lakbima.lk
2017-01-16 ඇමෙරිකා ඩොලරය ගැනුම් මිල රු.148.09 , විකුණුම් මිල රු.151.84 | බි‍්‍රතාන්‍යය පවුම ගැනුම් මිල රු.177.44 , විකුණුම් මිල රු.183.57 | යුරෝ යුරෝපය ගැනුම් මිල රු.156.31 , විකුණුම් මිල රු.162.31 | ස්වීස් ප‍්‍රෑන්ක් ගැනුම් මිල රු.145.62 , විකුණුම් මිල රු.151.44 | කැනඩා ඩොලරය ගැනුම් මිල රු.112.04 , විකුණුම් මිල රු.116.49 | ඔස්ට්‍රේලියා ඩොලරය ගැනුම් මිල රු.109.83 , විකුණුම් මිල රු.114.78 | සිංගප්පූරු ඩොලරය ගැනුම් මිල රු.103.16 , විකුණුම් මිල රු.106.97 | ජපානය යෙන් ගැනුම් මිල රු.1.2905 , විකුණුම් මිල රු.1.3395 |

අරාබි රටක කාන්තාවන් කී සැනින් අපට සිහියට එන්නේ ෆර්දාවෙන් මුළු සිරුරම වසාගත්, නිවසටම සීමාවූ කාන්තා ප්‍රතිරූපයක්. මේ රටවල කාන්තාවන්ට කරන්නට ලැබෙනුයේ ඉතා සීමිත රැකියාවන් පමණයි. එවන් පසුබිමකදී කාන්තාවක් අරාබි රටක ‍පොලිස් ස්ථානාධිපතිනියක් වීම ඇත්තටම විශ්වාස කරන්න අමාරු තරමේ පුවතක්. ඒත් 2017 වසර උදාවූයේ එවැනි පුදුම සහගත පුවතක් ලෝකයේ අවධානයට යොමුකරවමින්. ඒ පුවත වාර්තා වූයේ ඕමාන් දේශයෙන්.
ඒ ඕමාන ඉතිහාසයේ ප්‍රථමවරට කාන්තාවක් එරට ‍පොලිස් දෙපාර්තමේන්තුවේ ‍පොලිස් ස්ථානාධිපතිනියක ලෙස පත්වීමයි. 2017-01-01 දින සිදුවූ මෙම පත්වීම මගින් ලුතිනන් කර්නල් ශයිඛා බින්ට් ඈෂ්හෝර් අල් හම්බාසියාන් ‍පොලිස් ස්ථානාධිපතිනියක ලෙස පත්ව තිබෙනවා. ඇය පත්ව තිබෙනුයේ එරට අල්වත්යා ‍පොලිස් වසමේ ස්ථානාධිපතිනිය ලෙසය. මේ නව පත්වීම පිළිබඳ සතුටට පත්ව සිටිනා ශයිඛා පවසනුයේ මෙය ඕමාන ඉතිහාසයේ වැදගත් අවස්ථාවක් බවයි.
“ලෝකයේ අමාරුම දේ මවකවී දරුවෙකු බිහිකිරීමයි. එය කළ හැකි කාන්තාවට කළ නොහැකි කුමක්දැයි?” ඇය ප්‍රශ්න කරනවා.
1990 වසරේදී නවක නිලධාරිනියක ලෙස ඕමාන ‍පොලීසියට බැඳෙන ශයිඛා සිය කැපවීම නිසාම වෘත්තියේ ඉහළටම පැමිණි බව ඇගේ දෙපාර්තමේන්තුවේ ප්‍රධානීන් පවසනවා.
2011 වසරේ එරට මිලිටරි ‍පොලීසියේ කාන්තා ඒකකයේ ප්‍රධානී ලෙස පත්වූ ශයිඛා ඉතා කෙටිකලක් තුළ දෙපාර්තමේන්තුවේ ජනප්‍රිය චරිතයක් වුණා. විවාහක කාන්තාවක් වන ඇය දෙදරු මවකද වෙනවා. “මගේ රැකියාවට මම ආදරෙයි. ඒත් දරුවන්ට සැමියාට ඊට වඩා ආදරෙයි. දෙපැත්තම සමබරව ගෙනයන්න මට පුළුවන්.” ඇය මාධ්‍යයට පවසා තිබුණා.
ඇයගේ නව රැකියා ස්ථානය වන අල්වත්යා පිහිටා තිබෙනුයේ මස්කට් අගනුවර නිසා එය ඉතා කාර්යබහුල බව වාර්තා වෙනවා.
“මගේ අලුත් රැකියාව කාර්යබහුලයි. ඒත් මගේ සැමියා සහ පවු‍ලේ අය ඒක දන්නවා. අපේ වැඩකටයුතුවලට ගැටලුවක් නොවන ලෙස එය කරගන්න අපි තීරණය කළා...” යැයිද ඇය පවසනවා.
මේ අසීරු ඉලක්කය තමාට භාරදීම පිළිබඳ ඕමාන ‍පොලිස් දෙපාර්තමේන්තුවට තමා ස්තූති කරන බවත් තමුන් පිළිබඳ තිබූ විශ්වාසය එලෙසම සුරකින බවත් ලුතිනන් කර්නල් ශයිඛා බින්ට් පවසා තිබෙනවා.

තරූෂ ප්‍රනාන්දු

මේරියන්ස් සංගීත කණ්ඩායමේ නලීන් පෙරේරා කියන්නේ කෙලින් කතාකරන කෙනෙක්. මේ හින්දම සමහර අවස්ථාවලදී නලීන්ට එරෙහිව චෝදනා එල්ලවෙන එකත් අපි දැකලා තියෙනවා.
එක කාලෙක නලීන්ට වැරදුණා. පෞද්ගලික ජීවිතේ යම් යම් ප්‍රශ්න පැන නැගුණා. නලීන් මේ සිද්ධියෙන් පසුවත් මාධ්‍යයට ඇත්ත කිව්වා. සිද්ධවෙච්ච වැරැද්ද පිළිගත්තා. ඒ විතරක් නමෛයි ඒක නිවැරදි කරගත්තා.
මේරියන්ස් නායක නලීන් පෙරේරා මේ දවස්වල ගතකරන්නේ අවිවේකී ජීවිතයක්. නලීන් එහෙම අව්වේකී වී ඉන්නේ සංගීත වැඩකටයුතු නිසාම විතරක් නමෛයි. තවත් සමාජසත්කාර වැඩසටහනකට අතගසා තිබෙන නිසයි.
අපි මේ ගැන අහන්න හිතාගෙන නලීන්ට කතා කළා.
“මම මේ දවස්වල මගේ සංගීත කණ්ඩායම එක්ක ලොකු වැඩකට අතගහලයි ඉන්නේ. ඒ නිසා තමයි මේ කාර්යබහුලකම...”
“අපි වැලිකන්ද මහා විද්‍යාලයට ජලය ලබාදීමේ සත්කාරයකට අතගැහුවා. පහුගිය කාලයේ අපිට මේ පාසලට ජලය ලබාගැනීම සඳහා  හැකි අයුරින් දායකවෙන්න කියන ඉල්ලීම ආවා. ඒ වෙලාවේ තමයි මම මේ ගැන අපේ කණ්ඩායම එක්ක කතාකළේ. ඊටපස්සේ අපි තීරණය කළා මේ සඳහා අවශ්‍ය රුපියල් මිලියන 5ක් සොයන්න ප්‍රසංගයක් කරමු කියලා...”
“මේ පාස‍ලේ දරුවන්ට වතුර නැහැ. ඒ ප්‍රදේශයේම ඒ ප්‍රශ්නය තිබෙනවා. මිනිස් ජීවිත සීග්‍රයෙන් වකුගඩු රෝගයට ගොදුරු වෙනවා. ඇත්තටම අපිට දරුවන්ගේ  අනාගතය ගැන තිබෙන කැක්කුම නිසාමයි මෙහෙම තීරණයක් ගත්තේ..”
“දැන් මොකක්ද ඒ වෙනුවෙන් කරන ප්‍රසංගය..?”
“අපි ජනවාරි 22 සවස
7. 00ට  කොළඹ 07,  නෙළුම්‍පොකුණ එළිමහන් පරිශ්‍රයේදී දැවැන්ත සංගීත ප්‍රසංගයක් පවත්වනවා. 70 දශකයේ  ජෝති, සීටී, ක්ලැරන්ස් ගැයූ සුපිරි ගීත කීපයක් තමයි අපි මෙහිදී ගායනා කරන්නේ. මේක නෙළුම්‍පොකුණ පරිශ්‍රයේ කරන්නේ වැඩිදෙනෙකුට එය නැරඹීමේ අවස්ථාව ලබාදීමටයි. අපි 4000කට වාඩිවෙන්න පුළුවන් විදියට පහසුකම් සලසනවා. මොකද වැඩිපිරිසක් මේ ප්‍රසංගයට ගෙන්න ගත්තොත් තමයි අපිට මේ සත්කාරය කරන්න පුළුවන් වෙන්නේ. වතුර ටිකක් ඉල්ලන දරුවන්ට ඒ වතුර ටික දෙන්න පුළුවන් වෙන්නේ..”
“අනික මම තවදෙයක් කියන්න ඕන. ඒ තමයි මේ ප්‍රසංගයෙන් අපි හම්බ කරන මුදල විනිවිදභාවයකින් යුතුව ඒ වෙනුවෙන් යෙදවීම. මේ ගනුදෙනු සියල්ල ගැන අපි වගකියනවා. කිසිම ආකාරයේ මගඩියක් වෙන්න ඉඩතියන්නේ නැහැ. අපි මේවා කරන්නේ ප්‍රාදේශීය ‍ලේකම් දිසාපතිතුමා වගේම වගකිව යුතු නිලධාරීන් හවුල් කරගෙනයි...”
මේරියන්ස් සංගීත කණ්ඩායමේ නලීන් පෙරේරා කියන්නේ කෙලින් කතාකරන කෙලින් වැඩකරන කෙනෙක්. මේ හින්දම සමහර අවස්ථාවලදී නලීන් ප්‍රශ්නවලට පවා මුහුණ දෙනවා අපි දැකලා තියෙනවා.
“එක කාලෙක නලීන්ට වැරදුණා. පෞද්ගලික ජීවිතේ යම් යම් ප්‍රශ්න පැන නැගුණා. මෑතක සිට ඔබ සමාජසත්කාර වැඩවලට වැඩිපුර යොමුවී සිටිනවා.?
“ඔබ කිව්ව වගේ ඒක ඇත්ත. මගේ අතිනුත් විශේෂයෙන්ම මගේ බිරිඳට වැරැද්දක් සිද්ධ වුණා. දරුවන්ටත් ඒක බලපෑවේ නැහැ කියන්න බැහැ. මිනිස්සු වුණාම ඔයවගේ දේවල්වලට මුහුණ දෙන්න සිද්ධවෙනවා..නමුත් ඒවා තේරුම්ගන්න අපිට බුද්ධියක් තිබිය යුතුයි. අද මම ජීවත්වෙන්නේ ඒ යථාර්ථය හොඳින් තේරුම් ගෙනයි. දැන් මම උත්සාහගන්නේ මේ සමාජයට යහපත් දෙයක් කරගෙන හොඳින් ජීවත් වෙන්නයි. ඒකට මගේ බිරිඳ මා ළඟින්ම ඉඳගෙන මට උදව් කරනවා. ඇය මේ ප්‍රසංගයේදීත් එහි සංවිධාන නටයුතුවලට උපරිමයෙන් දායකවී සිටිනවා..”
“දැන් මගේ දරුවෝ ලොකුයි. ඒ අය දකිනවා එයාලගේ අම්මයි තාත්තයි දැන් ආදරයෙන් ඉන්නේ කොහොමද කියලා. (සිනාසෙමින්) අපි අලුත කසාද බැඳපු විදියට ආදරයෙන් ඉන්නවා. ජීවිතේ හරිම පුදුමයි. හැබැයි පහුවෙලා හරි ජීවිතේ ඇත්ත මොකක්ද කියල තේරුම්ගන්න ලැබිමත් එක්තරා ආකාරයක පිනක්. ඒ වගේම අපි කරපු සමහරදේවල් ගැන ආපස්සට හැරිල බලද්දී ලැජ්ජාවකුත් ඇති වෙනවා.”
“නලීන් පරිණත විදියට ජීවිතේ ගැන කතා කරනවා?”
“දැන් මගේ වයස අවුරුදු 47ක්. ‍පොඩි එකෙක් නමෛයි. ලොකු ගෑනු දරුවෙකුයි, පිරිමි දරුවෙකුයි ඉන්න තාත්තා කෙනෙක්. සෙල්ලම් බැහැ. අපි කරන කියන දේවල් ඒ අයට බලපානවා. හිත රිදෙනවා. එහෙම වෙන්න හොඳ නැහැනේ...”
සමන් ප්‍රියංකර නම්මුනිගේ

වෛද්‍ය විද්‍යාව කෙතරම් දියුණු වුවත් අදෘශ්‍යමාන බලවේගයන් පස්සේ දිවීම ඇතැමුන් තවමත් නතර කර නැත. කිසියම් අධ්‍යාත්මික සුවයක් පතාගෙන ඇතැමුන් අදෘශ්‍යමාන බලවේගයන් පසුපස යනවිට තවත් පිරිසක් සිරුරේ ඇතිවන විවිධ රෝගවලට ප්‍රතිකාර ලබන්නටද එකී සරණ යාම කනගාටුවට කරුණකි.
ලය විරේකයක් සඳහා පැමිණි අයකුට කට්ටඩියකු විසින් ලබාදුන් තැඹිලි ගෙඩියක් පානය කිරීම හේතුවෙන් ආණමඩුව-කොට්ටුකච්චිය ප්‍රදේශයේදී මීට වසර කීපයකට පෙර තරුණයකුට දිවි අහිමි විය. එම තරුණයාගේ දිවි අහිමි කිරීම සම්බන්ධයෙන් අදාළ දේවාලය පවත්වාගෙන ගිය කට්ටඩියාව ‍පොලීසිය විසින් අත්අඩංගුවට ගෙන අධිකරණය වෙත ඉදිරිපත් කිරීමෙන් අනතුරුව රක්ෂිත බන්ධනාගාර ගත කර තිබුණි.
අධිකරණ ඇප මත නිදහස් වී පැමිණි එකී කට්ටඩියා නිකවැරටිය - කොටවෙහෙර ප්‍රදේශයට ගොස් නැවතත් තම සුපුරුදු රාජකාරිය ආරම්භ කළේය. එහිදී ශාන්ති කටයුත්තක් සඳහා කට්ටඩියා සොයා පැමිණි ‍පොලිස් සැරයන්වරයකුටද දිවි අහිමි විය.
මේ පවසන්නට සූදානම් වන්නේ එකී කට්ටඩියා බිලි ගත් තවත් ජීවිතයක් සම්බන්ධයෙන් නොව ඒ හා සමාන වූ වෙනත් දේවාලයක පිළිසරණක් පතා ගිය අසරණ කතකට ජීවිතය අහිමි වූ ආකාරයේ කතා පුවතකි.
හලාවත - ඉලිප්පදෙණියේ පදිංචිව සිටි ඉෂාරා උමයංගනී ප්‍රනාන්දු වයස අවුරුදු 38 ක් වන දෙදරු මවකි. පුද්ගලික පන්ති පවත්වන අයකු සමග පතිකුලයට ගිය ඉෂාරට ඔහු සමග ජීවත් වන්නට ලැබෙන්නේ ඉතාමත්ම කෙටි කාලයකි. තම සැමියාගේ විවිධ නොපනත්කම් සහ ඔහු පෙර විවාහක පියකු බව දැනගැනීමට ඇයට ලැබෙන්නේය.
ඒ වනවිට තමන් ගැබිනියක් වුවත් ඔහුගෙන් වෙන්වී නැවතත් ආපසු මව්පියන්ගේ සෙවණට එන්නට ඇය තීරණය කළාය. ඉෂාරා පළමු වරට ජීවිතය පරදින්නේ එම අවස්ථාවේදීය.
ඉෂාරා කුළුඳු‍ලේම පුතුන් දෙදෙනකු මෙලොවට බිහි කරන්නේය. එය ඇයගේ ජීවිතයට දැවැන්ත අභියෝගයක් විය. දරුවන් දෙන්නත් බලාගෙන සමාජයෙන් කතාවක් අහන්නේ නැතිව වැන්දඹු කතක් ලෙස ජීවත් වීමේ අභියෝගයද ඇය ඉදිරියේ විය.
ඒ වනවිට තම මව, පියා සහ නැගණිය විදෙස් රටක සේවය සඳහා යාමට තීරණය කර ඇති බැවින් එම අභියෝගය තවත් තීව්‍ර විය. නමුත් එකී සියලු අභියෝගයන්ට අභියෝග කරමින් ඉෂාරා තනිවම නැගිටින්නට උත්සාහ කළාය. එහි ප්‍රතිඵලයක් ලෙස හලාවත - කුරුණෑගල මාර්ගයේ මල්වත්ත ප්‍රදේශයේ රූපලාවන්‍යාගාරයක් ආරම්භ කිරීමට ඇයට හැකි වන්නේය.
ඒ වනවිට තම මව්පියන්ට අයත් නිවසක පදිංචිව සිටි ඉෂාරගේ ලොකුම බලා‍පොරොත්තුව වී තිබුණේ තමන්ටම කියා පුංචි ඉඩම් කැබැල්ලක් මිලදී ගෙන එහි නිවහනක් ගොඩ නගා ගැනීමය. මාව රවට්ටපු එකාට පේන්න දරුවෝ දෙන්නත් එක්ක මම හොඳට ඉන්නවා... ඇය තම යෙහෙළියන් සමග නිතර කියා සිටියාය.
තමන් අධ්‍යාපනය ලද හලාවත නගරයේ පිහිටි පාසලටම දරුවෝ දෙන්නත් ඇතුළු කරගැනීමට ඉෂාරා විශාල වෙහෙසක් ගත්තාය. එම අභියෝගයද ජයගත් ඇය දරුවන්ට හොඳ අධ්‍යාපනයක් ලබා දෙන්නට දැඩි වෙහෙසක් ගත් දිරිය කතක්ම වූවාය. එපමණක් නොව දරුවන් දෙදෙනා වෙනුවෙන් ඇය තමන් උගත් පාස‍ලේ විවිධ කටයුතු සඳහාද නිතර සහභාගි වූ තැනැත්තියක වූවාය.
මෑතක සිට ඉෂාරාට කිසියම් වෙනසක් දැනෙන්නට විය. ඒ ඇතැම් විට ඇය හමුවේ තිබූ අභියෝග ජයගැනීමේ සටනේ ප්‍රතිඵලයක් වන්නට ඇත. නමුත් කිසියම් භූත බලවේගයක් තමන්ට හතුරුකම් කරන්නේද යන්න දැනගැනීම සඳහා ඇය දුම්මලසූරිය - දුනකදෙණිය ප්‍රදේශයේ පිහිටි දේවාලයක් වෙත ගියාය. එම දේවාලයේ සිටි කපුවා කියා සිටියේද ඉෂාරාට කිසියම් උපද්‍රවයක් ඇති බවය. එකී උපද්‍රවය ඉවත් කිරීමට කළ යුතු දෑද කපුවා ඉෂාරා සමග කියා සිටියේය.
ආපසු නිවසට පැමිණි ඇය දේවාලයේ කපුවා පැවැසූ ආකාරයට අවශ්‍ය කළමනාද රැගෙන පසුගිය 11 වැනිදා තම නැගණිය සහ තවත් කාන්තාවක් සමග එකී දේවාලය වෙත යන්නේද තීන්දු ගමනක් යන්නට සිතාගෙන නම් නොවේ. ආපසු පැමිණ දරු පැටවුන් දෙදෙනාද සමග සැනසිල්‍ලේ ජීවත් වන්නටය.
දේවාලයේ භාරකරු විසින් ඉෂාරා වෙනුවෙන් යාතිකා කරන්නට විය. එක්වරම ඇය කිසියම් ආරූඪයකට පත්වන්නේ එහි සිටි සියලු දෙනාම පුදුමයට පත් කරමිනි. මට අරක්කු බොන්න ඕනෑ... ආරූඪයෙන් ඉෂාරා කියා සිටියාය. දේවාලවල කොහෙන්ද අරක්කු තියෙන්නේ? මේ දරුවට තවත් කරදර කරන්නේ නැතිව යන තැනකට යනවා හොඳයි දේවාලයේ භාරකාර කපුවා කියා සිටියේය.
ඒ සමගම දේවාලයේ තිබූ කිසියම් කුප්පියක් අතට ගැනීමට උත්සාහ කළත් කපුවා එය නවත්වන්න කටයුතු කරන්නේය. ආ... මේ තියෙන්නේ යැයි පැවැසූ ඉෂාරා එම කුප්පියේ තිබූ කිසියම් දියර වර්ගයක් තම කටට හලාගෙන ඇත. ඒ සමගම උඹලා මට මොනවද බොන්න දුන්නේ? යැයි වේදනාවෙන් ඉෂාරා කෑගසන්නට විය. නොසන්සුන්ව ඇය දඟලන්නට වූවාය.
කිසියම් වරදක් සිදුවී ඇති බව තේරුම් ගන්නා දේවාලයේ සිටි පිරිස වහාම ඉෂාරාව දුනකදෙණිය ප්‍රාදේශීය රෝහල වෙත ගෙන ගියත් ඒ වනවිටත් ඇය නොඑන ගමන් ගොස් සිටියාය.
මියගොස් සිටි ඉෂාරාගේ මරණය සම්බන්ධයෙන් වූ මූලික මහේස්ත්‍රාත් පරීක්ෂණය කුලියාපිටිය වැඩබලන මහේස්ත්‍රාත් නිහාල් ජයසිංහ මහතා විසින් පසුගිය 12 වැනිදා සිදුකරන ලදී. ඒ දුනකදෙණිය ප්‍රාදේශීය රෝහ‍ලේදීය. අනතුරුව සිද්ධිය වූ දේවාලයට ගොස් පරීක්ෂා කර බැලීමටද වැඩ බලන මහේස්ත්‍රාත්වරයා කටයුතු කළේය. මියගොස් ඇති ඉෂාරාගේ මරණය සම්බන්ධයෙන් පශ්චාත් මරණ පරීක්ෂණය සිදුකරන ලෙස කුලියාපිටිය අධිකරණ වෛද්‍ය නිලධාරිවරයාට නියෝග කළ වැඩ බලන මහේස්ත්‍රාත්වරයා මේ සම්බන්ධයෙන් වැඩිදුරටත් විමර්ශන කටයුතු සිදුකර අධිකරණයට වාර්තා කරන ලෙස දුම්මලසූරිය ‍පොලීසියට නියෝග කළේය.
ඒ අනුව සිද්ධිය වූ දේවාලය පවත්වාගෙන ගිය පුද්ගලයාව (කපුවාව) අත්අඩංගුවට ගැනීමට දුම්මලසූරිය ‍පොලීසිය කටයුතු කරන්නේය. ඒ නීතියේ ඇඟිල්ලක් ඔහු වෙත දිගුවී ඇති නිසාවෙනි.
සියල්ල සිදුවී අවසන්ය. මෙම ලිපිය ලියන මොහොත වනවිටත් ඉෂාරාගේ පශ්චාත් මරණ පරීක්ෂණය අවසන් වී නොතිබුණි. ඒ නිසා ඇයට දිවි අහිමි කළ දියර වර්ගය කුමක්ද යන්න නිශ්චිතවම දැන ගැනීමට හැකියාවක් නැත. නමුත් ඇය පානය කර ඇත්තේ උග්‍ර විෂ සහිත දියරයක් බව අමුතුවෙන් පැවැසිය යුතු වන්නේ නැත. ඒ එකී දියරය පානය කිරීමත් සමග ඉෂාරා වේදනාවෙන් කෑ ගැසීමත්, නොසන්සුන්වීමත් නිසාය.
මෙහිදී පැන නගින ගැටලු කීපයක් ඇත. මිනිස් ජීවිතයක් අහිමි කිරීමට සමත්කමක් ඇති උග්‍ර විෂ සහිත දියරයක් දේවාලයට රැගෙන ආවේ කවුරුන්ද? එකී විෂ සහිත දියරය දේවාලය බාරකරු සිටින ආසන්නයේම තබා තිබුණේ ඇයි? එය කවුරුන් විසින් සිදුකළ දෙයක්ද? මන්ද දේවාලයක් තුළට විවිධ පුද්ගලයන් පැමිණෙන නිසා එවැනි විෂ සහිත කිසිවක් තබාගැනීම නොකළ යුතු දෙයක් වන නිසාය. අනෙක් කරුණ වන්නේ සෙතක්, ශාන්තියක් සිදුකරන දේවාලයක කුමන හේතුවක් නිසා උග්‍ර විෂ සහිත ජීවිතයක් නසන දෙයක් තබා ගැනීම සම්ප්‍රදායක් නොවන නිසාය.
කිසිදු දිනක ඉෂාරා මත්පැන් පානය කර ඇති බවක් දැන ගන්නට නැත. එසේ නම් ඇය ආවේශයෙන් පානය කිරීම සඳහා මත්පැන් ඉල්ලා සිටියේ ඇයි? කිසිවකුට නොදැනෙන ලෙස ඇය හොර රහසේ මත්පැන් පානය කිරීමට හුරුවී සිටියා යැයි කිසියම් අයකු පවසන්නේ නම් දේවාලයක් වැනි ස්ථානයකදී පානය කිරීම සඳහා මත්පැන් ඉල්ලා සිටින්නේද නැත. එය කෙසේවත් සිදුවිය හැක්කක් නොවේ.
මිනිස් සිරුරකට ආරූඪයක් ඇතිවූ විට ඒ පුද්ගලයා පියවි සිහියෙන් මිදෙන බව අප අසා ඇත. ආරූඪයෙන් උතුරණ කිරි නෑම, උතුරණ තෙල් තාච්චියට අත දැමීම වැනි විවිධ කටයුතු විවිධ පුද්ගලයන් විසින් කර ඇති බවට අපි අසා ඇත්තෙමු. පියවි සිහියක් ඇත්තකුට එවැන්නක් කිරීමට නොහැකි බව සත්‍යයකි. එසේ නම් දේවාලයේ තිබූ දියර වර්ගය පානය කිරීමෙන් අනතුරුව උඹලා මට බොන්න දුන්නේ මොනවාද? කියා ඉෂාර කෑ ගැසුවේ ඇයි? එම දියර වර්ගය පානය කරන විට සත්‍ය ලෙසම ඉෂාරා ආරූඪ වී නොසිටියේද? දේවාලයේ භාරකාර තැන විසින් ඇය කිසියම් මෝහනයකට පත්කර, එසේත් නැත්නම් වෙනත් ආකාරයකට ඇයගේ සිහිය විකල් කර තිබුණේද? මේ සියලු ගැටලුවලට පිළිතුරු සෙවිය යුත්තේ නීතිය කරවන ඇත්තන් විසිනි. මන්ද එය ඔවුන්ගේ රාජකාරියක් මෙන්ම යුතුකමක්ද වන නිසාය.
මේ කෙසේ වෙතත් ජීවිතයේ එක් වරක් පරාජයට පත්ව, පරාජය අභියෝගයක් කර නොගෙන ජීවිතය ජය ගන්නට උත්සාහ කළ තරුණ කතක් මේ වනවිට මෙලොව හැර ගොසිනි. එහි වරද ඇත්තේ කාගේද යන්න අපි නොදනිමු. නමුත් එය එසේම සිදුවී ඇත. කාගේ වරදින් හෝ වර්තමානයේ සිදුවී ඇත්තේ අහිංසක දරු පැටවුන් දෙදෙනකුට මෙලොව තනිවීම පමණකි. එය සදාතනික වේදනාවක් නොවන්නේද?

ජූඩ් සමන්ත

Gos BD1

ජනප්‍රිය ටෙලි නාට්‍ය නිළියක් වන රොහානි සිරිවර්ධනගේ උපන්දිනය වෙනුවෙන් පැවති පසුගියදා සාදය තෙවනි අැසෙහි සටහන් වූ අයුරු

 

ඡායා - ශීතාන් ගුණවර්ධන

 

 

 

 

 

 

 

 

 

Gos BD2

Gos BD3

Gos BD4

Gos BD5

Gos BD6

deepalජනප්‍රිය ගායන ශිල්පී දීපාල්  සිල්වා ‍අද (14) අළුයම රාගම රෝහලේදී  අභාවප්‍රාප්ත වී තිබේ. දීපාල්  සිල්වා ටික කලක්  රෝගීව සිට අැති බව දැනගන්නට ලැබේ. 


“පොඩි ළමයා“ යන අන්වර්ත නාමයෙන් ඔහු රසික ජනතාව අතර ප්‍රසිද්ධියට පත්ව සිටි ඔහු 1967 නොවැම්බර් 20 දා  උපත ලැබූ අතර මිය යන විට 50 වන වියෙහි පසු වුණි.



මේ දිනවල පවතින වියළි කාලගුණයත් සමග මධ්‍යම කඳුකරයේ ජලාශ කිහිපයක් සිදී යෑමේ තර්ජනයට ලක්ව තිබේ. ඒ අතර මවුස්සාකැලේ ජලාශයේ ජල මට්ටම සීග්‍රයෙන් පහළ බසිමින් පවතින අතර පිටාර මට්ටමේ සිට අඩි හතලිහ දක්වා පහත බැස ඇත. මවුන්සාකැලේ ජලාශයේ ජල මට්ටම පහත යාමත් සමග ජලාශය ඉදිකිරීමේ ජලයෙන් යටවූ මස්කෙළිය පැරණි නගරයේ නටබුන් දක්නට ලැබීම විශේෂයක්.
මස්කෙලිය පැරණි නගරයේ ජලයෙන් යටවී තිබූ  පන්සලක්, හින්දු කෝවිලක් ඉස්ලාම් පල්ලියක් හා ගල් පාලමක නටඹුන් දක්නට ලැබෙන අතර එම නටඹුන් අනුව පන්සල කෝවිල පල්ලිය එකම ස්ථානයක පිහිටා තිබි ඇති බවට  අනාවරණය වේ.


 


ඡායාරූප  හා වීඩියෝව - හැටන් රංජිත් රාජපක්‍ෂ  

Page 2 of 5

ලක්බිම ගොසිප්

වයස 169 ක අයෙක් ලංකාවේ ?

IMAGE 2017 Jan 05 13:45
වැඩිහිටි හැඳුනුම්පතේ දෝෂයෙන් වයස අවුරුදු 169ක් වූ අයෙකු ගලහ දෙල්තොට ප්‍රදේශයේ ජීවත් වන බව...
Views - 2541

‍පෝරකයට නියමවූවෙක් උපාධියක් ලබයි

IMAGE 2017 Jan 05 10:00
මරණීය දණ්ඩනය නියමවූවෙකු මෙරට ඉතිහාසයේ ප්‍රථම වතාවට  අද (05) ශ්‍රාස්තවේදී උපාධිධාරියෙකු ලෙස...
Views - 3445

බ්‍රිතාන්‍ය ආණ්ඩුකාරයාට ගෙදරයන්න සැලැස් වූ ලාංකිකයා

IMAGE 2017 Jan 04 12:14
එක්දහස් අටසිය දහඅටේ උඩරට ගිවිසුම ප්‍රකාර රටේ පාලනය හා ස්වාමීත්වය කොන්දේසි සහිතව භාරගත්...
Views - 3316

ලංකාවේ දේශපාලන වේදිකාවට ආ හිට්ලර්ගේ සිහින මෝටර් රිය

IMAGE 2017 Jan 04 11:15
මලලසේකර ශබ්දකෝෂයේ Bettle යන වදනට සපයා ඇති සරල සිංහල තේරුම වනුයේ 'කුරුමිණියා' යන්නයි. එහෙත්...
Views - 3925

9 වරක් විවාහවී 99 වසරක් ජීවත් වූ හොලිවුඩ් නිළි “සා සා...

IMAGE 2017 Jan 04 09:58
හොලිවුඩ් චිත්‍රපට හා ටෙලි නාට්‍ය හැටක රඟපෑ රූමත් නිළි සා සා ගේබර් ජනප්‍රිය වූයේ සිනමාවේ හා...
Views - 4567

සෝරත ‍පොඩිනමගේ චරිතය සාමණේර භික්ෂුවට අපහාසයක් - හෑගොඩ...

IMAGE 2017 Jan 04 09:03
දෙරණ නාලිකාවේ විකාශය වන සිඳු ටෙලිනාට්‍යයේ ජනප්‍රියතාවයට ප්‍රධානතම හේතුව සාමණේර චරිතයයි....
Views - 9781

Please publish modules in offcanvas position.