lakbima.lk
2017-02-21 ඇමෙරිකා ඩොලරය ගැනුම් මිල රු.149.68 , විකුණුම් මිල රු.153.44 | බි‍්‍රතාන්‍යය පවුම ගැනුම් මිල රු.185.67 , විකුණුම් මිල රු.192.00 | යුරෝ යුරෝපය ගැනුම් මිල රු.157.38 , විකුණුම් මිල රු.163.41 | ස්වීස් ප‍්‍රෑන්ක් ගැනුම් මිල රු.147.84 , විකුණුම් මිල රු.153.73 | කැනඩා ඩොලරය ගැනුම් මිල රු.113.24 , විකුණුම් මිල රු.117.71 | ඔස්ට්‍රේලියා ඩොලරය ගැනුම් මිල රු.113.80 , විකුණුම් මිල රු.118.86 | සිංගප්පූරු ඩොලරය ගැනුම් මිල රු.104.86 , විකුණුම් මිල රු.108.71 | ජපන් යෙන් ගැනුම් මිල රු.1.3121 , විකුණුම් මිල රු.1.3617 |

ගම්පහ ටියුෂන් පෙම්වතුන්ට ‘මිනි රෙස්ට් හවුස්’

ගම්පහ ටියුෂන් සිසු සිසුවියන්‍ ගේ ලිංගික උපසංස්කෘතිය පිළිබඳව ‘ලක්බිම’ අන්තර්ජාල පුවත්පත මගින් අවස්ථා කිහිපයක දීම අප විසින් තොරතුරු අනාවරණය කරන ලදී. ඒ එම කරුණු සම්බන්ධ විවෘත සමාජ කතිකාවක කාලීන වැදගත්කම සලකමිනි. අප මෙම මාතෘකාව ඔස්සේ මෙලෙස විවෘතව කරුණු ඉදිරිපත් කරන අතරේ ගම්පහ ආශ්‍රිතව එක්තරා සුවිශේෂ සංසිද්ධියක් ද සිදුවිණි. එනම් දිගු කාලයකට පසුව (ගම්පහ ප්‍රදේශවාසීන් පවසන අන්දමට මතක ඇති කාලයකින්) පසුගිය පෙබරවාරි 05 ඉරිදා ගම්පහ නගරයේ විවිධ ස්ථානවල අනුරාගී ලෙස හැසිරෙමින් සිටි තරුණ තරුණියන් අසූ දෙනෙකු පමණ පොලිස් භාරයට ගෙන අවවාද කිරීමෙන් පසුව මුදාහැරීමය.

මෙය ගම්පහ ජ්‍යෙෂ්ඨ පොලිස් අධිකාරී මුදිත පුස්සැල්ල මහතාගේ නියමය පරිදි සිදු කරන ලද මෙහෙයුමක් බවත් ඒ සඳහා පොලිස් නිලධාරීන් සේම නිලධාරිනියන්ද එක් වූ බවත් අපට දැනගත හැකිවිය. එමෙන්ම මෙම පොලිස් භාරයට ගැනීමේ දී බියපත් වූ ඇතැම් තරුණ තරුණියන් ඒ පිළිබඳව එවලේම ජංගම දුරකථන මගින් තම දෙමවුපියන්ට දන්වා තිබුණි. ඒ අනුව තම දූ පුතුන්ට  එරෙහිව අයාල ආඥාපනත යටතේ පොලිසිය විසින් නඩු පවරනු ඇතැයි බියපත් වූ මාපියෝද එදින  සියළු වැඩ කටයුතු පසෙක තබා  පොලිස් භාරයට ගෙන සිටින තම දූදරුවන් බේරා ගැනීම පිණිස ගම්පහ පොලිස් ස්ථානයට රොක් වූහ. එහෙත් මෙය නීත්‍යානුකූල ක්‍රියාමාර්ගයකට වඩා එම තරුණ තරුණියන්ගේත් පොදු සමාජයේත් සදාචාර සංවර්ධනය අරමුණු කර ගනිමින් කළ ක්‍රියාවක් බව ඔවුනට දැනගත හැකි විය. එමෙන්ම මෙම මෙහෙයුම තවදුරටත් ක්‍රියාත්මක කරන බවද දැන ගන්නට තිබේ.  
එහෙත් ගම්පහ නගරයේ ටියුෂන් සිසු සිසුවියන් ගේ ලිංගික උප සංස්කෘතිය පිළිබඳව ගත වූ මාස කිහිපය තුළ ඉතා සියුම් ලෙස හා ගැඹුරින් විශ්ලේෂණය කළ අපට ඒ හා සම්බන්ධ තවත් රහස් කිහිපයක් අනාවරණය කර ගත හැකිවිය.

ගම්පහ නගරයේ ජනාශ්‍රිත ස්ථානවල අනුරාගී ලෙසින් හැසිරන තරුණ තරුණියන් වෙත පැමිණ ඔවුන්ට ඒ සඳහා වඩාත් නිදහස් ස්ථාන සපයා දෙන පිරිස් පිළිබඳව අපගේ සියුම් අවධානයට යොමු වූයේ එහි දීය. මෙහි දී පළමුව එම තරුණ ජෝඩු වෙත උපායශීලි ලෙස ළංවන ඔවුහු මෙවන් දෙයක් කියති.

“ඔයාලට ඔයිට වඩ නිදහසේ කතා කර කර ඉන්න හොඳ තැනක් අසවල් බිල්ඩිමේ අසවල් තට්ටුවේ තියනවා; කිසි කෙනෙක් ඒ පැත්තට එන්නේ නැහැ. ඒ හින්දා කාගෙන්වත් නොඅසා කෙලින්ම එතැනට ගිහින් එතන ඉන්න ...... අයියා, ...... අක්කා හම්බුවෙන්න.”

අපගේ අනුමානය අනුව ගම්පහ නගර සීමාව තුළ මෙවැනි ස්ථාන දහයක් පමණ තිබේ. නගරාසන්න ප්‍රදේශයද සලකා බලනවිට මෙම ප්‍රමාණය දෙගුණයක් විය හැක. මේවා  බොහොමයක් පිහිටා ඇත්තේ මහජනයා නිතර ගැවසෙන පොදු ගොඩනැගිලිවල උඩු මහලේය. මේවා වැඩිපුරම වසා දැමූ ව්‍යාපාරික ස්ථානයන්න. මේවායේ වත්මන් භාරකාරත්වය දරනුයේ ඒවායේ සැබෑ හිමිකරුවන් නොවන බවද පෙනෙයි. ජනාකීර්ණ ස්ථානයන් වල සිට මඳ දුරක් ගිය පසු හමුවන කිසිවකු පදිංචි නොමැති හිස් නිවාසයන්ය ද මේ සඳහා යොදාගැනේ. එමෙන්ම මේවායේ ඇති විශේෂත්වය වනුයේ සිනමාහලකට, ලැඟුම්හලකට පිවිසීමේ දී තරුණ තරුණියන්ට; විශේෂයෙන් තරුණියකට මුහුණ දීමට සිදුවන සමාජීය අපහසුව මෙම ස්ථානයකට පිවිසීමේදී අත්විදීමට සිදු නොවීමය. ඔවුන් බොහෝවිට සිදු කරනුයේ එම ස්ථානයට තම පෙම්වතා පිවිස මඳ වේලාවකින් වටපිට බලා හීන්සීරුවේම එතුළට පිවිසීමය. මෙම ස්ථාන පිළිබඳව මිතුරු මිතුරියන් මගින් කරුණු දැනගන්නා ටියුෂන් සිසුසිසුවියෝ සෑහෙන පිරිසක් මෙම මිනිරෙස්ට්හවුස් වෙත ඇදී යාම බහුලව සිදුවෙයි.

මේ සම්බන්ධ තවත් විශේෂතම කරුණක් ද තිබේ.  එනම් ගම්පහ ප්‍රදේශයේ ඇතැම් විවාහක සහ අවිවාහක කන්තෝරු නෝනලාද තම පෙම්වතුන් හා පමණ ඉක්මවන නිදහසක් භුක්තිවිදීම  පිණිස මෙවන් ස්ථාවලට පැමිණීමය. මේවා බොහෝවිට මුලුමනින්ම අවරණය වූ ස්ථානයන්ය. ඇතැම් ස්ථාන යතුරු දමාගත හැකි අයුරින් සැකසී තිබේ. මේ ඇතැම් ස්ථානවල ජෝඩු දෙකකට හෝ තුනකට එකවර රැදී සිටීමේ පහසුකම සලසා ඇත. මෙහිදී අපගේ නිරීක්ෂණයට ලක් වූ ගම්පහ නගරයේ ගොඩනැගිල්ලක ඉහළ මාලයක පිහිටි මෙවන් ස්ථානයක් අද්දර කාන්තාවන් දෙදෙනකු සේවය කරන මැහුම් හලක් ඇත. මෙම තරුණ තරුණියන්ට රැඳී සිටීමේ පහසුව සලසන ආසන්න ස්ථානය පිළිබඳව පාරිභෝගික කටයුත්තකට යන බව අඟවා එම මැහුම් හලේ කාන්තාවකගෙන් විමසා සිටි අප නියෝජිත වරියකට අසන්නට ලැබී ඇත්තේ මෙවැනි කතාවකි.

“ඔය ටියුෂන් එන කොල්ලෝ කෙල්ලෝ කරන දේවල් හොය හොයා ඉන්න ගියොත් අපිට අපේ වැඩ කරගන්න වෙලාවක් නැතිවෙනවා. අනික උන් මොනවා කළාම අපිට මොකද?”

ඒ අනුව එම ස්ථානය පවත්වාගෙන යන පුද්ගලයා එම කාන්තාවන් ගෙන් ඒ සඳහා අවසර ගෙන හෝ ඔවුන් බියවද්දා ඇති බව අනුමාන කිරීමට අපට හැකිවිය. එසේ නොමැතිනම් එම සදාචාර පරිහානියට එරෙහිව ‍ඔවුන් කිනම් හෝ අයුරකින් පෙනී සිටිනු ඇත.

ගම්පහ නගරයේ ඇති මෙබඳු ස්ථානවල තානායම් ලැඟුම්හල් කාමරවල මෙන් එහි පැමිණෙන්නවුන් හට යහන් පනවා නැත. ඒ වෙනුවට එතුළ ගෘහ හෝ කාර්යාල උපකරණයක් දෙකක් පමණක් දක්නට පුලුවන. එහි පැමිණෙන තරුණ ජෝඩුවකට පැය භාගයේ සිට පැයක හමාරක කාලයක් තුළ එහි රැඳී සිටීම පිණිස රුපියල් තුන්සීයේ සිට පන්සීය  දක්වා මුදලක් අය කරනු ලැබේ. එම ගොඩනැගිලි තුළ ඇති ආවරණය වූ ස්ථාන තුළ  සිට ඔවුන්ට පෙම් පිළිසඳරේ යෙදීමට වඩා බොහෝ දේවල් කර කියා ගැනීමට පුලුවන.

මෙබඳු ස්ථාන පවත්වාගෙන යාම සම්බන්ධයෙන් බදු මුදල් නොගෙවීම මත එය පවත්වාගෙන යන තැනැත්තාට දිනකට සැලකිය යුතු මුදලක් උපයාගත හැක. එමෙන්ම ඒ සම්බන්ධ තැරැව්කරුවන්ට ද ඉන් කොටසක් දීමට ඔවුන්ට සිදුවෙයි. තවද  මෙම ස්ථාන තුළ සිදුවන ක්‍රියාව පැහැදිලි ලෙස නීතිමය වශයෙන් අර්ථගැන්වීමට  පොලිසියට නොහැකිය යන විශ්වාසය මත ඔවුන් ගම්පහ ටියුෂන් සිසු සිසුවියන් ගේ ලිංගික උප සංස්කෘතියට මෙලෙස යටිතල පහසුකම් සලසනු ඇතැයි යන්න අපගේ විශ්වාසයයි.

ගම්පහ ජ්‍යෙෂ්ඨ පොලිස් අධිකාරිවරයා බුද්ධි අංශ නිලධාරීන්ගේ සහයෙන් හෝ මෙවන් ස්ථාන පිළිබඳවද වැඩිදුර තොරතුරු නොපමාව සොයාගනු ඇතැයි යන්න අපගේ විශ්වාසයයි.

තවත් තොරතුරු බලාපොරොත්තු වන්න.

 

ප්‍රසංග පෙරේරා - ජා ඇල

Comments  

+6 #1 kumara 2017-02-15 15:56
Introduce a tax policy and give them a comfortable place.
Quote
+6 #2 Kalidasa 2017-02-15 22:49
Going after unarmed young lovers is very safe for the law enforcement rather than chasing criminals or investigating politicians defrauding the voters for untold amount of public funds. If youngsters are not supposed to have love affairs, the law of the land need to enact such laws and establish the culture police (most Muslim countries have it) to enforce the law on the street. The answer is getting a complete education at the school for such students, so they don't need to spend time and money on extra tuition classes. The President and the PM (Ranil is a newly minted Ph.D now) need to improve the education system, so teachers are evaluated based on the performance of the students. Teachers should be barred from private practice. Imagine if all the government servants are going to start private practice. The AGA will tell you come to his private office for your needs. IP in charge of the Police Station will tell the person who has a complain, to come to IP's home to get the services. This is ridiculous. Come on Mr. Yahapala, you have to look at the gorilla in the room but you are chasing the small fly now.
Quote
+1 #3 herath 2017-02-17 06:53
police ye un okkoma porondam bala.propasal walin badapu ewun wenda athi.lankawe problem eka awith thiyenne sex karanna puluwan thaman ta witharai .anith unta baha
Quote

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

ගී ගයන්න මටත් අවස්ථාවක් දෙන්න - ඩබ්ලිව්.ඩී. ආරියසිංහ

IMAGE 2017 Feb 26 17:18
මා ළඟටම තව ළංවෙලා හිඳින්න නිහඬ නුවන් පියා මා සීතාවෝ සැතපෙන නින්දේ නූපුර ඕ ප්‍රියේ පා...
Views - 396

එක රැයින් වීරයෙක් වූ අසේල ගැන කවුරුත් නොදැන සිටි කතා...

IMAGE 2017 Feb 26 13:53
ශ්‍රී ලංකා ක්‍රිකට් කණ්ඩායමට එක්වූ අලුත්ම වීරයා ගැනයි අද අපි ඔබට කියන්නට යන්නේ. ඒ තමයි අසේල...
Views - 793

හිටපු පෙම්වතිය මා නැතිවීම ගැන අද දුක්වෙනවා ඇති

IMAGE 2017 Feb 26 13:12
සතුටයි, දුකයි විග්‍රහ කරන්න කියලා අපි අඛිලට මුලින්ම කිව්වොත්? අපි සතුටු වෙන්නේ යමක්...
Views - 1240

අපි නාකි වෙලාලු බෑන්ඩ් ගහන්න බැහැලු

IMAGE 2017 Feb 26 13:01
ශ්‍රී ලංකාවේ කලාකරුවන්ට සිය දක්ෂතා ඉදිරිපත් කරන්නට වඩාත් පහසුකම් සලසන රටක් වශයෙන්...
Views - 529

එච්. එම්. ගේ වකුගඩු ලෙඩේ තව වැඩි වෙලා

IMAGE 2017 Feb 26 12:48
ඇඟේ පතේ සවි ශක්තිය තිබෙන සහ අතේ මිටේ යහතින් මුදල් ගැවසෙන කාලෙට හොඳට කාලා බිලා සතුටින් ජීවත්...
Views - 733

ජනපති මැදුරට නොගිය ජනපති දියණිය

IMAGE 2017 Feb 26 11:44
ජනපතිවරුන්ගේ දරුවන් පමණක් නොව මැති ඇමැතිවරුන්ගේ දරුවන්ගේ නම් රටුන් අතර බොහෝ ප්‍රසිද්ධය....
Views - 700

Please publish modules in offcanvas position.