lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ශ්‍රී ලංකාව සහ ඉන්දියාව අතර තරග 5 කින් සමන්විත එක්දින ක්‍රිකට් තරගාවලිය සහ 20-20 තරගය සඳහා නම් කළ ඉන්දියානු සංචිතයෙන් යුවරාජ් සිං ඉවත් කර ඇති අතර රවිචන්ද්‍රන් අෂ්වින් සහ රවීන්ද්‍ර ජඩේජා විවේක ගන්වා තිබේ.
නවක ක්‍රීඩකයන් රැසකට අවස්ථාව හිමිවී ඇති අතර නායකයා ලෙස විරාත් කෝලි කටයුතු කරයි.

ඉන්දීය එක්දින සංචිතය
විරාත් කෝලි (නායක), ෂිකර් ධවාන්, ලෝකේෂ් රාහුල්, රෝහිත් ෂර්මා, අජින්ක්යා රහානේ, එම්.එස්. දෝනි, හාර්දික් පාන්ඩ්යා, අක්ෂාර් පටෙල්, කුල්දීප් යදාව්, බුවනේෂ්වර් කුමාර්, ජස්ප්‍රිට් බුම්රා, මනීෂ් පාන්ඩේ, යුස්වෙන්දර් චහාල්, කෙදර් ජදාව්, ෂර්දුල් තකූර්

ලන්ඩන්හිදී දින 10ක් පුරා පැවැති ලෝක ශූරතා මලල ක්‍රීඩා උළෙල නිමාවට පත්වන විට රන් පදක්කම් 10ක් රිදී 11ක් සහ ලෝකඩ 9ක් සමගින් පළමු ස්ථානය දිනා ගැනීමට ඇමෙරිකා එක්සත් ජනපදය සමත් විය.
කෙන්යාව රන් 5ක් රිදී 2ක් සහ ලෝකඩ 4ක් සමගින් දෙවැනි ස්ථානයට පත්වූ අතර, රන් 3ක් රිදී 1ක් සහ ලෝකඩ 2ක් දිනාගත් දකුණු අප්‍රිකාවට තෙවැනි ස්ථානය හිමිවිය.
මෙවර ක්‍රීඩා උළෙ‍ලේදී රටවල් 24ක් රන් පදක්කම් දිනා ගැනීමට සමත් වූ අතර, රටවල් 38ක් කුමන හෝ පදක්කමක් දිනා ගැනීමට සමත් විය.
පසුගිය 2015 බිජිං ලෝක ශූරතා මලල ක්‍රීඩා උළෙ‍ලේදී දෙවැනි තැන දිනාගත් ජැමෙයිකාව මෙවර 16 වැනි ස්ථානයට පත්වීම කැපී පෙනෙන සිදුවීමක් විය.
ලන්ඩන් ලෝක ශූරතා මලල ක්‍රීඩා උළෙ‍ලේ අවසන් තරග ඉසව් ලෙස පැවැති පිරිමි මීටර් 4*400 සහාය දිවීමේ තරගයේදී රන් පදක්කම ට්‍රිනිඩෑඩ් ඇන්ඩ් ටුබැගෝ (මි. 2.58.12) දිනාගත් අතර, කාන්තා මී. 4*400 රන් පදක්කම ඇමෙරිකාව (මි. 3.19.02) සතුවිය.
පිරිමි තරගයේ රිදී පදක්කම ඇමෙරිකාවටද (2.58.61) ලෝකඩ පදක්කම මහා බ්‍රිතානයටද (2.59.00) හිමිවූ අතර, කාන්තා තරගයේ රිදී පදක්කම මහා බ්‍රිතාන්‍යයටද (3.25.00) ලෝකඩ පදක්කම ‍පෝලන්තයටද (3.25.41) හිමි විය.
ක්‍රීඩා උළෙ‍ලේ තවත් ප්‍රධාන තරග ඉසව්වක් වූ කාන්තා මීටර් 800 තරගයේදී දකුණු අප්‍රිකාවේ කාස්ටර් සිමෙන්යා (මි. 1.55.16) රන් පදක්කම දිනාගත් අතර, බුරැන්ඩි රාජ්‍යයේ ෆ්‍රැන්සින් නියොන්සබා (1.55.92) රිදී පදක්කමද, ඇමෙරිකාවේ අජී විල්සන් (1.56.65) ලෝකඩ පදක්කමද දිනා ගත්හ.
17 වැනි ලෝක ශූරතා මලල ක්‍රීඩා උළෙල 2019 වසරේදී දෝහා කටාර් රාජ්‍යයේදී පැවැත්වේ.

ශ්‍රී ලංකාව සහ ඉන්දියාව අතර පල්ලෙකැ‍ලේ ජාත්‍යන්තර ක්‍රිකට් ක්‍රීඩාංගණයේ පැවැත්වෙන තෙවැනි ටෙස්ට් ක්‍රිකට් තරගයේ දෙවැනි දිනය වූ ඊයේ (13දා) මුල් ඉනිම වෙනුවෙන් ලකුණු 487 ක්  ලබාගත් ඉන්දියාව ශ්‍රී ලංකා මුල් ඉනිම ලකුණු 135 කට සීමා කරමින් ප්‍රබල තත්ත්වයක පසුවිය.
ලකුණු 352 ක් පසු පසින් සිට ඉනිමක පරාජයෙන් බේරීමේ සටන ඇරඹූ ශ්‍රී ලංකාව දිනය  අවසන් වන විට එක් කඩුල්ලක් දැවී ලකුණු 19 ක් ලබා සිටියේය. උපුල් තරංග ලකුණු 7 කට දැවී ගිය අතර දිමුත් කරුණාරත්න සහ මලින්ද පුෂ්පකුමාර කඩුල්‍ලේ රැඳී සිටියහ.
පළමු දිනයේ ෂිකර් ධවාන් වාර්තා කළ ශතකයත් ඊයේ හාර්දික් පාන්ඩ්යා වාර්තා කළ ප්‍රහාරාත්මක ශතකයත් හේතුවෙන් ඉන්දියාව ලකුණු 487 ක් රැස්කළ අතර ශ්‍රී ලංකා පිතිකරුවන් දැක්වූ දුර්වල පිතිහරඹය හේතුවෙන් ශ්‍රී ලංකාව අසීරු තත්ත්වයකට පත්විය.
කඩුලු එකපිට එක බිඳ වැටෙද්දී හුදෙකලා සටනක නිරත වූ නායක දිනේෂ් චන්දිමාල් ලකුණු 48 ක් වාර්තා කළද ශ්‍රී ලංකා ඉනිමේ බිඳ වැටීම වැළැක්වීමට එය ප්‍රමාණවත් නොවීය.
මොහොමඩ් ෂමීගේ පන්දු හමුවේ උපුල් තරංග (4) සහ දිමුත් කරුණාරත්න (5) අසාර්ථක වීමෙන් ලකුණු 23 ක් තුළ කඩුලු 2 ක් බි¼ඳ වැටුණි.
ලකුණු 18 ක් ලබා සිටි කුසල් මෙන්ඩිස් දුවද්දී දැවී යාමකට හසු වූ අතර ඇන්ජලෝ මැතිව්ස් ලකුණු නොලබාම පාන්ඩ්යාට ගොදුරු වීමෙන් ලකුණු 38 ක් තුළ කඩුලු 4 ක් බිඳ වැටුණි.
දික්වැල්ල සහ චන්දිමාල් එක්ව 5 වැනි කඩුල්ල වෙනුවෙන් ලකුණු 63 ක සම්බන්ධතාවක් තැබිමෙන් පසු ටෙස්ට් තරගය එක්දින තරගයක් කිරීමට ඉදිරියට පැන පහරදුන් දික්වැල්ල ලකුණු 29 ක් ලබා සිය කඩුල්ල පූජා කළේය.
කඩුලු 5 ක් බිඳ වැටී තිබියදී හයේ පහරක් එල්ල කිරීමට ගිය දිල්රුවන් (00) කුල්දිප්ගේ දෙවැනි කඩුල්ල බවට පත්වෙද්දී ලකුණු පුවරුව කඩුලු 6 ට ලකුණු 107 ක් ලෙස සටහන් විය.
මුළු ලකුණු සංඛ්‍යාව 125 ක්ව තිබියදී චන්දිමාල් ලකුණු 48 කට පිටියෙන් ඉවත් කිරීමට අෂ්වින් සමත් වීමෙන් 7 වැනි කඩුල්ල බිඳ වැටුණි.
පුෂ්පකුමාර (10) සහ විශ්ව ප්‍රනාන්දු (00) දවා ගැනීමට කුල්දීප් සමත් වූ අතර සඳකැන් ලකුණු 10 කට දවා ගැනීමට අෂ්වින් සමත් වීමෙන් ශ්‍රී ලංකා ඉනිම ලකුණු 135 කට අවසන් විය.
කුල්දීප් යදාව් ලකුණු 40 කට කඩුලු 4 ක්ද, අෂ්වින් සහ ෂමී කඩුලු 2 බැගින්ද බිඳ හෙලූ අතර පාන්ඩ්යා එක් කඩුල්ලක් දවා ගත්තේය.
මුලින්ම පන්දුවට පහර දුන් ඉන්දියාව වෙනුවෙන් සාර්ථක ආරම්භයක් ලබා දුන් ෂිකර් ධවාන් සහ ලෝකේෂ් රාහුල් ලකුණු 188 ක සම්බන්ධතාවක් තැබූ අතර පන්දුවාර 40 ක් යැවීමෙන් පසු පන්දු යැවීමට කැඳවූ මලින්ද පුෂ්පකුමාර ලකුණු 85 ක් ලබා සිටි රාහුල් දවා ගත්තේය.
ලකුණු අතර සිටින පුජාරා (8) අසාර්ථක වූ අතර මිනිත්තු 209 ක් කඩුල්‍ලේ රැඳී සිටිමින් පන්දු 123 දී හතරේ පහර 17 ක් සහිතව සිය 6 වැනි ටෙස්ට් ශතකය වාර්තා කළ ෂිකර් ධවාන් දවා ගැනීමට පුෂ්පකුමාර සමත්වීමෙන් ලකුණු 229 දී තෙවැනි කඩුල්ල බිඳ වැටුණි.
කෝලි සහ රහානේ අතර සම්බන්ධතාවය බිඳ දමමින් රහානේ ලකුණු 17 කට පිටියෙන් ඉවත් කිරීමට පුෂ්පකුමාර සමත් වීමෙන් පසු ලකුණු 42 ක් ලබා සිටි කෝලි දවා ගැනීමට සඳකැන් සමත්විය.
දෙවැනි නව පන්දුව ලබා ගැනීමෙන් පසු අෂ්වින් ලකුණු 31 කට දවාගත් විශ්ව ප්‍රනාන්දු ලකුණු 16 ක් ලබාසිටි විදිමන් සහා දවා ගැනීමෙන් ඉන්දියාවේ 7 වැනි කඩුල්ල ලකුණු 339 දී බිඳ වැටුණි.
හාර්දික් පාන්ඩ්යා සහ කුල්දීප් යදාව් එක්ව 8 වැනි කඩුල්ල වෙනුවෙන් ලකුණු 62 ක වටිනා සම්බන්ධතාවක් තැබිමෙන් ඉන්දියාව ලකුණු 400 සීමාව පසු කළේය.
ලකුණු 26 ක් ලබා සිටි යදාව් පිටියෙන් ඉවත් කළ සඳකැන් නව පිතිකරු ෂමී ලකුණු 8 කට දවා ගැනීමෙන් ලකුණු 421 ට කඩුලු 9 ක් බිඳ වැටුණි.
ඉන් පසු තරගයේ පාලනය සියතට ගත් පාන්ඩ්යා දැඩි ප්‍රහාරයක් එල්ල කරමින් සිය පළමු ශතකය වාර්තා කළ අතර අවසන් කඩුල්‍ලේ සම්බන්ධතාව ලකුණු 66 ක් විය.
පළමු අර්ධ ශතකය පන්දු 61 කින් වාර්තා කළ පාන්ඩ්යා ඉන් පසු පුෂ්පකුමාරගේ එක් පන්දු වාරයකදී ලකුණු 26 ක්ද සමගින් දෙවැනි අර්ධ ශතකය පන්දු 25 කදී වාර්තා කළේය.
පාන්ඩ්යා අවසානයේ සඳකැන්ට පළමු කඩුලු 5 ක් දවා ගැනීමේ අවස්ථාව උදාකර දෙමින් දැවී ගියේ පන්දු 96 කදී හතරේ පහර 7 ක් සහ හයේ පහර 6 ක් සහිතව ලකුණු 108 ක් වාර්තා කරමිනි.
පන්දුවෙන් දස්කම් දැක්වූ සඳකැන් ලකුණු 132 ට කඩුලු 5 ක්ද, පුෂ්පකුමාර ලකුණු 82 ට කඩුලු 3 ක්ද, විශ්ව ප්‍රනාන්දු ලකුණු 87 ට කඩුලු 2 ක්ද ලබා ගත්තේය.
අද තරගයේ තෙවැනි දිනයයි.      
 
මංගල ධර්මප්‍රේම පල්ලෙකැ‍ලේ සිට

ලන්ඩන්හිදී පැවැත්වෙන ලෝක ශූරතා මලල ක්‍රීඩා උළෙ‍ලේ තවත් ප්‍රධාන තරග ඉසව්වක් වූ කාන්තා මීටර් 400 තරගයේදී පිලිස් ෆ්‍රැන්සිස් ඇමෙරිකාවට තවත් රන් පදක්කමක් දිනා දීමට සමත් වූවාය.

පිලිස් ෆ්‍රැන්සිස් සිය පෞද්ගලික හොඳම කාලය වාර්තා කරමින් (තත්. 49.92) රන් පදක්කම දිනා ගනිද්දී හිටපු ලෝක ශූරිය වන ඇමෙරිකාවේම ඇලිසන් ෆීලිකිස්  තෙවැනි ස්ථානයට පත්වීම කාගේත් අවධානයට ලක්විය.

ඔලිම්පික් රන් පදක්කම් 6ක් සහ ලෝක ශූරතා මලල ක්‍රීඩා රන් පදක්කම් 9ක් දිනා සිටි ඇලිසන් ෆීලික්ස් සිය 10 වැනි ලෝක ශූරතා රන් පදක්කම දිනා ගැනීමේ අරමුනෙන් තරගාවලියට එක්වී සිටියද තම රටේම සහෘද ක්‍රීඩිකාවක් හමුවේ ඇයගේ බලා‍පොරොත්තු සුන් වී ගියේය. බහරේනයේ සල්වා එයිඩ් නේසර් තත්පර 50.06කින් තරගය නිමා කරමින් කාන්තා මී. 400 රිදී පදක්කමේ හිමිකාරිය බවට පත්වූවාය.

මෙම කාන්තා මී. 400 අවසන් තරගයට ජැමෙයිකානු ක්‍රීඩිකාවන් තිදෙනකුම තරග වැදුනද ඔවුන්ට පදක්කමක් දිනා ගැනීමට නොහැකි වූහ.

ඇමෙරිකාවේ ෆ්‍රැන්සිස්ට

ශ්‍රී ලංකාව සහ ඉන්දියාව අතර ලබන 12දා පල්ලෙකැ‍ලේදී පැවැත්වෙන තෙවැනි ටෙස්ට් ක්‍රිකට් තරගය සඳහා 15 දෙනකුගෙන් යුත් ශ්‍රී ලංකා සංචිතය නම් කර ඇති අතර, දුෂ්මන්ත චමීර සහ ලහිරු ගමගේ කැඳවා තිබේ.

ශ්‍රී ලංකාවේ අංක 1 දඟ පන්දු යවන්නා වන රංගන හේරත් ආබාධයක් හේතුවෙන් විවේක ගන්වා ඇති බැවින් ඒ වෙනුවට ලක්ෂාන් සඳකැන් තෙවැනි ටෙස්ට් තරගයට ක්‍රීඩා කරනු ඇතැයි පැවසේ.

පළමු ටෙස්ට් තරගයේදී කඩුලු 6ක් දවා ගත් වේග පන්දු යවන නුවන් ප්‍රදීප් එස්.එස්.සී. පිටියේ පැවැති දෙවැනි ටෙස්ට් තරගයේදී ආබාධයකට ගොදුරු වූ අතර, එම ස්ථානයට දුෂ්මන්ත චමීර කැඳවා තිබේ.

පළමු ටෙස්ට් තරගයට ක්‍රීඩා කර දෙවැනි ටෙස්ට් තරගයේදී ස්ථානය අහිමි වූ ධනුෂ්ක ගුණතිලක ටෙස්ට් සංචිතයෙන් ඉවත් කර ඇති අතර, ඒ වෙනුවට වේගපන්දු යවන ලහිරු ගමගේ සංචිතයට නම් කර තිබේ.

ශ්‍රී ලංකා ටෙස්ට් සංචිතය
දිනේෂ් චන්දිමාල් (නායක), උපුල් තරංග, ඇන්ජලෝ මැතිව්ස්, දිමුත් කරුණාරත්න, නිරෝෂන් දික්වැල්ල, කුසල් මෙන්ඩිස්, ධනංජය ද සිල්වා, ලහිරු තිරිමාන්න, ලහිරු කුමාර, විශ්ව ප්‍රනාන්දු, දුෂ්මන්ත චමීර, ලහිරු ගමගේ, දිල්රුවන් පෙරේරා, මලින්ද පුෂ්පකුමාර, ලක්ෂාන් සඳකැන්


මංගල ධර්මප්‍රේම

ශ්‍රී ලංකාව සහ ඉන්දියාව අතර පල්ලෙකැ‍ලේදී ලබන සෙනසුරාදා ආරම්භ වීමට නියමිත තෙවැනි ටෙස්ට් ක්‍රිකට් තරගයට පෙර කණ්ඩායම දිරිගැන්වීමේ විශේෂ සැසියක් පසුගියදා පැවැත්වුණි.
මෙහිදී ඉහළ දක්ෂතා වර්ධන අංශය, ශ්‍රී ලංකා පිල, තේරීම් කමිටුව විශේෂ උපදේශකයන් මෙන්ම ක්‍රීඩා බලධාරීන් එක්ව ක්‍රීඩකයන් දිරිගැන්වීමේ විශේෂ සැසියක් පවත්වා තිබේ.
මෙහිදී හිටපු ශ්‍රී ලංකා සුපිරි ක්‍රිකට් තරුවක් වන අරවින්ද ද සිල්වා සහ තේරීම් කමිටු සභාපති සනත් ජයසූරිය විශේෂ දේශන පවත්වා තිබේ.
ශ්‍රී ලංකා ක්‍රිකට් නායක දිනේෂ් චන්දිමාල් හා හිටපු නායක ඇන්ජලෝ මැතිව්ස්ද ක්‍රිකට් ආයතනයෙන් ලබාදෙන සහාය පිළිබඳව සතුට පළකර තිබේ.
මෙහිදී අදහස් දක්වා ඇති ක්‍රිකට් සභාපති තිලංග සුමතිපාල මහතා පවසා ඇත්තේ ලොව ඉහළ දක්ෂතා ඇති ක්‍රීඩකයන් රැසක් ශ්‍රී ලංකාව සතුව ඇති බවත්, දක්ෂතා එක ලෙස පවත්වා ගැනීමට ක්‍රීඩකයන් උනන්දු විය යුතු බවයි.
එම විශේෂ සැසියේ අවස්ථාවක් ඡායාරූපයේ දැක්වේ.

Page 1 of 17

IMAGE

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 204

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 1869

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 1416

මත්පැන් ‘තිත්ත කරන’ පෙත්ත අතුරුදන්?

IMAGE 2017 Aug 15 17:23
මත්පැන් පානයට ඇබ්බැහිවූවන් ඉන් මුදවාලීම පිණිස නිෂ්පාදනය කොට ඇති ඖෂධ වර්ගයක් මේ දිනවල...
Views - 1131

කාලගුණ විද්‍යාඥයන් සුනාමි ගැන දන්නෙ කොහොමද? (Voice cut)

IMAGE 2017 Aug 15 13:00
සුනාමි ඇතිවීම, එහි බලපෑම, දුර ප්‍රමාණය ආදිය පිළිබඳව සමීක්ෂණ‍ සිදුකොට ඇත්තේ සාගර...
Views - 678

අත්තනගලු ඔයේ මාළුන්ට දන්සලක් (Video)

IMAGE 2017 Aug 14 12:58
ලක් ඉතිහාසයේ එදා මෙදා තුර වාර්තා වන සුවිසල්ම දානය සිරිසඟබෝ රජතුමා විසින් පිරිනමන ලද්දකි. ඒ...
Views - 2030

Please publish modules in offcanvas position.