lakbima.lk
2017-03-28 ඇමෙරිකා ඩොලරය ගැනුම් මිල රු.150.1100 , විකුණුම් මිල රු153.9600 | බි‍්‍රතාන්‍යය පවුම ගැනුම් මිල රු.187.8700 , විකුණුම් මිල රු194.3400 | යුරෝ යුරෝපය ගැනුම් මිල රු.162.0600, විකුණුම් මිල රු.168.2900 | ස්වීස් ප‍්‍රෑන්ක් ගැනුම් මිල රු.151.3300 , විකුණුම් මිල රු.157.4000 | කැනඩා ඩොලරය ගැනුම් මිල රු.111.4800 , විකුණුම් මිල රු.115.9300 | ඔස්ට්‍රේලියා ඩොලරය ගැනුම් මිල රු.113.4500 , විකුණුම් මිල රු.118.5800 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1900 | ජපානය යෙන් ගැනුම් මිල රු.1.3504 , විකුණුම් මිල රු.1.4021 |

මල්ලී කිසිම දවසක නළුකම ගෙදර ගෙනාවේ නැහැ

විජය කුමාරතුංගයන් කුඩා අවධියේ පටන් ඔබට සමීපව සිටියා. ඒ සොඳුරු ළමාවිය මුලින්ම සිහිපත් කරමුද?
අපේ අක්කා සහ අයියා අපට වඩා හුඟක් වයසින් වැඩියි. නමුත් මමත් මල්ලිත් අතර එතරම් වයස් පරතරයක් තිබුණේ නැහැ. ඒ නිසා වෙන්න ඇති මල්ලි  මට ගොඩක් සමීප වුණා. ලොකු අක්කාට යම් දෙයක් කියන්න අවශ්‍ය වුණත් මල්ලි මට තමයි කියන්නේ ඒක අක්කට  කියන්න කියලා. අපි දෙන්නා හරිම යාළුයි. කිසිම දවසක සෙල්ලම් බඩුවක් බෙදා ගන්නවත් අපි රණ්ඩු වෙලා නැහැ. තියෙන දෙයක් තියෙන හැටියකට බෙදා හදාගෙන හරිම ආදරයෙන් සමගියෙන් සහ කෙළිදෙළෙන් අපි  අපේ ළමා කාලය ගත කළා.

පසු කලෙක ඔබ විවාහ වී දුර බැහැරක පදිංචියට යනවා. ඉන් පසුව නම් අක්කයි මල්ලියි දුරස් වෙන් ඇති නේද?
ඒත් එහෙම වුණේ නැහැ. මම විවාහ වෙලා අනුරාධපුරයේ පදිංචියට යන විටත් මල්ලි පාසල් ශිෂ්‍යයෙක්. සෑම පාසල් නවාඩුවකටම මල්ලි මාව බලන්න අනුරාධපුරයට ආවා. පාසල් නිවාඩු දුන් දිනට පසුදා නොවැරදීම අනුරාධපුරයට එන මල්ලි ආපසු ගමට යන්නේ පාසල් නිවාඩුව අවසන්  වූ විටයි. ඒ ආ විට මාවත් එක්ක ගෙන ලොකු අක්කව බලන්න යන පුරුද්දකුත් එයාට තිබුණා. ‍‍‍ජ්‍යෙෂ්ඨ පාඨශාලා සහතික පත්‍ර විභාගයට පෙනී සිටියාට පසුව කාලයක් මගේ නිවසේත්  නතර වෙලා හිටිය. ඒ කාලයේ පමණක් නොවෙයි ජනප්‍රිය නළුවෙකු සහ දේශපාලනඥයෙකු බවට පත් වූ පසුවවත් ඔහු මගෙන් හෝ පවුලෙන් දුරස් වුණේ නැහැ. මොකද අපි අතර තිබුණේ හරිම ශක්තිමත් සහෝදර බැඳීමක්.

විජය කුමාරතුංග මහතා අතිශය ජනාදරයට හා සම්මානයට පාත්‍ර වූ නළුවෙක් පමණක් නොවෙයි හොඳම ගායකයාට හිමි සරසවි සම්මානයෙන් පවා පිදුම් ලැබූ ගායකයෙක්. ඔහු කුඩා අවධියේ සිටම රංගන හා ගායනය පිළිබඳ යම් නැඹුරුවක් හෝ විශේෂ හැකියාවක් දැක්වූවාද?
කුඩා අවධියේ තබා පාසල් අවධියේදිවත් ඔහු ගායනය හෝ රංගනය පිළිබඳව උනන්දු වූ අයෙක් නොවෙයි. එවකට ඔහු වැඩි නැඹුරුවක් දැක්වූවේ චිත්‍ර කලාවට. ‍‍‍ජ්‍යෙෂ්ඨ විභාගය සඳහා කලා විෂයක් ලෙස තෝරාගෙන තිබුණෙත් චිත්‍ර විෂයයි. මා සිතන්නේ උපතින්ම ඔහු තුළ පිහිටා තිබූ නිසඟ ගායන හා රංගන කුසලතාව සිනමා ආගමනයත් සමග ඉස්මතු වෙන්න ඇති.

බාල වියේ පටන් අක්කත් සමග රහස් කියපු පුරුද්දට සිනමාවට සම්බන්ධ වූවායින් පසුව චිත්‍රපට ලෝකය පිළිබඳවත් රස රහස්  කියන්නට ඇති නේද?
ඇත්තටම මේ කතා කවුරුවත් විශ්වාස කරන එකක් නැහැ. මල්ලි කවදාවත් චිත්‍රපට ලෝකය පිළිබඳව අප සමග කතා බහ කළේ නැහැ. කිසිම දවසක ඔහු නළුකම ගෙදර ගෙනාවේ නැහැ. ඉතා කාර්යය බහුල පුද්ගලයකු වූ මල්ලි අප සමග ගත කරන  කාලය ඔහුට මෙන්ම අපටද ඉතාම වැදගත් වුණා. ඉතින් ඒ වෙලාවට අපි අපි ගැනම තමයි කතා කළේ පවුල සහ දරුවන් පිළිබඳව කතා කරලා අපේ ආදරය බෙදා ගන්නවා හැරෙන්නට කිසි විටෙක සිනමාව පිළිබඳව හෝ අන් කිසිවක් ගැන කතාබහක් පසු කා‍ලේ අප අතරේ ඇති වුණේ නැහැ.

සිනමා නළුවෙකු ලෙස ජනප්‍රියත්වයේ හිණිපෙත්තෙහිම වැජඹෙමින් උන් සමයක විජය කුමාරතුංග මහතා විසින් සෘජුවම දේශපාලනයට සම්බන්ධ වීමට ගන්නා ලද තීරණයට ඔබ ඇතුළු පවු‍ලේ සෙසු සාමාජිකයන් එකඟත්වය පළ කළාද?
දුක් විඳින අහිංසක මිනිසුන් කෙරෙහි මල්ලිගෙ සිත තුළ පුදුම විදිහේ කරුණාවක් අනුකම්පාවක් තිබුණා. මල්ලි දේශපාලනයට පිවිසීමට තීරණය කළේ ඒ මිනිසුන් වෙනුවෙන්  යමක් කළ යුතුයි කියන අදහසිනුයි. ඔහු කිසි විටෙකත් වැරදි තීන්දු තීරණ ගන්නා අයෙක් නොවෙයි. එම නිසා මේ තීරණයේදීත් අප ඔහු සමගින් එකඟ වුණා.  

නමුත් එම තීරණය නිසාම ඔහුට ජීවිතයෙනුත් වන්දි ගෙවන්න සිදු වුණා නේද?
මගේ මල්ලිට මෙවන් ඉරණමක් අත්වේවියැයි මා නම් සිහිනෙකින්වත් සිතුවේ නැහැ. ඔහුගේ ජීවිතයට යම් යම් තර්ජන නොතිබුණා නොවෙයි. එසේ වුවත් තමන්ට කිසිවෙකුගෙන් අනතුරක් සිදු වන්නේ නැතැයි කියා ඔහු දැඩිව විශ්වාස කළා.
“මම කවදාවත් කාටවත් වරදක් කරලා නැහැ. ඒ නිසා මට අනතුරක් කරන්න කාටවත් වුවමනාවක් නැහැ” කියලයි ඔහු නිතරම කිව්වේ. ඇත්තටම තමන්ට පුළුවන් හැටියට අනෙක් අයට පිහිට වුණා මිසක මගෙ මල්ලි කිසිම දවස කුරා කුහුඹියෙකුටවත් වරදක් කළ අයෙක් නොවෙයි.  ඉතා පිරිසිදු ච්ෙතනාවෙන්  දේශපාලනයට පිවිසි ඔහු අන්තගාමී පටු දේශපාලන අදහස් උදහස් දැරූවෙකුත් නොවෙයි. ආණ්ඩුවේ හෝ යම් පක්ෂයක ක්‍රියා කලාපය නිවැරදි නම් එයට අකුල් නොහෙළා ඔහු ඊටත් සහයෝගය දුන්නා. ඒ වගේම වරදක් කරන විටත් එම වරද පෙන්වා දෙමින් නිර්භයව නැගී සිටිය.  ජාතීන් අතර සමගිය රැක ගැනීම සඳහා බලය බෙදිය යුතුයි යනුවෙන් ඔහු එදා දැරූ දේශපාලනික මතයත් මේ වන විට පිළිගැනීමට ලක්ව තිබෙනවා. මට සිතා ගන්න බැරි කිසිම දවසක කිසිවෙකුටත් වරදක් නොකළ නිවැරදි දේශපාලන මතයක් දැරූ අවිහිංසාවාදි වැඩ පිළිවෙළක් ගෙන ගිය පුද්ගලයෙකුට මෙවැනි දෙයක් සිද්ධ වුණේ ඇයි කියන එකයි. අදටත් මම ඒ ප්‍රශ්නයට උත්තරයක් සොයනවා.

විජය නැති අඩුව ඔහුගේ සොහොයුරිය ලෙස ඔබට අද දැනෙන්නේ මොන විදිහටද?
මම දැන් වයසයි. ඒ නිසා එදාටත් වඩා අද මට මල්ලිව ඕනෑ. ඒත් අද එයා ජීවතුන් අතර නැහැ. ඔහු නැති දුක, පාළුව, තනිකම මට සෑම මොහොතකම දැනෙනවා. දිවි ඇති තුරාම එය මට දැනේවි.

නිර්මලී කරුණාරත්න

Comments  

+4 #1 සිසිර 2017-02-19 20:59
තිරිසන් කතා ඉවත් කිරිම පිළිබඳව බුද්ධිමත් ලක්බිම පාටකයන්ගෙ ආචාරය ලක්බිමට
Quote
-1 #2 arschfikaa 2017-02-22 12:29
ado sisira,mineemarana jaathiyen pewatha ena
umbawage ekek oyawage ovadan deemata kisima
aythiyak nethi ewunya,enisaa thoge katai [********]i
vahagena,kasippu beela meranna yana anith ekaa
kawda kiyala kalpanaakireeme yediyan, sinhala
cinemaawe hitapu denawaka haamine hera,anith
hema niliyekutama hukaapu ekaa thamai oya
vijaya.mekai eththa.
Quote

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

බිග් මැච් තහනම ඇවිලෙන ගින්නක් පිදුරු වලින් වහනවා වගේ!

IMAGE 2017 Mar 28 15:52
ශ්‍රී ලංකාවේ දරුවන් විභාග සමත් වීමේදී ඉදිරියෙන් සිටියත් ඔවුන්ගේ විනය පිළිබඳව සතුටුවිය...
Views - 385

සිංහල අලුත් අවුරුද්ද අපට මෙතරම් රහ වැටෙන්නේ ඇයි?

IMAGE 2017 Mar 28 10:26
’සිංහල අලූත් අවුරුද්ද’ යන වදන අසන්නට හෝ කියවන්නට ලැබුණු සැණින් ඔබගේ සිත තුළ ජනිත වන හැඟීම...
Views - 483

සුද්දන් දෙකට පැලූ 'මීයන් ඇල්ලේ' කතාව

IMAGE 2017 Mar 27 16:59
වර්ෂ 1815දී අප රටේ පාලනය මුළුමනින්ම සිය’තට ගත් ඉංග්‍රීසි ජාතිකයන් එය නැවත අප අතට පත් කරන ලද්දේ...
Views - 1122

මැතිනිය බක්කි කරත්තෙන් ඉස්කෝ‍ලේ ගිය හැටි

IMAGE 2017 Mar 27 11:07
ඒ වර්ෂ 1923 ජූලි මස 9 බ්‍රහස්පතින්දායි. රත්නපුර දඹවින්න වලව්වෙන් පිටත් වූ බක්කි කරත්තය නගරයේ...
Views - 2007

සමහර සාස්තර බලාගෙන හිටියා වගේ කියැවෙන්නේ කොහොමද?

IMAGE 2017 Mar 27 10:43
ගතවූ වසර විසිඅටක කාලය තුළ මම වරින්වර ‘බලා සිටියාක් මෙන් සත්‍ය පවසෙතැ’යි බොහෝ දෙනකු කී...
Views - 2114

සමහරු සල්ලි මත්තේ නැහෙද්දී තාත්තා වින්දනය සොයමින්...

IMAGE 2017 Mar 26 14:43
සිංහල වේදිකාව, සිනමාව සහ රූපවාහිනිය විජයග්‍රහණය කළ චරිතාංග නළුවකු වශයෙන් ජයලත් මනෝරත්නයන්...
Views - 7540

Please publish modules in offcanvas position.