lakbima.lk
2017-02-21 ඇමෙරිකා ඩොලරය ගැනුම් මිල රු.149.68 , විකුණුම් මිල රු.153.44 | බි‍්‍රතාන්‍යය පවුම ගැනුම් මිල රු.185.67 , විකුණුම් මිල රු.192.00 | යුරෝ යුරෝපය ගැනුම් මිල රු.157.38 , විකුණුම් මිල රු.163.41 | ස්වීස් ප‍්‍රෑන්ක් ගැනුම් මිල රු.147.84 , විකුණුම් මිල රු.153.73 | කැනඩා ඩොලරය ගැනුම් මිල රු.113.24 , විකුණුම් මිල රු.117.71 | ඔස්ට්‍රේලියා ඩොලරය ගැනුම් මිල රු.113.80 , විකුණුම් මිල රු.118.86 | සිංගප්පූරු ඩොලරය ගැනුම් මිල රු.104.86 , විකුණුම් මිල රු.108.71 | ජපන් යෙන් ගැනුම් මිල රු.1.3121 , විකුණුම් මිල රු.1.3617 |

දැනට වසර ගණනාවක සිට අපේ රටේ බොහෝ දෙනකුට දහම් පණිවිඩයක මුවාවෙන් ලැබෙන මෙම නිර්නාමික ලිපිය මේ වනවිට එක්වරක් හෝ කිහිප වරක් ඔබ අතට පත් වී තිබීමට පුළුවන.

                                                                                   බුදුසසුන බැබලේවා!
                                                                                  සියළු බෞද්ධයන් වෙත දැනුම් දීමයි.

අනුරාධපුර නාග විහාරයේ ගල්ලෙනක් තුළින් විශාල නාගයෙක් මතුවිය. මේ ස්ථානයේ භාවනාවේ යෙදී සිටි භික්ෂූන් වහන්සේලාට මෙසේ කීය. “මේ කියන දේ හොඳින් අසන්න. මම මුචලින්ද නාග රාජයාගේ ප්‍රත්‍ර රත්නය වෙමි. මේ ලෝකයේ කල්ප විනාශය වන තුරුම විමසිල්ලෙන් බලා සිටිමි. බුද්ධාගමට විහිළු කරන අයටත් නිසි දඬුවම් ලබා දෙමි.

තවද මෙම පණිවිඩුය කෙරෙහි භක්තියෙන් යුතුව ප්‍රචාරයට ඉදිරිපත් වන යම් කෙනෙක් සිංහලෙන් ‍හෝ දෙමළෙන් මුද්‍රණය කර බෙදා හැරීමට ඉදිරිපත්වන්නේ නම්, ඔහුට මහත් භෞතික සම්පත් ලබාදෙමි. මෙය අද ප්‍රචාරය වී ඇති සියල්ලටම වඩා ශ්‍රේෂඨ බවත්, බුදුන් කෙරෙහි භක්තියෙන් සිටින සියළු දෙනා ආරක්ෂා කරන බවත් දන්වමි.”
 එම ස්වාමින් වහන්සේ පැන් ස්වල්පයක් ඉස්සවිට නාගයාගේ ශරීරයෙන් රැස් විහිදෙන්නට පටන්ගෙන අතුරුදහන්විය.

මෙය දැනගත් බොම්බායේ පාසල් සිසුවෙකු මෙම ප්‍රතිකාව ඉරා විසිකර දමා පැය 24ක් තුළ දී කළු නාගයකු දෂ්ඨකර මිය ගියේය. මාතලේ දිස්ත්‍රික්කයේ යමෙක් මෙම පත්‍රිකාවෙන් විස්කෝතු ඔතාගෙන ගොස් පුතාට කන්න දී නාසයෙන් ලේ ගලා මිය ගියේය. මහියංගනයේ එල්.කේ.පොඩි අප්පු මහතා විසින් මෙම ප්‍රත්‍රිකා 2000ක් මුද්‍රණය කර බෙදා හැර සති දෙකකින් ලක්‍ෂ දෙකහමාරක වටිනා නිල් මැණිකක් ලැබී ධනවතකු විය.

මෙය විශ්වාස කරගෙන කොළ 500ක් මුද්‍රණය කර බෙදා දුන් ගාල්ලේ දෙවැටේ පදිංචි සුසිල් මහතාට නොසිතූ අන්දමට ඉතා ලස්සන නිවසක් තනා ගැනීමටත් ඔහු‍ගේ වෙළද ව්‍යාපාර දිනෙන් දින දියුණු වීමෙන් ධනවතකු වීමටත් වාසනාව උදා විය. ජම්බුගහපිටියේ ඒ.කේ.අත්තනායකට මෙම කොළය ලැබී දින 07ක් ගෙවී යන තෙක්ම ප්‍රචාරය නොකළ නිසා ඇය පිස්සියක් බවට පත් විය. මෙතෙක් කල් කරගෙන ආ රැකියාවද අහිමි විය.

මෙම පත්‍රිකාව වි‍ශ්වාස කරගෙන මුද්‍රණය කරන අයට තමන් සිතන දේ ඉෂ්ට වේ. දින 10 ක් තුළ ප්‍රතිඵල ලැබේ. තමන්ට මෙම පත්‍රිකාව ලැබී දින 10ක් තුළ මුද්‍රණය කර පත්‍රිකා 20ක් බෙදිය යුතුය. මෙය නතර කන්න එපා. මේ විස්තර පත්‍රයෙන් යහපත සලසා ඔබගේ වාසනාව ගෙන දෙයි.

භාග්‍යවත් ශ්‍රී සම්මා සම්බුදු සරණයි මෙය විශ්වාස කර හිතවතුන් අතර ‍බෙදා දෙන්න.

ස්තුතියි.

කරුණාකර මෙය තේරුම් ගෙන අතින් අත යවන්න.

එමෙන්ම එම පත්‍රිකාවේ සඳහන් ඉහත දැක්වෙන ප්‍රකාශය මත ඇතැම් විට ඔබ බියපත්වන්නට ද ඇත; ඒ අනුව ඉහත දක්වා ඇති පරිදි මෙම පත්‍රිකාවේ පිටපත් විස්සක් බෙදා හරින්නට ද ඇත. එබැවින් මෙම පත්‍රිකාවේ සඳහන් කරුණුවල සත්‍යතාව සහ විශ්වසනීය බව පිළිබඳව විමසා බැලීමට අපි පළමුව මධ්‍යම සංස්කෘතික අරමුදලේ, ව්‍යාපෘති අධ්‍යක්ෂ (අනුරාධපුර) සේවා සම්මානිත මහාචාර්ය ටී.පී.කුලතුංගයන් දුරකථනයෙන් සම්බන්ධකර ගතිමු.

ප්‍රශ්නය; මහාචාර්ය තුමා; අනුරාධපුර නාග විහාරය තියෙන්නේ කොහෙද?

පිළිතුර; අනුරාධපුර නාග විහාරය? අනේ එහෙම එකක් ගැන මම දන්නේ නැහැනේ.

ප්‍රශ්නය; ඒ කියන්නේ එහෙම එක් තියෙන්න පුලුවන්ද?

පිළිතුර; මෙහෙමයි; අනුරාධපුරේ නාග විහාරය කියලා පුරාවිද්‍යා ස්ථානයක් ගැන නම් මම දන්නේ නැහැ. කෝකටත් ඩොක්ට දිසානායක (පුරාවිද්‍යා අධ්‍යක්ෂ ජනරාල් ආචාර්ය සෙනරත් දිසානායක) ගෙනුත් අහලා බලන්න; කොහොමත් මම නම් ඔය ඔහොම කතාවක් ඇහුවමයි.

ඒ අනුව අපි පුරාවිද්‍යා අධ්‍යක්ෂ ජනරාල් ආචාර්ය සෙනරත් දිසානායක සම්බන්ධ කරගන්නේ මෙම නාග විහාරයේ වංහුං තව දුරටත් දැන ගනු පිණිසයි.

ප්‍රශ්නය; අධ්‍යක්ෂ ජනරාල් තුමා අනුරාධපුරේ නාග විහාරය කියන්නේ කොහෙද?

පිළිතුර; අනුරාධපුරේ එහෙම තැනක් නැහැහේ.

ප්‍රශ්නය; හොඳට කල්පනා කරලා බලන්න; ගල් ලෙන් එහෙම තියන පැරණි විහාරයක්.

පිළිතුර; මට පේන්නේ ඔය මොකක් හරි වැරදි තොරතුරක් මත පදනම් වුණු ප්‍රශ්නයක්; අනුරාධපුරේ නම් ඔය කියන විදිහේ තැනක් නැහැ.

ඉන්පසුව නාග විහාරය පිළිබඳ සෙවීම නවතා අපි මුචලින්ද නාග රාජයාගේ ප්‍රත්‍ර රත්නය පිළිබඳව විමසා බැලීම පිණිස පේරාදෙණිය විශ්ව විද්‍යාලයීය පාලි හා බෞද්ධ අධ්‍යනාංශයේ ජ්‍යෙෂ්ඨ කථිකාචාර්ය සහ විශ්ව විද්‍යාලයීය බෞද්ධ විහාරාධිපති රාජකීය පණ්ඩිත ආචාර්ය පූජ්‍ය බමුණුගම ශාන්ත විමල හිමිපාණන් දුරකථනයට සම්බන්ධ කරගනිමු.

ප්‍රශ්නය; ස්වාමීන් වහන්සේ ත්‍රිපිටක සාහිත්‍යයේ මුචලින්ද නාග රාජයා ගැන සඳහන් වෙන්නේ කොතැනද?

පිළිතුර; උදාන පාලියේ දෙවන මුචලින්ද වග්ග කියන කොටසේ පළමු සූතුයෙන් ඒ ගැන විස්තර වෙනවා.

ප්‍රශ්නය; එතකොට මුචලින්ද නාග රාජයාගේ පුත්‍ර රත්නය ගැන?

පිළිතුර; ඒ කවුද ඒ?

ප්‍රශ්නය; එහෙම කෙනෙක් ගැන ත්‍රිපිටකයේ සඳහන් වෙන්නේ නැත්ද?

පිළිතුර; කිසිම තැනක නෑ; සූත්‍රවල තියා සූත්‍ර අටුවාවලවත් නැහැ. ඒක ස්ථිරයි.

ඉන්පසු අපි උන්වහන්සේට ඇසෙන සේ එම පත්‍රිකාව දුරකථනයෙන් කියැවීමු. එවිට උන්වහන්සේ මෙසේ කීහ.

“ඕක දැනට දශක ගාණක් තිස්සේ නුවණ මඳ අය මුලාකරලා ජනතාව අතර දුර්මත වපුරවන්න බටහිර රටවල සමහරු යොදා ගත්තු කුප්‍රකට සන්නිවේදන ක්‍රමයක්; දැනට අවුරුදු ගාණක ඉඳලා ඕක විශ්ව විද්‍යාල ළමයින් අතරටත් ඇවිත් තියනවා; මේක එක්තරා විදිහක මනෝ විද්‍යාත්මක ත්‍රස්තවාදයක් විදිහටත් හඳුන්වන්න පුළුවන්; නමුත් මෙතන තියන ලොකුම ඛේදවාචකය තමයි අපේ මහා කාරුණික බුදු රජාණන් වහන්සේ මුල් කරගෙන මනෝ  විද්‍යාත්මක ත්‍රස්තවාදී ක්‍රමෝපායන් ඔස්සේ සමාජය පුරා මිථ්‍යාව පතුරවන එක; ඒ හින්දා පොදු සමාජ යහපැවැත්ම වෙනුවෙන් මම නම් ඉල්ලා සිටින්නේ ඔය වගේ මිථ්‍යා මත සහිත ලියුමක් දැක්ක හැටියේ කාටවත් නොපෙන්වා ඉරා දමන ලෙසයි. එසේ කී උන්වහන්සේ අවසානයේ මෙසේ ද කීහ. “ මම නම් දැන් අවුරුදු විස්සක් තිහක් තිස්සේ කීප සැරක්ම එහෙම කරලා තියනවා.”

නිරංජන් චාමින්ද කරුණාතිලක

 

ස්වයංක්‍රීය ජල සැපයුම් උපකරණයක් නිර්මාණය කළ දිඹුලාගල සිරිපුර මධ්‍ය මහා විද්‍යාලයේ 11 ශ්‍රේණියේ එම්. යොමාල් විශ්වජිත් සිරිවර්ධන ශිෂ්‍යයා රටවල් 29ක තරගකරුවන් 1000ක් අතරින් ජාත්‍යන්තර රන් පදක්කමක් දිනා ගැනීමට සමත්වී ඇත.
 තායිලන්තයේ නව නිපැයුම් කරුවන්ගේ දිනය සමරමින් මේ මස 02 වෙනිදා සිට 06 වෙනිදා දක්වා බැංකොක් නගරයේ පැවැති නව නිපයුම් තරගාවලියේ දී ඔහු මෙම ජාත්‍යන්තර රන් සම්මානය ලබා ශ්‍රී ලංකාවට මහත් කීර්තියක් ගෙන පෙරේදා (11) පැමිණියේය. 
මම ඉන්නේ ‍පොළොන්නරුව මහවැලි සී කලාපයේ. මේක කෘෂිකාර්මික පළාතක්. සියලු දෙනාම වගේ ගොවිතැන් කරනවා. ගොවියන්ට ලොකුම ගැටලුව තමා ගොවි බිමට කලට වේලාවට ජලය ලබා ගැනීම. මම හදපු ස්වයක්‍රීය ජල සැපයුමෙන් ගොවීන්ගේ ගැටලුවලට ගොඩාක් විසඳුම් තියෙනවා. තමන්ගේ වගා බිමට වතුර රැගෙන යන තැන මේ උපකරණය සවිකරලා තමන්ට ඕනෑම වේලාවක ලෝකේ කොහේ සිට හෝ ජංගම දුරකථනය මගින් ජලය අරින්න, වහන්න පුළුවන්. මේ උපකරණය ගොවි බිමට විතරක් නොවේ ඕනෑම ජල සැපයුම් කාර්යයකට යොදා ගන්න පුළුවන්. සූර්ය ශක්තියෙන් ඕනෑම වේලාවක ක්‍රියාත්මක කර ගත හැකි මේක තමන්ගේ ජංගම දුරකථනයෙන් පාලනය කර ගන්න පුළුවන්. අනික තමා මේ උපකරණයෙන් තමන්ගේ වගා බිමට ජලය එන ඇළේ වතුර තියෙනවාද? නැද්ද? කියලා ලෝකේ කොහේ හිටියත් දැන ගන්න පුළුවන්.
මේ ජල සැපයුම් උපකරණය කවුරුන් හෝ ගලවා උස්සගෙන යන්න හැදුවොත් ඒ විගසම තමාගේ දුරකථනයට කෙටි පණිවිඩයක් එන බව ද නව නිපැයුම් කරු යොමාල් විශ්වජිත් සිසුවා පැවැසීය.
තම ජයග්‍රහණ සඳහා ශක්තිය දුන් විදුහල්පති එදිරිසිංහ මහතා ඇතුළු විද්‍යාලයීය ගුරුවරුන් ශ්‍රී ලංකා නව නිපයුම් කොමිසමේ අධ්‍යක්ෂ ආචාර්ය මහේෂ් එදිරිසිංහ ඇතුළු කාර්ය මණ්ඩලය මහත් ගෞරවයෙන් යොමාල් සිහිපත් කර සිටියේය.





මනම්පිටිය - නිමල් ජයරත්න

උන්මාද  සඳ ඒක පුද්ගල සංගීත ප්‍රසංගයේ ගීත ගායනය සඳහා ආරාධනා කර සංවිධායකයන් ‍පොරොන්දු වූ රුපියල් හත් ලක්ෂ පනස්දහසක මුදල ගෙවීම පැහැර හැරී බව කියමින් ප්‍රවීණ ගායන ශිල්පී අමරසිරි පීරිස් මහතා අනුරාධපුර මූලස්ථාන ‍පොලීසියේ අපරාධ විමර්ශන අංශයට මුදල් නොගෙවීම සම්බන්ධයෙන් ඊයේ (11) රාත්‍රියේ පැමිණිල්ලක් ඉදිරිපත් කර තිබුණි.
අනුරාධපුර ස්වර්ණපාලි බාලිකා ජාතික පාසල් ප්‍රධාන ශාලාවේදී ප්‍රවීණ ගායන ශිල්පී අමරසිරි පීරිස් මහතාගේ සහභාගිත්වයෙන් පැවැත්වීමට නියමිතව තිබූ සංගීත ප්‍රසංගයට සංවිධායකයින් ‍පොරොන්දු වී ගිවිසගත් ආකාරයට රුපියල් 750000 මුදල නොගෙවීම හේතුවෙන් ඒ මහතා අනුරාධපුර මූලස්ථාන ‍පොලීසියේ අපරාධ විමර්ශන අංශයට පැමිණිලි කර තිබුණි.
පැමිණිල්ල සමග වහාම ක්‍රියාත්මක වූ ‍පොලීසිය එම ප්‍රසංගය සංවිධානය කළ තරුණ කාන්තාවක ඇතුළු කිහිපදෙනෙකු අනුරාධපුර නගරයේ පිහිටි නිවාඩු නිකේතනයක නවාතැන් ගෙන සිටියදී ‍පොලීසියට කැඳවා ආරවුල විසඳීමට කටයුතු කර තිබුණු අතර සංවිධායකයින් අමරසිරි පීරිස් මහතාට ගෙවිය යුතු මුදල ගෙවීමට ‍පොරොන්දු වී තිබුණි.
අමරසිරි පීරිස් මහතා සහභාගි වූ ප්‍රසංගය නැරඹීම සඳහා ප්‍රවේශපත් රැගත් රසිකයන් පිරිස  විද්‍යාලයේ ප්‍රධාන ශාලාවට පැමිණ සිටි අතර සංවිධායකයින් එහි නොපැමිණියත් රසිකයන් වෙනුවෙන් ගීත හයක් ගායනා කිරීමට ඒ මහතා කටයුතු කළේය. සිය රසිකයන් වෙනුවෙන් ගීත ගායනා කළ අමරසිරි පීරිස් මහතා ‘මෙම අනුරාධපුරයට දෙතුන් වතාවක් සංගීත ප්‍රසංගවලට ආවා. නමුත් මේ වගේ සිද්ධියකට මුහුණ දෙන්න සිදුවුණේ නැහැ’ යනුවෙන් පවසා ‍පොරොන්දු මුදල නොගෙවීම සම්බන්ධයෙන් අනුරාධපුර මූලස්ථාන ‍පොලීසියට ගොස් පැමිණිලි ඉදිරිපත් කළේය.
ප්‍රවීණ ගායන ශිල්පී අමරසිරි පීරිස් මහතා ගෙන්වා ඔහුට මුදල් ලබා නොදීම සම්බන්ධයෙන් උන්මාද සඳ ඒක පුද්ගල සංගීත ප්‍රසංගය සංවිධානය කළ අසංගි චන්දිමා විජේසූරිය මහත්මියගෙන් දුරකතනයෙන් කළ විමසීමකදී ඇය මෙසේ පැවැසුවාය. “මම එතුමාට අගෞරවයක් වන වචනයක්වත් කියන්න කැමැති නෑ. අනුරාධපුර නගරයේ ප්‍රබල ව්‍යාපාරිකයෙකු ඇතුළු පිරිසක් තමයි ප්‍රසංගය කඩාකප්පල් කළේ. මට විවිධ තර්ජනත් ආවා. මම ඒ පිළිබඳව අනුරාධපුර මූලස්ථාන ‍පොලිස් පරීක්ෂකතුමාට ලිඛිතව දැන්වීම් කරා. අමරසිරි පීරිස් මහතා මා සමග  ඇති වූ අමනාපයක් හේතුවෙන් සංගීත ප්‍රසංගයට සහභාගි නොවී ඊයේ (11) සවස පහට අනුරාධපුරයෙන් යනවා කිව්වා.
ඒ නිසා මම ආරාධිත අමුත්තන් ඇතුළු සියලුම රසිකයින්ට දැන් වුවා ප්‍රසංගය අවලංගුයි කියලා. ඒ වගේම ප්‍රවේශ පත්‍ර අලෙවි කරන්නත් එපා කියලත් කිවුවා. නමුත්  සවස හතට විතර ඒ මහතා විද්‍යාලයට ඇවිල්ලා සින්දු  කියලා. ඇයි අවලංගු කරපු ප්‍රසංගයකට සහභාගි වුණේ. නමුත් එතුමාව මමයි අනුරාධපුරයට ගෙන් වූයේ ‍පොරොන්දු මුදල් දෙනවා. අනුරාධපුර නගරයෙන් ප්‍රවේශපත්‍ර 44ක් අලෙවි වී තිබුණා. ඒ මුදලුත් මම රසිකයන්ට නැවත ලබා දෙනවා” යැයි ඇය පැවැසුවාය.
අනුරාධපුර මූලස්ථාන ‍පොලීසියේ අපරාධ විමර්ශන අංශයේ ස්ථානාධිපති ප්‍රධාන ‍පොලිස් පරීක්ෂක එම්.එස්.කුමාරසේන මහතා ඇතුළු පිරිසක් පැමිණිල්ල සම්බන්ධයෙන් පරීක්ෂණ සිදු කරයි.

අනුරාධපුර - බුද්ධික මහේෂ් විජේසූරිය

අචලා ප්‍රියදර්ශනී දැන් නීතිඥවරියක්. 2013 අවුරුද්දේ ඇය ඉතා අවාසනාවන්ත අත්දැකීමකට මුහුණ දුන්නා. ඇය එදා එම සිද්ධිය විස්තර කළේ මෙහෙම.
“මම අපේ ගෙදර ඉඳලා අයියලගේ ගෙදරට යන්න ඇවිදගෙන ආවා. මම ආවේ පඩි පෙළක් දිගේ. එහෙම එද්දී මාව පඩි පහකින් බිමට වැටුණා. ඒ වෙලාවේ මම මගේ වම් අත බිමට තිබ්බා මතකයි.”
“මේ සිදුවීමෙන් පස්සේ මගේ වම් අතේ ඇතිවුණු ආබාධයක් නිසා ගෙදර අය මාව ළඟම තියෙන රෝහලට අරන් ගියා. ඊට පස්සේ ඒ රෝහ‍ලේ දොස්තර මහත්තුරු ලී පතුරු දෙකක් මගේ අතට තියල බැඳලා, ඒ රෝහ‍ලේ ගිලන් රථයකින්ම මාතර මහ රෝහලට අරන් ගියා. ඒ යද්දී මට වේදනානාශක හා පිටගැස්මට බෙහෙත් දීලා තිබුණා.”
“මාතර රෝහලට අරගෙන ගිය මාව ඉන් පස්සේ කොළඹ ජාතික රෝහලට යවන්න කටයුතු කළා. කොහොම හරි අවසානයේදී මට සිද්ධ වුණේ වම් අත නැති ආබාධිතයෙක් වෙන්න. මට මෙහෙම වුණේ වෛද්‍යවරුන්ගේ නොසැලකිලිමත්කම නිසා කියන එක තමයි මගේ විශ්වාසය. ඒ නිසා මම ඊට එරෙහිව නීති මගින් කටයුතු කරනවා.”
අචලා මෙහෙම කියල ගෙවුණේ සති කීපයයි. එවකට තිබූ රජය අචලා වගේම ඇය වෙනුවෙන් කතා කරපු හැමෝගේම කරුණු සැලකිල්ලට ගෙන ඇයට පිහිට වෙන්න හිතුවා. එහෙම හිතල අචලාට කෘත්‍රිම අතක් සවි කිරීමේ අදහසින් ජර්මනියට යැව්වා.
එහෙම ගිය අචලා නැවත ලංකාවට ආවා. ඇවිත් අර කෘත්‍රිම අතින් තමන්ගේ වැඩ කටයුතු කර ගන්න වෙහෙසුණා.
“ඇත්තටම ඒක ලොකු රැවටීමක්. මට ඒ කෘත්‍රිම අතින් කිසිම වැඩක් කරගන්න බැරි වුණා. රුපියල් ලක්ෂ 49 කට අධික මුදලක් වැය කරලා කරපු දෙයින් මට කිසිම දෙයක් කරගන්න බැරිවුණා.”
එවකට නීති ශිෂ්‍යාවක් වුණු අචලා ලංකාවට ඇවිත් තමන්ගේ අධ්‍යාපන කටයුතු කරගත්තේ අභියෝග රැසක් මැද්දේ.  ඇයට හුරු වමත වෙනුවට ඇය දකුණතින් හැම වැඩක්ම කරගන්න හුරු වුණා.
“අත් දෙකම හොඳට තිබුණු මම තනි අතට හුරු වුණා නමෛයි, හුරු වෙන්න සිද්ධ වුණා. මේ කා‍ලේ මගේ ඇස්වලින් පිට වුණු කඳුළු මොන තරම්ද කියල මම දන්නේ නැහැ. මේ වෙලාවේ මගේ යාළුවෝ මා එක්ක හිටියා. මට උදව් කළා. මම විභාගයට මුහුණ දුන්නේ එවැනි පරිසරයක් තුළයි.”
මේ විදියට ජීවිතේ ජය ගන්න උත්සාහ ගත්ත  අචලා නීතිඥවරියක් වුණා. මුල් කා‍ලේ ඉඳලම ඇය එක්ක හිටපු ඇගේ නාවික හමුදාවේ පෙම්වතා එක්ක විවාහ වුණා. ඔහු අචලාගේ අත අරගෙන ටික කාලෙකින් නාවික හමුදාවෙන් ඉවත් වුණා.
“මට පෞද්ගලික අංශයේ රැකියාවක් ලැබුණා. ඒත් තනියම ඇඳුමක් ඇඳ ගන්න බැරි මම අසරණ වුණා. මුල් කා‍ලේ මට සාරියක් ඇඳගන්න පවා උදව් කළේ මගේ යාළුවෙක්. ඒත් ඒ දේ හැමදාම අනිත් අයට කියලා කරගන්නේ කොහොමද?”
“මේ වෙලාවේ තමයි මගේ සැමියා මගේ සරණට ආවේ. එයා රැකියාවෙන් ඉවත් වෙලා මාව බලාගන්න තමන්ගේ අනාගතය කැප කළා. දැන් එයා තමයි හැම දෙයක්ම කරන්නේ. උයලා කන්න පවා දෙන්නේ එයයි.”
අචලා තව බොහෝ දේ කියනවා. තනි අතකින් රස්සාවක් කරල ජීවත් වීමේ අභියෝගය පහදා දෙනවා.
“මේක ඉවස ගන්න බැහැ. කාටවත් මේ තත්ත්වය පහදල කියන්නත් බැහැ. මම ඒ තරම්ම අසරණ වෙලා ඉන්නේ.”
අචලා තමන්ට සිද්ධ වෙච්ච අසාධාරණය ගැන එවකට සිටි බලධාරීන් හමුවෙලා කතා කළා. තමන් වෙනුවෙන් කිසියම් උපකාරයක් කරාවි කියලා ඇය අපේක්ෂා කළා. ඒත් වැඩක් වුණේ නැහැ. අවසානයේදී ඇය අධිකරණය හමුවට ගියා. දැන් ඒ නඩුව උසාවිය හමුවේ විභාග වෙනවා.
“මම විශ්වාස කරනවා අධිකරණයෙන් මට සාධාරණයක් වේවි කියලා. මම මේ නඩුව දාලා තියෙන්නේ රුපියල් මිලියන 100ක් ඉල්ලලා. මම විශ්වාස කරනවා වෛද්‍ය නොසැලකිල්ල  නිසා මගේ වම් අත ඉවත් කරන්න සිද්ධ වුණා කියලා. අද මේ හේතුව නිසා ගැහැනියක් හැටියට මට තිබුණු හුඟාක් බලා‍පොරොත්තු නැති වෙලා ගිහින්. මගේ අනාගතය ඉස්සරහ තියෙන්නේ ප්‍රශ්න ගොඩාක්.”
“මේ වෙලාවේ මම ඉල්ලන්නේ මට මේ වෙනුවෙන් සාධාරණය ඉටු කරගන්න සියලු මාධ්‍ය එදා හිටිය වගේම මා එක්ක ඉන්න කියලයි.... ඒ වගේම මගේ නඩුව වෙනුවෙන් කිසිදු ගාස්තුවක් අය නොකර පෙනී සිටින ‍‍‍ජ්‍යෙෂ්ඨ නීතිඥ අරුල් ප්‍රගාසම් මහතා වගේම නීතිඥ රොමේෂ් ඩී. සිල්වා සහ නීතිඥ සුගත් කල්දේරා යන මහත්වරුන්ට ස්තුතිවන්ත වෙනවා” අචලා අවසන් වශයෙන් කිව්වා.

සමන් ප්‍රියංකර නම්මුනිගේ

"සූරියවංශේ සිංහල පුතුනේ
නැලවිලි ගී මා හද ආදරේ
මේ රණ ගීතය සවන තියා
මව්බිම නලවා ගන්න පුතේ"


ප්‍රවීණ ගීත රචක ඩෝල්ටන් අල්විස් විසින් රචනා කළ ප්‍රවීණ සංගීතවේදී ලයනල් අල්ගම සංගීතවත් කළ මේ ගීතය ගායනා කළේ ප්‍රවීණ ගායිකා සුජාතා අත්තනායක විසිනුයි. හැත්තෑව දශකයේ බිහි වූ මේ ගීතය අදත් එදා වගේම එක සේ ජනප්‍රිය ගීතයක්. එක්තරා රූපවාහිනී නාලිකාවක් සතිපතා විකාශය කරන රියැලිටි වැඩසටහනකදී  වත්මන් පරපුරේ ජනප්‍රිය ගායිකාවක වන උමාරියා මේ ගීතය ගායනා කළා. එදා එම වැඩසටහනට නිමිත්ත වෙලා තිබුණේ නිදහසයි. ඒ අවස්ථාවේ ඇය මෙම ගීතය සමග මාලනී බුලත්සිංහල ගයන මේ රට මගෙ රට කියන ගීතයත් ගායනා කළා. වැඩසටහනේදී එම ගීත ගැන සඳහන් වෙන විට මාලනී බුලත්සිංහලගේ නම සඳහන් වුණත් සුජාතා අත්තනායකගේ නම සඳහන් නොවීම ගැන තමන් තුළ ඇත්තේ බලවත් කලකිරීමක් බවයි ඇය අප අමතමින් කියා සිටියේ.

මම රූපවාහිනී නාලිකාවල විකාශය වන සංගීත වැඩසටහන් බලන්නේ අඩුවෙන්. පැරණි ගීත විකෘති කිරීම් ඔය වැඩසටහන් තුළ සිදුවන හින්දා ඒක බලන්නේ නැහැ. පහුගිය දවසේ මේ වැඩසටහන යද්දිත් මම එය බැලුවේ නැහැ. ඊට පස්සේ අපේ ප්‍රවීණ සංගීත අධ්‍යක්ෂවරයෙක් මට දුරකථනයෙන් කත කරලා කිවුවේ අදාළ වැඩසටහනේ මගෙයි මාලනී බුලත්සිංහලගෙයි ගීත දෙකක් උමාරියා ගැයූ බවත්. එහිදී මගෙ නම සඳහන් නොකළ බවත් මම සාමාන්‍යයෙන් යමක් ගැන අදහසක් ප්‍රකාශ කරන්නේ ඒක ගැන හොයල බලලා පස්සේ මම අන්තර් ජාලයෙන් මේ වැඩසටහන බැලුවා. ඊට පස්සේ තමයි මමත් ඒ බව දැක්කේ. පස්සේ මම සතිශ් අයියාට (සතිශ්චන්ද්‍ර එදිරිසිංහට) කතා කරලා මේ ගැන ඇහුවා.
සිදු වූ අමතක වීම ගැන සතිශ් අයියා කනගාටුව ප්‍රකාශ කළා.
එදා ඒ ගීත ගැයුව උමාරියාවත් ඒ වෙලාවේ මේ ගීතය මගෙ ගීතයක් බව කිව්වේ නැහැ. මේ වගේ වැඩසටහනක් සඳහා ප්‍රවීනයින්ගේ ගීත යොදා ගන්නවා නම් ඒ ගීතවල මුල් අයිතිකරුවන් ගැන සඳහන් කිරීම තමයි ඒ වැඩසටහන්වල යුතුකම. මේ සිද්ධියෙන් මම ගොඩක් කලකිරීමට පත්වුණා.

ඔබේ ගීතයක් වෙනත් ගායිකාවක ගැයීම ගැනත් ඔබ තුළ කලකිරීමක් තියෙනවද?

වෙනත් ගායිකාවන් ගැයූ මගේ ගීත විකාශය කරන්න එපා කියලා මම නීතිඥයන් හරහා සියලුම නාලිකාවලට ලිඛිතව දැනුම් දීලයි තියෙන්නේ. ඒත් ඒවා ක්‍රියාත්මක වෙන්නේ නැහැ. නාලිකාවල බලධාරීන් මාරුවන විට ඒ ලියුම නැවත නැවත යවන්න සිදුවෙලාද කියලා මට තේරෙන්නේ නැහැ.

ඒත් නවකයන්ට සංගීත තරගවලදී ගයන්න වෙන්නේ ප්‍රවීනයන්ගේ ගීත.

ඔව්.තරගවලදී අනුන්ගෙ සින්දු කියලා තමයි නවකයන්ට තමන්ගේ දක්ෂතා පෙන්වන්න වෙන්නේ. එහෙම කිව්වට වරදක් නැහැ. නවක ගායිකාවක් තරගයකට මගෙ ගීතයක් ගායනා කළාට මගෙ කිසිම අකමැත්තක් නැහැ. නැවත නැවත එය විකාශය කිරීම ගැනයි මම කියන්නේ. මගේ බොහෝ ගීත ශාස්ත්‍රීය මට්ටමේ ඇති ගායනා කිරීම අපහසු ගීත. හැබැයි ඒවා හරියට කිව්වොත් නවක ගායිකාවකට තමන්ගෙ දක්ෂතා පෙන්වන්න ඒක ඉතා හොඳ අවස්ථාවක්. මගෙ ගීත හරියට කියලා කෙනෙක් තමන්ගේ දක්ෂතා පෙන්වනවා නම් මම ගොඩක් කැමතියි. ඒ වගේම තමයි හරියට කියන්න බැරිනම් මගෙ ගීත ගයන්න එපා කියලයි මම කියන්නේ.

නව පරපුර ගැන ඔබේ අදහස?

ඉතාම දක්ෂ අය ඉන්නවා. ඒ අය අතර සංගීතය හොඳින් හැදෑරු අයත් ඉන්නවා. ඒත් ප්‍රශ්නෙ කියන්නේ මේ අය තමන්ගේ අනන්‍යතාවය ගොඩනගාගන්නෙ නැති වීම. මම. ලතා, ඇන්ජලීන්, ජී.එස්.බි. රාණි, ගීත ගයද්දී පළවෙනි පේලිය යද්දිම මේ ගීතය ගයන්නේ අසවල් ගායිකව කියලා මිනිස්සු දන්නවා. ඒත් අද බොහෝ ගීත සම්පූර්ණයෙන් උනන්දුවෙන් අහන්න ඕන මේ ගීතය ගයන්නෙ කවුද කියලා හොයාගන්න. එකට හේතුව අනුකරණය. අනුගමනය කමක් නැහැ. අනුකරණය වැරදියි. අපිත් ලතා මංගේෂ්කාර්ගේ තනු අනුගමනය කළා. හැබැයි ලතා මංගේෂ්කාර්ව අනුගමනය කළේ නැහැ.

උමාරියා ගැන ඔබේ අදහස මොකක්ද?

මුලින්ම කිව යුතුයි උමාරියා කියන්නේ ඉතා හොඳ ගායන හැකියාවක් තියෙන ළමයෙක් බව. ඒත් සූරියවංශේ ගීතය නම් ඇය ගායනා කළේ හරිම අසාර්ථක මට්ටමකට. ඊට හේතුව අනවශ්‍ය දෑ ඊට එකතු කරන්නට යාම. ලයනල් අල්ගම මීට අවශ්‍ය හැමදේම එකතු කරලා තිබුණා. මම ඒ හැමදේම ගැයුවා. මේකට තව අනවශ්‍ය දේ එකතුවිය යුතු නැහැ. පැරණි ගීතයක් ගයද්දි ඒ ගැන හොඳ අවබෝධයක් තිබිය යුතුයි.

සුජාතා නගන චෝදනාව පිළිබඳව අප උමාරියාගෙන් විමසීමක් කළා. උමාරියා ඒ පිළිබඳව අදහස් ප්‍රකාශ කළේ මේ විදියටයි.

එදා ඔය ගීතය තෝරා ගත්තේ මම. වැඩසටහනේදී මම කතා කරන්නේ මගෙන් ප්‍රශ්න ඇහුවොත් විතරයි. මගෙන් ප්‍රශ්න ඇසීමක් නොකළ හින්දා සූරියවංශේ ගීතය සුජාතා අත්තනායක මහත්මිය ගයන බව මම ප්‍රකාශ කරන්න ගියේ නැහැ. එය රටම දන්න ගීතයක්. සුජාතා අත්තනායක කියන්නේ රටම හඳුනන ගායිකාවක්. ඔය ගීතය ඇගේ බව හැමෝම දන්නවා. එදා වැඩසටහනේදී ඇගේ නම සඳහන් නොවීම අතපසුවීමක් මිස කිසිසේත්ම හිතාමතා කළ දෙයක් නොවෙයි. ඒ අතපසුවීම නිසා සුජාතා අත්තනායක මහත්මියට යම් සිත් රිදීමක් වුණා නම් මම ඒ ගැන කනගාටු වෙනවා.

ආරියවංශ කුලතිලක

ඇමැතිතුමා දැන් ‍පොලීසියේද වැඩ. ළඟකදී හරක් හොරු පස්සෙ පැන්නුවා කියන්නේ ඇත්තද?
මේකනේ. මේ රටේ ‍පොලිස් දෙපාර්තමේන්තුවෙන්  සාමාන්‍ය මිනිසුන්ට සහනයක් නෑ. හිරගෙවල්වල සිටින මිනිසුන්ගෙන් සියයට අසූවක්ම නිවැරදිකාරයො. හැබැයි ‍පොලීසියෙ ලොක්කො එක්ක ගනුදෙනු කරන ජාවාරම්කාරයො නිදැල්‍ලේ. කළුතර දිස්ත්‍රික්කයේ හරක් හොරකම් ගැන පැමිණිලිි කොච්චර තියෙනවද..? ඒත් ඉතින් හරක් හොරකමක් අල්ලන්න හරක් ලොරියක් පෙරළෙනකම්ම ඉන්න ඕනේ. එදා මම මැදිහත්වෙලා හොරකම ඇල්ලුවයින් ගැබ්බර දෙන්නු, කිරි දෙන දෙන්නු ගණනකගේ ජීවිත බේරුණා.

හරක් හොරු පස්සේ පන්නන වෙලාවේ රන්ජන් රාමනායක වගේ එෆ්.සී.අයි.ඩී. එකට 'දවල් මිගෙල් රෑ දනියෙල්ලව' අල්ලල දෙන්න තිබුණනේ.?
රන්ජන් කරපු විදිහ වැරදියි. දැන් ඔය ප්‍රාදේශීය ‍ලේකම්ගෙ ප්‍රශ්නෙදි ඒ අදාළ අයව ගෙන්වල ප්‍රශ්න කරන්නනේ තිබුණෙ. කෙනෙකුගෙ වරදක් තියෙනව නම් වරද සොයාගෙන ඒ ගැන කතා කරනව මිසක් නිකම් හොම්බ කට ඇනගන්ඩ ඕනයෑ?

හැබෑටම ඔබට ඇමැතිකමට වැඩිය ‍පොලිස්පතිකම ලැබුණ නම් හොඳයි කියල හිතෙන්නෙ නැද්ද?
දීල බලන්නකො, මට ‍පොලිස්පතිකම. මම කරල පෙන්නන්ඩ. ‍පොලිස්පතිකම නැතුවනෙ මෙච්චර හරියක් කෙරුවෙ.

IMAGE

පුංචි දියණියගේ ජීවිතය බේරා ගන්න මහ මග ටිකට් විකුණන...

IMAGE 2017 Feb 20 15:58
පුංචි තෙසංගා මේ වෙද්දී ඉන්නේ දැඩි ජීවිත අවදානම් තත්ත්වයක. ඇගේ අහිංසක සුරතල් ජීවිතය රැඳිල...
Views - 1371

සුදුසු කෙනෙක් ලැබුණොත් බඳිනවා - රන්ජන්

IMAGE 2017 Feb 20 09:45
අද වන විට අප රටේ ප්‍රබලතම දේශපාලන භූමිකාවක් ද හොබවන ජනකාන්ත නළු රන්ජන් රාමනායක මනාලයකු...
Views - 4931

නැගණිය සිනමාවට ගේන්න නිෂ්පාදිකාවක් වීමට සැරසෙන...

IMAGE 2017 Feb 19 21:53
තම නැගණිය ඉසබෙල් බොලිවුඩ් තරුවක් කිරීමට බලා‍පොරොත්තුවෙන් සිටින සුපිරි නිළි කැට්‍රිනා...
Views - 1720

ඇමැති කාර්යාලයේ බිත්තියේ තිබූ චිත්‍රය නිසා චිත්‍රපටයේ...

IMAGE 2017 Feb 19 21:46
අතීතයේ මෙරට නිපද වූ සූරයා වර්ගයේ චිත්‍රපට අතර සූරයන්ගෙත් සූරයා එදත් සූරයා, අදත් සූරයා, සූරයා...
Views - 1931

අපි දෙන්නා ගැන අනාගතය තීරණයක් ගනීවි

IMAGE 2017 Feb 19 15:03
එක අත්තේ වහන්නේ එක ජාතියේ කුරුල්ලෝ, අතුල, සමිතා, යුවළගේ දියණිය කවීන්ද්‍යා අධිකාරීත් නුවන්...
Views - 4910

වඩාත්ම දුක් වූ දවස මාධ්‍යයට කියන්න බැහැ

IMAGE 2017 Feb 19 14:47
සතුටයි දුකයි කියන හැඟීම් උපේක්ෂා නිර්වචනය කරන්නේ කෙසේද? කෙටියෙන් නිර්වචනය කරන්න අමාරුයි. අපේ...
Views - 2339

Please publish modules in offcanvas position.