Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සොඳුරු වලපනේ සැබෑ අසිරිය අත්විඳ ගන්න

http://www.lakbima.lk/images/frontimage/2017/July/2017.07.10/Sundara-lakbima.jpgවලපනේ ප්‍රදේශයේ බොහෝ ආකර්ෂණීය ස්ථාන ඇති අතර ඒ අතරින් සංචාරකයින්ගේ සිත් ඇද ගන්නා ස්ථාන කිහිපයක් ගැන ඔබට කීමට කැමැත්තෙමු.

කුරුඳුඔය දිය ඇල්ල වලපනේ නගරයට ඉතා ආසන්නයේ පිහිටි උස මීටර් 189 වන ලංකාවේ දෙවැනියට උස දිය ඇල්ලයි. වලපනේ නගරයට සැපයෙන්නේ මෙයින් ලැබෙන පිරිසිදු ජලයයි. එසේම මේ ජලය උපයෝගී කරගෙන විදුලිබලය නිපදවන බලාගාරයක්ද 2016 වසරේ  සිට  සක්‍රීයව පවතී.

‘ඔස්ලින්ක්’ හෝටලයේ සිට මේ දිය ඇල්ලට ළඟාවිය හැකි මාර්ග කිහිපයකි. ඒ සෑම මඟක්ම එකක් පරයා එකක් සුන්දරත්වයෙන් අග තැන්ය. මේ අතරින් වලපනේ නගරයට ඉහළින් පිහිටි කඳුගැටය නැග එතැන් සිට පහළට ගමන් කරන මාර්ගය වඩාත් සුන්දර බව සංචාරකයෝ පවසති.  කඳුගැටය නැගීමට තේ වතු මැඳින් වැටී ඇති මාර්ගයේ සමාන්‍ය වාහනයකින් ගමන් කළ හැකි වන අතර “Four Wheel Drive”   වාහනයකින් කෙළින්ම ඉහළට නැඟීමට ද පුලුවන.  පා ගමනින් මෙම කන්ද ජය ගැනීමට දක්ෂ කඳු නඟිනෙකු හට හැකියි.

කෙසේ හෝ මේ තැනට ළඟාවන ඔබට තිළිණ වන්නේ මනස්කාන්ත දර්ශන පෙළකි. ශ්‍රී ලංකාවේ අන් කිසිම තැනක දැක නැති මේ අපූරු ස්වභාව සෞන්දර්ය රසය විඳ, කැමරා කාචයේ  සටහනක් තබා තවත් කිලෝමීටරයක් පමණ දුරක් පහළට බැස යන ඔබට කුරුඳුඔය දිය ඇල්ල ඈතින් දිස්වේ. එහි පාමුල සිට රිසිසේ ආශ්චර්ය විඳින්නටත් එම වටපිටාවේ සුන්දරත්වය දැකබලා ගැනීමටත් ඔබට හැකිය. වසර මුලුල්ලේම කඩා හැලෙන සුදෝ සුදු මේ දිය දහර ඔබේ සිත වසඟ කර ගනු නියතය.

වලපනේ ප්‍රදේශයේ පිහිටා ඇති තවත් ඉතාමත් සුන්දර ස්ථානයකි  ‘ගොලුමලේ’; දේශීය හා විදේශීය සංචාරකයින්ගේ අතිශය ඇගැයීමට ලක්ව ඇති මේ ස්ථානයට ළඟාවීමට ‘ඔස්ලින්ක්’ හෝටලයේ සිට ගත වන්නේ පැය භාගයක පමණ කාලයකි. එහෙත් මේ ප්‍රදේශයට අතුලුවන ඔබට දැනෙන්නේ ඔබ සදාහරිත වනාන්තරයක් මැද්දට ගමන් කරන බවකි.

‘ගොලුමලේ’ කියන යන නම සෑදී ඇත්තේ ගගේ ඇති ජලය එහි මැද ඇති ගං ළිඳකට වැටී නොපෙනී ගොස් අනික් පැත්තේ ඇති කවුලුවකින් එළියට එන නිසාය. එම ක්‍රියාවලිය හොඳින් දැක ගන්න නම් ගගේ වතුර මට්ටම අඩු විය යුතුයි. අනික් වෙලාවට මේ සියල්ල වතුරෙන් යට වන නිසා මෙම දර්ශනය නොපෙනී යයි. මේ ගඟ පතුලේ ගං ළිං විශාල ප්‍රමාණයක් තිබේ.”
රි‍සි‍සේ පිරිසිදු මිරිදිය ජලයෙන් නා ගෙන, මෙතනදීම අප හෝ ගැමියන් පිළියෙල කර දෙන ආහාර පාන රස විඳ, ගල් තලාවේ සැතපෙන ඔබට රාත්‍රී කාලය ළඟා වන විට අට්ටාලයට නැගීමට අණ ලැබෙන්නේ මේ ප්‍රදේශයට රන්දෙනිගල වන රක්ෂිතයේ නිදහ‍සේ සැරිසරන අලි ළඟා වන නිසාය.

මේ ගගේ එක් පසෙක අලි නිදහෙස් ජීවත් වන අතර අනෙක් පස අපේ ගැමියෝ කුඹුරු කොටාගෙන, අල, බතල සහ එළවළු වගා කරගෙන සතුටින් ජීවත් වෙති. අපේ රටේ මෙවන් සාර්ථක සහජීවනයක් දක්නට ලැබෙන්නේ ද ඉතා කලාතුරකිනුයි.

මෙයට ගඟ දිගේ ඉඳිරිකර ඇති විදුලි වැටෙන් ලැබෙන පිටුවහල කියා නිම කළ නොහැකියි.

ගඟට සමාන්තරව තවත් පහළට පියනගද්දී ගඟ හරහා යාමට ඉදිකළ අත්වැල් පාලමට ළඟා විය හැකිය. එතනින් කන්ඳකැටියට (බදුල්ල දිස්ත්‍රික්කය) ඉතාමත් කිට්ටුයි. මේ පහළ ප්‍රදේශය ‘බොලගන්දාවෙල’ නමින් හැඳින්වෙයි. මෙහි ඇත්තේ දුටුවන් ‍සිත් පැහැරගන්නා සුන්දරත්වයකි.
වලපනේ නගරයට සහ සංචාරක හෝටලයට ඉතාමත්ම ආසන්නයේ පිහිටා ඇති තවත් ආකර්ෂණීය ස්ථානයක් ඇත. ඒ ජපන් සාම චෛත්‍යයයි. කන්දක උඩ ඉදිකර ඇති මේ චෛත්‍යයට ළඟාවීමට කිලෝ මීටර් භාගයක පමණ දුරක් පයින් ගොස් ගල් පඩි 400 ක් පමණ නැඟිය යුතුය. මේ දුරම ත්‍රීරෝද රථයකින් හෝ වෙනත් වාහනයකින් විනාඩි 10 කට අඩු කාලයකින් ගමන් කර එහි ළඟා වීමටත් ඔබට පුළුවන්.

ලංකාවේ ජපන් චෛත්‍යය හයක් 1984  වසරේ දී ඉදි කෙරුණු අතර මේ ස්ථානයේ පිහිටීම සහ සුන්දරත්වය මෙය ඉදිකිරීමට හේතු වූවා නොඅනුමානය. ඉහළින් දිස්වන කඳුත්, පහළින් දිස්වෙන වලපනේ නගරයත්, ඈතින් දිස්වන රන්දෙනිගල ජලාශය සහ තේ වතු ආදියත් මේ ස්ථානයේ ඇති නිස්කලංක පරිසරයත් සංචාරක ඔබේ සිත පිනවනු ඇත.

jp

ජපන් ජාතික ස්වාමීන් වහන්සේ මෙහි වාසය කරන දිනවල උදේ පාන්දරින් රබාන වයන්නා සේ වටාපතකට වැනි යමකට තාලයට ගසමින් ගාථා කියමින් වලපනේ නගරයට පිඬු සිඟා වඩිති. මෙය දන්නා නගරවාසීන් හීල් දානය සූදානම් කර පිළිගන්වන්නේ සැදැහැ සිතිනි.
පුංචි ලෝකාන්තය පිහිටා‍ ඇත්තේ වලපනේ නගරයට කිලෝ මීටර් කිපයක් ඈතිනුයි. මෙම ස්ථානය හෝටන් තැන්නේ පිහිටි ලෝකාන්තයේ කුඩා ආකෘතියක් ලෙසද දිස්වෙන අතර මේ ස්ථානයට ළඟා වීමට විශේෂ ආයාසයක් දැරීමටද අවශ්‍ය නැත. ත්‍රීරෝද රථයකින් හෝ ඔබ ගමන් කරන වාහනයෙන් මෙතැනට ළඟා විය හැකිය.

මෙම පුංචි ලෝකාන්තය හෝටන් තැන්නට යා නොහැකි අයටත් ලෝකාන්තය දැකීමට ලැබෙන කදිම අවස්ථාවකි. මෙහි සිට ඈත බලන ඔබේ  දසුන මීදුමෙන් වැසී යාමට ඇති ඉඩ කඩද සාපේක්ෂව අඩුය.

මෙතැන් සිට පහළ බලන ඔබට සරුසාර මිටියාවතක් ඈතින් දිස්වේ. ‘ඉතා සමීපයට යාම අනාරක්ෂිත නිසා ඔබ ප්‍රවේශම් විය යුතුය.’

ඈත ක්‍ෂිතිජයේ දිස්වන කොල පාටින් වැසුණු කඳු වැටි ඔබ මවිත කරනු  ඇත. ඔබට අවශ්‍ය නම් ඒ ප්‍රදේශවලට ඔබව රැගෙන යාමට පහසුකම් සලසාදිය හැකිය. ඔබ කළ යුත්තේ ඔස්ලින්ක් හොටෙල් ආයතනයෙන් හෝ ගම්වැසියන්ගෙන් ඉල්ලා සිටීම පමණි.
මේ ලිපිය කියවන ඔබ තේ කෝප්ප කීයක් බී ඇත්දැයි මම නොදනිමි. එහෙත් ඔබ කවදා හෝ තේ කර්මාන්ත ශාලාවක ඇතුලේ තේ කොළ නිෂ්පාදනය කෙසේ සිදුවේ දැයි දැක බලාගෙන අත්දැයි ඇසීමට මට සිතේ. එසේ නැත්නම් “ලවර්ස් ලීප්” තේ  කර්මාන්ත ශාලාව ඒ වැඩේට කියාපු තැනකි. තේ දලු නෙලීමේ සිට තේ කොළ වර්ග කිරීම සහ පැකට් කිරීම දක්වා වූ සියලුම පියවරවල් විස්තරාත්මකව දැකගැනීමට මේ ස්ථානයේ කාර්ය මණ්ඩලය විසින් සියලු පහසුකම් සපයා ඇති බව ඔබට දක්වනු කැමැත්තෙමි.

මේ ස්ථානය ‘ඔස්ලින්ක්’ හෝටලයට කිලෝමීටර් 10 ක පමණ දුරකින් පිහිටා ඇති නිසා ළඟාවීමත් පහසුය.
වලපනේ කේන්ද්‍රකොට බොහෝ ආකර්ෂණීය ස්ථාන පිහිටා ඇති බව කඳුකරයේ සිතියමක් දෙස විමසිල්ලෙන් බලන ඔබට පෙනෙනු ඇත. (පහතින් ඇති සිතියම බලන්න) මෙහි සිට පැය එකහමාරක් පමණ දකුණු දිශාවට ගමන් කරන විට මහනුවරටත්, එම කාලයම නැගෙනහිර දිශාවට ගමන් කරන විට බදුල්ල දිස්ත්‍රික්කයේ දුන්හිඳ දිය ඇල්ල පිහිටි ප්‍රදේශයටත් ගමන් කළ හැකිය. එසේම වලපනේ සිට උතුරු දිශාවට ගමන් කරන විට පැයකට අඩු කාලයකින් නුවරඑළියට ළඟා විය හැකිය. මෙහි සිට නිරිත දිශාවට යනවිට මහියංගනයට යාමට ගතවන්නේ ද පැයකට අඩු කාලයකි. මහියංගනයේ සිට අපේ ආදිවාසීන් වෙසෙන දඹානට යාමට ගතවන්නේ පැය භාගයක් වැනි කාලයකි.
රන්දෙනිගල ජලාශයත් ඒ ආශ්‍රිතව ඇති වන සංරක්ෂිතය සහ වනජීවි ඒකකයත් වලපනේ ප්‍රදේශයේ ඇති සුන්දර ස්ථාන අතර සුවිශේෂ ස්ථානයක් ගනී. ජලාශයේ දිය නෑම, බෝට්ටු පැදීම, ආදී කටයුතක් වනසංරක්ෂිතයේ පක්ෂීන් ගවේෂණය කිරීම, වල් අලි නැරඹීම  සංචාරක ඔබට ලැබෙන අවස්ථායි.

මෙම ස්ථානය පසුකර බදුල්ල දෙසට ගමන් කිරීමේ දී දුන්හිඳ දිය ඇල්ලට පිවිසෙන ස්ථානයට ළඟා විය හැකි අතර එතැන් සිට කිලෝමීටර් දෙකක පමණ දුරක් කැලෑව ඇතුලට පියමන් කරන ඔබට දිය ඇල්ලට ළඟාවිය හැක. මේ මාර්ගයේ තැනින් තැන කුඩාවට තැණුනු ගිමන් නිවන ස්ථාන ඇති අතර එහි ඇති වෙළඳසල්වල ගෙදර හදපු සිංහල කෑම වර්ග පලතුරු සහ නොයෙක් වර්ගයේ බීම වර්ග අලෙවි කෙරේ. මෙම අඩිපාර වැටී ඇත්තේ විශාල ගස් වැල් වලින් වැසුණු වනාන්තරය මැදින් නිසා ගමන්  විඩාව තදින් දැනීමට ඉඩ කඩ ද අඩුය. මෙසේ ගොස් ළඟා වන දිය ඇල්ල ඉතාම මනස්කාන්ත එකක් වන බැවින් ඔබ සතුටින් උද්දාමයට පත්වනු ඇත.

මේ ස්ථානයට පිවිසෙන තැන සිට බදුල්ල නගරයට ඇත්තේ කිලෝමීටර් 15 ක පමණ දුරකි. බදුල්ලේ සිට ඇල්ලට පැය භාගයකින් පමණ ළඟාවිය හැකි අතර බදුල්ල සිට බණ්ඩාරවෙලට යාමට ගතවන්නේ පැයකට අඩු කාලයකි. එතැන් සිට හපුතලේට ද පහසුවෙන් ළඟාවිය හැකිය.

වලපනේ, රන්දෙනිගල, බදුල්ල, වැලිමඩ, නුවරඑළිය හරහා නැවත වලපනේට ළඟා වීමට පුලුවන.

වලපනේ සිට ලෝක ප්‍රසිද්ධ ආරුගම්බේ (Surfing Beach) ජල ක්‍රීඩා කරන ස්ථානයට යාමට ගත වන්නේ පැය තුන හමාරකි. මේ මාර්ගය මහියංගනය, බිබිල, මොණරාගල හරහා වැටී ඇති අතර බොහෝ සංචාරකයින් මේ මාර්ගයට වැඩි කැමැත්තක් දක්වන බව පෙනේ. මේ ප්‍රදේශවල ගමන් මාර්ග හොඳින් සකසා ඇති බැවින් ඉක්මණින් හා පහසුවෙන් ගමනාන්තයට ළඟා වීමට හැකිය.

වලපනේ සිට නුවරඑළියට යන මාර්ගය රාගල සහ කඳපොල හරහා වැටී ඇති අතර මේ යන ගමනේදී ඔබට තේ වතු, තේ කර්මාන්ත ශාලා, විශාල පරිමාණයේ එළවලු වගාවන් මෙන්ම ඈතින් දිස්වන කඳුවැටි, ජලාශ සහ අනෙකුත් ජෛව විවිධත්වයන්ද දැක ගත හැකිවේ. මේ මාර්ගය ද හොඳින් සකස් කර ඇති නිසා ගමනද පහසුය.

වලපනේ සිට කදු නැග කඳපොලට පිවිසෙන ඔබට ශිත සුළඟ ඇඟ දැවටෙන බව එකවරම දැනෙන්නට පටන් ගනී. මේ ශීතල ඇඟ‍ට සුවදායක මුත් එය දවස මුලුල්ලේම විඳීමට අකමැති අයෙකු නම් ඔබ පෙරලා වලපනේට පැමිණ රාත්‍රී කාලය ගත කිරීමට අවශ්‍ය සියලු පහසුකම් ‘ඔස්ලින්ක්’ හෝටලයේ ඇති බව ඔබට මතක් කර දීමට කැමැත්තෙමු.

ඔබේ විනෝදාංශය කඳු නැඟීම නම් වලපනේ ඔබේ අංක එකේ තේරීම කරගන්න. ඔබට අවශ්‍ය ඕනෑම ආකාරයක කඳු තරණයක පහසුකම් සැලසීමට ඔබෙන් අපට අවශ්‍ය වන්නේ කල් ඇතිව කෙරෙන ඉල්ලීමක් පමණි.

ඔස්ලින්ක් හෝටලයේ නතරවන ඔබට . නුවරඑළිය දිස්ත්‍රික් කාය සංවර්ධන සමිතියේ සභාපතිවරයාගේ විශේෂ උපදේශකත්වය යටතේ පවත්වාගෙන යන කාය සංවර්ධන වැඩමුලු වලට සහභාගී වීමටත් අනෙකුත් කායවර්ධන ව්‍යායාම් වල යෙදීමටත් අවශ්‍ය පහසුකම් සැලසීම සඳහා ‘ඔස්ලින්ක්’ හෝටලයේ ‘ජිම්’ එක විවෘතව පවතී.

කඳු වලල්ලකින් වටවූ සදාහරිත නිම්නයක් වන වලපනේ ප්‍රදේශයට ඉතා ප්‍රසන්න කාලගුණයක් අවුරුද්ද මුලුල්ලේම පවතින අතර දවල් කාලයේ දී පරිසර උෂ්ණත්වය සෙන්ටිග්‍රේට් අංශක 20 – 25 පමන වේ. රාත්‍රීයේ දී එය අංශක 15 ක් දක්වා පමන පහළ බසී. මැසි මදුරු හා අනෙකුත් කෘමි උවඳුරු මේ ප්‍රදේශයට ආවේනික ලක්ෂණයක් නොවේ.

තවත් තොරතුරු බලාපොරොත්තු වන්න

 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 1943

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1272

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 644

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1657

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5282

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3244

Please publish modules in offcanvas position.

Web Analytics