lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

සොයිසාගේ බස්තම

සැක්‍රියන් සොයිසා කියන්නේ මිට අවුරුදු සීයකට හමාරකට කලින් හත් කෝරළේ, ඒ කියන්නේ වර්තමාන කුරුණෑගල දිස්ත්‍රික්කයේ හිටපු ධන කුවේරයෙක්. හත්කෝරළේ පොල් අක්කර සිය ගාණක් තිබුණු සොයිසා මහත්තයට සුරාබදු බලපත්‍රයකුත් තිබුණා.
ඉහවහා යන තරමට සල්ලි පනම්, ගේ දොර ඉඩකඩම්, වතුපිටි වගේම් ලොකු මැර බලයකුත් තිබුණු සොයිසා මහත්තයාගේ චරිතය අතින් “හත්පොලේ ගාගෙන” හිටපු බව කාටවත් රහසක් වුණේ නැහැ.
කොහොම හරි තමන්ගේ මැර බලයයි, බේබදු කමයි, සල්ලාල කමයි වහගන්නත් මුන්නැහේ නොම්බර එකේ වැඩ පිළිවෙලක් යොදලා තිබුණා. ඒ තමයි ඒ පළාතේ තියෙන හැම පන්සලකටම අතමිට දිග ඇරලා අධාර උපකාර කිරීම. ඒ හින්දම සොයිසා මහත්තයා මොන ජාතියේ මිනිහෙක් වුණත් මහාදානපතියෙක් විදිහටත් ප්‍රසිද්ධ වුණා.
ඔන්න එක දවසක් උදේ පාන්දරක හිටිහැටියේ සොයිසා මහත්තයා කරදාසිය ලිපේ දාපු ගාණට ගමේ පන්සලට කඩා වැදුණා.
“අනේ හාමුදුරුවනේ, මම මේ දවස්වල දාහක් වැඩ; හුස්මක් කටක් ගන්නවත් විවේකයක් නැහැ‍‍; කොහොමද දුරුතු පෙරහැරේ වැඩ ටික‍; හොඳට යනවනේ; පෙරහැරේ වැඩේට තව මොකක් හරි සල්ලි වුවමනාවක් වුණොත් ඔබ වහන්සේ උවමනා කාරණෙයි ගාණයි ලියලා අපේ ලියන මහත්තයට පුංචි තුණ්ඩුකෑල්ලක් යවන්න; මිනිහා ඒ වෙලාවෙම ඔබ වහන්සේට සල්ලි එවයි. මම මිනිහට විස්තරේ කියලා තියෙන්නේ” හාමුදුරුවන්ට කතා කරන්න කිසිම ඉඩක් නොතියා අරික්කාලට, කාලට හාමුදුරුවන්ට වැඳපු සොයිසා මහත්තයා මෙන්න මොහොතකින් අන්තරස්දාන වුණා.
කොහොම හරි ඔන්න එදා රෑ දහයට විතර හාමුදුරුවෝ සැතපෙන්න හදනකොට කවුරුහරි කෙනෙක් ‘හාමුදුරුවනේ හාමුදුරුවනේ’ කියා කියා ආවාස ගේ ඉස්සරහ ඉඳන් බෙරිහන් දෙනවා. මේ අවේලාවේ පන්සලට කඩා වැදුණු මහසෝනා මොකාද කියලා බලන්න හාමුදුරුවෝ ආවාස ගෙයි දොර අරිනකොට මෙන්න සොයිසා මහත්තයා ආවාසේ දොර ඉස්සරහ බලි රූපෙ වගේ හිටගෙන ඉන්නවා.
“අනේ හාමුදුරුවනේ මම ආවේ අද උදේ මගේ බස්තම මෙහේ අමතකවෙලා ගියාද කියලා බලන්න; ඔබ වහන්සේට කියන්න ඕක අපේ හිටපු සුදු ඒජන්ත මහත්තයා ඒරෝප්පෙ යන්න නැව් නගින්න කලින් මාව මතක් වෙන්න මේක තියා ගනින් කියලා මගේ අතත් ඉඹලා මට දීපු බස්තම; මම ඕකට මගේ පණටත් වඩා ආදරෙයි හාමුදුරුවනේ.” මෙන්න සොයිසා මහත්තයා හාමුදුරුවෝ ඉස්සරහ නාහෙන් අඬන්න පටන් ගත්තා.
“සොයිසා මහත්තයා තරහා නැතිව මෙතැනින් වාඩි වුණා නම් ඩිංගිත්තකට”සොයිසා මහත්තයාගේ ඒ අසරණ කමින් ප්‍රයෝජනය ගත්ත හාමුදුරුවෝ ආවාසෙ ඉස්තෝප්පුවේ තියන බංකුව පෙන්නලා කිව්වා; එතකොට මෙන්න සොයිසා මහත්තයත් වැස්සට අහුවුණු බළල් පැටියෙක් වගේ හාමුදුරුවන්ට කීකරු වුණා. “අද පාන්දර පන්සලට එනකොට සොයිසා මහත්තයාගේ අතේ ඔය බස්තම තිබුණා තමයි, ඒත් ඔබ තුමා ඒක ආපහු අරන් යනවා මට නම් හොඳටම මතකයි. හොඳයි මට කියන්න මේ පන්සලෙන් ගිහින් ඊට පස්සේ ඔබ තුමා කොහේ කොහේද ගියේ කියලා.”  හාමුදුරුවෝ බොහොම සන්සුන් විදිහට සොයිසා මහත්තයට කිව්වා.
“අනේ හාමුදුරුවනේ අද දවසේ මම ගිය දිහාවල් කිව්වොත් ඒකටත් පැයක් විතර යයි; මම උදෙන්ම අර විදානෙගේ කෙල්ලගේ කොටහළු මඟුලට ගියා; ඊට පස්සේ ඒබරන් කපුරාළ අසනීප වෙලා හින්දා මිනිහව බලන්න ගියා; ඊටත් පස්සේ කොප්පරා මඩුවට ගියා... එතැනින් කෙළින්ම ගියා ම්...ම්...ම්” සොයිසා මහත්තයා කතාව නතර කළා.
“සොයිසා මහත්තයා ඔය වගේ අමතක වීම් අතපසුවීම්වලට ප්‍රධාන හේතුව තමයි සොයිසා මහත්තයාගේ හිතේ සන්සුන් කමක් එකලාසයක් නැතිකම; රටේ ලෝකෙ තියන වැඩ ටික ඔක්කොම තනියම බදා ගන්න ගියාම ඔහොම තමයි අන්තිමට වෙන්නේ, අර දොඩම් ගොඩ බදා ගන්න ගිය මිනිහට වෙච්චි දේමයි.” දැන් හාමුදුරුවෝ සොයිසා මහත්තයාට හීන් සීරුවේ පුංචි බණක් කියන්න හදනවා.
“ හොඳයි කොහොමද හාමුදුරුවනේ මම දැන් හිත සන්සුන් කර ගන්නේ. මට දැනට ඒක විතරක් කියන්න; මට කොහොම හරි මේ බස්තම හොයාගන්නම ඕනේ” හාමුදුරුවන්ගේ කතාවට බාධා කරපු සොයිසා මහත්තයා එකපාරටම කිව්වා.
“හොඳයි සොයිසා මහත්තයා අන්තිමට පන්සිල් සමාදන් වුණේ කවදද මතකද?” සොයිසා මහත්තයාට මෙල්ල නොවී මෙන්න හාමුදුරුවොත් ඇහුවා.  “ඒක නම් මට මතක නැහැ; අපේ හාමුදුරුවනේ පන්සිල් ගන්න එක නෙවෙයිනේ දැන් මෙතන තියන ප්‍රශ්නේ; මගේ බස්තම හොයා ගන්න එකනේ” මෙන්න සොයිසා මහත්තයත් හාමුදුරුවන්ට දෙවැනි නොවී කිව්වා.
“හරි ඒ සේරම දැන් පැත්තකින් තියන්න; මම දැන් සොයිසා මහත්තයට පන්සිල් දෙනවා; සොයිසා මහත්තයා සූදානම්ද කියන්න දැන් මෙතන පන්සිල් සමාදන් වෙන්න.” හාමුදුරුවොත් තරමක් තදින් ඇහුවා.
“එහෙම වුණොත් මගේ බස්තම හම්බුවෙයිද?”  සොයිසා මහත්තයත් කැත්තට පොල්ලවගේ ප්‍රශ්නයක් නැගුවා.
“ඔවු හම්බු වෙනවා තමයි” හාමුදුරුවොත් තදින්ම කියා සිටියා.
ඔන්න දැන් සොයිසා මහත්තයා තද බල නොඉවසිල්ලකින් වැඳගෙන ඉන්නවා; හාමුදුරුවොත් බොහොම සන්සුන් විදිහට පන්සිල් දෙනවා දැන් කොහොම හරි තිසරණය වැඳලා ඉවරවෙලා හාමුදුරුවෝ පාණාතිපාතා, අදින්නා දානා කියන සිල් පද දෙක කියලා; ඊ ළඟට කාමේසු මිච්ඡාචාරා වේරමණී කියන කොටම සොයිසා මහත්තයා දඩස් ගාලා ගැස්සුණා.
“හරි හාමුදුරුවනේ හරියට හරි ඔබවහන්සේ කියපු කතාව සීයට සීයක්ම හරි” මෙන්න හිටපුගමන් පන්සිල් ගැනීම නතර කරපු සොයිසා මහත්තයා දඩිබිඩිගාලා බංකුවෙන් නැගිට්ටා.
“ඔබ වහන්සේ කාමේසු මිච්ඡාචාරා කියන කොටම මට මතක් වුණා මගේ බස්තම අමතක වුණු තැන”  එහෙම කියපු සොයිසා මහත්තයා විදුලි වේගෙන් ආපහු හැරුණා. “එකත් එකටම ඒක බබී නෝනාගේ ගේ ඇඳ විට්ටමේ එල්ලලා ඇති”
 
සහන් සංකල්ප සිල්වා

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

මහින්දානන්දට දී.මූ දියණියට යළි මංගල සීනු

IMAGE 2017 Apr 28 11:18
පසුගිය රජය සමයේ ක්‍රීඩා ඇමති ධූරය හෙබවූ හිටපු අමාත්‍ය මහින්දානන්ද අලුත්ගමගේ  මහතා අද (28)...
Views - 363

FB WhatsApp Twitter තහනම් වෙයි

IMAGE 2017 Apr 27 12:11
ෆේස් බුක්, වට්ස් අප්,ට්විටර්, ඇතුළු සමාජ ජාල 22 ක් තහනම් කිරීමට ඉන්දියාවේ ජම්බුකාශ්මීර...
Views - 764

තිස්නව හැවිරිදි ජනපති අපේක්ෂක ගේ බිරිඳට හැට හතරයි

IMAGE 2017 Apr 27 11:21
ප්‍රංශයේ  ජනාධිපති වරණයේ දෙවන වටයට තේරී පත් වී සිටින එම්මානුවෙල් මැක්‍රෝන් (Emmanuel Macron) මේ වන...
Views - 2425

අප රටේ විසූ අප්‍රකට සුනඛ වීරයකුගේ කතාව

IMAGE 2017 Apr 27 09:20
වීරයන් ගැන අපි කොතෙකුත් කතා අහලා, කතා කරලා ඇති, නමුත් ඒ මිනිස් වීරයන් ගැන, ඒ වගේම සැබෑ වීරයන්...
Views - 1814

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 2395

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 3782

Please publish modules in offcanvas position.