lakbima.lk
2017-04-28 ඇමෙරිකා ඩොලරය ගැනුම් මිල රු.150.4400 , විකුණුම් මිල රු.154.2400 | බි‍්‍රතාන්‍යය පවුම ගැනුම් මිල රු.193.4600 , විකුණුම් මිල රු.200.0200 | යුරෝ යුරෝපය ගැනුම් මිල රු.162.5000, විකුණුම් මිල රු.168.6800 | ස්වීස් ප‍්‍රෑන්ක් ගැනුම් මිල රු.150.3500 , විකුණුම් මිල රු.156.3300 | කැනඩා ඩොලරය ගැනුම් මිල රු.109.6100 , විකුණුම් මිල රු.113.9700 | ඔස්ට්‍රේලියා ඩොලරය ගැනුම් මිල රු.111.3600 , විකුණුම් මිල රු.116.3700 | සිංගප්පූරු ඩොලරය ගැනුම් මිල රු.107.3000 , විකුණුම් මිල රු.111.2300 | ජපානය යෙන් ගැනුම් මිල රු.1.3472, විකුණුම් මිල රු.1.3983 |

කොළඹ කුණු කන්දල් බලහත්කාරයෙන් ඒකලට

කොළඹ මහ නගරසභා සීමාව තුළ දිනපතා එකතුවන කැලිකසල බස්නාහිර පළාතේ ගම්පහ දිස්ත්‍රික්කයේ ජාඇල ප්‍රාදේශීය ලේකම් කොට්ඨාශයට අයත් වටිනා පාරිසරික පද්ධතියක් තෙත්බිමක් සහ ගංවතුර පිටාර කලාපයක් වන ජාඇල,ඒකල ඔතේකැලේ වෙත බලහත්කාරී අයුරින් ගෙන ඒමේ කඩිනම් සුදානමක් පවතින බව ලක්බිම ඔන්ලයින් වෙත වාර්තා වෙයි. ඒ අනුව එහි පළමු කැලිකසල තොගය ඉදිරි දින කිහිපය තුළදී මෙම තෙත් බිම වෙත මුදාහැරීමට කටයුතු යොදා ඇතැයි දැන ගන්නට ඇත.

පසුගිය කාලයේ මහත් ආන්දෝලනයට තුඩුදුන් කොළඹ මහ නගර සභා සීමාවේ එකතු වන කසල රඳවනය කලක් තිස්සේ කොලොන්නාව මීතොටමුල්ල ප්‍රදේශයේ පිහිටීම නිසා උද්ගතවී තිබෙන අනේකවිධ දුෂ්කරතා මුල්කොට එම ප්‍රදේශවාසීන් විසින් ශේෂ්ඨාධිකරණය වෙත යොමු කරන ලද මුලික අයිතිවාසිකම් පෙත්සමක් මගින් ශේෂ්ඨාධිකරණය වෙතින් එම කසල අපහරණයට එරෙහිව වාරණ නියෝගයක් අපේක්ෂා කෙරේ. ඉන්පසු කොළඹ මහ නගරසභා බල ප්‍රදේශයේ කසල ඉවත් කිරීමට අන් ක්‍රමයක් නොමැතිවීම මත එවා නිතිපතා මෙම පරිසර පද්ධතිය වෙත ගෙනවුත් මුදාහැරීමට තීරණය වී තිබේ. ඒ පසුගිය වසරේ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවති ආර්ථික කළමණාකරණ කමිටු රැස්විමකදීය.ඒ බව 2016.09.15 දිනැති ලිපියක් මගින් කොළඹ නාගරික කොමසාරිස් වී.කේ.ඒ අනුර මහතා ජාඇල ප්‍රාදේශීය ලේකම් ඊ.එම්.එස්.බී.ජයසුන්දර මහතා දැනුවත් කොට ඇත.එම ලිපිය මගින් ඔහු දක්වා ඇත්තේ මීතොටමුල්ල කුණුකන්දේ උස ප්‍රමාණය අඩි100ඉක්මවා යාම මුල්කොට මෙම තිරණය ගත් බවය.

එහෙත් ගම්පහ දිස්ත්‍රික්කයේ අතිශය වැදගත් පාරිසරික කලාපයක් සහ තෙත්බිමක් වන ඔතේකැලේට කොළඹ මහ නගර සභා බලප්‍රදේශයේ කැලිකසල බැහැර කරවීම සම්බන්ධයෙන් කිසිදු පාරිසරික බලපෑම් අධ්‍යයනයක්(EIA)සිදු කොට නොමැත. ඒ සම්බන්ධ නිශ්චිත ප්‍රකාශයක් කිරීමට මධ්‍යම පාරිසරික අධිකාරීය ද  අසමත්ව සිටියි.

කොළඹ කුණු ඒකල ඔතේකැලේට බැහැර කිරීමේ යෝජනාව සම්බන්ධයෙන් ගම්පහ දිස්ත්‍රික් සංවර්ධන කමිටු රැස්වීම් වලදීද  සියලු පාර්ශවයන්හීද බලවත් විරෝධය පැන නැගී ඇති අතර ඒ බව ජාඇල ප්‍රාදේශීය ලේකම්වරයා විසින් ලිපි මගින් කොළඹ නාගරික කොමසාරිස් වරයා ඇතුළු අදාල සියළු පාර්ශවයන් මේ වන විට දැනුවත් කොට ඇත. එහෙත් කසල බැහැර කිරීම සැරසෙනුයේ එම විරෝධතා සියල්ල ද නොතකමිනි.

අත්තනූගලු ඔය අද්දර පිහිටි මෙම ඔතේකැලේ වැසිකාලයන්හිදී අඩි 8ක් පමණ උසට ගංවතුරින් යටවන ප්‍රදේශයකි.එමෙන්ම ගම්පහ දිස්ත්‍රික්කයට අයත් හෙක්ටයාර් තුන්දහසක නැතහොත් වර්ග කි.මී.30ක පමණ කුඹූරු යායක් ද මෙම පරිසර පද්ධතිය හා බද්ධව පවතී.ඒ අනුව මෙලෙස කසල බැහැර කිරීමෙන් සිදුවන සෙසු බරපතල පාරිසරික හානිවලට අමතරව ගම්පහ දිස්ත්‍රික්කයේ සැලකිය යුතු භූමිභාගයක් කොළඹ කුණු වලින් දුෂිතවීම  නොවැලැක්විය හැකි යැයි ප්‍රදේශවාසීහු කියති.

ඊට අමතරව වැසි කාල වලදී මෙම ප්‍රදේශයට ඇතිවන ගංවතුර බලපෑම මත මෙම කසල ගසාගෙන යාමෙන් ආසියානු තෙත්බිම් නාමාවලියේ පවා නම රඳවාගෙන ඇති මීගමු කලපුව ආශ්‍රිතව බරපතල පාරිසරික දුෂණයක් සිදුවිය හැකි බවද ජනතාව පෙන්වා දෙති.

මෙවන් තත්වයක් යටතේ ආර්ථික කටයුතු පිළිබද ආමාත්‍ය පදවිය හොබවන අග්‍රාමාත්‍ය රනිල් වික්‍රමසිංහ මහතා විසින් පරිසර අමාත්‍යවරයා වන ජනාධිපති මෛත්‍රීපාල සිරිසේන මහතාගේ බලතල සියතට ගෙන මෙවන් මහා පරිමාණ පරිසර ව්‍යවසනයකට මුල පිරීම දේශපාලන වශයෙන් බැරෑරුම් ගැටළුවලට මුල පුරන්නක් බවද නිරීක්ෂකයෝ පෙන්වා දෙති.

මේ අතර ජාඇල,ඒකල පරිසරය සුරකීමේ සමිතියේ සංවිධායක චන්ද්‍රා අමරසිංහ මහතා පවසනුයේ  කොළඹ මහ නගර සිමාවේ කුණු මෙම පරිසර පද්ධතියට මුදාහැරීම මත ප්‍රදේශයේ ජනතාව කුපිතවි පසුගිය සමයේ රතුපස්වල සිදු වූ ඛේදවාචකයට වඩා  බිහිසුණු තත්වයක් පැන නැගීමේ ප්‍රබල අවදානමක් පවතින බවය.

තිලක් සේනාසිංහ

 

Comments  

+3 #1 Alugolle. 2017-02-18 05:21
පරිසර අමාත්‍යාංශය ජනපති යටතේ ඇත. වෙනත් අයට එම බලතල පාවිච්චි කල නොහැක.එනිසා වහාම මෙම විනාශය නතර කිරීම ඔහුගේ වගකීමකි. අගමැති ඔහුගේ සීමාව ඉක්මවා යමින් එකාදිපතියෙකු මෙන් කටයුතු කිරීම ජනාදිපති වහා නතර කල යුතුය. මරික්කාර් අගමැතිගේ කොල්ලෙකු උන පලියට් ඔහු කියන දේවල් කර ජනතා ජීවිත සමග සෙල්ලම් නොකළ යුතුය. කුණු ගෙන එන්නට සිදුවන්නේ මළමිනී මතින් විය හැකිය. මෙම තත්වය ඇතිවීම ජනාදිපතිගේ වග කීමකි. jaela ජනතාවනි එක්වී මෙය පරාජය කරමු.
Quote
0 #2 chanil 2017-02-23 15:48
Kunuth koheta hari danna epaiii.. Nagara Sabawa kannada?
Quote

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

මහින්දානන්දට දී.මූ දියණියට යළි මංගල සීනු

IMAGE 2017 Apr 28 11:18
පසුගිය රජය සමයේ ක්‍රීඩා ඇමති ධූරය හෙබවූ හිටපු අමාත්‍ය මහින්දානන්ද අලුත්ගමගේ  මහතා අද (28)...
Views - 6547

FB WhatsApp Twitter තහනම් වෙයි

IMAGE 2017 Apr 27 12:11
ෆේස් බුක්, වට්ස් අප්,ට්විටර්, ඇතුළු සමාජ ජාල 22 ක් තහනම් කිරීමට ඉන්දියාවේ ජම්බුකාශ්මීර...
Views - 1068

තිස්නව හැවිරිදි ජනපති අපේක්ෂක ගේ බිරිඳට හැට හතරයි

IMAGE 2017 Apr 27 11:21
ප්‍රංශයේ  ජනාධිපති වරණයේ දෙවන වටයට තේරී පත් වී සිටින එම්මානුවෙල් මැක්‍රෝන් (Emmanuel Macron) මේ වන...
Views - 3358

අප රටේ විසූ අප්‍රකට සුනඛ වීරයකුගේ කතාව

IMAGE 2017 Apr 27 09:20
වීරයන් ගැන අපි කොතෙකුත් කතා අහලා, කතා කරලා ඇති, නමුත් ඒ මිනිස් වීරයන් ගැන, ඒ වගේම සැබෑ වීරයන්...
Views - 2369

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 2817

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 3966

Please publish modules in offcanvas position.