Coss Ear2
lakbima.lk
COSS Ear 1

ප්ලාස්ටික් සැත්කම් පිළිබඳ අද නොඇසූ කෙනෙක් නැති තරම්ය. ලෝකයේ ප්ලාස්ටික් සැත්කම් වැඩිපුරම කෙරෙන්නේ දකුණු කොරියාවේ අගනුවර වන සියොල් නගරයේය. එනිසා සියොල් නුවර, ප්ලාස්ටික් සැත්කම් ලෝකයේ අගනුවර සේ ප‍්‍රකට වී ඇත. 
දකුණු කොරියාවේ දුම්රිය නැවතුම් පොළවල, බස්රථ වල හා මහමග දිගේ ප්ලාස්ටික් සැත්කම් පිළිබඳ දැන්වීම් ප‍්‍රදර්ශනය කර ඇත. ප්ලාස්ටික් සැත්කමක් කරගැනීම සඳහා වැය වන මුදල් ලබාදීම දෙමාපියන් විසින් තරුණ දියණිවරුන්ට දෙන ත්‍යාගයක් බවට පත්ව ඇති සෙයකි.
ප්ලාස්ටික් සැත්කමක් කර ගැනීම කොරියානු  ජන ජීවිතයට ඉතා තදින් බැඳී පවතින කරුණක් බව පෙනේ. රැකියාවක් ලබා ගැනීමට වුවත් සිරුරේ බාහිර පෙනුම තිබිය යුතු බව දෙමාපියෝ හා දරුවෝ අදහති. මෙනිසා තම පෙනුම ගැන සෑහීමට පත් නොවී කණස්සල්ලෙන් සිටින අයට ප්ලාස්ටික් සැත්කම් කදිම විසඳුමකි. මෙම සැත්කම් නිසා ඇතැම් ජීවිත වෙනස්වන අයුරු දැක්වෙන රූපවාහිනී වැඩසටහන් මගින් ද ජනතාවට ලැබෙන්නේ දිරිගැන්වීමකි. 
දකුණු කොරියාවේ ප්ලාස්ටික් සැත්කම් විදෙස් රටවල පවා ප‍්‍රසිද්ධය. ඒ වොෂිංටන් පෝස්වී, නිව් යෝකර් වැනි පුවත්පත් වල මේ සම්බන්ධ තොරතුරු නිරන්තරයෙන් සඳහන් කෙරෙන බැවිනි. 
ප්ලාස්ටික් ශල්‍ය වෛද්‍යවරුන්ගේ අන්තර්ජාතික සංගමය සඳහන් කරන්නේ දකුණු කොරියාවේ කාන්තාවන්ගෙන් 20%ක් කවර හෝ ප්ලාස්ටික් සැත්කමක් කරගෙන ඇති බවයි. ඒ අනුව එරට කාන්තාවන් දස දෙනෙකුගෙන් දෙදෙනෙකු හෙවත් පස්දෙනෙකුගෙන් එක් අයෙකු තම රූපය සැත්කමකින් වෙනස් කර ගෙන ඇත. මෙය අමෙරිකාවේ මෙන් දෙගුණයකටත් වඩා වැඩි තත්ත්වයකි. 
දහනව හැවිරිදි යුවතියක් ප‍්‍රකාශ කර තිබුණේ ප්ලාස්ටික් සැත්කමක් යනු සාමාන්‍ය දෙයක් බවයි. ඇගේ යෙහෙළියන් නිවාඩු කාලයකට පසු නැවත එන්නේ නව මුහුණකින් බව ඇය සඳහන් කර තිබුණි. කොරියානු රූපවාහිනියේ පරිවර්තිකාවක් ලෙස ඉඳහිට කොරියානු රූපවාහිනියේ පෙනී සිටින එම තරුණිය ඇගේ පෙනුම නිසා පේ‍්‍රක්ෂකයන්ගෙන් ලැබෙන්නේ නින්දාසහගත ප‍්‍රතිචාර බව කියයි. ඇය රූපවාහිනී තිරයේ දක්වන්නේ ඇයි? ඇය මෙතරම් මහත ඇයි? වැනි ප‍්‍රශ්න වලට ඇය මුහුණ දෙන්නේ තමන්ට වෙනත් ප‍්‍රකට තැනැත්තියන්ගේ පෙනුම නැති නිසා බවයි ඇය පෙන්වා දෙන්නේ. මේ නිසා තම නාසය හා හනු වෙනස් කරගැනීමට ඇය කල්පනා කරයි.
සෑම කාන්තාවකටම අවශ්‍යව ඇත්තේ බෝනික්කියන්ගේ හැඩරුවට සමාන වීමට බව පෙනේ. මෙනිසා සිරුරේ මහත අඩු කර ගැනීම, ඉංග‍්‍රීසි වී අකුරේ හැඩයට මුහුණ සකසා ගැනීම, පියයුරු විශාල කර ගැනීම, නළලේ පිරුණු බවක් ඇති කිරීම හා නාසය වෙනස් කර ගැනීම වැනි දේට බොහෝ කාන්තාවෝ ප‍්‍රිය කරති. මේ සියල්ලට වඩා වර්තමානයේ කොරියානු ජනයා උත්සුක වන්නේ තමන් උපතින් ලබා ඇති ඇසිපිය වෙනස් කර ගැනීමටයි.
කොරියානු ජාතිකයන් දෙනෙත් ඇරගෙන සිටින විට ආසියාතිකයින්ගේ මෙන් ඇහිපිය දාරයට උඩින් රැල්ලක් නොපෙනේ. එසේ රැුල්ලක් තිබීම හැඳින්වෙන්නේ ද්විත්ව ඇසිපිය Double Eyelidයනුවෙනි. තනි පියනේ ඇසිපිය මත ඇති මේදය ඉවත් කිරීමෙන් ද්විත්ව ඇසිපිය සැකසීමට ප්ලාස්ටික් සැත්කම් සිදුකෙරේ. ලෝකයේ ප්ලාස්ටික් සැත්කම් වලින් 15%ක්ම කෙරෙන්නේ ද්විත්ව ඇසිපිය සකසා ගැනීමටය. 
දැන් බොහෝ දෙනා ප්ලාස්ටික් සැත්කම් සඳහා පැමිණෙන්නේ දකුණු කොරියාවටය. එරටට එන සංචාරකයන්ගෙන් 1/5ක්ම වෛද්‍ය අරමුණු මත එන්නන්ය. 2020 වන විට එම පිරිස මිලියනයකින් වැඩිකර ගැනීමට ඔවුහු අපේක්ෂා කරති. පසුගිය සැප්තැම්බරයේදී එරට ප්ලාස්ටික් සැත්කම් සායන 1414ක් ලියාපදිංචි කර ඇත. ඒ වෙනත් රූපලාවන්‍ය සැත්කම් කෙරෙන රෝහල් හා සායන රැසකට අමතරවය. දැන් මේ සැත්කම් දකුණු කොරියාවට කදිම ආදායම් මාර්ගයකි.
එක්සත් රාජධානියේදී ඇස් සඳහා ප්ලාස්ටික් සැත්කමක් කරවා ගත් යුවතියක් පවසන්නේ තමන් කොරියාවේදී පෙර සැත්කමේ දොස් නිවැරදි කර ගත් බවයි.  
තම රටේදී ඒ සඳහා ඩො. 8000ක් වැය වුන ද, කොරියාවේදී වැයවන්නේ ඩො, 2000 - 4000ක් පමණක් බව ඇය පවසයි. මෙවර ඇගේ නළල, නාසය හා නිකට යළි සකසනු ලැබ ඇත. උදරයේ මේද ස්ථරයක් ද ඉවත් කරවාගෙන ඇත. 
ඇස්වල පළල වැඩිකිරීමට මෙන්ම නාසය හැඩ කිරීමට ද මෘදු රවුම් නළලක් ලබා ගැනීමට ද නිකට ප‍්‍රදේශයේ පිරුණු බව නැති කිරීමට ද කොරියානු යුවතියන් පෙළඹී ඇත්තේ ඒවා කෙනෙකුගේ පෙනුමට ඉතා වැදගත් බව පිළිගනිමිනි. 
ලොව බොහෝ රටවල ජනප‍්‍රියව ඇති හිසකෙස් සිටුවීම ඊළඟට ජනපි‍්‍රය සැත්කම් වර්ගයයි. අවපැහැවූ දත් සඳහා තුනී පෝසිලේන් සිවියක් අලවා කෙරෙන වේදනා රහිත ප‍්‍රතිකාරය සඳහා වැය වන්නේ සතියක කාලයක් පමණි. 
මේ තොරතුරු කියවන ඔබට ද ප්ලාස්ටික් සැත්කමක් කර ගැනීමට සිතුණේ නම් තම නාසය පිළිසකර කර ගත් යුවතියක් පැය ගණනාවක සැත්කමෙන් පසු කියන මේ කතාවත් අසන්න. 
‘මම මාස ගණනක් ගොඩක් වේදනා වින්දා. ඒක විස්තර කරන්න බෑ. මගේ ඇටකටු පිහියකින් කපන්න වගෙයි දැනුණේ. මගේ කට ඇරිල කෙළ බේරෙනවා. නහයෙ පුළුන් තලියයි.ඇත්තමයි මම පසුතැවිලි වුණ.’
මේ තවත් අයෙකුගේ වචන. 
මට කවදාවත් දරුවන් ලැබිල නැති නිසා ඒ වේදනාව ගැන මම දන්නේ නෑ. ඒත් මම ජීවිතේ විඳපු ලොකුම වේදනාව මේක. මහා පාපයක් විඳිනව වගේ. ‘රත්තරනේ ඇයි මේක කරගත්තෙ? මම අඩුවක් නැතිව ඔබ මැවුවා.’ කියල දෙවියන් වහන්සේ මට කියන හඬ විතරමයි මට ඇහුණෙ.
මෙවැන්නක් නොකර ගන්නැයි කිහිප දෙනෙකුම ලෝකයට කියා තිබුණි. ඔවුන් පවසන්නේ ඔබේ ස්වරූපය හෙළා දකින්නන් වෙනුවට ඔබට පි‍්‍රය කරන අලූත් යහළුවන් සොයා ගන්නා ලෙසයි. 
සැත්කමේ වේදනාවට වඩා මරණය හොඳයැයි ඒ දිනවල සිතුණත් දැන් තමන් තුළ වැඩි ආත්ම විශ්වාසයක් තිබෙන බවයි ඇතැමුන් නම් පවසන්නේ.
 
 ඒ.ජී. දීපිකා ප‍්‍රියදර්ශනී

නගර සංවර්ධනය කිරීම සඳහා යාචකයන්, ගවයන් සහ සුනඛයන් නගර වලින් ඉවත් කළ යුතුය යන අන්තගාමි අදහස දැන් ශීඝ්‍රයෙන් සමාජ ගත වෙමින් තිබේ.

මෙය අද වන විට කෙතරම් ප්‍රවර්ධනයකට ලක් ව තිබේද යත් ගවයන් සහ සුනඛයන් තුරන් කරන බවට ඡන්ද පොරොන්දු දුන් අපේකෂකයන් පිළිබඳව පවා මෙවර අසන්නට ලැබිණ.

එහෙත් මේ අතර යාචකයන්ට සේම ගවයන් සුනඛයන් ඇතුළු සෑම සතෙකුටම මෙලව ජීවත්වීමට සම උරුමයක් ඇතැයි යන ප්‍රබුද්ධ සිතුවිල්ලද මේ වන විට අප ජන සමාජයෙන් නැගෙමින් තිබේ.

මෙහිදී සිදු කළ යුත්තේ යාචකයන්ගේ දිළිඳු බව තුරන් කිරීම සහ නාගරික ප්‍රදේශවල වෙසෙන ගවන්ගේත් සුනඛයන්ගේත් ගහණය පාලනය කිරීම ඔවුන් හට ජීවත්වීමට සුදුස ස්ථාන හඳුන්වාදීම මිස පසුගිය කාලයේ සිදුකළාක් මෙන් සුනඛයන් සිය ගණනන් කොහෝ හෝ රැගෙන ගොස් වෙඩි තබා මරා දැමීම නොවන බව මේ වන විට අප සමාජයේ බොහෝ දෙනෙක් විශේෂයෙන් තරුණ පෙළ ශීඝ්‍රයෙන් පිළිගනිමින් සිටිති.

මෙවන් පසුබිමක් යටතේ අගනුවරට තදාසන්න ප්‍රදේශයක් වූ රාජගිරියේ ප්‍රාදේශීය ලේකම් කාර්යාලය අද්දර සුනඛයන් සහ බළලුන් හතලිහක් පමණ පෝෂණය කරමින් තාවකාලික ආවරණයක් යට දිවි ගෙවන මෙම අසරණ මවගේ කතාව අප ඔබ හමුවට ගෙනෙනුයේ විශේෂ කරුණක් මුල් කර ගනිමිනි.

එනම් දැනට එළඹී ඇති තත්වය අනුව ඉතාම නුදුරු දිනයක කිනම් හෝ මෙහොතක මේ අසරණ මව සහ සතුන් සමූහය හිටි හැටියේ අතුරුදන් වීමට අවශ්‍ය පසුබිම මේ වන විට ශීඝ්‍රයෙන් නිර්මාණය වෙමින් පවතින බව ඉතා විශ්වාස කටයුතු ලෙස අපට දැන ගන්නට ලැබී තිබීමය. 

මෙම මව පිළිබඳ කිසිදු තොරතුරක් අප ඔබට පවසන්නේ නැත. එමෙන්ම අඩුම තරමින් ඇගේ නම වත් හෙළි කිරීමට අපි අකමැත්තෙමු. ඒ එමගින් ඇගේ ඥාතීන්ට අවමානයක් සිදුවිය හැකි බැවිනි.

එමෙන්ම තම නෑදෑයින් වෙතින් මුළුමනින් දුරස්වූ ඇය වැස්සකට පින්නකටවත් හරි හැටි මුවාවිය නොහැකි මෙම ආවරණය තුළ සිට තමන්ට අතිශයෙන් හිතවත් මෙම අසරණ සතුන් පන මෙන් සුරකිනුයේ තම ජීවිතයේ මෙතෙක් මුහුණ දුන් අතිශය කටුක අත්දැකීම් තුළින් මිනිස් සමාජය පිළිබඳ හට ගත් දැඩි කළකිරීමක් නිසා විය නොහැකිද?

ඒ කෙසේ හෝ මෙම ස්ථානයේ සිඟමන් යැදීමෙන් ලැබෙන ඉතා සුළු මුදලින් මේසා අසරණ සතුන් සංඛ්‍යාවකගේ කුස ගිනි නිවන ඇය බෝසත් පාරමිතාවක් පුරන්නියකසේ හැඳින්වීමට මහා කාරුණික බුදු හිමියන්ගේ දහමින් කිසිදු තහංචියක් නොපැනවෙන බව අපට ඉදුරාම විශ්වාසය.

නුතන දේශපාලඥයන්ගේ වදන් වලින් කිව හොත් හෙට අනිද්දාම මෙම ස්ථානයෙන් තුරන් වී ආගිය අතක් නොමැති වීමේ පැහැදිලි අවදානමකට මුහුණපා සිටින මෙම අසරණ මවගේත් අසරණ සතුන්ගේත් ආරක්ෂාවත් මතු යහ පැවැත්මත් සත්ව අවිහිංසාව අගයන ඔබ සැමගේ සාමුහික වගකීමක් බව පෙන්වා දෙමින් අපි මෙලෙස නිහඬ වන්නෙමු.

විශේෂ ස්තූතිය චම්පිකා ගමගේ මෙනවියට

අනාගතයේ දී කන්සා රජු මරා දැමීම සඳහා උපදින්නට නියමිත පුංචි කුමරුගේ මව සහ පියා කන්සා රජුගේ සිරභාරයේ පසුවෙති. ඔවුන් දෙදෙනාට උපදින සෑම කුමරෙකුම මරා දැමීම සඳහා කන්සා රජු විසින් අණ කර තිබෙන්නේ අකාෂ්වානි නැමැත්තාටය. ඒ කෙසේ වුවද මෙම අඹු සැමියන් තමන්ට උපදින නව වැනි කුමරුවා හොර රහසේ මාතුර දේශයේ සිට ගෝකුල් වෙත පිටමං කිරීමට තීරණය කරති. ඒ අනුව මෙම පුංචි කුමරු ඇති දැඩි වන්නේ නන්ද සහ යසෝදා නම් වූ දෙපළගේ භාරයේ ය. මේ ආකාරයෙන් කන්සා රජුගේ සිරකරුවන් බවට පත්ව සිටින්නා වූ කන්සා රජු මරා දැමීමට නියමිත කුමරුවාගේ මව්පියන් වන්නේ වාසුදේව් සහ දේවකී යන තරුණ අඹු සැමි යුවළයි.
මෙය මහ රජ කන්සා නොහොත් Paramavatar Shri Krishna  නම් වූ මෙගා ටෙලි නාට්‍ය මාලාවේ එන කතා සාරාංශයයි. මෙහි දේවකී යන චරිතය සඳහා රංගනයෙන් දායක වන්නේ ගුල්කි ජෝෂි නම් වූ ඉන්දියානු රංගන ශිල්පිණියයි. ගුල්කි යන නමට වඩා ඉන්දියානු රසිකයින් ඇය හඳුන්වනු ලබන්නේ ක්යාති ජෝෂි, සුන්ගි, මෙහෙර් යන නම්වලිනි. ඒ ඇය විසින් නිරූපණය කරනු ලැබූ අතිශය ජනප‍්‍රියත්වයට  පත් වූ චරිතයන්ය.
ඉන්දියාවේ මධ්‍ය ප‍්‍රදේශ් හි ඉන්දෝරේ නම් ග‍්‍රාමයේ ඇය උපත ලැබුවේ 1990 වසරේ මැයි 17 වනදා ය. දිල්ලි සහ මුම්බායි නගරවල බාල කාලය ගත කළ ඇය මුම්බායි හි වීර් භගට් විද්‍යාලයේ අධ්‍යාපනය ලැබුවා ය. උසස් අධ්‍යාපනය සඳහා ගුල්කි ඇතුළු වූයේ සිසුන්ට පහසුවෙන් ඇතුළු විය නොහැකි මිතිබායි පාසලටය. ගුල්කි සඳහා මෙම පාසලේ ඉඩක් ලැබී තිබුණේ බාල කාලයේ සිට ගුල්කි දැක් වූ රංගන කෞෂල්‍ය හේතුවෙන් ඇය පාසල් වේදිකාව නියෝජනය කරමින් සහභාගි වූ ප‍්‍රාන්ත තරග ගණනාවකම ජය හිමි කරගෙන තිබූ බැවිනි.
එසේ වුවද ඇය රංගන ශිල්පිනියක් ලෙස වෘත්තිය තෝරා ගනු ලබන්නේ 2011 වසරේ දී ය. ඒ සෙට් ඉන්දියා චැනලයේ විකාශය වූ Crime Patrol 2 කතා මාලාව සඳහා ය. ඉන්පසු 2012 දී ඇයට සී රූපවාහිනිය මගින් Phir Subha Hogi  හි ප‍්‍රධාන චරිතයක් වූ සුන්ගි සඳහා ආරාධනා ලැබෙන අතර ඇය ඉන්දියානු රසිකයින් අතර ප‍්‍රසිද්ධියට පත් වන්නේ සුන්ගි චරිතයෙනි. 2011 වසරේ සිට මේ දක්වා ඇය ඉන්දියානු මෙගා ටෙලි නාට්‍ය අටක ර`ගපා ඇති අතර හොඳම නිළිය, නැගී එන නිළිය, යොවුන් නිළිය ආදී සම්මාන සඳහා ඇය නිර්දේශ වී තිබේ.
ඇය විසින් මෙතෙක් රංගනයෙන් දායක වී ඇති චරිත අතරින්Paramavatar Shri Krishna හි දේවකී චරිතයට ඇය වැඩි කැමැත්තක් දක්වන්නීය. එයට හේතුව ලෙස ඇය පවසන්නේ ඉන්දියානු වීර කාව්‍යයක රගපාන්නට ඇයට තිබූ ආශාව දේවකී චරිතය තුළින් ඉටු වූ බව ය.

දුලංජලී  මුතුවාඩිගේ

ගීත ලෝලීන්ගේ ආදරය දිනාගත් ගායකයෙකු වන රුවන් හෙට්ටිආරච්චිගේ අලුත්ම ගීතය පහුගිය 18 වැනිදා එළි දැක්වුණා. ඒ ගැන විමසන්න අපි රුවන්ට කතා කළා. රුවන්ගෙන් ගීතය ගැන තොරතුරු විමසන අතරේ ඔහුගේ ආදරණීය බිරිඳ ෂෙරිල් එක්කත් කතා කරන්න අපි අමතක නොකළේ මේ දෙදෙනා කාලෙකින් රිද්ම කතා බහට එකතු නොවුණු නිසාමයි. 
 
රුවන්, පහුගිය 18 වැනිදා අලුත් ගීතයක් එළිදැක්වූවා කියලා ආරංචියි?
ඔව්, මගේ අලුත්ම සිංදුව “නාරි හැඟුම්” රූප රචනයකුත් එක්ක එදා එළිදැක්වුණා. මේ ගීතය ලියුවේ රොෂාන් සමරවික්‍රම. සංගීතවත් කළේ කසුන් වෙලගම්මිල. සංගීත සංයෝජනය ලින් මුතුකුඩ. “තාල රූප” එකේ චමිල් පතිරණ තමයි වීඩියෝ එක හැදුවේ. එළිදක්වලා දවස් 10ක් ඇතුළත ලක්ෂ 5ක් ගීතය නරඹලා තිබුණා. මම අන්තිමට ගීතයක් කළේ මීට මාස 5කට විතර කලින්. ඒ, “ඇමැතුමක්” නමින්. 
 
“නාරි හැඟුම්” රූගත කරන්න විදේශයට ගියේ ඇයි...?
මට ඕනෑ වුණා වෙනස් දෙයක් කරන්න. මගේ හිතවතෙක් වන කසුන් කාවිංග කුරුප්පුට මැ‍ලේසියාව සමග සම්බන්ධතා තියෙනවා. ඔහු මේ කටයුත්තට උදව් කළා. “ක්වාලාලම්පූර්” හා “ලංකාවී” කියන නගරවල දවස් තුනක් මෙය රූගත කළා. මගේ Music Video වලින් වැඩිම වියදමක් දරලා කරපු Video එක තමයි මේක. මිලියනකට අධික මුදලක් මේ සඳහා වැය වුණා.
 
රුවන් එක්ක කතා කරන අතරතුර අපි ෂෙරිල්වත් මේ කතාබහට එකතු කරගත්තා. 
“නාරි හැඟුම්” ගීත රූප රචනයේම රංගනයෙන් එකතු වන්නෙත් ෂෙරිල්.
 
දැන් ෂෙරිල් සැමියාගේ Music Video රඟපෑමට විතරක් සීමා වෙලාද? 
එහෙම දෙයක් නැහැ. හොඳ නිර්මාණයකට ආරාධනා ලැබුණොත් විතරයි බාරගන්නේ. මොකද මගේ සැලෝන් එකේ වැඩත් තියෙනවානේ. ඒ හින්දා නිළියක් විදියට ගොඩාක් කාර්ය බහුල වෙන්න තරම් වෙලාවක් මට නැහැ. 
 
මේ නිසා ටෙලි නාට්‍යවලිනුත් ෂෙරිල්ව ළඟදී දකින්නට ලැබුණේ නැහැ? 
ඔව්, මම අන්තිමට රඟපෑවේ “මීදුමෙන් එහා” ටෙලි නාට්‍යයේ. ඒ 2016 වසරේදී. 
 
ඒ කියන්නේ පහුගිය කාලය පුරාම හොඳ නිර්මාණයකට ආරාධනා ලැබුණේම නැද්ද?
ආරාධනා නම් දැනටත් ලැබෙනවා. ඒත් මම මෙගා ටෙලි නාට්‍යවල රඟපාන්නේ නැහැ. තෝරා බේරාගෙන රඟපාන හින්දා හොඳ නිර්මාණය වෙන්න ඕනෑනේ. ඒ වගේ එකකට නම් මට තවම ආරාධනා ලැබුණේ නැහැ.
 
දැන් විවාහ වෙලාත් අවුරුදු කිහිපයක් ගතවී ගිහින් නේද? 
ඔව් අපේ විවාහයට දැන් අවුරුදු පහක් වෙනවා.
 
රුවන් ෂෙරිල් කැදැල්ලට පුංචි අමුත්තෙක් එන්නේ කවදද?
දෙවියන් වහන්සේ පුංචි අමුත්තෙකුව දෙන දවසක භාර ගන්න අපි තවම බලාගෙන ඉන්නවා. 
 
චන්ද්‍රලතා තන්ත්‍රිගේ

“කාටවත් නොකී රහසක්” රිද්මට කියන්න කියලා කිව්වාම මට එකපාරටම හිතුණේ “අනේ එහෙම රහසක් මට නැහැ නේද?” කියලා. ඒත් අම්මා ළඟට ඇවිත් මගෙන් අහනවා” ගොඩක් දෙනෙක් දන්නේ නැති දෙයක් මගේ ජීවිතේ තියෙනවා නේද” කියලා. ඇත්තනේ... එහෙම දෙයක් මගේ ජීවිතේ තියෙනවා. ඒ කතාව දන්නේ මාව ළඟින්ම ආශ්‍රය කරන අය විතරයි. ඒ වුණත්, ඒ අයටත් වඩා හොඳින් මේ කියන කාරණය ගැන හොඳටම දන්නේ අපේ අම්මයි.
මොකක්ද දන්නවද ඔය කතාව. ඒ තමයි “මට හැම දෙයක්ම අමතක වෙනවා” කියන කාරණය. තවත් විදියකින් කිව්වොත් “මට කිසිම දෙයක් මතක නෑ” කියන එක. ඇත්තට කියනවා නම් මට පුදුමාකාර අමතක වීමේ ලෙඩක් තියෙනවා. හැබැයි මට ටෙලි නාට්‍යවල දෙබස් නම් එක පාරින් මතකේ රැඳෙනවා. සජීවී ගායනකදීවත් සිංදුවක් අමතක වෙන්නේ නැහැ. මගේ මේ අමතක වීම එදිනෙදා කටයුතුවලදී සිදුවන දෙයක්. ඒකත් හරි අසාමාන්‍ය අමතක වීමක්. වටිනා සපත්තු, ආභරණ යන යන තැන්වල දාලා ආපු අවස්ථා එමටයි. ඒ වගේ දේවල් හින්දා අම්මගෙන් බැනුම් අහපු අවස්ථා ඕනෑ තරම් තියෙනවා. ඒත් මගේ මේ අමතක වීමේ ලෙඩේ නම් හොඳවෙන්නේම නැහැ. අමතක වීම සම්බන්ධව අත්දැකීම් ගොඩක් මට තියෙනවා. මේ සිදුවීම වුණත් මම ඉස්කෝ‍ලේ 8 වසරේ ඉන්න කා‍ලේ. ඒ දවස්වල මම අකමැතිම විෂයයන් දෙක තමයි ඉතිහාසය හා භූගෝලය. මම ඒ විෂයන්වලට අකමැති බව ටීචර්ලත් දන්නවා. පුදුම වැඩේ කියන්නේ මට ඒ ‍පොත් දෙක ගෙනියන්නම අමතක වෙනවා. හැමෝම හිතන්නේ මම ඒ විෂයන් දෙකට අකමැති හින්දා හිතාමතාම ‍පොත් ගෙනෙන්න අමතක කරනවා කියලා. දවසක් මට ඔය හේතුවට තදින්ම අවවාද ලැබුණා. එදා මම ගෙදර ආවේ පහුවදා නම් අනිවාර්යයෙන් ඒ ‍පොත් දෙක ගෙනියනවා කියලා හිතාගෙන. පහුවදා මම ඉස්කෝ‍ලේ ගිහින් ‍පොත් බෑග් එක ඇරලා බැලුවා. පුදුම වැඩක් වෙලා. එදත් මට ඒ ‍පොත් අමතක වෙලා. එදා ටීචර් මාව පන්තියේ හිටවලත් තිබ්බා. 
මංගල උත්සවවල දෙවැනි මනාලියන් විදිහට මම ඉඳලා තියෙනවා. සාමාන්‍ය ඇඳුමකින් සැරසිලා ගිහින් එතැනදිනේ අපි දෙවැනි මනාලිය විදියට සැරසෙන්නේ. උත්සවය ඉවරවෙලා ගෙදර ඇවිත් බලද්දී, සෙරෙප්පු, කරාඹු, මාල, වළලු මොනව හරි දෙයක් අමතක වෙලා. මේ විදියේ ගමනක් ගියොත් මොනවාහරි මට අමතක වෙනවාමයි. 
ළඟදී දවසක “සිඳු” ටෙලි නාට්‍යයේ ෂූටිංවලට අපි බණ්ඩාරගම ගියා. එදා උදෙන්ම තිබුණේ කලින් කරපු දර්ශනයක ඉතුරු කොටස රූගත කරන්නයි. කලින් රූගත කළ දර්ශනයේ ඇඳගෙන ගියපු ඇඳුම ගෙනියන්න මට අමතක වෙලා. මම දර්ශන තලයේ ඉද්දී අම්මා ගෙදර ඇවිත් ආපහු ඇඳුම අරගෙන ආවා. ඒත් බලද්දී අම්ම අරගෙන ඇවිත් තියෙන්නේ වෙනත් ඇඳුමක්. අම්මා ආයෙම ඇවිත් ඕන කරන ඇඳුම අරගෙන එනකොට හවස්වෙලා. එදා ඒ දර්ශනය රූගත කරද්දී කළුවර වැටෙන්නත් ළං වෙලා තිබුණා. 
අමතක වීම සම්බන්ධයෙන් සිදුවීම් නම් ගොඩයි. ඒ අතරින් ලොකුම සිදුවීම වූ දවස තමයි අම්මගෙන් වැඩිපුරම බැණුම් අහපු දවසත්. මම හිතන්නේ එදා නම් වටා පිටාවේ ගෙවල්වල අයත් මට බණින්න ඇති.
අපේ ගෙදර ලොකු වතුර ටැංකියක් තියෙනවා. ඒකට වතුර පුරවලා තමයි ගෙදර පාවිච්චියට ගන්නේ. එදා මම ටැංකිය පුරවන්න ටැප් එක ඇරියා. අම්මයි මමයි ෂොපිං යන්නයි එදා සූදානම් වෙලා හිටියේ. අපි දෙන්නා ලැහැස්ති වෙලා ඒ ගමන ගියා. අපි ගිහින් ටික වෙලාවකින් අල්ලපු ගෙදර ඇන්ටිගෙන් අම්මට කෝල් එකක් එනවා පළාතම වතුරෙන් පිරිලා කියලා. මට ටැංකිය වහන්න අමතක වුණ බව මතක් වුණේ එතකොටයි. කරාමය තියන්නේ ගේ ඇතුළේ හින්දා අපිම එන්න ඕන ඒක වහන්න. මොනව කරන්නද? යන්න ගිය ගමන නවත්තලා ආයෙම අපි ගෙදර ආවා. ටවුමේ ඉඳන් ගෙදර එනකන් පැය භාගයක් විතර යනවා. ඒ පැය භාගෙම කන්දෙක පිරිලා ඉතිරිලා ගියේ අම්මගේ බැණුම්වලින්. ගෙදර එද්දී වටා පිටාවේ වතුවලටත් වතුර ගලාගෙන ගිහින්. ටැප් එක වහලා ටික වෙලාවක් යද්දී වතුර බැහැලා ගියත් අම්මගෙ බැණුම් නම් කන්දෙක පිරිලා ඉතිරිලා යන්න ගැලුවා. 
 
ආරියවංශ කුලතිලක

වසරතුන්සිය පනහකට අධික කාලයක විදෙස් අධිරාජ්‍යයන්ගේ පාලනයෙන් මිදී ස්වාධින, නිවහල් රටක් බවට පත්වෙලා මේ වසරට අවුරුදු හැත්තෑවක් වෙනවා. මෙහි සැමරුම් උත්සවය පසුගිය හතරවෙනිදා මහත් හරසරින් සැමරුවා. මෙම උත්සවයේ ප්‍රධාන ආරාධිතයා වූවේ බ්‍රිතාන්‍යයේ දෙවෙනි එළිසබෙත් රැජිනගේ බාල පුතාවන එඩ්වර්ඩ්කුමරු සහ ඔහුගේ ආර්යාව වන සොෆී කුමරියයි. මීට කලින් 1998 දී පනස් වෙනිනිදහස් දින උත්සවයට බ්‍රිතාන්‍යයේ කිරුල හිම් චාර්ල්ස් කුමරාත් ප්‍රධාන අමුත්තා ලෙස සහභාගි වුණා. අපේ රට වැඩිම කාලයක් යටත්කරගෙන සිටියේ ලන්දේසින්. ඊට පස්සේ තවත් වසර එකසිය පනහක් විතර පාලනය කළේ ඉංග්‍රීසින්. ලන්දේසීන්ට සාපේක්ෂව ඉංග්‍රීසින් අපේ රටේ ගොඩාක් වෙනස්කම්කළා. එහෙම කළේ ඔවුන්ගේ අවශ්‍යතාවන් සපුරාගැනීම සඳහා වුවත් තවමත් අපේ රටේ ආර්ථිකයට ඔවුන් ඉතිරිකළ දේවල් ලොකු දායකත්වයක් දරනවා. බදුල්ල බණ්ඩරවෙල, නුවරඑළිය වගේ පැතිවලට ගිහින් බැලුවාම පෙනෙනවා අති දුෂ්කර කඳු මුදුන්වල තේවවන්න සිය රටින්, නෑදැයන්ගෙන් වෙන්වෙලා ඇවිල්ලා වසර ගණනාවක් සේවයට කැපවී සේවය කළ ඉංග්‍රීසි ජාතිකයන් සිටි බව. ඔවුන් සෑදූ මහා මාර්ග, දුම්රිය මාර්ග තාමත් අපි භාවිතා කරනවා. ඔවුන්ගේ භාෂාව, අධ්‍යාපන ක්‍රමය නවීන ලෝකයට යන්න අපිට දොරටුව විවර කරලා තියෙනවා. ඔවුන් අපව තලා පෙලා දරදඩු පාලනයක් ගෙන ගියද ඔවුන් අපට ඉතිරි කර ගිය හොඳ දේවල් ද තියෙන නිසා, අපේ නිදහස් සැමරුමට බ්‍රිතාන්‍ය රජ පවුලේ අයට ආරාධනා කරලා අපේ දියුණුව පෙන්නන එකත් හොඳයි. වර්තමානයේ අර බොහෝ වයසට ගිය උදවියත් කලිසම් කොටයක්,කොට සුදු ගවුමක් එහෙමඇඳගෙන පොත් මල්ලකුත් අරන් තමන් ගිය පාසැලට නැවත දවසක යන එකේ බ්‍රිතාන්‍ය රජපවුල තමන්ගේ යටත් විජිතයක්ව තිබූ රටක් බලන්න එන එක ඉතින් වරදක් නොවෙයිනේ. සමාජ ජාල වෙබ් අඩවි තුළ එඩ්වඩ් කුමරාගේ පැමිණීම විවේචනය කරලා තිබුනේ ඔවුන් අපිව යටත් කරගෙන සිටිය ජාතියක් යන පදනම් මතයි.

කෙසේ වෙතත් මේ අයගේ පැමිණීම වෙනදාට වඩා කතාබහට ලක්වුනා. ඒ ඔවුන් පිළිගැනීම සඳහා පත්කළ කමිටුවකින් යැයි කියමින්  මහජනතාව දැනුවත් කිරීමට බව පවසා කවුරුන් හෝසමාජ ජාලා වෙබ් අඩවි තුළට මුදාහළ ලියැවිල්ලක් හේතුවෙන්.

එහිදී බ්‍රිතාන්‍ය රජ පවුලේ අයට යටත්වැසි මහජනයා විසින් දැක්වියයුතු හරසර පිළිඹදව කරුණු දක්වා,1972න් පසුවත් ඉංග්‍රීසි සමහර නීති රෙගුලාසි අපේ රටේ වලංගු බව පවසා, පොලිස් අත් අඩංගුවෙන් වැළකී සිටීමට නම් එම උපදෙස් පිළිපදින ලෙස දක්වා තිබුණා. මහජනයා අතර මෙම ලිපිය ප්‍රචාරය වීමත් සමගම රජය සහබ්‍රිතාන්‍ය මහකොමසාරිස් කාර්යාලය එක්ව නිවේදනය කළේ එය ව්‍යාජ ලියවිල්ලක්බවයි. කෙසේ වෙතත් එහි සඳහන්ව තිබූ දේවල් බ්‍රිතාන්‍ය ජාතිකයන් සහ බ්‍රිතාන්‍ය මහ රැජින තම රාජ්‍යනායිකාව ලෙස පිළිගන්නා ඕස්ට්‍රේලියාව,නවසිලන්තය,කැනඩාව ඇතුලු රටවල් පහලොවක වැසියන්ට නම් යම්අයුරකින් අදාලවන බව අන්තර්ජාලයෙන් සොයාගත හැකි වුණා.

කෙසේවෙතත් රාජකීය පවුලේ සාමාජිකයන්ටත් පිළිපැදිය යුතු විශේෂ රීතීන් රාශියක්වනවා. විශේෂයෙන් රජ පවුලේ කුමාරවරු සමග විවාහවන කුමරියන්ට විවාහයට පෙර ඒසඳහා පුහුණුවක් ද ලබාදෙනවා.

ඒ අනුව රජ පවුලේ කාන්තාවන්ට කකුලක් දනහිස ලඟින් එක උඩ එක තියන්න තහනම්. දනහිස් දෙක සහ වලලු කර එකිනෙකමත සමාන්තරව තබා කකුල් දෙකම එක පසෙකට ඇදකරගෙන ඉඳගැනීම තමා රීතිය. ඒ විතරක්නෙවෙයි, පුටුවේ පිටුපස ඇන්දේ සිට "බිත්තරයක පළල"ඉඩක් සිරුරේ පිටුපසට තියෙනවිදියට තමා ඉඳගන්න ඕනෑ කාර් එකෙන් බහිනකොට දොර අරින්න කලින් දොර අසලම ඉඳගෙන දොර ඇරිය ගමන් ඉක්මනින් බිමට බහින්න ඕනෑ. ඒ සමගම උඩු ඇඳුමේ කරෙන් ලැම පෙදෙස නිරාවරනය වීම වලක්වාගන්නත් අවශ්‍යවනවා.

තේ බොනකොට කෝප්පයේ අඬුව ඔරලෝසුවේ තුනේ ඉලක්කම දෙසට හැරී තිබිය යුතු වනවා. එමෙන්ම කෝප්පයේ අඬුව මාපට ඇඟිල්ලේ සහ දබරැගිල්ලේ තුඩුවලින් අල්ලාගෙන මැදගිල්ල අඬුවයටින් ආධාරකයක් ලෙස තබාගත යුතු වනවා. නමුත් කෝපි බොන විට දබරැඟිල්ල කෝප්පයේ අඬුව තුළින් යවා අල්ලාගත යුතු වනවා. මොනවා බීවත් කෝප්පයේ එකම තැනකට පමණක්කට තැබිය යුතුවන්නේ කෝප්පය වටා ලිප්ස්ටික් තැවරෙන එක නවත්වන්නයි.

කෑම ගැනීමේදී මුහුදු බෙල්ලන් ආහාරයට ගන්නේ නැත්තේ අසාත්මිකවීම් නවත්වන්නයි. ඒවගේම පිහිය දකුනු අතටත් ගෑරොප්පුව වම් අතටත් ගෙන  ආහාර අනුභව කළ යුතු අතරගෑරොප්පුවෙන් ආහාර වලට අනින්නේ නැතිව,එහි පිටුපස කොටස උපයෝගී කරගෙන ආහාරනැවත පිඟානට නොවැටෙන ලෙස සමබර කරගනිමින් මුඛය තුළට ගෙන ඒම තමා සිරිත.

පඩිපෙලක්නැගීමේදී හෝ බැසීමේදි රජ පවුලේ කුමාරවරුන් සිය ආර්යාවන්ගේ අතින්අල්ලාගත යුතු අතර එම ආර්යාවන් නිකට පොළොවට සමාන්තරව තබාගෙන කොන්ද කෙලින්තබාගෙන කකුල්වල ඇඟිලි ඉදිරියට මුහුනළා ඇවිදිය යුතු වනවා. ආචාර කිරිමේදී තමාඉදිරියේ සිටින පුද්ගලයාගේ ඇස් දිහා කෙලින් බලා දකුනු අත නොරිදෙන විදියට,නමුත් තදින් අල්ලා වරක් හෝ දෙවරක් පමණක් සෙලවීම කළයුතු වනවා.

රජපවුලටලැබෙන ත්‍යාග පවුලේ සැමට හිමිවනවා. තනිව ත්‍යාග ලබාගන්න ඔවුනටනොහැකියි. එසේම පවුලේ සාමාජිකයන්ට ඔවුන් ඔවුන් සමග නිවස තුළවත් විනෝදයට පවාතරඟ ක්‍රීඩා කරන්න ඉඩක් නැත්තේ මාධ්‍ය ආයතනන විසින් රජපවුලේ "දක්ෂයන්"තේරීම වලක්වා ගැනීම පිණිසයි.

රජ පවුලේ කුමරියන් සියහිස් පළදනාව පළදිනවිට, පැත්තෙන් බලනවිට අංශක 45ක කෝණයක් සිටින ලෙස පැළදියයුතු වනවා. වැදගත් සහ ගෞරවනීයත්වය රැකෙන පරිදි නවීන ඇදුම් මෝස්තර ඇඳියයුතුවීමත් එක් රීතියක්.

ගෞරව කිරීමේදී කුමරියන් එක් කකුලක් පිටුපසට ගෙන. අනෙක් කකුල දනහිස ළඟින් මදක් නවා හිස තරමක් නැවීම කළයුතු වනවා.

රජපවුලේ ඔටුන්න හිමි සාමාජිකයන් දුර ගමන් යෑමේදී එකම වාහනයක ගමන් කරන්නේ නැහැ. ඒ කිරීටයේ උරුමය සතුරන්ගේ ප්‍රහාරයන්ගෙන් ආරක්ෂා කරගන්න.

ඉතින් මෙහෙම බලනකොට රජ පවුලට සම්බන්ධවීමත් සාම්ප්‍රදායන් රාශියකට කොටුවීමක්

එඩ්වඩ්කුමරු හඳුන්වන්නේ වෙසෙක්ස් හි අර්ල් වරයා ලෙසයි. මේ නම් කියවෙන විටනම්මතක්වෙන්නේ "රොබින්හුඩ් " කතා පුවතයි. ඒ කතාවේ ඒ අවධියේ දීඑංගලන්තයේ විශ්වාසකළ මිත්‍යා විශ්වාස ගොඩක් ඇතුලත් කර තිබුනා.එවන් අතීතපුරා වෘත්තයක එන කතා පුවතක දැක්වෙන පරිදි, බ්‍රිතාන්‍ය කුලුණේ ජීවත්වන විශාල සිරුරක්සහිත කපුටන් විශේෂයෙන් අවම වශයෙන් කපුටන් හය දෙනෙක්වත් කුලුණේ රැඳීනොසිටිය හොත් බ්‍රිතාන්‍ය රජය බිඳවැටෙන බවට වන විශ්වාසය තවමත් ඇති නිසා එමකපුටන් විශේෂය එම කුලුණ මත පවත්වාගෙන යාම සඳහා නිළධාරින් ද පත්කර තිබෙනවා.

මෙවන්සාම්ප්‍රදායන් සහ සිරිත් විරිත් අනුගමනය කරන බ්‍රිතාන්‍ය රජ පවුලේ නියෝජිතයාට, අපේ සාම්ප්‍රදායික උරුමය පෙන්වන නිදහස් දින සංදර්ශනයට "ලැප්ටොප් වන්නම"  සහ "දුරේක්ෂ සවරම" ඇතුලත් කොට අපගේ උරුමයන් ගැන මවිත කරවීමට තිබූ අවස්ථාව අහිමි කිරීම නම් කනගාටුවට කරුණක්.

වෛද්‍ය පාලිත බණ්ඩාර සුබසිංහ

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 4012

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2653

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3729

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2245

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7448

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4597

Please publish modules in offcanvas position.