Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ් නිලි අනුශ්කා ශර්මාය.

ඉතාලියේ මිලානෝ නුවර හින්දු සාම්ප්‍රධානුකූලව පැවැති විවාහ මංගල්‍යය සඳහා පවුලේ ඥාතීන් ඇතුළු සමීපතමයන් සීමිත පිරිසක් පමණක් එක්ව සිටි අතර ලබන 21 වෙනිදා ඉන්දියාවේ නවදිල්ලි හිදී විවාහ මංගලෝත්සවයක් පැවැත්වීමට නියමිතව තිබේ.

මේ දිනවල ශ්‍රී ලංකා කණ්ඩායම සමඟ තරඟ වදින ඉන්දීය ක්‍රිකට් කණ්ඩායම සඳහා විරාත් කෝලි සහභාගී නොවූ අතර පසුගිය දා පැවැති මුල්ම එක්දින තරඟයේ දී ඉන්දීය කණ්ඩායම කඩුලු 07 කින් පරාජය කිරීමට ශ්‍රී ලංකා පිළ සමත් විය.





අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා සඳුනි අබේවික්‍රම පසුගිය 30 වැනිදා ඝාතනයට ලක් විය. ඒ කොට්ටාව බාලිකා නිවාස පාරේ පිහිටි තම නිවසේදීය. ඇය ඝාතනයට ලක්වන්නේ මිලිමීටර් නවය වර්ගයේ පිස්තෝල උණ්ඩ 13කට ගොදුරු  වීමෙනි.
මෙම රූපලාවන්‍ය ශිල්පිනියගේ ඝාතනයත් සමගම පාතාල කල්ලි පිළිබඳ කතාබහ නැවතත් කරළියට එන්නේය. ඒ ඇගේ ඝාතනයද පාතාලයට සම්බන්ධතා පවතින බැවිනි. ඇගේ ඝාතනයට ප්‍රධාන හේතුව වන්නේ පසුගිය ජනවාරි 17දා ඇගේ රූපලාවන්‍යාගාරයේදී අතුරුගිරියේ බණ්ඩා නමැති අය නාඳුනන වෙඩික්කරුවකු අතින් ඝාතනය වීමයි.
අතුරුගිරිය, මොරටුහේන පාරේ පදිංචිව සිටි දහනායක මහත්තරාලගේ රනිත් බණ්ඩාර ධර්මසිරි නොහොත් අතුරුගිරිය බණ්ඩා යනු නමගිය පාතාල සාමාජිකයෙකි.
ඔහු පාතාල නායක අංගොඩ ලොක්කාගේ සමීපතම ගෝලයා මෙන්ම කඩුවෙල පාතාලයේ  ලඩියාගේ කල්ලියේ හොඳම කෙරුම්කාරයෙකි. බණ්ඩාරගේ ඝාතනයට ඇඟිල්ල දික්වන්නේ හුණුගොඩ පතිරණලාගේ අනුර උදයන්ත හෙවත් කළුතරදී බන්ධනාගාර බස් රථයක් තුළදී වෙඩි කා මියගිය රණා‍ලේ සමයං දෙසටය. සමයංගේ කල්ලිය අංගොඩ ලොක්කාගේ සහ ලඩියාගේ කල්ලිය සමග දිගු කලක් තිස්සේ පැවැතියේ විරසකයකි. ඒ කප්පන් හා මත්ද්‍රව්‍ය ජාවාරම සම්බන්ධවය. මේ නිසාම ඔවුන් අතර දිගින් දිගටම පැවැතියේ විරසකයකි.
බණ්ඩාගේ ඝාතනය සමයංගේ අවශ්‍යතාවයට සිදුකරන්නේ ආමි අසංක හෙවත් ගොත අසංක විසිනි. ඒ අනුව මිරිහාන විශේෂ විමර්ශන ඒකකය විසින් ආමි අසංකව අත්අඩංගුවට ගත්තේය. බණ්ඩාගේ ඝාතනය සැලසුම් කරන්නේ රණා‍ලේ සමයං හා පැටි මහත්තයා විසිනි. ඒ කළුතර බන්ධනාගාරයේ සිට බව කියැවේ. මෙහිදී අතුරුගිරිය බණ්ඩා පිළිබඳ සියලු තොරතුරු පැටී මහත්තයාට ලබාදෙන්නේ සයොනාරා රූපලාවන්‍යාගාරයේ හිමිකාරිය වන මංජුලා විසිනි. මේ පිළිබඳ ‍පොලිස් තොරතුරු අනාවරණය කරන්නේ මංජුලාගේ දුරකථනය
පිරික්සීමේදීය.
බණ්ඩා ඝාතනය වන්නේ ජනවාරි 17 වැනි දින සවස 6.05ටය. එදින මංජුලා සහ පැටී මහත්තයා අතර සවස 2.30 සිට සවස 6.02 දක්වා දුරකථන ඇමතුන් දහයක් හුවමාරු වී තිබේ. මෙහිදී පැටී මහත්තයා නමැත්තා මංජුලාට මුලදී එක් අංකයකිනුත් පසුව තවත් අංකයකිනුත් ඇමතුම් ලබාගෙන ඇති බව ‍පොලීසිය තහවුරු කරගන්නේය. පැටී මහත්තයා මේ සියලු දුරකථන ඇමතුම් ලබා ගන්නේ කළුතර බන්ධනාගාරයේ සිටය. එසේම මංජුලාගේ ඥාතියකු මෙන්ම සමයංගේ කල්ලියේ සගයකු වන කැලුම් සමගද එදින දුරකථන ඇමතුම් කිහිපයක් මංජුලාගේ දුරකථනය සමග හුවමාරු වී තිබේ. කැලුම් ඒ වන විට සිටින්නේ පැටී සහ සමයං සමග කළුතර බන්ධනාගාරයේය.
මංජුලා සමයංගේ කල්ලිය සමග සම්බන්ධ වන්නේ මංජුලාගේ ඥාතියකු වූ කැලුම් හරහාය. මංජුලා සමයං සමග සම්බන්ධ වී මත්ද්‍රව්‍ය ජාවාරමේ යෙදුන බවට පැවැසේ. ඇය සමයංගේ මත්ද්‍රව්‍ය ප්‍රවාහනය කිරීමේ කටයුතුවල නිරතව සිටි බව පැවැසේ. මේ අතරතුර මංජුලා මියගිය බණ්ඩා සමගද හිතවත් කමක් පවත්වාගෙන ගොස් ඇත්තේ බණ්ඩා මංජුලාගේ රූපලාවන්‍යාගාරයට යන්නේ එන්නේ ඒ හිතවත්කම මතය.
පසුගිය පෙබරවාරි 28 වැනි දින කළුතර බන්ධනාගාර බස් රථයට එල්ල කළ ප්‍රහාරයකින් රණා‍ලේ සමයං, පැටී මහත්තයා හා කැලුම් යන අය මියගියහ. මේ මරණ තුනත් සමගම මංජුලාට තිබූ ආරක්ෂාවද යම්තාක් දුරට අඩුවී යන්නේය. මේ නිසා මංජුලා බණ්ඩාරගේ මරණයට සැකපිට බන්ධනාගාරගතව සිටින ආමි අසංක සමග සම්බන්ධ වන්නීය.
පැටී, සමයන් හා කැලුම්ගේ මෙහෙයවීමෙන් බණ්ඩා ඝාතනය කරන්නේ ආමි අසංක ඇතුළු සිව්දෙනෙකි. ඒ දුලිප්, මද්දා සහ ගරා යන තිදෙනාය. ආමි අසංක පවසන්නේ පසුගිය ජනවාරි 17 වැනිදා හවස පැටී මහත්තයා කතා කොට බණ්ඩා ඝාතනයට යන ලෙස තමන්ට දැන්වූ බවයි. ඒ අනුව මද්දා සහ ආමි අසංක යතුරු පැදියකින් කඩුවෙල සිට අතුරුගිරියට යන අතර දුලිප් සහ ගරා යන අය පැමිණෙන්නේ ත්‍රිරෝද රථයකිනි.
මද්දා සමග ආමි අසංක මංජුලාගේ රූපලාවන්‍යාගාරය තුළට යන අතර එහිදී අසංක පැටී මහත්තයාට ඇමතුමක් ලබාදී පවසන්නේ බණ්ඩා ඇතුළේ නැහැ කියාය අනෙක් පසින් පැටී මහත්තයා ඔහොම ඉන්න කියා දුරකථනය විසන්ධි කරන්නේය. ඉන් විනාඩි කිහිපයකට පසුව අසංක අමතන පැටී කියන්නේ ඔය පේෂල් එකක් දාලා ඇස් වහලා ඉන්නේ බණ්ඩා ඉක්මනට වෙඩි තියලා දාන්න යනුවෙනි. ඒ වන විට බණ්ඩාගේ දෑස් පිපිඤ්ඤා පෙති දෙකකින් වසා තිබුණු අතර පැටීගේ නියෝගයත් සමගම ආමි අසංක බණ්ඩාගේ හිසට වෙඩි කීපයක් තබන්නේය.
මෙම වෙඩි තැබිම සම්බන්ධව මිරිහාන විශේෂ විමර්ශන ඒකකය විසින් ආමි අසංක ඇතුළු තිදෙනකු අත්අඩංගුවට ගත් අතර එහිදී හෙළිවන තොරතුරු අනුව හා මංජුලාගේ ජංගම දුරකථන විශ්‍ලේෂණයේදී මංජුලා බණ්ඩාගේ ඝාතනයට අනුබල දී ඇති බව හෙළි වන්නේය. මංජුලා ‍පොලිස් අත්අඩංගුවට පත්වන්නේ ඒ අනුවය.
බණ්ඩාගේ ඝාතනය සම්බන්ධව රක්ෂිත බන්ධනාගාරගත වන මංජුලා මීට මාස පහකට පමණ පෙර ඇප මත මුදා හැරෙන නමුත්, වැඩිපුර එළිපහළියට නොඑන ඇය ඒ කාලය පුරාම ගත කළේ සැඟවුණු ජීවිතයකි. ඒ බණ්ඩාගේ මළගම දිනයේ අංගොඩ ලොක්කා ඇතුළු පිරිස ඇය මරණ බවට දිවුරා ප්‍රකාශ කිරීමත් සමගයි. මංජුලා ඇප මත මුදා හැරීමෙන් පසුවද ආමි අසංක බන්ධනාගාරයේ සිට ඔහුගේ ගෝලයන් මෙහෙයවා මංජුලාට ආරක්ෂාව ලබාදෙන්නේය. අසංක සමග මේ වන විට ඇයගේ සම්බන්ධතාවය දලුලමින් තිබිණි. ඇය බොහෝ විට එහේ මෙහේ ගියේ ආමි අසංකගේ ගෝලයන්ගේ ආරක්ෂාව පිටයි.
පසුගිය 30 වැනි දින ඇයට එරෙහිව තිබූ මූල්‍ය ගනුදෙනු සම්බන්ධ නඩු තුනක් කඩුවෙල අධිකරණයේදී විභාග විය. එහිදී එක් නඩුවකට රුපියල් දසදහසක් දඩ ගැසුණු අතර සෙසු නඩු දෙකෙන් ඇයට එදින නිදහස ලැබිණි.
මතෛක් දිනක් ජීවිත රැක ගැනීම සඳහා විවිධ තැන්වල සිටි මංජුලා නඩුවලින් නිදහස් වීමේ සතුටත් සමග තම නිවසට ගියාය. ඒ  එදින රාත්‍රිය මව, පියා, දරු දෙදෙනා හා සැමියා සමග ගත කිරීමටයි. මතෛක් කල් මංජුලා පසුපස හඹා ආ ඝාතකයන්ට මෙය කදිම අවස්ථාවක් විය.
නොවැම්බර් 30 වැනිදා රාත්‍රියේ මංජුලාගේ සැමියා නිවසින් බැහැරව ගොස් සිටි අතර මව, පියා හා දරු දෙදෙනා සමග මංජුලා නිවසෙහි සතුටින් සිටියාය.
ඒ වනවිට රාත්‍රී අට පසුවී විනාඩි හතළිහක් පමණ ගතවී තිබුණි. ඉදිරිපස දොරට කවුරුන් හෝ තට්ටු කරනු මංජුලාට ඇසිණි. ඒත් සමගම මව දොර අරින හඬද ඇයට ඇසුණි. ඉහළ මහ‍ලේ සිටි මංජුලා මේ ශබ්දය කුමක්දැයි බැලීමට පියගැට පෙළ බැස්සාය. ඒ සමගම මුහුණු ආවරණ හෙල්මට් පැළඳ සිටි තුවක්කුකරුවන් දෙදෙනකු මංජුලා දෙසට පිස්තෝල එල්ල කරගෙන සිටියහ. අනතුර හොඳ හැටි වටහාගත් මංජුලා මවගේ ඇගේ එල්ලී බේරීමට උත්සාහ කළාය. එහෙත් පිස්තෝලකරුවන්ගෙන් ඇයට අනුකම්පාවක් ලැබුණේ නැත. ඔවුන් දෙදෙනා අත තිබූ ගිනි අවි ඇය දෙසට එල්ලවී කොකා ගැස්සිනි. පළමු වෙඩි පහරින්ම ඇය මුනින් අතට වැටුණි. තුවක්කුකරුවන් දෙදෙනා මාරුවෙන් මාරුවට ඇයට වෙඩි තැබූහ. දෙදෙනා ඇයට වෙඩි ප්‍රහාර දහතුනක් එල්ල කර තිබුණි. අවසානයේ ඇය දෙමාපිය දූ දරුවන් ඉදිරිපිටදීම දෑස් පියා ගත්තාය.
ලෙයින් ලෙයට පළිගන්නා පාතාලයේ තවත් මෙහෙයුමක් මෙසේ අවසන් විය. ඒ පාතාල ගැටුම් හමුවේ කාන්තාවකටද මරු කැඳවමිනි. කෙසේ වෙතත් මේ පළිගැනීමේ ඝාතන රැල්ල මෙතනින් නිමාවේ යැයි සිතිය නොහැකිය. එය චක්‍රයක් සේ තවත් දිවෙන බව නම් නොඅනුමානය.

ශිරෝමි රත්නායක

“ගිනිපෙනෙල්ලෙන් බැට කෑ මිනිසා කණාමැදිරි එළියටත් බයයි” යන්න අපේ ජනවහරේ පවතින්නකි. එය මේ දිනවල හොඳින්ම දැක ගත හැකි වන්නේ, වෙරළබඩ ජනතාව යළි සුනාමි බියකින් ඇළලී ගොස් ඇති බැවිනි. මේ තත්ත්වය හටගත්තේ, මේ මාසයේ තිස්එක් වැනිදාට පෙර ශ්‍රී ලංකාවට බලපාන ආකාරයේ සුනාමි තත්ත්වයක් යළි ඇති වීමේ ඉඩකඩක් පවතින බවට පළ වූ අනාවැකියක් සමගය.
සුනාමි ව්‍යසනය සිදු වී, මේ මාසයේ විසිහයවැනිදාට දහතුන් වසරකි. එහෙත් සුනාමි යන වචනය ඇසූ පමණින් සියලු සිත් බියෙන් ඇළලී යන්නේ, එහි වන බිහිසුණු බව නිසාමය. මේ මාසය ඇතුළත යළිත් එවැනි සුනාමි තත්ත්වයක් ඇති වන බවට අනාවැකියක් පළ වූ කල්හි, එහි බිහිසුණු බව දෑසින්ම අත්දැකිවුන් යළි නොසන්සුන් වීම අරුමයක් නොවේ.
අපේ රටේ සුනාමි තත්ත්වයන් පිළිබඳව පූර්ව අනතුරු ඇඟවීමේ නිසි බලධාරියා කාලගුණ විද්‍යා දෙපාර්තමේන්තුවයි. ඉකුත් සුනාමි තත්ත්වය හටගැනීමෙන් පසු, එකී බලය කාලගුණ විද්‍යා දෙපාර්තමේන්තුව යටතට පැවැරිණි. එබැවින් අපි මේ සම්බන්ධයෙන් කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් සරත් ප්‍රේමලාල්ගෙන් විමසුවෙමු.
“හැමදාමත් භූ කම්පන ඇති වෙනවා. ඒ වගේම භූ කම්පන ඕනම වෙලාවක ඇතිවෙන්නත් පුළුවන්. සුනාමි තත්ත්වයක් හටගන්නා ආකාරයේ භූ කම්පනයක් පවා ඕනම වෙලාවක ඇති වෙන්නත් පුළුවන්. ඒත් මේ මාසෙ තිස්එක් වැනිදාට පෙර යළි සුනාමියක් ඇතිවිය හැකියි කියලා නිශ්චිතවම කියන්න බැහැ. අපි එවැනි පූර්ව අනතුරු ඇඟවීමක් මතෛක් නිකුත් කරලත් නැහැ” අධ්‍යක්ෂ ජනරාල්වරයා පවසන්නේය.
ඔහු පෙන්වා දෙන පරිදි, සාමාන්‍යයෙන් කාලගුණ විද්‍යා දෙපාර්තමේන්තුව සුනාමි තත්ත්වයක් පිළිබඳව පූර්ව අනතුරු ඇඟවීමක් නිකුත් කරන්නේ, එවැනි තත්ත්වයක් ඇති විය හැකි ආකාරයේ භූ කම්පන තත්ත්වයක් අපේ රටට බලපාන කලාපයක සිදු වුවහොත් පමණි. එනම්, ඉන්දුනීසියානු භූ පැල්ම තුළ හෝ, පාකිස්තානයේ “මැක්රම්” කලාපය තුළ රිච්ටර් මාපාංක 7ට වඩා වැඩි අගයකින් යුතු භූ කම්පනයක්  එහි ගැඹුර කිලෝමීටර සියයට වඩා අඩු මට්ටමකදී හටගතහොත්, එවැනි අවස්ථාවක කලාපීය සුනාමි අනතුරු ඇඟවීම් නිකුත් කරන ආයතනවල නිවේදනවලට අනුවය. මේ වන විට එවැනි භූ කම්පන තත්ත්වයකදී කලාපීය වශයෙන් පූර්ව අනතුරු ඇඟවීම් නිකුත් කරන්නේ, ඉන්දියානු සුනාමි පූර්ව අනතුරු ඇඟවීමේ මධ්‍යස්ථානය, ඉන්දුනීසියානු සුනාමි පූර්ව අනතුරු ඇඟවීමේ මධ්‍යස්ථානය සහ ඕස්ට්‍රේලියානු සුනාමි පූර්ව අනතුරු ඇඟවීමේ මධ්‍යස්ථානයයි. කලාපයට බලපෑ හැකි ආකාරයෙන් සුනාමි තත්ත්වයක් ඇතිවිය හැකි භූ කම්පනයක් ඒ ආශ්‍රිතව හටගතහොත්, එහි ඉහත කී ස්වභාවය සැලකිල්ලට ගනිමින් එම අනතුරු ඇඟවීමේ මධ්‍යස්ථාන විසින් කලාපීය රටවල්වලට සුනාමි අනතුරු ඇඟවීම් නිකුත් කරයි. ඒ ඒ රටවල අනතුරු ඇඟවීමේ මධ්‍යස්ථාන හරහා එවැනි අනතුරු ඇඟවීමේ නිල නිවේදන නිකුත් කරන්නේ ඒ අනුවය.
අනාවැකියක් නිසා බොහෝ දෙනා තුළ හටගත් සුනාමි බිය තවත් වර්ධනය වූයේ, පසුගිය දා මඩකලපුව නාවලඩියේ ධීවරයන් පිරිසකගේ දැල්වලට සර්පයන් රැසක් පැටලී ආ බවට පළ වූ ප්‍රවෘත්තියක් සමගිනි. ඉකුත් සුනාමි තත්ත්වය හට ගත් දෙදහස් හතරේ ඒ කාලයේදීත්, මඩකලපු මුහුදේ මේ ආකාරයෙන් විශාල වශයෙන් සර්පයන් මතු වී තිබිම ඒ තත්ත්වයට හේතුවයි. එමෙන්ම මිනිසාට හා තාක්ෂණයට පෙර සතුන්ට අනතුරක ඉව දැනෙන බව අපි මීට පෙරද අත්විඳ ඇති සත්‍යයකි. ඉකුත් සුනාමිය ඇති වූ දා, උදෑසන 6.45ට පමණ යාල වනෝද්‍යානය ආසන්නයේ අමුතු වෙනසක් ඇතිවෙමින් පැවැතිණි. මේ අපූරු වෙනස කැමරාගත කර තිබුණේ, බෙල්ජියමේ සිට පැමිණි ව්‍යාපාරිකයෙකි. ප්‍රථමයෙන්ම යාල පටනංගල ආසන්නයේ සිටි අලි රංචුවක් හිටිහැටියේ දුවන්නට පටන්ගෙන තිබිණ. තවත් තැනක වතුරේ සිටි අලියෙකු කිසිවෙකු පහර දුන් අයුරින් හඬ නගාගෙන දිවගියේය. තලගොයින් වැඩි වශයෙන් ජීවත් වන්නේ ‍පොළවේ ඇති ගුල්වල වුවද එදා උන් වහ වහා දැවැන්ත ගස් උඩට බඩගා යන අයුරුද බෙල්ජියම් ජාතිකයාගේ කැමරා කාචයට හසු වී තිබිණි. එදා මුහුද එක්වරම සිඳී යද්දී, මුහුදේ සිට ගොඩබිමට වේගයෙන් දිව ආ, දැවැන්ත කකුළුවෙකු ද ඒ ඡායාරූප ගොන්නෙහි විය. යාල වනෝද්‍යානයේ කිලෝමීටරයක් ඇතුළතට මුහුදු රළ පැමිණියද,  ඒ රළට හසුවී කිසිදු වන සතෙකු මිය ගිය බවට සලකුණක් හමු වූයේත් නැත.
එබැවින් සුනාමි තත්ත්වයක් යළි ඇති වන බවට මතයක් පළවෙන අතරේ, මඩකලපු මුහුදේ සිටි සර්පයන් රැසක් එකවර ගොඩබිම ආශ්‍රයට පැමිණීම, ඒ ආශ්‍රිත පෙදෙස්වල ජීවත් වන්නන් තුළ බියක් ඇතිකරන්නට සමත් වීම සාමාන්‍ය තත්ත්වයකි.
එහෙත් මේ සම්බන්ධයෙන් පරීක්ෂණ අරඹා ඇති නාරා ආයතනය පවසන්නේ, මේ නිසා කිසිදු සුනාමි බියක් ඇතිකර නොගත යුතු බවයි.
“අපේ විද්‍යාඥයන් කණ්ඩායමක් දැනටමත් ඒ සර්ප විශේෂයේ සාම්පල් ලබා ගෙන පරීක්ෂණ කරමින් ඉන්නවා. දැනට තියන කරුණු අනුව අපට පෙනී යන්නේ, ඒ සර්ප විශේෂයක් නොව, ආඳාට සමානකම් ඇති සත්ව විශේෂයක් බවයි.” නාරා ආයතනයේ අධ්‍යක්ෂ ජනරාල් බි.සී.ඩබ්ලිව්. ඉද්දමල්ගොඩ පවසන්නේය.
ඔහු පෙන්වා දෙන පරිදි, ආඳා සිය වර්ගයා බෝ කරන්නට මිරිදිය සිට කරදිය ආශ්‍රයට යන්නේය. ඇතැම් විට එලෙස වැඩි වශයෙන් උන්ගේ ගහණය පැවැති තැනකදී මේ ආකාරයෙන් ධීවර දැල්වලට හසු වන්නට ඇතැයි සිතිය හැකි බවද ඔහු පවසන්නේය. එමෙන්ම මෙවැනි මෝසම් කාලවලදී මුහුදේ ඇතිවන යම් යම් වෙනස්කම් හේතුවෙන්ද මෙලෙස මුහුද ආශ්‍රිතව සිටින සත්වයන් ගොඩබිම දෙසට ඇදී ඒමේ හැකියාවක් පවතී.
“දියවැල්වල වෙනස්කම්, මුහුදු ජලයේ සංඝටකවල ඇතිවන වෙනස්කම්, මුහුදේ රළු ස්වභාවයන් වගේ අවස්ථාවදී තමන්ගේ වාසස්ථානවලට අනතුරුදායක තත්ත්වයක් එද්දී උන් වෙනත් ස්ථාන හොයාගෙන යන්න පටන් ගන්නවා. දැනුත් එවැනි මෝසම් කාලයක් නිසා ඒ වගේ දෙයක් වෙන්නත් පුළුවන්. මීට කලින් මේ කාලයේදීත් මේ සිද්ධි වෙලා තියෙනවා. අපි මේ ගැන තවදුරටත් පරීක්ෂණ පවත්වනවා.” ඉද්දමල්ගොඩ මහතා පවසන්නේය.
ඔහු පෙන්වා දෙන්නේ, මෙම සත්ව විශේෂ ධීවර දැල්වලට හසු වීම සහ සුනාමියක් ඒමේ පෙර නිමිති පහළ වීම අතර කිසිදු විද්‍යාත්මක පදනමක් නැති බවයි. එමනිසා ඒ ආකාරයේ අවිනිශ්චිත බියක් ඇති කර ගතයුතු නැතැයි ඔහු අවධාරණය කරන්නේය.
එමෙන්ම කාලගුණ විද්‍යා දෙපාර්තමේන්තුව අවධාරණය කරන්නේ, කුමන අවස්ථාවක දී සුනාමි තත්ත්වයක් ඇති විය හැකි භූ කම්පනයක් සිදු වුවද, සුනාමි තත්ත්වයක් ඇති වන්නට පෙර ආරක්ෂිත ස්ථානයකට යාමට අවශ්‍ය තරම් වේලාව අප සතුවන බවය. භූ කම්පනයක් සිදු වී සුනාමියක් හට ගැනීමට තවත් පැය දෙකහමාරක පමණ කාලයක් ගත වේ. ඒ කාලය තුළ වෙරළබඩ ජනතාව ආරක්ෂිත ස්ථාන කරා යැවීමට ආපදා කළමනාකරණ මධ්‍යස්ථානය තුළ නිසි වැඩපිළිවෙළක් පවතින බව සරත් ප්‍රේමලාල් පවසන්නේය.
“ආපදා කළමනාකරණ මධ්‍යස්ථානය එවැනි අවස්ථාවක ක්‍රියා කළ යුතු ආකාරය, යා යුතු ස්ථාන පිළිබඳව කිහිප අවස්ථාවක දීම ජනතාව දැනුම්වත් කර තිබෙනවා. තවදුරටත් දැනුම්වත් කිරීම් කරනවා. එවැනි තත්ත්වයක් ඇති වුණොත් ඒ ජනතාව ආරක්ෂිත ස්ථානවලට යැවීමට අදාළ නිලධාරීන් වගේම ත්‍රිවිධ හමුදාවත් සූදානම් වෙලයි ඉන්නෙ. ඒ නිසා අනවශ්‍ය බියක් ඇති කරගන්න කිසිදු අවශ්‍යතාවක් නැහැ. අවශ්‍ය වෙන්නේ, ඕනෑම ආපදා අවස්ථාවකදී, කාලගුණ විද්‍යා දෙපාර්තමේන්තුවේ සහ ආපදා කළමනාකරණ මධ්‍යස්ථානයෙන් නිකුත් කරන නිල නිවේදනවලට අවධානය යොමු කර ඒ අනුව ක්‍රියාත්මක වීම පමණයි” කාලගුණ විද්‍යා අධ්‍යක්ෂ ජනරාල් සරත් ප්‍රේමලාල් අවධාරණය කරන්නේය.

ගයාත්‍රි ගීගනආරච්චි

“ලැම්බෝගිනි දේශපාලන වේදිකාවල රැව් දෙන වචනයක් වූයේ හිටපු ජනාධිපතිවරයාගේ කාලයේය. හිටපු ජනාධිපතිගේ පුත් නාමල් රාජපක්ෂට අයත් යැයි කී ලැම්බෝගිනි' ගැන කතාවලින් මැතිවරණ වේදිකාව හැඩ වැඩ වුණේය. ජනපතිවරණයට පෙර නාමල් රාජපක්ෂගේ ලැම්බෝගිනි රට පටවන බවටද කතන්දර තටු ලැබුවේය. ඒ අතර මාධ්‍ය සාකච්ඡාවකදී එක්තරා රංගන ශිල්පියෙකුද ආවේගාත්මක ප්‍රකාශයක් කරමින් පැවැසුවේ මට පදින්න ලැම්බෝගිනියක් අරන් දීපන් යනුවෙනි. මේ සමග 'ලැම්බෝගිනි' යනු කුමක්දැයි රටවැසියෝ සොයන්නට වූහ.
ලැම්බෝගිනි යනු ලොව ඇති ස්‍පෝට්ස් මෝටර් රථ අතර ඉහළින්ම තිබෙන මාදිලියකි. ඉතාලියේ ඔටෝ මොබ්ලි ලැම්බෝගිනි සමාගම මෙම නිෂ්පාදනයේ මව් සමාගමයි. ලැම්බෝගිනි නාමය යටතේ මුලින්ම නිපදවූයේ මෝටර් රථ නොව ට්‍රැක්ටර් රථ වීම සුවිශේෂී කතාවකි. ඉතාලි ජාතික ෆෙරැකිඕ ලැම්බෝගිනි කුඩාවට පටන්ගත් ට්‍රැක්ටර් ව්‍යාපාරය වේගයෙන් සාර්ථක වන්නට විය. මෙකල ඔහු පැදවූ ෆෙරාරි රථයක තිරිංග පද්ධතියේ කිසියම් දෝෂයක් ඇති විය. ඒ ගැන පැමිණිලි කළත් ෆෙරාරි ව්‍යාපාරයේ හිමිකරු එම වරද පිළිගැනීමට සූදානම් වූයේ නැත. මේ නිසාම ෆෙරාරියට අභියෝග කරන සුපිරි මෝටර්  රථයක් නිමැවීමට ෆෙරැකිඕ ලැම්බෝගිනි ගත් තීරණය සුපිරි ලැම්බෝගිනි මෝටර් රථය උප්පත්ති කථාවේ වැදගත් තැනකි. ලැම්බෝගිනි ලකුණ දුවන ඉරියව්වෙන් යුතු කුළු හරකෙකි. සැබවින්ම ලැම්බෝගිනි රථ කුළුහරකුන් මෙන් වේගවත් බව පෙනේ. මෙසේ උපන් ලැම්බෝගිනි මෝටර් රථවල විවිධ මාදිලි මේ වන විට ලොව පුරා ජනප්‍රියව පවතින අතර ඒවායේ අධික මිල ගණන්ද නොතකා මේ වන විට ශ්‍රී ලාංකිකයන් කිහිප දෙනකුද ලැම්බෝගිනි හිමිකරුවන් වී සිටින බවද කියති.
මේ අය අතරින් ශ්‍රී ලාංකේය මෝටර් රථ ධාවන ශූර ඩිලන්ත මාලගමුව එක් ලැම්බෝගිනි හිමිකරුවෙකි. මීට අමතරව තවත් ලැම්බෝගිනි රථ තුනක් අලෙවි ප්‍රදර්ශනාගාරවල ඇති බව කියවෙයි. තවත් එක්් රථයක් පෞද්ගලික පරිහරණයේ පවතින අතර මේ දිනවල සමාජ ජාලවල පැතිර ගිය ආරංචිය වූයේ ලාංකික කාන්තාවකද ලැම්බෝගිනියක් මෙරටට ගෙන්වා ඇති බවය. ලැම්බෝගිනි සමග නිතර කියැවෙන නමක් වූයේ නාමල් රාජපක්ෂය. ලාංකික කාන්තාවක්ද ලැම්බෝගිනියක් ලංකාවට ගෙන්වා ඇති බව කියන කතාව රටේ මාතෘකාවක් වූයේ මෙකී කාන්තාව නාමල් රාජපක්ෂගේ සමීප මිතුරියක් බවද කියන නිසාය. ඊට එක් හේතුවක්ව තිබුණේ ඇය පසුගිය මහ මැතිවරණයේදී එක්සත් ජනතා නිදහස් සන්ධානයෙන් කොළඹ දිස්ත්‍රික්කයට තරග වැදුණු අපේක්ෂිකාවක වීමය. ඇය ජිහාන් හමීඩ්ය. ඇගේ සැමියා රිසාඩ් හමීඩ්ය. මේ දෙදෙනාට මෙරටට මෝටර් රථ ගෙන්වා විකුණන වෙළෙඳ සමාගම් දෙකක් ඇති බව කියැවේ. ජිහාන් හමීඩ් නමැත්තිය මෙකී ලැම්බෝගිනි රථය මෙරටට ගෙන්වා ඇත්තේ නැවත විකිණීම සඳහා බවද අප කළ සොයා බැලීම්වලදී දැනගත හැකි විය.
ඇය මෙසේ ගෙන්වන ලද නවතම ලැම්බෝගිනි රථය ලංකාවේ ඇති හය වැනි ලැම්බෝගිනිය වෙයි. එමෙන්ම මේ වන විට පවතින නවීනතම ලැම්බෝගිනි මාදිලිය එය බව ඔවුහු සඳහන් කරති.Lamborghini Hurcan මාදිලියට අයත් මෙම රථය LP 610-4 කාණ්ඩයට අයත් වන අතර කොළ පැහැ Verede -mampis වර්ණයෙන් යුතුය. සුපිරි වේගයක් සහිත මෙම රථයේ වේගය කි.මී. 0-100 ළඟාවීමට ගතවන කාලය තත්පර 2.9කට අඩු බව සඳහන් වෙයි.
මෙම රථය රු. කෝටි 11ක් පමණ මිල වන අතර එහි තීරු බදු පමණක් රු. කෝටි 6කට අධික බව සඳහන් වෙයි. CC 5000ක එන්ජින් ධාරිතාවක් සහිත මෙම ලැම්බෝගිනි රථය පැයට කිලෝමීටර් 350ක වේගයකින් ධාවනය කළ හැකි බවද සඳහන් වෙයි.

මිහිරාන් කරුණාරත්න

බයිලා සංගීතය ගැන කතා කරද්දී අපේ රටේ බිහිවූ සුවිශේෂී ගායකයින් කීප දෙනෙක්ම ඉන්නවා. ඒ හැමෝම ගායකයින්. ඒත් අපි මේ කතා කරන්නේ වාද බයිලා ගයන ගායිකාවන් දෙදෙනෙකු ගැන. මේ ලක්ෂපතියේ ශෂිරා රාජපක්ෂ සහ ලක්ෂපතියේ ශිෂාරා රාජපක්ෂ. ප්‍රවීණ බයිලා ගායක ලක්ෂපතියේ පර්සි රාජපක්ෂගේ දුවරු දෙදෙනා තමයි පියාගේ අඩිපාරේ යමින් අද මේ විදිහට වේදිකාවේ වාද බයිලා ගයන්නේ. කාන්තාවෝ වාද බයිලාවට එකතු වීම විරල දෙයක්. ඒ හින්දමයි අපි හිතුවේ වාද බයිලා සඳහා එක්වූ මේ අක්කයි නංගියි දෙන්නාගේ තොරතුරු ටික්ක කතා කරන්න.

  •  පුංචි කා‍ලේ ඉඳන්ම ගේ ඇතු‍ලේ බයිලා හඬ ඇහුණද?

ශෂිරා - ඔව්, අම්මත් තාත්තගේ කටයුතුවලට උදව් කළා. බයිලාවලට සම්බන්ධ තාත්තාගේ යාළුවොත් නිතර ආවා ගියා. ගෙදර තිබුණු පරිසරය තුළම බයිලා සංගීතය රැඳිලා තිබුණා.

ශිෂාරා - අපේ පවු‍ලේ අක්කයි මමයි විතරයි. පුංචි කාලෙ ඉඳන් අපි දෙන්නා සෙල්ලම් කරන්න ගියත් බයිලා තාලයට “ම්...ම්...” හඬ නගමින් හිතට එන වචන කෑලි කියමින් තමයි සෙල්ලම් කරන්නේ.

  •  කවුද දෙන්නගෙන් මුලින්ම බයිලා කියන්න වේදිකාවට ගොඩවුණේ?

ශෂිරා - මම. එතකොට මට වයස අවුරුදු 11ක් විතර ඇති.

ශිෂාරා - අක්කා වේදිකාවේ බයිලා කියනවා දැක්කම මටත් බයිලා කියන්න ඕන කියලා මම ඇඬුවා. ඊට පස්සේ තමයි මාවත් ඒකට යොමුකළේ. එතකොට මට වයස 7ක් විතර ඇති.

  •  පුංචි වයසේදීම දෙන්නට සජීවීව වාද බයිලා ගොතන්න හැකියාව තිබුණද?

ශෂිරා - මුල්කා‍ලේ කො‍ලේ බලාගෙන තමයි කිව්වේ. අම්මා තමයි බයිලා ලිව්වේ. ඒත් කාලයත් එක්ක සජීවීව වාද කරන්න හැකියාව ලැබුණා.

ශිෂාරා - වේදිකාවේ අපි බයිලා ගයන කොට සමහරු එක එක මාතෘකා දීලා කියනවා මේ මාතෘකාව යටතේ බයිලා ගයන්න කියලා. ඒ වෙලාවට අසරණ වෙනවා. ඒ අසරණ කමත් එක්ක වචන ගලපනවා. ඒ විදිහට තමයි ඉබේම වාගේ සජීවීව ගයන්න හැකිවුණේ.

  •  දැන් ඔබ දෙදෙනා වෘත්තීය මට්ටමින් වාද බයිලා ගායිකාවෝ

ශෂිරා - ඔව්, ප්‍රසංග වේදිකාවේ අපිට හොඳ ඉල්ලුමක් තියෙනවා.

ශිෂාරා - විදෙස් ප්‍රසංගත් ඒ අතර තියෙනවා. ළඟදී යුරෝපා සංචාරයකටත් සූදානම් වෙනවා.

  •  ගෑනු ළමයි වේදිකාව උඩ වාද බයිලා කියද්දී හොඳ වගේම නරක ප්‍රතිචාරත් එල්ල වන්න ඇති ?

ශෂිරා - අපි දෙන්නාම ගියේ බෞද්ධ බාලිකා විදුහලට. පාස‍ලේදී වගේම සමාජය තුළත් අපට යහපත් ප්‍රතිචාර තමයි ලැබුණේ.

ශිෂාරා - මුලදී අපි දෙන්නා බයිලා කියන්න එනවට තාත්තගේ පුංචි අකමැත්තක් තිබුණෙත් ඔය හේතුව හින්දා. ඒත් අම්ම නම් කැමති වුණා. අපිට ලොකු ප්‍රතිචාරයක් ලැබෙන හින්දා තාත්තා අද ගොඩක් සතුටු වුණා.

  •  දැන් තවත් කාන්තාවෝ වාද බයිලා කියනවා නේද?

ශෂිරා - ඔව්, මම මගෙ දුවලා දෙන්නත් දැන් මීට යොමු කරලා තියෙනවා. ලොකු දුව පෘථිවි තුෂිරාට වයස 9යි. දෙවැනියා සෘතුවිට 4යි. දෙන්නම දැන් වේදිකාවේ බයිලා ගයනවා.

ශිෂාරා - ලංකාවේ මුලින්ම වාද බයිලා කී කාන්තාවෝ දෙදෙනා අපි දෙදෙනා. 2001 දී තාත්තා “පර්සි රාජපක්ෂ වාද බයිලා කලායතනය” ආරම්භ කළා. දැන් ඒ තුළත් ගොඩක් අය ඉන්නවා. හර්ෂනී, නුවන්ෂනී කියලා. අක්කයි නංගියෙකුයි දැන් වාද බයිලා කියනවා.

  •  කොහොමද සැමියන්ගෙන් ලැබෙන සහයෝගය?

ශෂිරා - මගේ සැමියා තුෂාර. ඔහුගෙන් ලොකු සහයක් ලැබුණා. දැන්නම් ඔහු ඉන්නේ විදේශ ගත වෙලා.

ශිෂාරා - මගේ සැමියා වසන්ත බණ්ඩාර. ඔහු වාද්‍ය ශිල්පියෙක්. කලාවේදී තමයි අපි  හමුවුණේ. ඔහුගෙන් නම් ලැබෙන සහයෝගය විශාලයි.

 

ආරියවංශ කුලතිලක

ඡායා - මංජුල පෙරේරා

  • චාමර ජීවිතයේදී වැඩියෙන්ම සතුටු වුණේ කවදද?

කොළඹින් ඈත මහනුවර තෙල්දෙණියේ ඉපදිලා ජීවිතේ තිබුණු එකම හීනය, ඒ කියන්නේ නළුවෙකු වීමේ හීනය ඉටු කරගන්න ගමෙන් කොළඹ ඇවිත් අද දක්වා ආ ගමන, තවත් ඉදිරියට යන ගමන තමයි මගේ එකම සතුට.

  •  ඒ ගමනේදී ලැබූ  සතුටුදායකම අත්දැකීම?

අද මම පාරේ යද්දී මිනිස්සු මාව අඳුනගෙන “චාමර” කියලා කතා කරනවා. ඒ වෙලාවට දැනෙන සතුට තමයි ජීවිතයේ විඳින ලොකුම සතුට.

  •  ඒ වගේම දුක්බර  අත්දැකීමුත් ඒ ගමනේ ඇති?

අනන්තයි... අප්‍රමාණයි.

  •  ඒ අතුරින් ප්‍රබලම දුක්ඛදායක අත්දැකීම?

ඒ දවස්වල ආධුනික නළුවො හොයනවා කියල ආරංචියක් ලැබුණොත් මම එතැනට යනවා. සමහරු මට එන්න කියලා බොරු ලණු දෙන අවස්ථා තියෙනවා. දවස පුරා කොළඹ නගරයේ තැන් තැන්වලට මේ විදියට යන්න අතේ සල්ලි තියෙන්න ඕන හින්දා කෑම බිම අඩු කරන්න වෙනවා. ඔය විදියට දවස් දෙකක් මම කන්නේ නැතුව ගමන් ගියපු අවස්ථාත් තිබුණා. දෙවැනි දවසේදී ටවුන්හෝල් එකේ යද්දී මම සිහි නැතිවෙලා වැටුණා. සිහිය එද්දී මම කොළඹ ජාතික රෝහ‍ලේ. එදා මගේ ජීවිතේ දුක්බරම මොහොතේදී මාව රෝහල්ගත කළ නාඳුනන කෙනා කවුද කියලා අදටත් මම දන්නේ නැහැ.

  •  කොළඹ ඇවිත් නළුවෙක් වෙන්න යන ගමනේදී නවාතැනක් හොයා ගන්න එකටත් දුක් විඳින්න ඇති...?

මගේ මාමලගේ ගෙදර හිටියා. අයියගෙ ළඟ හිටියා. ඒ අය මට හොඳට සැලකුවත් මම ඒ අයට බරක් කියන හැඟීම මට තිබුණා. ඒ හින්දා මමම නවාතැන් හොයා ගත්තා. පන්සල්වල පවා සිටියා.

 ඔය ගමනට මුදල් හදල් හොයා ගන්න එක ඊටත් වඩා දුෂ්කර ක්‍රියාවක් වෙන්න ඇති.

මේසන් බාස්ලට අත්වැඩ දීල තියෙනවා. පිටකොටුවේ කඩේක බිල් ලියලා තියෙනවා. පිටකොටුවේ වැඩ කරන කා‍ලේ මම රෑට නිදාගෙත්තේ නාටාමිලා නිදාගන්න තැන. නාන්න, රෙදි හෝදගන්න රුපියල් 10ක් දීලා ‍පොදු ටැංකිය තමයි පාවිච්චි කළේ.

  •  ඔය යන ගමනේදී ජීවිතේදි සතුට වගේම දුක එක්කළ විවිධාකාර පුද්ගලයන් හමුවන්න ඇති?

වැඩිපුරම හමුවුණේ ජීවිතේට දුක එකතු කළ අය. විවිධාකාර අදහස් තියෙන කපටි පුද්ගලයන් හමුවුණා. නොයෙක් රැවටීම්වලට ලක්වුණා. ඒ වගේම ගොඩක් හොඳ අය හමුවුණා. රඟපාන්න පුංචි පුංචි චරිත ලැබුණා. ඒ විදියට උදව් කළ අයත් බොහොමයක් ඉන්නවා. ටෙලි නාට්‍ය 30ක 40ක පුංචි පුංචි චරිත රඟපාලා ඉන්න අතරේදී සන්ධ්‍යා මෙන්ඩිස් නිෂ්පාදනය කළ රංජන් ප්‍රසන්න අධ්‍යක්ෂණය කළ “සිහින පුරය” ටෙලි නාට්‍යයේ සැලකිය යුතු චරිතයක් ලැබුණා. ඒ විදියට උදව් ලැබුණා.

අද වන විට මම පිළිබඳව යම් විශේෂයකින් හොඳ චරිත ලබාදෙමින් උදව් කරන අය ඉන්නවා.

  •  අපි මෙච්චර වෙලා කතා කළේ කලා ජීවිතේ සතුට හා දුක ගැනනේ. ආදරයේ සතුට හා දුක විඳලා නැද්ද?

විඳල තියෙනවා.

  •  ඒ සතුට හා දුක ගැනත් කතා කරමු.

ප්‍රථම ප්‍රේමය පාසල් ප්‍රේමයක්. ඒ සතුට දුකකට හැරුණේ ඒ ප්‍රේමය බිඳී යාමත් එක්ක. දෙවැනි ප්‍රේමය ඇතිවුණේ කොළඹදී. ඒත් ඇය හා ඇගේ පවුල් පසුබිමේ අය ඉහළ අධ්‍යාපනයක් ලැබූ අය. මම උසස් පෙළ කරලනේ ගමෙන් කොළඹ ආවේ. ඇයට මා ගැන හොඳ අවබෝධයක් තිබුණත් ඇගේ පවු‍ලේ අයට මාව මදි වුණා. ඒ හින්දා ඒ ප්‍රේමයේ සතුටත් දුකකට හැරුණා.

  •  ඔබ අද ඔබේ ජීවිතය ගැන, ආදරය ගැන සතුටු වනවාද?

මම වෙනත් රැකියාවක් නොකර නළුකම තුළම තමයි රැඳිලා ඉන්නේ. අද වෙද්දී යම් ස්ථාවර මට්ටමක ඉන්නවා. දැන් ඉතින් ආදරයක්් විවාහයක් දක්වා අරගෙන ගිහින් ජීවිතයේ සතුටුදායක තවත් අලුත් ආරම්භයක්  ලබන්න මම ආසාවෙන් ඉන්නේ.

 

ආරියවංශ කුලතිලක

ඡායා: මංජුල පෙරේරා

 

IMAGE

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 54

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 136

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2013

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3435

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9282

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4831

Please publish modules in offcanvas position.