Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අමනුෂ්‍ය ගඳක් සිත තුළට ගත් මවක්

දිනුජිගේ සහ අකලංකගේ ආදරයට දිනුජිගේ මාපියන් කෙසේ වෙතත් අකලංකගේ මාපියෝ දැඩිසේ විරුද්ධ වූහ. ඊට හේතුව වූයේ දිනුජිගේ පවුලට සාපේක්ෂව අකලංකගේ පවුල සතුව සැලකිය යුතු වත්කමක් තිබිමය. එමෙන්ම එම පවුල් දෙක අතරේ සැලකිය යුතු සමාජමය පරතරයක්ද තිබිණ.
ඒ කෙසේ හෝ තම දෙමාපියන් වෙතින් එල්ලවන විරෝධය පිළිබඳව කිසිදු තැකීමක් නොකළ අකලංක දිනුජි හා විවාහ වූයේ තම දෙමාපියන් විසින් තමන් පවුලෙන් නෙරපන බව හොඳාකාරවම වටහා ගනිමිනි. විවාහයෙන් පසු දිනුජිගේ නිවසේ පදිංචියට පැමිණි අකලංක ඉන්පසු තම මාපියන් හමුවට නොයා සිටීමට තීරණය කළේය. ඒ ඔවුන්ගේ දැඩි කෝපය ඒ වනවිටත් තමන්වෙත එල්ලවෙමින් පවතින බව විශ්වාස කළ නිසාය.
එහෙත් දිනුජිගේත් අකලංකගේත් විවාහයෙන් වසරක් ඇවෑමෙන් මාපිය පදවි හිමිකර ගැනීමේ මහඟු වරම ඔවුන් වෙත  උදා කරමින්  දූ සිඟිත්තිය  ඔවුන්ගේ පවුලට එක් වූවාය. තම පුතු කරගත් හිතුවක්කාර තීරණය කෙරෙහි දැඩිව කිපී සිටි අකලංකගේ මාපියන්ගේ සිතු තුළ සිඳී යමින් තිබූ දරු කැක්කුම පසු කාලීනව යළි මඳින් මඳ ලියලන්නට වූ අතර තමන්ගේ කුළුඳුල් මිනිපිරිය මෙලොව එළිය දුටු බව දැනගත් පසු  ඔවුන්ගේ එම දරු කැක්කුම පිටාර ගලන්නට විය.
තම පැරණි අමනාපකම් සියල්ල දුරු වී ඇති බැවින් අලුත උපන් මිනිපිරිය බැලීමට කැමැති බව දන්වා අකලංකගේ මව ඔහු වෙත පණිවුඩයක් යවන ලද්දේ එම බිලිඳිය ඉපදී සති කිහිපයක් ඉක්ම ගිය පසුවය. අකලංකගේ මාපියන් තුළ එතෙක් පැවැති කෝන්තරය තම සිඟිති දියණියගේ උපතත් සමග දුරු වී යාම පිළිබඳව දිනුජිගේ සිතට මහත් සැනසුමක් දැනුණු අතර එම දෙමහල්ලන්ගේ පැමිණීම පිළිබඳව දිනුජිගේ මාපියෝද මහත් සේ සතුටට  පත් වූහ.
කලින් නියම කරගත් දිනයක අකලංකගේ මව පියා සහ  අවිවාහක වැඩිමල් සොයුරිය අලුත උපන් බිලිිඳිය බැලීමට එම නිවසට පැමිණි අතර එම බිලිඳිය දකිත්ම අකලංකගේ මවගේ දෙනෙතින් උණු කඳුළු රූරා හැලෙනු කාටත් පෙනිණ. ඉන්පසු  එම බිලිඳිය වඩාගෙන මඳ වේලාවක් සුරතල් කළ තම මව හිසෙන් සියුම් ඉඟියක් කොට තමන් කැඳවනු අයුරු අකලංකට පෙනිණ.
‘පුතේ දැන් ඉතින් අපේ හිතේ තිබුණු තරහ මරහ සේරම හේදිලාම ගියා. මම තාත්තත් එක්ක කතා කරලා අපේ තියන දේවල් ටික ඉක්මනටම අක්කටයි පුතාටයි බෙදලා දෙන්නම්. එසේ කී  අකලංකගේ මව ඉන්පසුව නාස්පුඩු හකුළමින් වටපිට බලන්නට වූවාය.
‘ඇයි අම්මේ?’ ඉන් මඳක් විස්මයට පත් වූ අකලංක ඇසීය.
‘නෑ පුතේ, මේ ගේ පුරාම මහා අමනුස්ස ගඳක් දැනෙනවා. ඒ කියන්නේ මේ ගෙවල්වල ඉස්සර ජීවත් වුණු මිනිස්සු පව් කරලා මැරිලා මේවට අරක් අරගෙන ඉන්නවා පුතේ. ඒ වගේ අමනුෂ්‍ය  ගඳවල් මට හොඳට දැනෙනවා.’ අකලංකගේ මව කීයේ  තරමක් බියපත් ලෙසිනි.  එසේම තම වැඩිමල් සොයුරිය සඳහා මනාලයන් බැලීමට ගිය අවස්ථා කිහිපයකදීම මව මෙලෙස එම නිවෙස්වල පැවැති අමනුෂ්‍ය ගන්ධයන් පිළිබඳව පැමිණිලි කළ අයුරුත් ඉන්පසුව එම  විවාහයන්  සියල්ල වැළකී ගිය අයුරුත් අකලංකට සිහිපත් විය. කෙසේ හෝ තම නැන්දණියගේ මෙම අසාමාන්‍ය කතාව තම මාපියන් වැඩිහිටියන් සමග කීමට දිනුජිද බිය වූවාය. එමගින් මේ වනවිට යාන්තමින්  ‘හා වෙමින්’ පවතින එම පවුල් දෙකේ ඥාතීත්වය යළි කැඩී බිඳී යා හැකියැයි ඇය බිය වූ අතර ඊට බලපෑ දෙවන හේතුව වූයේ එවැනි ගුප්ත විශ්වාස සිත දරා ගැනීමෙන්  තම දෙමාපියන් අනවශ්‍ය පීඩනයකට පත් වීමට හැකි බවට ඇය  තුළ වූ විශ්වාසයයි.
ඒ කෙසේ වෙතත් අකලංක විසින්  කිහිපවරක් කරන ලද ඉල්ලීමකට අනුව මනෝ වෛද්‍යවරයකු හමු වී තමන් තුළ පවතින මෙම තත්ත්වය කියා පෑමට ඔහුගේ මව එකඟ වූවාය.
එහිදී තම මවගෙන් විවිධාකාරයෙන් කරුණු විමසූ මනෝ වෛද්‍යවරයා එම  විශේෂිත ගන්ධය දැනෙන අවස්ථාවන් සියුම් ලෙස නිරීක්ෂණය කිරීමටද සමත් විය. ඒ සියලු නිරීක්ෂණයන්ගෙන් ඔහුට වැටහී ගියේ ඇය  තුළ හටගන්නා මානසික  ආතති මට්ටමක් තුළ දී මෙම ගන්ධය දැනෙන බවකි. නිදසුනක් ලෙස තම දියණියට සහකරුවකු සෙවීම පිණිස ඔහුගේ නිවසට යන මවක තුළ මෙය  තම දියණියට කොතෙක් දුරට සුදුසු ස්ථානයක්වේදැයි අවිනිශ්චිත බව ඇති විය හැකිය. එමෙන්ම  තමන්ගේ භාරයෙන්  පිටත ස්ථානයක හැදෙන වැඩෙන කළුඳුල් මිනිපිරිය ගේ මතු යහපැවැත්ම සම්බන්ධයෙන් තමන්ට ප්‍රමාණවත් යුතුකමක් ඉටු කිරීමට ඇයට නොහැකියාව සම්බන්ධයෙන්ද එම තත්ත්වය පැන නැගීමටද පුළුවන. එවන් අවස්ථාවලදී ඇය තුළ ඇතිවන අධිසංවේදී බව ඔස්සේ  හාත්පස ඇති යම් යම් විශේෂිත ගන්ධයන් අමනුෂ්‍ය ගන්ධයන් ලෙස අර්ථ දැක්වීමට එම මව පුරුදුව සිටින බව වෛද්‍යවරයා කීය.
ඒ හැරුණු කොට යම් පුද්ගලයන්ට මනෝභ්‍රාන්තිමය අත්දැකීම් වශයෙන්ද ප්‍රකෘතිය හා සබැඳියාවක් නොමැති මෙබඳු ආස්‍රාණයන් දැනීමට හැකිබව කී වෛද්‍යවරයා ඒවා  සයිකෝසීය මානසික රෝග සහ මොළය අභ්‍යන්තරයේ ඇතිවන විවිධ අර්බුද වල රෝග ලක්ෂණ ලෙස මතුවන අවස්ථාද තිබිය හැකි බව කී වෛද්‍යවරයා මෙය එවැන්නක් නොවන බව පවසා ඇයට ප්‍රතිකාර නියම කළේය.
අකලංකගේ මවගේ සිත තුළට වරින් වර පිවිසි ව්‍යාජ අමනුෂ්‍ය ගන්ධය ඉවත්වූයේ ඉන් පසුවය.
 
ගාල්ල කරාපිටිය ශික්ෂණ රෝහ‍ලේ විශේෂඥ මනෝ වෛද්‍ය රුමි රූබන් M.B.B.S. M.D.Psy විසඳුම් ඉදිරිපත් කරයි
 
සටහන - දමයන්ති ගමගේ
IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 5448

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3741

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 5229

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5841

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6679

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 4143

Please publish modules in offcanvas position.

X

Right Click

No right click