lakbima.lk
2017-04-28 ඇමෙරිකා ඩොලරය ගැනුම් මිල රු.150.4400 , විකුණුම් මිල රු.154.2400 | බි‍්‍රතාන්‍යය පවුම ගැනුම් මිල රු.193.4600 , විකුණුම් මිල රු.200.0200 | යුරෝ යුරෝපය ගැනුම් මිල රු.162.5000, විකුණුම් මිල රු.168.6800 | ස්වීස් ප‍්‍රෑන්ක් ගැනුම් මිල රු.150.3500 , විකුණුම් මිල රු.156.3300 | කැනඩා ඩොලරය ගැනුම් මිල රු.109.6100 , විකුණුම් මිල රු.113.9700 | ඔස්ට්‍රේලියා ඩොලරය ගැනුම් මිල රු.111.3600 , විකුණුම් මිල රු.116.3700 | සිංගප්පූරු ඩොලරය ගැනුම් මිල රු.107.3000 , විකුණුම් මිල රු.111.2300 | ජපානය යෙන් ගැනුම් මිල රු.1.3472, විකුණුම් මිල රු.1.3983 |

ආසියානු මලල ක්‍රීඩා සංගමය සංවිධානය කරන 2017 ආසියානු ගෝන් ප්‍රී මලල ක්‍රීඩා තරගාවලියේ දෙවැනි අදියර අද (27දා) ආරම්භ වෙයි.
මෙම ගෝන් ප්‍රී  මලල ක්‍රීඩා තරගාවලියේ පළමු අදියර ඉකුත් 24 වැනි දින චීනයේ ජියැසිං ක්‍රීඩාංගණයේදී පැවැති අතර, එහිදී ශ්‍රී ලංකාවට රන් පදක්කම් 1ක්, රිදී පදක්කම් 1ක් සහ ලෝකඩ පදක්කම් 1ක් පමණක් හිමිවිය.
මෙවර ආසියානු ගෝන් ප්‍රී මලල ක්‍රීඩා තරගාවලියට ශ්‍රී ලංකාව නියෝජය කරමින් ක්‍රීඩකයන් 6ක් සහ ක්‍රීඩිකාවන් 5ක්  ඇතුළත් කණ්ඩායමක් සහභාගි වෙති.
පළමු අදියර තරගවලදී ශ්‍රී ලංක කණ්ඩායමේ ඉඳුනිල් හේරත් පමණක් රන් පදක්කමක් දිනා ගැනීමට සමත් විය.
ඉඳුනිල් මීටර් 800 අවසන් තරගයේදී ඉන්දීය ජාතික ශූර ජින් ජොන් සමග කරට කර සටනක නිරත වෙමින් විනාඩි 1.50.69ක කාලයක් සටහන් කරමින් රන් පදක්කම දිනා ගැනීමට සමත් විය.
පළමු අදියරේදී ශ්‍රී ලංකාවට රිදී පදක්කමක් දිනා දුන් හිමාෂ එෂාන් මීටර් 100 ඉසව්ව තත්පර 10.43කින් අවසන් කරමින් දෙවැන්නා බවට පත්විය.
එම ඉසව්ව තත්පර 10.37ක කාලයකින් අවසන් කළ චීනයේ වැන්ග් යූ රන් පදක්කම දිනා ගැනීමට සමත් විය.
ශ්‍රී ලංකාවට හිමිවූ එකම ලෝකඩ පදක්කම දිනා දීමට නාවික හමුදාවේ ගයන්තිකා අබේරත්න සමත් වූ අතර, ඇය මීටර් 800 කාන්තා ඉසව්ව විනාඩි 2 තත්පර 03.78ක කාලයක් සටහන් කරමින් තෙවැන්නා ලෙස තරගය අවසන් කිරීමට සමත් වූවාය.
මෙම ඉසව්වටම තරග වැදුණු ශ්‍රී ලංකා ගුවන් හමුදාවේ නිමාලි ලියනාරච්චිට 5 වැනි ස්ථානයෙන් සෑහීමට පත්වන්නට සිදුවූ අතර, එහි රන් පදක්කම චීන ක්‍රීඩිකාවකටද, රිදී පදක්කම ඉන්දීය ක්‍රීඩිකාවකටද හිමිවූහ.
දෙවැනි අදියරට තරග වදින හිමාෂ එෂාන්, සඳහන් කර සිටියේ පළමු අදියර මීටර් 100 තරග ආරම්භයේ සිදුවූ තමාගේ ප්‍රමාදය සකස් කරගනිමින් රන් පදක්කම කරා තරග වැදීමට බලා‍පොරොත්තුවන බවයි.
ගයන්තිකා අබේරත්න සඳහන් කර සිටියේ දෙවැනි අදියරයේ මීටර් 800 ඉසව්වේදී තමා සහ නිමාලි ඉසව්වේ රන් සහ රිදී පදක්කම් දෙක ශ්‍රී ලංකාවට දිනා දීමට තරගවදින බවයි.

ශ්‍රී ලංකා මලල ක්‍රීඩා සංගමයේ මෙහෙයවීමෙන් දියගම මහින්ද රාජපක්ෂ ක්‍රීඩාංගණයේදී පැවැති 2017 ජාතික ශූරතා කනිෂ්ඨ මලල ක්‍රීඩා තරගාවලියේදී අවු. 18න් පහළ මීටර් 400 තරග ඉසව්වේ නව තරග වාර්තාවක් (තත්. 48.87) හිටුවමින් රන් පදක්කම දිනාගත් කොටහේන ශා. බෙනඩික්ට් විදුහ‍ලේ රවිශ්ක ඉන්ද්‍රජිත් ජගත් යොවුන් මලල ක්‍රීඩා උළෙලට සුදුසුකම් ලබා ගත්තේය.
මීට අමතරව අවු. 23න් පහළ මිටිය විසිකිරීමේ පිරිමි ඉසව්වේදී යුද හමුදවේ එච්.එම්.ඒ.එස්. බණ්ඩාර (මී. 40.27)ද, අවු. 16න් පහළ බාලක මීටර් 100 කඩුලු පැනීම ඉසව්වේදී අම්පිටිය බෙරවට්ස් විදුහ‍ලේ අනරාධ සිරිමල් (තත්. 13.63) ද, අවු. 20න් පහළ තුන්පිම්ම බාලිකා ඉසව්වේදී වෙන්නප්පුව ශුද්ධ වූ පවු‍ලේ කන්‍යාරාමයේ පබෝධා බාලසූරිය (මී. 13.20) නව තරග වාර්තා පිහිටුවීමට සමත් වූහ.
යාපනය මහජන විදුහ‍ලේ ශ්‍රී හෙරීනා අවු. 18න් පහළ බාලිකා රිටි පැනීමේ ඉසව්ව මීටර් 3.01ක දක්ෂතාවක් දක්වමින්ද, කොළඹ කාන්තා විදුහ‍ලේ ශරීෂා ගුණසේකර අවු. 16න් පහළ බාලිකා යගුලිය විසිකිරීමේ ඉසව්වේදී මීටර් 11.55ක
දක්ෂතාවක් දක්වමින්ද, ගුවන් හමුදාවේ නිර්මාලී මධුෂිකා අවු. 23න් පහළ බාලිකා මීටර් 400 ඉසව්වේදී තත්පර 25.10ක
දක්ෂතාවක් දක්වමින්ද නව තරග වාර්තා පිහිටුවීමට සමත් වූහ.
ක්‍රීඩා උළෙ‍ලේ අවු. 18න් පහළ මීටර් 2000 බාධක, මීටර් 3000 බාධක ඉසව් දෙකම නව තරග වාර්තා සමගින් ජයගත් කුලියාපිටිය මධ්‍ය මහා විදුහ‍ලේ අෂ්මිකා හේරත් ඊයේ දිනයේදීද මීටර් 1500 තරගය ජය ගනිමින් තෙවැනි රන් පදක්කම දිනා ගැනීම කැපී පෙනෙන සිදුවීමක් විය.

සුනිල් අභයවර්ධන

ශ්‍රී ලංකා මලල ක්‍රීඩා සංගමයේ මෙහෙයවීමෙන් දියගම මහින්ද රාජපක්ෂ ක්‍රීඩාංගණයේදී පැවැත්වෙන ජාතික ශූරතා කනිෂ්ඨ මලල ක්‍රීඩා උළෙ‍ලේදී අවුරුදු 18න් පහළ මීටර් 400 කඩුලු පැනීම ඉසව්ව තත්පර 53.72කින් නිම කළ ගාල්ල මහින්ද විදුහ‍ලේ නවෝද්‍ය සංකල්ප ජගත් යොවුන් මලල ක්‍රීඩා උළෙලට සුදුසුකම් ලබා ගත්තේය.
මේ අතර අවු. 18න් පහළ බාලිකා මීටර් 2000 බාධක දිවීමේ ඉසව්ව නව තරග වාර්තාවක්ද සමග ජය ගනිමින් ජගත් යොවුන් මලල ක්‍රීඩා උළෙලට සුදුසුකම් ලබා සිටි කුලියාපිටිය මැදි විදුහ‍ලේ අශ්මිකා හේරත් මීටර් 3000 බාධක දිවීමේ ඉසව්වේදී නව තරග වාර්තාවක් පිහිටුවීමට (වි. 10 තත්. 18.8) සමත් වූවාය.
ඊයේ පැවැති අවු. 23න් පහළ කාන්තා මීටර් 200 ඉසව්ව තත්පර 24.78කින් නිම කළ ගුවන් හමුදාවේ ජී.එන්. මධුෂිකා නව තරග වාර්තාවක් පිහිටුවූ අතර, අවු. 16න් පහළ බාලික මීටර් 200 තත්පර 25.88 කින් නිම කළ කොළඹ ගේට්වේ විදුහ‍ලේ සන්දීපා හෙන්ඩර්සන්ද නව වාර්තාවක් පිහිටුවීමට සමත් වූවාය.
අවු. 18න් පහළ බාලක මීටර් 800 ඉසව්ව විනාඩි 1.59.82 කින් නිම කළ අම්පිටිය බෙරවට්ස් විදුහ‍ලේ නුවන් ධනංජය බුලුගහපිටියද, අවු. 18න් පහළ බාලක මීටර් 110 කඩුලු පැනීම තත්පර 14.41කින් නිම කළ කොළඹ ශා. ජෝශප් විදුහ‍ලේ ෂෙහාන් කාරියවසම්ද නව තරග වාර්තාවක් පිහිටුවීය.
අවු. 23න් පහළ මීටර් 200 බාලක ඉසව්ව තත්පර 21.60 කින් නිම කළ යුද හමුදාවේ එම්.එස්.එස්. කුමාරද, අවු. 18න් පහළ රිටි පැනීමේ බාලක ඉසව්වේදී මීටර් 4.20ක දක්ෂතාවක් දැක්වූ චාවාකච්ච්ෙරිය හින්දු විදුහ‍ලේ ඒ. පුවිතරන්ද තරග වාර්තා සම කිරීමට සමත් වී තිබේ.

සුනිල් අභයවර්ධන

ශ්‍රී ලංකා මළල ක්‍රීඩා සංගමයේ මෙහෙයවීමෙන් මේ දිනවල දියගම රාජපක්ෂ ක්‍රීඩාංගනයෙේදී පැවැත්වෙන 2017 ජාතික කණිෂ්ඨ මලල ක්‍රීඩා තරගාවලියේ තෙවන දිනය වන අද (25) පැවැති තරගවලදී තම දෙවැනි ජාතික තරග වාර්තාව පිහිටුවීමට කුලියාපිටියේ මැදි මහ විදුහලේ අශ්මිකා හේරත් සමත් වූණි.

පළමු දිනයේ 18 න් පහළ මීටර් 200 ධාවන තරගයෙන් ජය හිමිකරගනිමින් නව තරග වාර්තාවක් පිහිටවූ අශ්මිකා අද (25) පැවැති මීටර් 3000 ධාවන තරගයද ජයගනු ලැබුවේ විනාඩි 10 යිතත්පර 18.8 කින් තරගය අවසන් කරමින් නව වාර්තාවක් ද පිහිටවමිනි.

අවුරුදු 23 න් පහළ කාන්තා මීටර් 200 තරගයේ දී ශ්‍රී ලංකා ගුවන් හමුදාවේ පී.ජී.එම් මධුශිකා, 16 න් පහළ බාලිකා මීටර් 200 තරගයෙන් කොළඹ ගේට්වේ විදුහලෙේසදීපා හෙන්ඩර්සන්, 16 න්පහළ බාලක මීටර් 100 ඉසව්වේ අම්පිටිය බෙරවැට්ස් විදුහලේ නුවන් ධනන්ජය, 18 න්පහළ මීටර් 110 කඩුළු පැනීමෙන් ද කොළඹ සාන්ත ජෝසප් විදුහලේ හේෂාන් කාරියවසම්  අද (25) දිනයේ තම ඉසව් වලින් නව තරග වාර්තා පිහිටවීමට සමත් විය. 

ශ්‍රී ලංකා මලල ක්‍රීඩා සංගමයේ මෙහෙයවීමෙන් ඊයේ (23දා) දියගම මහින්ද රාජපක්ෂ ක්‍රීඩාංගණයේදී ආරම්භ වූ 2017 ජාතික ශූරතා කනිෂ්ඨ මලල ක්‍රීඩා තරගාවලියේදී නව තරග වාර්තා පිහිටුවීමට අනිතා ජෙගතීස්වරන්, අශ්මිකා හේරත් සහ නිපුන් කල්දේරා සමත් වූහ.
අවුරුදු 23න් පහළ කාන්තා රිටි පැනීමේ ඉසව්වේදී යාපනය මහජන විදුහ‍ලේ අනිතා ජෙගතීස්වරන් මීටර් 3.40ක උසක් පනිමින් මෙවර ක්‍රීඩා උළෙ‍ලේ පළමු වාර්තාව පිහිටුවීමට සමත් වූවාය.
මේ අනුව වලල ඒ. රත්නායක මැදි විදුහ‍ලේ හසිනි ධර්මරත්න පිහිටුවා තිබූ (මීටර් 3.34) වාර්තාව බිඳ වැටුණි.
අවුරුදු 20න් පහළ බාලක දුර පැනීමේ ඉසව්වේදී මීගමුව ලොයෙලා විදුහ‍ලේ නිපුන් සාලිය කල්දේරා මීටර් 7.52ක දුරක් පනිමින් 2016දී වෙන්නප්පුව ජෝශප් වාස් විදුහ‍ලේ එල්.එස්. ධනංජය පිහිටුවා තිබූ (මීටර් 7.41) වාර්තා බිඳ දැමීමට සමත් විය.
අවුරුදු 18න් පහළ මීටර් 2000 බාධක දිවීම ඉසව්වේදී කුලියාපිටිය මැදි විදුහ‍ලේ අශ්මිකා හේරත් විනාඩි 6 තත්පර 59.91කින් ඉසව්ව අවසන් කරමින් නව තරග වාර්තාවක්ද සමගින් ලබන ජූලි මාසයේදී කෙන්යාවේ පැවැත්වෙන අවුරුදු 18න් පහළ ජගත් යොවුන් මලල ක්‍රීඩා උළෙලට සහභාගි වීමේ අවස්ථාව හිමිකර ගත්තාය.
මේ අනුව 2013 වසරේදී වලල මැදි විදුහ‍ලේ එස්.ජී.එම්.කේ. වීරසිංහ පිහිටුවා තිබූ විනාඩි 7.10.95ක වාර්තාව බිඳ වැටුණි.

සුනිල් අභයවර්ධන

ආසියාතික මලල ක්‍රීඩා සංගමයේ මෙහෙයවීමෙන් චීනයේ පැවැත්වෙන 2017 ආසියානු ගෝන්ෆ්‍රී මලල ක්‍රීඩා තරගාවලියට සහභාගි වන ශ්‍රී ලංකා මලල ක්‍රීඩා කණ්ඩායම හෙට (22දා) චීනය බලා පිටත්ව යයි.
ආසියාතික රටවල් 43ක මලල ක්‍රීඩා ශූරයන් සහභාගි වන මෙම ගේ‍රාන්ප්‍රි මලල කීඩා තරගාවලියේ පළමු අදියර මේ මස 24 වැනි දිනද, දෙවැනි අදියර 27 වැනි දිනද, තෙවැනි සහ අවසන් අදියර 30වැනි දිනද පැවැත්වේ.
මෙවර ශ්‍රී ලංකාව නියෝජනය කරන කණ්ඩායමට ජාතික මට්ටමේ සිටින ක්‍රීඩකයෝ 7 දෙනෙක් සහ ක්‍රීඩිකාවෝ 5 දෙනෙක් ඇතුළත් වී සිටිති.
ඉකුත් දිනවලදී ජැමෙයිකාවේ විශේෂ පුහුණුවකට සහභාගි වූ කෙටි ධාවන ශූර හිමාෂ එෂාන්ද ශ්‍රී ලංකා කණ්ඩායමට එක්වී සිටින අතර, කණ්ඩායමේ නායකත්වය උස පැනීමේ ශූර මංජුල කුමාර වීරසේකරට හිමිවී තිබේ.
ශ්‍රී ලංකා කණ්ඩායම
පිරිමි :- මංජුල කුමාර වීරසේකර (උස පැනීම), හිමාෂ එෂාන් (මී. 100), අජිත් ප්‍රේමකුමාර (මීටර් 400), සංජීව ජයසිංහ (තුන් පිම්ම), සුමේධ රණසිංහ (හෙල්ල විසිකිරීම), වරුණ ලක්ෂාන් දයාරත්න (හෙල්ල විසිකිරීම)
කාන්තා :- රුමේෂිකා රත්නායක (මී. 100), නිමාලි ලියනාරච්චි (ඹී. 400, 800), ගයන්තිකා අබේරත්න (මී. 800), තරංගා විනෝදනී (උස පැනීම), තාරිකා ප්‍රනාන්දු (යගුය විසිකිරීම) කළමනාකාරිනිය - භද්‍රා ගුණවර්ධන මහත්මිය, පුහුණුකරු - ප්‍රදීප් නිශාන්ත මහතා

සුනිල් අභයවර්ධන

Page 1 of 4

IMAGE

මහින්දානන්දට දී.මූ දියණියට යළි මංගල සීනු

IMAGE 2017 Apr 28 11:18
පසුගිය රජය සමයේ ක්‍රීඩා ඇමති ධූරය හෙබවූ හිටපු අමාත්‍ය මහින්දානන්ද අලුත්ගමගේ  මහතා අද (28)...
Views - 9079

FB WhatsApp Twitter තහනම් වෙයි

IMAGE 2017 Apr 27 12:11
ෆේස් බුක්, වට්ස් අප්,ට්විටර්, ඇතුළු සමාජ ජාල 22 ක් තහනම් කිරීමට ඉන්දියාවේ ජම්බුකාශ්මීර...
Views - 1360

තිස්නව හැවිරිදි ජනපති අපේක්ෂක ගේ බිරිඳට හැට හතරයි

IMAGE 2017 Apr 27 11:21
ප්‍රංශයේ  ජනාධිපති වරණයේ දෙවන වටයට තේරී පත් වී සිටින එම්මානුවෙල් මැක්‍රෝන් (Emmanuel Macron) මේ වන...
Views - 4194

අප රටේ විසූ අප්‍රකට සුනඛ වීරයකුගේ කතාව

IMAGE 2017 Apr 27 09:20
වීරයන් ගැන අපි කොතෙකුත් කතා අහලා, කතා කරලා ඇති, නමුත් ඒ මිනිස් වීරයන් ගැන, ඒ වගේම සැබෑ වීරයන්...
Views - 2892

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 3262

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 4155

Please publish modules in offcanvas position.