lakbima.lk
2017-07-20 ඇමෙරිකා ඩොලරය ගැනුම් මිල රු.151.6800 , විකුණුම් මිල රු.155.4800 | බි‍්‍රතාන්‍යය පවුම ගැනුම් මිල රු.196.8000 , විකුණුම් මිල රු.203.4600 | යුරෝ යුරෝපය ගැනුම් මිල රු.173.6700, විකුණුම් මිල රු.180.2000 | ස්වීස් ප‍්‍රෑන්ක් ගැනුම් මිල රු.157.7400 , විකුණුම් මිල රු.164.0300 | කැනඩා ඩොලරය ගැනුම් මිල රු.119.6100 , විකුණුම් මිල රු.124.3000 | ඔස්ට්‍රේලියා ඩොලරය ගැනුම් මිල රු.119.5300 , විකුණුම් මිල රු.124.8000 | සිංගප්පූරු ඩොලරය ගැනුම් මිල රු.110.3500 , විකුණුම් මිල රු.114.3700 | ජපානය යෙන් ගැනුම් මිල රු.1.3485, විකුණුම් මිල රු.1.3993 |

“දෙරණ” නාලිකාවෙන් රටම හඳුනාගත් සහන් අබේසේකර දැන් අප හමුවට එන්නේ “සියත” රූපවාහිනී නාලිකාව තුළිිනි. ඔහුගේ වෘත්තීය දිවිය තුළ සේම පුද්ගලික දිවියේත් සිදූවූ පෙරැළි මේ වනවිට සහන්ගේ රසික පිරිසට රහසක් නොවේ. ඇතිවූ හැල හැප්පීම්වලින් අනතුරුව සහන්ගේ වර්තමාන දිවිය පිළිබඳව ඔහුගෙන් විමසන්නට අප සිතුවෙමු. වෘත්තීය ජීවිතය තුළත් පුද්ගලික ජීවිතයේත් අද දවස ගැන සහන් අප සමගින් හෘදයාංගම කථාබහකට මෙලෙසින් එක්විය .
 
සහන් දැන් අපිට දකින්නට ලැබෙන්නේ සියත නාලිකාව ඔස්සේ.. ?
ඔව් .. මම දැන් “සියත නාලිකාවේ” “විධායක නිෂ්පාදක” ලෙසින් කටයුතු කරනවා. ඒ අතරම මගේ පුරුදු රස්සාව, ඒ කියන්නේ නිවේදන කටයුතු කිරීමත් කරගෙන යනවා.
 
හිටි හැටියේ සිදුවූ ඔබේ ස්ථාන මාරුව ගැන විවිධාකාර මත පළවුණා.
මම “දෙරණ” නාලිකාවේ නිවේදකයෙක් විදියටයි කටයුතු කළේ.. දැන් මම නිවේදකයෙක් වගේම විධායක නිෂ්පාදක. මට වැඩි වටිනාකමක් ලැබුණු තැනට මම ගියා. 
 
වැඩි වටිනාකමක් කියන්නේ තනතුර සහ වැටුප වෙන්න ඇති .. 
නැහැ නැහැ .. මම මුදල මත හෝ තනතුරු මත වටිනාකම තක්සේරු කරන්නේ නැහැ.. මම වටිනාකම කිව්වේ පුළුල් පරාසයක ඉඳලා.. මට වැඩ කරන්න අපහසු තත්ත්වයක් තිබෙන තැනකට වඩා මාව අගයන ස්ථානයකට යන්නයි මම තීරණය කළේ ..
 
ඒ කියන්නේ “දෙරණ නාලිකාව” සමග අමනාපයෙන්ද ඔබ ඉන් පිටව ගියේ .. ?
කිසිසේත්ම නැහැ. මම මගේ මහගෙදර විදියට අදත් “දෙරණ”ට ගරු කරනවා.. මට නමක් ගොඩනැගුනේ ඒ තුළින්.  නාලිකාව සමග වගේම එහි සිටින පැරණි හිතවතුන් සමගත් මම අදත් ලෙන්ගතුයි. ඒත් කිහිප දෙනෙකුගේ ක්‍රියාවන් නිසා මට එම ස්ථානය එපාවුණා.. ඇත්ත තත්ත්වය ඒක.
 
ඔබේ විවාහ ජීවිතයේ අර්බුද ඊට බලපෑවාද .. ?
මම කිසිමදාක පෞද්ගලික ජීවිතයයි වෘත්තීය ජීවිතයයි එකට පටලවාගන්නේ නැහැ. ඒත් සමහර දේවල් මාධ්‍යයට ප්‍රකාශ කරන්න බැහැ..
 
එදා ඔබ තම පුද්ගලික අර්බුද පවා ප්‍රසිද්ධියේ මාධ්‍යයට පැවැසුවානේ. අද ඔය විදියට දෙගිඩියාවෙන් පිළිතුරු දෙන්නේ ඇයි .. ? 
මම නිදොස් නිසා අදත් මට මාධ්‍යය සමග ඒ දේවල් එදා විදියටම කථාකරන්න බැරි නැහැ. ඒත් යම් යම් නීතිමය හේතු මත මට සීමාවන් තියෙනවා. ඒ වගේම මට මඩ ගහන්න බලාගෙන ඉන්න පිරිසක් මට වචනයක් වරදින තුරු බලා ඉන්න බවත් මම දන්නවා.. අනික මම කවදාවත් කාටවත් වෛර කරන්න පන්න පන්නා පහර දෙන්න දඟලන කෙනෙක් ‍නෙවෙයි. මම දන්නවා අයහපත් දේ කරන අයට ඒ දේවල්වල විපාක එන බව. අද වනවිට සමහර අයගේ ජීවිතවල කඩාවැටීම් දැක්කම ඒ සත්‍යය ඔප්පු වෙනවා. ඒ හින්දයි මට මඩ ගසනවා පෙනි පෙනීත්  මම මේ විදියට නිහඬව සිටින්නේ. 
 
මඩ ප්‍රහාර එල්ලවන විට ඊට නිහඬව සිටීමෙන් එල්ලවන චෝදනා සත්‍යය බව මිනිසුන් හිතන්න ඉඩ තියෙනවා නේද .. ? 
මම ඒවා ප්‍රශ්න බවට පත් කරගන්නේ නැහැ.. 
 
සහන්ගේ ලිංගික ජීවිතයට පවා චෝදනා එල්ලවන විටත් ඔය විදියට නිහඬව සිටීම සුදුසුද .. ?
ඒ චෝදනා දැකලා ඇයි මම බයවෙන්නේ .. ඇයි මම කලබල වෙන්නේ .. මම නිදොස්නම් බයවෙන්නවත් කලබල වෙන්නවත් අවශ්‍ය නැහැ.. මගේ ලිංගික ජීවිතය මගේ හිටපු බිරිඳ දන්නවා. මට ඊට එහා ඕවාට උත්තර බඳින්න ඕන නැහැ.. බල්ලෙක් බිරුවාට කන්දක් පාත්වෙන්නේ නැහැනේ .. 
 
කොහොමද අද දවස .. ?
“වොයිස් ඔෆ් ඒෂියා” මාධ්‍ය ජාලයේ සභාපති “රොෂාන්ත කාරියප්පෙරුම” මහතා සහ “සියත” නාලිකාවේ වැඩසටහන් 
අධ්‍යක්ෂ කැළුම් පාලිත මහීරත්න මහතාව මම මේ අවස්ථාවේ ගෞරවයෙන් සිහිපත් කරනවා. කැළුම් පාලිත මහීරත්න මහතා සමග කටයුතු කිරීම ජීවිතයට අත්දැකීම් ගොඩක් එකතු කරනවා. ඉස්සර මාව කපන්න පිරිසක් බලා හිටියාට දැන් මට උදව් කරන්න ගොඩක් අය ඉන්නවා. ජීවිතයේ හැම පැත්තක්ම වසරක් තුළ සාර්ථක වුණා. හරියටම පහුගිය අවුරුද්දේ මේ කාලයේ තමයි මගේ ජීවිතයේ අර්බුද මතුවුණේ මැයි 27 වැනිදා  පුතාගේ 4 වැනි උපන්දිනය උදාවුණා. එදා මම පුතාගේ උපන්දිනය වත්තල පෙගාසස් රීෆ් හෝටලයේදී ඉහළින්ම සැමරුවේ ඒ හින්දයි.
 
හැම අතින්ම ජීවිතය සම්පූර්ණ වෙන්න නම් ජීවිතයට ආදරය ලැබෙන්නත් ඕන නේද .. ?
ආදරයේ නම් අඩුවක් නැහැ.. මම තනිකඩ වුණා කියල දැන ගත්තට පස්සේ දැන් මට දිගට හරහට ආදර යෝජනා ගලාගෙන එනවා. මගේ වටිනාකම මටත් දැනෙන්නේ ඒ විදියට යෝජනා එන්න පටන්ගත්තට පස්සේ .. 
 
ඒ විදියට යෝජනා ගලාගෙන එද්දී සහන්ට එය කරදරයක් විදියට දැනෙනවාද නැත්නම් ආදර හැඟීම් හිතට එනවාද .. ?
හුදකලාව ජීවත්වෙන්න අපි කාටවත් බැහැ.. ජීවිතයට ආදරය අවශ්‍යයි. හැමදේම බෙදාගන්න කෙනෙක් ඕන. ඒක මනුෂ්‍ය ස්වභාවය. මමත් සාමාන්‍ය මනුෂ්‍යයෙක්... මටත් ආදරයක අවශ්‍යතාවය දැනුණේ නැත්නම් තමයි පුදුමේ ...
 
එහෙනම් දැන් සහන්ගේ හිතත් ආදරයක් ළඟ නැවතිලා.. 
දැනට නම්  මගේ ආදරය මගේ පුතා විතරයි .. 
 
ඉදිරියේදී ඒ ආදරය තවත් කෙනෙකුට බෙදිල යයිද .. ?
ඉදිරිය ගැන දැන්ම කියන්නේ කොහොමද .. ?
 
ආරියවංශ කුලතිලක

හෙට අනිද්දා හා ඉන්අනිද්දා දිවයිනේ ඇතැම් ප්‍රදේශ වලට අධික වර්ෂා තත්වයක් ඇතිවන බව කාලගුණ විද්‍යා දෙපාර්තමේන්තුව නිවේදනය කර ඇත.  එබැවින් ඉන් ඇති විය හැකි ගංවතුර, නායයෑම් සහ වෙනත් හදිසි අවස්ථාවන් සඳහා පෙර සූදානමින් සිටීය යුතුයි. යැයි ආපදා කළමනාකරණ අමාත්‍ය අනුර පි‍්‍රයදර්ශන යාපා මහතා ද රත්නපුරදී ප්‍රකාශ කර තිබේ.

ආපදාවන් වළක්වා ගැනීමට තරම් සාර්ථක පෙර ආපදා පියවර ගැනීම ඉතාම අසීරුය‍. එහෙත් ආපදා අවස්ථා වලදී ජීවිත ආරක්ෂා වූ ජනතාවට මුහුණ පෑමට සිදුවන විවිධ ගැටලු පිළිබඳ සළකා බැලීමෙන් පසු, ඒ ඒ අවස්ථා වලට මුහුණ දීම පහසු කරවීම උදෙසා ගත යුතු පියවර රැසක් මේ වන විට හඳුනාගෙන තිබේ. 

මහා ආපදාවකට පසුව තනි තනිව හෝ පවුල් පිටින් බොහෝ අය අතරමංවීම ආපදාවේ ප්‍රබලතාවය මත රඳා පවතී. ආපදාවට ලක්වූ බොහෝ දෙනෙක් බාහිර ආධාරයක් ලැබෙන තෙක් හුදෙකලා වන්නේ ගංවතුර මධ්‍යයේ, ගංවතුරට හසුවූ නිවසක් තුළ, කදුගැටයක් මත, ගසක් මත හෝ සමහරවිට උදව්කරුවකුගේ නිවසක් තුළය. විදුලි බල, ජල සහ දුරකථන පහසුකම් අඩාල වීම, බැංකු, තැපැල්හල්, වෙළඳසල් සහ සමහරවිට ආරෝග්‍යශාලා පවා වැසීයාම, ගමන් බිමන් පහසුකම් නොමැතිවීම වැනි කරුණු නිසා දින 2 - 3 ක් හෝ සමහරවිට ඊටත් වඩා දිගු කාලයක් හුදෙකලා වීමට සමහරුන්ට සිදුවේ.  එවන් ජනතාව පිළිබඳ සළකා ආපදාවකදී හුදෙකලා වූ විටෙක බාහිර උපකාරයක් ලැබෙන තෙක් ජීවිතය රැකගැනීම සඳහා අත්‍යාවශ්‍ය වන ද්‍රව්‍ය ලැයිස්තුව හඳුන්වාදී ජනතාව දැනුවත් කොට ඇත. එය 'ආපදා කට්ටලය'  (Disaster kit) හෝ 'ආපදා සහන කට්ටලය' (Disaster Survival Kit) ලෙස හඳුන්වනු ලැබේ.

ආපදාවකට ගොදුරුවේ යයි බලාපොරොත්තුවන සියලු දෙනා විසින් සැලකිලිමත්වී අවස්ථාවට මුහුණ  දීම පිණිස තමන් සතු කරගත යුතු අත්‍යවශ්‍ය භාණ්ඩ තීරණය කිරීම තමන් සතු වගකීමකි. තමන් මුහුණ දෙන අපදාව අනුව ඒ ඒ ද්‍රව්‍ය සහ උපකරණවල ඇති වැදගත්කම කුමක්ද යන්න වටහා ගැනීම අපහසු කරුණක් නොවේ.

වෛද්‍ය උපදෙස් මත ලබාගත යුතු අත්‍යාවශ්‍ය බෙහෙත්, වේදනානාශක, ප්ලාස්ටර් ආදිය සහිත ප්‍රථමාධාර බේත් හේත් ද්‍රව්‍ය, නිවැසියන්ට දින 2 - 3 ක් ජීවිතය ගෙනයාම සඳහා සෑහෙන තරම් වියළි ආහාර බිස්කට්, රෝස්පාන් සහ විශේෂයෙන්ම ළදරුවන් සහ වැඩිහිටියන් සඳහා අවශ්‍ය කිරිපිටි ආදිය මේ සඳහා උදාහරණ වේ.

ඉතාම අත්‍යාවශ්‍ය වියහියදම් සඳහා වන මුදල් ප්‍රමාණයක්, වියළි කෝෂ (බැටරි) බලයෙන් ක්‍රියාකරන කුඩා ගුවන් විදුලි (රේඩියෝ) යන්ත්‍රයක් (ආපදා කළමණාකරන නිවේදන වලට සවන් දීමට)

වියළි කෝෂ බලයෙන් ක්‍රියාකරන විදුලි පන්දමක්, ගිනිපෙට්ටි සහ ඉටිපන්දම්, බෝතල් කළ පානීය ජලය හෝ අවශ්‍ය නම් වෙනත් බීම විශේෂයෙන්ම ළදරුවන් සහ වයෝවෘද්ධ සාමාජිකයන් සඳහා උණුසුම් ඇඳුම් පැළඳුම් ඉක්මනින් පිළියෙල කළ හැකි ටින් කළ ආහාර, බෝතල් අරිනයක් (Bottle Opener) ටින් කපනය (Tin Cutter) සහ හැඳි කිහිපයක්,  ළඳරුවන් සඳහා කිරි/වතුර පොවන බෝතලය සහ කුඩා කෝප්ප ඉතා වැදගත්යයි සිතන පුද්ගලයින්ගේ සහ ආයතනවල දුරකථන අංක

පවුලේ සාමාජිකයන් අතරමංවූ අවස්ථවකදී පරිහරණය කිරීමට ඉතාම අත්‍යවශ්‍යයයි තීරණය කළ හැකි ද්‍රව්‍ය හෝ උපකරණ ඉහත ලැයිස්තුවට එකතුකර ගැනීමේ අයිතිය අප හැම සතුය.

අපගේ එදිනෙදා කටයුතු පිළිබඳව සැලකීමේදී මහා ආපදාවකට ලක්වූ අවස්ථාවලදී සමහර වැදගත් ලියකියවිලි විනාශවීම සහ අස්ථානගතවීම තවත් ප්‍රධාන ගැටලුවක් බව අවබෝධ කරගනිමු. එනම් අපගේ කටයුතුවලට අත්‍යවශ්‍ය වන ජාතික හැඳුනුම්පත්, උප්පැන්න සහතික, අධ්‍යාපනික සහ වෙනත් සහතික, පාස් පෝට්, බැංකු ගිණුම් පොත්, ස්ථාවර තැන්පතු සහතික, ඉඩම් සහ නිවාසවල ඔප්පු, පත්වීම් ලිපි, වෛද්‍ය සහතික සහ වෛද්‍ය වාර්ථා, ඉතා වැදගත්වන දුරකථන අංක ලැයිස්තු, වටිනා ආභරණ ආදිය එවන් වැදගත් ලියකියවිලි සහ ද්‍රව්‍ය කිහිපයකි. එවන් වැදගත් ලියකියවිලිවල මුල් පිටපත්වල ආරක්ෂාව සඳහා ගතහැකි පියවර පිළිබඳව කල්තියාම පියවර ගෙන තිබීමෙන් ආපදා අවස්ථාවකදී මෙන්ම ඊට පසුව අපගේ කටයුතු පහසුවන බව පැහැදිලිය. සමහර විදේශ රටවල්වල ජනතාව දැනුවත් කර ඇති පරිදි එවන් ලියකියවිලි ජලය කාන්දු නොවන පරිදි අසුරණයක බහා නිවසේ ඉතාම ආරක්ෂක ස්ථානයක තැබීම හෝ ආපදාවකදී විනාශ නොවේයයි සිතන ශක්තිමත් ස්ථානයක (කොන්ක්‍රීට් කණු හෝ බාල්ක වැනි) ගැට ගසා තැබීම යෝග්‍ය වේ.

මෙහිදී අප විසින් ගතහැකි තවත් පියවරක් වනුයේ, අදාළ ලියකියවිලි වල අංක, නිකුත් කළ දින ආදී වැදගත් දත්ත සටහන් කරන ලද ලියවිල්ලක් නිවසේ සාමාජිකයන් සතුව තබාගැනීමයි. නිවැසියන් සැමගේම අදාළ විස්තර සහිතව ලියවිල්ලක් සකස් කර තබාගැනීම ආපදාවකදී පමණක් නොව, ඕනෑම කටයුත්තකදී ඉතා ප්‍රයෝජනවත් වෙනු නොඅනුමානයි. ආපදාවකට ලක්වී විනාශ වූ සහ අස්ථානගතවූ වැදගත් ලියකියවිලි යළිත් ලබාගැනීමේදී ඒවායේ විස්තර සහිත ලියවිල්ලක් ඉතාම විශාල උපකාරයක් වනු ඇත.

හිටපු කාලගුණ විද්‍යා අධ්‍යක්ෂ කාලගුණ විද්‍යාඥ කේ.ආර්.අභයසිංහ 

 

ග්‍රේෂන් ආනන්ද කියන්නේ ලංකාවේ ගීත කලාව තුළ කැපී පෙනෙන භූමිකාවකට පණ පෙවූ සංගීතඥයෙක්. චිත්‍රපට පසුබිම් ගීත ගායනයෙහිලා ඔහු දැක්වූ දායකත්වයත් අමතක කරන්න බැහැ. ග්‍රේෂන් ආනන්ද මහතාගේ අභාවයෙන් පසුව හැමෝම දැන හඳුනාගත් ඔහුගේ පුත් මාරියෝ ආනන්දත් අද වන විට ජනප්‍රිය චරිතක්. කොහොම නමුත් අදටත් මාරියෝගෙන් ග්‍රේෂන් ආනන්ද කියන ගායන ශිල්පියාව බල‍පොරොත්තුවන පිරිසකුත් ඉන්නවා. එවැනි හේතූන් නිසා අද තමන්ට මුහුණදීමට සිදුව තිබෙන ප්‍රශ්නයක් ගැනත් මෙම සංවාදයේදී මාරියෝ අප සමග හෙළි කළා. 
 
ඔබේ පියාගේ අභාවයෙන් පසුවයි බොහෝ දෙනා ඔබව ගායන ශිල්පියෙකු විදිහට හඳුනාගත්තේ. නමුත් ඒ වෙනකොටත් ඔබ සංගීත ක්ෂේත්‍රයට පිවිසිලා ඉවරයි ?
ඔව් මම වයස අවුරුදු 15 දියි සංගීත කටයුතු පටන්ගත්තේ. තාත්තා අවසන් වරට ගැයූ කොවුලා කොහෙදෝ කියන ගීතය සංගීතවත් කළේත් මමයි.
 
අද වන විටත් ඔබව ජනතාව හඳුනන්නේ ඔබේ පියා ලබා තිබූ ජනතා ප්‍රසාදය නිසා යැයි කීවොත් නිවැරදියි නේද?
තාත්තා නිසා මගේ ජීවිතයට ලැබුණු ආලෝකය කවදාවත් අමතක කරන්න බැහැ. හැබැයි ග්‍රේෂන් ආනන්දගේ පුතාවීම නිසාම අද වෙද්දී ක්ෂේත්‍රය ඇතුළේ මාව කොටු කිරීමක් සහ කොන්කිරීමක් සිද්ධ වෙනවා.
 
මොන හේතුවක් නිසාද එහෙම වෙන්නේ ?
මම හැමදාමත් තාත්තාගේ ගීත ගායනා කරමින් ඉන්නවා දකින්න තමයි හුඟක් කැමති. මාරියෝ ආනන්ද විදිහට මට මගේම කියලා මාර්ගයක යන්න ඒ අය ඉඩ දෙන්නේ නැහැ. බොහොම ටික දෙනෙක් තමයි මගේම නිර්මාණ කරන්න කියලා මාව දිරිමත් කරන්නේ. ප්‍රසංගවලදී වුණත් තාත්තාගේ හැමදාම ගායනා කරන ගීත ගායනා කරන්න වෙන විදිහට තමයි මාව කොටු කරලා තියෙන්නේ.
 
කවුද ඔබට ඔබේ අනන්‍යතාවයක් හදාගන්න ඉඩ නොදෙන්නේ ?
සංගීත ක්ෂේත්‍රයේ සිටින අයගේ කුහකකම නිසා තමයි, එවැනි දේවල්වලට මට මුහුණ දෙන්න සිදුවෙලා තියෙන්නේ. මම මේ හැමෝටම චෝදනා කරනවා ‍නෙවෙයි. නමුත් බහුතරයක් දෙනාගේ ක්‍රියාකලාපය ඔය විදිහයි. කොහොමටත් මම කෙළින් කතා කරන නිසා හුඟක් අය මට කැමති නැහැ.
 
අද වෙනකොට ඔබේම ගීත ඔබ සතුව තිබෙනවාද?
මම මගේම සිංහල ගීත රැසක් ගායනා කරලා තියෙනවා. නමුත් මට අතපය දිගහැරලා මුදල් වියදම් කරන්න බැරි නිසා ඒවා ජනතාව අතරට ගෙනියන්න බැරි වුණා. 
 
ඒ කාරණය තව ටිකක් පැහැදිලි කළොත් ?
මට මුදල් වියදම් කරලා ඒවාට විෂුවල් හදලා එළිදක්වන්න පුළුවන්කමක් තිබුණේ නැහැ. අනික විවිධ හේතූන් නිසා ක්ෂේත්‍රයේ සමහරු මාත් එක්ක තරහයි.  තාත්තාගේ ගීත රී මේක් කරන්න ඒ කා‍ලේ අවසර නොදීම වැනි හේතු නිසා ගීත එළිදැක්වීමේදී මට විවිධ බාධක එනවා. අනික අද හැම දෙයක් වගේම සංගීත ක්ෂේත්‍රයත් මුදලට යට වෙලයි තියෙන්නේ. 
 
යහමින් මුදල් උපයන ගායක ගායිකාවෝ අද නැතිවා නොවෙයි. මුදල් ටිකක් උපයා ගත්තා නම් ඔබට තියෙන මේ ගැටලුවත් මගහැරිලා යාවි නේද?
එහෙම ආසාවක් මට නැහැ. අනික මුදල් දීලා මගේ ගීත මාකට් කරන්නත් මම කැමති නැහැ. සල්ලි හම්බ කරනවා නම් මට වයස අවුරුදු 19 දී කිසිම අමාරුවක් නැතුව ලක්ෂ ගණනින් හම්බ කරන්න තිබුණා. මොකද තාත්තාගේ අභාවයෙන් පස්සේ මට ගීත ගායනා කරන්න පුළුවන්ද බැරිද කියලාවත් නොදැන සමහරු තාත්තාගේ ගීත වෙන අය ලවා රීමේක් කරන්න ලක්ෂ ගණන් මුදල් දෙන ‍පොරොන්දුව පිට මාව හොයාගෙන ආවා. මගේ ප්‍රතිපත්ති අනුව ම ඒ යෝජනාවලට කැමැති වුණේ නැහැ. හැබැයි අද වෙද්දී ප්‍රසංගවලින් අඩුවෙන්ම මුදල් හම්බකරගන්නා ගායකයා මම වෙන්න ඇති.
 
සංගීත ක්‍ෂේත්‍රයේ ඔබටම ආවේණික ගමනක් යෑමද ඔබේ බලා‍පොරොත්තුව?
මට උපතින්ම ලැබුණු හැකියාවක් තියෙනවා. ඒ හැකියාවත් තියාගෙන හැමදාම තාත්තාගේ ගීතවලින් යැපෙන එක ලැජ්ජා නැති වැඩක් විදිහටයි මම දකින්නේ. මම දැන් වැඩිපුර මගේම ඉංග්‍රීසි ගීත ගායනා කරන්නයි යොමු වෙලා ඉන්නේ. ඒ ගීතවලට දැනටමත් හොඳ ප්‍රතිචාර ලැබෙමින් පවතිනවා. හැබැයි මට ඒ විදියේ හැකියාවන් තියෙනවා කියලා හුඟක් අය තවම දන්නේ නැහැ.
 
තාත්තාගේ සමකාලීනයන්ගෙන් වත් ඔබට සහයෝගයක් ලැබුණේ නැද්ද?
මට කාගෙන්වත් උදව් උපකාර අවශ්‍ය නැහැ. මේ යන ගමනට බාධා නොකර ඉන්න කියලයි මම හැමෝගෙන්ම ඉල්ලා සිටින්නේ. අද වෙද්දී ලොකු චෝදනාවක් තියෙනවා නවක ගායක ගායිකාවෝ හොඳ නිර්මාණ බිහි කරන්නේ නෑ කියලා. මම දකින විදිහට නම් දක්ෂයෝ ඕනෑතරම් සැඟවිලා ඉන්නවා. හැබැයි අතපය විසි කරලා මුදල් වියදම් කරන්න පුළුවන් අය තමයි අද ගායක ගායිකාවෝ විදිහට මතු වෙන්නේ. මුදල් වියදම් කරන්න බැරි අයට තැනක් නැහැ.
 
මේ විදියේ ගැටලුත් එක්ක මාරියෝ කොහොමද අනාගතයට මුහුණ දෙන්නේ ?
මේ යන විදිහට නම් මට හොඳ අනාගතයක් තියේවි කියලා. මට හිතෙන්නේ නැහැ. සමහර විට මට කවදාහරි හිඟාකන්න පවා සිද්ධ වේවි. මම මේ විදියේ නිර්මාණ කරලා තියෙනවා කියලා ජනතාව දැනගන්නේ මම මිය ගියාට පස්සේ වෙන්නත් පුළුවන්. ඊට කලින් මාරියෝ ආනන්ද කියන්නේ මේ විදියේ නිර්මාණකරුවෙක් කියලා ජනතාවට හඳුනාගන්න ලැබුණොත් නම් ලොකු දෙයක්.
 
කිෂාන් කනංකෙ

90 දශකයේදී සංගීත ක්ෂේත්‍රයට පිවිස ගීතලෝලීන්ගේ සිහින කුමාරයකු බවට පත් වු ප්‍රින්ස් උදය ප්‍රියන්ත පසුගියදා  සදහටම අපෙන් සමුගත්තා. ප්‍රින්ස් කලක් තිස්සේ රෝගාතුරවෙලයි හිටියේ. ප්‍රින්ස් රෝගී වූ මුල් කාලයේ සිටම අප ඔහු සමග හිඳිමින් ඔහුගේ රෝගී තත්ත්වය ගැන පාඨකයන් දැනුම්වත් කළා. ඔහු වෙනුවෙන් උදව් උපකාර කළහැකි ආකාරය ගැන තොරතුරු ගෙන ආවා. කොහොම නමුත් ප්‍රින්ස් අද අප අතර නැතත්, ඔහු වෙනුවෙන් අපට කළහැකි මාධ්‍ය මෙහෙවර අවසන් නැහැ කියලයි අපට හිතෙන්නේ. ඒ නිසයි හැමදාමත් ප්‍රින්ස් සමග සිටි ඔහුගේ සොහොයුරිය වන ශිරෝනි ප්‍රියංගිකා මෙලෙස කතාබහට එක්කර ගැනීමට අප තීරණය කළේ.
 
ප්‍රින්ස් තවත් කාලයක් ජීවත්වේවි කියලා හැමෝම බලා‍පොරොත්තු වුණා. නමුත්, අද වෙද්දී ඔහු අප අතර නැහැ..?
ඔව්. මම මට පුළුවන් හැම දෙයක්ම මගේ අයියා වෙනුවෙන් කළා. ඒත් මේ වතාවේ ඔහුව බේරාගන්න මට බැරි වුණා.
 
අවසන් දින කිහිපය ඔහු මොන විදිහටද ගත කළේ..?
අසනීපවෙලා දින 10ක් අයියා රෝහල්ගතවෙලා හිටියා. එයින් එක දවසක් විතරයි ඔහු වාට්ටුවේ හිටියේ. ඊට පස්සේ හුස්ම ගැනීමේ අපහසුතාවය නිසා අයියාව දැඩි සත්කාර ඒකකයට ඇතුළත් කළා. ඒ වෙනකොට ඔහුට සිහි කල්පනාවක් තිබුණේ නැහැ.
 
ප්‍රින්ස් බොහෝ කාලයක් රෝගාතුර වී සිටියා නේද..?
අයියා අවුරුදු 2ක පමණ කාලයක් අසනීපවෙලා හිටියා. මේ වතාවේ නම් වයිරස් උණ වැළඳුණු නිසයි අයියාගේ රෝගය උත්සන්න වුණේ. මොකද, අයියාගේ ඇඟේ ප්‍රතිශක්තිය ඉතාම අඩුවෙනුයි තිබුණේ.
 
ප්‍රින්ස්ගේ ප්‍රතිකාර සඳහා තවමත් මුදල් ගෙවා අවසන් නැති බව කියන්නේ ඇත්තද..?
අයියාගේ ප්‍රතිකාර වෙනුවෙන් රෝහ‍ලේ ලක්ෂ 25ක බිලක් තිබුණා. මට ඒ බිල ගෙවා දමන්න මුදල් තිබුණේ නැහැ. අන්තිමේදී බිල ගෙවන්න මාසයක් කල් ඉල්ලාගෙනයි අයියාගේ දේහය නිදහස් කර ගත්තේ. නමුත් ඒ ගැන රෝහලට කිසිදු වරදක් කියන්න බැහැ. රෝහල මීට කලින් 7-8 වතාවක් අයියාව ගොඩ දැම්මා. අයියා වෙනුවෙන් රෝහ‍ලේ කාර්ය මණ්ඩලය පුළුවන් හැම දෙයක්ම කළා. වෛද්‍ය චන්දිම ද මෙල්, වරුසවිතාන යන මහත්වරු ඇතුළු බොහෝ දෙනා අයියා වෙනුවෙන් ගොඩක් උදව් කළා. බිල ගෙවන්න ඕනෑම කාලයක් ගන්න කියලා රෝහලෙන් දැනුම් දුන්නත් මම තමයි මාසයක් තුළ එය ගෙවා දමන්න ‍පොරොන්දු වුණේ. මේ අවස්ථාවේ ඒ සඳහා යම් උපකාරයක් කරන්න කැමැති අයට 0769111838 දුරකථන අංකයට  අමතලා විස්තර දැනගන්න පුළුවන්.
 
ගතවූ වසර 2 තුළ ප්‍රින්ස්ගේ ප්‍රතිකාර වෙනුවෙන් විශාල මුදලක් වැය කරන්න සිදුවුණා නේද..?
ඔව්, අයියා වෙනුවෙන් අපේ මහ ගෙදර උකස් කළා. මම ජීවත්ව සිටින නිවස, අයියාගේ වාහනය වැනි දේ‍පොළත් උකස් කළා. තවත් ඉඩකඩම් ආදිය විකුණලා මුදල් හොයාගත්තා. අවසානයේ මම ණයකාරියක් වුණා. නමුත් මට ඒ ගැන කනගාටුවක් නැහැ.
 
ප්‍රින්ස් අසනීප වී සිටින කා‍ලේ ඔහුගේ ගීතවලින් මුදල් හරිහම්බකරගත් ගායකයන්ද සිටියා කියන්නේ ඇත්තද..?
ඒ ගැන මට විශේෂයෙන් කිවයුතු දෙයක් තියෙනවා. නව පරපුරේ එක්තරා ගායන ශිල්පියෙක් දිගින් දිගටම අයියාගේ ගීත වේදිකාවේ ගායනා කරලා මුදල් හම්බකර ගන්නවා. 
අයියාගේ “විජිතයෙ ආදරයේ” ගීතය තමයි ඔහු වැඩිපුර ගායනා කරන්නේ. අදටත් මේ ගීතය යූටියුබ්වල සෙව්වොත් මේ ගායකයා ප්‍රසංගවලදී ඒ ගීතය ගායනා කරපු හැටි දැකගන්න පුළුවන්. ඒ ගීතයේ අයිතිය මුදලට ගන්න වෙනත් කෙනෙක් කැමැති වෙලා තිබුණා. හැබැයි මේ ගායකයා දිගින් දිගටම එය ගායනා කරන නිසා ඔහු එහි අයිතිය ලබාගන්න කැමැති වුණේ නැහැ. මේ නිසා ප්‍රින්ස් උදය ප්‍රියන්ත පදනම මෙම නවක ගායකයාගෙන් ඇහුවා ඒ ගීතය මිලදී ගන්න කැමැතිද කියලා. නමුත් ඔහු ඒක ප්‍රතික්ෂේප කළා. බිලා මැරෙන්න යන ගායකයකුගේ ගීත ගායනා කරනවා කියලා මිනිස්සු තමන්ට බණිනවා කියලත් ඔහු කියලා තිබුණා. මේ ගායකයා අයියගේ මළ ගෙදරටවත් ආවේ නැහැ. ඔහුට යුතුකමක් තිබුණා ඔහු ඒ ගීතය ගයලා උපයන මුදලක් අසරණ වෙලා හිටපු මගේ අයියා වෙනුවෙන් දෙන්න. නමුත් අයියා මිය යන තුරුම ඔහු එවැනි දෙයක් කළේ නැහැ.
 
ප්‍රින්ස් අද ජීවතුන් අතර නැහැ. මේ විදිහට ගියොත් ඉදිරි කාලයේදීත් ඔහුගේ ගීත සම්බන්ධයෙන් මීටත් වඩා ගැටලු ඇති වේවි නේද..?
මෙච්චර කාලයක් අයියාගේ අසනීපය නිසා මේ අසාධාරණකම්වලට එරෙහිව මට කිසිවක් කරන්න බැරි වුණා. නමුත් දැන් මම නිහඬව ඉන්නේ නැහැ. “විජිතයෙ ආදරයේ” කියන්නේ රූකාන්ත ගුණතිලක මහතා පද රචනා කරලා සංගීතවත් කරපු ගීතයක්. රූකාන්ත මහතා මේ කාරණයේදී අප සමග ඉන්නා බව මම දන්නවා. අයියාගේ අයිතිය වෙනුවෙන් මා වටාත් විශාල පිරිසක් ඉන්නවා. ඒ නිසා අයියාගේ ගීතය තමන්ගේ කරගෙන ගායනා කරන මේ නවක ගායකයාට එරෙහිව ඉදිරි කාලයේදී නීතිමය ක්‍රියාමාර්ග ගැනීමටයි මම හිතාගෙන ඉන්නේ.
 
ප්‍රින්ස්ගේ ප්‍රතිකාර වෙනුවෙන් ඔහුගේ ගීත දෙකක් විකුණා දැමීමට තීරණය කළ බව ඔබ මීට පෙර ප්‍රකාශ කළා. ඒ ගීතවලට මොකද වුණේ..?
ගීත දෙක කවුරුවත් මිලදී ගත්තේ නැහැ. කොහොමටත් දැන් අයියාගේ ගීතවල අයිතිය අන්සතු නොකරන්නයි මම හිතාගෙන ඉන්නේ. කොහොම නමුත් තවමත් ඒ ගැන අවසන් තීරණයක් අරගෙන නැහැ. 
 
කිෂාන් කනංකෙ

Drop Catch Dayasiri
ශ්‍රී ලංකාවේ තාමත් භාවිතා කරන්නේ 1960 ගණන්වල ව්‍යායාම බවත්, බඩට කරවන ව්‍යායාම තවමත් 75-80 කාලවල කළ ඒවා බවත් ව්‍යායාම ලෝකයේ සිදුවී තිබෙන වෙනස්කම් පුහුණුකරුවන් නොදන්නා බවත් ක්‍රීඩා ඇමැති දයාසිරි ජයසේකර මහතා පවසයි.
ක්‍රීඩා ඇමැතිවරයා මෙම අදහස් පළ කළේ ක්‍රීඩා විද්‍යා ආයතනය මගින් පැවැත් වූ පාඨමාලා සාර්ථකව නිම කළ ශිෂ්‍ය ශිෂ්‍යාවන් වෙත සහතික පත්‍ර ප්‍රදානය කිරීමේ උළෙලට එක්වෙමිනි.
“ක්‍රීඩා අභ්‍යාස සහ පුහුණුවීම් ක්‍රමවේද දවස ගාණේ වෙනස් වෙනවා. ලංකාවේ ඉහළම මට්ටමේ පුහුණුකරුවන් සිටින්නේ තුන් හතර දෙනයි. ඒ අය හැර වෙනත් කාටවත් මෙතන්ට එන්න හම්බවෙන්නෙත් නෑ. එන්න දෙන්නෙත් නෑ. ඒක තමයි ඇත්ත තත්ත්වය. දැන් අපි හිතන්න ඕන මේ තුන් හතර දෙනාගෙන් ලංකාවට අවශ්‍ය පුහුණු කිරීම් සිදුකරගන්නවාද නැත්නම් විවිධ ක්‍ෂේත්‍රවලින් තවත් පුහුණුකරුවන් ඇති කරගන්නවාද කියන එක.


ලංකාවේ ක්‍රීඩාව ඇද වැටීමට ඇති පළවෙනි හේතුව තමයි පුහුණුකරුගේ ඇති ආත්මාර්ථකාමීත්වය. දෙක පුහුණුකරුවන් ලෙස විශාල පිරිසකට මෙම ක්‍ෂේත්‍රයට ඒමට තිබෙන ඉඩ අහුරා තිබිම. තුන පුහුණුකරුවන් ලෙස ලැබිය යුතු පුහුණුව හා අධ්‍යාපනය නොමැතිව ක්‍රීඩකයන්ව පුහුණු කිරීම. ක්‍රීඩාවේ සිටි කෙනෙක් ලෙස මම දන්නවා තාමත් අපි භාවිතා කරන්නේ 1960 ගණන්වල භාවිතා කළ ක්‍රමවේදමයි. බඩට කරවන ව්‍යායාම තාමත් 1975, 80 කා‍ලේ කරපුවා” යැයි ක්‍රීඩා ඇමැතිවරයා පැවැසීය


“ක්‍රිකට්වල නම් ජාතික කණ්ඩායමට පැමිණි පසුවයි ශක්ති වර්ධන ව්‍යායාම කරන්න මහන්සි වෙන්නේ. නමුත් එතකොට සම්පූර්ණ ශරීරය වෙනත් පැත්තකට හැරිලා ඉවරයි. ලංකා කණ්ඩායමට ඇවිල්ලා දිගටම ඒ අභ්‍යාස කරන විට සිදු වෙන්නේ 50 ගහන කොට කකුල අල්ලගෙන ඉඳගන්න සිද්ධ වෙන එක. 25ක් ගහන කොට දුවාගන්න බෑ. මෙච්චර කල් ක්‍රිකට්වල තිබුණා ක්‍රීඩකයෙක්ගේ කකු‍ලේ ආබාධයක් ඇති වුණාම ඒ වෙනුවට දුවන්න කෙනෙක් ගන්න පුළුවන්කම. දැන් ඒකත් නතර කරලා තියෙන්නේ. ඒක හොඳයි. මොකද 50 ගහනකල් දුවන්න බැරිනම් එයා ගෙදර යන්න ඕන. එහෙම ෆිට්නස් නැත්නම් ස්ට්‍රේන්ත් නැත්නම් ක්‍රීඩා කරලා වැඩක් නෑ” යැයි ඇමැතිවරයා පවසයි.
ජාතික කණ්ඩායමට ආවට පස්සේ ඉන්න පිටරට පුහුණුකරුවෝ කියනවා අ‍පෝ මෙයාව දුවවන්න එපා. මෙයා අපිට ඉන්න හොඳ ප්‍ලේයර් කෙනෙක් කියලා.  මෙයාගේ මාංශ පේශියක් ගියොත් සෙල්ලම් කරන්න බැරි වෙනවා  කියනවා. ඉතිං ක්‍රීඩා කරන විට පේනවා ටී ෂර්ට් එකට උඩින් බඩ ඇවිල්ලා තියෙනවා. ලංකාවේ තරම් කැත මිනිස්සු ටිකක් ක්‍රිකට් ක්‍රීඩා කරන වෙන රටක් නෑ. කිහිප දෙනයි එහෙම නැතුව ෆිට්නස් ස්ට්‍රේන්ත් එක්ක ඉන්නේ. මේක කිව්වට පස්සේ මට කට්ටිය බනින්න පුළුවන්. කෙනෙක් කියලා තිබුණා කැච් අත ඇරුණා කියලා මැච් පරදින්නේ නැහැ කියලා. කැච් අත ඇරුණ නිසා තමයි මැච් පැරදුණේ. කැච් එක ගන්න ළඟට යනකොට බඩ වැඩිනම් කැච් එක අල්ලන්න අත යන්නේ නැහැ. ඊට පස්සේ කැච් එක අතඇරලා ඔළුවේ අතගහගෙන ඉන්නවා. මේක තමයි සිද්ධ වෙන්නේ. නමුත් අපේ කණ්ඩායමේ සියලු දෙනාව බාබාලා වගේ තමයි හදන්නේ. මම ඒ නිසයි කිව්වේ මේ අයව හමුදා කඳවුරකට යවලා මාස 6ක් විතර පුහුණු කිරීම් කරවන්න ඕන කියලා. නැත්නම් මේක හරියන වැඩක් ‍නෙවෙයි. 50 ගහන කොට කකුල අල්ලගෙන බිම ඉඳගන්නවා” යැයි ඇමැතිවරයා පැවැසීය.

Drop2


“ලංකාවේ හොඳ පුහුණුකරුවෝ පිරිසක් හදාගන්න පුළුවන් නම් ලංකාවේ හොඳ ක්‍රීඩකයෝ ටිකක් හදාගන්න පුළුවන්. ලංකාවේ ක්‍රීඩකයෝ නැත්තේ ලංකාවේ හොඳ පුහුණුකරුවෝ නැති නිසා. අපි මේ වනකොට ලංකාවේ පාසල් 6440කින් දරුවෝ තෝරලා පාසල් 316ක් තුළ ඔවුන්ට පුහුණු කිරීමේ මූලික වැඩපිළිවෙළ ක්‍රියාත්මක කර තිබෙනවා. 2028 දක්වා මේ පුහුණුවීම් සිදුවෙනවා. මම එනවිට පාසල් මට්ටමේ පුහුණුකරුවන් විශාල පිරිසක් සිටියා. අවුරුදු ගණනාවකින් කිසිම පුහුණුවක් නොලබපු. මම සජිත් ජයලාල් මහත්මයාට කිව්වා පළාතෙන් පළාතට ගොස් පළාත් අධ්‍යාපන අමාත්‍යාංශයත් සමග සාකච්ඡා කරලා මේ අයට අලුත් පුහුණු ක්‍රමවේද කියා දීලා පුහුණු කිරීමේ වැඩපිළිවෙළක් පටන්ගන්න කියලා. එතකොට අපිට මෙතනින් ඉස්සරහට යන්න පුළුවන්.
මේ වන විට මලල ක්‍රීඩා ක්‍ෂේත්‍රයේ පස්වන මට්ටමේ පුහුණුකරුවන් තුන් හතරදෙනයි සිටින්නේ. ඒ නිසා තමුන්නාන්සේලා අතරින් වැඩි පිරිසක් එතැනට යා යුතුයි. මෙය මෙතැනින් නතර වෙන දෙයක් ‍නෙවෙයි. අද චන්දික හතුරුසිංහට පුළුවන් වී තිබෙනවා බංග්ලාදේශයට ගිහින් බංග්ලාදේශ කණ්ඩායම ලොව හොඳ කණ්ඩායමක මට්ටමට ගෙන ඒමට. ඒ වගේම මතක තියා ගන්න තමන් ඔලිම්පික් ගියා, වර්ල්ඩ් කප් දිනුවා, එහෙම නැත්නම් ලෝකේ තියෙන හොඳම කණ්ඩායමේ ක්‍රීඩා කළා කියලා, නැත්නම් විකට් හාරසියයක්, අටසියයක් ගත්තා කියලා හොඳ පුහුණුකරුවෙක් වෙන්න බෑ. පුහුණුකරුවෙක් වෙන්න නම් ඔහු පුහුණුකරුවකු වීමට පුහුණු විය යුතුයි. චමින්ද වාස් කියන්නේ විකට් හාරසියයක් ගත්තු ලෝකේ ඉන්න හොඳම වේග පන්දු යවන්නෙක් ලෙස නම් දරපු ක්‍රීඩකයෙක්. මම ඔහුට කිව්වා පුහුණුකරුවෙකු ලෙස පුහුණුවන්න කියලා. අද චමින්ද වාස් ඉතාම දක්ෂ පුහුණුකරුවෙක් හැටියට විවිධ රටවල වැඩ කරන්නේ ඒ පුහුණුව ලබාගත් නිසයි. ඒ නිසා හිතන්න එපා තමන් ලොකු මෙඩ්ල් එකක් ගත්තා කියලා තමන්ට අනිත් අයව පුහුණුකරන්න පුළුවන් කියලා. එහෙම කරන්න බැහැ. එහෙම පදක්කම් නොගත් අය අද හොඳ පුහුණුකරුවන් වී තිබෙනවා. ඩේව් වට්මොර් ටෙස්ට් තරග 50ක් වත් ක්‍රීඩා කර නැහැ. නමුත් අද ඔහු ලොව සිටින දක්ෂ පුහුණුකරුවෙක්” යැයි ක්‍රීඩා ඇමැතිවරයා පවසයි.

ජනාධිපති මෛත්‍රීපාල සිරිසේන මහතාටත් රජයේ තවත් කිහිප දෙනෙකුටත් එරෙහිව කරන ලද හූනියමක් පිළිබඳ පුවතට මේ වන විට ජාතික මට්ටමේ ප්‍රසිද්ධියක් ලැබී තිබේ.  බොහෝ මාධ්‍ය මෙම පුවත විවිධාකාරයෙන් 'තළුමරනු' පෙනේ.

මෙම ‘හූනියම’ යනුවෙන් සඳහන් වනුයේ කැබිතිගොල්ලෑවේ සොහොන් බිමක තිබී හමුවූ කුඩා තඹ පතක් සහ තවත් ද්‍රව්‍ය කිහිපයක් පමණි. එවැනි ද්‍රව්‍ය කිහිපයක් දුටු සැනින් එය හූනියමක් ලෙස අර්ථ ගන්වන ලද්දේ කවුරුන් විසින්ද? මෙරට ජනමාධ්‍ය විසිනි. එසේ නොමැතිනම් එය කිසිවෙකුටත් කිසිදු වැදගැම්මකට නැති තඹ පතක් පමණි.

සාමාන්‍යයෙන් මානසික රෝගීන්, මානසික අර්බුද වලින් පෙළෙන්නවුන්, ගුප්ත ශාස්ත්‍රවල සරණ යන්න වුන් සේම සමාජය නොමඟ යැවීමට වෙරදරන කපටි කයිරාටිකයන් ද පුද්ගල වශයෙන් හෝ කණ්ඩායම් වශයෙන් මෙබඳු කටයුතු වල නියැලෙන බව නොරහසකි. එබඳු සිදුවීම් මීට පෙර අපි කොතෙකුත් අත්දැක ඇත්තෙමු. ‍

මෙය එක්තරා අන්තගාමී අදහසක් වුවද ‘ප්‍රවෘත්ති අහේනියෙන් පෙළෙන’ ජනමාධ්‍ය ආයතනයකට, මාධ්‍යවේදීයෙකුට වුවද මෙවැනි තඹ තහඩුවකින් ජාතියම ලොමු දැහැගැන්වෙන අන්දමේ ප්‍රවෘත්තියක් මවා ගැනීමට නොහැකියාවක් නැත. නමුත් මෙහිදී එවැන්නක් නම් සිදු නොවූ බව අපගේ පෞද්ගලික අදහසය.

ඒ කෙසේ හෝ අණවින හදිහූනීයම් ලොව පුරා හැඳින්වෙනුයේ කලු අභිචාර (Black Magic) යනුවෙනි. කලු අභිචාර වලින් මිනිසුන්ට විපත් පැමිණවීමට ඇති හැකියාවම ඊට ඉඳුරාම ප්‍රතිවිරුද්ධ සුදු අභිචාර (white Magic) ඔස්සේ මිනිසුන්ට යහපතක් කිරීමට යොදා ගත හැකි බව ලොව පුරා පොදු පිළිගැනීමකි.

ඒ අනුව මෙවැනි කලු අභිචාර ගණයේ හූනියමකට ජනාධිපතිවරයා බලයෙන් පහ කළ හැකිනම් එවැනි සුදු අභිචාර වලින් අලුතෙන් ජනාධිපතිවරයකු පත් කර ගැනීමට ද හැකි විය යුතුය.

මෙවැනි ගුප්ත විශ්වාස මගින් සමාජයේ ගාමක බලය මෙහෙයවෙන බව පිළිගැනෙනුයේ අප නොදියුණු යැයි සලකන ගෝත්‍රික සමාජයන් වල පමණි. එහෙත් පැය කිහිපයක් තුළ මුළු මහත් ජාතියේම අවධානය ‍යොමු කර ගැනීමට සේම ජනාධිපතිවරයාගෙන් පවා අදහසක් ලබා ගැනීමට තරම්  මෙම හූනියම ප්‍රබල වී නම් එමගින් අනියම් ලෙස පැවසෙනුයේ අප සමාජයෙහි මුල්බැස ගත් මෙවන් අන්ධ විශ්වාස ප්‍රජාතන්ත්‍රවාදය සහ ජනතා පරමාධිපත්‍යය ද ඉක්මවා ඉහළ තලයක වැජඹෙන බවය. මෙවන් තත්ත්වයක් තුළ ‘සංවර්ධනය’ පිළිබඳව තවදුරටත් විමසා බැලීම සිහිනෙන් දුටු ඉඩමක ඔප්පු පරීක්ෂා කිරීම සඳහා ඉඩම් කච්චේරියට යාමටත් වඩා විහිළු සහගත වැඩකි.

කිසියම් මානසික රෝගීයෙකු, අඥානයකු, කපටි කයිරාටියෙකු හෝ  එවැනි කිහිපදෙනෙකුගෙන් සමන්විත කණ්ඩායමක් විසින් මිනීවලක් මත තබන ලද කුඩා තඹ තහඩුවක් ජාතික මට්ටමේ කැළබීමකට මුල් වූයේ නම් ශ්‍රී ලංකීය ජනසමාජය විනාශ වීමට ඊට වඩා තවත් බරපතල ‘හූනියමක්’ අවශ්‍ය නොවන බව මගේ ඒකායන පිළිගැනීමයි.

මෙම සිද්ධිය මුල්කොට මගේ මතකයට නැගෙන භාරතීය සංස්කෘත සාහිත්‍යයෙහි එන එක්තරා රසවත් කතාවක් තිබේ.

ඒ මෙලෙසිනි.

අතීතයේ එක් රජ කෙනෙක් රාජ්‍යයේ තොරතුරු විමසීම පිණිස රහසින් වීදි සංචාරය කිරීම පුරුද්දක් වශයෙන්  සිදුකළේය. ඒ එක් ගමනක දී රජතුමා කුඩා දරුවන් වැලි බත් උයන තැනකට ගොස් ඔවුන් කරන කියන දේවල් කෙරෙහි විමසිල්ලෙන් පසුවිය. එහි දී එක් දරුවෙකු මෙතෙක් අසා නොපුරුදු අමුතුම වදනක් කියමින් කෑ ගසනු රජතුමාට ඇසිණ. තමන් මින් පෙර එවන් වදනක් අසා නොමැති බැවින් රජතුමා ඒ වචනය මතකයේ තබාගෙන අවුත් රාජසභාවේ පූරෝහිතයාට ඒ බව දැනුම් දුන්නේය.  ඒ එහි අරුත කුමක් දැයි දැනගැනීමය.  එහෙත් ඉන් පැහැදිළි අරුතක් පළ නොවූ බැවින්  ශබ්ද ශාස්ත්‍රානුකූලව ඒ වදන විමසුමට ලක් කළ පුරෝහිත බමුණා එම වචනය මහා ව්‍යසනකාරී එකක් බවත් එය උච්චාරණය කෙරෙන වාරයක් පාසා රාජ්‍යයට මහා විනාශයක් සිදුවන බව රජතුමාට දැනුම් දුන්නේය.

ඉන් පසු ඉන් මහත් සේ තැති ගත් රජතුමා ඒ පිළිබඳව තවදුරටත් විමසීම පිණිස වේදයෙහි පරප්‍රාප්ත බමුණු පිරිසකට භාර කළේය. ඒ සියළුම දෙනාගේ ද  පොදු නිගමනය වූයේ මෙය කිසියම් ශබ්ද ශාස්ත්‍රයේ නිපුන පඬිවරයකු විසින් රජතුමා සහ රාජ්‍යය විනාශ කිරීම පිණිස ගණ පිහිටුවා ප්‍රබන්ධය කරන ලද අතිශය ව්‍යසනකාරී වැකියක් බවය.  කෙසේ හෝ මේ තොරතුර බමුණන් වෙතින් සාමාන්‍ය ජනසමාජය අතරේද පැතිරයන්නට විය..

ඉන්පසු රටෙහි ඇතිවූ සියළු කාලගුණික, දේශගුණික ආදී විපර්යාස  පිළිබඳව පවා  ජනතාව සිතන ලද්දේ ඒ සියල්ල ඉහත සඳහන් ව්‍යසනකාරී වැකිය නිසා සිදුවන දේවල් ලෙසය. අවසානයේ එම ජාතික ව්‍යසනයෙන් රාජ්‍යය බේරා ගත හැකි එකම ක්‍රමය ලෙස බොහෝ දෙනෙකු දැක ඇත්තේ රජතුමා බලයෙන් පහකිරීමය. ඒ අනුව රහස් කුමන්ත්‍රණයක් මගින් බලයෙන් පහකෙරුණු රජතුමා අප්‍රකට දිවියකට මුල පිරීය.  ඉන්පසු දිනක ඉහත සඳහන් වීදිය ඔස්සේ ගමන්කරන රජතුමාට නැවතත් එම කෙළිබත් උයන දරු පිරිස  අහම්බෙන් මුණසුණි. එහි සිටි  එම වදන කියූ දරුවා වෙත පි‍විසි රජතුමා දරුවාට එම වදන උගන්වන ලද්දේ කවුරුන් විසින් දැයි විමසූ විට සෙසු දරුවෝ වහා ඉදිරිපත් වී එයට පිළිතුරු දෙන්නට වූහ.

“අපේ මේ මිත්‍රයාට හුඟක් වචන හරියට උච්චාරණය කරන්න බැහැ. ඒකත් ඔහුගේ ඒ නොහැකියාව මත ඔහුට පැටලුණු වචනයක් විතරයි. නමුත් මේ රටේ හිටපු මෝඩ රජා ඒක ඔලුවට අරගෙන රජකමත් නැතිකරගත්තා."

 ඒ අනුව වත්මන් ජනාධිපති මෛත්‍රීපාල සිරිසේන මහතාට ද කැබිතිගොල්ලෑවේ හූනියම මුල්කොට එවන් ඛේදවාචකයකට මුහුණදීමට සිදු නොවේවායි අපි එක සිතින් පතමු.

 

තිලක් සේනාසිංහ

IMAGE

හැමෝගෙන්ම බැණුම් අහන දෙවැනි ඉනිමේ ක්‍රිකට් කෝච්

IMAGE 2017 Jul 23 13:26
මේ දවස්වල “දෙවැනි ඉනිම” නරඹන ප්‍රේක්ෂකයන්ගෙන් වැඩිපුරම බැණුම් අහන්නේ කවුද කියලා ඇහුවොත්...
Views - 656

වෙසක් ‍පෝය අප්‍රේල් මාසයට ආවේ කොහොමද?

IMAGE 2017 Jul 23 10:23
පන්සල් සම්බන්ධයෙන් වර්තමාන ආණ්ඩුව මුහුණ දුන්නේ එතරම් සුබ කලදසාවක් නම් නොවේ. එසේ කියන්නේ,...
Views - 507

කලක් නිහඬව සිටි ‘ග්‍රීස් යකා’ යළි වැඩ පටන් අරන්?

IMAGE 2017 Jul 21 17:10
සති දෙකක කාලයක් තිස්සේ හංවැල්ල වල්පිට ප්‍රදේශයේ සැරි සැරූ ‘ග්‍රීස් ‍යකෙකු’ අල්ලා...
Views - 1103

කොළඹ නගරයේ යාචක සමීක්ෂණය සැක සහිතයි

IMAGE 2017 Jul 20 15:44
කොළඹ නගරයේ වෘත්තීමය යාචකයන් 4000 ක් සිටින බවටත් සැබෑ යාචකයන් සිටිනුයේ 660 ක් වන බවටත් මහනගර සහ...
Views - 1987

'කොණ්ඩදෙනියේ' නම විකුණන බොරු කාරයෝ (Video)

IMAGE 2017 Jul 20 14:54
කොණ්ඩදෙණියේ හාමුදුරුවන් නමින් ගුප්ත විද්‍යා කටයුතු පිළිබඳව මහත් ප්‍රසිද්ධියක් ඉසුලූ...
Views - 2527

ජයසේන මහතාට කලකට පසු හමුවූ 'දෙවන මනමාලයා'

IMAGE 2017 Jul 19 16:26
අද පෙරවරුවේ පානදුර නගර සභා ක්‍රිඩාංගණයේ පැවති "මතින් නිදහස් රටක්” ජාතික වැඩසටහනේ කළුතර...
Views - 4373

Please publish modules in offcanvas position.