lakbima.lk
2017-05-19 ඇමෙරිකා ඩොලරය ගැනුම් මිල රු.150.6200 , විකුණුම් මිල රු.154.4200 | බි‍්‍රතාන්‍යය පවුම ගැනුම් මිල රු.194.2500 , විකුණුම් මිල රු.200.8600 | යුරෝ යුරෝපය ගැනුම් මිල රු.166.2500, විකුණුම් මිල රු.172.5500 | ස්වීස් ප‍්‍රෑන්ක් ගැනුම් මිල රු.152.6900 , විකුණුම් මිල රු.158.7400 | කැනඩා ඩොලරය ගැනුම් මිල රු.110.0200 , විකුණුම් මිල රු.114.3800 | ඔස්ට්‍රේලියා ඩොලරය ගැනුම් මිල රු.110.6800 , විකුණුම් මිල රු.115.6600 | සිංගප්පූරු ඩොලරය ගැනුම් මිල රු.107.6900 , විකුණුම් මිල රු.111.6300 | ජපානය යෙන් ගැනුම් මිල රු.1.3482, විකුණුම් මිල රු.1.3993 |

සැමියාගේ නිවසේදී අමුතුම ලොවකට පිවිසි බිරියක්

ප්‍රමෝදි අසේල සමඟ මිතුරු වූයේ නගරයේ හොඳම බාලිකා විද්‍යාලයේ අධ්‍යාපන  ‍පොදු සහතික පත්‍ර උසස් පෙළ විභාගයට සැරසෙමින් සිටියදීය. නගරයේ ජංගම දුරකථන අලෙවි හලක සේවය කළ අසේල සමඟ ප්‍රමෝදි පැවැත් වූ මෙම ප්‍රේම සම්බන්ධය පිළිබඳව දැනගත් ඇගේ දෙමාපියෝ ඊට තදින්ම විරුද්ධ වූහ. එපමණක් නොව දුර ඥාති සබැඳියාවකින් ප්‍රමෝදිගේ මස්සිනා වන තරුණයකුට ඇය හැකි ඉක්මණින් විවාහ කර දීමටද ඔවුහු සැලසුම් කළහ. 
එහි අවසන් ප්‍රතිඵලය වූයේ තම දෙමාපියන්ගේ තීරණය පිළිබඳව ප්‍රමෝදි අසේලට දැනුම්  දීමය. ඔහු එවිට තීරණය කළේ හැකිතාක් ඉක්මනින් ප්‍රමෝදි විවාහ කර ගැනීමටය. ඒ අනුව   ඒ වන විට යන්තම් වයස අවුරුදු දහඅට ඉක්මගොස් තිබූ ප්‍රමෝදි විසිතුන් වියැති අසේල හා රහසිගත විවාහයකට පිවිසියාය.
තම දියණිය ගත් මේ අතිශය හිතුවක්කාර තීරණය හමුවේ දැඩි කෝපයට පත් ප්‍රමෝදිගේ මාපියන්  ඇය වෙනුවෙන්ම ‘හත් දවසේ දානයක්ද’ දී තිබුණේ තම සිත්වලින් නැගෙන දැඩි වේදනාව මුසු කෝපය දුරුකර ගැනීම පිණිසය.
ඒ කෙසේ හෝ විවාහයෙන් පසුව අසේලටත්  ප්‍රමෝදිටත් පදිංචිය සඳහා ස්ථිර තැනක් නොතිබූ බැවින් ඇය තම මහගෙදරට කැඳවාගෙන යාමට අසේලට සිදුවිය. එම නිවසේ ඉදිරිපස කාමරය අසේල සඳහා වෙන්ව තිබුණි. එහෙත්, තමන් මේ පැමිණ සිටිනුයේ වෙනත් නිවසකට නොව වෙනම ලෝකයකට බව  එම නිවසේ පදිංචියට ගිය මුල්ම දවස් කිහිපය තුළ ප්‍රමෝදිට වැටහිණ. ඒ අසේලගේ පියා මව සහ සොයුරියන් දෙදෙනාගේ හැසිරීම් රටා අනුවය.
නිවසේ ඉදිරිපස කාමරයේ  ජීවත් වුවද එදිනෙදා කටයුතුවලදී අසේලගේ දෙමාපියන් සහ සොයුරියන් සමඟ එක්ව කටයුතු කිරීමට ප්‍රමෝදිට සිදුවිය. කලින් ව්‍යාපාර කිහිපයක යෙදී සිටි අසේලගේ පියා ඉන්පසු ට්‍රක් රථයක් මිලට ගෙන එය ඉදිකිරීම් සමාගමක සේවයට යොදවා ඇත. එහි රියැදුරු ලෙස කටයුතු කරන ලද්දේත් ඔහුමය. නමුත් අසේල ඒ කිසිදු කටයුත්තකට සම්බන්ධ නොවීය.
අසේල කෙසේ වුවත් ඔහුගේ පවු‍ලේ සෙසු සාමාජිකයන් සියලුදෙනා ජීවත්වනුයේ ඔවුන් විසින්ම  තනාගත් අද්භූත ලෝකයක මිස ප්‍රකෘති ලෝකයක නොවන බව ප්‍රමෝදිට කමෛන් වැටහෙන්නට විය. ඒ තමන් විසින් කිරීමට සැරසෙන සෑම කටයුත්තකදීම පාහේ ඇයට අසේලගේ මව සහ සොයුරියන් විසින් ‘හා.....හා... එපා’ යන විධානය ලැබිමත් සමඟය.
‘හා... හා.. බස්නාහිර බලාගෙන එළියට වතුර විසි කරන්න එපා’
‘ගේ අතුගානකොට ඔහොම කොස්සෙන් ‍පොළවට අනින්න එපා’
රෙදි වේලෙන්න දානකොට හොඳ පිට හරවලා දාන්න එපා 
‘ගෙදරින් එළියට බහිනකොට වම් කකුල ඉස්සරහට තියන්න එපා’
‘සල්ලි දෙන එකයි ගන්න එකයි අත් දෙකෙන්ම කරන්න.
මේ ආදී වශයෙන් තම ජීවිතයේ එදිනෙදා කටයුතුවල සාමාන්‍ය රටාවට බාධා පමුණුවන  කතා ඔවුන්ගෙන් අසා දැන ගත් මුත් නිරතුරුවම ඒ අනුව කටයුතු කිරීම ගෝනියක් තුළට බැස දිවීමක් බඳුයැයි ප්‍රමෝදිට කමෛන්  සිතිණ.
එමෙන්ම උදය සවස මල්පහන් පූජා කොට බුදුන් වඳින ඔවුන් තුළ අසරණුන්ට පිහිටවීම ගිලන් උවටැන් ආදී බොදුගුණ ධර්ම කිසිවක්  කතාබහ හෝ හැසිරීම්වල ගෑවීවත් නොතිබිණ. මේ සියල්ලකින්ම පළ වූයේ ඔවුන් තුළ වූ දැඩි ආත්මාර්ථකාමීත්වයයි.
ප්‍රමෝදිගේ හිතුවක්කාර විවාහයෙන් පසු පාසල් මිතුරියන්ද ඇගෙන් කමෛන් දුරස් වූ අතර පාස‍ලේ තමන්ට අතිශය සමිපව සිටි එක් මිතුරියක පමණක් විවාහයෙන් පසුවද නිරතුරුවම ප්‍රමෝදිගේ දුක සැප පිළිබඳ විමසා සිටියාය.
‘ඔය ජරා යක්කුන්ව විතරක් මේ පැත්ත පළාතේ ගෙන්න ගන්න එපා.  ඔන්න මම ආයිත් නොකිව්වයි කියන්න එපා. ඔය
 ජාතියේ  එකෙක් මේ හතර මායිමේ පස් පෑගුවොත් මම සුද්ද සිංහලෙන්ම කතා කරලා තමයි එලවා ගන්නේ.’
දිනක් එම මිතුරිය තමන් බැලීමට ඒමට කැමැත්ත පළ කිරීම මුල්කොට අතිශය සතුටට පත් ප්‍රමෝදි ඒ පිළිබඳව අසේලගේ මවට දන්වා සිටි විට ඇය කීයේ එවැන්නකි. ඊට හේතුව වූයේ ඇගේ උතුම් මිනිසත්කම නොව ඇය අන් ජාතියකට ආගමකට අයත් වීමය.
ඒ කෙසේ හෝ මේ තත්ත්වය යටතේ ප්‍රමෝදිගේ ජීවිතය කමෛන් එම නිවසේ ඉදිරිපස කාමරය තුළටම කොටුවනු ලදුව මාස කිහිපයක් තුළ ජීවත්වීමේ ආශාව පවා තමන් කෙරෙහි ගිලිහි යන අයුරක් ප්‍රමෝදිට දැනිණ.
ප්‍රමෝදි මනෝ වෛද්‍යවරයකු හමුවට යොමු කිරීමට අසේල තීරණය කළේ ඉන්පසුවය.  සැබැවින්ම ඒ වනවිට ප්‍රමෝදි විශාද රෝගී තත්ත්වයකට පත්ව සිටි අතර වෛද්‍යවරයා විසින් ඒ සම්බන්ධයෙන් වැඩිදුර කරුණු විමසීමේදී ඔහුට ඇගෙන් ඉහත සඳහන් තොරතුරු අනාවරණය කර ගත හැකිවිණි.
‘මේ කියන කතාව සම්පූර්ණ ඇත්ත ඩොක්ට.’ අපේ අම්මලා තාත්තලත් එක්ක සාමාන්‍ය කෙනෙකුට ජීවත් වෙන්න අමාරුයි තමයි. ඒ හින්දම මාත් පුංචිකා‍ලේ ඉඳලම පුළුවන් තරම් ගෙදරින් ඈත්වෙලා හිටියා. ඇත්තෙන්ම මම කීයටවත් කැමැති  වුණේ නැහැ මෙයාව කසාද බැඳලා අපේ ගෙදර එක්ක යන්න. ඒත් මට මේ වෙලාවේ හැටියට වෙන කරන්න දෙයක් තිබුණේ නැහැ ඩොක්ටර්’ අසේල වෛද්‍යවරයාට කීයේ කඳුළු පිරි දෙනෙතින් යුතුවය.
ජීවත්වන අප සෑමදෙනා  තුළම අපටම ආවේණික චින්තන රටාවක් තිබේ. ඒ චින්තන රටා ඉබේටම ඇති වන්නක් නොවේ. කුඩා කාලයේ සිටම අප ජීවත්වන පවුල්, ප්‍රජා. සමාජ, ආගමික, සංස්කෘතික, ආර්ථික ආදී සාධක ඔස්සේ ගොඩ නැගෙන්නකි. ඒ අතර සමහරුන්ගේ සිත් තුළම එම සාධක තදින්ම  පැළපදියම්වී ම නිසා  ඔවුන් තුළ ප්‍රත්‍යක්ෂ චින්තන (Concrete thinking) හට ගැනේ.
එවිට ඔවුහු තමන් සතු  එම ප්‍රත්‍යක්ෂය ඉක්මවීමට අකමැතිවෙති. ඥානාත්මක මනෝ රටාව (Cognitivc Schema) යනුද මෙයට සමාන තත්ත්වයකි.
විශේෂයෙන් කුඩා කාලයේ සිට දැඩි ආගමික සංස්කෘතික පසුබිම් යටතේ ජීවත් වන්නවුන් තුළ මනැසට  කාවැදුණු හර සිතුවිලි (Core belief) ආදිය නිසා ඔව්හු තම ජාතිය,ආගම, ජනවර්ගය ආදිය සම්බන්ධයෙන් දැඩිව බැඳී සිටින අතර එවිට කිසියම් ප්‍රශ්නයක් දෙස නිදහසේ බැලීමේ මානසික සහනශීලිත්වය ද  ඔවුන් කෙරෙන් ගිලිහී යයි. 
මෙවැනි තත්ත්වයන්ගෙන් පසුවන්නවුන්  යථා තත්ත්වයට පැමිණවීමේ දිගු කාලීන වැඩසටහන් ඇතිමුත් එළැඹ ඇති තත්ත්වය යටතේ ප්‍රමෝදි හැකිතාක් ඉක්මණින් එම පවුල් පරිසරයෙන් මුදා ඇයට අස්වැසුම්දායක පරිසරයක ඇය රඳවන මෙන් අසේලට උපදෙස් දුන් මනෝ වෛද්‍යවරයා ඇගේ එම  විශාද තත්ත්වය උදෙසා ඖෂධීය ප්‍රතිකාරද නියම කරන ලදී.
 
ගාල්ල කරාපිටිය ශික්ෂණ රෝහ‍ලේ විශේෂඥ මනෝ වෛද්‍ය රුමි රූබන් (M.B.B.S.) M.D.Psy විසඳුම් ඉදිරිපත් කරයි
 
සටහන දමයන්ති ගමගේ

IMAGE

මඟුල් දා රෑ ඥාතීන් ඇවිත් මනාලිය පැහැරගෙන ගිහින්

IMAGE 2017 May 22 13:53
මීගමුව කොච්චිකඩේ ප්‍රදේශයේ හෝටලයක මධුසමය ගෙවමින් සිටි මනාල යුවලක මනාලිය මංගල රාත්‍රියේදීම...
Views - 1096

වාහන පර්මිට් වික්කෙ මොකද?

IMAGE 2017 May 22 11:13
පාර්ලිමේන්තු මන්ත්‍රීවරුන්ට හිමි විශේෂ වරප්‍රසාදයක් වන තීරුබදු රහිත බලපත්‍ර විකුණු...
Views - 1238

නෑ හිතමිතුරන් පළා ගිය පසුත් හාම්පුතාගේ දේහය රැකගත් ජිමී

IMAGE 2017 May 22 10:23
ශ්‍රී ලංකාවේ බඹර ප්‍රහාරවලට නිරතුරුවම ලක්වන්නේ මධ්‍ය කඳුකරයේ වතු කම්කරුවෝය. හැටන්,...
Views - 1032

කාටත් නොකී රහසක් නිරෝෂා හෙළිකරයි

IMAGE 2017 May 21 21:03
නිරෝෂා පෙරේරා ගැන ඔබට මොන වගේ හැඟීමක්ද තියෙන්නේ. මතුපිටින් ඔබ දකින නිරෝෂාට වඩා වෙනස්ම...
Views - 2616

විජේවීරගේ චරිතය රඟපා නිමවන තුරු කළ කැපවීම කමල් හෙළි...

IMAGE 2017 May 21 13:33
ප්‍රතිභාපූර්ණ රංගන ශිල්පියෙකු විදිහට කවුරුත් දැන හඳුනාගෙන සිටින කමල් අද්දර ආරච්චිට පසුගිය...
Views - 2124

දෘෂ්‍යාබාධිතයන්ට සැරයටියක් තනා ලෝකයම දිනූ මාවතගම තාරක

IMAGE 2017 May 21 13:08
තාරක දිල්ෂාන් කුමාර හේරත් මාවතගම මධ්‍ය මහා විද්‍යාලයේ 9වන ශ්‍රේණියේ ඉගෙනුම ලබන රටක් වටින...
Views - 539

Please publish modules in offcanvas position.