Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

බයියන්ට හොරකම්වත් පුළුවන්ද අපිට වැඩියෙන්?

බිරිඳත්, මමත් ටෙලිවිෂනය දෙස ඇසිපිය නොහෙලා බලා සිටියෙමු.
ජනාධිපතිවරයා බැඳුම්කර කොමිෂන් වාර්තාවේ නිර්දේශ ප්‍රකාශ කරමින් සිටී.
ප්‍රකාශය අවසන් වූ වහාම කුස්සියට වැදුණු බිරිඳ කිරිබත් උයන්නට පටන් ගත්තාය.
කිරිබත් පිඟානක් අල්ලපු ගෙදරටත් ගිහින් දෙමු කිණ්ඩියටත් එක්ක මම බිරිඳට යෝජනා කළෙමි. ඕකුන් පට්ට යූඑන්පීකාරයොනෙ, දැන් විරවගෙන ඇති කටඋත්තර නැතුව.
බිරිඳත්, මාත් කිරිබත් පිඟාන උස්සාගෙන ගොස් අල්ලපු ගෙදර සීනුව නාද කළද කවුරුවත් ගේට්ටුව ළඟට ආවේ නැත.
ගෙතුළින් කන් අඩි පැලෙන තරම් හයියෙන් සිංදුවක් ඇසුණු නිසා ඔවුන්ට බෙල් ශබ්දය නෑසෙනවා ඇතැයි මම බිරිඳට කීවෙමි.
 
ජය අපටයි ලංකාවේ
අතන මෙතන කොතන ගියත් ලංකාවේ
ජය අපටයි//
ජය අපටයි ලංකාවේ
 
රේඩියෝව දාල තිබුණට ගෙදර කවුරුවත් නැතුව ඇති  බිරිඳ කියා සිටියාය. මේ වෙලාවට ගැලපෙන සිංදුවක් ‍නෙවෙයිනෙ ඒක.
එවිටම අපේ අසල්වැසියා ජය අපටයි සිංදුව උරුවම් බාමින් සරමද අඩක් ඔසවාගෙන එළියට ආවේය.
අම්මට සිරි ඕගොල්ලොත් කිරිබත් උයලනෙ අපේ පිඟාන වසා තිබූ රෙදිකඩ ඔසවා බැලූ ඔහු කියා සිටියේය. අපිත් මේ කිරිබත් කකා හිටියෙ.
බිරිඳත්, මමත් ඔහු පිටුපසින් ගෙතුළට ගියෙමු.
ඕගොල්ලො කිරිබත් ඉව්වෙ අද කාගෙද උපන් දිනේ? බිරිඳ අසල්වැසියාගේ බිරිඳගෙන් ඇසුවාය.
ඒ අසා අසල්වැසියා අත්පුඩියක් ගැසුවේය.
කාගෙවත් බර්ත් ඩේ ‍නෙවෙයි හලෝ ඔහු කියා සිටියේය. බැඳුම්කර කොමිසමේ නිර්දේශ අහල ඒ සන්තෝෂෙටයි අපි කිරිබත් ඉව්වෙ.
බිරිඳත්, මමත් ඇරුණු කටවල් වසා ගන්නට බැරුව ටික වෙලාවක් බලා සිටියෙමු.
ඇයි ඕයි තමුසෙල පට්ට යූඑන්පීකාරයොනෙ අන්තිමේ මම කියාගතිමි. තමුසෙලගෙ ලොක්කගෙ අඹ යාළුවයි, මිනිහගෙ බෑණයි පට්ට හොරු කියල කියවුණාමත් කිරිබත් උයන්න තමුසෙලට මඤ්ඤංද?
බොලා මාර ඊරිසියාකාරයො මචං තරමක අඩියක්ද ගසා තිබුණු බව පෙනෙන්නට තිබූ අසල්වැසියා අපට අමුවෙන්ම කීවේය. මං කොච්චරවත් කියනව අපේ ගෑනිට උඹල රට හදන්න කතා කරාට බොලාගෙ පපුව හොඳ නෑ කියල.
මම කිසිවක් කියාගත නොහී ලැජ්ජාවෙන් හා කේන්තියෙන් රතුවූ මුහුණින් යුතුව බලා සිටියෙමි.
මචං මේක අහපන් අසල්වැසියා මට කීවේය. අපේ ලොක්කගෙ හොඳම යාළුවෙකුගෙ බෑණා, ඒ මාමගෙත් හෙල්ප් එකෙන් ඓතිහාසික වංචාවක් කරාම ඒකට ෆන් ගන්න ඕන අපි නේන්නම්, නැතුව බොලාද?
අසල්වැසියාගේ කතාව මට තේරුණේ නැත.
මොකක්ද ඒ කතාවෙ තේරුම?
ඇයි යකෝ, අපේ එකා කෝටි එක්දාස් එකසීයකට කෙළියා, ඒකත් ආණ්ඩුව ඇවිත් මාස තුනක් යන්න කලින් අසල්වැසියා මට කීවේය. මහින්ද රාජපක්ෂගෙ කොයි එකාටද කියපං පුළුවන් වුණේ ඔච්චර සුළු කාලෙකදී ඔච්චර ලොකු ගාණකට විදින්න. යකෝ බයියන්ට මොන මඟුලද කරන්න පුළුවන් අපිට වැඩියෙ හොඳට?
ඒ කියන්නෙ ඔච්චර දෙයක් වෙලා තියෙද්දිත් තමුසෙල යූඑන්පිය අත අරින්නෙ නෑ?
මචං, ඉතිහාසය විකෘති කරල මහින්දව ලොකුම හොරායි, හොඳම මැරයයි කරාට මේකෙන් පස්සෙවත් බොලා අවංකව පිළිගන්න ඕන නේද ඒ තැන සාධාරණව බොලාට අයිති නෑ කියල අසල්වැසියා කියා සිටියේය. දැන් බලපන් ලසන්ත මැරුව කිය කිය තොපිවම අප් කරල තියනවා. ඒත් ඊට අවුරුදු විස්සකට කලින්නෙ අපි රිචඩ් සොයිසව මැරුවෙ. ඒත් අපිට නෑනෙ ඒකට නිසි පිළිගැනීම. අපේ වැදගත්කමට අපි ඕවට අඬ බෙර ගහන්නෙ නැති නිසා, අපේ කීර්ති නාමය නැතිවෙලා ගිහින්.
මෙවිට බිරිඳ මට පහත් හඩින් කතා කළාය.
මේ පිස්සත් එක්ක කතා කරල වැඩක් නෑ, අපි යමු ගෙදර.
අප ගේට්ටුව ළඟටම ගිය විට අසල්වැසියා වැනි වැනී එතනට දුව ආවේය.
මචං සිරා මාර ගේම් නේද මහින්දයට දෙන්නෙ? ඔහු මගෙන් ඇසුවේය. අන්තිමේ ලොකුම හොරා කියන එකත් මිනිහට නැති කරානෙ නේද?
IMAGE

බාර් තහනමට එරෙහිව උසාවි ගිය සමනලී කියන කතාව

IMAGE 2018 Jan 22 13:49
කාන්තාවන්ට මත්පැන් මිලට ගැනීම සහ අලෙවි කිරීම සඳහා වාරණයක් මෙරට නීතියේ පවතින බව බොහෝ අය...
Views - 1376

දෙහිඅත්තකණ්ඩියේ ජන්ද බලය මන්දො කරන හේනානිගල කැකුළි

IMAGE 2018 Jan 22 12:40
ලබන දහ වැනිදා පැවැත්වෙන පළාත් පාලන ඡන්දයේදී දෙහිඅත්තකණ්ඩිය ප්‍රාදේශීය සභාව මෙරට මැතිවරණ...
Views - 870

නෙවිල් ප්‍රනාන්දු රෝහලේ විස්මිත පොත් දොරට වැඩුමක්!

IMAGE 2018 Jan 22 10:33
පොත් දොරට වැඩීමේ උත්සව අප බොහෝ දෙනෙකුට හොඳින් ‍හුරුපුරුදුය. ප්‍රසිද්ධ දේශනාගාර සහ ශාලාවල,...
Views - 664

බස් එකේ ඉන්න කාගේ හරි චේන් එකක් කඩාගන්න මට හිතුණා

IMAGE 2018 Jan 21 12:54
ජීවිතේ අපි අත් විඳපු සමහර අත්දැකීම් අපේ හිත පතු‍ලේ හැංගිලා හිතටම කා වැදිලා හැමදාමත් තියෙනවා....
Views - 3139

මේක විහිළුවක් නෙමෙයි සමහර විට යාළුකම් නැතිවෙයි

IMAGE 2018 Jan 21 12:30
මඟුල් කපුකම් කරනවාට වඩා තමන්ට ලැබෙන්න තියෙන මුදල් ටික එකතු කර ගත්තොත් හොඳයි කියලා හිතපු...
Views - 2732

බ්‍රොයිලර් කාපුවාම හෘද රෝග-දියවැඩියාව හැදෙනවාමයි

IMAGE 2018 Jan 21 11:38
කුකුළු මස් සහ පීකුදු ආහාරයට ගැනීම පිළිබඳ මේ දිනවල සමාජයේ උණුසුම් කතිකාවක් ගොඩ නැගෙමින් පවතී....
Views - 3026

Please publish modules in offcanvas position.

X

Right Click

No right click