Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

දසුන් නිශාන්ගේ හදිසි අභාවයත් එක්ක කරළියට ආපු දසුන්-ශලනි පෙම් කතාව අද කාටත් රහසක් නමෛයි. ශලනි තාරකාගේ පෑන් තුඩින් ලියැවුණු ගීතයක් පහුගියදා රූප රචනාවක් විදියට එළියට ආවම ඒ ගීතය දසුන්-ශලනි ආදර කතාව ගැන ලියවුණු ගීතයක් කියලා තවත් කතාවක් පැතිරිලා ගියා. ශලනි විසින් ලියලා කේශාන් පෙරේරා සංගීතවත් කරලා නිරෝෂා විරාජිනී ගැයූපෙති පුරා සුවඳ විහිදුණු නමැති ගීතය මීට මාස කිහිපයකට කලිනුයි රූපගත කර තිබෙන්නේ. 'චල රූ ක්‍රියේෂන්' වෙනුවෙන් මෙවන් ලියනගේ අධ්‍යක්ෂණය කළ ගීතයේ රූප රචනාව රූ ගත කර තිබෙන්නේ සැප්තැම්බර් 5 වැනිදා. සැප්තැම්බර් 25 වැනිදා දසුන් නිශාන් ජීවිතයේ සමු ගැනීමත් සමග රටේම පුවත් මැවෙද්දී පසුගිය සතියේ ගීතයේ රූප රචනය ජනගත කෙරුණා.
ගොඩාක් ආදරේ කරන යුවළක් එක් වන්නට බැරිව හමුවන්න කරන ප්‍රාර්ථනාවක් තමයි මින් කියැවෙන්නේ. මේ ගීතය මගේ විතරක් නමෛයි එක් වන්නට බැරිව සිටින සැබෑ පෙම්වතුන්ගේ ප්‍රාර්ථනයයි. ගීතය මගේ අතින් ලියැවුණු නිසා මගේම අත්දැකීමක් ‍නෙවෙයි කියන්නත් බෑනේ. මොකද අපි යමක් ලියන්නේ කියන්නේ අපිට තියෙන අත්දැකීමුත් එක්කනේ...
අගෝස්තු 6 වැනිදා 'රිද්ම' කතා බහට එක්වූ ශලනි පෙති පුරා ගීතය ගැන අදහස් දැක්වූයේ ඒ විදියටයි.  ලියූ ගී පදවැල ගැන කියන්න ඇය නිරෝෂා විරාජිනීට කතා කරලා තියෙන්නේ මහ රෑ. ගීතය විතරක් නමෛයි එහි රූප රචනය කරන්නත් ශලනි තුළ තිබිලා තියෙන්නේ පුදුමාකාර උනන්දුවක්. සාමාන්‍යයෙන් ගීතයක රූප රචනයක් නිර්මාණය කරන්නේ අධ්‍යක්ෂවරයා සහ නිෂ්පාදන ආයතනයයි. ඒත් මේ ගීතයේ කතා සංකල්පයත් ශලනිගෙන්මයි. 
යුවතියක් කෙනෙකුට ආදරය කරනවා. ඔහුත් ඒ වගේමයි. ඒත් මේ පුද්ගලයාගේ විවාහය ලියාපදිංචි වී ඇති බව තරුණිය දැනගන්නවා. ඉන්පසු ඇය ඔහුව ඔහුගේ නීත්‍යානුකූල බිරිඳට භාරදීලා සමුගන්නවා. ඔන්න ඔය කතාව තමයි රූප රචනාවට ඇතුළත් වන්නේ. 
ශලනි මගේ හොඳ යාළුවෙක්. ගීතය අහද්දී වගේම, රූප රචනාවට ඇය දැක්වූ උනන්දුව අනුව මේක ශලනිගේ අත්දැකීමක් බව මට තේරුණා. 'මේක ඔයාගේ අත්දැකීමක්ද?'  කියලා මම ඇහුවා. 'හරි හරි පස්සේ කියන්නම්. දැන් අපි වීඩියෝව කරමුකෝ' කියලා ශලනි හිනා වුණා.
මෙවන් ලියනගේ කියන්නේ එහෙම කතාවක්. රූප රචනයට ඇතුළත් කතාවේ ප්‍රධාන චරිතයේ නම දහම්. ඒ චරිතයට මයුරවත් ඔහුගේ පෙම්වතියට සඳනිවත් බිරිඳගේ චරිතයට අනුරාධාවත් යෝජනා කරලා තියෙන්නේ ශලනි. මේ විදිහට නළු නිළියන් යෝජනා කරන අවස්ථාවේ ශලනි දසුන්ගේ නම නම් යෝජනා කරලා නැහැ. හැබැයි ප්‍රධාන කාන්තා චරිතය ශලනිට රඟපාන්න කියලා අධ්‍යක්ෂවරයා යෝජනා කරලා තියෙනවා. ශලනි ඊට තදින්ම විරුද්ධ වුණාලු.
ශලනිගේ පෞද්ගලික අත්දැකීමක් මේ නිර්මාණයට තේමා වූ බව දැනගෙන හිටියට ඒකට සම්බන්ධ පුද්ගලයා නළුවෙක් කියලා නම් මම හිතුවේ නැහැ. ඇත්තම කියනවා නම් දසුන්ගේ මරණයෙන් පස්සේ අන්තර්ජාල පුවත් දැක්කමයි දසුන් හා ශලනි අතර ප්‍රේම සම්බන්ධයක් තිබුණා කියලා මමත් දැන ගත්තේ. අපි ගීත කීපයක වීඩියෝ ෂූට් කරලා එකටම තමයි එඩිට් කරන්නේ. පස්වැනිදා ෂූට් කළ ගීතය එඩිට් කරන්න කල් ගියේ ඒ හින්දා. වීඩියෝ එක සම්පූර්ණ කරද්දී දසුන් මිය ගිහින්. 'පෙති පුරා' ගීතයේ Audio එකේ අයිතිය ඇත්තේ ශලනිට. video එකේ අයිතිය අපිට. මේ වෙලාවේ video එක දැම්මොත් අපි දසුන්ගේ මරණය විකුණනවා කියන චෝදනාව එයි කියලා හිතලා අපි ඪඤඥධ එක නොදා ඉන්නයි හිටියේ. ඒත් පස්සේ ඒක දාන්න හිතුවා. මම පෞද්ගලිකව ශලනි අඳුනන්නේ කාලයක ඉඳන්. ඇය කාට හෝ ආදරය කරන්න ඇති. ඒ ප්‍රේමවන්තයා විවාහකයෙක් බව පසුව දැන ගන්න ඇති. ඔහුව ඔහුගේම බිරිඳට බාරදීලා නිදහස් වෙන්නයි ශලනිට ඕනෑ වුණේ. ඒ බවයි ඇය මේ video  එක තුළින් කියන්න උත්සාහ කළේ. සිදුවීමේ සැබෑව නොදැන ශලනිට දිගට හරහට මඩ ගහන පිරිස හින්දා අද ඇයත් තදින්ම මානසිකව වැටිලා ඉන්න බව මම දන්නවා. මේ වගේ දේවල් ගැන අදහස් දක්වද්දී මීට වඩා විවෘතව දකින්න කියලා මම අන්තර්ජාල වබේ අඩවිවල ඉඳන් චරිත ඝාතනය කරන අයගෙන් බොහොම බැගෑපත්ව ඉල්ලා සිටිනවා. 
මෙවන් තමන්ගේ අදහස් ප්‍රකාශ කළේ දැඩි සංවේගයෙන් යුතුවයි.
ආරියවංශ කුලතිලක

පසුගිය දිනයෙක මගේ හිතවතෙක් දුරකථනය මගින් අපූරු කතාවක් කීවේය. එනම් බත්තරමුල්‍ලේ පිහිටි තම ඥාති නිවසක ඉදිරිපස දොරේ අපූරු දැන්වීමක් අලවා ඇති බවකි. එම නිවසේ බිලිඳු දරුවකු සිටි බැවින් එම දොරෙහි සඳහන්ව තිබුණේ 'බාලගිරි අද නොවේ හෙට' යන වැකියයි. එහෙත් එහි ඇති විශේෂත්වය එය නොවේ ඉහත සඳහන් වැකිය එම දොරේ ප්‍රදර්ශනය වී තිබුණේ Balagiri Not  today its tommrow එනම් ඉංගිරීසි බසින් වීමය. 
ඔය කියන විදිහට එහෙනම් දැන් බාලගිරි ඉංග්‍රීසිත් දන්නවා ඇති නේද? එම ඇමතුම දුන් හිතවතා මා වෙතින් අසන ලද්දේ උපාහාසාත්මකවය. 
මට පේන විදිහට ඒකෙ නම් ලොකු ප්‍රශ්නයක් නැහැ. මම ගත් කටටම කීවෙමි. 
ඒ මොකද? ඔහු අසන ලද්දේ නොඉවසිලිමත් ලෙසිනි. 
හරි නම් බාලගිරි ඉංග්‍රීසි විතරක් ‍නෙවෙයි සිංහල දැන ගන්න විදිහකුත් නැහැ; මොකද බාලගිරි අපේ රටේ කෙනෙක් ‍නෙවෙයිනේ. මම කීවෙමි. 
විද්‍යා තාක්ෂණික දියුණුව ආදී හේතු සාධක මත ජන ජීවිතය නවීකරණය වීමත් සමග පැරණි ගුප්ත ශාස්ත්‍රයන් අභාවයට යනු ඇතැයි තවමත් අප රටේ බොහෝ දෙනෙක් සිතති. එහෙත් එහි පැහැදිලි සත්‍යතාවයක් නැත. 
ඊට හේතුව සාම්ප්‍රදායික ගුප්ත විශ්වාස කෙසේ වෙතත් මිනිසුන් තුළ පවත්නා ගුප්ත ආකල්ප දුරලීිමයි. එහෙත් එහි පැහැදිලි තාක්ෂණයට ප්‍රමාණවත් හැකියාවක් නොමැති බැවින් ඉන් සිදුවනුයේ පැරණි සමාජයේ පැවැති ගුප්ත ශාස්ත්‍ර මත පදනම් වූ මානව ක්‍රියාකාරකම් නවීන සමාජයට ගැළපෙන සේ යාවත්කාලීන හා නවීකරණය වීම පමණි.  අතීතයේ සිංහල බසින් කරන ලද බාලගිරි නම් යකින්න සඳහා කරනු ලැබූ එම දැන්වීම මෙලෙස ඉංගිරිසියට පෙරැළී ඇත්තේ එම යාවත්කාලීන ක්‍රියාවලියේ එක් පැතිකඩක් වශයෙනි. 
ඒ කෙසේ හෝ අගනුවර තදාසන්නයේ පිහිටි මධ්‍යම පාන්තික නිවාසයක මෙලෙස බාලගිරි සඳහා ලියැවුණු දැන්වීමක් ඉංගිරිසි බසින් ඉදිරිපත් කොට තිබුණේ ඇයි? ඒ සම්බන්ධයෙන් පිවිසිය හැකි සරල අනුමානයන් කිහිපයක් මෙසේය. 
 
1. බාලගිරි යකින්න සඳහා කරනු ලබන මෙම නිවේදනයට භාෂාව අදාළ නොවෙතැයි ගෙහිමියන් විශ්වාස කිරීම. 
2. ඉහළ මධ්‍යම පාන්තිකයන් වශයෙන් තරගකාරී සමාජයේ කැපී පෙනෙන තමන් ජීවිතයේ සෑම කටයුත්තක්ම ඉංග්‍රීසි භාවිතා කරන බව දකින්නවුන් හට හැඟවීම 
3. 'බාලගිරි අද නොවේ හෙට' යන්න හුදෙක් ගැමි සංස්කෘතියට අයත් වූවක් නිසා එය නාගරික සංස්කෘතියකට ඔබින සේ ඉංග්‍රීසියෙන් ඉදිරිපත් කිරීම වරදක් නැතැයි ගෙහිමියන් විශ්වාස කිරීම. 
4.ඉහත සඳහන් නිවේදන සිංහලයෙන් ඉදිරිපත් කිරීමෙන් බෙහෝ දෙනකුට සන්නිවේදනය වීමට ඇති අවකාශය මෙමගින් අහිමි කරවීම. 
 
මේ සියලු කරුණු අනුව ගම්බද සේම නාගරිකවද මෙම බාලගිරි දෝෂය පිළිබඳ විශ්වාසය පැතිර ඇති බව මනාව පැහැදිලිය. ඒ අනුව මෙම බාලගිරි පිළිබඳ යම් විමසුමක් කිරීම අදටත් කාලෝචිත යැයි හැඟේ. අදටත් බාලගිරි ජන සමාජය හා බද්ධ වී ඇත්තේ ඉපදුණු අලුත බිලිඳුන්ට වැලඳෙන රෝගයක් ලෙසිනි. 
ජන වහරෙහි මෙය හැඳින්වෙනුයේ 'බාලගිරි දෝෂය' ලෙසිනි. 
අලුත ඉපදුණු බිලිඳුන් සන්ධ්‍යා කාලවලදී අතපය අඹරවමින්  හැඩීම මෙම බාලගිරි දෝෂය මත සිදු වන්නක් බව ‍පොදු ජන විශ්වාසයයි. සැබවින්ම 'බාලගිරි යනු' යක්ෂණියකි. කුඩා දරුවන් නිදන නිවෙස්වලට නිවසේ ඉදිරිපස දොරින් පැමිණෙන මෙම බාලගිරි යක්ෂණිය නිවසේ කිසිවකුත් නොවැටහෙන ලෙසින් එම නිවසේ හිඳින බිලිඳාට බැලුම් හෙළන්නීය. බිලිඳා අතපය ඒ මේ අත අඹරවමින් වේදනාත්මකව බෙරිහන් දෙනුයේ එහි ප්‍රතිඵලයක් ලෙසිනි. සාමාන්‍යයෙන් යකුන් එළැවීම පහසු කාරියක් නොවේ. එහෙත් සෙසු යකුන්ට සාපේක්ෂව මෙම බාලගිරි යකින්න පලවා හැරීම අතිශයින් පහසුය. ඒ සඳහා කළ යුත්තේ එම බිලිඳා වෙසෙන නිවසේ ඉදිරිපස දොරටුවේ බාලගිරි අද නොවේ හෙට යනුවෙන් දැන්වීමක් එල්ලා තැබිම පමණි. එවිට දිනපතා සවස් යාමයේ එම නිවසට පැමිණෙන බාලගිරි යකින්න එම දැන්වීම බලා ආපසු හැරී යයි. මෙලෙස දිනපතාම සවස් කාලයට එම නිවසට පැමිණ එම දැන්වීමට අනුව නැවත නැවතත් හැරී යාම, මත මෙම බාලගිරි මොන තරම් මෝඩ යකින්නක දැයි ඔබට වැටහෙනු ඇත. 
මෙම බාලගිරි යකින්නගේ උප්පත්ති කතාව 'ගිරි දේවී' පුරාවෘත්තය හා සම්බන්ධ වෙයි. (දඹදිව දන්ත පුරයේ සිංහ කුමාර නම් රජ කෙනෙකුට සහ හංසවතී නම් දේවියකට දාව උපන් පුත් කුමරෙකු සහ දූ කුමරියක මෙම පුරාවෘත්තය හා සම්බන්ධය. දළ කුමාරුන් නමැති එම කුමරුන් වෙතින් එම කුමරිය දූෂණය වන බවට දෛවඥයන් විසින් පළ කරන ලද අනාවැකියකට අනුව කුමරිය ගල් ලෙනක් තුළ සඟවා හදා වඩා ගැනීමට දෙමාපියනට සිදුවෙයි. එහෙත් නව යොවුන් වියට පත්වන දළ කුමරුන් හට තම එකම සොයුරිය දැක බලා ගැනීමේ ආශාවක් ඇති වී මාපිය නොකැමැත්ත නොතකා එම ගල්ලෙන, තුළට වැදීමත් සමග සිදුවනුයේ දෛවඥයන් විසින් පැවැසූ අනාවැකිය එපරිද්දෙන්ම ක්‍රියාත්මක විමය. එහි ඊළඟ ප්‍රතිඵලය වනුයේ එම සිදුවීමෙන් ඇති වූ කම්පනය දරාගත නොහැකිව කුමරිය එම ගල් ලෙන තුළම ගෙල වැල ලාගෙන මියයාමය. ඉන්පසුව තමන් වෙතින් සිදු වූ එම සාහසික අපරාධය 
පිළිබඳව අතිශය කම්පාවට පත්වන කුමරු ද එම වනය තුළම මියගිය බව එම වෘත්තාන්තයෙහි සඳහන්ය. එසේ මියගිය දළ කුමරු අවතාර දොළහකින් යුතු 'ගරා යකු' ලෙසින් ජන්මය ලබන අතර කුමරිය ද අවතාර 'දොළහකින් සමන්විත ගිරි දේවිය' ලෙසින් යක්ෂාත්මයක් ලැබුවාය. කීල ගරා, සෝලන් ගරා, මෝලන් ගරා, අඳුන් ගරා, සඳුන් ගරා, පට්ටි ගරා, ඔකඳ ගරා, ජල ගරා, පුෂ්ප ගරා, වට ගරා, කොට ගරා යනු ගරා යකුගේ අවතාර දොළහය. 
ගිරි දේවියගේ පිරිවර වනුයේ මදන ගිරි, හපුමල් ගිරි, මෝලං ගිරි, භූත ගිරි, නීල ගිරි, අඳුන් ගිරි, සේල ගිරි, සොහොන් ගිරි සහ බාල ගිරිය. ඒ අනුව අද අපගේ කතා නායිකාව වන බාල ගිරි නම් වන රැවටෙන සුලු යකින්නට අපගේ ජනප්‍රවාද අතරේ හිමිව ඇති තැන පහසුවෙන් වටහා ගත හැක. 
ඒ කෙසේ හෝ බිලිඳුන් සැඳෑ කාලයේ මෙලෙස අත් පා අඹරවමින් වේදනාකාරී ලෙස හඬනුයේ කිරි පෙවීම ආදිය නිසා දරුවාගේ උදරය තුළට පිවිසෙන වාතය අන්ත්‍රවල පිරී ගොස් ඒවා පිම්බි යාම නිසා බව දාරක සෞඛ්‍යය පිළිබඳ ප්‍රාථමික සෞඛ්‍ය කාර්ය මණ්ඩල පවා දනිති. එනිසාම බිලිිඳුන්ට කිරි දීමෙන් පසු කිරි සමග උදරයට එක් වූ වාතය මුවින් ඉවත් කරවීම පිළිබඳ ගුඩුස් යැවීම, නම් ක්‍රියාව කරන මෙන් ඔවුහු බිලිිඳුන්ගේ මව්වරුන්ට උපදෙස් දෙති. 
එහෙත් එසේ නොකොට සිංහලයෙන් හෝ ඉංගිරිසියෙන් 'බාලගිරි අද නොවේ හෙට' යනුවෙන් නිවසේ ඉදිරිපස දැන්වීමක් එල්ලා තැබිමෙන් බිලිඳුන්ගේ එම කායික පීඩාව කෙසේ ඉවත් කළ හැකිද? යන්න මට නම් මොනම ලෙසින්වත් සිතාගත නොහැක.
 
තිලක් සේනාසිංහ

ලෝකආහාර දිනය මෙම මස 16 වනදාට යෙදී තිබේ. ආහාර දිනය සමරන්නට බටහිර දියුණුරටවල් අති උත්කර්ෂවත් උත්සවද සංවිධානය කර ඇත. අපේ රටද ඒ වෙනුවෙන් ලකලැහැස්ති වන බවට කිසිදු සැකයක් නැත. නමුත් ආපනශාලා හිමියන්ගේ සංගමයට අනුවනම් ලෝක ආහාර දිනය අභිමානයෙන් සමරන්නට තරම් වටපිටාවක් අපට රටේ දක්නට නැත.ලෝක ආහාර දිනය සමරන්නට තරම් අපේ රටේ වටපිටාවක් නොමැත්තේ ඇයිද යන්න පිළිබඳවදැන ගැනීමට ආපනශාලා හිමියන්ගේ සංගමයේ සභාපති අසේල සම්පත් මහතාව මෙලෙස අපිසම්බන්ධ කරගත්තෙමු.

  • ලෝක ආහාර දිනය උත්කර්ෂවත් ලෙස සමරන්නට අපේ රටේ වටපිටාවක් නොමැති බවට ආපනශාලා හිමියන්ගේ සංගමය රජයට කරන චෝදනාව කුමක්ද?

මේමාසේ 16 වෙනිදාට ලෝක ආහාර දිනය ලෝකෙටම පේන්න සමරන්න අපේ රටේ බලධාරිනුත් ලකලැහැස්ති වෙනවා. මෙහිදී ඉහළ පැළැන්තියේ උත්සවාකාරයෙන් මේ උත්සවය සංවිධානයකෙරෙනවා. ඒත් අපේ රටේ ආහාරවල ප්‍රමිතියක් නැතිව ආහාර පැකට් එකේ ප්‍රමිතියක්නැහැ. ආහාර පැකට් එක හෝ ආහාර වල ප්‍රමිතියක් නැහැ. නියාමනය කරන්නටආයතනයක්, අමාත්‍යාංශයෙන්, අමාත්‍යවරයෙක් නැහැ. ප්‍රතිපත්තියක් නැහැ. ඉතින්ආහාරවල ප්‍රමිතියක් නැති රටක කෙහොමද අපි ලෝක ආහාර දිනේ උත්සව ශ්‍රීයෙන් සමරන්නේ.

  • ප්‍රමිතියක් නැතැයි කියන ආහාර හෝ ආහාර වර්ග මොනවාද?

පාස‍ලේආපනශාලාවල තනිකරම අලෙවි වෙන්නේ රසකාරක යෙදූ ආහාර. විශ්වවිද්‍යාලවල කෑමපැකට් එක රුපියල් 50ට දෙන්නේ ප්‍රමිතියක් නැති එළවළු, මාළුවලින් පිරුණුආහාර වට්ටෝරුවකුත් එක්ක. රාජ්‍ය ආයතනවල වැඩ කරන සේවකයෝ මන්දගාමී බව බොහෝදෙනා කරන චෝදනාවක්. ඒත් ඒ මිනිස්සු ආපන ශාලාවෙන් කන කෑම පැකට් එකේ කිසිමප්‍රමිතියක් නැහැ. ඉතින් මේ වගේ නිසි ‍පෝෂණයක් නැතිව ආහාර අනුභව කළාමකොහොමද ක්‍රියාශීලීව වැඩ කරන්නේ.

  • ඔබ පෙන්වා දෙන ආකාරයට බහුතරයක් ආපනශාලා වල අලෙවි වන ආහාර වට්ටෝරුවල නිසි ප්‍රමිතියක් නැහැ. මේ තත්ත්වයට ආපනශාලා වගකිව යුතුයි නේද?

මේසියල්ලටම වගකිව යුත්තන් බලධාරීන්. මොකද අපේ රටේ ආහාරවල ප්‍රමිතිය නිර්ණයකරන්නට නිසි මිම්මක් නැහැ. මහජන සෞඛ්‍ය පරීක්ෂකවරුන් පවා ඒ කාර්යවගකීමෙන් ඉටු කරන්නේ නැහැ. අපේ රටේ නියාමනයක්, ප්‍රතිපත්තියක් හෝ පවතිනවානම් අද ආපනශාලාවලට ප්‍රමිතියෙන් බාල ආහාර වට්ටෝරු අලෙවි කිරීමට ඉඩක්ලැබෙන්නේ නැහැ. මේ නිසා අපි කියන්නේ ආහාර සම්බන්ධව නියාමනයක් කඩිනමින්අවශ්‍ය බවයි.

  • බඩු මිල අඩු අවස්ථාවලදීත් ආහාරවල මිල අඩු නොවන බවට මහජනතාව ආපනශාලාවලට කරන චෝදනාව ගැන ඔබේ අදහස කුමක්ද?

අපිසාමාන්‍යයෙන් බඩු මිල අඩු බොහෝ අවස්ථාවල කෑම පැකට් එකේ මිල වැඩි කරන්නේනැහැ. කෑම පැකට් එක රුපියල් 10කින් වැඩි කළෙත් ලන්ච්ෂීට් මිල ඉහළ ගිය නිසා.මේ වනවිට අප නියම කරලා තිබෙන කෑම පැකට් එකක මිල රු. 140යි. මීට වැඩිමුදලකට කෑම පැකට් එකක් අලෙවි කරනවා නම් ඒ පිළිබඳව ආපනශාලා හිමියන්ගේ සංගමයදැනුවත් කරන්නට පුළුවන්. ආහාර පිළිබඳව විධිමත් නියාමනයක් නොමැතිකම මේ ආහාරපැකට් එකක මිලටත් බෙහෙවින්ම බලපානවා.

  • ආපනශාලා හිමියන්ගේ සංගමය යටතේ ලියාපදිංචි ආපනශාලා ගණන කොපමණද?

මේවනවිට ආපනශාලා 1300ක් පමණ ලියාපදිංචි වෙලා ඉන්නවා. ඒ වගේම අපේ සංගමයේලියාපදිංචි නොවූ ආපනශාලාද තිබෙනවා. ආපනශාලා හිමියන්ගේ සංගමය කියන්නේවෘත්තීය සමිතියක් නෙමේ, ජාතික ව්‍යාපාරයක්.

  • මෙවර ලෝක ආහාර දිනය නිමිති කොටගෙන ආපනශාලා හිමියන්ගේ සංගමය විදිහට යම් සුවිශේෂී වැඩසටහනක් ඉදිරිපත් කරනවාද?

මෙවරආහාර දිනය වෙනුවෙන් අපේ රටේ ප්‍රමිතියක් නොමැති ආහාර පිළිබඳව අපි ජනතාවදැනුවත් කිරීමේ වැඩසටහන් ඉදිරිපත් කරනවා. එහිදී ප්‍රමිතිගත නොමැති ආහාරපිළිබඳව ජනතාවට යම් අවබෝධයක් ලබාගන්න පුළුවන්.

  • ආපන ශාලා හිමියන්ගේ සංගමය විදිහට දැනට රටේ පවතින ප්‍රමිතියක් නැති ආහාර පරිභෝජනය වළක්වා ගැනීමට ඉදිරිපත් කරන යෝජනා කවරේද?

අපි මුලින්මආණ්ඩුවට කියනවා මෙවර ලෝක ආහාර දිනය අති උත්කර්ෂවත් ලෙසට සමරන්නට වැයකරන්න යන මුදල් නිකරුණේ නාස්ති නොකර අපේ රටේ ආපනශාලා වල ප්‍රමිතිය නඩත්තුවටයොදවන්න කියලා. මෙහිදී අපට හැකියාවක් ලැබෙනවා අපිරිසිදු ආපනශාලා පිරිසිදුතත්ත්වයෙන් පවත්වා ගෙන යාමට, කැඩී බිඳී ගිය ආපනශාලා නඩත්තු කිරීමට, ආපනශාලාවල පහසුකම් ක්‍රමවත් කිරීමට මේ මුදල් යොදාගන්න. ඒ නිසා බොරු උත්සව දාලාලෝකෙටම පේන්න ආහාර දිනය සමරන්න එපා කියන එක අපි අවධාරණයෙන් කියනවා. ඒ වගේමආහාරවල ප්‍රමිතිය වෙනුවෙන් විධිමත් යාන්ත්‍රණයක් ඇති කරන්නට රජයඅනිවාර්යයෙන්ම කටයුතු කරන්නට ඕනේ. එහෙම නැතිනම් අප ඒ වෙනුවෙන් සටන් කරන්නවුණත් සූදානමින් ඉන්නේ. මේක ආපනශාලා හිමියන්ගේ සංගමයේ විතරක් නෙමේ සියලුජනතාවගේම ප්‍රශ්නයක් බව අමුතුවෙන් කිව යුතු නැහැ.

සමන්මලී නැලිගම

සැමියා නිවසේ නොමැති අතරේ තම නිවසට බීමතින් පැමිණි රත්තොට පොලිස් ස්ථානාධිපති වරයා තම හැට්ටය තුළට අත දමා ලිංගික අතවරයක් කළ බව කියමින් ග්‍රාම නිලධාරිනියක පොලිස්පති පූජිත් ජයසුන්දර මහතාට පැමිණිල්ලක් ඉදිරිපත් කොට තිබේ.

තම සැමියා ඩෙංගු රෝගය වැළදී රෝහල් ගතව සිටින අතර බීමතින් තම නිවසට පැමිණි රත්තොට පොලිස් ස්ථානාධිපති වරයා අවස්ථා දෙකකදීම තමන්ට මෙලෙස ලිංගික අතවර කළ බවත් මෙම සිද්ධිය කිසිවකුට නොපවසන ලෙස පවසා එසේ පැවසුව හොත් මරා දමන බවට තර්ජනය කළ බවත් එම ග්‍රාමනිලධාරිණිය පොලිස්පති වරයා වෙත ලිඛිතව පැමිණිලි කර තිබේ.

ඇගේ පැමිණිල්ල අනුව විශේෂ පොලිස් විමර්ශන ඒකකයේ ජ්‍යෙෂ්ඨ පොලිස් අධිකාරී මෙවන් සිල්වා මහතාගේ අධීක්ෂණයෙන් යුත්තුව පරීක්ෂණ ආරම්භ කර ඇති අතර මෙම සිද්ධිය සම්බන්ධයෙන් ඊයේ (11) රත්තොට පොලිස් ස්ථානාධිපති පොලිස් පරීක්ෂක උපාලි දිසානායක මහතා අත්අඩංගුවට පත්ව තිබේ.

ඔහුගේ මෙම ක්‍රියාවට අනුබල දුල් බවට සැක කෙරෙන ත්‍රි රෝද රථ රියදුරෙකුද අත්අඩංගුවට ගැනීමට නියමිත අතර සැකකරු අද (12) තෙල්දෙණිය මහේස්ත්‍රාත්වරයා හමුවට ඉදිරිපත් කිරීමට නියමිතය.

ජ්‍යෙෂ්ඨ පොලිස් අධිකාරී මෙවන් සිල්වා මහතාගේ අධීක්ෂණය යටතේ සහකාර පොලිස් අධිකාරී බණ්ඩාර රත්නායක, පොලිස් පරීක්ෂක එම්.ඩී.පී.සී.ගුණතිලක යන මහත්වරු මේ සම්බන්ධයෙන් වැඩිදුර පරීක්ෂණ පවත්වති.

සියනෑ පුරවරයේ ජීවත් වු ශ්‍රේෂ්ඨ ‍ලේඛකයකු වූ කේ. ජයතිලක මහතා විසින් තම ජන්මය ලත් වතුරුගම කන්නිමහර පිහිටි ඔහු ජීවත් වූ නිවසේ ඔහු විසින්ම ආරම්භ කරන ලද කේ. ජයතිලක නිදහස් පුස්තකාලය මේ වන විට වැසී යාමේ තත්ත්වයකට පත්ව ඇති බව අපට එහි කළ සංචාරයකදී දැකගන්නට හැකිවිය. 
 
සිය ගම් පියසෙහි වූ තම සහෘදයන්ගේ මෙන්ම දූ දරුවන්ගේ ඥාණාලෝකය උද්දීපනය කරනු වස් ඔහු ජීවත් ව සිටියදීත් තමා අතින් ලියැවුණු පත ‍පොත ඇතුළු රටේ ජාතික උරුමයක් වූ සාහිත්‍යධරයන් රැසකගේ වටිනා ‍පොත් පත් රැසක් මෙම පුස්තකාලයේ තැන්පත් කිරීමට කේ. ජයතිලක මහතා අමතක කළේ නැත. 
ඒ අන්දමින් එදා මෙම පුස්තකාලයේ තැන්පත් වූ විවිධ ‍පොත් පත් සංඛ්‍යාව දහසය දහසකට වඩා ආසන්න වූ බව නොරහසකි. ඒවා බොහොමයක් සිංහල හා ඉංග්‍රීසි භාෂාවන්ගෙන් රචිත ‍පොත් බවද බොහෝ දෙනකු පවසති. 
2004 ජුනි මස 27 වැනි දින ආරම්භ කළ මෙම පුස්තකාලය එදා කේ.ජයතිලක මහතා සිිය හදවත මෙන් ආරක්ෂා කළහ. මේ වන විට එම ස්ථානය වවුලන්ගේ පාරාදීසයක් බවට පත් වෙමින් පවතී. 
මෙයට වසර කිහිපයකට පෙර සාහිත්‍ය මාසය තුළ මෙම ස්ථානයේ පවත්වා ගෙන ගිය දේශන - සම්මන්ත්‍රණ හා සාහිත්‍යධරයන්ගේ විවිධ වැඩසටහන් තබා 2015, 2016,2017  යන වසරවල පවත්වාගෙන ආ සාහිත්‍ය උත්සවය ද මේ වන විට මෙහි පැවැත්වෙන්නේ නැත. 
පසුගිය දිනක අප එහි යන විට පුස්තකාලය තුළ වූයේ ඉතා පාළු ස්වාභාවකි. 
වර්ෂා අවස්ථාවේ වහලයේ කඩතොළු තුළින් පුස්තකාලය තුළට ජලය වෑස්සෙනු අපට දකින්නට ලැබුණි පුස්තකාලය තුළ ඇති, ‍පොත් බැහැර ගෙන යාමේ අංශය. දුර්ලභ ‍පොත් සහිත විමර්ශන අංශය , ප්‍රකට  ‍ලේඛකයන්ගේ ඡායාරූප හා ඔවුන්ගේ අත් පිටපත් ප්‍රදර්ශන අංශය, විදේශ රටවලින් ලද සිහිවටන අංශය සහ විවිධ රටවල පැරණි මුදල් නෝට්ටු සහ කාසි  ප්‍රදර්ශන අංශය වැනි ස්ථාන වසර කිහිපයකින් සංස්කරණය කළ බවක් නොපෙනේ. 
‍පොත් බැහැර දීමේ අංශයේ ‍පොත් රාක්ක තුළ ‍පොත්පත් නිසි පිළිවෙළකට තබා නැත. 
මෙම පුස්තකාලයට සිදුව ඇති ප්‍රබල හානිය වී ඇත්තේ දුර්ලභ ‍පොත් සහිත විමර්ශන අංශයට බව ප්‍රදේශවාසීන් රැසක්ද මෙම ස්ථානයට  ලෙන්ගතු කිහිපදෙනකු අප හා පැවැසූහ. ඉන් බොහෝ දෙනකු අපිට කීවේ පුස්තකාලයේ දුර්ලභ ‍පොත් අංශයේ තිබූ වටිනා ‍පොත් රැසක් ඉන් අස්ථාන ගත වී ඇති බවයි. 
මේවායේ වටිනාකම මිල කළ නොහැකි බවද ඒ අසල වෙසෙන පුද්ගලයෙක්  අපිට පැවැසීය. 
පුස්තකාලයේ වූ දුර්ලභ ‍පොත්  අංශය මේ වන විට පස් දෙනෙක් වූ දරු පවුලක වාස භූමිය වී ඇත. මේ හේතුව නිසා එම අංශයට ඇතුළු වීමට කිසිවෙකුට අවසර නැත. 
මේ අයුරින් දැයේ දරුවන්ගේ සාහිත්‍ය රසාස්වාදයට කේ.ජයතිලක මහතා ඇති කළ නිදහස් පුස්තකාලය දෙස අද බලධාරීන්ගේ පමණක් නොව සාහිත්‍යධරයන්ගේ ද ඇල්ම බැල්ම නොලැබි යාම කාගේත් කනස්සල්ලට හේතු වී ඇත. 
අපට මේ  බව අසන්නට දකින්නට හැකි වූයේ සාහිත්‍ය මාසයේ අපි එහි කළ සංචාරයකින් අනතුරුවය. 
කේ.ජයතිලක මහතා වසර 75කට අධික කාලයක් දිවි ගෙවූ වතුරුගම, කන්නිමහර ප්‍රදේශයේදී රමණීය පරිසරයක පිහිටි ඔහුගේ නිවස මෙන්ම අවට පරිසරයද  වසර ගණනාවකින් සංවර්ධනය  කර ඇති බව නොපෙනේ. 
මෙයට වසර හය හතකට පෙර එතුමා ජීවත්ව සිටියදී දැයේ දරුවන් උදෙසා ආරම්භ කරන්නට මුල්ගල තැබූ සම්මන්ත්‍රණ ශාලාව ඉදිකිරීමට නියමිත භූමියේද අද වල් බිහිවී ඇත. 
එක් අවස්ථාවක එම පුස්තකාල පරිශ්‍රයේ පැවැති උත්සවයකට සහභාගි වූ දිවංගත හෙළයේ මහා ගාන්ධර්වයන්වූ ආචාර්ය අමරදේවයන් සහ නන්දා මාලීනි මහත්මිය අතින් රෝපණය කළ ඇහැළ ගස් කවුරුන් හෝ කපා විනාශ කර දමා ඇත. 
පුස්තකාල පරිශ්‍රය සහ එහි ‍පොතපත සංරක්ෂණය සඳහා යොදවා තිබූ  පරිපාලන ව්‍යුහය අද එහි ක්‍රියාත්මක වන බවත් පෙනෙන්නට නැත. 
ජයතිලක නිදහස් පුස්තකාල නිවහන බොහෝ කලකින් අලුත් වැඩියා කළ බවක්ද නොපෙණුනි. 
පුස්තකාලය තුළ ඇති විදුලි පහන් ආලෝකය එවැනි ස්ථානයකට නොසෑහේ. 
අප මෙම තත්ත්වය පිළිබඳව පුස්තකාලය අසල වෙසෙන කේ.ජයතිලක මහතාගේ සොයුරු ප්‍රේමරත්න මහතාගෙන් විමසූ විට ඔහු පැවැසුවේ පුස්තකාලය පවත්වා ගෙන යාමට විවිධ බාධා පවතින පවයි. 
එහි වගකිව යුත්තන්ගේ අවධානය නොලැබිම නිසා මෙහි පරිහානිය සිදුවෙමින් පවතින බව ඔහු පවසයි. තම සොහොයුරාගේ මුළු හදවතින් දැයට දායාද කළ මෙම පුස්තකාලය මෙසේ පරිහානියට පත්වෙමින්  තිබිම ඔහුටද බලවත් වේදනාවකි.
 
ආරියපාල වීදාගම

දසුන් අවසන් ගමන් ගියේ කතා කරන්න මාතෘකා ගොඩක් ඉතුරු කරලා. දසුන්ගේ වියෝවත් එක්ක දසුන්ගෙයි බුවිනිගෙයි මංගල ඡුායාරූපත් අන්තර්ජාලයේ සහ වෙබ් අඩවිවල සැරිසරන්න ගත්තේ තවත් අලූ‍ත් කතාවක් ගොතමින්?
දසුන් කියන්නෙ ක්‍ෂේත‍්‍රයේ මගේ හොඳ යාළුවෙක්. අපි නිර්මාණ කීපයකදීම මුණ ගැහිලා තියනවා. දසුන්ගෙ හදිසි වියෝව යාළුවෝ වුණ අපි කාටත් කම්පනයක් වුණා. තවමත් අපි ඉන්නේ ඒ කම්පනයෙන්. ඒ වියෝ දුකින්. ඒ අතරේ තමයි දසුන් සහ මම පෙනී හිටපු වෙඩින් ෆොටෝස් වගයක් අන්තර්ජාලයට එක් කරලා අනවශ්‍ය කතාවක් ගොතලා තිබුණේ.
 
ඇත්තටම මේ පින්තූරවල නිධාන කතාව මොකක්ද?
ගාල්ලෙ රූපලාවන්‍ය ශිල්පිනියක් දසුන්ගෙයි මගෙයි වෙඩින් ෆොටෝ ෂූට් එකක් කළා. ඒක වෘත්තීමය වශයෙන් අපිට මුදල් ගෙවීමක් කරලා කරපු ෂූට් එකක්. ඒ දවස්වලම එ් ෆොටෝස් ඒ අය අන්තර්ජාලයට මුදා හැරියා.
 
ආයෙමත් ඒ පින්තූරවලට පණ ආවේ දසුන්ගේ වියෝවත් එක්ක?
ඔව්. ඇත්තටම ඒක මිය ගිය දසුන්ට වගේම ජීවත් වෙලා ඉන්න එයාගෙ බිරිඳට, මට අපහාසයක්. ඒ පින්තූරත් එක්ක ඔවුන් ලියලා තිබුණේ මම ඔහුගේ බිරිඳ විදියට ඇඟවෙන්න. මොනවා හරි බාල උපක‍්‍රමයකින් තමන්ගේ වෙබ් අඩවිය, පේජ් එක ජනප‍්‍රිය කරගන්න ඒ අය තවත් අයගේ පෞද්ගලික ජීවිත විනාශ කරනවා. ඒ ගැන නම් මට තියෙන්නේ කලකිරීමක්.
 
දසුන්ගේ පෙම්වතිය නිළියක් වුණාට බිරිඳ නිළියක් නෙමෙයි කියලා මාධ්‍යයේ පළවුණානේ. දැන් එතකොට බුවිනි නිළියක් කියලා ඔය පෝස්ට් හදපු අය ඒවා පළකරපු වෙබ් අඩවිවල අය දන්නේ නැද්ද?
මටත් ඒක ප‍්‍රශ්නයක්. මම මහා ජනප‍්‍රිය නිළියක් නෙමෙයි. හැමෝම මාව දන්නේ නෑ. ඒත් ටික දෙනෙක් හරි දන්නවානේ. ඒකෙන් එක දෙයක් තේරෙනවා. කිසිම වගකීමක් නැති උදවිය තමයි ඔය වෙබ් අඩවි කරන්නේ. ඒ අයට නිවැරදි තොරතුරු වාර්තා කරන්න අවශ්‍ය නෑ. කුණු ගොඩක් නම් බොරුවක් වුණත් ගොතලා දානවා.
 
බුවිනි දසුන්ගෙ බිරිඳව අඳුනනවාද?
නෑ. මම දසුන් විවාහකයි කියලා දන්නෙත් නෑ. 
 
එතකොට ශලනි දසුන්ගෙ පෙම්වතිය කියලා?
ඒත් නෑ. අනිත් අය වගේ මමත් ඒක දැන ගත්තේ දසුන්ගෙ වියෝවත් එක්ක.
 
බුවිනිත් පෙම්වතියක්නේ?
ඔව්. මම පෙම්වතියක්
 
දසුන්ගෙයි ඔබගෙයි පෝස්ට් අන්තර්ජාලයේ සැරිසරන එක ඔබේ පෙම්වතාට ප‍්‍රශ්නයක් නෙමෙයිද?
එයා තමයි මටත් මුලින්ම ඒවා දැකලා පෙන්නුවේ. ඒක පදනමක් නැති කතාවක් කියලා ඔහු දන්නවා. තමන්ගේ පෙම්වතිය තව කෙනෙක්ගෙ බිරිඳ කියලා කතන්දරයක් යනවට කවුද කැමති. ඒත් ඔහු මාව වගේම, ‍මේ රටේ  ඕපදූප මාධ්‍ය ගැනත් තේරුම් අරන් ඉන්නේ. එහෙම නොවුණා නම් මගේ ආදරයටත් කණකොකා හඬන්න ඉඩ තිබුණා. 
 
හිමේෂා සවන්ති රාජපක්ෂ
 
ඡායාරූපය - අසන්ත ගමආරච්චි
IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 761

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 1477

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1321

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1300

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 1774

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 2782

Please publish modules in offcanvas position.