lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

බොහෝ දෙනෙක් නොදත් සක්‍රයාගේත් වයිමාගේත් ඇත්තම කතාව

“අපේ රටේ බඩු මිල අඩු කරන්න ශක්‍රයාගේ පුතා වයිමාට වත් බැහැ.” මේක මීට අවුරුදු කීපයකට කලින් අපේ රටේ සුවිසල් ආන්දෝලනයකට තුඩු දුන් කතාවක්. අපේ රටේ එවකට පැවැති බඩුමිල මුල් කර ගනිමින් මේ කතාව කිව්වේ පහුගිය ආණ්ඩුවේ වෙළද සහ පාරිභෝගික සේවා අමාත්‍ය බන්දුල ගුණවර්ධන මහත්තයා. නමුත් මේ බඩුමිල අඩු කරන්න බැරි කතාව පැත්තක තියෙද්දී සමහරු කවුද මේ ශක්‍රයාගේ පුතා වයිමා කියන්නේ කියලා දිගට හරහට හොයන්න පටන් ගත්තා. මේ සම්බන්ධයෙන් අපේ දැනඋගත් හාමුදුරුවරු නම් කිව්වේ ශක්‍ර දේවේන්ද්‍රයා ගැන වැඩිපුරම සඳහන් වෙන බෞද්ධ සාහිත්‍යයේ සූත්‍ර පිටකයට අයිති සංයුක්ත නිකායේ සක්ක සංයුක්තයේවත් ශක්‍රයාට වයිමා කියලා පුතෙක් හිටපු බවක් සඳහන් වෙන්නේ නැහැ කියලයි.  මේකෙන් මේ රසවත් සමාජ කතිකාව තවත් උණුසුම් වුණා.
කොහොම හරි අන්තිමට ශක්‍රයාගේ පුතා වයිමා ගැන කියපු බන්දුල ගුණවර්ධන ඇමති තුමාටවත් කවුද මේ “වයිමා” කියලා ජනතාවට හරියට කියලා දෙන්න බැරි වුණා. ඒ හින්දම පුවත් පත් කාටුන් ශිල්පියෝ මේ ශක්‍රයාගේ පුතා වයිමගේ කතාව කාටුන්වලට නංවනකොට ශක්‍ර දේවේන්ද්‍රයාගේ රූපයක් අඳින්න පටන් ගත්තා.
නමුත් මේ ශක්‍රයාගේ පුතා වයිමාගේ කතාවේ එන සක්‍රයා කියන්නේ ශක්‍ර දේවේන්ද්‍රයා නෙවෙයි; මෙතන සක්‍රයා කියන්නේ මීට කලින් ‘පෝස්ටුවෙන්’ මම ඔබට හඳුන්වලා දීපු සැක්‍රියන් සොයිසාට; (මතක නැතිනම් පොඩ්ඩක් බලන්න)
ඒ කාලේ හත්කෝරලේ ගැමියන් මේ සැක්‍රියන් සොයිසාව හැඳින්වූවේ ‘සක්‍රයා’ කියලා. ඒකට ප්‍රධාන හේතු දෙකක්ම තිබුණ. මුල්ම හේතුව තමයි අපේ ගැමියන්ට සැක්‍රියන් කියනවට වඩා සක්‍රයා කියන වචනය පහසුවෙන් උච්ඡාරණය කළ හැකිවීම; ඒ වගේම සැක්‍රියන් සොයිසා ශක්‍රයා වගේ පංචකාම සම්පත් භුක්ති විදිමත් ඔහුට මේ ‘සක්‍රයා’ කියන නම පට බැ‍‍‍ඳෙන්න හේතු වෙන්න ඇති. මේ සක්‍රයාගේ තිබුණු ලොකුම දුර්වලතාවයක් තමයි උස්මුරුත්තාවට ගිය ස්ත්‍රී ලෝලිත්වය. ගමේ රටේ තරමක් හැඩ වැඩ ගෑණු ලමිස්සියක් ඇහැ ගැහුණොත් මොන දහංගැටේකින් හරි ඒ ලමිස්සිව තමන් ගේ ග්‍රහණයට නතු කර ගන්නකම් සක්‍රයාට නින්ද ගියේ නැහැ. නමුත් ඒක එච්චරටම ලේසි පහසුකාරියක් නෙවෙයිනේ ඒ හින්දා පහුවෙනකොට සක්‍රයා ඒකට කදිම උපායක් යෙදුවා. ඒ තමයි ඒ වගේ ලස්සන ගෑණු ළමිස්සියො ඉන්න ගෙවල්වල ඉන්න හරක් තමන්ට ආවතේව කරන මැරයෝ ලවා හොරකම් කරවීම; ඒ කාලේ ගවයෙක් කියන්නේ හත්‍කෝරලේ දුප්පත් පවුලකට තිබුණු ලොකුම වත්කමක්; සම්පතක්. ඒ හින්දා ගෙදරක හරකෙක් නැතිවුණාම ඒක ගම පුරාම ප්‍රචාරය වුණා. ඔය අවස්ථාවෙන් ප්‍රයෝජන ගත්තු ‘සක්‍රයා’ ත් ඒ දුක් ගැනවිල්ලට සවන් දෙන මුවාවෙන් අර ලස්සන ගෑණු ළමිස්සි ඉන්න ගෙදරට හින් සීරුවෙම රිංගුවා. එහෙම රිංගලා නිකම් හිටියේ නැහැ. ඒ නැතිවීම ගැන බොහොම විස්සෝපවෙලා කොහොම හරි ඒ හරකා හොයලා දෙන්න ඒ දැරිවිගේ වැඩිහිටියන්ට පොරොන්දු වුණා. ඔය අතරේ සැරින් සැරේ ඒ ගෙදරට ගිහින් අර කියපු ළමිස්සිට බැල්ම හෙළපු ‘සක්‍රයා’ තමන් ගේ ගෙදර දොරේ වැඩට පලට අත්උදව් දෙන්න කියලා ඒ දැරිවිව උපායශිලීව තමන්ගේ ගෙදරට ගෙන්නා ගන්නත් සමත් වුණා කියමුකෝ. ඉතින් ඔය අතරේ කොහොමහරි අර නැතිවුණ හරකත් හොයා ගන්තු බවක් අඟවලා ‘සක්‍රයා’ තමන්ගේ මැර ගෝල බාලයොත් එක්ක බොහොම ආඩම්බරයෙන් අර ගෙදරටම ගිහින් බාර දුන්නා.
නමුත් හත්කෝරලේ ගැමියන්ට සක්‍රයාගේ මේ උප්පරවැට්ටිය තේරුණේ නැහැ.
සක්‍රයා ගේ පුතාගේ නම වයිමන් සොයිසා; සැක්‍රියන්ට සක්‍රයා කියපු ගම්මු උන්නැහේගේ පුතා හැඳින්වුවේ ‘වයිමා’ කියලා. කොහොම හරි මැර කල්ලිය ලවා අහිංසක ගම්මුන්ගේ හරක් හොරකම් කරලා තමන් ගේ තාත්තණ්ඩි කරන මේ සමනළ දඬයම පහුවෙනකොට වයිමාටත් ටිකෙන් ටික තේරුම් ගියා. ඒ වෙන කොට හොඳට කරදඬු උස්වෙලා හිටපු ‘වයිමා’ ටත් අරවගේම මැර හමුදාවක් හිටියා. පහුවෙනකොට තාත්තණ්ඩි කරන මේ සමනළ දඬයම හීන්සීරුවෙම තමන්ගේ අතට ගන්න වයිමා මොකද කළේ; තාත්තාගේ මැරයන් හොරෙන් අරගෙන ගිහින් හංගලා තියන හරක් තමන්ගේ මැරයන් ලවා ඒ තැන්වලින් හොරකම් කරලා වෙනම තැන්වල හංගන්න පටන් ගත්තා. ඊට පස්සේ ඉතින් කලින් හංගපු හරක් ගැමියන්ට භාර දෙන්න සක්‍රයාට බැරි වෙනවනේ . ඒහින්දා ඔන්න ගැමියන්ගේ නැතිවුණු හරක් හොයා දීමේ ‘වික්‍රමය’ වයිමා කරන්න පටන් ගත්තා. ඊට පස්සේ ගැමියොත් තමන්ගේ නැතිවුණු හරක් හොයා දීම බාර කළේ සක්‍රයාගේ පුතා වයිමාට; ඒ වගේම ඔය වෙනකොට වයිමාත් ඒ හරක් හොයාදීම මුල්කොට ගත්තු සමනළ දඬයමත් බොහොම රහසිගතව සීරුමාරුවට කරගෙන ගියා කියමුකෝ.
කොහොම හරි මේ වෙනකොට ඒ ගම්පළාත් වල ඉන්න හරක් හොරුන්ට ඉවවැටුණා, මේ තාත්තයි පුතයි තමන්ගේ මැර කල්ලි යොදාගෙන කරන මේ උප්පර වැට්ටිය. ඊළඟට මේ ගම්වල හිටපු හරක් හොරු මොකද කළේ; සක්‍රයාගේ මැර කල්ලි පැහැර ගත්තු හරක් වයිමාගේ මැර කල්ලි හංගලා තියන තැන්වලිනුත් පැහැරගෙන ගිහින් මරාගෙන කෑවා. ඊට පස්සේ මොකද වුණේ මුලින්ම සක්‍රයා ළඟටත් දෙවනුව වයිමා ළඟටත් ගිහින් නැතිවුණු හරක් හොයා ගත්තු ගැමියන්ට තමන්ගේ නැතිවුණු හරක් හොයා ගන්න කිසිම ක්‍රමයක් නැතිව ගියා; ඊ ට පස්සේ තමයි මේ නැතිවුණු හරක් ගැන කතා කරපු ගැමියෝ “ සක්‍රයාට කොහොම වුණත් සක්‍රයාගේ පුතා වයිමාටත් බැරි නම් ඉතින් බෑම තමයි බොලව්” කියලා කියන්න පටන් ගත්තේ. කොහොමද අපේ බන්දුල ඇමතිතුමා කියපු සක්‍රයාගේ පුතා වයිමගේ පිරුළේ පසුබිම් කතාව.
 
සහන් සංකල්ප සිල්වා 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

මහින්දානන්දට දී.මූ දියණියට යළි මංගල සීනු

IMAGE 2017 Apr 28 11:18
පසුගිය රජය සමයේ ක්‍රීඩා ඇමති ධූරය හෙබවූ හිටපු අමාත්‍ය මහින්දානන්ද අලුත්ගමගේ  මහතා අද (28)...
Views - 398

FB WhatsApp Twitter තහනම් වෙයි

IMAGE 2017 Apr 27 12:11
ෆේස් බුක්, වට්ස් අප්,ට්විටර්, ඇතුළු සමාජ ජාල 22 ක් තහනම් කිරීමට ඉන්දියාවේ ජම්බුකාශ්මීර...
Views - 765

තිස්නව හැවිරිදි ජනපති අපේක්ෂක ගේ බිරිඳට හැට හතරයි

IMAGE 2017 Apr 27 11:21
ප්‍රංශයේ  ජනාධිපති වරණයේ දෙවන වටයට තේරී පත් වී සිටින එම්මානුවෙල් මැක්‍රෝන් (Emmanuel Macron) මේ වන...
Views - 2427

අප රටේ විසූ අප්‍රකට සුනඛ වීරයකුගේ කතාව

IMAGE 2017 Apr 27 09:20
වීරයන් ගැන අපි කොතෙකුත් කතා අහලා, කතා කරලා ඇති, නමුත් ඒ මිනිස් වීරයන් ගැන, ඒ වගේම සැබෑ වීරයන්...
Views - 1827

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 2397

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 3783

Please publish modules in offcanvas position.