lakbima.lk
2017-02-21 ඇමෙරිකා ඩොලරය ගැනුම් මිල රු.149.68 , විකුණුම් මිල රු.153.44 | බි‍්‍රතාන්‍යය පවුම ගැනුම් මිල රු.185.67 , විකුණුම් මිල රු.192.00 | යුරෝ යුරෝපය ගැනුම් මිල රු.157.38 , විකුණුම් මිල රු.163.41 | ස්වීස් ප‍්‍රෑන්ක් ගැනුම් මිල රු.147.84 , විකුණුම් මිල රු.153.73 | කැනඩා ඩොලරය ගැනුම් මිල රු.113.24 , විකුණුම් මිල රු.117.71 | ඔස්ට්‍රේලියා ඩොලරය ගැනුම් මිල රු.113.80 , විකුණුම් මිල රු.118.86 | සිංගප්පූරු ඩොලරය ගැනුම් මිල රු.104.86 , විකුණුම් මිල රු.108.71 | ජපන් යෙන් ගැනුම් මිල රු.1.3121 , විකුණුම් මිල රු.1.3617 |

අමරසිරි පීරිස්ට සංවිධායකයන්ගෙන් වංචාවක්

උන්මාද  සඳ ඒක පුද්ගල සංගීත ප්‍රසංගයේ ගීත ගායනය සඳහා ආරාධනා කර සංවිධායකයන් ‍පොරොන්දු වූ රුපියල් හත් ලක්ෂ පනස්දහසක මුදල ගෙවීම පැහැර හැරී බව කියමින් ප්‍රවීණ ගායන ශිල්පී අමරසිරි පීරිස් මහතා අනුරාධපුර මූලස්ථාන ‍පොලීසියේ අපරාධ විමර්ශන අංශයට මුදල් නොගෙවීම සම්බන්ධයෙන් ඊයේ (11) රාත්‍රියේ පැමිණිල්ලක් ඉදිරිපත් කර තිබුණි.
අනුරාධපුර ස්වර්ණපාලි බාලිකා ජාතික පාසල් ප්‍රධාන ශාලාවේදී ප්‍රවීණ ගායන ශිල්පී අමරසිරි පීරිස් මහතාගේ සහභාගිත්වයෙන් පැවැත්වීමට නියමිතව තිබූ සංගීත ප්‍රසංගයට සංවිධායකයින් ‍පොරොන්දු වී ගිවිසගත් ආකාරයට රුපියල් 750000 මුදල නොගෙවීම හේතුවෙන් ඒ මහතා අනුරාධපුර මූලස්ථාන ‍පොලීසියේ අපරාධ විමර්ශන අංශයට පැමිණිලි කර තිබුණි.
පැමිණිල්ල සමග වහාම ක්‍රියාත්මක වූ ‍පොලීසිය එම ප්‍රසංගය සංවිධානය කළ තරුණ කාන්තාවක ඇතුළු කිහිපදෙනෙකු අනුරාධපුර නගරයේ පිහිටි නිවාඩු නිකේතනයක නවාතැන් ගෙන සිටියදී ‍පොලීසියට කැඳවා ආරවුල විසඳීමට කටයුතු කර තිබුණු අතර සංවිධායකයින් අමරසිරි පීරිස් මහතාට ගෙවිය යුතු මුදල ගෙවීමට ‍පොරොන්දු වී තිබුණි.
අමරසිරි පීරිස් මහතා සහභාගි වූ ප්‍රසංගය නැරඹීම සඳහා ප්‍රවේශපත් රැගත් රසිකයන් පිරිස  විද්‍යාලයේ ප්‍රධාන ශාලාවට පැමිණ සිටි අතර සංවිධායකයින් එහි නොපැමිණියත් රසිකයන් වෙනුවෙන් ගීත හයක් ගායනා කිරීමට ඒ මහතා කටයුතු කළේය. සිය රසිකයන් වෙනුවෙන් ගීත ගායනා කළ අමරසිරි පීරිස් මහතා ‘මෙම අනුරාධපුරයට දෙතුන් වතාවක් සංගීත ප්‍රසංගවලට ආවා. නමුත් මේ වගේ සිද්ධියකට මුහුණ දෙන්න සිදුවුණේ නැහැ’ යනුවෙන් පවසා ‍පොරොන්දු මුදල නොගෙවීම සම්බන්ධයෙන් අනුරාධපුර මූලස්ථාන ‍පොලීසියට ගොස් පැමිණිලි ඉදිරිපත් කළේය.
ප්‍රවීණ ගායන ශිල්පී අමරසිරි පීරිස් මහතා ගෙන්වා ඔහුට මුදල් ලබා නොදීම සම්බන්ධයෙන් උන්මාද සඳ ඒක පුද්ගල සංගීත ප්‍රසංගය සංවිධානය කළ අසංගි චන්දිමා විජේසූරිය මහත්මියගෙන් දුරකතනයෙන් කළ විමසීමකදී ඇය මෙසේ පැවැසුවාය. “මම එතුමාට අගෞරවයක් වන වචනයක්වත් කියන්න කැමැති නෑ. අනුරාධපුර නගරයේ ප්‍රබල ව්‍යාපාරිකයෙකු ඇතුළු පිරිසක් තමයි ප්‍රසංගය කඩාකප්පල් කළේ. මට විවිධ තර්ජනත් ආවා. මම ඒ පිළිබඳව අනුරාධපුර මූලස්ථාන ‍පොලිස් පරීක්ෂකතුමාට ලිඛිතව දැන්වීම් කරා. අමරසිරි පීරිස් මහතා මා සමග  ඇති වූ අමනාපයක් හේතුවෙන් සංගීත ප්‍රසංගයට සහභාගි නොවී ඊයේ (11) සවස පහට අනුරාධපුරයෙන් යනවා කිව්වා.
ඒ නිසා මම ආරාධිත අමුත්තන් ඇතුළු සියලුම රසිකයින්ට දැන් වුවා ප්‍රසංගය අවලංගුයි කියලා. ඒ වගේම ප්‍රවේශ පත්‍ර අලෙවි කරන්නත් එපා කියලත් කිවුවා. නමුත්  සවස හතට විතර ඒ මහතා විද්‍යාලයට ඇවිල්ලා සින්දු  කියලා. ඇයි අවලංගු කරපු ප්‍රසංගයකට සහභාගි වුණේ. නමුත් එතුමාව මමයි අනුරාධපුරයට ගෙන් වූයේ ‍පොරොන්දු මුදල් දෙනවා. අනුරාධපුර නගරයෙන් ප්‍රවේශපත්‍ර 44ක් අලෙවි වී තිබුණා. ඒ මුදලුත් මම රසිකයන්ට නැවත ලබා දෙනවා” යැයි ඇය පැවැසුවාය.
අනුරාධපුර මූලස්ථාන ‍පොලීසියේ අපරාධ විමර්ශන අංශයේ ස්ථානාධිපති ප්‍රධාන ‍පොලිස් පරීක්ෂක එම්.එස්.කුමාරසේන මහතා ඇතුළු පිරිසක් පැමිණිල්ල සම්බන්ධයෙන් පරීක්ෂණ සිදු කරයි.

අනුරාධපුර - බුද්ධික මහේෂ් විජේසූරිය

Comments  

-2 #1 සිසිර 2017-02-13 19:33
7500000/6=125000????????එක් ගිතයකට එක්ලක්ෂ විසිපන්දාහයි ,,,,අනෙ ඔබ තුමා වත් දුප්පත් අපෙන් (රජයේන් )ආධාර නිවාසගන්න එපා
Quote
0 #2 jayasri 2017-02-14 08:46
awalangu kala kiyala ethumata dannuwe nadda? pissu manussayo
Quote
+5 #3 Luckyl 2017-02-15 15:37
Good News for Income tax dept.Take immediate action.Lucky
Quote
+4 #4 siran 2017-02-15 16:22
gana hari serayi neda? sivil niladariyek masa 15 k wath wedata yanna ona
Quote
+2 #5 jeny.perera 2017-02-16 15:30
meywage mudalak ??? budu Ammo meyala inne rasikayo sanasanada?herat ateeck hedenawane.deyyane.incom tax kese wethath hith suwapath karana minissuda mey. kiyalai hithanna one.
Quote

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

ගී ගයන්න මටත් අවස්ථාවක් දෙන්න - ඩබ්ලිව්.ඩී. ආරියසිංහ

IMAGE 2017 Feb 26 17:18
මා ළඟටම තව ළංවෙලා හිඳින්න නිහඬ නුවන් පියා මා සීතාවෝ සැතපෙන නින්දේ නූපුර ඕ ප්‍රියේ පා...
Views - 397

එක රැයින් වීරයෙක් වූ අසේල ගැන කවුරුත් නොදැන සිටි කතා...

IMAGE 2017 Feb 26 13:53
ශ්‍රී ලංකා ක්‍රිකට් කණ්ඩායමට එක්වූ අලුත්ම වීරයා ගැනයි අද අපි ඔබට කියන්නට යන්නේ. ඒ තමයි අසේල...
Views - 799

හිටපු පෙම්වතිය මා නැතිවීම ගැන අද දුක්වෙනවා ඇති

IMAGE 2017 Feb 26 13:12
සතුටයි, දුකයි විග්‍රහ කරන්න කියලා අපි අඛිලට මුලින්ම කිව්වොත්? අපි සතුටු වෙන්නේ යමක්...
Views - 1245

අපි නාකි වෙලාලු බෑන්ඩ් ගහන්න බැහැලු

IMAGE 2017 Feb 26 13:01
ශ්‍රී ලංකාවේ කලාකරුවන්ට සිය දක්ෂතා ඉදිරිපත් කරන්නට වඩාත් පහසුකම් සලසන රටක් වශයෙන්...
Views - 529

එච්. එම්. ගේ වකුගඩු ලෙඩේ තව වැඩි වෙලා

IMAGE 2017 Feb 26 12:48
ඇඟේ පතේ සවි ශක්තිය තිබෙන සහ අතේ මිටේ යහතින් මුදල් ගැවසෙන කාලෙට හොඳට කාලා බිලා සතුටින් ජීවත්...
Views - 734

ජනපති මැදුරට නොගිය ජනපති දියණිය

IMAGE 2017 Feb 26 11:44
ජනපතිවරුන්ගේ දරුවන් පමණක් නොව මැති ඇමැතිවරුන්ගේ දරුවන්ගේ නම් රටුන් අතර බොහෝ ප්‍රසිද්ධය....
Views - 703

Please publish modules in offcanvas position.