lakbima.lk
2017-03-28 ඇමෙරිකා ඩොලරය ගැනුම් මිල රු.150.1100 , විකුණුම් මිල රු153.9600 | බි‍්‍රතාන්‍යය පවුම ගැනුම් මිල රු.187.8700 , විකුණුම් මිල රු194.3400 | යුරෝ යුරෝපය ගැනුම් මිල රු.162.0600, විකුණුම් මිල රු.168.2900 | ස්වීස් ප‍්‍රෑන්ක් ගැනුම් මිල රු.151.3300 , විකුණුම් මිල රු.157.4000 | කැනඩා ඩොලරය ගැනුම් මිල රු.111.4800 , විකුණුම් මිල රු.115.9300 | ඔස්ට්‍රේලියා ඩොලරය ගැනුම් මිල රු.113.4500 , විකුණුම් මිල රු.118.5800 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1900 | ජපානය යෙන් ගැනුම් මිල රු.1.3504 , විකුණුම් මිල රු.1.4021 |

මීට අවුරුදු සීයකට විතර කලින් වර්තමාන ගම්පහ දිස්ත්‍රික්කයට අයිති සියනෑ කෝරළයේ දුප්පත් පවුලක තරුණයෙක් හිටියා. ගම්මුන් මේ තරුණයාව හැඳින්වූවේ ‘සුන්ටා’ කියලා. නැති බැරි පවුලක ඉපදුණාට මොකද මේ ‘සුන්ටා’ නොම්බර එකේ කයිවාරු කාරයා. කොහොම හරි වයස අවුරුදු දහ අට විස්ස විතර වෙනකොට ඒ ගමේ පොල් මුදලාලි කෙනෙක් ‘සුන්ටා’ ව කොළඹ එක්ක ගියා; රස්සාවක් අරන් දෙන්න.

කොහොම හරි ඒ ගමනේ දීම කොළඹ නතර වුණු ‘සුන්ටා’ ‍ඊට පස්සේ ගමට ආවේ මාස තුන හතරකට වතාවයි. නමුත් ඒ වෙනකොට ‘සුන්ටා’ ගේ හැසිරීම් කතාබහ ගති පැවතුම් සේරම ‍එහෙම පිටින්ම වෙනස්. ගමේ දකින දකින හැමෝටම තරාතිරම නොබලා ‘අයිසේ’ කියලා කතා කරපු ‘සුන්ටා’ පුංචි දේකදී උනත් දන්න කියන හැමෝටම ‘බ්ලැඩි බාස්ටඩ්’ කියන ඉංගිරිසි පරුෂ වචනයෙන් බැනවදින්න පටන්ගත්තා. ඒ එක්කම ගමේ අය එක්ක වුණත් සිංහලෙන් කතා කර කර හිටපු ‘සුන්ටා’ හිටපු ගමන් සරබර - සරබර ගාලා ඉංගිරිසියෙන් කතා කරන්න පටන් ගත්තා; කොළඹ සුදු මහත්තයකුගේ බංගලාවක වැඩ කරන හින්දා සුන්ටට දැන් සිංහල ටිකෙන් ටික අමතක වෙන්න පටන් අරන් කියලයි ගම්මු හිතුවේ.

මේ කතාවල හැබෑ බොරු කොහොම වුණත් ‘සුන්ටා’ ඒ විදිහට සර සර ගාලා කතා කළේ ඇත්ත ඉංග්‍රීසි නම් නෙවෙයි. මෙතනදී සුන්ටා කළේ තමන් දන්න ඉංග්‍රීසි වචන දෙක තුන මැදට දාලා කටට එන එන වචන පාවිච්චි කරමින් බොරු ඉංගිරිසියක් ගම්මුන් හමුවේ මවාපාන එක විතරයි.

කොහොම හරි පහු කාලේ වෙනකොට ‘සුන්ටා’ කොළඹ අතහැරලා ගමේ පදිංචියට ආවා. හැබැයි ඒ වෙනකොට ‘සුන්ටා’ ගැන ගමේ මිනිස්සුන්ගේ හිත්වල ලොකු ගෞරවනීය හැඟීමක් තිබුණා. ඒකට ප්‍රධාන හේතුව තමයි ගමේ ඉන්න එකම එක ඉංගිරිසි උගතා ‘සුන්ටා’ වීම.

ඔන්න කොහොම හරි මේ අතරේ දවසක් මොකක් හරි උවමනාවකට ඉංගිරිසි ජාතිකයෙක්; සුද්දෙක් ගමට සේන්දු වුණා. නමුත් ඒ මනුස්සයා ආවේ මොකටද කියලා දැන ගන්නවත් ගමේ කිසිම කෙනෙකුට බැහැ; හේතුව ඉංගිරිසි නොදන්න කම.

කොහොම හරි ඉතින් මේ වෙලාවේ ගමේ හැමෝටම මතක් වුණේ ‘සුන්ටා’ ව; ඒ හින්දා ගම්මු සුද්දාගේ පැමිණීම ගැන කියලා ‘සුන්ටා’ ට පණිවිඩ පිට පණිවිඩ යවන්න පටන් ගත්තා. මේ ආරංචිය දැන ගත්තා විතරයි ‘සුන්ටා’ ට එලොව පොල් පෙනුණා. ඒත් දැන් මේ අවස්ථාව මඟ හැරියොත් ගමේ ඉඳලත් ඉවර බව දැන ගත්තු ‘සුන්ටා’ ලැජ්ජා බය සේරම අතහැරලා සිංහය වගේ සුද්දා ඉස්සරට ගිහින් ගම්මුන් ඉදිරිපිට දීම;

හලෝ; හලෝ;

ගුඩ් මෝර්නින්;

වෙල්කම්;

හවු ආ යූ;

වගේ තමන් දන්න වචන දෙක තුන කියලා සුද්දට අතට අත දුන්නා.

නමුත් ඊට පස්සේ සුද්දා අහපු කිසිම දෙයක් ‘සුන්ටා’ ට ‍තේරුණේ නැහැ. ඒත් ‘සුන්ටා’ ඒ බවක් නොදන්වා  අර පුරුදු විදිහට තමන් දන්න ඉංගිරිසි වචන දෙක තුන මැද්දට දාලා; සුද්ද ඉස්සරහා තොරතෝංචියක් නැතුව කියවන්න පටන් ගත්තා; මේ අණ්ඩර දෙමළ අහගෙන ඉන්න සුද්දත් ගල් ගිල්ලා වගේ ‘සුන්ටා’ දිහා බලාගෙන ඉන්නවා.

 

“මොකද සුන්ටෝ ඔය සුදු මහත්තයා එකම වචනයක් වත් නොකියා ඇටි කෙහෙල් කාපු උගුඩුවා වගේ ඇස් දෙක නෙරවාගෙන උඹ දිහා බලාගෙන ඉන්නේ?” මේ අතරේ ‘සුන්ටා’ ට කිට්ටු වුණු ගැමියෙක් රහසින් ඇහුවා.

“මං වගේ සරං කෙටියක් ගහගත්තු ගොඩයෙක් උන්ටත් වඩා උජාරුවට ඉංගිරිසි කතා කරනවා අහගෙන ඉන්න කොට සුද්දන්ට එලෝ පොල් පේන එක පුදුමයක් ද බං.” එහෙම කියපු ‘සුන්ටා’ තැන්ක් යූ, තැන්ක් යූ කිය කියා සුද්දාගේ අත මිරිකන්න පටන් ගත්තා. කොහොම වුණත් මේ අප්‍රසන්නකාරී අත්දැකීමට තව දුරටත් මුහුණ දෙන්න බැරි හින්දා සුද්දා ඊට පස්සේ වචනයක් වත් නොකියා බිම බලාගෙන ආපහු හැරුණා. කොහොම නමුත් මේ සිද්ධියත් එක්ක සුද්දන්ටවත් නැති සුන්ටාගේ ඉංගිරිසි දැනීම ගැන අහල පහල ගම්වලත් පැතිරිලා ගියා.

ඒ වගේම මේ කතාවේ දෙවනි කොටසකුත් තියනවා. ඒ මෙහෙමයි

පහු වෙනකොට සියනෑ කෝරලයේ අධ්‍යාපන මට්ටම ටිකෙන් ටික දියුණු වෙලා දරුවන්ට ඉංගිරිසි ඉගෙන ගන්න පහසුකම් ලැබුණා. ඔය අතරේ ගමේ වැඩිහිටියෝ තමන්ගේ දරුවන්ට කිව්වේ බලපන්කෝ අර ‘සුන්ටා’ මාමා ඉංගිරිසි කතා කරන අපූරුව උඹලත් එහෙම ඉංගිරිසිය හුරුවෙයිල්ලා කියලා; කොහොම හරි අපේ රටේ නිදහස් අධ්‍යාපනය ආරම්භ කරපු සී.ඩබ්ලිව් ඩබ්ලිව් කන්නන්ගර මහත්තයා ඉංගිරිසි අධ්‍යාපනයටත් මුල් තැනක් දුන්නට පස්සේ ඒ ගම්වල තරුණ පිරිස් ටිකෙන් ටික ඉංගිරිසියට හුරුවුණා. දැන් ‘සුන්ටා’ හොඳටම වයස් ගත වෙලා; ගමේ තරුණ පෙළ ‘සුන්ටා’ ව හැඳින්වුවේ සුන්ටා සීයා කියලා;

“හැබෑට මොකද සුන්ටා සීයේ උඹ හොඳට ඉංගිරිසි දන්නවා කියලා මෙච්චර කාලයක් ගමට බොරු කළේ? දැන් බලාගෙන ගියාම උඹ දන්න මෙලෝ ඉංගිරිසියක් නැහැනේ. ඇයි ඉතින් උඹ එහෙම බොරු  කරලා පවු පුරවා ගත්තේ.

ගෙදර ඉස්තෝප්පුවේ තියන වැල් ඇඳ උඩට වෙලා  ලෙඩදුක් එක්ක ජීවිතේ හැන්දෑ යාමය ගෙවන ‘සුන්ටා’ සීයා ගෙන් තරුණයෝ පහු කාලෙදී එහෙම ඇහුවා.

එතකොට  මොකක්ද දන්නවද සුන්ටා සීයා ඒ හැමෝටම දීපු උත්තරේ?

“මම ඉංගිරිසි දන්නේ නැති එක හැබැයි; ඒත් මම බොරුවට හරි ඉංගිරිසියක් මවාපාපු හින්දා නෙවෙයිද බොලාගේ දෙමව්පියෝ බොලාව බලහත්කාරයෙන් ඔය ඉංගිරිසිය පැත්තට තල්ලු කළේ? ඉතින් මට ඒ පිනම මදිද බොලව් හොඳ ලෝකෙක යන්න!

සහන් සංකල්ප සිල්වා

IMAGE

බිග් මැච් තහනම ඇවිලෙන ගින්නක් පිදුරු වලින් වහනවා වගේ!

IMAGE 2017 Mar 28 15:52
ශ්‍රී ලංකාවේ දරුවන් විභාග සමත් වීමේදී ඉදිරියෙන් සිටියත් ඔවුන්ගේ විනය පිළිබඳව සතුටුවිය...
Views - 384

සිංහල අලුත් අවුරුද්ද අපට මෙතරම් රහ වැටෙන්නේ ඇයි?

IMAGE 2017 Mar 28 10:26
’සිංහල අලූත් අවුරුද්ද’ යන වදන අසන්නට හෝ කියවන්නට ලැබුණු සැණින් ඔබගේ සිත තුළ ජනිත වන හැඟීම...
Views - 483

සුද්දන් දෙකට පැලූ 'මීයන් ඇල්ලේ' කතාව

IMAGE 2017 Mar 27 16:59
වර්ෂ 1815දී අප රටේ පාලනය මුළුමනින්ම සිය’තට ගත් ඉංග්‍රීසි ජාතිකයන් එය නැවත අප අතට පත් කරන ලද්දේ...
Views - 1122

මැතිනිය බක්කි කරත්තෙන් ඉස්කෝ‍ලේ ගිය හැටි

IMAGE 2017 Mar 27 11:07
ඒ වර්ෂ 1923 ජූලි මස 9 බ්‍රහස්පතින්දායි. රත්නපුර දඹවින්න වලව්වෙන් පිටත් වූ බක්කි කරත්තය නගරයේ...
Views - 2007

සමහර සාස්තර බලාගෙන හිටියා වගේ කියැවෙන්නේ කොහොමද?

IMAGE 2017 Mar 27 10:43
ගතවූ වසර විසිඅටක කාලය තුළ මම වරින්වර ‘බලා සිටියාක් මෙන් සත්‍ය පවසෙතැ’යි බොහෝ දෙනකු කී...
Views - 2114

සමහරු සල්ලි මත්තේ නැහෙද්දී තාත්තා වින්දනය සොයමින්...

IMAGE 2017 Mar 26 14:43
සිංහල වේදිකාව, සිනමාව සහ රූපවාහිනිය විජයග්‍රහණය කළ චරිතාංග නළුවකු වශයෙන් ජයලත් මනෝරත්නයන්...
Views - 7540

Please publish modules in offcanvas position.