Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube

lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ලොව විශාලතම පොත් අලෙවිය වන Big Bad Wolf පොත් අලෙවිය ලබන ඔක්තෝබර් 5වනදා සිට 15වනදා දක්වා කොළඹ ප්‍රදර්ශන හා සම්මේලන මධ්‍යස්ථානයේදී පැවැත්වීමට නියමිතයි. අධ්‍යාපන අමාත්‍යංශය හා එක්ව පවත්වන මෙම පොත් අලෙවිය මෙරට ක්‍රියාත්මක කිරීම පිළිබඳව මාධ්‍ය දැනුවත් කිරීම Big Bad Wolf Books  නිර්මාතෘ සහ කළමණාකාර අධ්‍යක්ෂ ඇන්ඩෘ යැප් මහතා සහ ProRead Lanka (Pvt) Ltd  අධ්‍යක්ෂ නිශාන් වාසලතන්ත්‍රී යන මහත්වරුන්ගේ ප්‍රධානත්වයෙන් පැවැත්විණ.

මෙම පොත් අලෙවියෙහි විශේෂත්වය වන්නේ එය පැය 24පුරාම විවෘතව පැවතීමයි. පොත් පත් පරිශීලනය කරන්නන්ට නොනැවතී එක දිගට දින 11ක් තිස්සේ පොත් පත් මිලදී ගැනීමට මෙහිදී අවස්ථාව සැලසෙයි. මෙම පොත් අලෙවිය පැය 255ක්  විවෘතව තැබීමට නියමිතය. මෙම නිසා ඕනෑම වයසක පසුවන්නකුට සිය කැමැත්ත පරිදි පොත් තෝරා ගැනීම සඳහා කාලය ගැටළුවක් නොවනු ඇත. නවතම ඉංග්‍රීසි පොතපත සඳහා 60%සිට 80%දක්වා විශේෂ වට්ටම් මෙහිදී ලබාගත හැකිය. උසස් තත්වයේ නවතම ඉංග්‍රිසි පොත් පත් රැසක් මෙහිදී අලෙවි කීරිමට අපේක්ෂිත ය.  අඩු මිලකට හොඳ පොත් පත් මිලට ගැනීමට පාඨකයාට අවස්ථාව සැලසීමේ අරමුණ ඇතිව මෙම පොත් අලෙවිය  ක්‍රියාත්මක වෙයි. ශ්‍රී ලාංකිකයන් තුළ ඉංග්‍රීසි දැනුම වර්ධනය කිරීම සහ පොත පත කියවීමේ වටිනාකම ප්‍රචලිත කිරීම ද මෙහි තවත් අපේක්ෂාවකි.

විවිධ පොත පත රැසක් එකම වහලක් යටදී අඩුම මිලකට මිලදී ගැනීමට ලැබෙන හොඳම අවස්ථාව ලෙස මෙම අවස්ථාව හැදින්විය හැකිය.  ලොව පුරා අතිශය ජනප්‍රිය ඉංග්‍රීසි පොත් 20000ක් ද ඇතුළුව  විවිධ ෂානරයන්ගෙන් යුත්  මිලියන 1.5කට අධික පොත්පත් ප්‍රමාණයක් මෙහිදී අලෙවි කෙරේ.  චරිත කථා, ප්‍රබන්ධ, ප්‍රබන්ධ නොවන, සාහිත්‍ය, ඉවුම් පිහුම්, ළමා පොත් වැනි කුඩා පොත පත සහ දෙමව්පියන්ට, ගුරුවරුන්ට සහ ළමයින්ට වැදගත් වන අධ්‍යාපනික පොත පත ද ඒ අතර වෙයි.  ඉතා දුර්ලභ සීමිත පිටපත් සංඛ්‍යාවලින් යුතු පොතපත එකතු කරන්නන්ට ද මෙම අවස්ථාව කදිම අවස්ථාවකි. දේශීය පොතපත අලෙවි කරුවන්ටද මෙම අලෙවියෙහි අවකාශයක් වෙන් කර දී ඇති අතර DVD සහ  Blu-Ray චිත්‍රපට මිලදී ගැනීමටද මෙහිදී අවස්ථාව සැලසෙයි.

මෙම පොත් අලෙවිය පිළිබඳව අදහස් දැක්වූ ProRead Lanka (Pvt) Ltd  අධ්‍යක්ෂ නිශාන් වාසලතන්ත්‍රී මහතා පෙන්වා දුන්නේ Big Bad Wolf පොත් අලෙවිය මෙරට පැවැත්වීමට අවස්ථාව හිමිවීම මහත් භාග්‍යයක් කොට සලකන  බවයි. මේ ආකාරයේ පොත් අලෙවියක්  කලක පටන් මෙරට  පාඨකයින්ගේ අවශ්‍යතාවක් ව පැවැති බව ද හෙතෙම සඳහන් කළේය. පැමිණෙන සෑම පුද්ගලයෙකුටම වැදගත් වන පොත් මෙම අලෙවියෙන් ලබාගත හැකිවීම විශේෂත්වයක් බවද වාසලතන්ත්‍රී මහතා පෙන්වා දුන්නේය. ඉදිරියේදී ද මේ ආකාරයේ ප්‍රජාව අතර දැනුම හුවමාරුකරගැනීමේ  වැඩසටහන් රැසක් සංවිධානය කිරීමට සැලසුම් කර ඇති බව ද නිශාන් වාසලතන්ත්‍රී මහතා අවධාරණය කළේය.

Big Bad Wolf හි මලයාසියානු සහකරු වන දීපක් මාධවන් මහතා මෙහිදී අදහස් දක්වමින් පෙන්වා දුන්නේ ඉංග්‍රීසි භාෂාව පිළිබඳව හසල දැනුමක් ලබාගැනීමට සියලු දෙනා දැඩි උනන්දුවක් දක්වන බවයි. එම අපේක්ෂාවන් ඉටුකරගැනීම  සඳහා මෙම පොත් අලෙවිය කදිම අවස්ථාවක් සලසන බව ද හෙතම කියා සිටියේ ය. මෙම අවස්ථාව පොතපත පාඨකයින්ට පමණක් නොව සමස්ථ පවුලටම ප්‍රයෝජනවත් පවුලේ අවස්ථාවක් බවද මාධවන් මහතා සඳහන් කළේය. Big Bad Wolf පොත් අලෙවිය වෙත පැමිණ එම වෙනස වටහාගන්නා හැටියට තමන් සමස්ථ ශ්‍රී ලංකාවාසීන් ගෙන් ඉල්ලා සිටින බව ද ඒ මහතා සඳහන් කළේය. පොත පත කියවනන්ට මෙය කදිම අවස්ථාවක්  වන බවත්,තරුණ සහ වැඩිහිටි ආදී වශයෙන් විවිධ වයස් කාණ්ඩවල පිරිස් වෙත තම දැනුම වර්ධනය කර ගැනීමට මෙන්ම ඉංග්‍රීසි භාෂාව ඉගෙන ගැනීමට මෙන්ම කුසලතා වර්ධනය කර ගැනීමට ද මෙහිදී අවස්ථාව හිමිවන බව හෙතෙම සඳහන් කළේය.

වසර 2009දී  මැලේසියාවේ  සේලන්ගර් හි Dataran Hamodal  හි දී ඇරඹි මෙම Big Bad Wolf පොත් අලෙවිය ඉතා කෙටි කලක් තුළ අතිශයින් ජනප්‍රියත්වයට පත්වූ සංකල්පයකි.කෙටි කාලයක් තුළ අසල්වැසි රටවල් වන ඉන්දුනීසියාව සහ තායිලන්තය යන රටවල් වෙත මෙම Big Bad Wolf පොත් අලෙවිය  ව්‍යාප්ත වූ අතර ශ්‍රී ලංකාව මෙම දැවැන්ත පොත් අලෙවිය පවත්වන  හතරවන රට ය.

පහත සඳහන් සබැඳිය ඔස්සේ Big Bad Wolf Book Sale හි නිල වෙබ් අඩවියට පිවිසීමෙන් Wolf Pack සමාජිකත්වය හා ලියාපදිංචි වී මෙම පොත් අලෙවියේ දී විශේෂ වරප්‍රසාද ලබාගත හැකිය.

https://www.bigbadwolfbooks.com/lk/register/english.

Tata PRIMA 2528.K Scoop  මාදිලියේ ටිපර් රථ 4ක්  ඉදිකිරීම් ක්ෂේත්‍රයේ ප්‍රමුඛ සමාගමක් වන NEM කන්ස්ට්‍රක්ෂන්ස් පුද්ගලික සමාගම වෙත භාර දීම පසුගියදා සිදුකෙරිණ. සීමාසහිත  ඩීසල් හා මෝටර් ඉංජිනේරු පොදු සමාගම (ඩීමෝ) සභාපති හා කළමණාකාර අධ්‍යක්ෂ රංජිත් පණ්ඩිතගේ මහතා අතින්   NEM කන්ස්ට්‍රක්ෂන්ස් පුද්ගලික සමාගමේ  සභාපති සහ කළමණාකාර අධ්‍යක්ෂ රාජා නානායක්කාර මහතා වෙත මෙම ටිපර් රථ  භාරදීම පසුගියදා සිදුකෙරිණ. මෙම අවස්ථාවට  ඩීමෝ සමූහ ප්‍රධාන විධායක නිලධාරි  ගහනාත් පණ්ඩිතගේ, ඩීමෝ අධ්‍යක්ෂ විජිත බණ්ඩාර, ටාටා වෙළද වාහන අංශයේ සාමාන්‍යාධිකාරි නලින්ද කුරුකුලසූරිය, ටාටා වෙළඳ වාහන සේවා අංශයේ සාමාන්‍යධිකාරි මහේෂ් කරුණාරත්න, ටාටා මෝටර්ස් සමාගමේ ශ්‍රී ලංකා කළමණාකාර මධු සිං යන මහත්වරු එක්ව සිටියහ.

Tata PRIMA රථ පෙළ ඉදිරිකීරීම් හා කැනීම් ක්ෂේත්‍රයේ කාර්යක්ෂමතාව වර්ධනය කෙරෙන ආකාරයට නිමවා ඇති මාදිලියකි. නවීන තාක්ෂණය , සුපිරි උපකරණ, සමඟ ඉලක්ක හඹා යාමේදී වැදගත් වන සියලු අංගෝපාංග වලින් සමන්විත මෙම රථ පෙළ ඉදිකරීම් හා කැනීම් ව්‍යාපෘති සඳහා බෙහෙවින් යෝග්‍ය වේ. ක්ෂේත්‍රය තුළ සෑම අවශ්‍යතාවක් සඳහාම යොදාගත හැකි ආකාරයට නිමවා ඇති මෙම රථ පෙළ අශ්වබල 280 - 380  පරාසයක් සහිත Tata PRIMA රථ පෙළ  ZF ගියර් පද්ධතියකින් සහ , heavy duty Hub Reduction Axles, Bogie Suspension, special 12x24 mining tyres ආදියෙන් සමන්විත වෙයි. තවද HVAC, මෙන්ම දිශා 9කට වෙනස් කළ හැකි අසුන් වලින්ද සමන්විත Tata PRIMA රථයේ රියදුරු කුටිය  රියදුරු තොරතුරු පද්ධතියකින් සහ මනා ඉඩ පහසුකම් වලින් යුක්ත වෙයි.

මෙම ටිපර් රථ භාරදීමේ අවස්ථාවට එක්වෙමින් අදහස් දැක්වූ  සීමාසහිත ඩීසල් හා මෝටර් ඉංජිනේරු පොදු සමාගේ සභාපති සහ කළමණාකාර අධ්‍යක්ෂ රංජිත් පණ්ඩිතගේ මහතා සඳහන් කළේ  ඉන්දියාවේ ට්‍රක් රථ කර්මාන්තයේ ප්‍රමුඛයින් වන ටාටා විසින් හඳුන්වා දෙන PRIMA රථ පෙළ  මෙරට ඉදිකිරීම් ක්ෂේත්‍රය තුළ මහත් පෙරළියක් ඇති කරනු ඇති බවයි.

කියුබික් මීටර් 16ප්‍රමාණයෙන් යුත් ගල් වැනි ඝන ද්‍රව්‍ය පැටවිය හැකි  ට්‍රක් රථ 4ක්  NEM කන්ස්ට්‍රක්ෂන්ස් පුද්ගලික සමාගම වෙත භාරදීම මෙහිදී සිදුකෙරුණි. මීට අමතරව කියුබික් මීටර් 18ප්‍රමාණයේ ටිපර් රථ ද ටාටා විසින් නිපදවන අතර 6x4 configuration  පහසුකම් වලින් යුක්ත මෙම ට්‍රක් රථ විශේෂයෙන් පස් ප්‍රවාහනය සඳහා සුදුසු වෙයි. ටාටා විසින් නිපදවන කියුබික් මීටර් 20ප්‍රමාණයේ ටිපර් රථය 8x4 configuration  පහසුකම් වලින් යුත් අධි බර පැටවිය හැකි තවත් ටිපර් රථයකි.

1980වසරේදී මෙහෙයුම් ආරම්භ කරන ලද NEM කන්ස්ට්‍රක්ෂන්ස් පුද්ගලික සමාගම මෙරට ඉදිකිරීම් ක්ෂේත්‍රයේ ප්‍රමුඛතම සමාගමකි. පස් ඉවත් කිරීම සහ හෑරීම, අධිවේගී මාර්ග ඉදිකිරීම, ජල සම්පාදන, කාණු පද්ධති, වාරිමාර්ග,සහ ඉඩම් සංවර්ධන යන ක්ෂේත්‍රවල  කොන්ත්‍රාත්කරුවන් ලෙස කටයුතු කරන  NEM කන්ස්ට්‍රක්ෂන්ස් පුද්ගලික සමාගම  මෙරට සිවිල් ඉංජිනේරු ක්ෂේත්‍රයේ  ප්‍රමුඛතම කොන්ත්‍රාත්කාර සමාගමකි. තවද මෙම සමාගම ICTAD වර්ගීකරණය අනුව ISO 9001: 2008තත්ව සහතිකයෙන් පිදුම් ලැබූ සමාගමකි.

ඉන්දියාවේ ටාටා මෝටර්ස් හා ඩීමෝ  අතර වසර 56ක වෙළඳ සබඳතාවක් ඇති අතර ටාටා වාහන ශ්‍රී ලාංකිකයින්ගේ දෛනික ප්‍රවාහන අවශ්‍යතා සපුරා ගැනීමේදී පුළුල් මෙහෙවරක් ඉටු කරයි. ඩීමෝ හා ටාටා එක්ව ටාටා වාහන අලෙවිය, සේවා පහසුකම් සහ අමතර කොටස් මෙන්ම පැය 24 පුරා ක්‍රියාත්මක මාර්ගස්ථ උපකාරක සේවා සඳහා දිවයින පුරා ශාඛා 40 කට අධික සංඛ්‍යාවකින් යුතු ශාඛා ජාලයක් පවත්වාගෙන යනු ලබයි.

රාජ්‍ය හා පෞද්ගලික අංශයේ ජ්‍යෙෂ්ඨ කළමනාකරුවෙකු වූ එස්. ඒ. පී. සූරියප්පෙරුම මහතා ගරු ජනාධිපතිතුමාගේ නිර්දේශය මත, සංවර්ධන ලොතැරැයි මණ්ඩලයේ සභාපති ලෙස මුදල් හා ජනමාධ්‍ය අමාත්‍ය මංගල සමරවීර මහතා විසින් පත් කර ඇත.

කඳපොල මහින්ද මහා විද්‍යාලය, පොරමඩුල්ල මධ්‍ය මහා විද්‍යාලය හා මිනුවන්ගොඩ නාලන්දා මධ්‍ය මහා විද්‍යාලයේ ආදි සිසුවෙකු වන මොහු ශ්‍රී ජයවර්ධනපුර විශ්වවිද්‍යාලයෙන් ව්‍යාපාර පරිපාලන විශේෂ (ගෞරව) උපාධිය ලබාගෙන ඇත.

ලංකා බැංකුවේ අභ්‍යාසලාගී කළමනාකරුවෙකු වශයෙන් කළමනාකරණ ක්ෂේත්‍රයට පිවිසි මොහු, පසුව සෙලාන් බැංකුවේ ප්‍රධාන කළමනාකරුවෙකු වශයෙන් දීර්ඝ කාලයක් කටයුතු කර ඇත.

 බැංකු ක්ෂේත්‍රෙයන් ඉවත්ව, ලංකා සිමෙන්ති සමාගමේ සභාපතිවරයා ලෙසත්, සමෘද්ධි අධිකාරියේ අධ්‍යක්ෂවරයෙකු ලෙසත්, සමෘද්ධි අමාත්‍යාංශයේ උපදේශකවරයෙකු ලෙසත්, පොල් සංවර්ධන අධිකාරියේ අධ්‍යක්ෂවරයෙකු ලෙසත් පසුගිය කාලය තුළ දී කටයුතු කළ ඇති අතර, ශ්‍රී ලංකා ආයුර්වේද වෛද්‍ය සභාවේ සාමාජිකයෙකු ලෙස ද සේවය කර ඇත.

2000 වර්ෂයේදී බැංකු ක්ෂේත්‍රෙයන් හා රාජ්‍ය අංශයට සමුදුන්, සූරියප්පෙරුම මහතා ජාත්‍යන්තර ෆාම් තෙල් නිෂ්පාදන සමාගමක් වන විල්මාර් ජාත්‍යන්තර සමාගමේ අනුබද්ද සමාගමක් වූ පිරිමිඩ් ලංකා සමාගමේ ශ්‍රී ලාංකීය ෆාම් තෙල් පිරිපහදුවේ ආරම්භක සාමාන්‍යාධිකාරිවරයා හා අධ්‍යක්ෂ මණ්ඩල සාමාජිකයෙකු ලෙස 2012 වසර දක්වා කටයුතු කරමින් ආහාරමය තෙල් පිරිපහදු ක්‍රමය ශ්‍රී ලංකාවට හඳුන්වාදීමට දායක වී ඇත.

2006 වර්ෂයේදී ෆාම් තෙල් සහ මේද වර්ග ඉන්දු-ශ්‍රී ලංකා නිදහස් වෙළඳ ගිවිසුම යටතේ අපනයනය සම්බන්ධයෙන් දෙරට අතර ඇතිවූ අර්බුදකාරී අවස්ථාවේදී නැවත වතාවක් ශ්‍රී ලංකාවෙන් ෆාම් තෙල් අපනයනය කිරීම සම්බන්ධව පැවති ද්වීපාර්ශවික සාකච්ඡාවලට සහභාගී වූ, විල්මාර් ජාත්‍යන්තර සමාගමේ අනුබද්ධ සමාගමක් වන ශැන්ග්‍රි-ලා (Shangri-la) හෝටල් සමූහයට, ශ්‍රී ලංකාවේ ව්‍යාපාර කටයුතු ආරම්භ කිරීමට අවශ්‍ය පසුබිම සකස් කිරීම සඳහා අවශ්‍ය ව්‍යාපාරික පසුබිම සකස් කිරීම සඳහා ප්‍රමුඛ දායකත්වය ලබාදී ඇත.

විල්මාර් ජාත්‍යන්තර සමාගම් සමූහයේ (Willmar International) විල්මාර් අප්‍රිකානු සමාගමේ අධ්‍යක්ෂවරයෙකු සහ සාමාන්‍යාධිකාරිවරයා ලෙසත් බෙන්සෝ ඔයිල් ෆාම් වැවිලි සමූහයේ අධ්‍යක්ෂකවරයකු සහ විගණන කමිටු සාමාජිකයකු ලෙසත්, ඝානා රාජ්‍යයේ වසර හතරක කාලයක් කටයුතු කර ඇති අතර, විල්මාර් ඔලිවින් (Willmar Olivin)සිම්බාබ්වේ සමාගමේ ප්‍රධාන ව්‍යාපාර කළමනාකරු වශයෙන් වසරක කාලයක් කටයුතු කර ඇත.

සේන සූරියප්පෙරුම මහතාවිද්‍යුත් සහ මුද්‍රිත මාධ්‍ය මගින් ආර්ථික හා මූල්‍ය කටයුතු පිළිබඳ විශලේෂණය කිරීමේ නියළුණු අතර ජාතික පුවත්පත් කිහිපයකට ව්‍යාපාර, මූල්‍ය හා සංවර්ධන කටයුතු සම්බන්ධ තීරු ලිපි ලේඛකයෙකු වන අතර, ශ්‍රී ලංකා රූපවාහිනී සංස්ථාවේ “සතියේ ආර්ථික විමසුම”සංකල්පය ඉදිරිපත් කර දීර්ඝ කාලයක් එම වැඩසටහනට පවත්වාගෙන යාමට දායක වී ඇත.

මෙරට ගෘහස්ථ භාණ්ඩ  අලෙවියේ හා බෙදාහැරීමේ ප්‍රමුඛයින් වන සහ මෙරට ප්‍රමුඛතම ස්මාර්ට්ෆෝන් සන්නාමය වන Huawei හි ජාතික බෙදාහරින්නා වන සිංගර් ශ්‍රී ලංකා (පීඑල්සී)  විසින්  අලෙවිකරණයේ දක්ෂතා දැක්වූ අලෙවි නියෝජිතයින් අගයයි. Singer Digital Awards 2017 ලෙස නම් කර තිබු මෙම උත්සව අවස්ථාව  සිංගර් ශ්‍රී ලංකා හි ප්‍රධාන විධායක නිලධාරි  අසෝක පීරිස්, Huawei Sri Lanka හි ප්‍රධාන විධායක නිලධාරි ෂුන්ලි වොන්ග්  සහ එම සමාගම්වල කළමණාකාරීත්වයේ ප්‍රධානත්වයෙන් පැවැත්විණ. Huawei නිෂ්පාදන අලෙවියේදී ඉහළ දක්ෂතා දැක්වූ අලෙවි නියෝජිතයින්  මෙම සම්මාන උළෙලේදී ඇගයීමට පාත්‍ර විය.

තෝරාගත් සිංගර් අලෙවි නියෝජිතයින් සහ සිංගර් ඩිජිටල් මාධ්‍ය අලෙවි සේවාවල දක්ෂතා දැක්වූවන් ඇගයීම මෙහිදී සිදුවිය. දිවයින පුරා විහිදුනු 1200කට අධික පිරිසකගෙන් සමන්විත  දිවයිනේ පුළුල්තම  පුළුල් අලෙවි ජාලය සිංගර් ශ්‍රී ලංකා සතු වෙයි.  මෙම අලෙවි නියෝජිතයින් බලගැන්වීම සිංගර් ශ්‍රී ලංකා සමාගම විසින්  සිදුකරන අතර  Huawei සන්නාමයෙහි තිරසාර සාර්ථකත්වය එහි අරමුණයි.

මෙම අවස්ථාවේදී අදහස් දැක්වූ සිංගර් ශ්‍රී ලංකා සමාගමේ ප්‍රධාන විධායක නිලධාරි අසෝක පීරිස් මහතා පෙන්වා දුන්නේ  සිය ව්‍යාපාරික හවුල්කරුවන් හා එක්ව වෙළඳ ඉලක්ක වෙත හඹා යාමේදී දීප ව්‍යාප්ත  නියෝජිත ජාලය මහත් ශක්තියක් වන බවයි. පාරිභෝගිකයින් සමඟ කටයුතු කිරීම ඔවුන්ගේ සිතැඟියාවන් හඳුනා ගැනීම, සහ සෑම සන්නායමයකම නිෂ්පාදන අලෙවි කිරීම යනාදී කාර්යයන් මඟින් මෙම අලෙවි නියෝජිත ජාලය පුළුල් මෙහෙවරක් ඉටු කරන බවද හෙතෙම පෙන්වා දුන්නේය. ඉදිරියේදී සිංගර් ඩිජිටල් මීඩියා අලෙවි ජාලය පුළුල් කිරීම තුළින් වෙළඳ පළ ඉලක්ක ජයගැනීමට අපේක්ෂා කරන බව අසෝක පීරිස් මහතා මෙහිදී පෙන්වා දුන්නේය.

ජාත්‍යන්තර කීර්තියට පත්වූ, පාරිභෝගික විශ්වාසය දිනූ සන්නාම වලින් යුතු භාණ්ඩ රැසක් සිංගර් ශ්‍රී ලංකා මෙරට වෙළඳ පළට ඉදිරිපත් කරයි. Huawei සන්නාමය ‍මෙරටට හඳුන්වා දීමේදී  ඒ සඳහා මෙරට එකම සහ හොඳම සුදුස්සා වූයේ සිංගර් ශ්‍රී ලංකා සමාගමයි.ඉතා කෙටි කාලයක් තුළ මෙරට ජනතාවට සමීපතම ස්මාර්ට්ෆෝන් සන්නාමය බවට Huaweiපත්වීම තුළින් සිංගර් ශ්‍රී ලංකා හි කුසලතාව මැනවින් ඉස්මතු වී පෙනෙයි. සිංගර් සහ Huawei අතර වෙළඳ සහයෝගිතාවට වසර 5ක් සම්පූර්ණ වීමෙන් පසු පැවැත්වෙන Digital Awards 2017සම්මාන උළෙලේදී  සිදුවූයේ  එම කාර්යය ඉටු කිරීමට දායක වූ අලෙවි නියෝජිතයින් ඇගයීමට ලක් කිරීමයි.

Huawei ශ්‍රී ලංකා හි ප්‍රධාන විධායක නිලධාරි ෂුන්ලි වොන්ග් මහතා අදහස් දක්වමින් සඳහන් කළේ  මෙරට ස්මාර්ට්ෆෝන් වෙළඳ පළට Huawei පිවිසුනු 2012සිට මේ දක්වා සිංගර් ශ්‍රී ලංකා ලබාදුන් සහයෝගය අති විශිෂ්ඨ බවයි.

සිංගර් සමාගම කෙරෙහි මෙරට පාරිභෝගිකයින් තැබූ විශ්වාසය සිය සන්නාමය මෙරට ප්‍රමුස්ථානයට ගෙන ඒමට සමත් වූ බව හෙතෙම කියා සිටියේය. Huawei මෙරට තුළ ඉතා කෙටි කාලයකින් දිගු ගමනක් පැමිණ ඇති බවත් එම කාර්යයට සහයෝගය දුන් සිංගර් හි අලෙවි නියෝජිත ජාලය වෙත තම ස්තුතිය පිරිනමන බවත් හෙතෙම කියා සිටියේය. 2017වසරේ අවසානය වනවිට Huawei මෙරට අංක 1ස්මාර්ට්ෆෝනය  බවට පත්කිරීමට මෙම බැඳීම ප්‍රබල ශක්තියක් වන බව හෙතෙම පෙන්වා දුන්නේය.

මෙරට වේගයෙන්ම ව්‍යාප්ත වන ජංගම දුරකථන ජාලය වන HUTCH සිය පාරිභෝගිකයින් වෙත දින 7පුරා පැය 24තිස්සේ ක්‍රියාත්මක රීලෝඩ් සේවාවක් හඳුන්වා දෙයි. සිය පාරිභෝගිකයින්ගේ පහසුව සඳහා හැටන් නැෂනල් බැංකුව හා එක්ව මෙම රී ලෝඩ් සේවාව ක්‍රියාත්මක වෙයි. මේ යටතේ  හැටන් නැෂනල් බැංකුවට (HNB) අයත් දිවයින පුරා විහිදී ඇති ATM, Cash Deposit Machines (CDM)සහ  Kiosk  යන්ත්‍ර ඔස්සේ මෙම රීලෝඩ් පහසුකම් ලබාගත හැකිවෙයි.

දිවයින පුරා පිහිටුවා ඇති 500කට අධික HNB ATM යන්ත්‍ර ඔස්සේ මෙම රී ලෝඩ් පහසුකම ලබාගත හැකි අතර HNB ගණුදෙනුකරුවන්ට පමණක් සීමා නොවී  HNB Cash Deposit Machines (CDM) සහKiosk  යන්ත්‍ර හරහා ඕනෑම පාරිභෝගිකයෙකුට මෙම පහසුකම ලබාගත හැකිවෙයි. තවද  HUTCH top up සහ බිල්පත් ගෙවීම්  ද  HNB online banking ඔස්සේ සිදු කළ හැකිය.  මෙම ස්වංක්‍රිය top up පහසුකම්  පැය 24පුරා  ක්‍රියාත්මක වන බැවින් රාත්‍රී කාලයේදී සහ සති අන්ත දිනවලදී පාරිභෝගිකයින්ට මහත් පහසුවකි.

HUTCH හා HNB එක්ව ගෙන එන මෙම නවතම සේවාව පිළිබඳව අදහස් දක්වමින් HUTCH ශ්‍රී ලංකා හි  ජ්‍යෙෂ්ට කළමණාකාර (බෙදාහැරීම්) මෙල්රෝයි තෝමස් මහතා සඳහන් කළේ  HUTCH නිරන්තරයෙන්ම සිය පාරිභෝගිකයින්ගේ, ජංගම දුරකථන අත්දැකීම් පුළුල් කිරීම සඳහා කටයුතු කරන බවයි.  සිය පාරි‍භෝගිකයින්ගේ කාර්ය බහුල ජීවන රටාව පහසු කරලීම සඳහා මෙම නව සේවාව හඳුන්වා දුන් බව ද හෙතෙම කියා සිටියේය.

මේ පිළිබඳව අදහස් දැක්වූ HNB  හි ඩිජිටල් බැංකුකරණ කළමණාකරු  චක්ෂික අමරවර්ධන සඳහන් කළේ  සාම්ප්‍රදායික රීලෝඩ් ක්‍රමවේද  භාවිතාව වැඩිවෙමින් තිබෙන අවධියක මෙම  පැය 24පුරා මෙන්ම දින 7පුරා  ක්‍රියාත්මක නව ක්‍රමවේදය පාරිභෝගිකයින්ට මහත් පහසුවක් වන බවයි. මෙරට ප්‍රමුඛතම  ATM ජාලයක් සහිත HNB හා එක්වීම තුළින් HUTCH සිය පාරිභෝගිකයින් වෙත  වඩා උසස් සේවාවක් තිළිණ කර ඇති බවද හෙතෙම සඳහන් කළේය. මෙරට ජාතික ගෙවීම් ජාලය වන LankaPay මෙහෙයවන ලංකා ක්ලියර් පුද්ගලික සමාගම   විසින් මෙහෙයවන ලද ‘Technnovation Awards 2017’  හිදී මෙරට හොඳම ATM ජාලය ලෙස HNB ATM ජාලය සම්මාන ලැබීය.

මෙම නවතම ස්වාව මෙරට අනිකුත් ප්‍රධාන බැංකු හා ඒකාබද්ධ වෙමින්  සිය පාරිභෝගිකයින් වෙත ගෙන ඒමට  HUTCH කටයුතු සූදානම් කරමින් සිටියි.

සෙලාන් බැංකුව සහ සමූහය 2017 ජුනි මස 30 වන දිනෙන් අවසන් වන මාස 06ක කාලය තුළ ඉතා ශක්තිමත් වර්ධනයක් පෙන්නුම් කර ඇත. සෙලාන් සමූහය බදු ගෙවීමෙන් පසු රුපියල් මිලියන 2,310ක ශුද්ධ ලාභයක් වාර්තා කර ඇති අතර එය පසුගිය වසරේ මෙම කාල පරිච්ජේදයට සාපේක්ෂව 32ක වැඩි වීමක් බව බැංකුව පවසයි.

සෙලාන් බැංකුව 2017 ජුනි මස 30 වන දිනෙන් අවසන් වන මාස 6ක කාලයක් තුළදී පසුගිය වසරේ පළමු භාගයේ ලද රුපියල් මිලියන 1,755ක ප්‍රමාණය 2.87ක වර්ධනයක් පෙන්නුම් කරමින් රුපියල් මිලියන 1,805ක බදු පසු ලාභයක් වාර්තා කර ඇත.
බැංකුවේ වර්ෂයෙන් වර්ෂයට බදු ගෙවීමෙන් පසු ලාභයෙහි වර්ධන වේගය 21කට වඩා වැඩි වීමට හැකියාව ඇති නමුත් එසේ නොවීමට බලපෑ හේතුව වනුයේ වන්දි ගෙවීමේ විනිශ්චය සභාව සහ තවත් ඇප ලත් ණය හිමියකු විසින් වත්කම් ඈවර කිරීම මගින් නියමිත ගෙවීම් කිරීමේ ඇති ප්‍රමාදය නිසා අක්‍රිය වත්කම් බොල් ණය ලෙස කපාහැරීමට සිදුවීම බව බැංකුව සඳහන් කරයි.
2017 ජුනි මස 30 වනදා වනවිට බැංකුවේ ශුද්ධ ‍පොලී ආදායම රුපියල් මිලියන 6,147 සිට රුපියල් මිලියන 7,265 දක්වා 18.19ක ප්‍රතිශතයකින් වැඩි වී ඇති අතර තෝරාගත් අත්තිකාරම් වැඩි වීම හා ඵලදායී මිල නියම කිරීමේ උපාය මාර්ගයන් මේ සඳහා ඉවහල් වී ඇත.

Page 1 of 4

IMAGE

කාමරංකා කන්න එපා

IMAGE 2017 Sep 24 13:10
වකුගඩු ආසාදන ශ්‍රී ලංකාවේ බරපතළ සෞඛ්‍ය තර්ජනයකි. කිහිප ආකාරයක වකුගඩු ආසාදන ශ්‍රී ලංකාවේ...
Views - 3859

ඔය කියන නිරුවත් ඡායාරූපවල ඉන්නේ මම ‍නෙවෙයි

IMAGE 2017 Sep 24 12:18
ගයාත්‍රි ඩයස් දැන් අන්තර්ජාලයේ පුවත් මවන්නියක් බවට පත් වෙලා. ඒ විදියට ඇය ගැන පැතිර ගිය එක්...
Views - 1760

මම මිය ගියේ නැහැ

IMAGE 2017 Sep 24 11:59
රොඩ්නි වර්ණකුල හදිසියේ මිය ගිය බවට බොරු පුවතක් පසුගිය දවස්වල අන්තර්ජාලයේ එහා මෙහා වුණා. මේ...
Views - 1012

අද කාලේ කඨින පිංකම් අස්සේ 'බෝතල් පාටි'ත් දානවා

IMAGE 2017 Sep 22 15:40
කඨින චීවර මාසයක් ළඟ ළඟම එයි. බෞද්ධයන්ට සිදුකළ හැකි අට මහ කුසල් අතරින් මුල්ම කුසලය වන කඨින චීවර...
Views - 1045

16 වියැති සිසුවිය බස් නැවතුමේ දී හෘදයාබාධයකින් මියයයි

IMAGE 2017 Sep 22 11:12
තම දූ පුතුන් පාසල් ගොස් යළි නිවසට පැමිණෙන තුරු දෙමාපියන් සිටිනුයේ දැඩි විමසිල්ලකින් බව...
Views - 3497

සුමති සම්මාන හිමිකරගත් කලා ලොවේ දිදුළන තරු

IMAGE 2017 Sep 21 12:27
ජාතියේ මහා කලා මංගල්‍යය හෙවත් සුමති සම්මාන උළෙල 20 දා  ප.ව. 6.30ට කොළඹ නෙළුම් ‍පොකුණ රඟහ‍ලේදී 22...
Views - 3983

Please publish modules in offcanvas position.