lakbima.lk
2017-03-28 ඇමෙරිකා ඩොලරය ගැනුම් මිල රු.150.1100 , විකුණුම් මිල රු153.9600 | බි‍්‍රතාන්‍යය පවුම ගැනුම් මිල රු.187.8700 , විකුණුම් මිල රු194.3400 | යුරෝ යුරෝපය ගැනුම් මිල රු.162.0600, විකුණුම් මිල රු.168.2900 | ස්වීස් ප‍්‍රෑන්ක් ගැනුම් මිල රු.151.3300 , විකුණුම් මිල රු.157.4000 | කැනඩා ඩොලරය ගැනුම් මිල රු.111.4800 , විකුණුම් මිල රු.115.9300 | ඔස්ට්‍රේලියා ඩොලරය ගැනුම් මිල රු.113.4500 , විකුණුම් මිල රු.118.5800 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1900 | ජපානය යෙන් ගැනුම් මිල රු.1.3504 , විකුණුම් මිල රු.1.4021 |

ඒ උතුම් අවස්ථාව දෙන්නේ කාටද කියලා තවමත් නිරීක්ෂණය කරනවා

තමන්ගේ අලුත්ම චිත්‍රපටයේ සිදුහත් සහ යශෝධරා චරිතවලට නළු නිළියන් සොයමින් රට වටේ ගිය මහාචාර්ය සුනිල් ආරියරත්නයන්ගෙන් ඉන්දියාවේ සිට ඇමතුමක්

මහාචාර්ය සුනිල් ආරියරත්න මේ දිනවල තමන්ගේ අලුත්ම චිත්‍රපටයට සූදානම් වෙනවා. චිත්‍රපටයේ නම තමයි ‘බිම්බාදේවි හෙවත් යශෝධරා.’ ඓතිහාසික කතා තේමාවක් රැගත් මෙම චිත්‍රපටයේ මුහුරත් උළෙල මහාචාර්ය සුනිල් ආරියරත්නයන්ට පවත්වන්නට සිදුවුණේ ටිකක් වෙනස් විදිහකටයි කියන කාරණය මීට සති කිහිපයකට පෙර “රිද්ම” තුළින් අපි ඔබ වෙත වාර්තා කළා. එහි විශේෂත්වය වූයේ එම මුහුරත් උළෙල සඳහා චිත්‍රපටයේ රඟපාන කිසිදු රංගන ශිල්පියෙකු හෝ ශිල්පිනියක සහභාගි නොවීමයි. ඊට බලපෑ හේතුව හෙළි කරමින් සුනිල් ආරියරත්නයන් ප්‍රකාශ කළේ චිත්‍රපටයේ ප්‍රධාන චරිත දෙක වන සිදුහත් කුමරු සහ යශෝධරා දේවියගේ භූමිකාවන් සඳහා රංගන ශිල්පියෙකු සහ ශිල්පිනියක තෝරා ගැනීමට නොහැකිවීම හේතුවෙන් ඒ සදහා නළු නිළියන් කිසිවෙකු සහභාගි කරනොගැනීමට තීරණය කළ බවයි.
එම චරිත සඳහා නළුවෙකු සහ නිළියක තෝරා ගැනීමේදී සැලකිල්ලට ගන්නා ප්‍රධානතම සාධකය වනුයේ ඔවුන්ගේ චරිතවත් බව වගත් එවැනි චරිතවත් නළු නිළි දෙපළක් ශ්‍රී ලංකාවෙන් සොයාගැනීමට නොහැකි වුවහොත් ඉන්දියානු නළුවෙකු සහ නිළියක ඒ සඳහා තෝරා ගන්නා බවත් “රිද්ම” සමග සම්මුඛ සාකච්ඡාවකට එක්වෙමින් මහාචාර්ය සුනිල් ආරියරත්න කියා සිටියේ එය තම සිනමා දිවියේ මුහුණ දීමට සිදු වූ විශාලතම අභියෝගය බවද සඳහන් කරමින්. කොහොම නමුත් තමන්ගේ චිත්‍රපටය සඳහා “සිදුහත්” සහ යශෝධරාවක්් ලංකාව පුරාම හොයලා බැරිම තැන ඉන්දියාවට ගිය මහාචාර්යතුමාගේ ඒ භාරදූර කටයුත්ත සාර්ථක අවසානයක් පෙනෙන මානයටම ඇවිත් කියලා අපට පසුගිය දිනෙක ආරංචි වුණා. ඒ ගැන වැඩිදුර තොරතුරු දැනගන්න අපි පුල පුලා බලා සිටියදී මහාචාර්ය සුනිල් ආරියරත්නයන් පසුගිය දිනෙක ඉන්දියාවේ සිට “රිද්ම” අප ඇමතුවා.
“බිම්බාදේවි හෙවත් යශෝධරා සිනමා පටයේ ප්‍රධාන චරිත දෙක සඳහා ඉතා චරිතවත් නළුවෙකු සහ නිළියක තෝරා ගැනීමයි මගේ ප්‍රධානම අභිලාෂය වුණේ. එවැනි නළුවකු සහ නිළියක අපේ රටෙන්ම තෝරා ගැනීමට මුලින් උත්සාහ දැරුවත් මා බලා‍පොරොත්තු වුණ අන්දමේ සුදුසුකම් සපුරාලන දෙදෙනකු ලංකාවෙන් සොයාගැනීමට අ‍පොහොසත් වුණා. ඒ නිසා මම ඉන්දියාවට ගොස් එරටින් නළුවෙකු සහ නිළියක සොයා ගැනීමට තීරණය කළා. ඒ අනුව මුම්බායි හිදී පැවැත්වුණු තෝරා ගැනීමේ පරීක්ෂණවලින් අනතුරුව සිදුහත් සහ යශෝධරා සඳහා නළුවකු සහ නිළියක තෝරා ගැනීමේ අවසන් අදියරට අප දැන් පැමිණ සිටිනවා. චරිත දෙක සඳහා ගැළපෙන විදිහේ නළුවන් තිදෙනකු සහ නිළියන් තිදෙනකු මේ වන විටත් අප තෝරාගෙන තිබෙනවා. ඒ අතරින් තෝරා ගන්නා නළුවකු  සහ නිළියක “බිම්බාදේවි හෙවත් යශෝධරා” චිත්‍රපටයේ ප්‍රධාන භූමිකා දෙක නිරූපණය කරාවි.”
තමන්ගේ චිත්‍රපටයේ ප්‍රධාන භූමිකා දෙක හිමිවන්නේ ඉන්දියානු නළුවකුට සහ නිළියකට බව මහාචාර්ය සුනිල් ආරියරත්නයන් මුල් වරට “රිද්ම” වෙත කියා සිටියේ ඒ විදිහටයි. නමුත් එහි අනෙකුත් චරිත සඳහා තෝරා ගන්නේ ලංකාවේ නළු නිළියන් බවත් ඔහු වැඩිදුරටත් කියා සිටියා.
“තරු මට්ටමේ නොවුණත් අප අවසන් වටය සඳහා තෝරා ගෙන තිබෙන ඉන්දියානු නළුවන් සහ නිළියන් ඒ රටේ ජනප්‍රිය චරිතයි. ඔවුන් අතරින් චිත්‍රපටයේ රඟපෑමට අවස්ථාව ලැබෙන්නේ කාටද කියන අවසන් තීරණය ගැනීමට අපට හදිසියක් නැහැ. මොකද, මේ වසරේ මැයි මාසයේදී තමයි එහි රූගත කිරීම් ආරම්භ කෙරෙන්නේ. ඒ නිසා මේ තිදෙනාගෙන් ඒ උතුම් අවස්ථාව ලබාදෙන්නේ කාටද කියලා තාමත් මා නිරීක්ෂණය කරනවා. ඒ අතර කලා අධ්‍යක්ෂ බිමල් දුෂ්මන්තගේ                     ප්‍රධානත්වයෙන් විශාල පිරිසක් එක්වී මේ දිනවල රන්මිණිතැන්න ටෙලි සිනමා ගම්මානයේදී චිත්‍රපටය සඳහා දැවැන්ත මාළිගා ඇතුළු පසුතල නිර්මාණය කිරීමෙහි යෙදී සිටිනවා.”
මහාචාර්ය සුනිල් ආරියරත්නයන් එලෙස කියා සිටියේ චිත්‍රපටයේ අලුත්ම තතු සමග නැවතත්  “රිද්ම” පාඨකයන් හමුවන බවටද ‍පොරොන්දු වෙමින්.  

කිෂාන් කනංකෙ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

දුර්වල විභාග ක්‍රමයකින් විශිෂ්ටතමයන් බිහිවන්නේ කොහොමද?

IMAGE 2017 Mar 29 17:01
පාසල් අධ්‍යාපනයේ වර්තමාන විභාග ක්‍රමය ඉතා දුර්වල බව ජනාධිපති වරයාගේ සිට රටේ සැවොම එක සේ...
Views - 271

සුද්දිගේ කාමරයට රිංගු ෆෝන් හොරා ගසින් ගසට පැන ගිහින්

IMAGE 2017 Mar 29 16:16
ජංගම දුරකථනය නේවාසිකාගාරයේ තබා තිබියදී එහි පැමිණි විශාල වඳුරෙකු විසින් එය පැහැර ගෙන ගිය බව...
Views - 414

උල්කාපාතයෙන් ජපාන යේ රංගන වරම් හිමිකරගත් ටිකිරිබණ්ඩා

IMAGE 2017 Mar 29 15:58
ලෝක ප‍්‍රසිද්ධියට පත් පොළොන්නරුව දිඹුලාගල කුඩාවැව වෙල්යායට පතිත වු උල්කාපාත කොටස් සම්බන්ධ...
Views - 792

වලපනේට බස් රථ බැරි නම් තවලම් සේවයක් වත් ඕනෑ

IMAGE 2017 Mar 29 11:11
මාර්ග පහසුකම් නොතිබූ අතීතයේ කන්ද උඩරට වලපනේ ප්‍රදේශය ප්‍රසිද්ධව තිබුණේ තවලම් සම්බන්ධයෙනි....
Views - 1168

බිග් මැච් තහනම ඇවිලෙන ගින්නක් පිදුරු වලින් වහනවා වගේ!

IMAGE 2017 Mar 28 15:52
ශ්‍රී ලංකාවේ දරුවන් විභාග සමත් වීමේදී ඉදිරියෙන් සිටියත් ඔවුන්ගේ විනය පිළිබඳව සතුටුවිය...
Views - 931

සිංහල අලුත් අවුරුද්ද අපට මෙතරම් රහ වැටෙන්නේ ඇයි?

IMAGE 2017 Mar 28 10:26
’සිංහල අලූත් අවුරුද්ද’ යන වදන අසන්නට හෝ කියවන්නට ලැබුණු සැණින් ඔබගේ සිත තුළ ජනිත වන හැඟීම...
Views - 821

Please publish modules in offcanvas position.