lakbima.lk
2017-03-28 ඇමෙරිකා ඩොලරය ගැනුම් මිල රු.150.1100 , විකුණුම් මිල රු153.9600 | බි‍්‍රතාන්‍යය පවුම ගැනුම් මිල රු.187.8700 , විකුණුම් මිල රු194.3400 | යුරෝ යුරෝපය ගැනුම් මිල රු.162.0600, විකුණුම් මිල රු.168.2900 | ස්වීස් ප‍්‍රෑන්ක් ගැනුම් මිල රු.151.3300 , විකුණුම් මිල රු.157.4000 | කැනඩා ඩොලරය ගැනුම් මිල රු.111.4800 , විකුණුම් මිල රු.115.9300 | ඔස්ට්‍රේලියා ඩොලරය ගැනුම් මිල රු.113.4500 , විකුණුම් මිල රු.118.5800 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1900 | ජපානය යෙන් ගැනුම් මිල රු.1.3504 , විකුණුම් මිල රු.1.4021 |

දකුණු කිහිල්ලේ වේදනා රහිත ගෙඩියක්

2016 සැප්තැම්බර් 30 දින මගේ ජීවිතයේ විශේෂ දිනයක් විය. එයට හේතුව මා කුඩා කල ඉගෙනගත් බද්දේගම ක්‍රිස්තුදේව පිරිමි විද්‍යාලයේ වාර්ෂික ත්‍යාග ප්‍රදානෝත්සවයේ ප්‍රධාන අමුත්තා ලෙස සහභාගි වීමට නියමිතව තිබිමය.
උත්සවය මහ ඉහළින් සංවිධානය කර තිබුණි. බිරිඳ මානෙල්ට මල් බොකියක් පිළිගැන්වුණි. මගේ ගෙලට මල් මාලයක් ද වැටුණි. ඊළඟට උත්සව ශාලාව වෙත අමුත්තන් කැඳවාගෙන යන ලද්දේ විද්‍යාලයීය තූර්ය වාදක කණ්ඩායම්වලින් සැදි පෙරහරකිනි.
උත්සව ශාලාවට ඇතුළ් වීමට පෙර ජාතික කොඩිය ඔසවා ජාතික ගීය ගායනා කෙරුණි. ජාතික කොඩිය ඔසවන විට මගේ දකුණු කිහිල්‍ලේ යමක් තද වෙන්නා සේ දැනුණි. එය එතරම් විශාල දෙයක් නොවේ. බටු මීයෙකුගේ ප්‍රමාණය ලෙස හැගුණි. ඒ බටු මීයෙකු නම් දැඟලිය යුතුය. එහෙත් එහි කිසිදු දැඟලීමක් නැත. මීයා මියගොස් නම් ගඳක් දැනිය යුතුය. එවැනි ගඳක් දැනුණේ ද නැත.
මා එසේ සිතුවේ මාස ගණනකින් අඳින ලද කෝට් එකේ දකුණු කිහිල්ල ප්‍රදේශයට මීයෙකුවත් ඇතුළු වූවාදැයි සැකයක් ඇති වූ බැවිනි. එය මගේ කිහිල්ලෙන් මතු වූ ගෙඩියකැයි මා නොසිතුවේ ඉන් කිසිදු වේදනාවක් නොදැනුණ බැවිනි.
උත්සවය ජයටම කෙරුණි. අවසානයේ දී රියට නැගීමට පෙර කෝට් එක ගලවා දකුණු කිහිල්ල ස්පර්ශ කළෙමි. එය රට පුවක් ගෙඩියක් තරම් ලොකු වූ වේදනා රහිත මෘදු වූ ගෙඩියක් (අර්භුධයක්) බව වහාම තේරුම් ගතිමි.
“මෙය පිළිකාවක් විය හැකිද?” අවුරුදු හතළිහක පමණ අත්දැකීම් ඇති වෛද්‍යවරයකු වන මගේ සිතට නැගුණු පළමු              වන ප්‍රශ්නයයි. මම ඒ බවක් මානෙල්ටද නොකීවෙමි. ගෙදර පැමිණි වහාම කණ්ණාඩිය ඉදිරියට ගොස් කිහිල්ල දෙස විමසිලිමත්ව බැලුවෙමි.
ගෙඩියේ ප්‍රමාණය හිතුවාට වඩා විශාලත්වයෙන්ව වැඩිය. වේදනාවක් නැත. අත ඔසවන විට ගෙඩිය ඉදිරියට නෙරා මතු වී පෙනේ. එය පිළිකාවක් නම් මේ වන විටත් වෙනත් රෝග ලක්ෂණ මතු වී තිබිය යුතුව තිබුණි.

පිළිකාවක රෝග ලක්ෂණ

1. කෑම අරුචිය හා ශරීරයේ බර අඩුවීම
2. බෙල්‍ලේ, කිහිල්‍ලේ, ඉකිලිවල හෝ වෙනත් ස්ථානවල ඇතිවන ගැටිති/ කුද්දටි
3. සති තුනකට වැඩි කාලයක් පවතින කැස්ස
4. සති තුනකට වැඩි කාලයක සිට කටහඬ ගොරෝසු වීමක්
5. සති තුනකට වැඩි කාලයක සිට නාසයෙන් කටහඬ පිටවීමක්
6. සති තුනකට වඩා පවතින ගිලීමට ඇති වන අපහසුතාවක්
7. කල් පවතින කොන්දේ අමාරුවක්
8. සුව නොවන තුවාලයක්
9. අලුතින් ඇති වූ උපන් ලප, තිබෙන ලප වර්ධනයක්
10. සිරුරේ ඕනෑම තැනක ඇති වූ අසාමාන්‍ය ගැටිත්තක් හෝ ගෙඩියක්
11. තන පුඩුවෙන් ගලන කිරි නොවන වෙනත් ශ්‍රාවයක්
12. තන පුඩුව ඇතුළට ගිලී යාමක්
13.පියයුරුවල හෝ ශරීරයේ වෙනත් තැනක හමේ ඇතිවන වෙනසක්
14.මළපහ කිරීමේ පුරුදුවල වෙනසක්
15.යෝනි මාර්ගයෙන් අසාමාන්‍ය ‍ලේ වහනයක් / ශ්‍රාවයක් වහනය වීම
16.හේතුවක් නොදන්නා කල් පවතින උණ රෝගයක්

ඒ වන විටත් එවැනි රෝග ලක්ෂණයන් මා අත්දැක නොතිබුණ නිසා එය පිළිකාවක් නොව තෙල් ගෙඩියක් (Lipoma) විය හැකි යැයි සිතමින් සිත සනසා ගතිමි.
අද 2016 ඔක්තෝබර් පළමු වෙනිදාය. තව දින 25කින් සූර සරදියෙල් ගම්මානයේ කළමනාකාර සම්පත් යූ. ගමගේ මහතා සමග මා චීනයේ වෙළෙඳ ප්‍රදර්ශනයකට සහභාගි විය යුතුව ඇත. ඒ අන්තර් ජාතික සංචාරක ව්‍යාපාරය තුළ අපේ සූර සරදියෙල් ගම්මානය සඳහා වෙළෙඳ කුටියක් ප්‍රදර්ශනය කිරීමටය. මෙය සාමාන්‍ය තෙල් ගුලියක් වැනි දෙයක් නම් එය ශල්‍යකර්මයක් මගින් ඉවත්කොට සති දෙක ඇතුළත තුවාලය සුව කර ගත හැකිය. එබැවින් ඒ පිළිබඳ වහාම ක්‍රියාත්මක වීමට තීරණය කළෙමි. මා එදින උදේ මගේ පෞද්ගලික රෝහලට පැමිණි වහාම කළේ පහත සඳහන් රුධිර පරීක්ෂණ කිරීම සඳහා රුධිර සාම්පල ලබාදීමය.

ESR
CRP
WBC
RBS

ඉන්පසු මාවනැල්ල පෞද්ගලික රෝහලකට ගොස් කිහිලි ඇතුළත් පපුවේ එක්ස් රේ සටහනක් ද ලබා ගතිමි. පරීක්ෂණවල ප්‍රතිඵල සතුටුදායකය. සියල්ල සාමාන්‍ය මට්ටමේ පැවතුණි.
මෙය තෙල් ගෙඩියක් විය යුතුයි. මා වහාම ගොස් කෑගල්‍ලේ ශල්‍යකර්ම වෛද්‍යවරයා හමුවීමට තීරණය කළෙමි. එදිනම සවස සියලු පරීක්ෂණ වාර්තා සහ එක්ස් රේ ද රැගෙන ශල්‍ය වෛද්‍යවරයා හමු වුණෙමි. ඔහු මා හට වහාම විකිරණ විශේෂඥ වෛද්‍යවරයා (රේඩියෝලොජිස්ට්) වෙත ගොස් කිහිල්‍ලේ අල්ට්‍රා සවුන්ඩ් ස්කෑනින් වාර්තාවක් රැගෙන එන ලෙස ඉල්ලීමක් කළේය. විකිරණ විශේෂඥ වෛද්‍යවරිය මා හොඳින් පරීක්ෂා කළාය. ඇයගේ නිගමනය වූයේ මගේ ගෙඩිය තුළ සැරව ඇති බවය.
මා හට දියවැඩියාව වැළදී දැනට අවුරුදු දෙකක් පමණ වේ. එබැවින් එම ගෙඩිය තුළ සැරව හට ගැනීමට බැරිකමක් නැත. මක්නිසාදයත් දියවැඩියා රෝගීන්ගේ සිරුර තුළ සැරව ගෙඩි ඇති වීමේ ප්‍රවණතාව වැඩි නිසාය.
එහෙත් මා හට උණක් ගත්තේ නැත. දියවැඩියාව සඳහා අනුමත ආහාරපාන, ව්‍යායාම සහ ඖෂධ නිසි ලෙස ගනිමින් සිටින නිසා දියවැඩියාව පාලනය වී තිබුණි. ඇරත් සැරව ගෙඩියක් ඇති විට හට ගන්නා වේදනාවක් ද මට දැනුණේ නැත. කෙසේ වෙතත් අල්ට්‍රා සවුන්ඩ් ස්කෑනරයෙන් බලාගෙන විකිරණ විශේෂඥ වෛද්‍යවරියගේ උපදෙස් පිට ශල්‍ය වෛද්‍යවරයා ගෙඩිය තුළ ඇති සැරව ගැනීම සඳහා සිහින් නලයක් (කටුවක්) ඇතුළු කළේය. අවාසනාවක මහත, ගෙඩිය තුළ සැරව තිබුණේ නැත.
ශල්‍ය වෛද්‍යවරයාගේ මුහුණෙන් පළ වූයේ විස්මයකි. කිහිල්ල තුළ සැරව ගෙඩියක් තිබුණේ නම් සැරව එළියට ආ යුතුය. එහෙත් එය එසේ නොවීය. ගෙඩියෙ ස්වභාවය අනුව එය විශාල වසා ගැටිත්තකි. බැවින් මෙය ක්ෂය රෝගය නිසා හට ගත් වසා ගැටිත්තක් විය හැකිද?
“ඩොක්ටර් ගමගේ, පැතලොජිස්ට් හමුවෙලා ෆයින් නීඩ්ල් බයොප්සි එකක් කරලා බලමු නේද?”
ශල්‍ය වෛද්‍යවරයා යෝජනා කළේය. මම ඊට එකඟ වුණෙමි. පසු දිනම කෑගල්ල රෝහලට ගොස් පැතලොජිස්ට් හෙවත් විශේෂඥ ව්‍යාධිවේදී වෛද්‍යවරිය හමු වුණෙමි. ඒ වන විටත් ශල්‍ය වෛද්‍යතුමා මාගේ ගැටලුව පිළිබඳ ඇයට දන්වා තිබුණි. ඇය විසින් මා සාදරයෙන් පිළිගැනිණ. ගෙඩි හරහා FNBA පරීක්ෂණය සඳහා කටු හතරක් යැවිණි. වාර්තාව පසු දින ලැබුණි. එම ගෙඩියෙ අන්තර්ගතයේ ක්ෂය රෝග විෂබිජය තිබිය හැකියි සැක කෙරුණි. එබැවින් මා ක්ෂය රෝග සඳහා ප්‍රතිකාර කරනු ලබන ළය චිකිත්සාගාරය වෙත යොමු කෙරුණි.

IMAGE

දුර්වල විභාග ක්‍රමයකින් විශිෂ්ටතමයන් බිහිවන්නේ කොහොමද?

IMAGE 2017 Mar 29 17:01
පාසල් අධ්‍යාපනයේ වර්තමාන විභාග ක්‍රමය ඉතා දුර්වල බව ජනාධිපති වරයාගේ සිට රටේ සැවොම එක සේ...
Views - 271

සුද්දිගේ කාමරයට රිංගු ෆෝන් හොරා ගසින් ගසට පැන ගිහින්

IMAGE 2017 Mar 29 16:16
ජංගම දුරකථනය නේවාසිකාගාරයේ තබා තිබියදී එහි පැමිණි විශාල වඳුරෙකු විසින් එය පැහැර ගෙන ගිය බව...
Views - 414

උල්කාපාතයෙන් ජපාන යේ රංගන වරම් හිමිකරගත් ටිකිරිබණ්ඩා

IMAGE 2017 Mar 29 15:58
ලෝක ප‍්‍රසිද්ධියට පත් පොළොන්නරුව දිඹුලාගල කුඩාවැව වෙල්යායට පතිත වු උල්කාපාත කොටස් සම්බන්ධ...
Views - 791

වලපනේට බස් රථ බැරි නම් තවලම් සේවයක් වත් ඕනෑ

IMAGE 2017 Mar 29 11:11
මාර්ග පහසුකම් නොතිබූ අතීතයේ කන්ද උඩරට වලපනේ ප්‍රදේශය ප්‍රසිද්ධව තිබුණේ තවලම් සම්බන්ධයෙනි....
Views - 1168

බිග් මැච් තහනම ඇවිලෙන ගින්නක් පිදුරු වලින් වහනවා වගේ!

IMAGE 2017 Mar 28 15:52
ශ්‍රී ලංකාවේ දරුවන් විභාග සමත් වීමේදී ඉදිරියෙන් සිටියත් ඔවුන්ගේ විනය පිළිබඳව සතුටුවිය...
Views - 931

සිංහල අලුත් අවුරුද්ද අපට මෙතරම් රහ වැටෙන්නේ ඇයි?

IMAGE 2017 Mar 28 10:26
’සිංහල අලූත් අවුරුද්ද’ යන වදන අසන්නට හෝ කියවන්නට ලැබුණු සැණින් ඔබගේ සිත තුළ ජනිත වන හැඟීම...
Views - 821

Please publish modules in offcanvas position.