Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube

lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ලෝකයේ ලොකුම තාරකා ඉබ්බා ශ්‍රී ලංකාවෙන් හමුවෙයි

ලෝකයේ ලොකුම ඉබ්බා යැයි කියූ සැනින් බොහෝ දෙනෙකුගේ සිහියට නැගෙනුයේ ගලපගෝස් දිවයින්වලට ආවේණික වූ සුවිශාල ගලපගෝස් ඉබ්බාය.
ලෝකයේ ලොකුම ඉබ්බාගේ අයිතිය ගලපගෝස් දිවයින්වලට හිමි වුවද ලොව ලොකුම තාරකා ඉබ්බා ශ්‍රී ලංකාවේ ලුණුගම්වෙහෙර වනෝද්‍යානයේ පදිංචිකරුවෙකි. දශක හය හතක් ලොවෙන් සැඟව සිටි මේ තාරකා ඉබි දැවැන්තයා පසුගිය 6 වැනිදා වනජීවී නියාමක රංග විජේරත්නගේ උකුසු ඇස යොමු වන්නේය. තම වන ජීවී නියාමන දිවියේ රංග මෙතරම් ලොකු තාරකා ඉබ්බෙකු දැක නැත. එහෙයින් රංග තම ඉහළ නිලධාරීන්ට මේ බව දන්වා සිටියේය. 
ශ්‍රී ලංකාවේ වාර්තා වන ඉබ්බන් විශේෂ ගණන තුනකි. ඒ අතින් ගල් ඉබ්බා හා කිරි ඉබ්බා උභය ජීවීන්ය. ඔවුහු ගොඩබිම මෙන්ම ජලයේද දිවි ගෙවති. එහෙත් තාරකා ඉබ්බා ගොඩබිම් සතෙකු වන අතර ඉතා අලංකාර පිට කටුවකින් යුක්තය. කහ කළු වර්ණ රටාවෙන් යුතු තාරකා ලකුණු විසිර ඇති කටුව නිසා තාරකා ඉබ්බා ලෙසින් මෙම විශේෂය හඳුන්වයි. 
ලුණුගම්වෙහෙරින් සොයාගත් යෝධ තාරකා ඉබ්බාගේ බර කි. 14කට ආසන්නය. යටි කබ‍ලේ දිග 45 cm පමණ වෙයි. ඉබි කටුවේ උස 42 cmට ආසන්නය. මෙම සත්වයා පිරිමි සතෙකු වන අතර මෙම වර්ගයේ ගැහැනු සතුන් දිගින් වැඩි බව වාර්තා වේ. තාරකා ඉබ්බන් ශ්‍රී ලංකාව, ඉන්දියාව, පාකිස්තානය, බංග්ලාදේශය වැනි රටවලින් වාර්තා වන අතර දැනට වාර්තා වී ඇති විශාලතම සජීවී නිදර්ශකය මෙම ඉබ්බා බව වනජීවී පශු වෛද්‍ය විජිත පෙරේරා මාධ්‍යයට පවසා ඇත. 
තාරකා ඉබ්බන් මෙරට වෙරළාසන්න ශුෂ්ක කලාපීය ලක්ෂණ සහිත ප්‍රදේශවල මෙන්ම හලාවත, මීගමුව වැනි ප්‍රදේශවලද වාර්තා වෙයි. බොහෝ කෘෂි කාර්මික ප්‍රදේශවල තාරකා ඉබ්බා වගාවට විපත් ගෙනදෙන සතෙකු ලෙස සලකා මරා දැමීම සිදු වෙයි. විශේෂයෙන් වට්ටක්කා, කොමඩු වැනි වගාවන්ට හානි කරනා නිසා ගොවියන් මෙම සත්වයන් මරා දැමීමට පෙළඹී ඇත. ඉතා අලංකාර උරග විශේෂයක් වන තාරකා ඉබ්බා නීති විරෝධීව අපනයනය කරනු ලබන සතෙකි. 
ලුණුගම්වෙහෙරින් හොයාගත් මෙම යෝධ ඉබ්බා සිටින ඉසව්ව වනජීවී දෙපාර්තමේන්තුව ප්‍රකාශ කරන්නේ නැත. ඒ එම සතාගේ නිදහසට සහ ආරක්ෂාවට ඉන් බාධා ඇතිවිය හැකි බැවින් අවශ්‍ය මිනුම් ආදිය ලබා ගැනීමෙන් පසු මෙම ඉබි දැවැන්තයා හමු වූ පියසටම මුදා හරින බව දෙපාර්තමේන්තු නිලධාරීහු පවසති. ශ්‍රී ලංකාවේ මේ අසමසම ෙජෙව විවිධත්වය ලොව ඕනෑම රටක් හා තරග කරන්නට සමත්ය. අවුරුදු 60ක් පමණ වයස වෙතැයි අනුමාණ කරන මේ තාරකා ඉබ්බා වැනි හඳුනා නොගත් ෙජෙව සම්පත් රාශියක් සිරිලක වන උයන්වල සැඟව තිබිය හැකි බවත් ඒවා නිසි විලස සුරැකීම සැමගේ වගකීම විය යුතු බවත් වනජීවී පශුවෛද්‍ය විජිත පෙරේරා අවධාරණය කරන්නේය. 
 
තරූෂ ප්‍රනාන්දු

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

කාමරංකා කන්න එපා

IMAGE 2017 Sep 24 13:10
වකුගඩු ආසාදන ශ්‍රී ලංකාවේ බරපතළ සෞඛ්‍ය තර්ජනයකි. කිහිප ආකාරයක වකුගඩු ආසාදන ශ්‍රී ලංකාවේ...
Views - 3854

ඔය කියන නිරුවත් ඡායාරූපවල ඉන්නේ මම ‍නෙවෙයි

IMAGE 2017 Sep 24 12:18
ගයාත්‍රි ඩයස් දැන් අන්තර්ජාලයේ පුවත් මවන්නියක් බවට පත් වෙලා. ඒ විදියට ඇය ගැන පැතිර ගිය එක්...
Views - 1759

මම මිය ගියේ නැහැ

IMAGE 2017 Sep 24 11:59
රොඩ්නි වර්ණකුල හදිසියේ මිය ගිය බවට බොරු පුවතක් පසුගිය දවස්වල අන්තර්ජාලයේ එහා මෙහා වුණා. මේ...
Views - 1012

අද කාලේ කඨින පිංකම් අස්සේ 'බෝතල් පාටි'ත් දානවා

IMAGE 2017 Sep 22 15:40
කඨින චීවර මාසයක් ළඟ ළඟම එයි. බෞද්ධයන්ට සිදුකළ හැකි අට මහ කුසල් අතරින් මුල්ම කුසලය වන කඨින චීවර...
Views - 1045

16 වියැති සිසුවිය බස් නැවතුමේ දී හෘදයාබාධයකින් මියයයි

IMAGE 2017 Sep 22 11:12
තම දූ පුතුන් පාසල් ගොස් යළි නිවසට පැමිණෙන තුරු දෙමාපියන් සිටිනුයේ දැඩි විමසිල්ලකින් බව...
Views - 3496

සුමති සම්මාන හිමිකරගත් කලා ලොවේ දිදුළන තරු

IMAGE 2017 Sep 21 12:27
ජාතියේ මහා කලා මංගල්‍යය හෙවත් සුමති සම්මාන උළෙල 20 දා  ප.ව. 6.30ට කොළඹ නෙළුම් ‍පොකුණ රඟහ‍ලේදී 22...
Views - 3983

Please publish modules in offcanvas position.