Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ක්‍රීඩා අමාත්‍යාංශ ක්‍රීඩාගාරයේදී පසුගියදා නිමාවට පත්වූ ජාතික කනිෂ්ඨ (අවු. 20න් පහළ) බර ඉසිලීමේ තරගාවලියේ දක්ෂතම බර උසුලන්නා ලෙස ගුවන් හමුදාවේ රුචිර රංගිත් ජයසේන සම්මාන දිනාගත් අතර, දක්ෂතම බර උසුලන්නිය ලෙස මහනුවර හෙල්ත් සෝන් ක්‍රීඩා සමාජයේ ශ්‍රීමාලි සමරකෝන් සම්මාන ලැබුවාය.
රුචිර ජයසේන කිලෝ ග්‍රෑම් 69 බර පන්තිය යටතේ කිලෝ ග්‍රෑම් 241ක බර එකතුවක් සටහන් කර ගනිමින්ද, ශ්‍රීමාලි සමරකෝන් කිලෝ ග්‍රෑම් 48 බර පන්තිය යටතේ කිලෝ ග්‍රෑම් 136ක බර එකතුවක් සටහන් කර ගනිමින්ද අදාල සම්මානයන් දිනා ගත්හ.
ශ්‍රී ලංකා බර ඉසිලීමේ සම්මේලනය විසින් සංවිධානය කරන ලද මෙම තරගාවලියෙහි ලකුණු 15ක් හිමිකරගත් මහනුවර ත්‍රිත්ව විදුහල පිරිමි සමස්ත ශූරතාව දිනා ගත් අතර, ලකුණු 16ක් හිමිකරගත් ‍පොළොන්නරුව බර ඉසිලීමේ සමාජය කාන්තා සමස්ත ශූරතාව දිනා ගත්තේය.
පිරිමි අනුශූරතාව ගුවන් හමුදාව (ලකුණු 13) සතු වූ අතර, ලකුණු 5 බැගින් ලබාගත් යාපනය බර ඉසිලීමේ සමාජය, ගාල්ල බර ඉසිලීමේ සමාජය, යුද හමුදාව සහ මහනුවර හෙල්ත් සෝන්ට කාන්තා සම අනුශූරතාව හිමි විය.
 
සපුමල් වීදිය බණ්ඩාර

මාත‍ලේ විජය විද්‍යාලයීය ආදි හොකී සහෘද එකමුතුව විසින් සංවිධානය කරන ලද සත් සාමාජික හොකී තරගාවලියේ පිරිමි ශූරතාව දිනා ගැනීමට දුෂ්මන්ත කිත්සිරිගේ නායකත්වයෙන් යුත් විජය ගෝල්ඩන් ඊගල්ස් කණ්ඩායම සමත් වූ අතර, කාන්තා ශූරතාව හිටපු ජාතික ක්‍රීඩිකා සුදේෂිකා පෙරේරාගේ නායකත්වයෙන් යුත් විජය මෙරූන්ස් කණ්ඩායමට හිමි විය.
මෙවර පිරිමි අනුශූරතාව පසුගිය වසරේ ශූරයන් වූ දීපාල් විජේසිංහගේ නායකත්වයෙන් සැදුම්ලත් විජය බ්ලැක් කැට්ස් කණ්ඩාමට හිමිවූ අතර, කාන්තා අනුශූරතාව විජය ගෝල්ඩ් කණ්ඩායම සතුවිය. මධ්‍යම පළාත් සභා මන්ත්‍රී ඩබ්ලිව්.එම්. යසමාන, හිටපු අමාත්‍ය රෝහණ දිසානායක යන මහත්වරුන්ගේ ප්‍රධානත්වයෙන් ඇරඹි මෙම තරගාවලියේ අවසන් මහා තරගය විජය විද්‍යාලයීය විදුහල්පති රංජිත් සිරිවර්ධන සහ ජාතික හොකී පුහුණුකරු අනුරුද්ධ හේරත් බණ්ඩාර යන මහත්වරුන්ගේ ප්‍රධානත්වයෙන් පැවැත්වුණි.

ශ්‍රී ලංකා යුද්ධ හමුදා අන්තර් රෙජිමේන්තු හෑන්ඩ්බෝල් තරගාවලියේ පිරිමි ශූරතාව දිනා ගැනීමට විජයබාහු පාබල රෙජිමේන්තුව සමත් විය.
ශ්‍රී ලංකා යුද්ධ හමුදාවේ රෙජිමේන්තු 12ක් සහ කාන්තා බලකා ඒකක 4ක ක්‍රීඩක ක්‍රීඩිකාවන්ගේ සහභාගිත්වයෙන් පැවැති මෙම තරගාවලියේ පිරිමි අවසන් තරගයේදී විජයබාහු පාබල රෙජිමේන්තුව හමුවේ ශ්‍රී ලංකා සිංහ රෙජිමේන්තුව පරාජය ලැබිය.
කාන්තා අවසන් තරගයේදී 1 වන කාන්තා බලකාය පරාජය කරමින් ශූරතාව දිනා ගැනීමට 3 වන (ස්වේච්ඡා) බලකාය සමත් විය.
මෙම තරගාවලිය පසුගියදා පනාගොඩ යුද්ධ හමුදා ජනපද ක්‍රීඩාගාරයේදී පැවැත්වුණි.

ලෝක බැඩ්මින්ටන් සම්මේලනය ශ්‍රී ලංකා බැඩ්මින්ටන් සංගමයට පනවා තිබූ තහනම ඉවත් කර ඇති බව ක්‍රීඩා අමාත්‍යාංශය නිවේදනය කරයි.
පසුගියදා ක්‍රීඩා අමාත්‍ය දයාසිරි ජයසේකර මහතා ඇතුළු නිලධාරීන් ලෝක බැඩ්මින්ටන් සම්මේලනයේ නිලධාරීන් සමග ඩුබායිහිදී පැවැති සාකච්ඡාවකින් අනතුරුව මෙම තීරණය ගෙන තිබේ.
ඩුබායිහිදී පැවැති සාකච්ඡාවලදී මෙරට ක්‍රීඩා නීතිය පිළිබඳවත් එයට පටහැනිව කිසිදු ක්‍රීඩා සංගමයකට කටයුතු කළ නොහැකි බවත් ක්‍රීඩා අමාත්‍යවරයා විසින් අවධාරණය කර තිබේ.
මෙම තහනම ඉවත් කිරීම සම්බන්ධයෙන් ලෝක බැඩ්මින්ටන් සම්මේලනය විසින් එවන ලද ලිපියේ නිලවරණය පැවැත්වෙනතුරු අතුරු කමිටුවක් පත්කිරීමටත්, එම කමිටුව සඳහා නිශාන්ත ජයසිංහ, ක්ලැරන්ස් හෝමර්, මංගල ගමගේ, රොහාන් ද සිල්වා සහ ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල්වරයා නම් කරන නියෝජිතයෙක් පත්කිරීමට කටයුතු කරන ලෙසටද යෝජනා කර ඇත.
ලෝක බැඩ්මින්ටන් සම්මේලනය විසින් පනවා තිබූ තහනම හේතුවෙන් මෙරට බැඩ්මින්ටන් ක්‍රීඩක ක්‍රීඩිකාවන්ට ජාත්‍යන්තර තරග අහිමිවීමේ අවදානමක් තිබුණද එම අවදානම මින් ඉදිරියට පහව යන බව ක්‍රීඩා අමාත්‍යාංශ නිවේදනයේ දැක්වේ.

මාස අටකට ආසන්න කාලයක සිට දිනෙන් දින කල් දමමින් පැවැති ශ්‍රී ලංකා කැරම් සම්මේලනයේ වාර්ෂික නිලවරණය පසුගියදා ක්‍රීඩා අමාත්‍යාංශ ශ්‍රවණාගාරයේදී පැවැති අතර, එහිදී නව සභාපති ලෙස ශ්‍රී ලංකා රේගුවේ අධ්‍යක්ෂවරයකු වන පරාක්‍රම බස්නායක මහතා වැඩි ඡන්දයෙන් තේරී පත්විය.
පරාක්‍රම බස්නායක මහතා කැරම් සම්මේලනයේ නිල තනතුරක් දරන ප්‍රථම අවස්ථාව මෙය වන අතර, 1990 වසරේ සිට වරින් වර විවිධ තනතුරු දැරූ ශ්‍රී ලංකා ‍පොලීසියේ දයා විදානගම මහතා මෙවර නිලවරණයේදී වැඩි ඡන්දයෙන් ‍ලේකම් ධුරයට තේරී පත්විය.
 
නව නිලධාරී මණ්ඩලය
සභාපති :- පරාක්‍රම බස්නායක
‍ලේකම් :- දයා විදානගම
උප සභාපතිවරු :- වී.ටී.එස්. සිරිමාන්න, බ්‍රින්ඩ්ලි වික්‍රමසිංහ, චින්තක එස්. ගුණසේකර, රවීන්ද්‍ර වික්‍රමසිංහ, සුසන්ත ප්‍රනාන්දු
තරග ‍ලේකම් :- අමිතා වික්‍රමසිංහ
භාණ්ඩාගාරික :- ජානක ජීවන්දර
උප ‍ලේකම් :- කේ. ජයසිංහ
උප භාණ්ඩාගාරික :- ප්‍රිමාල් ප්‍රනාන්දු
 
ප්‍රභාත් විදානපතිරණ

ශ්‍රී ලංකා වොලිබෝල් සම්මේලනය ඩයලොග් ආසියාටා සමාගමේ පූර්ණ අනුග්‍රාහකත්වය ඇතිව පවත්වනු ලැබූ ‘ඩයලොග් ජනාධිපති රන් කුසලාන වොලිබෝල් තරගාවලියේ’ විවෘත අංශයේ පිරිමි සහ කාන්තා ශූරතා දිනා ගැනීමට කටාන ඒකාබද්ධ සහ කොස්වාඩිය විජය ක්‍රීඩා සමාජ සමත් විය.
කොළඹ සුගතදාස ගෘහස්ථ ක්‍රීඩා සංකීර්ණයේදී පසුගියදා නිමාවට පත්වූ මෙම තරගාවලියේ විවෘත පිරිමි අවසන් තරගයේදී කටාන ඒකාබද්ධ හමුවේ නාත්තන්ඩිය යුනයිටඩ් තරග වට 3-2කින් පරාජය ලැබිය.
විවෘත කාන්තා අවසන් තරගයේදී කොස්වාඩිය විජය හමුවේ සියඹලාගොඩ කපිල ක්‍රීඩා සමාජය තරග වට 3-2කින් පරාජය ලැබිය.
විවෘත අංශයේ දක්ෂතම ක්‍රීඩකයා ලෙස ජනිත් සුරත් (කටාන ඒකාබද්ධ) සම්මාන ලැබූ අතර, දක්ෂතම ක්‍රීඩිකාව ලෙස දිනේෂා ප්‍රසාදිනී (කොස්වාඩිය විජය) සම්මාන ලැබුවාය.
මෙම තරගාවලියේ අවුරුදු 22න් පහළ පිරිමි ශූරතාව නාත්තන්ඩිය යුනයිටඩ් ක්‍රීඩා සමාජය දිනාගත් අතර, කාන්තා ශූරතාව ගලිගමුව බෝයගම සිරි පැරකුම් ක්‍රීඩා සමාජය දිනා ගත්තේය. 
නාත්තන්ඩිය යුනයිටඩ් සහ හුංගම විජයබා අතර පැවැති පිරිමි අවසන් තරගයේදී නාත්තන්ඩිය විජයබා වට 3-0කින් ජයගත් අතර, ගලිගමුව බෝයගම සිරි පැරකුම් සහ කුරුණෑගල කැෂුවලයින් අතර පැවැති කාන්තා අවසන් තරගයේදී බෝයගම සිරි පැරකුම් වට 3-2ක ජයක් වාර්තා කළේය.
අවුරුදු 22න් පහළ දක්ෂතම ක්‍රීඩකයා ලෙස මහේල ඉන්දීවර (නාත්තන්ඩිය යුනයිටඩ්) සම්මාන දිනාගත් අතර, දක්ෂතම ක්‍රීඩිකාව ලෙස නිමේෂිකා සෙව්වන්දි (බෝයගම සිරි පැරකුම්) සම්මාන ලැබුවාය. 
තරගාවලියේ ජය සංකේත ප්‍රදානය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් සිදුකෙරුණි.
ප්‍රභාත් විදානපතිරණ

Page 1 of 12

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 2580

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2467

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 3961

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 4503

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5323

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3170

Please publish modules in offcanvas position.

X

Right Click

No right click