Coss Ear2
lakbima.lk
COSS Ear 1

“දෙවැනි ඉනිමේ “දෙව්මි” විදියට රටේම ආදරය දිනාගත්තු නයනතාරා වික්‍රමාරච්චි පහුගියදා තමන්ගේ විසි වැනි උපන් දිනය සැමරුවා. නයනතාරා විසිවැනි උපන් දිනය සැමරුවේ වෙනස්ම ආකාරයට වීමත් විශේෂත්වයක්. ‍පොළොන්නරුවේ පිහිටි විශේෂ අවශ්‍යතා ඇති අයගේ නිවාසයකට ගිහින් ඒ අයට දිවා ආහාරය සපයලා දවස පුරාම ඔවුන් සමග ගත කරලා තමයි ඇය තමන්ගේ 20 වැනි උපන් දිනය සදාතනික මතක සටහනක් කර ගත්තේ. 
 
ඇයි ඔබ මේ වතාවේ වෙනස්ම ආකාරයට උපන් දිනය සමරන්න හිතුවේ? 
මගේ යාළුවෙක් ඉන්නවා පැතුම් ඒකනායක කියලා. එයා තමයි මට මේ ස්ථානය ගැන කිව්වේ. මටත් හිතුනා එතැනට ගිහින් ඒ අය වෙනුවෙන් යමක් කරන්න. ඒ හින්දා මම උපන් දිනය සමරන්න  ඒ ස්ථානය තෝරා ගත්තා.
 
ඔය කියන ස්ථානයේ තිබු විශේෂත්වය මොකක්ද? 
ඒක විවිධ ආබාධයන්ගෙන් පෙළෙන අය ඉන්න නිවාසයක්. අඳ ගොළු බිහිරි අය වගේම නොමේරූ මානසිකත්වය ඇති අයත් එතැන ඉන්නවා. වයස 10 පටන් 45 දක්වා අය ඉන්නවා. සමාජයම කොන් කළ පිරිසකට මානසික වශයෙන් නැගිටින්න හුදකලාව මකාගන්න අවශ්‍ය වටපිටාව සපයල දෙන එක තමයි මෙතැනින් කරන්නේ. ‍පොළොන්නරුව හේවාගම පිහිටි මේ ස්ථානය පවත්වාගෙන යන්නේ මානෙල් දයාසිරි මහතායි. මෙය ඔහු පෞද්ගලිකව පවත්වාගෙන යන නිවාසයක්. 027-3270509 අංකයට කතා කරලා ඕනෑම කෙනෙකුට මේ ස්ථානය වෙනුවෙන් යමක් කරන්න පුළුවන්. 
 
එදා දවස ගත වුණේ කොහොමද? 
අපි කළින් දවසේ ‍පොළොන්නරුවට ගිහින් නැවතිලා ඉඳලා පහුවදා තමයි එතැනට ගියේ. මේ කියන නිවාසයේ හිටපු  හැමෝටම අපි  දිවා ආහාරය ලබා දුන්නා. දවසම වගේ ගත කළේ ඒ අයත් එක්කයි. 
 
කලා ලෝකේ හිතවතුනුත්  ඔය ගමනට එකතු වුණාද?
නැහැ. මමයි අපේ පවු‍ලේ අයයි විතරයි ගියේ. අම්මගේ යාළුවොයි වගේ ළඟම යාළුවෝ දෙන්නෙකුයි ගමනට එකතු වුණා. 

උපන් දිනය සමරන්න සාද පවත්වනවා වෙනුවට මේ වගේ දෙයක් කරපු එක ගැන හුඟක් සතුටු ඇති නේද? 
ඇත්තෙන්ම ඔව්. එදා දවස හරිම සංවේදී දවසක්. ඒ හැමෝටම ඒ විදියට අඩු ලුහුඬුකම් ඇතිවෙලා තියෙන්නේ එයාලගේ වරදක් නිසා නොවෙයි. ඒත් ඒ අයට සමාජයේ ඉඩක් නැහැ. හැමෝම කොන් කරන හින්දා ඒ අය ආදරය අවධානය හරියට බලා‍පොරොත්තු වෙනවා. එක එක්කෙනාගේ හැසිරීම් පවා වෙනස්.  ඒ හැසිරීම් දැක්කම මගේ හිත තදින්ම සංවේදී වුණා. 
 
ඒ අතරින් නයනතාරා වැඩියෙන්ම සංවේදී වූ ඇහැට කඳුළක් එක් කළ අවස්ථාව මොකක්ද? 
වයස 18ක විතර පිරිමි ළමයෙක් හිටියා. එයාගේ මොළේ වර්ධනය නම් ගොඩක් අඩුයි. ඒ ළමයා නිතරම ඉන්නේ අනිත් අයගෙන් ඈත්වෙලා. අත කනට ළං කරලා දුරකථනයෙන් කතා කරන විදියට නිතරම මොනවාදෝ මුමුණනවා. මම ඒ ළමයාට ළං වෙලා බැලුවා. හලෝ අම්මේ මට ආදරෙයි නේද අම්මේ කියලා තමයි ඒ ළමයා කියන්නේ. එයාගේ දෙමාපියෝ ඒ ළමයා මෙහෙට භාරදීලා තියෙන්නේ අවුරුදු 10දි විතරලු. ඒ අය එදායින් පස්සේ කවමදාවත් ළමයා 
බලන්න ඇවිල්ලා නැහැ. ඒ දෙමාපියෝ මේ ආයතනයට දීලා තියෙන්නේ බොරු ඇඩ්‍රස් එකකුයි බොරු දුරකථන අංකයකුයි. ඒ ළමයා හැමදාම බලා ඉන්නේ එයාගේ අම්මා එනකල්. ඒ සිද්ධිය ඇහුවාම මගේ හදවත සසල වුණා. විතරක් ‍නෙවෙයි ඇස්වලටත් කඳුළු ආවා. 





ආරියවංශ කුලතිලක

ජිප්සීස් නායක සුනිල් පෙරේරා සංගීත ක්ෂේත්‍රය ගැන පමණක් නොවෙයි රටේ දේශපාලනය ගැනත් සෘජුව සිය අදහස් පළ කරන කලාකරුවෙක්. සංගීත ක්ෂේත්‍රය ගැන වගේම දේශපාලනය ගැනත් ඔහු දක්වන අදහස් ඇතැම් විට ආන්දෝලනාත්මක ඒවා. යහපාලන ආණ්ඩුව බලයට ගෙන ඒම සඳහා විශාල කාර්යභාරයක් ඉටු කළ කලාකරුවෙකු වන සුනිල් පෙරේරා අද වෙනස් මගක යන බවයි පසුගිය දවස්වල ඔහු කරන කියන කටයුතුවලින් පසක් වුණේ. මේ වෙනස ගැන අපි කෙළින්ම ඔහුගෙන් ප්‍රශ්න කළා. 
 
මේ දවස්වල ඔබ දේශපාලන වේදිකාවේ සිට විවිධ ප්‍රකාශ කරනවා. ප්‍රසංග වේදිකාවෙන් අයින් වෙලා ඔබ දේශපාලන වේදිකාවේ නතර වෙයිද කියලා ඇතැමුන්ට ප්‍රශ්නයක් වෙලා?
කවදාවත් එහෙම වෙන්නේ නැහැ. සංගීත කටයුතුවලින් නිදහසක් ලැබෙන අවස්ථාවලදී තමයි මම ඔය දේශපාලනය වගේ අනික් දේවල් කරන්නේ. 
 
යහපාලන ආණ්ඩුව බලයට ගේන්න දර දිය ඇදපු ඔබ ඇයි දැන් වෙනත් පක්ෂයක සාමාජිකයෙක් බවට පත් වෙලා තියෙන්නේ? 
මුලින්ම කියන්න ඕනෑ මම කිසිම දේශපාලන පක්ෂයක සාමාජිකත්වය මේ වන තුරු අරගෙන නැහැ. මම ඔය කියන දේශපාලන පක්ෂයේ සාමාජිකයෙක් ‍නෙවෙයි. හැබැයි මම මේ මැතිවරණයේදී ඔවුන් වෙනුවෙන් සහයෝගය පළ කරනවා. 
නිදහස ලැබිලා අවුරුදු 70ක් ගත වෙලා තියෙද්දීත් අපි මුළු ලෝකයටම ණයයි. ඒ නිසා මම හිතුවා මෙදා සැරේ වෙනත් පක්ෂයකට සහයෝගය දීලා අත්හදා බැලීමක් කළොත් හොඳයි කියලා. 
 
ඒ කියන්නේ යහපාලන ආණ්ඩුව වෙනුවෙන් එදා පෙනී සිටීම ගැන අද ඔබ කනගාටු වෙනවාද? 
අ‍පොයි නැහැ. සිද්ධ වෙච්ච වෙනස ගැන මට සතුටුයි. 
 
කාලයෙන් කාලයට පක්ෂ මාරු කරද්දී ජනතාව ඔබව විශ්වාස කරන්නේ කොහොමද? 
හැමදාම එකම මතයේ ඉන්න ඕනෑ කියලා නීතියක් නැහැනේ. මිනිස්සු කාලයත් එක්ක වෙනස් විය යුතුයි. මීළඟට මම කාට සහයෝගය ලබා දෙයිද කියලා මටවත් දැන්ම කියන්න බැහැ. 
 
සක්‍රීය දේශපාලනයට ඇවිත් මැතිවරණයකට ඉදිරිපත් වුණා නම් ඔබට ‍ලේසියෙන්ම දිනන්න පුළුවන් කියලා හිතෙන්නේ නැද්ද? 
දේශපාලනයට එන්න තරම් දැනුමක් බුද්ධියක් නැති නිසයි මම  එවැනි තීරණයක් නොගන්නේ. 
 
එතකොට දැන් දේශපාලනය කරන හැමෝම සුදුසුකම් තියෙන අය කියලා කියන්න පුළුවන්ද? 
නැහැ. හරි හමන් සුදුසුකම් නැති අය දේශපාලනයට ඇවිල්ලා තියෙන නිසානේ අද අපේ රටේ දේශපාලනය මේ තරම් අගාධයට වැටිලා තියෙන්නේ. 
 
කිසිම දේශපාලන පක්ෂයක් වෙනුවෙන් පෙනී නොසිට නිහඬවම හිටියා නම් තරහකාරයොත් අඩුවෙනවා නේද? 
එහෙම නිහඬව හිටියොත් වෙන්නේ මම මගේ වගකීම පැහැර හැරීමක්. ඇත්ත කතා කරන්න ඕනෑ තැනදී නිහඬව සිටීමෙන් සිදුවන විනාශය විශාලයි. 
 
තමන් ආදරය කරන කලාකරුවන් මේ විදියට එක් එක් පක්ෂවලට පෙනී සිටිමින් දේශපාලන වේදිකාවට නැගීම සම්බන්ධව සමහරු කැමති නෑ නේද? 
දේශපාලන වේදිකාවකට ගොඩ වෙලා හරි මම කියන්නේ ඇත්ත නම් ඒකෙ ඇති වරද මොකක්ද? ඔය එක එක දේශපාලන පක්ෂවලින් වරප්‍රසාද ලබාගත් අය සහ ඉදිරියේදී ඒවා ලබා ගැනීමට බලා‍පොරොත්තුවෙන් සිටින අය තමයි මම කියන දේවල්වලට කැමති නැත්තේ. අනිත් එක සුනිල් පෙරේරාට කැමති, මට ආදරේ කරන අය මගේ ගැන දන්නවා. මගේ ප්‍රතිපත්තිය ගැනත් දන්නවා. සුළු පිරිසකගේ ප්‍රශ්නය මට  ප්‍රශ්නයක් නමෛයි. 
 
ඔය කියන විදිහේ වරප්‍රසාද විවිධ ආණ්ඩුවලින් ලබා ගත් කලාකරුවොත් ඉන්නවා නේද? 
අ‍පොයි ඔව්. හැබැයි මට නම් බය නැතුව කියන්න පුළුවන් මම මේතාක් කිසිම ආණ්ඩුවකින් සතයක්වත් අරගෙන නැති බව. 
 
ඔබ දේශපාලන වේදිකාවට නගින එක ගැන ඔබේ බිරිඳ සහ දරුවන් මොනවාද කියන්නේ? 
ගෙදර හැමෝම ඉන්නෙත් මම ඉන්නා දේශපාලන මතයේම තමයි. ඒ නිසා කිසිම ගැටලුවක් නෑ.
 
දේශපාලනයට අපහාස වෙන විදියට ගීත වෙනස් කරමින් ගායනා කළා කියලත් ඔබට කිහිප වරක්ම චෝදනා එල්ල වුණා? 
ගීතයකින් හරි ඇත්ත කියලා ‍පොඩි හින්ට් එකක් ගහලා වැරදි පෙන්වා දුන්නාම මොකද වෙන්නේ? කවුරු කැමති වුණත්, අකමැති වුණත් මම අදටත් ඒ විදිහේ ගීත ගයන එක නවත්වලා නැහැ. ඉදිරියටත් ඒ විදියේ ගීත ගායනා කරනවා.
 
කිෂාන් කනංකෙ
 

මෑත භාගයේ ශ්‍රීලාංකීය ජනහදවත් කම්පාවට පත් කළ සිදුවීම් අතරින් මහාචාර්ය බෙල්ලන්විල හිමිපානන්ගේ හදීසි අපවත් වීම මුල් තැනකට පත්ව ඇති බව නොරහසකි.

ඒ සම්බන්ධයේ ෆේස්බුක් ඇතුළු විවිධ සමාජ ජාල වෙබ් අඩවි වල නොයෙකුත් සටහන් තබා ඇති අතර ඒ අතරින් වඩාත් සංවේදී මෙම සටහන අප උපුටා ගත්තේ ජීවන පහන් තිලිණ නොමැති ෆේස්බුක් පිටුවෙනි.

මියන් කුමරාගේ කවිය

බලාන උන්නා පන්සල පුරාම
මොකද්ද මන්දා කළබලයක්
ලොකු හාමුදුරුවො දකින්නවත් නෑ
තරහ වෙලා වගේ තවසැරයක්

සියඹලා කැව්වම තල්ලු කලේ නෑ
එකත් මගෙ පොඩි හුරතලයක්
පාලුයි හොදටම ආයෙ කරන්නෑ
එන්නකො නෑ මගෙ කිසි ඳගයක්

ඉස්සර උදේට ආවට අදනෑ
වැඩලද දන්නෑ දුර ගමනක්
ඉස්සර නං මට කියලයි යන්නේ
අද මට දැනෙනවා මහ වෙනසක්

මට ලොකු සාදුව හොයන් යන්න බෑ
අද මට පන්සල හිර ගෙදරක්
ආ දෙන් අද මම තරහම තරහයි
ලොකු සාදුත් දැං එක විදියක්

ජීවන පහන් තිළිණ

ඇය මැකන්සි ටට්ල්ය. ඔබ ඇය ගැන අසා නැතුවා නිසැකය. එහෙත් ඇය ලොව ‍පොහොසත්ම මිනිසාගේ බිරිය බව කිවහොත් ඒ ගැන දැනගැනීමට නම් ඔබ මැලි නොවනු ඇති.
“මගේ බිරිය හරිම විචක්ෂණයි. බුද්ධිමත්. කලඑළියට ඉන්න ඇය හරිම ප්‍රබෝධජනකයි” මැකන්සිගේ සැමියා ඇය ගැන කියන්නේ එසේය. ඔහු ජෙෆ් බෙසොස්ය. ඔබ ඔහුද ඒ නමින් නොදන්නවා විය හැකිය. ලෝ ප්‍රකට ඇමේසන් සමාගමේ හිමිකරුවා ඔහුය. එය අද සයිබර් අවකාශයේ ඇති සුවිසල්ම සුපිරි වෙළඳ මධ්‍යස්ථානයයි. ෆෝබ්ස් සඟරාවට අනුව ජෙෆ්ගේ වත්මන් වත්කම ඩො.බි. 110කි.
මැකන්සි හා ජෙෆ් පළමු වරට හමුවී ඇත්තේ ආයෝජන කළමනාකරණ සමාගමකදීය. එහි උප සභාපතිවරයා ලෙස කටයුතු කර ඇත්තේ ජෙෆ්ය. පර්යේෂණ සහායිකාවක වූ ඇය සම්මුඛ පරීක්ෂණයට භාජනය කරනු ලැබ ඇත්තේ ඔහු විසිනි. මැකන්සි රැකියාවට බඳවා ගැනීමෙන් පසු දෙදෙනා සේවයේ යෙදී ඇත්තේ එකිනෙකාට නුදුරිනි.
දවස පුරාම මට ඒ මහ පුදුම හිනාව ඇහුණා. ඒ හිනාවට ආදරය නොකරන්නේ කවුද ?” යනුවෙන් මැකන්සි පවසා තිබුණි. දිවා භෝජනයක් සඳහා පිටතට යෑමට ඇය පළමුව ඔහුට ඇරයුම් කර ඇත. තෙමසක් තුළ විවාහ ගිවිස ගත් ඔවුහු සය මසක් තුළ විවාහ දිවියද ඇරඹූහ. ඒ වෙද්දී ඇගේ වයස අවුරුදු 23කි.
ජෙෆ්ට මුල සිටම අවශ්‍ය වී තිබුණේ විචක්ෂණ බුද්ධියක යුත් තැනැත්තියක හා විවාහ වීමට බව පැවැසේ. ඉන් ඔහු අදහස් කර ඇත්තේ තමා ඉන්නා තැනින් ඉහළට එසවිය හැකි ගැහැනියක් ඔහුට අවශ්‍ය වූ බවයි.
විවාහයෙන් පසු ජෙෆ් තම ව්‍යාපාරික අදහස් ගැන මැකන්සිට පවසන්නේය. ඇය ව්‍යාපාරික අංශයට පිවිසි තැනැත්තියක නොවූවත් තම සැමියා කතා කරද්දී ඔහුට මැනවින් සවන් දුන් බව පැවැසේ. ඊළඟ වසරේ එනම් 1994 දී දෙදෙනාම තම රැකියාවන්ට සමු දෙන්නේ ඇමේසන් සමාගම ආරම්භ කිරීම සඳහා සියැටල් වෙත යනු පිණිසයි.
මැකන්සි තම සැමියා ඇරඹූ නව සමාගමේ ගණකාධිකාරිවරියක වන්නීය. අද ඇය ඇමේසන් සමාගමේ පැරණිම සේවිකාවකි. 1999 පමණ වන තෙක් ජෙෆ් - මැකන්සි යුවළ වාසය කළේ සියැටල්හි පිහිටි එක් නිදන කාමරයක් පමණක් සහිත ගෘහයකය. අද ඇමෙරිකාවේ වොෂිංටන්, බෙවර්ලිහිල්ස්, ටෙක්සාස් තැන  පිහිටි නිවෙස් 5ක හිමිකාරිත්වය ඔවුන් සතුය. බිස්නස් ඉන්සයිඩර් සඟරාවට අනුව නම් ජෙෆ් යනු ඇමෙරිකාවේ විශාල ඉඩම් හිමියන් අතරින් විසිපස් වැන්නාය.
ධනවත්කම කෙතරම් තිබුණත් මැකන්සි සිය දරුවන් සිවුදෙනා පාසලට ගෙන යෑම නම් ඇය විසින්ම කිරීමට වග බලාගෙන තිබුණි. ඇය සිය රැකියාවට ගියේ දරුවන් පාසලට ඇරලීමෙන් පසුවයි. ඔවුන්ගේ පවු‍ලේ හිතවතියක් සඳහන් කර තිබුණේ බෙසොස් එතරම්ම සාමාන්‍ය පවුලක් බවයි. ඒ පවුල තුළ ඇදහිය නොහැකි තරම් සමීප සබඳතාවක් තිබෙන බවද
ඇය පවසා තිබුණි.
ජෙෆ්-මැකන්සි යුවළගේ පවු‍ලේ කටයුතු ඉතා සාමාන්‍ය අන්දමින් සිදුවන බව පැවැසේ. ඔරලෝසුවක සිහි කැඳවීමකින් තොරව උදේම අවදිවන ජෙෆ් දවස අරඹන්නේ සිය බිරිය හා දරුවන් සමග ගන්නා සෞඛ්‍යමත් පාතරාසයකිනි. ජෙෆ් කිසි දිනෙක තම ඇමේසන් සමාගමේ හමුවීම් ආදී කිසිදු කටයුත්තක් උදෑසනින් පැවැත්වීමට යොදා නොගන්නා බව පැවැසේ. ඒ තම පවුල වෙනුවෙන් වැඩි කාලයක් කැපකරනු පිණිස බව ඔහු පවසයි.
තම දරුවන් අධ්‍යාපන කටයුතුවලට යොමු කිරීමට කාලය එළඹි පසු මේ යුවළ ඒ වෙනුවෙන් සූදානම් වූ අයුරු පවසා තිබුණේ ඔවුන්ගේ පවු‍ලේ හිතවතියකි. ඔවුන් තම විනෝද චාරිකා ආදිය දරුවන්ගේ කටයුතු නොමැති කාලයන්හි කිරීමට තීරණය කළ බව ඇය සඳහන් කරන්නීය. දරුවන් වෙනුවෙන් මුළුතැන්ගෙයි අත්හදා බැලීම්, චීන භාෂාව උගෙනීම හා සිංගප්පූරුවේ ගණිත පාඩම් කෙරෙහි ඔවුන් උනන්දුවී ඇත. එමෙන්ම අසල්වැසි දරුවන් හා කරන ක්‍රීඩා හා සමිති සමාගම් ගැනද ඔවන් සැලකිලිමත් වූ බව පැවැසේ.
මැකන්සි ලිවීමට හපනියකි. ඇය නවකතා ලියන්නීය. පළ කර ඇත්තේ ‍පොත් 2ක් වුවද ඇය 2006 - ඇමෙරිකානු ග්‍රන්ථ සම්මානය ලබා ඇත. ලිවීමට අවශ්‍ය වූ විට ඇය ඇගේම කුඩා කුටියකට වී සිටී. බෙසොස් ඇයට බාධා නොකරයි. දරුවන් යළි පාසලෙන් රැගෙන ඒමට වේලාව එන තෙක් ඇය ලියයි. ඇය කියන්නේ ඇගේ හොඳම පාඨකයා ඇගේ සැමියා බවයි.
ඇගේ පළමු නවකතාව “ඊඩඥ ඊඥඵබඪදඨ ධට ඹ්භබඩඥප ඒතඡපඪඨඩබ” යි. ඔහු තම කටයුතු පසෙක ලා එහි අත්පිටපත් කියවා ගුණදොස් විවේචනය කළ බව සඳහන්ය. එය ලිවීම සඳහා ඇය වසර 10ක් ගත කර තිබුණි.
එහෙත් සිය දවෛනි නවකතාව ලියා නිම වන තුරු ඔහුගේ වැඩ පාඩු නොකිරීමට ඇය පියවර ගෙන ඇත. තවමත් මැකන්සි ඇමේසන් සමාගමේ නව ප්‍රකාශන ආයතනයෙන් නම් තම වැඩක් කරගතතේ නැතැයි ජෙෆ් සඳහන් කර තිබුණි.
නොයෙක් අවස්ථාවලදී ඇය වෙනුවෙන් ඇඳුම් පැලඳුම් ගෙනත් දීම ජෙෆ්ගේ පුරුද්දකි. ඒ සඳහා ඇගේ සිරුරේ මිමි අසා දැන ගැනීමට ඔහු ඇගෙන් ප්‍රශ්න කරයි. මෙයින් ඇය ඉමහත් සතුටට පත්වන බව ජෙෆ් කියයි.
ලොව අංක එකේ ධනවතා වුවද ජෙෆ් තම බිරියට සහාය වන අයුරු සිත්ගන්නා සුලුය. දිනපතා නිවසේදී ආහාර බඳුන් සේදීමට වැනි කටයුතුවලට ඔහු ඇයට උදව් කරන්නේ එය ඇගේ සතුටට හේතු වන බව අවබෝධ කර ගනිමින් බව ඇමේසන් සමාගමේ ප්‍රධාන විධායක නිලධාරියා බිස්නස් ඉන්සයිඩර් සඟරාවට පවසා තිබුණි.
2014 දී ඇය අයුතු බලපෑම් කිරීමට එරෙහි වබේ අඩවියක් ආරම්භ කළාය. බොහෝ ජනප්‍රිය පුද්ගලයන් පවා තම අමිහිරි අත්දැකීම් ලෝකයට කීමට මේ වබේ අඩවිය තෝරාගෙන තිබුණි.
මැකන්සිගේ පියා මූල්‍ය සැලසුම්කරුවෙකි. මව ගෘහණියකි. ජෙෆ් මෙන්ම මැකන්සිද ප්‍රින්ස්ටන් සරසවියේ උපාධිධාරීන්ය. ඇය ලිවීම ප්‍රගුණ කළේ ටෝනි මොරිසන් නමැති ‍ලේඛකයා යටතේය. ඔහු ඇය ඉතා දක්ෂ ‍ලේඛිකාවක වනු ඇතැයි පවසා ඇත.
අධ්‍යාපනය ලබන කාලයේ මැකන්සි පිඟන් සෝදන්නියක, වේටර්වරියක, රෙදි විකුණන්නියක, ලිපිකාරිනියක, දරුවන් බලාගන්නියක ආදී වශයෙන් රැකියා රැසක නිරතව ඇති බව ඇමේසන්හි ඇගේ චරිතාපදානයෙන් සඳහන්ය.
ජෙෆ් බොසෙස් - මැකන්සි යුවළට පුතුන් තිදෙනෙක් හා දියණියක් සිටිති. පවු‍ලේ බාලයා වන දියණිය චීනයෙන් ලබාගෙන දරුකමට හදා ගන්නා දැරියකි. වැඩිමල් පුතු පේ‍රස්ටන් උපත ලබා ඇත්තේ 2000 දීය.
ඉතිහාසයේ මතෛක් සිටි ධනවත්ම තැනැත්තා ජෙෆ් බෙසොස්ය. ඔහු තම ව්‍යාපාරය මුලින්ම ඇරඹුවේ ගරාජය තුළය. ඇමේසන් ලාංඡනයේ ඇති ඒ සිට ඛ දක්වා ඇදි ඊතලය මෙන්ම ඔහුගේ අන්තර්ජාල සුපිරි වෙළඳසලෙන් මිලට ගත නොහැකි දෙයක් නැති තරම්ය. ජෙෆ් පැතූ සේම “ඔහුගේ සාර්ථකත්වයට මැකන්සිගෙන් නොමද දායකත්වයක් ලැබෙන්නට ඇත. තිබෙන තොරතුරු අනුව නම් ඇය ඇයට හිමි තැන නිසි ලෙස කටයුතු කරන දයාබර බිරියකි, මවකි.

 ඒ.ජී. දීපිකා ප්‍රියදර්ශනී

ලබන පෙබරවාරි 10දාට යෙදෙන 2018 පලාත් පාලන මැතිවරණයේදී ප්‍රධාන දේශපාලන පක්ෂ ලබා ගන්නා ඡන්ද සංඛ්‍යාව කිනම් හෝ ගුප්ත බලයකින් පැවසිය හැකි අයෙකු වේ නම් ඉදිරිපත් වන ලෙස ශ්‍රී ලංකා හේතුවාදී සංගමය අභියෝග කරයි.

එහි ලේකම් සහ මාධ්‍ය ප්‍රකාශක තාරක වරාපිටිය මහතා විසින් නිකුත් කොට ඇති නිවේදනයක සඳහන් වනුයේ මෙවර පලාත් පාලන මැතිවරණය සඳහා ඉදිරිපත් වන ශ්‍රී ලංකා නිදහස් පක්ෂය, එක්සත් ජාතික පක්ෂය, එක්සත් ජනතා නිදහස් සන්ධානය, ශ්‍රී ලංකා පොදුජන පෙරමුණ, ජනතා විමුක්ති පෙරමුණ සහ දෙමළ ජාතික සංධානය යන ප්‍රධාන දේශපාලන පක්ෂ ලබා ගන්නා ඡන්ද සංඛ්‍යාව හා මෙවර මැතිවරණයේදී භාවිතා කෙරෙන මුළු ඡන්ද සංඛ්‍යාව කිනම් හෝ ගුප්ත ක්‍රමයකින්, දිවැස් බලයකින් කලින් කිව හැකි යැයි පවසන ඕනෑම කෙනෙකුට මෙම අභියෝගය විවෘත වන බවය.

එම නිවේදනයේ වැඩි දුරටත් සඳහන් වන පරිදි මෙම අනාවැකිය මගින් ඉදිරිපත් කරන සංඛ්‍යා ලේඛන දත්තයන් අවසන් දහස වශයෙන් දැක්විම නිවැරදි සේ ගණන් ගනු ලැබේ.

නිදසුනක් ලෙස මෙම මැතිවරණයේදී කිසියම් පක්ෂයක් ඡන්ද 2,85411 ලබා ගත හොත් එය ඡන්ද 2,85000ක් ලෙස හෝ 286000 ක් දක්වා ප්‍රකාශ කිරීම නිවැරදි පිළිතුර සේ බාරගනු ලැබේ.

එසේ ජොතිෂ්‍යයෙන්, විශ්ව ශක්තිය ආදී වන විද්‍යාත්මක අර්ථ කථනය නොහැකි කිනම් හෝ ගුප්ත බලකින් මෙම අනාවැකිය නිවැරදි ලෙස ප්‍රකාශ කළ හැකි අයෙකු වේ නම් එසේ එක් එක් පක්ෂය ලබා ගන්නා ඡන්ද සංඛ්‍යාව සහ ඡන්දය භාවිතා කරන මුළු ඡන්ද දායකයන්ගේ සංඛ්‍යාව සමඟ තමන්ගේ සම්පුර්ණ නම, ලිපිනය, ජාතික හැදුනුම්පත් අංකය සහ දුරකතන අංකද සමඟ 2018 පෙබරවාරි 7 දිනට පෙර ලේකම්, ශ්‍රී ලංකා හේතුවාදී සංගමය, අංක 226, සයිමන් දියෙස් මාවත, මාදුපිටිය, පානදුර යන ලිපිනයට තැපැල් මගින් හෝ rationalist.srilanka@gmail.com යන විද්‍යුත් ලිපිනය ඔස්සේ ලබන පෙබරවාරි 7වෙනි දින හෝ ඊට පෙර ලැබෙන සේ එවන මෙන් ශ්‍රී ලංකා හේතුවාදී සංගමය ඉල්ලා සිටී.

එමෙන්ම තමන් විසින් පළකරනු ලබන එම අනාවැකිය සත්‍ය වුව හොත් එය සාක්ෂියක් වශයෙන් සටහන් කර තැබීම සඳහා මෙම ප්‍රවෘත්තිය පළවන මාධ්‍ය ආයතනය වෙත ද එහි පිටපතක් ඊමේල් කළ හැකි බව එම සංගමය නිකුත් කළ නිවේදනයෙහි වැඩිදුරටත් සඳහන් වෙයි.

අපගේ ලිපිනය lakbimaonline@gmail.com

ශ්‍රී පාද රක්ෂිතයේ ඇති තවත් අප්‍රකට පා සටහනක් පිළිබඳ පුවතක් මේ වසර ආරම්භයත් සමඟම මාධ්‍ය මගින් දසත පැතිර යන්නට විය. ශ්‍රී පාද රක්ෂිතය නොදුරේ ඇති කලු ගල් තලාවක එබී ගිය මිනිස් පා සටහන් දෙකක සලකුණු බොහෝ දෙනෙ‍කුගේ අවධානයට ලක් වූ අතර එය දැක ගැනීම පිණිස දස දහස් ගණන් එහි ඇදී එන්නට වූහ.
සිරිපා සලකුණ වශයෙන් සැලකෙනුයේ එක් පා සටහනක් වුව මෙහි මිනිස් පා සටහන් දෙකක්ම එක සමීපයේ දක්නට ලැබීම විශේෂත්වයකි. එමෙන්ම මෙය ප්‍රමාණයෙන් අඩි එකහමාර බැගින් වුවද සාමාන්‍ය මිනිසෙකුගේ පා සටහනකට සමානය. මෙය කලු ගලක එරීයාම නිසා මෙය කිසියම් ගුප්ත අද්භූත බවක් ඇතැයි යන්න බොහෝ දෙනාගේ විශ්වාසය විය. එහෙත් මේ පා සටහන් පිළිබඳ සැඟවුණු ඇත්ත කතාවක් තිබේ. රසවත් බවින් ද අනූන එයට මුල පිරෙන්නේ මෙලෙසිනි.මෙම පා සටහන පිහිටා ඇත්තේ මස්කෙළිය - සාමිමලේ ප්‍රධාන මාර්ගයේ ග්ලැනුජි මංසන්දියෙන් හැරී ගාඩ්මෝර් මාර්ගයේ යනවිට හමුවන ගාඩ්මෝර් කඩමණ්ඩියෙන් කිලෝමීටර් 06 ඔබ්බෙහි පිහිටි තේ වතු යායක් මැද්දෙහිය. ෆෝක්මෝර් වතුයායේ නව ෆෝක්මෝර් කොටසට අයත්‍ මෙය ශ්‍රී පාද රක්ෂිතය මායිමේම පිහිටි ගල්පොත්තක් මත පිහිටා තිබේ. මෙම ගල්පොත්ත බෑවුම් ස්වබාවයකින් යුතුය.

ග්ලැනුජි මංසන්ධියේ සිට ගාඩ්මෝර් දක්වා සාමාන්‍ය වාහනයකින් යා හැකි වුවද එතැන් සිට ෆෝක්මෝර් දක්වා ඇති කිලෝමීටර් 06 වාහනයකින් යාම තරමක් දුෂ්කරය.
මෙම අද්භූත පා සටහනේ කථාව ඇරඹෙනුයේ එහි වතු සේවකයෙකු වන පරමනාදන් හෙවක් කාමරාජ් ජනවාරි 01 වෙනිදා මධ්‍යම රාත්‍රියේ දකින සිහිනයකිනි. ඔහු පවසන පරිදි එම මධ්‍යම රාත්‍රියේ දී සුදු තලප්පාවක් බැදගත් සැරයටියක් අතැති තාපසයෙකු වැනි පුද්ගලයෙකු පැමිණ අසවල් ස්ථානයේ 'රාම දෙවිදුන්ගේ' පා සටහනක් ඇති බවත් එයට නිසි පුද පූජා වත්පිළිවෙත් පවත්වා ආරක්ෂා කරන ලෙසත් පවසා තිබේ. ඉන්පසුව එම තාපසයා සැනෙකින් අතුරුදන් වූ බව පරමනාදන් කියයි. ඉන්පසු තම සිරුරම දහඩියෙන් තෙත්වී නින්දෙන් පිබිදුණු බවත් ඉන්පසු පසදා පහන්වනතුරුම තමන්ට නින්ද නොගිය බවත් පරමනාදන් කියා සිටී.
ඉන්පසුව පසුදා අලුයමින් තමන් එම ප්‍රදේශයේ කෝවිලක පූසාරි කෙනෙකු හමුවී එම පුවත සැලකොට ඔහුද සමගින් එම ස්ථානය පරික්ෂා කිරීමේ දී මෙම පා සටහන් දැකගත හැකි වූ බවත් ඉන් පසු එමගින් ලැබුණු ප්‍රසිද්ධිය මත බොහෝ දෙනෙකු පැමිණ එය රාම දෙවිදුන්ගේ පා සටහනක් වශයෙන් සලකා වැඳුම් පිදුම් කරන්නට පටන් ගත් බවත් පරමනාදන් පවසයි.

කෙසේ හෝ මෙම පා සටහනේ කිසියම් පුරාවිද්‍යාත්මක අගයක් තිබේ දැයි විමසා බැලීම පිණිස මධ්‍යම පළාතේ පුරාවිද්‍යා නිලධාරීන් එහි ගොස් ඇති අතර ඒ වන විටත් ‍එම සලකුණු සුවඳපැනින් නාවා  මල් සුවඳ දුම් ආදිය ඊට පුදා ඇති බව නිරීක්ෂණය විය. එහෙත් ඒ පිළිබඳව වැඩිදුරටත් විමසීමේ දී ඔවුනට වැටහී ගියේ එය එම ගලෙහි ඇති ස්වභාවික පිහිටීමක් පසුව කෘත්‍රිමව පාදයක් සේ සකස් කොට එහි ඇඟිලි සලකුණු පවා කෘත්‍රිමය නිර්මාණය කොට ඇති බවකි.එමෙන්ම අක්කරයක් පමණ වන මෙම පර්වතය 'කුඩු ගල්' පාෂාණයක් වන අතර නියනකින් හෝ උල්කටුවකින් එම පාෂාණයෙහි යම් යම් වෙනස්කම් කළ හැකි බව අඹගමුව ප්‍රාදේශීය ලේකම් ආර්.පී.ජී. සුමනසේකර මහතා කළ නිරීක්ෂණයකින් තහවුරු විය. ඒ අනුව මෙය කිනම් හෝ අරමුණක් මුල්කොට පසුගිය කාලයේ කෘත්‍රිමව සකස් කරන ලද පා සලකුණු දෙකක් බව පුරාවිද්‍යා නිලධාරීන්ගේ නිගමනය වී ඇත. මෙහි දකුණු පා සටහන ලෙසින් දැක්වෙන පිහිටීමෙහි ඇඟිලි වශයෙන් සැලකිය යුතු කොටස ඉතා පැහැදිළි ලෙස කෘත්‍රිමව නිර්මානය කොට තිබූ අතර වම් පාදය ලෙසින් සැලකෙන කොටසද පාදයක් බව ඒත්තු යාම සඳහා අවශ්‍ය හැඩතලය කෘත්‍රිමව සකස්කොට තිබුණි.
මේ සම්බන්ධයෙන් එම පාසලකුණු පිහිටි මෝකා වසමේ ග්‍රාම නිලධාරිනී ආර්.එම්.සිසිකුමාරි මහත්මිය පවසන්නේ මෙම සියළු මතයන් සම්පිණ්ඩනය කළ විට මෙහි කිසිදු පුරාවිද්‍යාත්මක වටිනාකමක් හෝ අද්භූත ස්වභාවයක් නැති බව මනාව තහවුරු වී ඇති බවය.

එමෙන්ම බුදුන්ගේ සිරිපා සලකුණට පහලින් ශ්‍රී පාද රක්ෂිතයට යාබදව රාම දෙවිදුන්ගේ ද පා සටහනක් ඇතැයි යන පුවත රට පුරා ප්‍රචාරය වීමත් සමඟ ගාඩ්මෝර් කඩමණ්ඩියේ වෙළඳ ව්‍යාපාර වලට වැඩිපුර වාසි සැලසෙන්නට වූ අතර එම කඩමණ්ඩියේ සිට ෆෝක්මෝර් වතුයාය දක්වා වූ කිලෝ මීටර් 06 ක දුර සඳහා ත්‍රිරෝද රථ ගාස්තුව රුපියල් 1000/- දක්වා වැඩිකොට ඇති අතර මල් සුවඳ දුම් ආදී පූජා භාණ්ඩ සහිත තාවකාලික වෙළඳසැල් කිහිපයක් ද ඒ අවට ඉදිව ඇත. එහෙත් මෙහි සත්‍යතාව තහවුරුවීමෙන් පසුවද තවමත් මෙය රාම දෙවිදුන්ගේ පාද සටහනක් සේ සලකා එයට වැඳුම් පිඳුම් කරන්නවුන් දක්නට ලැබීම අප රටේ ජනතාවගේ අන්ධ මානසිකත්වය මැනවින් හුවාදක්වන්නකි.



පසුබිම් වාර්තාව සහ ඡායාරූප ගාමිණී බණ්ඩාර ඉලංගන් තිලක

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 4012

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2653

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3729

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2245

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7448

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4597

Please publish modules in offcanvas position.