඩල ප්‍රධානී නියෝජ්‍ය  මහ ලේකම් නීල් ඉද්දවෙල යන  මහත්වරුද  සහභාගී වුහ.

අද (17) පෙරවරු 09.30 ට පමණ හැටන් - කොළඹ ප්‍රධාන මාර්ගයේ සටැඩන් වත්ත ප්‍රදේශයේ දී මෝටර් රථයක් පාර හරහා පෙරළීම නිසා එම මාර්ගයේ ධාවන කටයුතු එක් මංතීරුවකට සීමා වී තිබුණි.

වේගයෙන් ධාවනය වූ මෝටර් රථය මාර්ගය අද්දර ඇති කඳු ගැටයක ගැටී මාර්ගය හරහා පෙරළීමෙන් මෙම අනතුර සිදුව තිබේ. එහි දෙදෙනෙකු ගමන්කොට ඇතත් ඔවුන් කිසිවෙකුටත් තුවාල සිදුවී නැත.

එස්.ටී.පී සිල්වා

හැටන් පොලිසිය මේ සම්බන්ධ විමර්ශන පවත්වයි.




 

අගනුවර ප්‍රධාන පෙළේ බාලිකා විද්‍යාලයක ගුරුවරියක විසින් ධාවනය කළ මෝටර් රථයක වේගය එක්වරම වැඩි වීමෙන් එම බාලිකා විද්‍යාලයේ තාප්පයේ කොටසක්ද කඩාගෙන ගොස් අද්දර තිබූ මෝටර් රථයකට ද හානි සිදුව ඇත.

අද (17) පෙරවරු 6.15 ට පමණ සිදුවූ මෙම අනතුරින් එම ගුරුවරියද තුවාල ලබා තිබේ.

රථයේ තිරිංග වෙනුවට වැරදීමකින් ඇක්සලරේටරය පෑගීමෙන් මෙම අනතුර සිදුවන්නට ඇතැයි විශ්වාස කෙරේ. බම්බලපිටිය පොලිසිය මෙම අනතුර පිළිබඳව විමර්ශන සිදුකරයි.

 

 

ඉදිරි පළාත් පාලන ඡන්ද විමසීමට අදාල නිල ඡන්ද දැන්වීම් බෙදා හැරීම පිණිස හෙට (18) තැපැල් දෙපාර්තමේන්තුවට භාර දෙන බව මැතිවරණ කොමිසම කියයි.

ඒ අනුව ලබන පෙබරවාරි 04 වෙනි දිනට පෙර එම නිල ඡන්ද දැන්වීම් ඡන්ද දායකයන් හට ලැබෙනු ඇතැයි අතිරේක මැතිවරණ කොමසාරිස් සමන් රත්නායක මහතා කියයි.

 

 

රන් ආභරණ වංචාවක් සම්බන්ධයෙන් පසුගිය දා අත්අඩංගුවට ගැනුණු හෂිනි අමේන්ද්‍රා මහත්මිය මෙම මස 26 වෙනිදා දක්වා රක්ෂිත බන්ධනාගාරගත කිරීමට අද (17) තංගල්ල මහේස්ත්‍රාත්වරයා නියෝග කළේය.

චන්ද්‍රසේන ගමගේ - තංගල්ල

මහ බැංකු බැඳුම්කර ගනුදෙනුව විමර්ශනය කිරීම සඳහා පත්කළ ජනාධිපති කොමිසන් සභාවේ වාර්තාව අද (17) පාර්ලිමේන්තුවට ඉදිරිපත් කරන බව වරාය හා නාවික කටයුතු ඇමැති මහින්ද සමරසිංහ මහතා ප්‍රකාශ කළේය.
මෙම වාර්තාව පාර්ලිමේන්තුවට ඉදිරිපත් කිරීමෙන් පසු පක්ෂ නායක රැස්වීමක් කැඳවා ඒ පිළිබඳ විවාදයක් පැවැත්වීමට දින නියම කර ගනු ඇති බව ශ්‍රී ලංකා නිදහස් පක්ෂ මූලස්ථානයේදී ඊයේ (16) පැවැති මාධ්‍ය හමුවකදී මහින්ද සමරසිංහ මහතා පැවැසීය.
මහ බැංකු බැඳුම්කර වාර්තාව ප්‍රසිද්ධියට පත් කිරීමට පෙර කළ යුතු කාර්යයන් අවසන් කළ යුතුව තිබූ බවත් ඇමැතිවයා සඳහන් කළේය. පාර්ලිමේන්තුවට ඉදිරිපත් කළ පසු එය පාර්ලිමේන්තු වබේ අඩවියට ඇතුළත් කරන බවද ඒ මහතා පැවැසීය.
 
කමණී හෙට්ටිආරච්චි

මහනුවර සිට කටුගස්තොට දෙසට ධාවනය වෙමින් පැවැති කැබ් රථයක් අද (17) අලුයම විදුලි කණු දෙකක වැදී අනතුරට පත්ව තිබේ.

මාර්ගයේ පදික මාරු අසලින් ගමන් කළ සුනඛයෙකු බේරා ගැනීම සදහා උත්සහ කිරීමේ දී කැබ් රථය විදුලි කණු දෙකක ගැටී මාර්ගයේ පදික වේදිකාවේ ද ගැටී නතර වී තිබේ.

අනතුර හේතුවෙන් සුනඛයා ද මරණයට පත්ව ඇති අතර විදුලි කණු දෙක ද විනාශ වී ඇත.

වාහනයේ ගමන් කළ අයට අනතුරක් සිදුව නොමැති අතර සිද්ධිය සම්බන්ධයෙන් කටුගස්තොට පොලීසිය කටයුතු කරයි.

නදීක දයා බණ්ඩාර මහනුවර

ඉන්දියානු ශ්‍රි ලංකා තානාපති සබඳතාවයන් හි හැත්තෑවෙනි වසර සපුරාලීම නිමිත්තෙන් පැවැත්වෙන  විශේෂ සැමරුම් ප්‍රසංගයක් අද (17) :6.30 ට ජනාධිපති මෛත්‍රිපාල සිරිසේන මැතිතුමන් සහ කථානායක කරු ජයසූරිය මහතාගේ ප්‍රධානත්වයෙන් කොළඹ බණ්ඩාරනායක ජාත්‍යාන්තර සම්මන්ත්‍රණ ශාලාවේදී පැවැත්වේ.

Page 2 of 216

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 2762

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2548

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4042

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 4586

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5396

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3227

Please publish modules in offcanvas position.

X

Right Click

No right click