lakbima.lk
2017-03-17 ඇමෙරිකා ඩොලරය ගැනුම් මිල රු.150.32 , විකුණුම් මිල රු154.17 | බි‍්‍රතාන්‍යය පවුම ගැනුම් මිල රු.184.90 , විකුණුම් මිල රු191.29 | යුරෝ යුරෝපය ගැනුම් මිල රු.160.89 , විකුණුම් මිල රු.167.08 | ස්වීස් ප‍්‍රෑන්ක් ගැනුම් මිල රු.149.89 , විකුණුම් මිල රු.155.90 | කැනඩා ඩොලරය ගැනුම් මිල රු.112.23 , විකුණුම් මිල රු.116.68 | ඔස්ට්‍රේලියා ඩොලරය ගැනුම් මිල රු.114.35 , විකුණුම් මිල රු.119.49 | සිංගප්පූරු ඩොලරය ගැනුම් මිල රු.106.67 , විකුණුම් මිල රු.110.61 | ජපානය යෙන් ගැනුම් මිල රු.1.3185 , විකුණුම් මිල රු.1.3688 |

ශ්‍රී පාද අඩවියේ වනයෙන් වැසී ගත් ගල්ලෙන් සියයකට අධික සංඛ්‍යාවක් ඇති බවත් මෙතෙක් ඒවායින් සොයාගෙන ඇත්තේ ඉතා සුළු ප්‍රමාණයක් බවත් “සබරගමුවට හෙටක්” සංවිධානයේ මාධ්‍ය ලේකම් පරිසරවේදී අසිත ඉන්දික වීරවර්ධන මහතා ලක්බිම ඔන්ලයින් වෙත කියා සිටියේය.

ඔහු මෙසේ පවසා සිටියේ රත්නපුර ශ්‍රී පලාබද්දල ශ්‍රී පාද මාර්ගයේ ඉඳුරුකැලේ රක්ෂිතයට ඉහළින් මහවනය තුළ ඇති මෙතෙක් වනයෙන් වැසී ගත් 250 දෙනෙකුට පමණ සිටිය හැකි ගල්ලෙනක් පිළිබඳව තොරතුරු මුල් වරට අනාවරණය කරමිනි.

බුදු රජාණන් වහන්සේ  ශ්‍රී පාදය පිහිටුවීම පිණිස ශ්‍රී ලංකාවට වැඩම කළ අවස්ථාවේ දිවා විහරණය කළැයි පැවසෙන දිවා ගුහාව ද මෙතෙක් සොයා ගත නොහැකි වී ඇතැයි යන්න අප ජන සමාජයේ පවත්නා විශ්වාසයකි. එමෙන්ම දිවා ගුහාව පිළිබඳව ඉමහත් කුතුහලයක් සහ උනන්දුවක් අදටත් අප ජන සමාජයේ පවතී.

මෙම ගල්ලෙන් සම්බන්ධයෙන් අදහස් දැක්වූ අසිත ඉන්දික වීරවර්ධන මහතා මෙසේද කීය.

ශ්‍රී පාද අභය භුමියේ ප්‍රමාණය හෙක්ටයාර් 22,379 ක් විතර වෙනවා ඒ කියන්නේ අක්කර 55,299ක්. මේ වපසරිය තුළ මහ වනයෙන් වැසී ගත් සහ කාලාන්තරයක්  තිස්සේ සිදුවූ නාය යාම් සහ පස සෝදා යාම නිසා මුළුමනින් සහ අර්ධ වශයෙන් යටපත් වූ ගල්ලෙන් සෑහෙන සංඛ්‍යාවක් අදටත් මිනිස් අවධානයෙන් තොරව පවතිනවා. මේ සමහරක් ස්බාදහමේ අසිරිමත් දායාද ලෙසින් හඳුන්වන්න පුළුවන්.  නිදසුනක් ලෙස මා ඉහත සඳහන් කළ ගල්ලෙන තුළින් අතීතයේ භූ ගත ගංගාවක් ගලා ගිය බවට තොරතුරු තිබෙනවා. ඒ අනුව මෙතෙක් වනයෙන් වැසී ගත් ගල්ලෙන් සොයා ඒවා සංගණනයකට ලක් කිරීමේ මූලික අදහසක් දැනට අප කණ්ඩායමක් සතුව තිබෙනවා.

මේ සම්බන්ධයෙන් අප හා අදහස් දැක්වූ හිටපු පුරාවිද්‍යා නිලධාරියකු වන ජයන්ත විජේරත්න හේරත් මහතා ප්‍රකාශ කර සිටියේ මෙසේ වනයෙන් වැසී ගත් ගල් ලෙන් රාශියක ඵෙතිහාසික, පූර්ව ඵෙතිහාසික සහ ප්‍රාග් ඵෙතිහාසික මානව නෂ්ටාවශේෂ කොතෙකුත් තිබිය හැකි බවයි.

ලොව විශිෂ්ටතම පුරාවිද්‍යා සොයා ගැනීමක් වන බලංගොඩ මානවයා ගේ පරපුරට අයත් ප්‍රාග් ඵෙතිහාසික මානව නෂ්ටාවශේෂ රාශියක් මෙතෙක් සෙයානොගත් ශ්‍රී පාද අඩවියේ සැඟවුණු ගල්ලෙන් තුළ තිබිය හැකි බව සාධාරණ ලෙස අනුමාන කරන්න පුළුවන්.  සමහර විට ඒවා ලෝකයා විස්මයට පත් කරවන සොයාගැනීම් වෙන්නටත් පුළුවන්.

තත්වය මෙසේ වුවද දැනට මිනිස් වාසය ආසන්නයේ ඇති ඇතැම් ගල්ලෙන් වල වවුල් වසුරු මිශ්‍ර පස් තට්ටු බුලත්, තේ සහ එළවළු බෝග වගාවන් සඳහා පොහොර වශයෙන් මිනිසුන් විසින් ඉවත්කර ගැනීම නිසා ඒවායේ ඇති පුරාවිද්‍යාත්මක සාධක බොහොමයක් ඉවත් වී ඇති බව පවසන රත්නපුර ශ්‍රී පලාබද්දල චන්ද්‍රසෝම බී කලවාන මහතා දැනට වනයෙන් වැසී ගත් ගල්ලෙන් සොයා යාමේ දී ද ඒ සඳහා පුරාවිද්‍යාඥයන් සහ පරිසරවේදීන්ගේ පුරෝගාමීත්වය අත්‍යවශ්‍ය බව පැවසීය.

සබරගමු විශ්ව විද්‍යාලයේ  ප්‍රථම උපකුලපතිව සිටි මහාචාර්ය දයානන්ද සෝමසුන්දර මහතා මේවන විට සබරගමුවේ ගල්ලෙන් යන තේමාව යටතේ පර්යේෂණ කෘතියක් ද සකසමින් ඇති බව දැනගන්නට ඇත.

මෙවන් පසුබිමක් යටතේ ශ්‍රී පාද අඩවියේ වනයෙන් සැඟව ගත් ගල්ලෙන් සොයා පරිසර වේදීන් ගේ සහ පුරාවිද්‍යාඥයන් ගේ එකමුතුවෙන් ඒකාබද්ධ මෙහෙයුමක් දියත් කිරීම සහ ඒවා සංගණනයකට ලක් කිරීම අතිශය  වැදගත් පියවරක් බව පවසන බොහෝ දෙනෙකු කියාසිටිනුයේ එමගින් ශ්‍රී ලංකාවට මෙතෙක් අත්නොවූ ජාත්‍යන්තර කීර්තියක් පවා අත්වීමට ඉඩ ඇති බවය.

තිලක් සේනාසිංහ

 

 

 

පසුගිය දිනවල ටෙලි නාට්‍ය ප්‍රේක්ෂකයන් අතර පමණක් නොව සමාජ ජාලවලද අතිශය ජනප්‍රියත්වයට පත්ව තිබුණු ටෙලි නාට්‍යයක් වුණේ “ප්‍රේම දඩයම” යි. සිරස නාලිකාව ඔස්සේ විකාශය වුණු මෙය “නාගින් - මොහොබත් ඕර් ඉන්ටිකාම් කේ දස්තාන්” නමින් හැඳින්වෙන ඉන්දියානු ටෙලි නාට්‍යයේ සිංහල දෙබස් කවන ලද පිටපතයි. කෙටියෙන් ‘නාගිනි’ නමින් මෙය හඳුන්වනු ලබනවා. එහි අරුත වන්නේ ‘නැයින්න’ හෙවත් නයාගේ ගැහැනු සතා යන්නයි. දැන් ‘සිරස’ නාලිකාව මෙහි දෙවැනි කොටසත් විකාශය කරන්නට සූදානමින් සිටිනවා. මේ නිසා ඒ පිළිබඳ තොරතුරු ටිකක් කතා කිරීම ටෙලි නාට්‍ය නරඹන ඔබට ප්‍රයෝජනවත් වේවි.

අපි මුලින්ම දෙවැනි අදියරේ කතාව කුමනාකාරද කියා බලමු. මෙහි පළමු අදියරේ කොටස් නරඹා ඇති අයට මෙහි සමස්ත කතාව දන්නා නිසා ඒ පිළිබඳ විශේෂයෙන් සඳහන් කළ යුතු වන්නේ නැහැ. දෙවැනි අදියරේදී ශිවන්‍යා සහ රිතික් කිසියම් සතුරු උපද්‍රවයකින් ගැලවීමට දිව යද්දී ශිවන්‍යා බිම ඇද වැටෙනවා. එහිදී ශිවන්‍යා රෝහල් ගත කරන්නට සිදුවන අතර ඇයට එහිදී නියමිත කාලයට දරු උපතකට මුහුණ පාන්නට සිදුවෙනවා. ඇයට ලැබෙන බිලිඳිය ‘ශිවන්ගි’ ලෙස නම් තබනවා. එයින් වසර 25කට පසු ශිවන්‍යා සිටින්නේ වැන්දඹුවක් ලෙසයි. තමන්ගේ දියණියත් වෙස් මාරු කරන නැයින්නක් බවට පත්වනු දකින්නට ඇයට අවශ්‍ය වන්නේ නැහැ. දියණියට වසර 25ක් සපිරෙන්නට පෙර ඇය මේ සඳහා උපදෙස් ගන්නට පූජකවරයකු හමු වෙනවා. මෙන්න මේ ආකාරයෙන් තමයි දෙවැනි අදියර ගලා යන්නේ.

දෙවැනි අදියරේ ශිවන්‍යාගේ දියණිය ලෙසින් රංගනයෙන් දායක වන්නේද පළමු අදියරේ ශිවන්‍යා ලෙස පෙනී සිටි මවුනි රෝයි. ඒ වගේම ආරාධිත රංගනය සඳහා බොලිවුඩ් සිනමාවේ ජනප්‍රිය තරු කිහිප දෙනෙක්ද සිටිනවා. ඔවුන් අතර ඉම්රාන් හෂ්මි, ලාරා දත්තා, තුෂාර් කපූර් ආදීන් පිළිබඳ සඳහන් කළ හැකියි.

මෙම මාලා ටෙලි නාට්‍යය ඉන්දියාවේ වැඩිම ප්‍රේක්ෂක ප්‍රතිචාරයක් දිනාගත් මාලා නාටකයක් බවත් සඳහන් කළ යුතුයි.

නිරංජන් චාමින්ද කරුණාතිලක

දෙරණ නාලිකාව හරහා සෙනසුරාදා රෑ 9.30ට විකාශය වන ‘දෙරණ ස්ටාර් සිටි’ වැඩසටහන ජනප්‍රිය තරු තරග වදින රියැලිටි තරගයක්. ගීතා කුමාරසිංහ ප්‍රමුඛ “Royal Fighters” රංජන් රාමනායක ප්‍රමුඛ “Golden King” අතුල අධිකාරි ප්‍රමුඛ “Rock Eagles” (දැන් එහි නායකත්වය දරන්නේ චාන්දනී හෙට්ටිආරච්චි) සුසන්තිකා ජයසිංහ ප්‍රමුඛ “Silver Runners” (දැන් එහි නායකත්වය දරන්නේ නිරෝෂා විරාජිනී) සහ ළහිරු පෙරේරා ප්‍රමුඛ “Originals” යන කණ්ඩායම් මේ සඳහා තරගවදිනවා. ළහිරුගේ කණ්ඩායම අවසන් පූර්ව වටයට තරගවදින්නට සතියකට පෙර හදිසියේම තරගයෙන් ඉල්ලා අස්වුණා. රියැලිටි තරගවලදී මේ විදියේ දේවල් සිදුවනවා. හැබැයි එහෙම වෙන්නේ කුමන හෝ හේතුවක් හින්දා. ළහිරු ප්‍රමුඛ “Originals” ලා තරගයෙන් ඉවත් වුණෙත් කුමන හෝ හේතුවක් නිසා විය යුතුයි. වැඩසටහන නරඹන්නන් මේ ගැන විමසිලිමත් වුණා. ඒ නිසාම අපිත් මෙහි සුලමුල හොයන්නට හිතුවා. “Derana Star City” වැඩසටහනින් ඉවත්වුණේ ඇයි කියලා අපි ළහිරුගෙන් මුලින්ම විමසුවා. ඒ වෙලාවේ ළහිරු පිළිතුරුදීම ප්‍රතික්‍ෂේප කළා. අදාළ කරුණ පිළිබඳ අනෙක් පාර්ශ්වයන්ගෙනුත් විමසන බව අපි කීවට පස්සේ ළහිරු මෙන්න මේ විදිහේ පිළිතුරක් දීලා හිනාවෙලා කතාබහ නතර කළා.
“Derana Star City” එකෙන් “Originals” ලා ඉවත් වුණේ ඇයි කියලා ඇහුවම ළහිරු පිළිතුරුදීම ප්‍රතික්‍ෂේප කළා කියලා ලියන්නකෝ. ඒ හොඳටම ඇති.
මෙම රියැලිටි වැඩසටහනේ නිෂ්පාදකයා වන්නේ ඩිල්ෂාන් අමරසිංහ. ඔහුගේ සහයට සුබෝධනී හා චමින්ද ඉන්නවා. මේ ප්‍රශ්නය ගැන ඩිල්ෂාන්ගෙනුත් විමසීම අවශ්‍යයයිනේ. ඒ හින්දා අපි ඔහුට කතාකළා.
“තරගයෙන් ඉවත්වීමට අවශ්‍ය බව ළහිරු කීවා. ඒක ඔහුගේ තීරණයක් මිස අපේ තීරණයක් නමෛයි. අපි ඔහුගේ තීරණයට ඉඩදුන්නා.”


ඩිල්ෂාන්ගේ පිළිතුර තමයි ඒ. කවර හෝ හේතුවක් මත ළහිරු මේ ගත්තු තීරණය ඔහුගේ කණ්ඩායමේ සෙසු සාමාජික පිරිසට අසාධාරණයක් වුණාද කියන එක ප්‍රශ්නයක්. “Originals” කණ්ඩායමේ
ළහිරුත් එක්ක තරග වැදුණේ සනෝජා බිබි‍ලේ, දසුන් නිශාන්, කාවින්ද්‍යා අධිකාරි සහ ෂෙහානි කහඳවල. ළහිරු ගත්තේ අත්තනෝමතික තීරණයක්ද? සෙසු අය ඊට එකඟ වුණේ නායකත්වයට හිස නැමිය යුතු නිසාද? එහෙමත් නැතිනම් මේ පස්දෙනාම එකතු වෙලා මේ වගේ තීරණයක් ගත්තේ දෙරණ නාලිකාවෙන් හෝ සෙසු තරග කණ්ඩායම්වලින් මොවුන්ට අසාධාරණයක් සිදුවූ නිසාද? ඒ ගැන විමසන්න අපි සෙසු පිරිසට කතා කළා.
“මේ තීරණය ළහිරුගේ  තනි තීරණයක් නමෛයි. අපි හැමෝම කතාකරලා ගත්තු තීරණයක්. අපි දෙරණ නාලිකාවත් එක්ක කිසිම ප්‍රශ්නයක් නැහැ...”
හතර දෙනාම පවසනවා. එහෙනම් ප්‍රශ්නය කාත් එක්කද? සිදුවූ අසාධාරණය මොකක්ද?  
“විනිශ්චයේදී අපට අසාධාරණකම් වුණා. ඒත් දැන් ඒ ගැන කතාකරන්න කැමති නැහැ...”
කාවින්ද්‍යා දුන්නේ කෙටි පිළිතුරක්.
“අපි කට්ටියම එකතුවෙලා තමයි මේ තීරණය ගත්තේ.
“ඔය තරගයේ වීඩියෝ ක්ලිප් අන්තර්ජාලයේ තියෙනාවනේ. මුලඉඳලාම ඒවා නැරඹුවොත් අපේ ඉවත්වීමට හේතුව හොයාගන්න පුළුවනි...”
දසුන්ගෙන් ලැබුණෙත් හිතන්න යමක් ඉතුරු කළ කෙටි පිළිතුරක්. . කණ්ඩායමේ හිටපු ප්‍රවීණතම රංගන ශිල්පිනිය සනෝජා බිබි‍ලේ විවෘතව තමන්ගේ අදහස් දක්වා සිටියේ මේ විදියටයි.  
“මේ තරගයේ අපිව අසාධාරණ විදියට කැපුවා. ඒක දෙරණින් කළ දෙයක් ‍නෙවෙයි. විනිශ්චයේදි වූ දෙයක්. ඇතැම් අය ඊට මුල්වුණා. ඒ නිසා අපි කතාබහ කරලා ඉවත්වෙන්න තීරණය කළා...”

ආරියවංශ කුලතිලක

මේ දවස්වල සමාජ ජාල වබේ අඩවිවල කටගැස්ම වී තිබෙන්නේ ඔබ?
ඔය විවිධ චෝදනා එල්ල කරන අපහාස උපහාස කරන අය අතර ජනාධිපතිවරණ කා‍ලේ මට උදව් කළ සමාජ ජාල වබේ අඩවිවල පිරිස් නැති බව මම හොඳටම දන්නවා. ඒ අය මට කතා කරලා කිව්වේ කෝටි ගණනක් වියදම් කරලා ගන්න බැරි පබ්ලිසිටියක් මට නොමි‍ලේම ලැබෙනවා නේද කියලා. මේ සම්බන්ධව මම හිතන්නෙත් ඒ විදිහටම තමයි. ඒ අයට මම ස්තූති කරනවා ඒ පබ්ලිසිටිය මට ලබා දුන්නට.

මේ අපහාස උපහාස කරන අය චෝදනා කරනවා ඔබ ඇතැම් දේ පිළිබඳ අතිශයෝක්තියෙන් යුතුව කතා කරන බව?
මම කතා කරන දේ තුළ අතිශයෝක්තිය තිබෙනවාද එසේත් නැත්නම් එහි යථාර්ථය මොකක්ද කියලා කාලයක් තිස්සේ අපිත් එක්ක වැඩ කළ බොහෝ ජනමාධ්‍යවේදීන් වගේම හිතවතුන් දන්නව. ඒ වගේම ඒ ප්‍රශ්නවලදී මා එක්ක වැඩ කළ විවිධ ක්‍ෂේත්‍රවල ඉන්න වැඩිහිටියෝ පවා දන්නවා. නොදන්න අය තමයි ඔය විදිහට මට චෝදනා කරන්නේ. නමුත් කනගාටුව ඔය කොම්පියටුරයක්, එහෙමත් නැත්නම් ජංගම දුරකථනයක් පාවිච්චි කරන්න විතරක් දන්න ඊට එහා මුකුත්ම නොදන්න, විශේෂයෙන්ම අපේ ගෙදර පරිසරය මම පුංචි කාලෙ ඉඳලා මම කළ කී දේ නොදන්න අය මේ වෙනුවෙන් කෑ ගැසීම ගැනයි. කොහොම වුණත් මේ අයට මම වැඩි දවසක් ඔය විදිහට කෑගහන්න ඉඩ හරින්නේ නැහැ. ඉදිරියේදී මේ පිළිබඳව සාක්ෂි සහිතව මම එළිදක්වන ග්‍රන්ථයෙන් දැකගන්න ලැබේවි. එදාට ඔය කෑගහන අය තේරුම් ගනීවි ඇත්ත මොකක්ද කියලා. මම බොරුවට ‍පොරක් වෙන්න මේ දේවල් කිව්වේ නැහැ කියලා ඔවුන් දැන ගනීවි.

මොකක්ද මේ අවුරුදු 4දී මොන්ටිසෝරි තුළදී පෙළපාළි ගිය කතාව?
අපේ ගෙදර සම්පූර්ණයෙන්ම වෙන්වී තිබුණේ දිවංගත විජය කුමාරතුංගයන්ගේ දේශපාලනයට. අම්මා, තාත්තා ඇතුළු අපි හැමෝම ඒ මානව හිතවාදී මනුස්සයට ආදරය කළා. ඔහු සැබෑ මානව හිතවාදියෙක්. ඒක මේ රටේ මිනිස්සු දන්නවා. ඉතින් පුංචි කා‍ලේ විජය කුමාරතුංගයන් විතරක් නොවෙයි. චන්ද්‍රිකා කුමාරණතුංග මහත්මිය, යශෝදරා, විමුක්ති මේ හැමෝම අපේ පවු‍ලේ අය වගෙයි හිටියේ. ඉතින් පරිසරය තුළ දම්පාට කොඩි අපේ ගෙදරට ආගන්තුක නැහැ. ඒවා හැම වෙලාවෙම අපි අතේ. කොහොම හරි එක දවසක් මම මේ කොඩි අරගෙන මොන්ටිසෝ්රියට ගිහින් ළමයින්ගේ අතට දීලා “විජයට ජයවේවා” කියලා කෑ ගහලා තිබුණා. පුංචි ළමයින් වැඩිහිටියන්ව අනුකරණය කරන්නේ නැද්ද? අදටත් ඔය වගේ දේවල් පුංචි ළමයි කරන්නේ නැද්ද? අවුරුදු 8-10 ළමයි පශ්චාත් උපාධි ගත්තේ නැද්ද? ආචාර්ය උපාධි ගත්තෙ නැද්ද? අද ලෝකය කොයිතරම් විස්මිත දේ කරන ළමයි ඉන්නවාද? මේ දරුවෝ ලොකු වෙලා පුංචි කා‍ලේ මම මෙහෙම දේවල් කළා කිව්වොත් ඒක විශ්වාස නොකරන අයත් ඉන්න පුළුවන්. මිල්ටන් මල්ලවආරච්චිගේ ගෙදර රනිල් පුංචි කා‍ලේම සින්දු කියන්න පටන් ගත්ත එක මහා අරුමයක් නමෛයි. ෂෙල්ටන් පෙරේරාගේ ගෙදර සතිෂ් සින්දු කිව්වෙත් එහෙමයි.

ඒ කියන්නේ ඔබ පුංචි කා‍ලේ ඉඳලම තාත්තාගේ දේශපාලනය එක්ක හිටිය?
ඔව්. අපේ ගෙදර පක්ෂ දේශපාලන ගැන විතරක් නමෛයි, ඕනෑම ප්‍රශ්නයක් එළිිපිට කතා කරනවා. ගෙදර මැද සාලෙට එන දේශපාලන චරිත, මාධ්‍යවේදීන්, සිවිල් ක්‍රියාකාරී පිරිස්, කලාකරුවෝ මේ හැමෝම කතා කරන දේවල් මට ඇහුණා. මම ඒවා ඕනෑකමින් ඇහුවා. තාත්තාට ලැබුණු බොහෝ රහස්‍ය ලියකියවිලි, ඡායාරූප ඇතුළු හැම තොරතුරක්ම එකතු කළේ මම. ඒවා තිබුණේ මගේ බාරයේ. විජය කුමාරතුංග මහතාගේ දේශපාලන වැඩවලට අපි යන්නේ පවුල පිටින්. රැස්වීම්වලට තාත්තා කතා කරලා ඒ වැඩ ඉවර වෙනතුරු පැත්තකට වෙලා අපි වාඩි වී ඉන්නවා. විජය කුමාරතුංගයන් මාව ළඟට අරගෙන තියා ගත්ත වාර අනන්තයි. ඒ චරිතයට මම අදටත් ආදරය කරන්නේ අන්න ඒ මානුෂික ගති පැවතුම් නිසයි. ඔහු මට වීරයෙක්. ඔහු පමණක් නමෛයි පසු කලෙක ඔසී අබේගුණසේකර මහතා පවා අපේ ගෙදරට අමුත්තෙක් නමෛයි.

චන්ද්‍රිකා එක්ක බැංකු ගිය කතාවත් දැඩි හාස්‍යයට ලක්වී තිබුණා නේද?
මේකත් ‍පොට වරද්දා ගැනීමක් කියලයි මට හිතෙන්නේ. මම එයින් පෙන්වා දුන්නේ අද ඉන්න දේශපාලනඥයොයි, විජය කුමාරතුංග මහතායි අතර ඇති වෙනස. විජය කුමාරතුංග මහතා ඝාතනයට වුණාට පස්සේ චන්ද්‍රිකා මැතිනිය ලංකාවෙන් ගියා. ඒ ගිහින් නැවත ආවාට පසු බැංකුවට ගිහින් විජය මහතාගේ ගිණුම පරීක්ෂා කළාට පසු එහි තිබුණේ රුපියල් 34,000යි. වරදට දඬුවම චිත්‍රපටය නිෂ්පාදනය
කළාට පසුව ඉතිරිවී තිබුණේ එච්චරයි. ඉතින් විජය කුමාරතුංගයන් වගේ කලාකරුවෙකුගේ දේශපාලනඥයකුගේ ගිණුමේ අවසන් වරට තිබුණු මුදල ගැන කියන්නයි මම ඔය කතාව කිව්වේ. ඒ වගේම ඔය කා‍ලේ චන්ද්‍රිකා මැතිනිය ලංකාවේ හැමතැනකටම ගියේ මගේ අම්මා එක්ක. මේ ගමන්වලට මමත් සම්බන්ධ වුණා. බැංකුවට ගියෙත් එවැනි අවස්ථාවක තමයි. මේවා හාස්‍යයට ලක් කිරීම මුකුත්ම නොදන්නා අයගේ කාර්යයක්. ඒ කා‍ලේ බහුජන නිදහස් පෙරමුණේ වැඩවලට චන්ද්‍රිකා මැතිනිය එක්ක එකම වාහනයේ ගියේ මගේ අම්මයි මමයි. අනික පුංචි මාව ගෙදර දාලා යන්නත් අම්මලා කටයුතු කළේ නැහැ.  අනික විමුක්ති, යශෝදරා දෙන්න එක්කත් ළඟින්ම ඇසුරු කළ එකම දරුවත් මමයි. ඒක ඒ පවුල්වල අය දන්නවා.

චෞර රැජිණ ග්‍රන්ථයට අවශ්‍ය ඇතැම් තොරතුරු වික්ටර් අයිවන් මහතාට ලබා දුන් බව ඔබ ප්‍රකාශ කළා. ඒත් වික්ටර් අයිවන් මහතා ඔබේ ඒ ප්‍රකාශය බොරුවක් යැයි කිව්වා.”
වික්ටර් අයිවන් මහතා රටට පෙන්වාදී තිබුණේ මේ හැම දෙයක්ම ඔහු දන්නා දේවල් විදිහටයි. මගේ පියා තමයි ඔය ‍පොතට අදාළ බොහෝ කරුණු පාර්ලිමේන්තුවේදී හෙළිදරව් කළේ. ඒවා හැමදෙයක්ම මා ළඟ තියෙනවා.
නමුත් වික්ටර් අයිවන් මහතා දැන් අප සමග තිබෙන යම් යම් මත ගැටුම් නිසා අපි උදව් කළා කියලා කියන්න මැලිකමක් දක්වනවා. මම දකින්නේ ඔහු දැන් ප්‍රතිපත්තියක් නැති කෙනෙක් විදිහට. ඔහු ‘නොනිමි අරගලය’ කියලා ‍පොතක් ලිව්වා. ඒකේ ස්තූති කරලා තිබෙන දෙන්නගෙන් කෙනෙක් රාජිත සේනාරත්න. ඉතින් ඇයි එහෙම නම් එහෙම ස්තූති කළේ. ඒ තොරතුරු හුඟක් අපේ ගෙදරින් දුන්න හින්දා. ඒ මේවා රාවයේ හිටපු උවිඳු කුරුකුලසූරිය කියන මාධ්‍යවේදියා දන්නවා. ඔහු මහින්ද රාජපක්ෂට එරෙහිව දැවැන්ත අරගලයක් කළ කෙනෙක්. අන්තිමට ඔහු රට දාලා ගියා. උවිඳු කුරුකුලසූරිය සහෝදරයා කිව්ව මේවා සේරම එකතු කරලා දුන්නේ මම කියලා. ඒ ප්‍රකාශය මට හොඳටම ඇති.

ආනන්ද විද්‍යාලයෙන් ඉගෙන ගන්න කා‍ලේ දේශපාලන හේතූන් මත ඔබේ ශිෂ්‍ය නායක ලාංඡනය ගලවපු බව සඳහන් වී තිබුණා.
ඔව්.... ඔය කා‍ලේ මේ රටේ තිබුණු දේශපාලන පරිසරයත් එක්ක මම පන්ති කාමරයේ ප්‍රේමදාස මහත්තයට එරෙහිව කෑගැහුවා. එතකොට මම ප්‍රාථමික අංශයේ ශිෂ්‍ය නායකයෙක්. ඉතින් මේ සිදුවීම නිසා මාව ප්‍රාථමික අංශයේ විදුහල්පති කාමරයට ගෙන්වලා අවවාද කරලා ලාංඡනය ගැලෙව්වා. ඒක එවකට සිටි බොහෝ දෙනා දන්නවා. “මම මේ කතාව කළේ මගේ පියා රැස්වීමකදී කළ කතාවක කෑලි ටිකක් අල්ලගෙනයි. මම ප්‍රේමදාස මහත්තයාටවත් ‘වන් මෑන් ෂෝකාරයෙක්, කිය කියා කෑ ගැහුවා. ඕක තමයි ඔය සිද්ධිය.

මෛත්‍රීපාල සිරිසේන මහතාව ජනාධිපති කළ කාර්යයේ ඔබත් ප්‍රමුඛ කෙනෙක් යැයි කියූ කතාව ගැනත් විවේචන එල්ල වුණා. ඔබ වගේ පුංචි කෙනෙකුට එහෙම හයියක්, වාතාවරණයක් හැදුණේ කොහොමද?
මීට පෙර මෛත්‍රීපාල මහත්තයව ජනාධිපති කළ මෙහෙයුම ගැන ග්‍රන්ථ කීපයක් නිකුත් වුණා. මේ ග්‍රන්ථවල මා ගැන සඳහන් වී තිබුණා. මේ නොබලපු අය ඔය වගේ විවේචන එල්ල කරනවා. ඒ කොහොම වුණත් ඉදිරියේ මම එළිදක්වන ග්‍රන්ථය තුළ මෛත්‍රීපාල සිරිසේන මහත්තයව ජනාධිපති කරන්න මම කළේ මොනවාද කියලා සඳහන් වේවි. මේවා කාටවත් බොරු කියන්න එතකොට බැහැ.’ චතුර සේනාරත්න කළ දේවල් මොනවාද කියලා එයින් ඔබට දැකගන්න දැන ගන්න පුළුවන් වේවි.

ඔබ කවද්ද මේ ග්‍රන්ථය එළිදක්වන්නේ?
ළඟදීම ඒ ග්‍රන්ථය එළි දක්වන්න සූදානම් කොට තිබෙනවා. මට විරුද්ධව යම් යම් තොරතුරු සමාජ ජාල වබේ අඩවිවල සඳහන් කරන අය මේ ග්‍රන්ථය එළි දැක්වූ පසුව බලන්න කියා මම ඇරයුම් කරනවා. මා වෙනුවෙන් මේ රටේ දැවැන්ත චරිත එදාට කතා කරාවි. අපේ ගෙදරට ආපු ගිය බොහෝ චරිත මම කියන දේවල් ඇත්ත කියලා එදාට ප්‍රසිද්ධියේ කියයි. මට දුක මුකුත් ‍නෙවෙයි. මහින්ද රාජපක්ෂගේ ආණ්ඩුව හොරකම් කළා කියලා කිව්වත් ඒක පිළිගත්තේ නැති ලක්ෂ 57ක ජනතාවක් මේ රටේ ඉන්න එක ගැනයි. ඒ අයගේ අඩි පාරේ යන මහ ‍පොළොවේ දේශපාලනය කරන්න බැරි අය අපට විරුද්ධව මඩ ප්‍රචාර දියත් කරනවා. මම කියන්නේ බොරු කියලා විවේචනය කරනවා හැබැයි මේ හැමදේම තව ටික කාලයයි. ඉදිරියේදී මේවගේ ඇත්ත නැත්ත ඔවුන්ට දැන ගන්න පුළුවන් වේවි.

සමන් ප්‍රියංකර නම්මුනිගේ

බුලත්කොළයක් මත සූදුරු, එනසාල්, ගාගත් පොල් යන ද්‍රව්‍ය තබා ඒ මතට යම් දියරයක් වත්කර  එයට ගිනි තබා බුලත් කොළය නවා ගින්දර පිටින්ම ආහාරයට ගන්න නවතම ආහාර වර්ගයක් ඉන්දියාවේ වීදි ආශ්‍රිතව දක්නට ලැබේ. Fire Paan නමින් හඳුන්වන මෙය ඉන්දියාවේ නව දිල්ලි නගරයේ තරුණ පරපුර අතර මෙය ඉමහත් ජනප්‍රිය වී ඇත.





 

 

කාන්තාවන් සහ පිරිමින් අතරින් බුද්ධිමත් බවින් ඉහළින් සිටින්නේ කාන්තාවන් බව ඔහායෝ විශ්ව විද්‍යාලයේ මනෝ විද්‍යා පර්යේෂණ අංශයේ පර්යේෂකයෝ පවසති. ඔවුන් එසේ පවසන්නේ වයස අවුරුදු හයේ සිට 56 දක්වා වයස් කාණ්ඩවල කාන්තා සහ පිරිමි තිස් දහසක් යොදා ගෙන වසර තුනක් තුළ සිදු කරන ලද පර්යේෂණයක ප්‍රතිඵලයක් ලෙස ය.

මතක තබා ගැනීමේ හැකියාව, කටපාඩම් කිරීමේ හැකියාව, ධාරණ හැකියාව, නිර්මාණ ශීලී හැකියාව, තර්කන හැකියාව අතින් කාන්තාවන් පිරිමින්ට වඩා පියවර කීපයක් ඉදිරියෙන් සිටින බව මෙම පරියේෂණයේ දී තහවුරු වී තිබේ.

ඊට අමතරව නැතිවූ යමක් පහසුවෙන් සොයා ගැනීමේ හැකියාව, සංවේදී බව, පිරිසිදුකම, ඕනෑම කාර්යයක් පිළිවෙලට කිරීමේ හැකියාව, ආතතිය පීඩනය වැනි තත්වයන් දරා ගැනීමේ හැකියාව, පරිගණකය පහසුවෙන් හැසිරවීමේ හැකියාව, විශාල පිරිසක් පහසුවෙන් පාලනය කිරීමේ හැකියාව ආදිය අතින් ද කාන්තාවන් පිරිමින්ට වඩා ඉදිරියෙන් සිටින බව මෙම පර්යේෂණයේ දී හෙලි වී තිබේ. මෙම සියළු අංශ ඔස්සේ සළකා බැලූ විට කාන්තාවන් පිරිමියන්ට වඩා සියයට 18 කින් පමණ ඉදිරියෙන් සිටින බව ද වාර්තා වේ.

නමුත් කාලය වැය කරමින් සිදු කළ යුතු කාර්යයන්, උදාහරණ ලෙස පරිපථ සහ මෝටර් රථ ශිල්පය වැනි විෂයන්වලදී මෙන්ම ගණිතය, ඉංජිනේරු ශිල්පය වැනි විෂයන්වලදී ද පිරිමින් කාන්තාවන් අභිබවා ගොස් තිබේ. නමුත් එය සියයට තුනක් පමණ වන මට්ටමකිනි. ඒ අනුව කාන්තා සහ පිරිමි බුද්ධි මට්ටම් සසදා බැලීමේ දී සමස්ත වශයෙන් කාන්තාවන්ගේ බුද්ධිමත් බව පිරිමින්ගේ බුද්ධිමත් බව මෙන් සියයට 28 කින් පමණ ඉහළ අගයක් ගන්නා බව ද මෙම පර්යේෂණලින් හෙලි වී තිබේ.

දුලංජලී මුතුවාඩිගේ

IMAGE

සමහරු සල්ලි මත්තේ නැහෙද්දී තාත්තා වින්දනය සොයමින්...

IMAGE 2017 Mar 26 14:43
සිංහල වේදිකාව, සිනමාව සහ රූපවාහිනිය විජයග්‍රහණය කළ චරිතාංග නළුවකු වශයෙන් ජයලත් මනෝරත්නයන්...
Views - 3483

රන්ජන් එක්ක ගත්ත මංගල ඡායාරූපය නිසා මට ප්‍රශ්න පිට...

IMAGE 2017 Mar 26 14:30
ජනප්‍රිය නළු නිළියන් දෙ‍පොළක් වූ රන්ජන් රාමනායක සහ අනූෂා දමයන්ති පෙනී සිටි මංගල ඡායාරූපය...
Views - 2135

හෘද රෝගීන් අනියම් සබඳතා පවත්වන්නේ බලාගෙනයි!

IMAGE 2017 Mar 24 13:39
හදවත් රෝග ලක්ෂණ ඇත්තවුන් සහ හදවත් රෝග වැළදුන පුද්ගලයන් තුළ තම ලිංගික ජීවිතය සම්බන්ධයෙන්...
Views - 4361

ගම්පහ ටියුෂන් පෙම්වතුන්ගේ roomshare පොළකට ගියෙමු

IMAGE 2017 Mar 24 10:45
තිර‍යකින් බෙදා වෙන් කරන ලද එකම ලැඟුම්හල් කාමරය ගම්පහ ටියුෂන් අධ්‍යාපනයේ යෙදෙන පෙම්වතුන්...
Views - 3731

රජිනිකාන්ත් යාපන සහ වවුනියා සංචාරයක

IMAGE 2017 Mar 23 16:40
උතුරේ ජනතාව වෙනුවෙන් ඉදිකරන ලද 150 කින් යුත් නව නිවාස ව්‍යාපෘති දෙකක් විවෘත කිරීම පිණිස දකුණු...
Views - 2136

කූඹියෙක් කෑවත් මැරෙන්න පුළුවන්?

IMAGE 2017 Mar 22 16:01
කුහුඹුවකු කෑම හඳුන්වන්නේ ඉතා සුළු සිදුවීමක් ලෙසයි. නමුත් කුහුඹුවකු කෑ පසු වුව සම කැසීමට අමතරව...
Views - 4136

Please publish modules in offcanvas position.