Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

නියෝජ්‍ය අමාත්‍ය රන්ජන් රාමනායක මහතා දිවුලපිටිය එක්සත් ජාතික පක්‍ෂ ආසන සංවිධායක ධුරයෙන් ඉවත් කොට ඇත. ‍

මේ ඒ සම්බන්ධයෙන් ඔහු සමඟ ලක්බිම ඔන්ලයින් කළ විශේෂ කතා බහකි.

  • දිවුලපිටිය සංවිධායක කමින් ඔබ ඉවත් කරන බව කලින්ම දැන සිටියා නේද?

ඔව්; පක්‍ෂ ලේකම් කබීර් හෂීම් මැතිතුමා මාව ඒ සම්බන්ධයෙන් සුහදශීලීව දැනුවත් කළා.

  • ඔබට ඔය විරෝධය ආවේ දිවුලපිටියේ ප්‍රාදේශීය දේශපාලඥයන් ගෙන් නේද?

අපේ ප්‍රාදේශීය දේශපාලනයත් නැවත ප්‍රතිසංවිධානය විය යුතු මට්ටමට ජරාජීරණ වී තිබෙනවා. පසුගිය රජය කාලයේ ඇතිවූ ඒ ඛේදනීය තත්ත්වය අනාගතයේ දී අවම කිරීමට එජාපය කටයුතු යොදාවි.

  • නමුත් එජාපය ඔබට තනතුරක් අහිමි කළා නේද?

මා දේශපාලනමය වශයෙන් තනතුරක් නැති කාලෙත් ජනතා සේවයට උපරිමයෙන් කැපවුණු කෙනෙක්. විදේශ සේවයේ යෙදෙන ශ්‍රී ලාංකීය කාන්තා ඛෙදවාචකය හඳුනාගෙන එය පිටුදැකීම සඳහා උපරිම ලෙස මම කැපවුණේ දේශපාලන බලයක් අතේ තබාගෙන නොවේ. ඒ බලය තවමත් මා සතුයි.

  • ඔබට මේ තනතුරු අහිමිවීම දේශපාලනමය කැපිල්ලක් ලු නේද?

පවුල් බලයක් ,ධන බෙලයක්, මැරබලයක් ආදී කිසිවක් නැතිව රන්ජන් රාමනායක චරිතය අද මේ තත්ත්වයට ඇවිත් තිබෙන්නෙත් ඔය කියන දාහකුත් එකක් කැපිලි කෙටිලි මැදයි. ඒ නිසා ඇතැම් අය කියන හෝඩුවාවල් පසුපස ලුහුබඳින්න මං සූදානම් නෑ. අනික පක්ෂනායක රනිල් වික්‍රමසිංහ මහතා වංචාවෙන් දූෂණයෙන් තොර දූර්දර්ශී නායකයෙක් එනිසා එතුමාගෙන් මට අගතියක් සිදුවෙතැයි මා සිතන්නේ නැහැ.

  • ඔබ ජනතාවට සිදුවන අසාධාරණය ගැන සෘජුව හඬ නගන්නෙක්; විශේෂයෙන් පසුගිය කාලයේ අපේ රටේ පරිසර සංහාරය පිළිබඳව ඔබ ප්‍රසිද්ධියේම හඬ නැඟුවා; ඔබේ ඒ ක්‍රියාව සහ මේ තනතුර අහිමිවීම අතර කුමක් හෝ සම්බන්ධයක් තිබිය නොහැකිද?

මගේ ඒ ක්‍රියාවලිය ජනාධිපතිතුමාගේ පවා පැසසුමට ලක් වුණා. නමුත් මා දිවුලපිටිය සංවිධායක කමින් ඉවත් කිරීම ගැන කුමන්ත්‍රණයක්, කැපිල්ලක් වගේ වචන පාවිච්චි කරන්න මම කැමති නැහැ. මේක පක්‍ෂ නායකත්වය ගත් තීරණයක්. මා ඒ තීරණය හිසනමා පිළිගන්නවා.

  • පක්‍ෂය ඔබ ආසන සංවිධායක කමින් ඉවත් කිරීමට හේතු දක්වා තිබෙනවා ද?

ආසන්න හේතු ‍කිහිපයක් තිබෙනවා. නමුත් ඒවා මගේ පෞරුෂය පිළිබඳ කාරණා මිස මගේ දුබලතාවයන් නොවේ. අනික ඒක පක්‍ෂයේ නායකත්වය ගත් තීරණයක්.

  • දිවුලපිටිය ආසන සංවිධායක කමින් ඉවත්කිරීම ගැන ඔබ ඉන්නේ කලකිරීමකින්ද?

නැහැ; කිසිසේත්ම නැහැ.

  • ඒකට හේතුව මොකක්ද?

මම දේශපාලනයට ආවේ රජ පවුලකට සේවය කිරීමකටවත්, තවත් ප්‍රභූන්ට ගැතිකම් කිරීමටවත්, දේශපාලනය මුවාවෙන් සිදුකෙරෙන හොර, මැර, වංචා වලට ආවැඩීමටවත්, වෙනකාටවත් කඩේ යාමටවත් නොවේ. මුළු හදවතින්ම මගේ උපරිම කැපවීමෙන් ජනතාවට සේවයක් කිරීමටයි. එතැනදී ආසන සංවිධායක කම කෙසේ වෙතත් නියෝජ්‍ය ඇමති කම හෝ පාරිලිමේන්තු මන්ත්‍රීකම අහිමි වුණත් 'රන්ජන් රාමනායක කම' මා සතුව තියෙන තුරු ඒ ශක්තිය, ධෛර්ය මට තියෙනවා.

  • ඔබ මෛත්‍රීපාල සිරිසේන ජනාධිපති තුමා හමුවේ 'කුටු කුටු' ගානවා කියා සමහරු කියනවා ඇයි ඒ?

ඒ වගේ ශ්‍රේෂ්ඨ නායකයෙක් ඉදිරියේ හයියෙන් කෑ ගහන්න හොඳ නෑනෙ; ඒකයි.

  • ඔබ ජනාධිපතිවරයා හමුවේ එජාපය විවේචනය කරන බවත් සමහරු කියනවා.

රන්ජන් රාමනායකට 'කුටු කුටු' ගාමින් එජාපය විවේචනය කරන්න ඕනෑ නැහැ. ආණ්ඩුවේ හිටියත්, විපක්ෂයේ හිටියත්, හොරා හොරා මයි කියා මා පසුගිය කාලයේ මාධ්‍ය මඟින් මහ හඬ දී කියා තිබෙනවා. බැඳුම්කර සිද්ධිය ප්‍රසිද්ධියේම විවේචනය කොට තිබෙනවා. ඉතින් මොකටද මං 'කුටු කුටු' ගාන්නෙ. ඕවා නිකන් බොරු ජෝක් කතා නෙ.

  • මෛත්‍රීපාල සිරිසේන මහතා ඔබට ශ්‍රීලනිපයට පැමිණෙන ලෙස රහසින් ඇරයුම් කළා ද?

ඒවැන්නක් ඔබ දැනසිටියාට; මා තබා එතුමාවත් එවැන්නක් තවම දන්නේ නැහැ.

  • ඔබ එජාපයේ දිවුලපිටිය සංවිධායක කමකින් ඉවත් කිරීම ඔබේ දේශපාලන පසුබැස්මක් නේද?

කිසිසේත්ම නැහැ.

  • ඔබ එසේ කියන්නේ ඇයි?

මම ජනතාව අතරට පැමිණියේ කලා කාරයෙක් හැටියටයි. ඊට අමතරව දැන් දේශපාලන භූමිකාවකත් නියැලී සිටිනවා. ඒ අනුව මගේ දේශපාලන හාම්පුතුන් සහ මුර දේවතාවුන් මහජනතාව යැයි කියන ස්ථාවරය මං කවදාවත් වෙනස් කරන්නේ නැහැ. මහජනතාවගේ සකලවිධ මනාපයන් නොලැබුණා නම් අද ඔබ මේ කතා කරන අන්දමේ රන්ජන් රාමනායක කෙනෙක් නැහැ.

  • ඒ කියන්නේ ඔබ කාගෙවත් දේශපාලන ගැත්තෙක් නෙවෙයි?

පසුගිය මහින්ද රාජපක්ෂ රජය තුළ ඒ පවුලට යටත් දේශපාලන ගැත්තන් බිහිවුණා. දේශපාලන නිලතල නොතකා ඒ පවුලේ ඇත්තන්ගේ යටත් වැසියන් බවට පත්වීමට සාමාන්‍ය ජනතාවට වගේම දේශපාලඥයන්ටත් සිදුවුණා. නමුත් අද මේ එළැඹි ඇත්තේ ඊට ඉඳුරාම වෙනස් ප්‍රජාතන්ත්‍රීය නව යුගයක්. මා ඉතා පැහැදිළිවම කියනවා ජනාධිපතිතුමාත්, අගමැතිතුමාත් පවුල් වාදය, රදළ වාදය මුළුමනින් බැහැර කළ  නවීන දේශපාලන මතිමතාන්තර වලින් යුත් අදට වගේම හෙටටත් ගැලපෙන නායකයන් දෙදෙනෙක් කියා.

  • එතකොට ඔබේ දේශපාලන හෙට දවස?

අනේ සමාවෙන්න මට සාස්තර කීමේ හැකියාවක් නම් නැහැ. අනෙක මම දේවාල, සාස්තර පසුපස දුවන්නෙත් නැහැ. ඒ වගේම අර 'සුමනෙ' වගේ කෙනෙක්ගෙන් සාස්තර ඇහුවොත් අර තියෙන 'මොකක්ද එකත්' ඇහිරෙනවනේ. මතක නැද්ද පහුගිය කාලේ සිද්ධවෙච්ච දේවල්.

 

තිලක් සේනාසිංහ

 

 

SISUVIYAපාසල් යන බව පවසා නිවසින් පිටවී පෙම්වතාගේ නිවසට පැමිණ අඹුසැමි ඇසුරක් පවත්වමින් සිටි අනුරාධපුර නගරයේ ප්‍රධාන පෙළේ් පාසලක උසස් පෙළ සිසුවියක් ඇගේ තරුණ පෙම්වතා හා පෙම්වතාගේ මව අනුරාධපුර මූලස්ථාන ‍පොලීසියේ ‍පොලිස් හදිසි ඇමතුම් ඒකකයේ නිලධාරීන් විසින් 26දා උදෑසන ‍පොලිස් භාරයට ගනු ලැබූහ.
උසස් පෙළ අධ්‍යාපනය ලබන 18 හැවිරිදි සිසුවිය තරුණයා සමග කලක සිට පෙම් සබඳතාවක් පවත්වා ඇති බවත්, 26 වැනිදා පාසල් එන බව පවසා ඇය අනුරාධපුරයට පැමිණි අවස්ථාවේ පෙම්වතා ඇය ත්‍රිරෝද රථයකින් නිවසට රැගෙනවිත් තිබෙන බවත් ‍පොලීසිය පැවැසුවේය.
පුත්‍රයා තරුණ සිසුවිය නිවසට රැගෙන ආ අවස්ථාවේ ඔහුගේ මව ඔවුන් දෙදෙනාට රිසිසේ නිවසේ සිටීමට ඉඩහැර නිවසින් පිටවී ගොස් ඇති අතර ‍පොලීසිය පැමිණෙන අවස්ථාවේ ඔවුන් අඹු සැමියන් ලෙස හැසිරී ඇති බව ‍පොලීසිය අනාවරණය කරගෙන තිබුණි. සිසුවියගේ පාසල් ඇඳුමේ ටයි පටිය හා ‍පොත් බෑගය ‍පොලීසියට පෙම්වතාගේ නිවසේ තිබියදී හමු වී ඇත.
සිසුවිය පෙම්වතා හා ඔහුගේ  මව අනුරාධපුර මූලස්ථාන ‍පොලීසියේ ළමා හා කාන්තා කාර්යාංශයට වැඩිදුර
පරීක්ෂණ සඳහා බාර දී තිබූ අතර සිසුවියන්ගේ දෙමාපියන් ‍පොලීසියට කැඳවීමට එහි ස්ථානාධිපතිවරිය කටයුතු
කර තිබුණි. 

අනුරාධපුර - බුද්ධික මහේෂ් විජේසූරිය

ශිහාන් මිහිරංග කියන ගායකයා ජීවිතේ වැඩියෙන්ම සතුටක් ලබන්නේ මොනවගේ දේවල්වලින්ද කියලා මුලින්ම කියන්න?
නිදහස තුළින්.... මේ හැමදේකින්ම නිදහස් වෙලා ගෙවන තත්පරය පවා මට ලොකු සතුටක්.
 
එතකොට ඔබ වැඩියෙන්ම දුක් වෙන්නේ...?
මම ජීවිතය ගොඩනගන විට බිංදුවට වැටුණු අවස්ථා තිබුණා. රැවටීම්වලට ලක්වූ අවස්ථා තිබුණා. වැරදුණු අවස්ථා තිබුණා. ඒවා කියන්න ගියොත් මේ රටේ ප්‍රසිද්ධ චරිත කීදෙනකුට එළියට එන්න වෙයිද දන්නෑ.
 
ඔබට දුක් දුන්නේ ප්‍රසිද්ධ චරිතද?
මම කතා කරන්නේ අවුරුදු 19 වෙනකල් ගෙවිලා ගිය සැහැල්ලු ජීවිතේ නමෛයි. කිසිදෙයක් දන්නේ නැති අවුරුදු 19ක පාසල් ශිෂ්‍යයකු විදියට ක්‍ෂේත්‍රයට ඇවිල්ලා මේ අවුරුදු 12 තුළ විඳි අනන්ත අප්‍රමාණ අත්දැකීම් හා ඊට දායක වූ අය ගැන.
 
ඒවා ප්‍රසිද්ධියේ කියන්න ගියොත් ඇති වන අතුරු ප්‍රශ්න ශිහාන්ට තවත් දුකක් එකතු කරයි කියලා බයක් තියෙනවාද?
කිසිම බයක් නැහැ. ඉදිරියේදී මම ‍පොතක් විදියට ඒ සිදුවීම්වලට සම්බන්ධ අයගේ නම් ගම් සහිතව ඒ හැමදේම ලියනවා. කලාවට එන අලුත් කොල්ලෙකුට මුහුණ දෙන්න සිදුවන සැබෑම කටුක අත්දැකීම් ඇතුළත් ඒ ‍පොත නිකුත් වුණාට පස්සේ මම ‍නෙවෙයි බොහෝ ප්‍රසිද්ධ, ප්‍රවීණ චරිත නම් බයවෙයි. 
 
කලාව හැරුණාම සමස්ත ජීවිතය තුළදීම විඳි සතුටුදායක හා දුක්බර අත්දැකීම් සිහිපත් කළොත් ?
අවුරුදු 28 වෙද්දී මම තාත්තා කෙනෙක් වුණා. 30 වෙද්දී දරු දෙන්නෙකුගේ තාත්තා කෙනෙක් වුණා. ඒක තමයි සතුටුම අත්දැකීම. දුක්බර අත්දැකීම මගේ තාත්තාගේ අභාවය. ඇත්තටම තාත්තා නැතිවුණ දා දැනුණු දුකට වඩා දුකක් දැනෙන්නේ අද ජීවිතේ යම් ප්‍රශ්න ආවම “තාත්තා හිටියනම්” කියන හැඟීම හිතට එන වෙලාවටයි.
 
අද තිස් දෙවැනි වියේ ඉඳන් සුපර් ස්ටාර් තුළින් ආපු 19 වැනි වියේ පසුවූ හුරුබුහුටි ගැටවරයා සිහිපත් කරන කොට දුකක් හිතට එනවාද?
දුකක් එන්නෙත් නැහැ. සතුටක් එන්නෙත් නැහැ. ලොකු ලැජ්ජාවක් නම් එනවා. (මහ හඩින් සිනාසෙයි)
 
ඇයි ඒ ?
මට මතකයි ඒ දවස්වල ගෑනු ළමයිගෙන් මට ලොකු ආකර්ෂණයක් තිබ්බා. ඒවා දකින කොට සමහර කොල්ලෝ කියනවා. “ඇයි මූට මැරෙන්න හදන්නේ... මූට මොනවාද තියෙන්නේ” කියලා. වයස 19-20 මගේ පින්තූර, වීඩියෝ අද දකිද්දී මට පෙනෙන්නේ ඇට සැකිල්ලකට ඇඳුමක් අන්දලා වගේ පෙනුමක්. ඒ පින්තූර දකිද්දී මටත් අද හිතෙනවා “කෙල්ලෝ මූට මැරෙන්න හැදුවේ ඇයි... මූට මොනවද තියෙන්නේ” කියලා. 
 
ඒ කියන්නේ ශිහාන් වඩා සතුටු වන්නේ අද තියෙන පෙනුමට...?
නෑ. හෙට දවසේ පෙනුමට. රැවුල ටිකක් සුදුවෙලා, කොණ්ඩෙ ලාවට සුදුවෙලා, මූණ ටිකක් වෙනස් වෙලා, ඇඟපතත් වෙනස් වෙලා වැඩිහිටි බවක්, පරිණත පෙනුමක් ලැබෙන තුරු මං ආශාවෙන් බලාගෙන ඉන්නවා. 
 
ශිහාන් තැනකට ගියාම ගෑනු ළමයි පිස්සු වැටිලා වටකර ගත්තු යුගය අද සිහිවන විට දැනෙන්නේ සතුටක්ද දුකක්ද? 
සතුටකුත් නමෛයි, දුකකුත් නමෛයි. සාමාන්‍ය හැඟීමක්. 
 
ඔහොම කිව්වට විවාහයත් එක්ක කාන්තා ආකර්ෂණය අඩුවෙලා ගිය එක ගැන නම් පුංචි දුකකුත් හිතේ ඇති?
(හිනැහී) අවිවාහක තරුණයන්ට ලැබෙන කාන්තා ආකර්ෂණය නම් විවාහයත් එක්ක නැතුව ගියා. හැබැයි ඉතින් විවාහක පිරිමින්ට ආකර්ෂණය වන කාන්තාවෝ පිරිසකුත් මේ රටේ ඉන්න බව ඔයා තවම දන්නේ නැතුව ඇති. 
 
මම ඕක ඔය විදියටම ලියන්නම්. හැබැයි ඔබේ බිරිඳ මේ පුවත්පත් ලිපිය කියවීමෙන් ඇතිවන ප්‍රතිඵල ඔබට ලොකු දුකක් ඇති කරන්න බැරි නැහැ.?
මගේ බිරිඳට කලා ලෝකයේ ස්වභාවය ගැන හොඳ වැටහීමක් තියෙනවා. අදටත් මගේ කාමරේ බිත්ති පුරා ඉන්නේ කාජල්. ඒත් කාජල් බැඳලා ළමයිනුත් ඉන්නවා. මට අද කාජල්ව බඳින්න ලැබුණොත් මම මෙයාව බඳිනවා කියලා මම බිරිඳට දැනටත් කියන අවස්ථා තියෙනවා. අදත් ශිහාන් මිහිරංගට ආදරේ කරන කාන්තාවෝ ඉන්න බව බිරිඳ දන්නවා. ඒත් ඇය ඒ ගැන කලබල වෙන්නේ නැහැ. 
 
ආරියවංශ කුලතිලක

ගෙදර ආලින්දයේ තියෙන රූප පෙට්ටිය හරහා දකින දහසකුත් ටෙලි නාට්‍ය වටා එකතු වන පිරිස අලුත් අත්දැකීම් විඳදරාගන්න කැමැතියි. වෙනස් ආරක ටෙලි කතාවක් දැක්කම ශීඝ්‍රයෙන් ඒ වටා එක්රොක් වීමට විතරක් ‍නෙවෙයි, ඒ ගැන කතා කිරීමටත් ප්‍රේක්ෂකයන් පෙළඹෙන්නේ ඒ හින්දා. සෙනසුරාදයි ඉරිදයි රෑ 8.00ට ස්වාධීන රූපවාහිනී නාළිකාව හරහා විකාශය වන “කූඹියෝ” ටෙලි නාට්‍යය වෙනස්ම විදියේ තේමාවක් සහිතව විකාශය වන ටෙලි නාට්‍යයක්. 
මේ වෙද්දී අන්තර්ජාලයේ මුහුණු ‍පොත හරහාත් “කූඹියෝ” ගැන විශාල කතිකාවක් ගොඩනැගිලා තියෙනවා. අපි මේ සතියේ “කූඹියෝ” ගැනයි, මේ ඇති වෙලා තියෙන කතිකාව ගැනයි විමසන්න හිතාගෙන “කූඹියෝ” ටෙලිනාට්‍ය අධ්‍යක්ෂණය කරන ලක්මාල් ධර්මරත්නට කතා කළා. ඔහු කතාව පටන් ගත්තේ මේ විදිහට කියමින්.
 
“කූඹියෝ” පිටපත් රචකයන් දෙදෙනෙකුගේ නිර්මාණයක් නේද?
මම ටෙලිනාට්‍යයේ අධ්‍යක්ෂවරයා. දමිත චන්ද්‍රසිරි මෙහි සංස්කාරකවරයා. පිටපත රචනා කරන්නේ අපි දෙන්නාම එකතුවෙලා. ඇතැම් රටවල රචකයන් දෙතුන් දෙනෙකු එකම කතාවේ පිටපත් රචනයට එකතු වන අවස්ථා තියෙනවා. ඒත් අපේ නාට්‍යවල වයස 18 තරුණයාගේ පෙම්වතියගේ, 75 වයසක ආච්චිගේ දෙබස් ලියන්නේ රචකයා. ගෑනු චරිතවල දෙබස්, සිතුම් පැතුම් ඒ අය මුහුණ දෙන හැටි ලියන්නේ පිරිමි පිටපත් රචකයන්. මගේ ඉදිරි නිර්මාණවලදී කාන්තා පිටපත් රචිකාවියක් එකතු කරගන්න මම හිතාගෙන ඉන්නවා. 
 
ඔය ක්‍රමවේදයේදී රචකයන් අතර ගැටුම් ඇතිවන්නේ නැද්ද? 
දමිතුයි මමයි අතර උපරිමයෙන් ගැටුම් ඇතිවෙනවා. හැබැයි ඒ පිටපත සාර්ථක කරගන්න ඇතිවන ගැටුම්. අපි අවුරුදු 10ක විතර යාළුවෝ. ඒ හින්දා ඒ ගැටුම් පෞද්ගලිකත්වය දක්වා යන්නේ නැහැ.
 
“කූඹියෝ” හා “දෙවෙනි ඉනිම” පිරිස් අතර අද අමනාපයක් තියෙනවාද? 
(හිනැහී) සාරංග මෙන්ඩිස්, සමන් එදිරිමුණි සහ මම හොඳ යාළුවෝ. අපි අතර නම් කිසිම අමනාපයක් නැහැ.
 
ඒත් අද වෙද්දී අන්තර්ජාලයේ මුහුණ‍පොත හරහා දොගොල්ලෝ දිගට හරහට බැණ ගන්නවා. 
ඒ “කූඹියෝ” නරඹන පිරිස හා “දෙවෙනි ඉනිම” නරඹන පිරිස. හොඳ දෙයක් දැක්කම ඒ දේ ගැන අදහස් දක්වන මිණුම් දණ්ඩ කරගන්නේ ඒ වනවිට තියෙන හොඳම දේ. අද වෙද්දී “දෙවෙනි ඉනිම” ජනප්‍රියතම නාට්‍යය. කවුරු හෝ කෙනෙක් “කූඹියෝ” දෙවැනි ඉනිමට වඩා හොඳයි කියලා ජ්.ඕ. එකේ සඳහන් කරලා. ඒ කූඹියෝට කැමැති කෙනෙක්. දවෛනි ඉනිමට කැමැති කෙනත් ඊට උත්තර දීලා. ඔය විදියට ඇති වූ මතවාදය අද වෙද්දී අසභ්‍ය වචනයෙන් අදහස් හුවමාරු කරගන්න මට්ටමට දුරදිග ගිහින්.
 
දෙවෙනි ඉනිම “බත්” නම් කූඹියෝ “මැල්ලුම්” කියලා දවෛනි ඉනිමේ පිටපත් රචක සමන් එදිරිමුණි FB එකේ දාලා තිබුණා. ඔබත් ඊට උත්තර දීලා තිබුණා නේද? 
අපි නිර්මාණයක් කරලා ජනතාවට දුන්නම එක අයිති ජනතාවට. ඒක බලන්න, අගය කරන්න, බනින්න ජනතාවට අයිතිය තිබුණට අපිට ඒ අයිතිය නැහැ. මිනිස්සු දරන මතවලට උත්තර දෙන්න එපා කියලා මම සමන්ට කිව්වා. සමන් ඒ ප්‍රකාශය කළේ “කූඹියෝ” හෑල්ලු කරන්න නොවෙයි. ඒත් බොහෝ අය ඒක වටහා ගත්තේ ඒ විදියට. “දෙවෙනි ඉනිම” සතියේ දිනවල විකාශය වෙනවා. කූඹියෝ සති අන්තයේ විකාශය වෙනවා. අපි දෙගොල්ලොම ටෙලිනාට්‍ය දෙකම බලනවා. අපිට කාත් එක්කවත් තරගයක් නැහැ.
 
අද මේ විදියට කතිකා ගොඩ නැගුනට “කූඹියෝ” පෙන්නන්න නාළිකාවක් නැතුව හිටපු කාලයක් තිබුණා නේද?
“කූඹියෝ” නිර්මාණය පටන්ගත්තේ 2012 දී. ඉවර කළේ 2015 දී. කොටස් 58ක නාට්‍යයක් වුණත් නළු නිළියෝ 100ක් විතර යොදාගෙන කළ දැවැන්ත නිර්මාණයක් තමයි “කූඹියෝ” කියන්නේ. තුමිඳු, කලණ, යුරේනි, ඇන්ඩෲ පුල්‍ලේ, මොරින්, රමණි, ඩබ්.ජයසිරි, රම්‍යා වනිගසේකර, විශ්වජිත් නානායක්කාර ඇතුළු දක්ෂ ජනප්‍රිය නළු නිළියන් රැසක්ම ටෙලිනාට්‍යයේ රඟපානවා. නිෂ්පාදක අසංග දොඩංතැන්නට අවශ්‍ය වුණේ හොඳ නිර්මාණයක් කරන්නයි. ඒත් මේ ටෙලිනාට්‍ය කරලා නාළිකා ගානේ යද්දී ගොඩක් අය මේක තුට්ටු දෙකට ඉල්ලුවා. මේ නාට්‍යයේ තියෙන්නේ මිනී මරන්නෙ නැතුව මිනිස්සු පාවිච්චි කරලා තමන්ගේ අරමුණු ඉෂ්ට කරගන්න ගේම්කාරයකුගේ කතාවක්. හොරුන්ගේ චරිත අපේ නාළිකාවෙන් මතු කරන්නේ නැහැ කියපු 
නාළිකාත් හිටියා. අන්තිමට අයි.ටී.එන්. එකට දෙවැනි වතාවටත් ඉදිරිපත් කළාමයි අපිට ඉඩ ලැබුණේ. අද මේ නාට්‍යයට ඉහළ ප්‍රතිචාර ලැබෙනවා. 
 
ආරියවංශ කුලතිලක

ඔබ අලුත් වැඩකට අත ගහලා කියලා ආරංචියි? 
අලුත් වැඩක් කියලා කියන්න බැහැ. මේ වැඩේ ආරම්භ කළේ කාර්යබහුලකමත් එක්ක. ඒ නිසා වැඩේට ලොකු කාලයක් යොදවන්න බැරි වුණා. ආයෙමත් ඒ වැඩේ ආරම්භ කළේ වැඩි කාලයක් ඒ වෙනුවෙන් කැප වෙලා රට පුරා ව්‍යාප්ත කරන්නත් හිතාගෙනයි. 
 
හරි දැන් අපි කියමුකෝ මොකක්ද ඔය වැඩේ කියලා? 
“Health and fitness with Roshan Ranawana” නමින් ක්‍රියාත්මක වැඩසටහනක්. කමල් ජයතිලක කියලා යෝග්‍යතා උපදේශකවරයෙක් මේ සඳහා මාත් එක්ක එකතු වෙනවා. අපි මේ වැඩසටහන තුළින් ශරීර සෞඛ්‍යය හා යෝග්‍යතාව ගැන ජනතාව දැනුවත් කිරීමක් කරන්නේ. මෙය මිනිසුන් නොදන්නා දෙයක් පිළිබඳ කියා දීමට වඩා අමතක කර දැමූ දෙයක් යළි මතක් කර දීමක් කිව්වට වැරදි නැහැ. අද වන විට බොහොම නිරෝගී ජීවිත ගෙවන වයස 70 අය ඉන්නවා. ඒත් ශාරීරිකව දුර්වල අවුරුදු 30-35 අයත් ඉන්නවා. ආහාර රටාවක් නැති විම,  ව්‍යායාම්වලින් දුරස්වීම. මත්ද්‍රව්‍ය හා දුම්වැටි භාවිතයට වැඩි 
නැඹුරුතාවක් දැක්වීම ආදී කරුණු ඊට හේතුවක් වෙලා. අවබෝධයක් ලබාදී ඔවුන්ගේ සෞඛ්‍ය තත්ත්වය ඉහළ නැංවීමයි මේ වැඩසටහන යටතේ කරන්නේ. 
 
අද පාසල් ළමුන්ට පවා ටියුෂන් තරගය හින්දා ක්‍රීඩාවට වෙලාවක් හොයා ගන්න බැහැ. රැකියා කරන අයට මේ ගැන හිතන්නවත් බැහැ. ඒ වගේ පසුබිමක ඔබේ වෑයම හරි යයිද? 
රූප රාජිනියන් හදන්නවත් සික්ස්පැක් ඇඟවල් තියෙන කායවර්ධන ශිල්පීන් හදන්නවත් ‍නෙවෙයි මම මේ වැඩසටහන පටන් ගත්තේ. කවුරුත් නිදහසට මොන කාරණා කිව්වත් අපිට යම් තරමකින් හෝ ශාරීරික ව්‍යායාම්වල නිරත වෙන්න බැරි කමක් නැහැ. උදාහරණයක් විදියට අපි හිතමු කාර්යාලයක සේවය කරන කෙනෙක් ගැන. එයා දවස පුරා ඹ්ඪටබ එක පාවිච්චි කරනවා. හැබැයි එයාට පුළුවන් තමන්ගේ ආයතනයේ පඩිපෙළ භාවිත කරන්න. ඒ විදියට තමන් ජීවත් වන වටපිටාව අනුව තමයි මේ වැඩසටහනට සම්බන්ධ වන අයව දැනුවත් කරන්නේ. ඒ නිසයි මම කියන්නේ අපේ වැඩසටහන ප්‍රායෝගිකයි කියලා. 
 
රොෂාන් දැන් ටෙලි නාට්‍යවලවත් වැඩිපුර දකින්න නැත්තේ මේ වගේ සමාජ සේවා වැඩ නිසාද? 
මම හැමදාම රඟපෑවේ තෝරා බේරාගෙනයි. ටෙලි නාට්‍යවලට නිතර ආරාධනා ලැබුණත් මම භාරගන්නේ නැහැ. ජී. නන්දසේනගේ ටෙලි නාට්‍යයක වෙනස් විදියේ චරිතයකට ළඟදී ආරාධනාවක් ලැබුණා. ඒක සටන් පිරි ක්‍රියාදාම ගණයේ කතාවක්. ඒ වගේම සමන් පුෂ්ප ලියනගේ අධ්‍යක්ෂණය කරන අංගම්‍පොර ශිල්පය කේන්ද්‍ර කරගත් නිර්මාණයක “මල් රාළ” කියලා අංගම්‍පොර සටන් ශිල්පියකුගේ චරිතයකුත් මට ලැබුණා. ඒ දෙක විතරයි තෝරා ගත්තේ. 
 
එතකොට චිත්‍රපට? 
මගේ නවතම චිත්‍රපටය “face to face” ළඟදීම තිරගත වේවී. පළමු වතාවට මම දුෂ්ට චරිතයක් රඟපාන්නේ ඒ චිත්‍රපටයේ. ඒ කියන්නේ ළඟදීම මම දුෂ්ටයෙක් වෙනවා. හැබැයි ඒ දුෂ්ටයා සාම්ප්‍රදායික දුෂ්ටයෙක් ‍නෙවෙයි. චිත්‍රපටයේ මම ගමන බිමන ඉරියව් වගේම කටහඬ පවා වෙනස් කරලා රඟපාන්නේ. 
 
ආදරණීය සැමියෙක් විදියටයි අපි හැමෝම ඔබ ගැන දන්නේ. ඉතින් දරු මල්ලෙක් එහෙම හදාගෙන ආදරණීය තාත්තා කෙනෙක් වෙන්න තවම අදහසක් නැද්ද? 
(හිනැහී) බඳින්න කලිනුත් මගෙන් ඇහුවා කවදද බඳින්නේ කියලා. දැන් අහනවා කවදද තාත්තා කෙනෙක් වෙන්නේ කියලා. මම කවදාවත් කිසි දෙයක් මාධ්‍යයට වසන් කරන්නේ නැහැ. තාත්තා කෙනෙක් වන දාට ඒකත් කියනවා. මගේ බිරිඳයි මමයි දෙන්නම කාර්යබහුලයි. “සෙලින්කෝ ලයිෆ්”එකේ අපි දෙන්නම සන්නාම තානාපතිවරු. අපිට කරන්න තව වැඩ කිහිපයක් තියෙනවා. 
ඉන් පස්සේ ආදරණීය දරු පැටියෙක් ගැනත් හිතලා බලනවා. 
 
චන්ද්‍රලතා තන්ත්‍රිගේ

"දියවැඩියාවට නිශ්චිත ගුණ දෙන බව පැවසෙන කොතල හිඹුටු, තෙබු, මස්බැද්ද, ආදී දේශීය ශාක වර්ග භාවිතයට බටහිර වෛද්‍යවරුන් ජනතාව නොපොළඹවන්නේ මන්ද?"

මේ පැනය මගේ වෘත්තීය ජීවිතයේ දී සිය දහස් වරක් රෝගීන්ගෙන් ඇසී තිබේ.

ඊට අමතරව දියවැඩියාව නිට්ටාවට සුවකරන වෙදමහතුන් පිළිබඳව රූපවාහිනිය, පුවත්පත්, සමාජ ජාලා, වෙළඳ දැන්වීම් තුළින් සේම පුවත්පත් ලිපි විශේෂාංග සහ රූපවාහිනී,ගුවන්විදුලි වැඩසටහන් ආදියෙන් පැවසෙන තොරතුරු පිළිබඳවද බොහෝ දෙනෙක් අපෙන් විමසා සිටිති.

'කෙබු (Costus speciosus)'

බටහිර වෛද්‍ය වෘත්තිකයන් වන අපට ඉන් පරිබාහිර වූ වෛද්‍ය ක්‍රම පිළිබඳව අදහස් ප්‍රකාශ කිරීමට සදාචාරාත්මක අයිතියක් නැතැයි යමෙකුට හැඟී යා හැක. එහෙත් දියවැඩියා රෝගය සම්බන්ධ ලොව පුරා කරනු ලැබූ අති නවීන පරීක්ෂණ මඟින් එම රෝගයේ ස්වභාවය  අද වන විට මනා සේ හඳුනාගෙන ඇත. එය ඉක්මවා යා හැකි නවතම සොයා ගැනීමක් ලොව සිදුව තිබේනම් එය ඒකාන්ත ලෙසම වෛද්‍ය විද්‍යාව සඳහා වූ නොබෙල් ත්‍යාගයකට හිමිකම් කියන සොයා ගැනීමක් ම වනු ඇත.

දියවැඩියා රෝගය කාණ්ඩ දෙකකින් යුක්තය. ඉන් පළවෙනි කාණ්ඩය ලෙස හඳුනාගත හැක්කේ අග්න්‍යාසයේ (Pancreas) ඉන්සියුලින් (Insulin) නම් හෝමෝනය නිශ්පාදනය වීම අඩුවීමත් සමඟ රුධිරයෙහි සීනි සංයුතිය ඉහළ යාම මත ඇති වන තත්ත්වයයි.

දියවැඩියා රෝගයේ දෙවෙනි කාණ්ඩය වන්නේ රුධිරයේ සමාන්‍ය ඉන්සියුලින් සංයුතියක් ඇතත් ශරීරයේ සෛල විසින් එම ඉන්සියුලින් කෙරෙහි දක්වන සංවේදීතාවය අවමවීමය. මේ රෝග තත්ත්වයන් දෙකම 'නිට්ටාවටම සුව කළ නොහැකි' රෝග තත්ත්වයන් බව මේ වන විට විද්‍යාත්මක වශයෙන් අතිශයින් පැහැදිළි වී තිබේ.

මෙම රෝගය නිට්ටාවටම සුව කළ නොහැකි වුවද එම රෝග තත්ත්වය තුළ වුව ශරීරයේ සීනි සංයුතිය පාලනය කිරීමෙන් එම රෝගය පාලනය කර ගැනීමට සේම එයින් ඇති වන අතුරු ඵල වලක්වා ගැනීමට හා අවමකර ගැනීමට පුළුවන.

'කොතල හිඹුටු (

දියවැඩියාව නිසා ශරීරයේ ප්‍රධාන වශයෙන් හානි පැමිණවෙන ඉන්ද්‍රියන් තුනකි. එනම් හෘදය වස්තුව, ඇස් සහ වකුගඩුය.

දියවැඩියාවෙන් හෘදය වස්තුව ආශ්‍රිත කිරීටක ධමනි ආදියට සිදුවන හාහි Diabetic Angiopathy නමින් හැදින්වෙන අතර ඇස් වලට සිදුවන හානිය Diabetic Retinopathy ලෙසින් හැඳින්වෙයි. මේ අතර වකුගඩු වලට සිදුවන හානිය හැඳින්වෙනුයේ  Diabetic Nephropathy යනුවෙනි.

මෙහිදී සිදුවනුයේ ශරීරයේ ඉන්සියුලින් නිපදවීම හෝ ඒවා කෙරෙහි ශරීරයේ සෛල සංවේදී නොවීම මත එම ඉන්ද්‍රියන් කෙමෙන් අකර්මන්‍ය වීමය. මීට අමතරව දියවැඩියාව යනු ශරීරයේ කෙස් නිය ඇතුළු සෑම ඉන්ද්‍රියකම, ‍සෑම සෛලයකටම බලපාන රෝගයක් ලෙස හැඳින්වේ. දියවැඩියාව මගින් ශරීරයේ පර්යන්ත ස්නායු පද්ධතියට සිදුවන හානිය හැඳින්වෙනුවේ Diabetic Neuropathy යනුවෙනි.

මෙහිදී දියවැඩියාව සුව වීම කෙසේ වෙතත් ශරීරයේ සීනි මට්ටම පාලනය කෙරෙන ඖෂධ සහ ආහාර වර්ග ඕනෑම තරම් තිබිය හැක.  රෝගීන් අප වෙතින් විමසන කොතල හිඹුටු, තෙබු, මස්බැද්ද ආදී ශාක වර්ග ඉන් කීපයකි.

මේ හැරුණු කොට ලෝකයේ සෑම රටකම දියවැඩියාවට ගුණ දෙන බව පැවසෙන වෙනත් ශාක වර්ග ඇති බවද නොරහසකි.

නමුත් මේ බොහෝ ශාකයන් ආහාරයට ගැනීමෙන් ශරීරයේ සීනි සංයුතිය අඩුවන බවට සායනිකව තහවුරු වී නැත. තවත් ශාක වල රුධිරයේ සීනි සංයුතිය අඩුකරන සංඝටක ඇති බවට නිරීක්ෂණ අධ්‍යයන (Observational studies) මගින් තහවුරු වී තිබේ.  එහෙත් එම ශාක  භාවිතා කළ යුතු මාත්‍රාව සහ එම මාත්‍රාව භාවිතා කිරීමෙන් පසු අඩුවන සීනි සංයුතියේ ප්‍රමාණය, ඒවා භාවිතයෙන් ඇතිවන අතුරු සහ පශ්චාත් ඵල  ආදිය මුල්කොට සායනික අත්හදා බැලීම් (Clinical Trial)  කිසිවක් සිදුවී නැත. නමුදු   ඒ ශාක භාවිතය සම්බන්ධයෙන් ඇතැමුන් අහඹු රුධිර පරීක්ෂණ සිදුකොට ඇති අවස්ථා තිබීමට පුළුවන.

'මස්බැද්ද (Gymnema sylvestre)'

නමුත් එසේ අහඹු රුධිර පරීක්ෂණ මගින් රුධිරයේ සීනි මට්ටම පමණක් පරීක්ෂා කොට එය භාවිතයට සුදුසුය යන නිගමනයකට එළඹීම විද්‍යාත්මක ක්‍රමවේදයක් නොවේ. මීට අමතරව කොතල හිඹුටු, මස්බැද්ද, තොබු ආදී ශාක වර්ග ආහාරයට ගැනීමෙන් ශරීරයේ සීනි සංයුතිය අඩුවූ පමණින් එය ඖෂධ මාධ්‍යයක් වශයෙන් භාවිතා කිරීම නිර්දේශ කිරීමට අපට නොපුළුවන. එබැවින් එවන් ශාක වර්ගයක් නිතර නිතර අධික ලෙස භාවිත කිරීමෙන් වකුගඩු, අක්මාව ආදී ඉන්ද්‍රියන්ට සිදුවන හානි පිළිබඳව විධිමත් පරීක්ෂණ සිදුවී නොමැති බැවින් ඒවා වැඩිපුර ආහාරයට ගන්නා ලෙස නිර්දේශ කිරීමට ද වෛද්‍යවරුන් වන අපට නොපුළුවන.

ප්‍රෝටීන, මේද, කාබෝහයිඩ්‍රේට්, ලවණ, විටමින්, ජලය යන අංග හය සහිත සමබර ආහාරයක් ගන්නා ලෙසත් ඉහත සඳහන් පදාර්ථයන් ගෙන් යමක් අඩුවුවහොත් එය සපුරාගැනීම පිණිස ආහාර මාධ්‍ය භාවිතා කිරීම පිළිබඳවත් උපදෙස් දීමට හැකි වුවද ශරීරයේ සීනි සංයුතිය පාලනය කිරීම සඳහා අසවල් ශාක වර්ගය වැඩිපුර ආහාරය ගන්නා ලෙස රෝගීන්ට උපදෙස් දීමට අපට බටහිර වෛද්‍ය විද්‍යාත්මක සේම වෛද්‍ය ආචාරධර්මීය හැකියාවක් ද නැත.

බටහිර වෛද්‍යවරුන් ලෙස කොතලහිඹුටු, මස් බැද්ද, තෙබු ආහාරයට ගැනීමෙන් දියවැඩියාව සුව වන බවට හා සමනය වන බවට රෝගීන්ට උපදෙස් දීමට අපට නොහැක්කේ ඒ පිළිබඳ නිසි වගකීමක් දැරීමට අපට කෙසේවත් නොහැකි බැවිනි.

හෘද රෝග  විශේෂඥ වෛද්‍ය  නාමල් විජේසිංහ,

ජ්‍යෙෂ්ඨ කථිකාචාර්ය,

ශ්‍රීමත් ජොන් කොතලාවල ආරක්ෂක විශ්ව විද්‍යාලය,

රත්මලාන. 

IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 1943

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1272

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 644

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1657

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5282

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3244

Please publish modules in offcanvas position.

Web Analytics