lakbima.lk
2017-07-20 ඇමෙරිකා ඩොලරය ගැනුම් මිල රු.151.6800 , විකුණුම් මිල රු.155.4800 | බි‍්‍රතාන්‍යය පවුම ගැනුම් මිල රු.196.8000 , විකුණුම් මිල රු.203.4600 | යුරෝ යුරෝපය ගැනුම් මිල රු.173.6700, විකුණුම් මිල රු.180.2000 | ස්වීස් ප‍්‍රෑන්ක් ගැනුම් මිල රු.157.7400 , විකුණුම් මිල රු.164.0300 | කැනඩා ඩොලරය ගැනුම් මිල රු.119.6100 , විකුණුම් මිල රු.124.3000 | ඔස්ට්‍රේලියා ඩොලරය ගැනුම් මිල රු.119.5300 , විකුණුම් මිල රු.124.8000 | සිංගප්පූරු ඩොලරය ගැනුම් මිල රු.110.3500 , විකුණුම් මිල රු.114.3700 | ජපානය යෙන් ගැනුම් මිල රු.1.3485, විකුණුම් මිල රු.1.3993 |

පිළිකාවට ලොව හොඳම ප්‍රතිකාර ලංකාවේදීම ලබා ගතිමි

කිහිල්‍ලේ හටගත් ගෙඩිය සැත්කමකින් ඉවත් කිරීමෙන් පසු වෛද්‍ය ගමගේ නිවසට පැමිණේ. දින කිහිපයකින් යළි රෝගී තත්ත්වය උත්සන්න වීම නිසා ඔහු යළි පේරාදෙණිය රෝහ‍ලේ දැඩි සත්කාර ඒකකයට ඇතුළු කරයි. එහිදී ඔහු තම කිහිල්ලෙන් ඉවත් කළ ගෙඩියේ පරික්ෂණ වාර්තාවෙන් වැලඳී ඇත්තේ පිළිකාවක් බව තහවුරු වීමෙන් අනතුරුව ඒ පිළිබද වැඩිදුරටත් අන්තර්ජාලය ඔස්සේ දැනුවත් වෙයි. ඉන් අනතුරුව වෛද්‍යගමගේ පිළිකා ප්‍රතිකාර වෙත යොමුවේ.
අද එතැන් සිට... 
 
මහනුවර රෝහ‍ලේ පිළිකා සඳහා ප්‍රතිකාර කරන අංශයක් තිබේ. එහි පිළිකා රෝග විශේෂඥ වෛද්‍යවරු තුන්දෙනෙක් සේවය කරති. විශේෂඥ වෛද්‍ය සේනක කන්දෙගෙදර එක් අයෙකි. ඔහු ඉතාමත් කරුණාවන්ත නිවුණු ගති පැවතුම් ඇති තැනැත්තෙකි. මහනුවර රෝහ‍ලේ සිට පිළිකා රෝග පිළිබඳ විශේෂඥ වෛද්‍ය කන්දෙගෙදර මා පරීක්ෂා කිරීමට පැමිණෙන තුරු මාගේ බිරිඳ මානෙල් ද මා අසල රැඳී සිටියේ ඔහු සමග සාකච්ඡා කොට මගේ ඉදිරි ප්‍රතිකාර කටයුතු සැලසුම් කරගැනීම සඳහාය. මා පේරාදෙණිය වෛද්‍ය පීඨයේ සේවය කරන කාලයේ වෛද්‍ය කන්දෙගෙදර පේරාදෙණිය වෛද්‍ය පීඨයේ ඉගෙන ගෙන තිබේ. එම නිසා ඔහු මා කල් තියාම දැන සිටියේය. අප හමුවන අවස්ථාව වන විට වෛද්‍ය කන්දෙගෙදරට මාගේ රෝගය, රෝගයේ අවස්ථාව සහ ශල්‍යකර්මය නිසා ඇති වුණ සංකූලතාව පිළිබඳ හොඳ අවබෝධයක් තිබුණ්ය. 
ඩෆියුස් ලාර්ජ් සෙල් ලිම්ෆෝමා කියන්නේ වේගයෙන් පැතිරෙන පිළිකාවක්. හැබැයි ඉමියුනෝතෙරපිවලට සහ කිමෝතෙරපි හොඳින් ආන්සර් කරනවා. ඒ නිසා අපි හෙටම ඉමියුනෝතෙරපි පටන් ගෙන අනිද්දාට කිමෝතෙරපි පටන් ගමු. වෛද්‍ය කන්දෙගෙදර යෝජනා කළේය.
මා හට දෙනු ලබන ප්‍රතිකාර මාලාවට කෙටියෙන් R- CHOP(ආර්චොප්) යනුවෙනි. ඒ නම තැනී ඇත්තේ දෙන ඖෂධවල මුල් අකුරු එක් කිරීමෙනි.
 
R-Rituximab (Mabthera) Immunotherapy 
C-Cyclophosphamide
H- Hydroxydaunomycin (Doxoroubicin)
O-Oncovin (Vincristine) 
p-prednisolone (Steroid) 
 
Rituximab හෙවත් Mabthera 
යනු මොනොක්ලෝනල් ඇනටිබොඩි නම් වූ ප්‍රතිදේහ විශේෂයකි. එය ලිම්ෆෝමා පිළිකා ෙසෙල විනාශ කරන විශේෂ වූ ප්‍රතිශක්ති ඖෂධයකි. එය ඉමියුනෝතෙරපි ඖෂධයක් ලෙස හැඳින්වූයේ එබැවිනි. එය දියරයක් ලෙස (සේලයින් මෙන්) ශිරාගත කරනු ලැබේ. මෙම ඖෂධය සොයා ගනු ලැබුවේ මැතකදීය.
අනෙක් C-H-O ඖෂධ තුන අයත් වන්නේ ෙසෙල නාශක රසායනික හෙවත් කිමෝතෙරපි කාණ්ඩයටය. එම ඖෂධයන්ද සිරුරේ ශිරාවකට ඇතුළු කළ කැනියුලාවකින් දියර ලෙස (සේලයින් මෙන්) දෙනු ලැබේ. මෙම ඖෂධ මගින් ප්‍රතිකාර කිරීම දැනට වසර 50කට වැඩි කාලයක් තිස්සේ කරගෙන යනු ලැබේ. 
 
පේ‍රඩ්නිසොලොන් යනු ස්ටීරොයින්ඩ් කාණ්ඩයට අයත් පෙති විශේෂයකි. එය මගින් පිළිකා නාශක ඖෂධ නිසා ඇති විය හැකි ආසාත්මිකතාවන්ද අවම කරනු ලැබේ.
ඉමියුනෝතෙරපි සහ කීමෝතෙරපි ඖෂධ සඳහා මාගේ සිරුරේ මොන ආකාරයක ප්‍රතිචාරයක් දක්වයි දැයි නොදත් නිසා ඉමියුනෝතෙරපි 
ඖෂධය වන රිටොක්සිමැබ් හෙවත් මැබ්තෙරා පළමු දිනයේදීත් ඉතිරි (C-H-O) ඖෂධ තුන දෙවන දිනයේදීත් ශරීරගත කිරීමට විශේෂඥ වෛද්‍ය කන්දෙගෙදර තීරණය කළේය. 
 
පසුදින උදේම මහනුවර රෝහ‍ලේ පිළිකා ප්‍රතිකාර අංශයට පැමිණ අදාළ ඖෂධ රැගෙන විත් එය මා හට දීමට අවශ්‍ය කටයුතු සංවිධානය කරන මෙන් වෛද්‍ය කන්දෙගෙදර මානෙල්ගෙන් ඉල්ලීමක් කළේය. එය ඒ අයුරින්ම සිදුවිය.
රිටොක්සිටැබ් දීමට පෙර ප්‍රති අසාත්මික ඖෂධ (පිරිටන් හයිඩේ‍රාකෝටිසෝන්) විද්දේ එමගින් ඇති විය හැකි ආසාත්මිකතාවන් ඇති වීම වැළැක්වීමටය. වාසනාවකට මෙන් කිසිදු ඖෂධයකට මාගේ සිරුර තුළින් ආසාත්මිකතාවක් හට ගත්තේ නැත. 
දෙවන දිනයේදී ඉතිරි ඖෂධ තුන (සයික්ලොසොෆොපමයිඩ්, ඩොක්සොරුබසින් වින්ස්ක්‍රිස්ටින්) ශරීරගත කළ අතර ෆේ‍රඩ්නිසොලොන් දිනකට මි.ග්‍රෑම්. 100 බැගින් දින පහක් දුන්නේය.
පළමුවෙන්ම විශේෂඥ වෛද්‍ය කන්දෙගෙදර තීරණය කළේ සති තුනකට වරක් බැගින් කීමෝතෙරපි 8ක් දීමටය. ටික දිනකින් මා දැඩි සත්කාර ඒකකයේ සිට නිවසට යන බැවින් ඊළඟ කීමෝතෙරපි ප්‍රතිකාර ගැනීම සඳහා මහනුවර රෝහ‍ලේ 48 පිළිකා වාට්ටුවට එන ලෙස දන්වා සිටියේය. 
දිනපතා මාගේ රෝගී තත්ත්වය පිළිබඳ මගේ ලොකු දුව වෛද්‍ය වීණා සහ බෑණා කැළුම්, ලොකු අයියා බන්දු සහ ඔහුගේ බිරිඳ වෛද්‍ය අශෝකා විමසුවේය. ඔවුන් සිටියේ ඕස්ට්‍රේලියාවේය. මා සමග කොළඹ වෛද්‍ය පීඨයේ එකට ඉගෙන ගත් එංගලන්තයේ ජීවත් වන රක්තවේදය පිළිබඳ විශේෂඥ වෛද්‍ය ෆිනෙලා බ්‍රිටෝ බබාපුල්‍ලේ සහ ඇමෙරිකාවේ ලොස් ඇන්ජලීස් හි ජීවත්වන වෛද්‍ය පූජිත එගොඩගේ මුහුණු ‍පොත හරහා සහ ඊ මේල් මගින් මා සමග සාකච්ඡා කළෝය. ඔවුන්ගේ අදහස වූයේ ඕස්ට්‍රේලියාවේ එංගලන්තයේ සහ ඇමෙරිකාවේ ද ලිම්ෆෝමා පිළිකාව සඳහා දෙන ප්‍රතිකාරය R- CHOP බවය. ඒ අනුව මා හට ලැබිය යුතු හොඳම පිළිකා නාශක ප්‍රතිකාරය ශ්‍රී ලංකාවේ මහනුවර රෝහලෙන්ද ලැබෙන බව දැන ගත් මම මහත් සතුටට පත් වුණෙමි. 
 
ප්‍රතිශක්තිකරණය හෙවත් ඉමියුනෝතෙරපි ලෙස දෙන රිටොක්සිමැඩ් (අ) මගින් කරනු ලබන්නේ ලිම්ෆෝමා පිළිකාවේ ෙසෙලවල බිත්තියේ පිහිටි ප්‍රතිදේහජනක සමග එක්වී එම ෙසෙල තවදුරටත් බෙදීම නැවැත්වීමය. 
අනෙකුත් කීමෝතෙරපි (C-H-O) විසින් කරනු ලබන්නේ වේගයෙන් වැඩෙන පිළිකා ෙසෙල විනාශ කිරීමය. එහෙත් මෙහිදී තවත් සිරුරට අහිතකර කාරණයක් සිදුවේ. එනම් සිරුරේ ඇති වේගයෙන් අනෙකුත් පිළිකා නොවන ෙසෙල වන කෙස්, මුඛයේ ශ්‍ලේෂමල ෙසෙල, බඩවැ‍ලේ බිත්තියේ ෙසෙල මුත්‍රාශයේ ෙසෙල වැනි ස්වාභාවික ෙසෙලද විනාශ වී යාමයි. කෙසේ වෙතත් එම ස්වාභාවික ෙසෙල නැවත වර්ධනය වේ. පිළිකා ෙසෙල නැවත වර්ධනය වන්නේ නැත. 
 
කීමෝතෙරපි දී දින කිහිපයක් යන විට මා හට පළමුවෙන්ම ඇති වූ අතුරු ආබාධය නම් ආහාර අරුචියයි. ඊළඟට පිහිටි කෙස් ගස් හැලෙන්නට විය. මීට අමතරව තවත් බොහෝ දුෂ්කරතාවකට මුහුණ පෑමට සිදුවිය. කීමෝතෙරපි දුන් අවසාන මාස දෙකේදී මාගේ රුධිරයේ තිබූ සුදු රුධිරාණු නැත්තටම නැති වී ගිය නිසා ශරීරයේ විෂ බිජවලට විරුද්ධව සටන් කිරීමේ හැකියාව නැති වී ගොස් නියුමෝනියාවද වැළඳුනේය. ඒ පිළිබඳ වැඩි විස්තර අපි ඊළඟ සතියේදී කතා කරමු. 
 

වෙදෙක් වුණත් ලෙඩෙක් වුණොත්

1 වන කොටස - දකුණු කිහිල්ලේ වේදනා රහිත ගෙඩියක්

2 වන කොටස - ගෙඩියට හේතුව ක්ෂය රෝගයද? ටොක්සොප්ලැස්මෝසිස්ද?

3 වන කොටස - ශල්‍යකර්මය මගින් වේදනා රහිත ගෙඩිය ඉවත් කෙරේ

4 වන කොටස - පොත් ලියල, ලිපි ලියල හමාරයිද?

5 වන කොටස - දුරකථන ඇමතුමකින් ලැබුණ අසුබ පණිවුඩය

6 වන කොටස - පිළිකාව ජයගන්නට අන්තර් ජාලයෙන් ක්‍රම සෙව්වෙමි

7 වන කොටස - පිළිකාව ඇතිවී පැතිරෙන්නේ මෙහෙමයි

8 වන කොටස - පිළිකාව ජයගත හැකි බවට විශ්වාසයක්

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

හැමෝගෙන්ම බැණුම් අහන දෙවැනි ඉනිමේ ක්‍රිකට් කෝච්

IMAGE 2017 Jul 23 13:26
මේ දවස්වල “දෙවැනි ඉනිම” නරඹන ප්‍රේක්ෂකයන්ගෙන් වැඩිපුරම බැණුම් අහන්නේ කවුද කියලා ඇහුවොත්...
Views - 652

වෙසක් ‍පෝය අප්‍රේල් මාසයට ආවේ කොහොමද?

IMAGE 2017 Jul 23 10:23
පන්සල් සම්බන්ධයෙන් වර්තමාන ආණ්ඩුව මුහුණ දුන්නේ එතරම් සුබ කලදසාවක් නම් නොවේ. එසේ කියන්නේ,...
Views - 501

කලක් නිහඬව සිටි ‘ග්‍රීස් යකා’ යළි වැඩ පටන් අරන්?

IMAGE 2017 Jul 21 17:10
සති දෙකක කාලයක් තිස්සේ හංවැල්ල වල්පිට ප්‍රදේශයේ සැරි සැරූ ‘ග්‍රීස් ‍යකෙකු’ අල්ලා...
Views - 1099

කොළඹ නගරයේ යාචක සමීක්ෂණය සැක සහිතයි

IMAGE 2017 Jul 20 15:44
කොළඹ නගරයේ වෘත්තීමය යාචකයන් 4000 ක් සිටින බවටත් සැබෑ යාචකයන් සිටිනුයේ 660 ක් වන බවටත් මහනගර සහ...
Views - 1985

'කොණ්ඩදෙනියේ' නම විකුණන බොරු කාරයෝ (Video)

IMAGE 2017 Jul 20 14:54
කොණ්ඩදෙණියේ හාමුදුරුවන් නමින් ගුප්ත විද්‍යා කටයුතු පිළිබඳව මහත් ප්‍රසිද්ධියක් ඉසුලූ...
Views - 2526

ජයසේන මහතාට කලකට පසු හමුවූ 'දෙවන මනමාලයා'

IMAGE 2017 Jul 19 16:26
අද පෙරවරුවේ පානදුර නගර සභා ක්‍රිඩාංගණයේ පැවති "මතින් නිදහස් රටක්” ජාතික වැඩසටහනේ කළුතර...
Views - 4373

Please publish modules in offcanvas position.