lakbima.lk
2017-07-20 ඇමෙරිකා ඩොලරය ගැනුම් මිල රු.151.6800 , විකුණුම් මිල රු.155.4800 | බි‍්‍රතාන්‍යය පවුම ගැනුම් මිල රු.196.8000 , විකුණුම් මිල රු.203.4600 | යුරෝ යුරෝපය ගැනුම් මිල රු.173.6700, විකුණුම් මිල රු.180.2000 | ස්වීස් ප‍්‍රෑන්ක් ගැනුම් මිල රු.157.7400 , විකුණුම් මිල රු.164.0300 | කැනඩා ඩොලරය ගැනුම් මිල රු.119.6100 , විකුණුම් මිල රු.124.3000 | ඔස්ට්‍රේලියා ඩොලරය ගැනුම් මිල රු.119.5300 , විකුණුම් මිල රු.124.8000 | සිංගප්පූරු ඩොලරය ගැනුම් මිල රු.110.3500 , විකුණුම් මිල රු.114.3700 | ජපානය යෙන් ගැනුම් මිල රු.1.3485, විකුණුම් මිල රු.1.3993 |

කිරිඳිවැලින් රසවත් ‘කුණු’ කතාවක්

ගම්පහ දිස්ත්‍රිකයේ කිරිඳිවැල මාලිගාවත්තේ පිහිටි කසල කළමණාකරණ මධ්‍යස්ථානය වෙත මෙම විසි අට වනදා දක්වා දිනකට කසළ ටොන් අසූව බැගින් බැහැර කිරීම සම්බන්ධයෙන් දැඩි සේ විරුද්ධ වූ ප්‍රදේශවාසී ජනතාව පසුගිය 20 දා හංවැල්ල - කිරිඳිවැල ප්‍රධාන මාර්ගයේ මාලිගාවත්ත ප්‍රදේශයේ දී විරෝධතා ව්‍යාපාරයක් දියත් කළහ.

කොළඹ මහ නගර සභාව මුහුණ දී ඇති කසළ අර්බුදය ගැන මානුෂික ලෙස සිතා එම සීමිත දින ගණන තුළ එම සීමිත කසළ ප්‍රමාණය පමණක් එහි රැඳවීමට ඉඩ දිය යුතු බවට රැස් වුණු ඇතැම් පිරිස් වල නිගමනය වූ අතර සෙසු පිරිස එක හෙළාම “කොළඹ කුණු අපට එපා” යන දැඩි ස්ථාවරයේ රැ‍‍ඳෙමින් මෙම අරගලය දියත් කළහ. එහි එක් අවස්ථාවක එම කණ්ඩායම් දෙක අතර  ඇති වූ උණුසුම් කතා බහකි  මේ.

පළමුවැන්නා; ඕවාට එහෙම එකපාරටම කොළඹ කුණු කියන්නත් බැහැ; මොකද ඔය විදිහට කොළඹට එකතු වෙන්නේ පිටපළාත් වලින් ගෙනියන දේවල්වලින් ඉතු‍රුවෙන කුණු නෙ.

දෙවැන්නා; ඔව්, ඉතින් කොළඹ මැනින් මාකට් එක ගත්තත් හැමදාම මුලු රටේම කුණු එතනට එකතුවෙනවා. ඒවට ඉතින් කොළඹ කුණු කියන එක නම් වැරදියි තමයි.

තුන්වැන්නා; එහෙම බැලුවොත් නම් ඉතින් හැමදාම මේ දොම්පේ ආසනෙන් වුණත් කොළඹ ගෙනියන දේවල් වලින් සෑහෙන කුණු ප්‍රමාණයක් එකතුවෙන්න පුලුවන් තමයි.

 මේ අතර එහි සිටි උද්ඝෝෂණකරුවෙක් එම තිදෙනාට මෙසේ කීය.

මේ ඕවා නිකම් බොරු බයිලා; කොළඹ නගර සභාව සීමාව ඇතුලේ එකතු වෙන කුණු කොළඹ කුණු; එහෙම නැතුව ඒවාට නුවර කුණු, ගාල්ලේ කුණු කියන්න බැහැනේ. ඉතින් ඒවට කොළඹදීම කර ගන්න දෙයක් කර ගන්නවා මිසක් ඒ කුණු අපේ ඇඟවල් වල ගහන්න එන්නේ මොන මඟුලකටද?

පළමුවැන්නා; මේ අපිත් දන්නවා ඔයාලගේ හැටි; ඔයාලා ඔය හදන්නේ මොන කුණු ගොඩක් අස්සට පැනලා හරි කල දුටු කල වළ ඉහගන්න; ඔයාලා ගෙයක් ගෙයක් ගාණේ ගිහින් මෙහේ දෙවැනි මීතොටමුල්ලක් වෙනවා කියලා මිනිස්සු බය කරපු හැටි අපිටත් ආරංචිවෙලා තියෙන්නේ; මෙතන මීතොටමුල්ල  වගේ නිකම් කුණු ගොඩක් නොවෙයි කසළ කළමණාකරණ මධ්‍යස්ථානයක්; මෙතනට කුණු සම්පතක්;

මෙම වාදය උණුසුම්ව ඇවිලයන අතරේ එතැන සිටි තළතුනා මහතෙක් මැද්දට පැන්නේ මෙසේ කියමිනි.

ඔයාලා ඔය කියන දෙපැත්තෙම කාරණාවල ලොකු ඇත්තක් තියනවා; හැබැයි ඉතින් මේ ප්‍රශ්නෙට නියම විසඳුමකුත් කියනවා; දැන් මේ මහත්තුරු කිව්වනේ කොළඹ කුණු ගොඩ ලොකු වෙන්න මේ දොම්පෙන් කොළඹට ගිය එක එක දේවලුත් බලපෑවා කියලා.

ඔහු එසේ කියත්ම එහි සිටි කිහිප දෙනෙකුම ඔව් යැයි කියමින් ඊට අවධානය යොමු කළහ.

එවිට තළතුනා මහතා  සිනාසී මෙසේ කීය;

ඉතින් අපි කොළඹ කුණු ලොරි ඔක්කොම මෙහාට ගෙන්නලා අපේ කුණු ටික විතරක් තෝරලා වෙන් කරලා භාර අරගෙන අනික් ඒවා ආපහු කොළඹ යවමු; ඉවරයි නේ කතාව.

 

එස්.ටී.පී.සිල්වා

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

හැමෝගෙන්ම බැණුම් අහන දෙවැනි ඉනිමේ ක්‍රිකට් කෝච්

IMAGE 2017 Jul 23 13:26
මේ දවස්වල “දෙවැනි ඉනිම” නරඹන ප්‍රේක්ෂකයන්ගෙන් වැඩිපුරම බැණුම් අහන්නේ කවුද කියලා ඇහුවොත්...
Views - 656

වෙසක් ‍පෝය අප්‍රේල් මාසයට ආවේ කොහොමද?

IMAGE 2017 Jul 23 10:23
පන්සල් සම්බන්ධයෙන් වර්තමාන ආණ්ඩුව මුහුණ දුන්නේ එතරම් සුබ කලදසාවක් නම් නොවේ. එසේ කියන්නේ,...
Views - 507

කලක් නිහඬව සිටි ‘ග්‍රීස් යකා’ යළි වැඩ පටන් අරන්?

IMAGE 2017 Jul 21 17:10
සති දෙකක කාලයක් තිස්සේ හංවැල්ල වල්පිට ප්‍රදේශයේ සැරි සැරූ ‘ග්‍රීස් ‍යකෙකු’ අල්ලා...
Views - 1103

කොළඹ නගරයේ යාචක සමීක්ෂණය සැක සහිතයි

IMAGE 2017 Jul 20 15:44
කොළඹ නගරයේ වෘත්තීමය යාචකයන් 4000 ක් සිටින බවටත් සැබෑ යාචකයන් සිටිනුයේ 660 ක් වන බවටත් මහනගර සහ...
Views - 1987

'කොණ්ඩදෙනියේ' නම විකුණන බොරු කාරයෝ (Video)

IMAGE 2017 Jul 20 14:54
කොණ්ඩදෙණියේ හාමුදුරුවන් නමින් ගුප්ත විද්‍යා කටයුතු පිළිබඳව මහත් ප්‍රසිද්ධියක් ඉසුලූ...
Views - 2527

ජයසේන මහතාට කලකට පසු හමුවූ 'දෙවන මනමාලයා'

IMAGE 2017 Jul 19 16:26
අද පෙරවරුවේ පානදුර නගර සභා ක්‍රිඩාංගණයේ පැවති "මතින් නිදහස් රටක්” ජාතික වැඩසටහනේ කළුතර...
Views - 4373

Please publish modules in offcanvas position.