lakbima.lk
2017-06-15 ඇමෙරිකා ඩොලරය ගැනුම් මිල රු.150.8400 , විකුණුම් මිල රු.154.6400 | බි‍්‍රතාන්‍යය පවුම ගැනුම් මිල රු.191.5800 , විකුණුම් මිල රු.198.1100 | යුරෝ යුරෝපය ගැනුම් මිල රු.168.2300, විකුණුම් මිල රු.174.5900 | ස්වීස් ප‍්‍රෑන්ක් ගැනුම් මිල රු.154.3400 , විකුණුම් මිල රු.160.4500 | කැනඩා ඩොලරය ගැනුම් මිල රු.113.2400 , විකුණුම් මිල රු.117.7200 | ඔස්ට්‍රේලියා ඩොලරය ගැනුම් මිල රු.113.7400 , විකුණුම් මිල රු.118.8200 | සිංගප්පූරු ඩොලරය ගැනුම් මිල රු.109.0900 , විකුණුම් මිල රු.113.1000 | ජපානය යෙන් ගැනුම් මිල රු.1.3701, විකුණුම් මිල රු.1.4216 |

සෝමාලියානු කොල්ලකරුවන්ගෙන් නිදහස් වූ අපේ සූපවේදියා

අපි අටදෙනාට පණ පිටින් ලංකාවට ඒමට අවස්ථාවක් ලැබෙයි කියලා මම කවදාවත් හිතුවේ නෑ. මට අද විශාල සතුටක් දැනෙනවා බිරිඳ දරුවන් සමග පවුලක් ලෙස එකට එක්ව සිටීම ලැබිම ගැන යැයි සෝමාලියානු කොල්ලකරුවන් පැහැරගත් “අයිරිස්” ඉන්ධන නැවේ සූපවේදී ඒ ෂන්මුගම් (67) මහතා පවසයි.

නැව බේරා ගැනීමෙන් පසු පසුගිය 12දා එම නැවේ කාර්යමණ්ඩලය මෙරටට එද්දී මීගමුවේ පදිංචි ෂන්මුගම් මහතා සිය අත්දැකීම් විස්තර කරමින් මෙසේද පැවැසීය.

කොල්ලකරුවන් අපට නිතරම තුවක්කු එල්ල කරගෙනයි සිටියේ බාත් රූම් එකට යනකොටත් පිටුපස්සෙන් රයිපෆල් එක අරගෙන එනවා. ඒ ගොල්ලෝ හරියට මෘගයෝ වගේ. ඔවුන් දිහා බලන්ඩ බයයි. මුහුණවල් අපි බලන්නේත් නැහැ. අපි එහාට මෙහාට යන කොට බිම බලාගෙන යන්නේ.

මම චීප් කුක් නිසා මම මගේ  යාළුවෙකුයි ගිහිල්ලා පුළුවන් විදිහට කෑම ටිකක් හදාගෙන කනවා. අපි මේ වගේ හුඟක් දුක් විඳිමින් තමා සිටියේ. අපිට තුවක්කු එල්ල කරගෙන ඉන්න කොට මුකුත් කරන්ඩ බැහැ. අපි විඳපු දුකේ බරපතළකම තේරුම් ගන්න නම් එතන ඉඳලා බලන්න ඕනෑ. 2012න් පස්සේ කොල්ලකරුවන් නැව් කොල්ල කාලා නැහැ. මේක ‍පොඩි නැවක් නිසයි ඇටෑක් කරලා තියෙන්නේ.

එදා සවස 4ට විතර ඇවිල්ලා කිව්වා ‍ෆෝසස් ටික ගියේ නැත්නම්  විනාඩි 10න් 10යට අපි එකින් එකා මරනවා කියලා. එක්කෙනෙක්ව අරන් ගියා මරනවා කියලා. විනාඩි කීපයකින් කෝල් එකක් ආවා ‍ ෆෝසස් වලින් මේ යුද්ධය නවත්වන්න. කිසිම කෙනෙකුට අණතුරක් වුනොත් අයිලන්ඩ් එකම නැති කරනවා කියලා.

ඊට පස්සේ ඒ අය කොල්ලකරුවන් බය වුණා. අපි උඹලට කිසිම දෙයක් කරන්නේ නැහැ කියලා කිව්වා. ‍ෆෝසස් ටික  අයින් කරගන්ඩ කියලා දැනුම් දෙන්න කියලා අපෙන් ඉල්ලීමක් කළා. මේ අය අපිව මරන්ඩ යනවා. එම නිසා ‍ ෆෝසස් ඉවත් කරගන්ඩ කියලා ඊට පස්සේ ‍ ‍ ෆෝසස් ටික අයින් වුණා. නමුත් ‍ ෆෝසස් වල අය ටික දුරක් ගිහිල්ලා බලාගෙන සිටියා.

අපි එක තැනකට වෙලා හොරෙන් බලාගෙන සිටියා කොල්ලකරුවන් මොකද කරන්නේ කියලා. ඔවුන් නැවට නැගලා අපේ සියලු බඩු පටවාගෙන ගියා අඳින ඇඳුම් ටික පමණක් තියලා. අපි හවස 5වන තුරු පත්තර පිටු දාලා හාන්සි වෙලා සිටියා.

කොල්ලකරුවන්ගෙන් එක්කෙනෙක් ඇවිල්ලා කිව්වා. ඔයාලට මෙතනින් පැයකින් යන්ඩ පුළුවන් කියල. අපට පුදුමයක් දැනුණා. හීනයක්ද කියලා හිතුවා. මෙච්චර කරදර කරමින්  ඉඳලා අපට මෙහෙම යන්ඩ දෙනවා කියපුවම අපිට අදහගන්ඩ බැරිව ගියා. ඒ වෙලාවේ ඇති වූ  සන්තෝෂය කියන්ඩ බැහැ. අපි බලන් හිටියා මොකක්ද මේ වෙන්ඩ යන්නේ කියලා. 6.30ටපමණ වන විට බැලුවා එක්කෙනෙක්වත් කොල්ලකරුවෝ පේන්ඩ සිටියේ නැහැ.  එවිට අපේ නැවේ කැප්ටන් කිව්වා නැව අරන් අපි යමු කියලා නැවේ ඇන්කර් එක චීප් ඔපිසර් ඇවිල්ලා ඉස්සුවා. හිතා ගන්ඩත් බැහැ ඔපිසර් එය ඉස්සුවේ කොහොමද කියලා. ඒ වෙලාවේ අපි සෝමාලියානු ‍ෆෝසස්වලට අපි කෝල් කළා. සෝමාලියානු ‍ෆෝසස්වලින් අපට අධිවේගී බෝට්ටු දෙකක් නැවෙන් පිටවීමට එවා තිබුණා. කටුනායක ගුවන්තොටු‍පොළේදී  මගේ බිරිඳවයි දරුවන් දෙන්නව නැවත දැකපුවම මට ඇති වූ සන්තෝෂය කියා නිම කරන්න බැහැ. රජය අපිව බේරගන්ඩ විශාල මෙහෙයක් කළා. ඒ ගැන ස්තූති කළ යුතුයි. අපි හැර කිසිම කණ්ඩායමක් මේ වගේ කොල්ලකරුවන්ගෙන්  කෙටි දිනකින් බේරිලා නැහැ.

රේමන් අ‍පොන්සු - මීගමුව

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 
IMAGE

මළවුන්ට පණ දීමට තරම් බලගතු කතරගම තුන්නූරු

IMAGE 2017 Jun 23 10:33
කතරගම වාර්ෂික ඇසල මංගල්‍යය පසුගිය ජූනි 10 වෙනිදා කප්සිටුවීමෙන් ආරම්භ කෙරිණ. මෙම ජූලි 23 වෙනිදා...
Views - 1045

සමහරු මට මඩ ගහන්න වචනයක් වරදිනතුරු බලා ඉන්නවා

IMAGE 2017 Jun 22 09:57
“දෙරණ” නාලිකාවෙන් රටම හඳුනාගත් සහන් අබේසේකර දැන් අප හමුවට එන්නේ “සියත” රූපවාහිනී...
Views - 2557

මීළඟ ස්වභාවික අපදාවකදී ළඟ තිබිය යුතු ආපදා කට්ටල

IMAGE 2017 Jun 21 10:19
හෙට අනිද්දා හා ඉන්අනිද්දා දිවයිනේ ඇතැම් ප්‍රදේශ වලට අධික වර්ෂා තත්වයක් ඇතිවන බව කාලගුණ...
Views - 1791

ක්ෂේත්‍රයේ ඉන්න කුහකයෝ පිරිසක් මගේ ගමනට බාධා කරනවා

IMAGE 2017 Jun 20 20:48
ග්‍රේෂන් ආනන්ද කියන්නේ ලංකාවේ ගීත කලාව තුළ කැපී පෙනෙන භූමිකාවකට පණ පෙවූ සංගීතඥයෙක්....
Views - 2724

උකස්කරන්නවත් තව කිසි දෙයක් ඉතිරිවෙලා නැහැ

IMAGE 2017 Jun 20 20:36
90 දශකයේදී සංගීත ක්ෂේත්‍රයට පිවිස ගීතලෝලීන්ගේ සිහින කුමාරයකු බවට පත් වු ප්‍රින්ස් උදය...
Views - 3746

බඩ වැඩි නිසා කැච් අතඇරලා ඔළුවේ අතගහගෙන ඉන්නවා

IMAGE 2017 Jun 20 09:58
ශ්‍රී ලංකාවේ තාමත් භාවිතා කරන්නේ 1960 ගණන්වල ව්‍යායාම බවත්, බඩට කරවන ව්‍යායාම තවමත් 75-80 කාලවල කළ...
Views - 4253

Please publish modules in offcanvas position.