lakbima.lk
2017-03-28 ඇමෙරිකා ඩොලරය ගැනුම් මිල රු.150.1100 , විකුණුම් මිල රු153.9600 | බි‍්‍රතාන්‍යය පවුම ගැනුම් මිල රු.187.8700 , විකුණුම් මිල රු194.3400 | යුරෝ යුරෝපය ගැනුම් මිල රු.162.0600, විකුණුම් මිල රු.168.2900 | ස්වීස් ප‍්‍රෑන්ක් ගැනුම් මිල රු.151.3300 , විකුණුම් මිල රු.157.4000 | කැනඩා ඩොලරය ගැනුම් මිල රු.111.4800 , විකුණුම් මිල රු.115.9300 | ඔස්ට්‍රේලියා ඩොලරය ගැනුම් මිල රු.113.4500 , විකුණුම් මිල රු.118.5800 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1900 | ජපානය යෙන් ගැනුම් මිල රු.1.3504 , විකුණුම් මිල රු.1.4021 |

එයා මගේ ළඟට ආවොත් ජීවිතේ සතුටින් ගෙවන්න මම කැමැතියි

ගුවන් විදුලිය, වේදිකාව, පුංචිතිරය සේම සිනමාව තුළත් සිය රංගන කුසලතා මතුකළ ජනප්‍රිය සම්මානනීය නිළි ගීතා කාන්ති ජයකොඩි මෙවර කතාබහට එකතු කරගන්න අපි හිතුවා. ඒ ඇගේ රංගන දිවියේ තොරතුරු ගැනවත් සාමාන්‍ය ජීවිතයේ ආගිය තොරතුරුවත් කතාකරන්න නම් නමෛයි. ජීවිතයේ අනේක විධ අත්දැකීම් හමුවේ සතුට සහ දුක අතර ඇගේ ජීවිතය දෝලනය වූ ආකාරය ගැන කතාකරන්නයි. අපේ හුරුපුරුදු රිද්ම විශේෂාංගය ‘සතුටයි දුකයි‘ සඳහා මේ සතියේ එකතුවන්නේ ගීතා කාන්ති ජයකොඩි.

ඔබ සතුට හා දුක නිර්වචනය කරන්නේ කෙසේද?
හොඳින් බැලුවොත් තේරෙයි, අපි හැමෝගෙම සතුට හා දුක තීරණය කරන්නේ වෙනත් අය බව. ඇත්තටම බාහිර ලෝකයේ විවිධ ක්‍රියා හින්දා තමයි අපි සතුටුවන්නේ. ඒ වගේම දුක්වෙන්නේ.

ඔබේ ජීවිතයේ වැඩියෙන්ම සතුටු වූ දවස?
එහෙම එක දවසක් කියලා කියන්න බැහැ. මගේ දුව තමයි මගේ සතුට වුණේ. එයාගේ ජයග්‍රහණ හැම එකක්ම මට සතුටක් ලබාදුන්නා.

වැඩියෙන්ම දුක්වෙන්නේ?
අම්මලා සතුටුවෙන්නේ දරුවන්ගේ සතුටට. අම්මලා දුක්වෙන්නෙත් දරුවෝ සම්බන්ධ දුක්මුසු අත්දැකීම් හින්දා. මේක හැම අම්මා කෙනෙකුටම ‍පොදුයි.

ගීතා කාන්ති ජයකොඩි කියන නිළිය කලා ජීවිතේදී වැඩියෙන්ම සතුටු වූ අවස්ථාවක් දුක්වූ අවස්ථාවක් නැද්ද?
‘පූජා’ චිත්‍රපටය තමයි මගේ ප්‍රථම චිත්‍රපටය. ඒ වසරේ හොඳම නිළියට නිර්දේශ වුණේ ‘මල්දෙණියේ සිමියොන්’ චිත්‍රපටයේ අනෝජා වීරසිංහ, ‘කොටි වලිගය’ චිත්‍රපටයේ ගීතා කුමාරසිංහ හා ‘පූජා’ චිත්‍රපටය වෙනුවෙන් මම. එදා සම්මානය හිමිවුණේ අනෝජාට. ඉතාම ආධුනික මට්ටමක සිටි මට එදා ඒ නිර්දේශ වීම දැනුණේ හොඳම නිළිය වුණා වගේ සතුටක්. එය තමයි නිළියක ලෙස මා ලැබූ ඉහළම සතුට. නිළි ජීවිතයේ විඳපු දුක් ගැන කතාකරද්දි නම් මතක්වෙන්නේ අසාධාරණකම් වූ අවස්ථා. ඒ හැම අවස්ථාවකම දුක් වුණා.

පවු‍ලේ අය ජීවිතයට සතුටයි දුකයි අරගෙන ආවේ නැද්ද?
අපේ පවු‍ලේ  අයියා, මම, මල්ලි, ශ්‍රියානි නංගි හා රත්නා ලාලනී නංගි තමයි සහෝදර සහෝදරියෝ, පුංචි කා‍ලේ අයියයි මමයි ගොඩක් සමීපව හිටියා. ශ්‍රියානියි රත්නයි සමීපව හිටියා. වයසින් වැඩෙද්දී අයියයි මල්ලියි ළං වුණා. ශ්‍රියානියි රත්නයි හිටපු විදිහටම හිටියා. ඉබේම වගේ මම හුදකලා චරිතයක් වුණා. හැබැයි ඉතින් ප්‍රශ්නයක් වූ අවස්ථාවලදී නම් අප එකිනෙකාට උදව් කරගන්නවා.

කුළුදුල් ප්‍රේමය, විවාහය ජීවිතයට සතුට වගේම දුක අරගෙන ආවා නේද?
ඔව්. මගේ කුළුඳුල් ප්‍රේමය තමයි විවාහය දක්වා දුර ගියේ. ආදරේ කරන කා‍ලේ ජීවිතයම කියන්නේ ආදරය කියල හිතුණා. පාසල්වියේ ආදරේ කරලා බොහොම අඩු වයසින් විවාහ වුණා. හැබැයි ඒ විවාහය තුළ නම් අර දැකපු සුන්දරත්වය තිබුණෙත් නැහැ. අත්වින්දෙත් නැහැ.

අඩු වයසින් විවාහ වෙලා මවක් වෙලා ඉන්පසුව දියණිය සමග හුදකලා වීම ලොකු දුකක් ගෙනෙන්න ඇති?
මොනවද මේ අහන්නේ. එක එහෙම නොවුණා නම් තමයි පුදුමේ. ඒ වෙලාවේ දරුව හදාගෙන ජීවිතේ ඉදිරියට යන්න මට ශක්තිය වුණේ අම්මයි තාත්තයි ගෙදර අයයි.

වර්තමානයේ ඔබ හුදකලා වෙලා. ඒක මොන වගේ අත්දැකීමක්ද?
හුදකලා නැහැ. මට මගේ දුව ඉන්නවා. ඒත් එයාටත් ජීවිතයක් තියෙනවා. මට දුව ළඟට වෙලා ඉන්න පුළුවන්. ඒත් මම කැමති නැහැ එහෙම කරන්න. මම තනියම හෝ මගේ නිවසේ ස්වාධීනව ජීවත්වෙන්න කැමතියි. හැබැයි පහුගිය කා‍ලේ අසනීප වුණාම තමයි හිතුණේ ස්වාධීනව තනිව ජීවත්වීම හිතන තරම් පහසු නැහැ කියලා.

වයසත් එක්ක මිනිස්සු පරිණත වෙනවා. වැරදි හදාගෙන ජීවිතේ අලුතින් පටන් ගන්නවා. ගීතා අද දියණියගේ යුතුකම් ඉටුකරලා හුදකලා ජීවිතයක් ගෙවනවා. ඔබේ සැමියා ආයෙම ඔබ ළඟට ආවොත් ජීවිතේ ඉදිරිය සතුටින් ගෙවන්න පුළුවන් වේවි නේද?
මට අද වෙද්දි පරිණත විදියට ජීවිතය දකින්න පුළුවන්. එයාටත් ඒ හැකියාව අද වෙද්දි තියෙනවා නම් ආයෙම මගේ ළඟට ආවොත් ඉදිරි ජීවිතේ සතුටින් ගෙවන්න මම කැමැතියි. හැබැයි තවමත් එයා ඉන්නේ එදා හිටපු මානසික මට්ටමේ නම් ආයෙම එන්නෙ නැතුව ඉන්න එක මට සතුටක් වෙයි.

ආරිංයවංශ කුලතිලක

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

දුර්වල විභාග ක්‍රමයකින් විශිෂ්ටතමයන් බිහිවන්නේ කොහොමද?

IMAGE 2017 Mar 29 17:01
පාසල් අධ්‍යාපනයේ වර්තමාන විභාග ක්‍රමය ඉතා දුර්වල බව ජනාධිපති වරයාගේ සිට රටේ සැවොම එක සේ...
Views - 269

සුද්දිගේ කාමරයට රිංගු ෆෝන් හොරා ගසින් ගසට පැන ගිහින්

IMAGE 2017 Mar 29 16:16
ජංගම දුරකථනය නේවාසිකාගාරයේ තබා තිබියදී එහි පැමිණි විශාල වඳුරෙකු විසින් එය පැහැර ගෙන ගිය බව...
Views - 412

උල්කාපාතයෙන් ජපාන යේ රංගන වරම් හිමිකරගත් ටිකිරිබණ්ඩා

IMAGE 2017 Mar 29 15:58
ලෝක ප‍්‍රසිද්ධියට පත් පොළොන්නරුව දිඹුලාගල කුඩාවැව වෙල්යායට පතිත වු උල්කාපාත කොටස් සම්බන්ධ...
Views - 785

වලපනේට බස් රථ බැරි නම් තවලම් සේවයක් වත් ඕනෑ

IMAGE 2017 Mar 29 11:11
මාර්ග පහසුකම් නොතිබූ අතීතයේ කන්ද උඩරට වලපනේ ප්‍රදේශය ප්‍රසිද්ධව තිබුණේ තවලම් සම්බන්ධයෙනි....
Views - 1168

බිග් මැච් තහනම ඇවිලෙන ගින්නක් පිදුරු වලින් වහනවා වගේ!

IMAGE 2017 Mar 28 15:52
ශ්‍රී ලංකාවේ දරුවන් විභාග සමත් වීමේදී ඉදිරියෙන් සිටියත් ඔවුන්ගේ විනය පිළිබඳව සතුටුවිය...
Views - 931

සිංහල අලුත් අවුරුද්ද අපට මෙතරම් රහ වැටෙන්නේ ඇයි?

IMAGE 2017 Mar 28 10:26
’සිංහල අලූත් අවුරුද්ද’ යන වදන අසන්නට හෝ කියවන්නට ලැබුණු සැණින් ඔබගේ සිත තුළ ජනිත වන හැඟීම...
Views - 821

Please publish modules in offcanvas position.