Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube

lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ක්‍රීඩා අමාත්‍යාංශය සංවිධානය කරන 43 වැනි ජාතික මහා ක්‍රීඩා උළෙ‍ලේ රග්බි තරගාවලියේ පිරිමි ශූරතාව දිනා ගැනීමට මධ්‍යම පළාත සමත් වූ අතර, කාන්තා ශූරතාව සබරගමුව පළාත සතුවිය.

 කොළඹ තුරඟ තරග පිටියේ පැවැති මෙම තරගාවලියේ පිරිමි අනුශූරතාව බස්නාහිර පළාතටද, තෙවැනි ස්ථානය සබරගමුව පළාතටද හිමිවිය.

කාන්තා තරගාවලියේ අනුශූරතාව දකුණු පළාතට හිමිවූ අතර, ඉතිහාසයේ පළමු වරට නිතරග ජයග්‍රහණයක් සටහන් කර ගනිමින් ලෝකඩ පදක්කමට හිමිකම් කියන්නට ඌව පළාත වාසනාවන්ත විය.

මෙම තරග මාලාවේ දක්ෂතම ක්‍රීඩකයා ලෙස මධ්‍යම පළාත නියෝජනය කළ තිළිණ වීරසිංහ සම්මාන ලැබූ අතර,සබරගමුව පළාත නියෝජනය කළ සංදිකා හේමකුමාරි දක්ෂතම ක්‍රීඩිකාව ලෙස තිළිණ ලැබුවාය.

මධ්‍යම පළාත සහ බස්නාහිර පළාත අතර පැවැති පිරිමි අවසන් මහ තරගයේදී ලකුණු 28-7ක් ලෙස පහසු ජයක් සටහන් කර ගනිමින් රන් පදක්කමට හිමිකම් කියන්නට මධ්‍යම පළාත සමත් වීම කැපී පෙනුණි.

ජයග්‍රාහී මධ්‍යම පිල ගෝල් 4ක් මගින් ලකුණු ලබාගත් අතර, පරාජිත පි‍ලේ ලකුණු සංඛ්‍යාව එක් ගෝල් දිනුමක් ආශ්‍රිතව වාර්තා විය.

ලෝකඩ පදක්කම සඳහා පැවැති තරගයේදී සබරගමුව හමුවේ දකුණු පළාත ලකුණු 12-7ක් ලෙස පරාජය ලැබිය.
පිරිමි අවසන් පූර්ව වටයේදී බස්නාහිර හමුවේ සබරගමුව පළාත ලකුණු 24-5ක් ලෙසද, මධ්‍යම පළාත හමුවේ දකුණු පළාත ලකුණු 34-0ක් ලෙසද පරාජය ලැබිය.

සබරගමුව සහ දකුණ අතර පැවැති කාන්තා අවසන් මහ තරගයේදී ලකුණු 26-0ක් ලෙස පහසු ජයක් සටහන් කර ගනිමින් රන් පදක්කමට හිමිකම් කියන්නට සබරගමුව පළාත් ක්‍රීඩිකාවෝ සමත් වූහ.

කාන්තා අවසන් පූර්ව වටයේදී සබරගමුව හමුවේ ඌව පළාත ලකුණු 36-0ක් ලෙසද, බස්නාහිර පළාත හමුවේ දකුණු පළාත ලකුණු 10-5ක් ලෙසද පරාජය ලැබිය.

එහෙත් දෙවැනි අවසන් පූර්ව තරගයේදී ජයග්‍රහණය ලද බස්නාහිර පළාත නියෝජනය කළ ක්‍රීඩිකාවක් තම ස්ථිර පදිංචිය සනාථ කිරීමට නොහැකි වීම හේතුවෙන් දකුණු පළාතට ජයග්‍රහණය පිරිනැමීමට සංවිධායකයන් කටයුතු කළේය. ඒ අනුව පසුගිය වසරේ ශූරීන් වූ දකුණු පළාතට මෙවර අවසන් මහ තරගයට සුදුසුකම් ලබා ගැනීමේ අවස්ථාව හිමිවිය.

හොකී අවසන් තරග අද

කාළඹ රීඩ් මාවත කෘත්‍රිම ක්‍රීඩාංගණයේ පැවැත්වෙන 43 වැනි ජාතික මහා ක්‍රීඩා උළෙ‍ලේ කාන්තා හොකී තරගාවලියේ මධ්‍යම පළාත සහ බස්නාහිර පළාත අතර අවසන් මහ තරගය අද (14දා) පස්වරු 1.00ට කොළඹ  කෘත්‍රිම ක්‍රීඩාංගණයේදී ආරම්භ වේ.

ඊයේ පෙරවරුවේ පැවැති අවසන් පූර්ව තරගවලදී මධ්‍යම පළාත හමුවේ උතුරු පළාත ගෝල් 12-0 කින්ද, බස්නාහිර පළාත හමුවේ දකුණු පළාත ගෝල් 5-1 කින්ද පරාජය ලැබිය.

පිරිමි හොකී තරගාවලියේ අවසන් පූර්ව වටයේ තරග අද පෙරවරු 6.00ට ආරම්භ කෙරෙන අතර, එහිදී පසුගිය වසරේ ශූරයන් වූ මධ්‍යම පළාත සහ වයඹ පළාතද,  බස්නාහිර සහ දකුණු පළාතද තරග බිමට පිවිසෙයි.

පිරිමි අවසන් මහා තරගය අද පස්වරු 3.00 ආරම්භ කෙරෙයි.
පිරිමි හොකී අර්ධ අවසන් පූර්ව වටයේදී මධ්‍යම පළාත හමුවේ ඌව පළාත ගෝල් 5-0ක් ලෙසද, වයඹ පළාත හමුවේ සබරගමුව ගෝල 5-0ක් ලෙසද, දකුණු පළාත හමුවේ නැගෙනහිර පළාත ගෝල් 6-0ක් ලෙසද, බස්නාහිර පළාත හමුවේ උතුරු පළාත ගෝල් 12-0ක් ලෙසද පරාජය ලැබිය.

සපුමල් වීදිය බණ්ඩාර

හොංකොංහි කිංග්ස් පාර්ක් ක්‍රීඩාංගණයේ පැවැති ආසියානු සත් සාමාජික පිරිමි රග්බි තරගාවලියේ කුසලාන ශූරතාව දිනා ගැනීමට හොංකොං ලකුණු 19-12කින් පරාජය කළ ජපානය සමත් විය.
දෙවැනි ස්ථානය හොංකොංටද, තෙවැනි ස්ථානය දකුණු කොරියාවටද සිව්වැනි ස්ථානය චීනයටද හිමි විය.
මෙම තරගාවලියේ පළඟ ශූරතා අවසන් තරගයේදී පිලිපීනය ලකුණු 32-19කින් පරාජය කළ ශ්‍රී ලංකාව පළඟ ශූරතාව දිනා ගත්තේය.
පළඟ ශූරතා අවසන් තරගයේ පළමු භාගය අවසන් වන විට ලකුණු 12-10ක් ලෙස පසුපසින් පසුවූ ශ්‍රී ලංකාව දෙවැනි භාගයේදී පිට පිටම උත්සාහක දිනුම් 3ක් සහ එක් ගෝලයක් වාර්තා කරමින් ලකුණු 32-19ක ජයක් වාර්තා කළේය.
ශ්‍රී ලංකාව මෙම තරගයේදී එක් ගෝලයක් සහ උත්සාහක දිනුම් 5ක් මගින් ලකුණු රැස් කරගත් අතර, පිලිපීනය ගෝල 2ක් සහ එක් උත්සාහක දිනුමක් මගින් ලකුණු වාර්තා කළේය.
ශ්‍රී ලංකාව වෙනුවෙන් නවීන් හේනකංකානම්ගේ උත්සාහක දිනුම් 3ක් වාර්තා කළ අතර, බුද්ධිම නානායක්කාර, කෙවීන් ඩික්සන් සහ සුදර්ශන මුතුතන්ත්‍රී එක් උත්සාහක දිනුම බැගින් වාර්තා කළහ. 
සමිත් පිටවලලියනගේ එක් ප්‍රවර්ථනයක් සාර්ථක කර ගැනීමට සමත් විය.
මෙම තරගාවලියේ ‘බි’ කාණ්ඩයෙන් තරග වැදුණු ශ්‍රී ලංකාව මූලික වටයේදී ජපානය හමුවේ ලකුණු 33-5කින්ද, දකුණු කොරියාව හමුවේ ලකුණු 24-14කින්ද පරාජය ලැබූ අතර, චීන තායිපේට එරෙහිව ලකුණු 52-7ක පහසු ජයක් වාර්තා කරමින් කුසලාන අංශයේ අර්ධ අවසන් පූර්ව වටයට සුදුසුකම් ලබා ගත්තේය.
කුසලාන අංශයේ අර්ධ අවසන් පූර්ව තරගයේදී චීනය හමුවේ ලකුණු 36-12ක පරාජයක් ලැබූ ශ්‍රී ලංකාව පළඟ ශූරතා අංශයේ අවසන් පූර්ව වටයට සුදුසුකම් ලැබූ අතර, එහිදී මලයාසියාව ලකුණු 45-0කින් පරාජය කරමින් පළඟ ශූරතා අවසන් මහ සටනට සුදුසුකම් ලබා ගත්තේය.
පළඟ ශූරතාව දිනාගත් ශ්‍රී ලංකාව 5 වැනි ස්ථානයට පත්වූ අතර, පිලිපීනය, මලයාසියාව සහ චීන තායිපේ 6, 7 සහ 8 වැනි ස්ථානයන්ට පත් විය.
ආසියානු ශූරතා සත් සාමාජික රග්බි තරගාවලියේ දෙවැනි අදියර සැප්තැම්බර් 23 සහ 24 දිනයන්හි දකුණු කොරියාවේදී පැවැත්වෙන අතර, තෙවැනි අදියර ඔක්තෝබර් 14 සහ 15දා ශ්‍රී ලංකාවේදී පැවැත්වේ.

ශ්‍රී ලංකා පාසල් රග්බි සම්මේලනය මෙහෙය වූ අන්තර් පාසල් අවුරුදු 18න් පහළ සත් සාමාජික රග්බි තරගාවලියේ ශූරතාව දිනා ගැනීමට මහනුවර ත්‍රිත්ව විදුහල සමත් විය.
කොළඹ තුරඟ තරග පිටියේදී පසුගිය 7 සහ 8 දිනවලදී පැවැති මෙම තරගාවලියේ කුසලාන තරගාවලියේ අවසන් තරගයේදී ශා. ජෝශප් ලකුණු 22-12කින් පරාජය කිරීමට ත්‍රිත්ව සමත් විය.
ඩී.එස්. සේනානායක ලකුණු 22-5කින් පරාජය කරමින් ත්‍රිත්ව අවසන් තරගයට සුදුසුකම් ලැබූ අතර, ගල්කිස්ස විද්‍යා විදුහල ලකුණු 22-17කින් පරදවමින් ශා. ජෝශප් අවසන් මහ තරගයට සුදුසුකම් ලැබිය.
කුසලාන තරගාවලියේ දක්ෂතම ක්‍රීඩකයා ලෙස ත්‍රිත්ව විදුහ‍ලේ වොරන් වීරකෝන් සම්මාන ලැබිය.
මෙම තරගාවලියේ පළඟ ශූරතාව සඳහා පැවැති අවසන් මහා තරගයෙන් රාජකීය ලකුණු 22-14කින් පරාජය කළ කටුගස්තොට ශා. අන්තෝනි පළඟ ශූරතාව දිනා ගත්තේය.
පිළියන්දල මැදි විදුහල ලකුණු 45-0කින් පරාජය කරමින් ශා. අන්තෝනි අවසන් තරගයට පිවිසි අතර, වෙස්ලි ලකුණු 
21-19කින් පරාජය කරමින් රාජකීය අවසන් මහා සටනට පිවිසුණි.
ලුම්බිණි විදුහල ලකුණු 27-10කින් පරාජය කළ විද්‍යාර්ථ විදුහල බඳුන ශූරතාව දිනාගත් අතර, ඇහැලියගොඩ මැදි විදුහල ලකුණු 26-0කින් පරාජය කළ රිච්මන්ඩ් විදුහල පළිහ ශූරතාව දිනා ගත්තේය.
මෙම තරගාවලිය සඳහා මහනුවර කිංග්ස්වුඩ්, ධර්මරාජ, මොරටුව වේල්ස්කුමර, කොළඹ ලලිත් ඇතුළත්මුදලි යන විදුහල් සහභාගි නොවූ අතර, මේ දිනවල පැවැත්වෙන අ‍පොස උසස් පෙළ විභාගය හේතුවෙන් මෙම තීරණය ගෙන තිබූ බව වාර්තා විය.
 
මංගල ධර්මප්‍රේම 

හොංකොංහිදී පැවැති අවුරුදු 20න් පහළ ආසියානු සත් සාමාජික රග්බි තරගාවලියේ හිටපු ශූර ශ්‍රී ලංකාවට මෙවර 2017 තරගාවලියේදී අනුශූරතාවයෙන් සෑහීමට පත්වන්නට සිදුවිය.
කුසලාන අංශයේ අවසන් සටනේදී ශ්‍රී ලංකාව ලකුණු 36-00කින් පරාජය කරමින් මෙවර ශූරතාව දිනා ගැනීමට සත්කාරක හොංකොං සමත් විය.
අවසන් තරගයේ පළමු අර්ධය නිමාවට පත්වන විට ලකුණු 26-00ක් ලෙස පෙරමුණ ගෙන සිටි හොංකොං තරගය අවසන් වන විට ගෝල 3ක් සහ උත්සහක දිනුම් 3ක් සමගින් ලකුණු 36ක් වාර්තා කළේය.
මෙම තරගයේ පළමු වටයේදී ශ්‍රී ලංකාව පිලිපීනය ලකුණු 24-00කින්ද, චීනය ලකුණු 43-7කින්ද, මලයාසියාව ලකුණු 26-5කින්ද, චීන තායිපේ ලකුණු 28-14කින්ද පරාජය කරමින් අපරාජිතව අවසන් පූර්ව වටයට සුදුසුකම් ලබා ගත් අතර, එහිදී කොරියාව ලකුණු 33-5කින් පරාජය කරමින් අවසන් සටනට සුදුසුකම් ලබා ගත්තේය.
මෙම තරගාවලියේ පළඟ අංශයේ අවසන් තරගයේදී මලයාසියාව ලකුණු 21-5ක් ලෙස පරාජය කළ සිංගප්පූරුව පළඟ ශූරතාව දිනා ගත්තේය.

හොංකොංහිදී පැවැත්වෙන අවුරුදු 20න් පහළ ආසියානු සත් සාමාජික රග්බි තරගාවලිය සඳහා 12 දෙනකුගෙන් යුත් ලංකා පිල ඊයේ රාත්‍රියේ ලක්බිමෙන් පිටත්ව ගියේය.
කොළඹ ශා. තෝමස් විදුහ‍ලේ නවීන් හීනකංකානම්ගේ ශ්‍රී ලංකා පි‍ලේ නායකත්වය දරන අතර, ගල්කිස්ස විද්‍යා විදුහ‍ලේ සුපුන්  ඩිල්ෂාන් උප නායකයා ලෙස කටයුතු කරයි.
හිටපු යොවුන් සත් සාමාජික රග්බි ශූරයන් වන ශ්‍රී ලංකාව මෙවරද සිය කුසලාන රැක ගැනීමේ අරමුණින් තරගාවලියට එක්වී සිටියි.
අගෝස්තු 4 සහ 5 දිනයන්හිදී හොංකොංහි කිංග්ස් පාර්ක් ක්‍රීඩාංගණයේ පැවැත්වෙන මෙම තරගාවලියට කණ්ඩායම් 10ක් එක්වී සිටින අතර, ‘ඒ’ සහ ‘බි’ වශයෙන් කාණ්ඩ දෙකක් යටතේ තරග පැවැත්වේ.
‘ඒ’ කාණ්ඩය යටතේ ශ්‍රී ලංකාව, මලයාසියාව, චීන තායිපේ, පිලිපීනය සහ චීනය තරග වදින අතර, ‘බි’ කාණ්ඩය යටතේ කොංකොං, තායිලන්තය, දකුණු කොරියාව, සිංගප්පූරුව සහ උස්බෙකිස්තානය තරග වදියි.
ශ්‍රී ලංකාවේ පළමු තරගය ලබන 4දා පිලිපීනයට එරෙහිව පැවැත්වෙන අතර, එදිනම චීනය සහ මලයාසියාව සමගද තරග බිමට පවිසෙයි.
ශ්‍රී ලංකාව සහ චීන තායිපේ අතර තරගය 5දා පවැත්වෙන අතර, එදිනම අවසන් තරග පැවැත්වේ.
ශ්‍රී ලංකා පි‍ලේ පුහුණුකරු ලෙස සුදත් සම්පත් මහතා කටයුතු කරයි.

ශ්‍රී ලංකා අවු. 20න් පහළ රග්බි කණ්ඩායම

නවීන් හීනකංකානම්ගේ (නායක - ශා. තෝමස්), සුපුන් ඩිල්ෂාන් (උප නායක-විද්‍යා විදුහල/නාවික), රනිඳු පද්මසංඛ (ඉසිපතන), චමෝද් ප්‍රනාන්දු (ඉසිපතන), අදීෂ වීරතුංග (ඉසිපතන/නාවික), වජිඩ් ෆවුම් (සහිරා/‍පොලීසිය), සංදේශ් ජයවික්‍රම (ශා. පීතර/‍පොලීසිය), තීක්ෂණ දසනායක (ශා. පීතර), සුරංග බණ්ඩාර (‍පොලීසිය), ලහිරු හේරත් (කන්නනංගර/නාවික), අවිශ්ක ලී (වෙස්ලි), දිනුක් අමරසිංහ (ශා. අන්තෝනි)

සංචාරක පාකිස්තානු යුද හමුදා රග්බි පිල සහ ශ්‍රී ලංකා යුද හමුදා රග්බි පිල අතර අවසන් තරගය සහ යුද හමුදා අන්තර් රෙජිමේන්තු රග්බි අවසන් තරගය අද (28දා) පැවැත්වේ.යුද හමුදාපති ලුතිනන් ජෙනරාල් මහේෂ්  සේනානායක මහතාගේ ප්‍රධානත්වයෙන් කොළඹ තුරඟ තරග පිටියේදී අද පස්වරු 4.00 සිට තරග පැවැත්වේ.

Page 1 of 3

IMAGE

කාමරංකා කන්න එපා

IMAGE 2017 Sep 24 13:10
වකුගඩු ආසාදන ශ්‍රී ලංකාවේ බරපතළ සෞඛ්‍ය තර්ජනයකි. කිහිප ආකාරයක වකුගඩු ආසාදන ශ්‍රී ලංකාවේ...
Views - 815

ඔය කියන නිරුවත් ඡායාරූපවල ඉන්නේ මම ‍නෙවෙයි

IMAGE 2017 Sep 24 12:18
ගයාත්‍රි ඩයස් දැන් අන්තර්ජාලයේ පුවත් මවන්නියක් බවට පත් වෙලා. ඒ විදියට ඇය ගැන පැතිර ගිය එක්...
Views - 652

මම මිය ගියේ නැහැ

IMAGE 2017 Sep 24 11:59
රොඩ්නි වර්ණකුල හදිසියේ මිය ගිය බවට බොරු පුවතක් පසුගිය දවස්වල අන්තර්ජාලයේ එහා මෙහා වුණා. මේ...
Views - 407

අද කාලේ කඨින පිංකම් අස්සේ 'බෝතල් පාටි'ත් දානවා

IMAGE 2017 Sep 22 15:40
කඨින චීවර මාසයක් ළඟ ළඟම එයි. බෞද්ධයන්ට සිදුකළ හැකි අට මහ කුසල් අතරින් මුල්ම කුසලය වන කඨින චීවර...
Views - 883

16 වියැති සිසුවිය බස් නැවතුමේ දී හෘදයාබාධයකින් මියයයි

IMAGE 2017 Sep 22 11:12
තම දූ පුතුන් පාසල් ගොස් යළි නිවසට පැමිණෙන තුරු දෙමාපියන් සිටිනුයේ දැඩි විමසිල්ලකින් බව...
Views - 3058

සුමති සම්මාන හිමිකරගත් කලා ලොවේ දිදුළන තරු

IMAGE 2017 Sep 21 12:27
ජාතියේ මහා කලා මංගල්‍යය හෙවත් සුමති සම්මාන උළෙල 20 දා  ප.ව. 6.30ට කොළඹ නෙළුම් ‍පොකුණ රඟහ‍ලේදී 22...
Views - 3663

Please publish modules in offcanvas position.