Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මුලින්ම අපි කැමැතියි රොෂාන්ගේ මනාලිය ගැන විස්තර දැන ගන්න? 
ඇය රිද්මා දිසානායක. අපි දෙන්නා කාලෙක ඉඳන් හඳුනනවා. හිත මිතුරෝ විදියට ඇසුරු කරලා පස්සේ තමයි ආදරයක් ඇති වුණේ. ඇයත් නුවර මමත් නුවර. අපේ අදහස් හොඳින් ගැළපෙනවා. දෙන්නට දෙන්නා ගැන හොඳ වැටහීමක් තියෙනවා ඒ හින්දා අපි තීරණය කළා විවාහ වෙන්න. 
 
රිද්මා කලාවට උනන්දුද? 
ඇයට හොඳ රසඥතාවක් තියෙනවා. ඒත් කලාවට සම්බන්ධ වෙන්න නම් අදහසක් නැහැ. 
 
ඒත් රිද්මා නිළියක් වගේ ලස්සනයි?
ලස්සන කියන්නේ නිළියක් වෙන්න එක සුදුසුකමක් විතරයි. රඟපෑම කියන්නේ බොහොම ගැඹුරු විෂයක්. ඒ හින්දා එයා ඒකට සුදුසු නැහැ කියලයි මම හිතන්නේ. 
ඔබ දෙදෙනාගේ මංගල ඡායාරූප පෙළක් දුටුවාට මංගල උත්සවයක් දකින්න ලැබුණේ නැහැ? 
මංගල උත්සවයක් පස්සේ ගන්නවා. මේ ඡායාරූප පෙළ සඳහා මාවත් උනන්දු කළේ රිද්මා. නිලක්ෂි පෙරේරා හා කුසුම් පෙරේරා (නිශ්) ඇඳුම් නිර්මාණයෙන්, දර්ශන ගොහාගොඩ (රේ-මෑන්) ඡායාරූපවලින් සිසිර හේමකුමාර (මල් බොකේ) මිරුෂක චතුරංග (ෆොටෝ) මේ සඳහා දුන් අනුග්‍රහකත්වය අමතක කරන්නම බැහැ.
 
අලුත් ජීවිතේ ගැන රිද්ම පාඨකයන්ට මොනවාද කියන්න තියෙන්නේ? 
අපි කොළඹ වගේම නුවරත් ඉන්න බලා‍පොරොත්තු වෙනවා. මගේ කලා කටයුතු සුපුරුදු විදියට කෙරෙනවා.  කරදරයක් නැතුව සරල විදියට අපේ ජීවිත ගෙවිලා යයි. 
රොෂාන්ගේ විවාහයත් සමග අන්තර්ජාලය තුළ ආන්දෝලනාත්මක කතා රැසක් පැතිර ගියා. ඔබගේ හිටපු පෙම්වතියක් කියන තැනැත්තියක් තමයි ඊට මුල් වෙලා තිබුණේ. ඇය ඔබට චෝදනා රැසක් එල්ල කර තිබුණා? 
ඔය ගැන කතා කරන්නවත් මම කැමැති නැහැ. කාට හරි මට චෝදනා කරන්න තියෙනවා නම් මම විවාහ වන තුරු සිටියේ ඇයි ඔය චෝදනා කරන්න. ඒ වගේම මගෙන් කාට හෝ ප්‍රශ්නයක් වුණා නම් කරන්න තියෙන්නේ නීතිය ඉදිරියට යන එකනේ. මම ඒ දේවල්වලට මුහුණ දෙන්න සූදානම්. 
 
ආරියවංශ කුලතිලක 
 
ඡායා - දර්ශන ගොහාගොඩ 
ඇඳුම් - නිලක්ෂි පෙරේරා
කුසුම් පෙරේරා (නිෂ්)

මාධවීගේ අත කවුරු ගනීවිද කියලා සතියේ දිනවල රාත්‍රී 7.30ට ස්වර්ණවාහිනියේ විකාශය වන ‘සඳපිනි වැස්ස’ නරඹන ඔබ කවුරුත් ඇඟිලි ගනිමින් ඉන්නවා වෙන්න පුළුවන්. ඉතින් ඒ ගැන අහන්නත් එක්ක අපි මේ කතාබහට එකතු කර ගන්නේ 
මාධවීගේ චරිතයට පණ ‍පොවන ශෙහානි කහඳවලයි. 
 
ශෙහානි මේ දවස්වල පෙම්වතුන් දෙදෙනෙකුගේම ආදර දැලට පැටලිලා කියන්නේ ඇත්තද? 
මට පෙම්වතුන් දෙදෙනෙකුගේ ආදරයට මැදිවෙන්න වුණේ “සඳපිනි වැස්ස” ටෙලි නාට්‍යයේ මං රඟපාන මාධවීගේ චරිතේ හින්දයි. 
 
හැබැයි ඉතින් ඒ වගේ චරිතයක් රඟපාන කොට නොයෙක් විදියේ විවේචන එල්ල වෙන්නට ඉඩකඩ තියෙනවා නේද?
මාධවී හින්දා දැනට නම් නරක විවේචන එල්ල වෙන්නේ නැහැ. මොන විදියේ විවේචන එල්ල වුණත් ඒවා එල්ල වෙන්නේ රඟපාන චරිතෙටනේ. ඉතින් මගේ චරිතෙට ලැබෙන හැම ප්‍රතිචාරයක්ම මම සමබරව භාරගන්නවා. හැබැයි මේ වනවිට මාධවීට ලැබිලා තියෙන්නේ නම් හොඳ ප්‍රතිචාර. 
 
මාධවීයි, ශෙහානියි අතර තියෙන්නේ මොන වගේ සමානකම්ද?
මාධවී කියන්නේ හිත ගොඩක් අහිංසක, හොඳට කල්පනා කරලා බලලා තීරණ ගන්න පුළුවන් යුවතියක්. ශෙහානිත් ඒවගේම කෙනෙක්. ඒත් මාධවී වගේ ශෙහානි නම් පෙම්වතුන් දෙන්නෙකුගේ ආදරයට මැදි වෙලා නැහැ. 
 
සුජාතා ටෙලි නාට්‍යයෙන් ඔබ අත්පත් කරගත් ජනප්‍රියතාව දැන් ශෙහානිට ඇත්තටම තියෙනවාද?
සුජාතා ටෙලි නාට්‍යයෙන් බොහෝ ප්‍රේක්ෂකයන්ගේ ආදරේ දිනාගත්තා. ප්‍රේක්ෂකයෝ හැමෝම ආදරේ කරන්නේ රඟපාන චරිතෙට. කාලයක් යනකොට ඒ චරිතේ මිනිස්සුන්ට අමතක වෙන්න පුළුවන්.  ඒත් රංගන ශිල්පිනියක් විදිහට අදටත් බොහෝ දෙනාගේ ආදරය මට ලැබෙනවා කියන එක නම් කියන්නම ඕනේ. ‘සඳපිනි වැස්ස’ මාධවී හින්දම මං ආයෙත් ජනප්‍රියයි කියලා මට දැනෙනවා.
 
අලුත් අවුරුද්දේ ශෙහානිගේ අලුත් බලා‍පොරොත්තු මොනවද කියලා ඇහුවොත්?
බලා‍පොරොත්තු නම් ගොඩක් තියෙනවා. ඉස්සරහටත් මගේ ආදරණීය ප්‍රේක්ෂකයන්ගේ ආදරය දිනාගන්න එක තමා මගේ ලොකුම බලා‍පොරොත්තුව.
 
එතකොට ශෙහානිගේ ආදරේ දිනා ගත් විශේෂ කවුරුත් නැද්ද?
ඒවාට තව කල් තියෙනවනේ. අපි ඉස්සරහට බලමු නේද? මාව හොඳින් බලාගන්න කෙනෙක් තමයි මම බලා‍පොරොත්තු වෙන්නේ. 
 
සමන්මලී නැලිගම

පසුගිය 28 වැනිදා  කොළඹ ගලධාරී හෝටලයේදී අමන්දා දි සිල්වාගේ විවාහය ලියාපදිංචි කෙරුණේ ඉතාමත් චාම් ආකාරයටයි. අමන්දාගේ අත ගත්තේ ව්‍යාපාරිකයෙක් වන දිමුතු පෙරේරායි. දිමුතු ඇමෙරිකාවේ පදිංචි ශ්‍රී ලාංකිකයෙක්. හදිසියේම මේ විදියට විවාහය ලියාපදිංචි කෙරුණත් අමන්දා දිමුතු ආදර කතාවට අවුරුදු 2 1/2ක් විතර වෙනවා.
විවාහ ගිවිස ගැනීම වෙනුවෙන් ලංකාවට ආපු දිමුතු විවාහය ලියාපදිංචි කරලා ආයෙම ඇමෙරිකාවට ගියත් 2018 දී, ලොකු මංගල උත්සවයක් අරගෙන තමන්ගේ මනමාලිව කැඳවා ගෙන යන බවයි අප සමග කියා සිටියේ.
මේ දවස්වල සෙනසුරාදා සහ ඉරිදා රාත්‍රී 9.30ට ස්වර්ණවාහිනිය ඔස්සේ විකාශනය වන “පැරීසියට යන පාර” ටෙලි නාට්‍යයේ ‘මලීකා’ විදියට අප හමුවට එන අමන්දා 2018 දී පැරීසියට නමෛයි ඇමෙරිකාවට යන්නයි ඒ අනුව මේ සූදානම් වෙන්නේ.
 
ඡායාරූපය - තුෂාර සංජීව
 
කොණ්ඩ නිර්මාණය සහ හැඩගැන්වීම - අමාලි සිල්වා

පසුගිය 17 වැනිදා කොළඹ නගර සභාව මංගල උත්සව භූමියක් වෙලා තිබුණා. එක පෙළට වූ පීඨිකා 5ක තිබුණේ අලංකාරව නිර්මාණය වූ මංගල ‍පෝරු. සැරසූ මෝටර් රථ 50කින් පැමිණි චීන ජාතික මනාල මනාලියන් 100ක් මනාල යුවළ 50ක් මේ මංගල ‍පෝරු මස්තකයේ තමන්ගේ විවාහය පැවැත් වූවා. එය විශේෂ අවස්ථාවක්. මේ මනාලයන් හා මනාලියන් සියල්ලම චීන ජාතිකයින්. සාම්ප්‍රදායික චීන මංගල ඇඳුමින් බටහිර මංගල ඇඳුමින් සේම උඩරට මනාලයන් හා මනාලියන් විදියටත් මේ අය සැරසී සිටියේ මේ විශේෂ අවස්ථාවට සුවිශේෂ බවක් එක් කරමින්, මොවුන්ගේ මල් කුමරියන් වුණෙත් ශ්‍රී ලාංකික දැරියන් පිරිසක්.
මේ ඓතිහාසික මංගල උත්සවය පැවැත්වුණේ ඓතිහාසික සැමරුමක් සඳහාමයි. චීන ශ්‍රී ලංකා රාජ්‍ය තාන්ත්‍රික සබඳතා ආරම්භ කරලා වසර 60ක් පිරීම නිමිතිකරගෙනයි මෙය සංවිධානය කෙරුණේ. මහ නගර හා බස්නාහිර සංවර්ධන අමාත්‍යාංශය සංචාරක ප්‍රවර්ධන හා ක්‍රිස්තියානු කටයුතු අමාත්‍යංශය, මෝටර් රථ චාජ් කිරීම හා ග්‍රීන් ලිව්ස් එන්ටර්ටේට්මන්ට් යන ආයතන මගිනුයි මෙම දැවැන්ත මංගල උත්සවය සංවිධානය කර තිබුණේ. මෙම ඓතිහාසික මංගල්‍ය ශ්‍රී ලාංකීය සංස්කෘතියත් චීන සංස්කෘතියත් එකට එක්කළ අපූරු අවස්ථාවක්ද වුණා. ශ්‍රී ලංකා ජාතික ගීය හා චීන ජාතික ගීය මෙහිදී ගැයුනු අතර දෙරටෙහි විවිධ සංස්කෘතික අංගවලින් උළෙල විචිත්‍රවත් කෙරුණා. මෙහි නර්තන නිර්මාණය කෙරුණේ රැජිණ සෙල්වනායගම් අතිනුයි.





චන්ද්‍රලතා තන්ත්‍රිගේ 
 
ඡායාරූප - මලිත් ගමගේ

පසුගියදා පැවැත්වුණු 2017 සාක් සිනමා උළෙ‍ලේ් හොඳම නළුවා වෙනුවෙන් පිරිනැමුණු සම්මානය තිදෙනකු අතරේ බෙදී ගියා. එම සම්මානය හිමි වූයේ විසාකේස චන්ද්‍රසේකරගේ අධ්‍යක්ෂණයක් වූ සයපෙති කුසුම චිත්‍රපටයේ රඟපෑ දසුන් පතිරණ ජෙහාන් අප්පුහාමි සහ භූමි හරේන්ද්‍රන්ටයි. දසුන්ට සහ ජෙහාන්ට සම්මානය හිමිවීම ගැන කිසිවකු ප්‍රශ්න නොකළත් භූමිට එම සම්මානය ලබාදීම බොහෝ දෙනාගේ අවධානය ඒ දෙසට යොමු කරවන්නක් වුණා. ඊට හේතුව වූයේ භූමි ලිංගික විපර්යාසයකට ලක් වූ කාන්තාවක බවට පත් වූ අයකු නිසයි. එබැවින් හොඳම නළුවා යන සම්මානය ඇයට ලබාදීම ගැන සම්මාන උළෙ‍ලේ ජුරියත්, තමන්ගේ ස්ත්‍රී පුරුෂ භාවයට නොගැළපෙන සම්මානයක් පිළිගැනීම ගැන භූමිත් විවේචනයට ලක් කෙරෙන ආකාරයේ අදහස් සමාජ ජාල ඔස්සේ පැතිරෙන්නට පටන් ගත්තා. එම සම්මානය පිළිගනිමින් එය මුළු සංක්‍රාන්ති ලිංගික සමාජයම ලැබු ජයග්‍රහණයක් බව පැවැසූ භූමි සම්මාන උළෙලෙන් පසුව ඇති වී තිබෙන ආන්දෝලනාත්මක තත්ත්වය ගැන කතා බහ කරන්නට සංවාදයට එක්වූයේ මේ විදියටයි.
 
මෙවර සාක් සිනමා උළෙ‍ලේදී ඔබ සම්මානයට පාත්‍ර වන්නේ හොඳම නළුවා කියන කාණ්ඩය යටතේ. නමුත් ඔබ පිරිමියෙක් නොවෙයි. ඒ නිසා ඔබට ලැබුණේ හරි සම්මානයක් කියලා  කියන්න පුළුවන්ද? 
සාක් සිනමා උළෙ‍ලේදී ජූරිය ගත් එම තීරණයෙ කිසිදු වරදක් මම දකින්නේ නැහැ. මම ඒ සම්මානය පිළිගැනීමට සුදුසුයි. 
 
නමුත් අද වෙද්දී සමාජ ජාල ඔස්සේත් විශාල කතා බහක් ගොඩනැගිලා තියෙනවා, ඔබ ඒ සම්මානය පිළිගැනීම සහ ඔබට සම්මානය ලබාදීම ගැන. ඔබ ඒ ගැන දැනුවත්ද? 
ඔව්. මගේම ප්‍රජාවේ අය පවා චෝදනා නගලා තියෙනවා මම දැක්කා. මම සම්මානයට ලෝබ වෙලා ඔවුන්ව පාවා දුන්නා කියලා. 
 
ඇත්තටම ඔබ සම්මානයට ලෝබ වෙලාද ඒ සම්මානය ප්‍රතික්ෂේප නොකළේ? 
කොහෙත්ම නෑ. මුලින්ම කියන්න ඕනෑ මගේ ස්ත්‍රී පුරුෂ සමාජ භාවය මොකක්ද කියන කාරණය තීරණය කළ යුත්තේ මා විසින්ම බව. මට සම්මානය ලැබුණේ මම රඟපෑ චරිතයට මිස මගේ ස්ත්‍රීපුරුෂ සමාජ භාවයටවත් භූමි හරේන්ද්‍රන් කියන පුද්ගලයාටවත් නොවෙයි. අනෙක් කාරණය තමයි ඔය කියන චරිතය රඟපාද්දී මම මගේ සංක්‍රාන්ති ජීවිතයට එළැඹිලා තිබුණේ නෑ. 
 
ඒ කියන්නේ ඔබ ඒ වෙනකොට ගත කළේ අද ගත කරන විදිහේ ජීවිතයක් නොවෙයිද? 
නෑ. ඒ වෙද්දී මම පිරිමියෙක්. ඒ කා‍ලේ මම මගේ ලිංගික විපර්යාසයට අදාළ හෝමෝන ප්‍රතිකාර ගනිමිනුයි හිටියේ. 
 
පිරිමියෙක් විදිහට ඔබ ගත කරපු ජීවිතය වෙනස් වෙන්න පටන් ගත්තේ කොයි කාලයේදීද? 
2010 වසරේදී විතර තමයි ඒ වෙනස පටන් ගත්තේ. 
 
 “සයපෙති කුසුම” චිත්‍රපටයේ ඔබ රඟපෑ චරිතය ඔබට දැනෙන්නේ මොන විදියටද? 
මම එහි රඟපාන්නේ දසුන්ගේ යාළුවා විදිහට. ඒක බොහොම වැදගත් චරිතයක් විදිහටයි මම දකින්නේ. මොකද හුඟක් වෙලාවට සංක්‍රාන්ති ලිංගික අයට ලැබෙන්නේ ඔවුන් හෑල්ලුවට ලක් වෙන විදිහේ විකට චරිත හෝ ණාත්මක විදිහේ චරිත. නමුත් මේ චරිතය එවැනි එකක් නොවූ නිසයි මම කිසිම පැකිලීමක් නැතුව ඊට ලැබුණු ආරාධනාව බාරගත්තේ. 
 
සම්මාන උළෙලෙන් පස්සේ ඔබට ජූරියේ තීරණය ගැන වැඩිදුර අදහස් දැනගැනීමට ලැබුණාද? 
ඔව්. ජූරියේ සාමාජිකාවක් මුණගැහිලා කිව්වා. මට සම්මානය ලබාදීම ගැන දිගින් දිගටම සාකච්ඡා කරලයි සම්මාන උළෙල පැවැතිදා උදේ ඒ අවසන් තීරණය ගත්තේ කියලා. 
සාමූහික සමාජ ක්‍රමයක් තුළ කරන ලද නිර්භීත රංගනය වෙනුවෙන් සම්මානය පිරිනමනවා කියලයි හොඳම නළුවා සම්මානයට අදාළ හේතු පාඨයෙන් කියැවුණේ. 
 
සයපෙති කුසුමේ රඟපාන්න කලින් ඔබට රඟපෑම ගැන අත්දැකීම් තිබුණාද? 
වාර්තා චිත්‍රපටවලත්, වේදිකා නාට්‍ය කිහිපයකටත් හැරුණාම ඊට කලින් මම වෘතාන්ත චිත්‍රපටයක රඟපාලා තිබුණේ නැහැ. මාව හෑල්ලුවට ලක්වෙන විදිහේ චරිතවලට නම් කලින් ආරාධනා ලැබිලා තිබුණා. සයපෙති කුසුමෙන් පස්සේත් එවැනි ආරාධනා කිහිපයක් ලැබුණා. නමුත් මම ඒ සියලු ආරාධනා ප්‍රතික්‍ෂේප කළා. 
 
එහෙමනම් මොන වගේ චරිතයක් ලැබුණොත්ද ඔබ ආයෙමත් රඟපාන්නේ? 
මගේ ශරීර ස්වභාවයත් එකක් අද වෙද්දී මට පිරිමි චරිත රඟපාන්න බැහැ. නමුත් කාන්තාවක් විදිහට හෝ සංක්‍රාන්ති ලිංගිකයෙකු විදිහට හෝ සමාජයට වැඩ දායක වෙන විදිහේ වැදගත් චරිතයකට ආරාධනා ලැබුණොත් මම එය බාරගන්නවා. 
 
කිෂාන් කනංකෙ 

HARAKOTIYA

සඳනි ‘රිද්ම’ කතා බහකට එකතු වන පළමු අවස්ථාව. ඒ හින්දා පෞද්ගලික තොරතුරු ටිකක් කතා කරලාම මේ කතා බහ පටන් ගනිමු.

මගේ ගම් පළාත මාරවිල. මීගමුව, ජාත්‍යන්තර පාසලින් අධ්‍යාපනය ලැබුවා. උසස් පෙළ කරලා දැන් ප්‍රතිඵල අපේක්ෂාවෙන් ඉන්නවා.

යළි හමුවෙමු ගීතය ශලනිගේ ජිවිත කතාව බවත් ඔබ එහි රඟපෑවේ ශලනිගේ චරිතය බවත් රාවයක් පැතිර ගියා.
 
ඒක මම දන්නේ නෑ. අනික ඔය VIDEO එකේ රඟපෑවේ සැප්තැම්බර් 5 වැනිදා. ඒ වෙද්දී මම ඔය සිදුවීම් කිසිම දෙයක් දන්නේ නැහැ.


දැනගෙන හිටියා නම් රඟපාන්නේ නැද්ද?
කවුරුහරි කෙනෙක් තමන්ගේම කතාවක් තුළින් නිර්මාණයක් කළොත් ඒකේ රඟපාන එක ප්‍රශ්නයක් නැහැ. හැබැයි කෙනෙකුගේ පෞද්ගලිකත්වයට මඩ ගහන්න, විකුණාගෙන කන්න නිර්මාණයක් කරනවා නම් කීයටවත් ඒකට දායක වෙන්නේ නැහැ.
 
ආන්දෝලනාත්මක VIDEO වලට දායක වූ ගොඩක් අය කියන්නේ නොදැනුවත්ව ඊට එකතු වූ බව?
මම නම් පිටපත බලලා තමයි රඟපාන්නේ. ඒ හින්දා ඔය වගේ දෙයක් වෙන එකක් නැහැ.

සඳනි තරුණ ගායකයෙක් එක්ක ප්‍රේමයෙන් පැටලිලා ඉන්න බව ආරංචියි. ඒක ඇත්තද?
(හිනැහි) ඒ ගැන වැඩි විස්තර ඉදිරියේදී කියන්නම්.

ආරියවංශ කුලතිලක
ඡායාරූප - රවිමල් රණතුංග

Page 1 of 9

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 2576

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2467

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 3961

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 4503

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5322

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3170

Please publish modules in offcanvas position.

X

Right Click

No right click