Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

නුවරඑළියට නොදුරෙන් සැඟවුණු ‘සොබා සොඳුරු පාරාදීසය’

http://www.lakbima.lk/images/frontimage/2017/July/2017.07.10/Sundara-lakbima.jpgනුවරඑළිය කියන්නේ අප රටේ සුපිරිතම සංචාරක කලාපයක්; දේශීය වගේම විදේශීය සංචාරයන්ගේ සුවදායක විවේක පාරාදීසයක් වන නුවරඑළිය ලෙස අප හඳුනාගෙන ඇත්තේ ඒ ආශ්‍රිත ස්ථාන කිහිපයක් පමණයි. නමුත් නුවරඑළිය දිස්ත්‍රික්කයේ ඇති ඉතා වැදගත් ඵෙතිහාසික, පාරිසරික, සෞන්දර්යාත්මක වගේම සංස්කෘතික වශයෙන්ද  වැදගත් අප්‍රකට කලාපයක් පිළිබඳවයි අපේ මේ විමසුම.

වලපනේ යන නම බොහෝ දෙනෙක් අසා තිබෙනවා. නමුත් වලපනේ යාමට හෝ එහි ඇති ඉහත සඳහන් වැදගත් කම පිළිබඳව විමසීමට මෙතෙක් කිසිවෙකුත් උනන්දුවී නැහැ. සංචාරක ප්‍රවර්ධනය පිළිබඳව  කතා කරන රජයේ බලධාරීන් පවා මේ පාරිසරික කලාපය පිළිබඳව අමතක කොට තිබීම එක්තරා අන්දමක ඛේදනීය විශ්මයක්.

වලපනේ යන්නෙන් අදහස් වන්නේ වල+පනේ; කැලෑවෙන් පිරුණු ගම නැතහොත් වලක පිහිටි ගම යන්නයි. නමුත් අතීතයේ සිට ඉතා වැදගත් මානව ජනාවාස තිබූ මේ ගම් ප්‍රදේශය කැලෑවෙන් වට වී තිබූ බව පිළිගැනීම අසීරුයි. ඊට වඩා අපට පිළිගත හැක්කේ මෙය වලක පිහිටි ගමක් ලෙසයි. මුහුදු මට්ටමේ සිට අඩි 3000 ක පමණ උසකින් පිහිටා තිබෙන වලපනේ හාත්පස වූ කඳුවළල්ලකින් වට වූ ද්‍රෝනියක් වැනි භූමි භාගයක පිහිටි අපූරු ප්‍රදේශයක්.

නුවරඑළිය දිස්ත්‍රික්කයට අයත් වුවත් සදාහරිත පරිසරයකින් සේම සම ශීතෝෂ්ණ දේශගුණයකින් යුත් වලපනේ ප්‍රදේශය  කඳුරට තෙත් කලාපයේ වැදගත්ම පාරිසරික ඉසව්වක් ලෙස හඳුන්වන්නට පුළුවන්.

මහවැලි නදිය හා සම්බන්ධ රන්දෙණිගල ජලාශයට සුවිසල් දියවරක් නිති පතා නිකුත් කෙරෙන මේ ඉපැරණි ගම්වරය අනාදිමත් කාලයක සිට වී ඇතුළු කෘෂිකාර්මික බෝග වලින් පිරිපුන් සශ්‍රීක පෙදෙසක් බව කිවයුතුයි. විශේෂයෙන් මහනුවර රාජධානි යුගයේ දී දිශාවක් හෙවත් දිස්ත්‍රික්කයක් වශයෙන් හැඳින්වුණු වලපනේ රජවාසලේ පළමු අධිකාරම්ගේ පාලනය යටතේ පැවැති බව පැහැදිළියි.  ඊට හේතුව මෙම භූමියේ ඇති සරුසාර බව මහත් සශ්‍රීකත්වයකට මුල් වන බව ඔවුන් ද වටහාගෙන තිබීමයි.

වලපනේ නගරය ආසන්නයෙන් ඇද හැලෙන කුරුඳුඔය ඇල්ල තවමත් නොඉඳුල් දිය දහරාවන්ගෙන් සමන්විත මිල කළ නොහැකි මා හැගි සම්පතක් ලෙසයි හැඳින්විය හැක්කේ. සෙසු දිය ඇලි වලට සාපේක්ෂව තවමත් මේ ස්වභාදම් දිය ඇලි කොමළිය පරිසර සංහාරකයන්ගේ නොනිසි බලපෑම් වලට ලක් වී ඇත්තේම නැති තරම්.

නගරයට ඉහළින් පිහිටි තේවතු මැදින් වැටී ගත් බොහෝ අවස්ථාවල දේදුණු දර්ශනය වනු දැකිය හැකි ප්‍රදේශයේ උස්ම කඳු පියස මත නැගෙන ඔබට හාත්පස අතිශය චමත්කාර ජනක දර්ශන සිත් සේ රස විඳ ගත හැකියි. ඈතින් දිස්වන රිදී කඳක් වන් කුරුඳුඔය ඇල්ලේ අසිරිය ඇතුළු අංශක 360 වටපිටාවක් පුරා පැතිර ගත් නෙත් සිත් වසඟ කරන සොඳුරු දසුන් රැසක ආස්වාදය ලැබීමේ පින ඔබට මෙහිදී පළ දෙනු නියතයි.

අතීතයේ සිට රටට දැයට වැඩ දායක විශේෂ වීරවරයන්, පොදු ජන හිත කාමීන් රැසක් බිහිකළ වලපනේ ගම්වරයේ ඉපිද හැදී වැඩුණු ‘අජන්ත සෙනෙවිරත්න’ නම් තරුණයා ශ්‍රී ජයවර්ධනපුර විශ්ව විද්‍යාලයෙන් මූලික වෛද්‍ය උපාධිය ලබාගෙන ඉන් පසුව 2002 වසරේ එංගලන්තයටත් ඉනුත් පසුව 2006 වසරේ  ඕස්ට්‍රේලියාවටත්  පිටත් වන්නේ තම උපන් බිම වන වලපනේ සතුව ඇති මේ සියළු වටිනාකම් තම හදවතට තුරුළු කර ගනිමිනුයි. දැනටත් එහි විශේෂඥ වෛද්‍යවරයකු ලෙස සේවය කරන ඔහු හුදෙක් ව්‍යාපාරික අරමුණු වලින් තොරව තම උපන් ගමෙහි, මවුබිමෙහි ඵෙතිහාසික, සංස්කෘතික, පාරිසරික වටිනාකම දේශීය සහ විදේශීය සංචාරකයන් හට වටහා දීම පිණිස එහි වලපනේ ‘ඔස්ලින්ක්’ නැමති සංචාරක නිවහනක් 2010 වසරේ සිට තනා තිබෙනවා.

එයට ඔහු ‘ඔස්ලින්ක් (Auslink)’ යන නම යොදා ඇත්තේ ඕස්ට්‍රේලියානු සම්බන්ධතාවය සිහිපත් කිරීමටයි.

ඒ අනුව සුවිශේෂ වූ ගෘහනිර්මාණ ශිල්පයකට අනුව ඉහළම ප්‍රමිතියෙන් යුතු උපරිම ඉඩ කඩ සහිත සියළු සැප පහසුකම් වලින් යුතු මෙම නිවාඩු නිකේතනය වලපනේ ‘මෙතෙක් නොදුටු’ වලපනේ ස්වභා සිරිය දැක ගැනීමට එන ‍ඔබේ සිතටත් ගතටත් මහඟු සහනයක්, අස්වැසුමක් ලබා දෙන සුවබර නිවහනක් වනවාට සැක නැහැ.





‘සිරි ලක අන් කිසිදු තැනකින් දැකිය නොහැකි’ වලපනේ සොබා ‘සිරිය’ - බලාපොරොත්තු වන්න.

ඡායාරූප - වෛද්‍ය සුගත් විජේවර්ධන

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 2644

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2646

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 5659

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 3355

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2003

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2845

Please publish modules in offcanvas position.

Web Analytics