Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඩයලොග් අන්තර් ක්‍රීඩා සමාජ ලීග් රග්බි තරගාවලිය යටතේ මෙම සති අන්තයේදී තරග 4ක් පැවැත්වෙන අතර, මහනුවර සහ සී.ආර්. අතර තරගය හෙට (13දා) නිත්තවෙලදී පැවැත්වේ.
අද (12දා) සී.එච්. සහ ගුවන් හමුදාව අතර තරගය තුරඟ තරග පිටියේදී පැවැත්වෙන අතර, හැව්ලොක්ස් සහ යුද හමුදාව අතර තරගය හෙට හැව්ලොක් පිටියේදී පැවැත්වේ.
නාවික හමුදාව සහ ‍පොලිසිය අතර තරගය හෙට පස්වරු 4.00ට ‍පොලිස් පිටියේදී ආරම්භ වෙයි.

ඩයලොග් අන්තර් ක්‍රීඩා සමාජ ලීග් රග්බි තරගාවලියේ 9 වැනි සති අන්තය අවසන් වන විට ලකුණු සටහනේ දෙවැනි තැන දිනා ගැනීමට හැව්ලොක්ස් සහ නාවික හමුදාව අතර තියුණු සටනක් නිර්මාණය වී තිබේ.
මේ වන විට දෙපිලම තරග 6 බැගින් ජයගෙන ඇති අතර, ප්‍රසාද ලකුණුද සමගින් හැව්ලොක්ස් ලකුණු 36ක්ද නාවික හමුදාව ලකුණු 34ක්ද ලබා සිටියි.
පසුගිය සති අන්තයේදී සී.එච්. වෙතින් අනපේක්ෂිත පරාජයක් ලැබූ හැව්ලොක්ස් පි‍ලේ කුසලාන දිනා ගැනීමේ බලා‍පොරොත්තු සුන්වන ලකුණු පහළ වී තිබේ.
නාවික හමුදාව පසුගිය සති අන්තයේදී යුද හමුදාව පරාජය කරමින් තෙවැනි තැන දක්වා පැමිණ හැව්ලොක්ස්ට තියුණු අභියෝගයක් එල්ල කරමින් සිටියි.
තරග 9ම ජය ගනිමින් අපරාජිතව ලකුණු සටහනේ පෙරමුණ ගෙන සිටින මහනුවර දෙවැනි ස්ථානයට වඩා ලකුණු 16ක් ඉදිරියෙන් සිටිමින් මෙවරද ලීග් ශූරතාව දිනා ගන්නා ලකුණු පහළ වී තිබේ.
තරග 5ක් ජයගත් සී.ආර්. සිව්වැනි ස්ථානයේ පසුවන අතර, තරග 4ක් ජයගත් සී.එච්. පස්වැනි ස්ථානයේ පසුවෙයි.
 
මංගල ධර්මප්‍රේම 
 

අන්තර් ක්‍රීඩා සමාජ ලීග් රග්බි තරගාවලිය යටතේ තවත් පෙරළිියක් සිදුකළ සී.එච්. ක්‍රීඩකයෝ ලකුණු සටහනේ දෙවැනි තැන රැඳී සිටි හැව්ලොක්ස් ලකුණු 27-25 කින් හැව්ලොක් පිටියේදීම පරාජය කිරීමට සමත් විය.
පළමු භාගයේදී හැව්ලොක්ස් ලකුණු 25-13 ක් ලෙස පෙරමුණ ගෙන සිටියද දෙවැනි භාගයේදී විශිෂ්ට ක්‍රීඩා විලාශයක නිරතවෙමින් තියුණු ජයක් වාර්තා කිරීමට සී.එච්. සමත් විය.
සී.එච්. ගෝල 3 ක් දඬුවම් පහරක් සහ ඩේ‍රාප් ගෝලයක් මගින් ලකුණු ලබා ගත් අතර හැව්ලොක්ස් ගෝල 2ක් උත්සාහක දිනුමක් සහ දඬුවම් පහර 2ක් මගින් ලකුණු ලබා ගත්තේය.
මෙම පරාජයත් සමගම හැව්ලොක්ස් පි‍ලේ මෙවර ශූරතාව දිනා ගැනීමේ බලා‍පොරොත්තු සුන්වන ලකුණු පහලවී තිබේ.
සී.එච්. වෙනුවෙන් ඉරංග ආරියපාල (2) සහ ලී කීගල් උත්සාහක දිනුම් වාර්තා කළ අතර සැමුවෙල් මධුවන්ත ප්‍රවර්තන 3 ක් දඬුවම් පහරක් සහ ඩේ‍රාප් ගෝලයක් මගින් ලකුණු ලබා ගත්තේය.
හැව්ලොක්ස් වෙනුවෙන් හිරන්ත පෙරේරා, ලසිඳු ඉෂාන් සහ ෂෙහාන් ඩයස් උත්සාහක දිනුම් වාර්තා කළ අතර රීසා මුබාරක් ප්‍රවර්තන 2 ක් සහ දඬුවම් පහර 2 ක් සාර්ථකව නිම කළේය.
 
සී.ආර්.-‍පොලීසිය
සී.ආර්. සහ ‍පොලීසිය අතර තරගයෙන් තියුණු සටනකින් පසු ලකුණු 33-31 ක ජයක් වාර්තා කිරීමට සී.ආර්. සමත් විය.
පළමු භාගය අවසන් වන විට සී.ආර්. ලකුණු 26-10 ක් ලෙස පෙරමුණ ගෙන සිටියද දෙවැනි භාගයේදී විශිෂ්ට සටනක් දුන් ‍පොලිස් ක්‍රීඩකයෝ අවසානයේ ලකුණු 2 ක පරතරයකින් පරාජය විය.
සී.ආර්. වෙනුවෙන් ඔමල්ක ගුණරත්න (2) ගයාන් ජයසේකර, රීසා රිෆයිඩීන් සහ කවිඳු පෙරේරා උත්සාහක දිනුම් වාර්තා කළ අතර තරින්ද රත්වත්ත ප්‍රවර්තන 4 ක් සාර්ථකව නිම කළේය.
‍පොලීසිය වෙනුවෙන් වජීඩ් ෆවුමි, ඉරෝෂ් සිල්වා සහ සංදේශ් ජයවික්‍රම උත්සාහක දිනුම් වාර්තා කළ අතර දඬුවම් උත්සාහක දිනුමක්ද හිමිවිය. සංදේශ් ජයවික්‍රම ප්‍රවර්තන 4 ක් සහ දඬුවම් පහරක් මගින් ලකුණු ලබා ගත්තේය.
 
මහනුවර-ගුවන් හමුදාව
මහනුවර සහ ගුවන් හමුදාව අතර රත්මලානේ පැවැති තරගයෙන් උත්සාහක දිනුම් 10 ක් සමගින් ලකුණු 64-12 ක දැවැන්ත ජයක් වාර්තා කරමින් තව දුරටත් අපරාජිත වාර්තාව රැක ගැනීමට මහනුවර සමත් විය.
මහනුවර ගෝල 7ක් සහ උත්සාහක දිනුම් 3ක් මගින් ලකුණු රැස් කළ අතර ගුවන් හමුදාව ගෝලයක් සහ දඬුවම් පහරක් මගින් ලකුණු ලබා ගත්තේය.
මහනුවර වෙනුවෙන් දනූෂ දයාන් (2) බුවනෙක උඩංගමුව, ධනුෂ්ක රංජන්, ෂෙහාන් පතිරණ, අනුරුද්ධ විල්වර, යකුබ් අලී, තරිඳු චතුරංග, නයිජල් රත්වත්ත සහ උචිත ජයසූරිය උත්සාහක දිනුම් වාර්තා කළ අතර තිලිණ විජේසිංහ ප්‍රවර්තන 7 ක් සාර්ථකව නිම කළේය.
ගුවන් හමුදාව වෙනුවෙන් ඉෂාර මධුෂාන් උත්සාහක දිනුමක් වාර්තා කළ අතර දඬුවම් උත්සාහක දිනුමක්ද හිමිවිය.
 
මංගල ධර්මප්‍රේම

ඩයලොග් අන්තර් ක්‍රීඩා සමාජ ලීග් රග්බි තරගාවලියේ දෙවැනි වටයේ පළමු සති අන්තය අවසන් වන විට අපරාජිතව ලකුණු සටහනේ පෙරමුණ ගැනීමට ගියවර ශූර මහනුවර සමත් වී සිටියි.
පසුගිය සති අන්තයේ නිත්තවෙලදී පැවැති ‍පොලීසියට එරෙහි තරගයේදී උත්සාහක දිනුම් 9ක් සමගින් ලකුණු 61-20ක ජයක් වාර්තා කිරීමට මහනුවර සමත් විය.
මෙම තරගයේදී මහනුවර නායක ගයාන් වීරරත්න සහ ගියවර නායකයා වූ රොෂාන් වීරරත්න විවේක ගන්වා තිබුණි.
මේ අතර පළමු වටය අවසානයේ ලකුණු සටහනේ සිව්වැනි තැන රැඳී සිටි නාවික හමුදාව ලකුණු 27-24කින් සී.එච්. පරදවමින් ලකුණු සටහනේ තෙවැනි තැනට පත්වීමට සමත් විය. 
තෙවැනි වටය අවසානයේ ලකුණු සටහනේ තෙවැනි තැන සිටි යුද හමුදාව ලකුණු 24-17කින් සී.ආර්.ට පරාජය වීමෙන් සිව්වැනි ස්ථානය දක්වා පහත වැටුණි. 
පළමු වටය අවසානයේ 6 වැනි ස්ථානයේ සිටි සී.ආර්. මෙම සති අන්තයේදී 5 වැනි තැන දක්වා ඉහළට පැමිණි අතර, සී.එච්. 6 වැනි තැන දක්වා පහළට වැටුණි.
තරග 8න් 6ක් ජයගත් හැව්ලොක්ස් ලකුණු සටහනේ දෙවැනි තැන රැඳී සිටියි.
මෙම සති අන්තයේදී තවත් තීරණාත්මක තරග 4ක් පැවැත්වීමට නියමිතව තිබේ.
 
මංගල ධර්මප්‍රේම

ඩයලොග් අන්තර් ක්‍රීඩා සමාජ ලීග් රග්බි තරගාවලියේ දෙවැනි වටය ආරම්භ කරමින් පැවැති නාවික හමුදාව සහ සී.එච්. අතර තරගයෙන් අවසන් මොහොතේ තිළිණ වීරසිංහ වාර්තා කළ දඬුවම් පහරින් ලකුණු 27-24ක තියුණු ජයක් වාර්තා කිරීමට නාවික හමුදාව සමත් විය.
පළමු භාගය අවසන් වන විට සී.එච්. ලකුණු 17-10ක් ලෙස පෙරමුණ ගෙන සිටි අතර, තරගය නිම වීමට මිනිත්තු 3ක් ඉතිරිව තිබියදී ලකුණු තත්ත්වය 24-24ක් ලෙස සම තත්ත්වයේ පසුවිය.
මේ අවස්ථාවේදී තිළිණ වීරසිංහ වාර්තා කළ දඬුවම් පහරින් නාවික හමුදාවට 27-24ක ජයක් හිමි විය.
නාවික හමුදාව වෙනුවෙන් කසුන් ද සිල්වා, ස්ටීවන් ගේ‍රගරි, ලහිරු විශ්වජිත් උත්සාහක දිනුම් වාර්තා කළ අතර, තිළිණ වීරසිංහ ප්‍රවර්ථන 3ක් සහ දඬුවම් පහර 2ක් මගින් ලකුණු ලබා ගත්තේය.
සී.එච්. වෙනුවෙන් අවන්ත ලී, රෝහිත රාජපක්ෂ, උත්සාහක දිනුම් වාර්තා කළ අතර, දඬුවම් උත්සාහක දිනුමක්ද හිමි විය. සැමුවෙල් මධුවන්ත ප්‍රවර්ථන 3ක් සහ දඬුවම් පහරක් සාර්ථකව නිම කළේය.
 
මහනුවර-‍පොලීසිය
නිත්තවෙලදී පැවැති මහනුවර සහ ‍පොලීසිය අතර තරගයෙන් ලකුණු 61-20ක පහසු ජයක් වාර්තා කිරීමට මහනුවර සමත් විය.
මහනුවර වෙනුවෙන් නයිජල් රත්වත්ත (2), අරුද්ධ විල්වර (2) රිචඩ් ධර්මපාල, ධනුෂ්ක රංජන්, ධනූෂ දයාන්, ශ්‍රීනාත් සූරියබණ්ඩාර සහ උචිත ජයසූරිය උත්සාහක දිනුම් වාර්තා කළ අතර, තිළිණ විජේසිංහ ප්‍රවර්ථන 7ක් සාර්ථකව නිම කළේය.
‍පොලීසිය වෙනුවෙන් උදාර සූරියප්පෙරුම උත්සාහක දිනුමක් වාර්තා කළ අතර, දඬුවම් උත්සාහක දිනුමක්ද හිමි විය. සංදේශ් ජයවික්‍රම ප්‍රවර්ථනයක් සහ දඬුවම් පහර 2ක් මගින් ලකුණු ලබා ගත්තේය.
 
සී.ආර්.-යුද හමුදාව 
සී.ආර්. සහ යුද හමුදාව අතර පැවැති තරගය තියුණු මුහුණුවරක් ගත් අතර, අවසානයේදී ලකුණු 24-17ක ජයක් වාර්තා කිරීමට සී.ආර්. සමත් විය.
පළමු භාගය අවසන් වන විට දෙපිලම ලකුණු 10 බැගින් ලබා සම තත්ත්වයෙන් පසුවිය.
සී.ආර්. වෙනුවෙන් ඔමල්ක ගුණරත්න, සුපුන් වර්ණකුලසූරිය සහ කවිඳු පෙරේරා උත්සාහක දිනුම් වාර්තා කළ අතර, තරින්ද රත්වත්ත ප්‍රවර්ථන 3ක් සහ දඬුවම් පහරක් මගින් ලකුණු ලබා ගත්තේය.
යුද හමුදාව වෙනුවෙන් විනෝද් කුමාර් සහ සමීර බුලත්සිංහල උත්සාහක දිනුම් වාර්තා කළ අතර, ගයාන් සාලින්ද ප්‍රවර්ථන 2ක් සහ දඬුවම් පහරක් මගින් ලකුණු ලබා ගත්තේය.
 
හැව්ලොක්ස්-ගුවන් හමුදාව
හැව්ලොක්ස් සහ ගුවන් හමුදාව අතර පැවැති තරගයෙන් ලකුණු 34-18ක පහසු ජයක් වාර්තා කිරීමට හැව්ලොක්ස් සමත් විය.
හැව්ලොක්ස් වෙනුවෙන් දුලාජ් පෙරේරා, සුදම් සූරියආරච්චි, 
දුෂ්මන්ත ප්‍රියසාද්, චාමර දාබරේ සහ අස්මීර් ෆජුඩීන් උත්සාහක දිනුම් වාර්තා කළ අතර, රීසා මුබාරක් ප්‍රවර්ථන 3ක් සහ දඬුවම් පහරක් මගින් ලකුණු ලබා ගත්තේය.
ගුවන් හමුදාව වෙනුවෙන් ඉෂාර මධුෂාන් සහ සූර්ය ක්‍රිෂාන් උත්සාහක දිනුම් වාර්තා කළ අතර, චරිත් සෙනෙවිරත්න ප්‍රවර්ථනයක් සහ දඬුවම් පහර 2ක් මගින් ලකුණු ලබා ගත්තේය.
 
මංගල ධර්මප්‍රේම 

ඩයලොග් අන්තර් ක්‍රීඩා සමාජ ලීග් රග්බි තරගාවලිය යටතේ සති අන්තයේ පැවැති තීරණාත්මක මහනුවර සහ හැව්ලොක්ස් අතර තරගයෙන් ලකුණු 20-9ක ජයක් වාර්තා කළ මහනුවර පළමු වටය අවසානයේදී ලකුණු සටහනේ පෙරමුණ ගැනීමට සමත් විය.
පළමු භාගය අවසානය වන විට ලකුණු 6-3ක් ලෙස පසුපසින් සිටි මහනුවර සිය අපරාජිත වාර්තාව රැක ගනිමින් අවසානයේදී විශිෂ්ට ජයක් වාර්තා කළේය.මහනුවර ගෝලයක්, උත්සාහක දිනුම් 2ක් සහ දඬුවම් පහරක් මගින් ලකුණු ලබාගත් අතර, හැව්ලොක්ස් දඬුවම් පහර 3ක් මගින් ලකුණු ලබා ගත්තේය.
මහනුවර වෙනුවෙන් යකුබ් අලී, නයිජල් රත්වත්ත සහ රිචඩ් ධර්මපාල උත්සාහක දිනුම් වාර්තා කළ අතර, නයිජල් රත්වත්ත එක් ප්‍රවර්ථනයක් සහ දඬුවම් පහරක් මගින් ලකුණු ලබා ගත්තේය.
හැව්ලොක්ස් වෙනුවෙන් රීසා මුබාරක් දඬුවම් පහර 2ක්ද, දුලාජ් පෙරේරා එක් දඬුවම් පහරක්ද සාර්ථකව නිම කළේය.
සී.එච්.-නාවික හමුදව
තුරඟ තරග පිටියේදී පැවැති ප්‍රබල නාවික හමුදාව සහ සී.එච්. අතර තරගයෙන් ලකුණු 27-24ක තියුණු ජයක් වාර්තා කිරීමට සී.එච්. සමත් විය.
පළමු භාගය අවසන් වන විට නාවික හමුදාව ලකුණු 12-10ක් ලෙස පෙරමුණේ පසුවුවද විශිෂ්ට ක්‍රීඩා විලාශයක නිරත වූ සී.එච්. ක්‍රීඩකයෝ අවසානයේ තියුණු ජයක් වාර්තා කළහ.
සී.එච්. ගෝල 3ක්, දඬුවම් පහරක් සහ ඩේ‍රාප් ගෝලයක් මගින් ලකුණු ලබාගත් අතර, නාවික හමුදාව ගෝල 2ක් සහ උත්සාහක දිනුම් 2ක් මගින් ලකුණු ලබා ගත්තේය.
සී.එච්. වෙනුවෙන් යෝෂිත රාජපක්ෂ, සසංක ආරියරත්න සහ සැමුවෙල් මධුවන්ත උත්සාහක දිනුම් වාර්තා කළ අතර, මධුවන්ත ප්‍රවර්ථන 3ක්, දඬුවම් පහරක් සහ ඩේ‍රාප් ගෝලයක් මගින් ලකුණු ලබා ගත්තේය.
නාවික හමුදාව වෙනුවෙන් මාහොමඩ් අබ්ෂාල්, බුද්ධිම ප්‍රියරත්න, දුලංජන විජේසිංහ සහ තනූජ මාලිම්බඩ උත්සාහක දිනුම් වාර්තා කළ අතර, තිළිණ විජේසිංහ ප්‍රවර්ථන දෙකක් නිම කළේය.
සී,ආර්.-‍පොලීසිය
සී.ආර්. සහ ‍පොලීසිය අතර පැවැති තරගයෙන් ලකුණු 53-13ක පහසු ජයක් වාර්තා කිරීමට සී.ආර්.සමත් විය.
පළමු භාගය අවසන් වන විට සී.ආර්. ලකුණු 34-6ක් ලෙස පෙරමුණේ පසුවිය.
සී.ආර්. වෙනුවෙන් කවිඳු පෙරේරා (2), තරින්ද රත්වත්ත (2), කෝකිල සම්මන්දපෙරුම (2), හෆීස් නූර් (1), අවිශ්ක හීන්පැල්ල (1) උත්සාහක දිනුම් වාර්තා කළ අතර, තරින්ද රත්වත්ත ප්‍රවර්ථන 3ක් සහ ඩේ‍රාප් ගෝලයක් මගින් ලකුණු ලබා ගත්තේය.
‍පොලීසිය වෙනුවෙන් උදාර සූරියප්පෙරුම උත්සාහක දිනුමක් වාර්තා කළ අතර, සංදේශ් ජයවික්‍රම ප්‍රවර්ථනයක් සහ දඬුවම් පහර 2ක් මගින් ලකුණු ලබා ගත්තේය.
යුද හමුදාව - ගුවන් හමුදාව
කොළඹ තුරඟ තරග පිටියේ පැවැති යුද හමුදාව හා ගුවන් හමුදාව අතර තරගයෙන් ලකුණු 33-32ක තියුණු ජයක් වාර්තා කිරීමට යුද හමුදාව සමත් විය.
යුද හමුදාව ගෝල 4කින් හා උත්සාහක දිනුමක් මගින් ලකුණු ලබාගත් අතර ගුවන් හමුදාව ගෝල 3ක් උත්සාහක දිනුමක් හා දඬුවම් පහර 2ක් මගින් ලකුණු ලබාගත්තේය.
යුද හමුදාව වෙනුවෙන් සුධාරක දික්කුඹුර, අශෝක ජයලාල්, අශාන් බණ්ඩාර හා සුදත් නානායක්කාර උත්සාහක දිනුම් වාර්තා කළ අතර ගයාන් සාලින්ද  ප්‍රවර්තන 4ක් නිම කළේය.
ගුවන් හමුදාව වෙනුවෙන් අමිල බණ්ඩාර, චරිත් සේනාධිරත්න, සූරිය ක්‍රිශාන්ත හා ගිහාන් පෙරේරා උත්සාහක දිනුම් වාර්තා කළ අතර චරිත් සෙනෙවිරත්න ප්‍රවර්තන 2ක් සහ දඬුවම් පහර 2ක් නිම කළේය.

මංගල ධර්මප්‍රේම

Page 1 of 7

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 2578

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2467

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 3961

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 4503

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5322

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3170

Please publish modules in offcanvas position.

X

Right Click

No right click