Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

කරාපිටිය ‘මානසික වාට්ටුවට’ ගෙන ආ අසාමාන්‍ය රෝගියා

පසුගිය දිනක ගාල්ල දිස්ත්‍රිකයේ රෝහලකින් කරාපිටිය ශික්ෂණ රෝහලේ මනෝ වෛද්‍ය ඒකකය වෙත රෝගියෙකු මාරු කර එවා තිබුණි. උණ රෝගයෙන් පෙළීම නිසා මුල්  රෝහලට ඇතුල් කරනු ලැබූ ඔහු උණ විකාරයෙන් අසාමාන්‍ය දේවල් කියැවීමට පටන් ගත් බවත් උණ සුව වූ පසුවත් ඒ අසාමාන්‍ය කියැවීම නතර නොවූ බැවින් වැඩිදුර ප්‍රතිකාර සඳහා ඔහු කරාපිටිය ශික්ෂණ රෝහලේ ‍මනෝ වෛද්‍ය ඒකකය වෙත මාරු කරන ලද බවත් ඔහුගේ රෝග විනිශ්චය පතෙහි සටහන් ව තිබුණි.

ඔහු අත්කොට ජාතික බැනියමකින් සහ සුදු සරමකින් සැරසී සිටි මැදිවිය ඉක්මවූ ගැමියෙකි.

“මම එක රසායනික ද්‍රව්‍යයක් සොයාගෙන තියෙනවා. ඒ රසායනිකයෙන් ටිකක් බිත්ති වලට අදින පොටි වලට කවලම් කළාම ඒ පොටි දීප්තිමත් සුදු පාටක් ගන්නවා.  ඊට පස්සේ ඒවා සුදු තීන්ත වෙනුවට පාවිච්චි කරන්න පුළුවන්. ඔය චෙත්‍ය වලට එහෙම නොම්බර එකට ගැලපෙනවා. අපි මේ විදිහට  හදපු ‍පොටි තීන්ත විදිහට දැනට කඩවල්වලට දානවා. මේක හරියට කළොත් එක දවසකට රුපියල් ලක්ෂ හතරක් පහක් හොයන්න පුළුවන්.” ඔහු  වාට්ටුවේදී මනෝ වෛද්‍යවරුන් හා කීය.

“අපේ රටේ ඔය කැළි කසළ ප්‍රශ්නයට ඔච්චර නහින්න ඕන නෑ. ඕකට හොඳ විසදුමක් මගෙ ළඟ තියෙනවා. මම දවසක් (පෞද්ගලික විද්‍යුත් මාධ්‍ය ආහතනයකි) ට ගිහින් ඔය කාරණය කිව්වා. නමුත් අන්තිම මොහොතේ ඒ මම කියපු කාරණා ඒ චැනල් එකේ ප්‍රචාරය ‍කළේ නෑ. පස්සෙයි දැනගත්තේ ඒ ආයතනයත් කසළ වලින් කෝටි ගණන් සල්ලි හොයන අයගෙ පැත්තෙ ඉන්නෙ කියලා.”

සාමාන්‍යයෙන් මෙබඳු පමණට වඩා අතිශෝක්තියෙන් කතා කිරීම මානසික රෝග කිහිපයක ලක්ෂණයකි. ක්ෂිප්තතාව  (Mania) මෝහාබාධ (Delusional Disorder) ඒ අතරින් ප්‍රධාන රෝග දෙකකි. ඊට අමතරව උණ රෝගයේ අතුරුඵළයක් ලෙස මොළයට සිදුවිය හැකි හානි නිසා ද ක්ෂිප්තතාව හටගැනීමෙන් යමෙකුගේ අදහස් මෙලෙස අසාමාන්‍ය වීමට පුළුවන.

කරාපිටිය රෝහලේ වෛද්‍යවරුන්ගේ අවධානය මෙම කරුණු කිහිපය වෙත යොමු වූ මුත් ඉන් එක් රෝගයක්  මුල්කොට හෝ පැහැදිලි විනිශ්චයක් කළ නොහැකි  වූ බැවින් ප්‍රතිකාර නියම කිරීමක් ද සිදු නොවුණි.

ඔහු බැලීමට ඔහුගේ තරුණ පුතු රෝහලට පැමිණියේ ඊට දෙදිනකට පසුවය. ඔහු උසස් අධ්‍යාපනයේ යෙදෙන්නෙකි. විශේෂඥ මනෝ වෛද්‍යවරයා එම තරුණයාගෙන් ඔහුගේ පියාගේ මෙම අසාමාන්‍ය ප්‍රකාශ පිළිබඳව විමසා සිටියේය.

“තාත්තා කියන්නේ ඇත්ත. දැනට තාත්තා එහෙම ව්‍යාපාරයක් කරනවා. කසළ ප්‍රශ්නෙ ගැනත් තාත්තා ඔය කියන්නේ  සම්පූර්ණ ඇත්ත. ඒත් තාත්තාගෙ ඇඳුමයි පෙනුමයි නිසා කාටවත් තාත්තා එහෙම කෙනෙක් කියලා කියන්න බැහැ.”තරුණ පුතු කීය.

එබැවින් ඔහුට කිසිම මානසික රෝගයක් නැතැයි නිගමනය කළ විශේෂඥ  මනෝ වෛද්‍යවරයා ටිකට් කපා ඔහුට එදිනම ගෙදර යාමට ඉඩ දුන්නහ.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 2637

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2645

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 5657

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 3355

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2003

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2844

Please publish modules in offcanvas position.

Web Analytics