Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube

lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ඉස්සෙල්ලාම අපිට කියන්න ධනුක දිල්ෂාන් කියන ඔබ මොන වගේ දේවල්වලටද වැඩියෙන්ම සතුටු වෙන්නේ කියලා? 
මගේ අය සමග එකට ගත කරන එක තමයි මට තියෙන ලොකුම සතුට. “මගේ අය කියලා කිව්වේ. “මගේ පවු‍ලේ අය... මගේ යාළුවෝ... ඒ හැමෝම. 

මගේ කිව්වම “මගේ ආදරය” කියන දේත් අයිතිනේ. ධනුක ආදරය කළ කෙනා ධනුක ළඟ ඉඳීම සතුටක් නම් එයා ඈතක ගියොත් මොන වගේ හැඟීමක් ඇති වෙයිද? 
ඒ දුක වින්දේ 2010 දී. ඒ මගේ පාසල් ප්‍රේමය අහිමි වූ දවසේදී. ඊට පස්සේ නම් ඒ දුක විඳලාම නැහැ. 
 
දැන් ලැබිලා ඉන්න කෙනා ළඟම ඉන්න නිසා ඒ සතුට විඳිනවා. ඒ නිසා දුකක් නැහැ. එහෙම නේද? 
ප්‍රථම ප්‍රේමය බිඳී ගියාට පස්සේ මම කාටවත් ස්ථිරව ප්‍රේම කරලා නැහැ. 
 
ප්‍රේමයක් නැතිව කෙනෙක්ව ජීවිතය ළඟින්ම තියාගෙන ඉන්න එක ඔබට සතුටක්ද? 
මගේ ළඟ ඉන්න හැමෝම මගෙ මිතුරෝ හා මිතුරියෝ විතරයි. මිතුරු මිතුරියන් ළඟ ඉන්න එක සතුටක් තමයි. හැබැයි මම කී දේවල් වැරදියට වටහා ගන්න එපා. ඒ හැම සම්බන්ධතාවක්ම මිතුරු සබඳතා විතරමයි. 
 
පහුගිය කා‍ලේ ධනුකගේ ඔය මිතුරු සබඳතා ගැන කටකතා පැතිරුනා නේද? 
ඒ කටකතාවලට පිළිතුරු දැන් ලැබෙමින් පවතිනවා නේද? මගේ නිදොස් බව කාලයා විසින් විසඳාවි. 
 
ධනුක හිතන්නේ වැඩි සතුටක් රැඳිලා තියෙන්නේ තනිකඩ ජීවිතය තුළද විවාහ ජීවිතය තුළද? 
මම නිදහස තුළින් ලොකු සතුටක් විඳින කෙනෙක්. අද මම තනිකඩ ජීවිතයේ උපරිම සතුට විඳිනවා. දැනට නම් මම හිතන්නේ වැඩිම සතුටක් තියෙන්නේ තනිකඩ ජීවිතය තුළ කියලා. හැබැයි ඉතින් මම කවදා හරි විවාහ වෙයි. එදාට මම ජීවිතය සතුටින් බාර ගනීවි.
 
සතුට තියෙන්නේ තනිකඩ ජීවිතය තුළ නම් ඇයි ඔබ විවාහ වෙන්නේ? 
විවාහ ජීවිතය කියන්නෙත් කෙනෙකුගේ ජීවිතයට අවශ්‍ය දෙයක්නේ. 
 
විවාහය අවශ්‍ය ලෝක සම්මතයට නිසා සතුටින් හෝ දුකින් හෝ අනිවාර්යයෙන්ම ඊට මුහුණ දිය යුතුයි කියන තැනද ධනුක ඉන්නේ? 
කොහෙත්ම නැහැ. කඩදාසියක අත්සන් කළ පමණින් දෙදෙනකු අතර බැඳීමක් ඇතිවෙන්නේ නැහැ. අනික ඒ විදියේ සහතිකයක් නැතුව  වුණත් දෙදෙනකු අතර ආධ්‍යාත්මික බැඳීමක් තියෙන්න පුළුවන්. වැදගත් වෙන්නේ අන්න ඒ ආධ්‍යාත්මික බැඳීමයි. 
 
ඒ ආධ්‍යාත්මික බැඳීම තියෙනවා නම් විවාහ නොවී වුණත් කෙනෙකු සමග එක වහලක් යට දිවි ගෙවීම “ධනුකට සතුටක්?” එහෙමද? 
ඒ ප්‍රශ්නයට උත්තර දෙන්න ඕන ටිකක් පුළුල් විදියට. විවාහ නොවී දෙදෙනකු එක වහලක් යට ජීවත් වීම බටහිර රටවලට සාමාන්‍ය දෙයක්. සුද්දගේ ඇඳුම අඳින සුද්දගේ භාෂාව භාවිත කරන, ඒ හැමදේම ගන්න අපි ඔතැනදී විතරක් සංස්කෘතිය ඉස්සරහට දානවා. ඒත් ඔය කියන සංස්කෘතියට මුවාවෙලා අපි බොහෝ දේ කරනවා. මම ඒ බොරුවට විරුද්ධයි. ඒ මගේ මතය. හැබැයි මම මගේ පැත්තෙන් ගත්තොත් ජීවිතේ බෙදා හදා ගන්න ගැළපෙන කෙනෙක් මට මුණගැහුණොත් මම එයා එක්ක එකතු වෙන්නේ සමාජ සම්මතයට අනුවයි. විවාහ වෙලා, ඊට පස්සේ සතුටින් යුග ජීවිතේ ගෙනියනවා.
 
ධනුකට අනාගතය ගැන හිතන විට ඇතිවන්නේ සතුටක්ද? දුකක්ද? එහෙම නැත්නම් මොන විදියේ හැඟීමක්ද? 
කිසිම හැඟීමක් නැහැ. මම නිතරම ජීවත් වෙන්නේ මේ මොහොතේ. මම තදින්ම විශ්වාස කරන දෙයක් තමයි බෞද්ධ දර්ශනය, බැඳීම්වලින් හිත නිදහස් වෙද්දී දැනෙන සතුට ඔය හැම තාවකාලික සතුටකටම වඩා වැඩියි. 
 
ධර්ම ‍පොත පත පරිශීලනය කරමින්, බණ භාවනා කරමින් ධනුක ඒ සතුට විඳිනවාද? 
මම දහම් පාස‍ලේ ධර්මාචාර්ය දක්වා බෞද්ධ දර්ශනය හදාරලා තියෙනවා. දැනට විවේකයක් ලැබුණාම ආරණ්‍යවාසී භික්ෂුන් වහන්සේලා හමුවෙලා ධර්මය ගැන සාකච්ඡා කරනවා. තවම භාවනානුයෝගී ජීවිතයක් ගැන අවශ්‍යතාවය හිතට දැනිලා නෑ. ඉදිරියේදී එහෙම දැනුණොත් ඊට යොමුවෙන්නත් බැරි කමක් නැහැ. 
 
ආරියවංශ කුලතිලක

මේනකා, ජීවිතේ සතුට ලබන්නේ මොන විදියේ දේවල් තුළින්ද? 
මගේ ජයග්‍රහණයන් වගේම මම ආදරය කරන කෙනා සමග ගත කරන කාලයත් මට ලොකු සතුටක්.
 
ජයග්‍රහණය සතුටක් නම් පරාජය දුකක් විය යුතුයි. ඒ කියන්නේ ලබාගත යුතුයි කියල හිතුණ දෙයක් සටන් කරලා හරි ලබාගන්න පුරුද්දක්ද ඔබට තියෙන්නේ ?
මා ගැන රටේ ගොඩ නැගිලා තියෙන ප්‍රතිරූපය අනුව නම් ඕනෑම කෙනෙකුට එහෙම හිතෙන්න පුළුවන්. මම චණ්ඩිකම් කරන ගැටුම් ඇති කරගන්න තවත් කෙනෙකුට ගහලා හෝ මට ඕනෑ දේ ලබා ගන්න කෙනෙක් කියලා තමයි හුඟක් අය හිතාගෙන ඉන්නේ. ඒත් ඇත්ත මේනකා ඊට සම්පූර්ණයෙන්ම වෙනස් චරිතයක්. මට ජයග්‍රහණය සතුටක් බව ඇත්ත. හැබැයි පරාජය දුකක් නමෛයි. මොකද මම ජය පරාජය දකින්නේ මගේ ලැබිම, නොලැබිම සහ වාසනාව, අවාසනාව අනුව සිදුවන විදියටයි. එහෙම හිතල පරාජයන්වලදී හිත හදාගන්නවා. 
 
පරාජය අවාසනාවක් විදියට දකිනවා කියන්නේ ජීවිතයේ ලැබූ පරාජයන් මේනකා තුළ බලවත් දුකක් සහ කලකිරීමක් ඇති කරවා තියෙන නිසා වෙන්න ඇති නේද? 
නැහැ. මම ෙදෙවය තදින්ම විශ්වාස කරන කෙනෙක්. මට වඩා අඩු දක්ෂතා තියෙන මට වඩා අඩු සුදුසුකම් ඇති අයට මට නොලැබුණ බොහෝ දේ ලැබෙන අවස්ථා මම දකිනවා. ඒ වෙලාවට දුකක් හිතුණත් එහෙම වෙන්නේ මගේ අවාසනාවට කියලා ඒ වෙලාවට මම හිත හදාගන්නවා. ඒ වගේම තමයි, පුංචි දේවල් මහ විශාල විදියට ප්‍රචාරය වෙලා නොකළ වැරදිවලට චෝදනා එල්ල වෙලා මට මඩ වදිනවා. පහුගිය කාලයේ වුණු හැමදේම ඒ වගේ දේවල්. එහෙම වෙන්නේ මගේ අවාසනාවට කියලා හිතලා ඒ වෙලාවටත් මම හිත හදාගන්නවා.
 
මෑත කාලයේ ඔබ ගැන විවිධ විදිහේ කතා පැතිරුණා. ඒවාට ඔබ තවමත් හිතින් දුක් වෙනවාද?
ඔව්, දැන්නම් මට ඒ වගේ දේවල්වලට මුහුණ දෙන්නත් බැරි තරම්. කොටින්ම කියනවා නම් පත්තරේකට ආටිකල් එකක් දෙන්නත් දැන් මම බයයි. මම කියපු එක වාක්‍යයක් අරගෙන ඒක ලොකු පුවතක් කරලා, එහෙම නැත්නම් ආටිකල් එකේ හෙඩිමේ අදහස්වලට වැරදි අර්ථකථන දීලා මඩ ගහන්න ඇතැම් අන්තර්ජාල වබේ අඩවි බලාගෙන ඉන්නවා. 
 
මේනකා හින්දා අනිත් අය සතුටු වූ අවස්ථා සහ දුක්වූ අවස්ථා නැද්ද?
ඇයි නැත්තේ ? එහෙම ඕනෑ තරම් අවස්ථා ඇති. ඒ ගැන හරියටම මම දන්නේ නැහැ. හැබැයි මට සමීපතම කෙනා මගේ අම්මා. මගේ සතුටෙදී වැඩිපුරම සතුටුවනවා වගේම මට දුකක් දැනුණොත් වැඩියෙන්ම දුක් වෙන්නෙත් මගේ අම්මා බව දන්නවා.
 
ඔබ මවත් සමග සහභාගි වූ එක්තරා රූපවාහිනී සාකච්ඡාවකදී දුව ගැන ආඩම්බරයි. ඒත් මේ වගේ දරුවෙක් මට ඉපදුනේ ඇයි කියලා සමහර වෙලාවට හිතෙනවා කියලා ඔබේ මව පැවැසුවා. ඔබ නිසා අම්මා හුඟක් දුක් විඳල තියෙන නිසාද ඇය එහෙම කතාවක් කිව්වේ ?
මම අම්මට හිතුවක්කාර වූ අවස්ථා හුඟක් තියෙනවා. හැබැයි මම මෙහෙම කිව්වාම ඒ කතාවත් සමහරු වැරදියට වටහා ගනීවි. අම්මට මම වැඩියෙන්ම හිතුවක්කාර වෙලා තියෙන්නේ අම්මා එපා කියූ අය ආශ්‍රය කිරීමෙන් ගැටලු  ඇතිකරගෙනයි. සමහර අය සමහර වැරදි දේවල් කරද්දී මම එතැන හිටියොත් මම මොනවත් කරලා නැතුවත් ඒ චෝදනාව මටත් එල්ල වෙනවා. ඔය වගේ හුඟක් අවස්ථාවලට මම මුහුණ දීලා තියෙනවා. 
 
දරුවෝ නරක යාළුවෝ ඇසුරු කරද්දී දෙමාපියෝ දුක්වනවා. දරුවන්ගේ ප්‍රේම සම්බන්ධතාත් දෙමාපියන්ට දුක් ඇතිකරනවා. මේනකාගේ අම්මටත් එවැනි අත්දැකීම් ඇති ? 
මම ප්‍රේම සම්බන්ධතා ඇති කරගන්නේ දෙමාපියෝ කැමති වන කෙනෙක් සමග විතරයි. 
 
කතාබහ ආරම්භයේදීම මේනකා කිව්වා ආදරය කරන කෙනා එක්ක ගත කරන කාලයත් වැඩියෙන්ම සතුටු වෙන්න හේතුවක් බව. ඒ කියන්නේ දැන් ඔබට පෙම්වතෙක් ඉන්නවද?
ඔව්, එයා ගැන විස්තර පසුව කියන්නම්.
 
ජීවිතේ කී වතාවක් කී දෙනෙකුට ආදරේ කරලා තියෙනවාද?
ආකර්ෂණය සහ කැමැත්ත කියන්නේ වෙනම දෙයක්. හැබැයි ආදරය ඊට වඩා ගැඹුරු දෙයක්. එහෙම බැලුවොත් ජීවිතේ දෙවතාවක් මම ආදරේ කරලා තියෙනවා. 
 
ආදරය නිසා විඳපු ලොකුම දුක මොකක්ද? 
ලොකු රැවටීමකට ලක්වීම තමයි.
 
ආරියවංශ කුලතිලක

මනීෂා හුඟක් සතුටින් වගේ?
ඔව්. මම සතුටින් ඉන්නේ.
 
සතුටට හේතුව ජනප‍්‍රිය නිළියක් වීමද?
මම කවදාවත් ජනප‍්‍රියත්වය පස්සේ ගියේ නෑ. ඒත් මම කරපු නිර්මාණයකින් මගේ පේ‍්‍රක්ෂකයෝ සතුටු වෙනවා නම් ඒ ගැන ප‍්‍රතිචාර දක්වනවා නම් මමත් ඒ ගැන සතුටු වෙනවා.
 
සුමති සම්මාන උළෙලේ ජනප‍්‍රියම නිළි ලැයිස්තුවෙත් ඔබේ නම තියනවා?
ඒ ගැන සතුටුයි. පළමු වතාවටයි සුමති සම්මාන උළෙලේ  ජනප‍්‍රිය ලැයිස්තුවට මාව වැටුණේ. 
 
සම්මානය ගැන බලාපොරොත්තුවකුත් ඇති?
නෑ කිව්වොත් ඒක බොරුවක්නේ. පේ‍්‍රක්ෂකයෝ ලබා දෙන දෙයක් සතුටින් බාර ගන්නවා.
 
මනීෂා තවත් හීනයක් හැබෑ කර ගත්තා කියලා ආරංචියි?
ඔව්. හුඟාක් කල් ඉඳන් දැකපු හීනයක් හැබෑ කරගත්තා. මගේම ගීතයක් ගයන්න මම 
ආසාවෙන් හිටියේ. ඒ හීනය තමයි හැබෑ වුණේ.
 
හැබැයි මනීෂා විතරක් නෙමෙයි ඒ හීනය දැක්කේ. අම්මත් ඒ හීනයේ පංගුකාරියක් නේද?
මට ඒ හීනය දකින්න අම්මා උදව් කළා. ඇය තමයි ගීතයේ පද රචනා කළේ. සංගීතය ශාන්ත ජයලත් තිසේරා සර්ගේ.
 
කවදාද ඔය ගීතය ඔබේ රසිකයන්ට අහන්න ලැබෙන්නේ?
ළඟදීම අහන්න පුළුවන්. වැඩ ඉවරයි රිලීස් කරන්න විතරයි තියෙන්නේ.
 
රූප රචනාවක් කළාද?
නෑ. ඇත්තටම තාම ඒ ගැන අදහසක් නෑ. සමහර විට නොකරන්නත් ඉඩ තියනවා.
 
රූප රචනා නැතුව ගීතය ජනප‍්‍රිය කරගන්න පුළුවන් වෙයිද?
ඉස්සර ගීතවලට රූප රචනා තිබුණෙ නෑ. ඒත් හොඳ දෙයක් නම් ජනප‍්‍රිය නොවී තිබුණෙත් නෑනේ.
 
මනීෂා ගායිකාවක් වුණත් හුඟ දෙනෙක් අඳුනන්නේ නිළියක් විදියට?
ඒක ඇත්ත. ලිට්ල් ස්ටාර් වලින් මගේ ගායන හැකියාව අඳුන ගත්තට අවුරුදු දහයක් යනකම් මම මගේ නිර්මාණයක් කළේ නෑ. ගීතයක් එළි දක්වන්න කලින් මම නිළියක් වුණා. ඒක වැරැුද්දක් නම් ඒ වැරදිකාරයා මමම තමයි. මම හිටියේ අධ්‍යාපන කටයුතු ඉවර කරලා නිවී සැනසිල්ලේ ගීතයක් එළි දක්වන්න. ඊට කලින් නිළියක් වුණානේ.
 
දිගටම රංගන කටයුතුවලට සහභාගි වෙනවාද?
එහෙම වෙන්නත් පුළුවන් නොවෙන්නත් පුළුවන්.
 
නොවෙන්නේ කාගෙ හරි බලපෑමක් තිබුණොත් ද?
නෑ.. නෑ.. මට කාගේවත් බලපෑමක්  නෑ. 
 
එහෙනම්?
ප‍්‍රතිචාර හොඳ නම්නේ ඉදිරියටම යන්න පුළුවන්. දැනට ප‍්‍රතිචාර හොඳයි. ඒත් 
ඉස්සරහට මොනවා වෙයිද දන්නේ නෑනේ.
 
මනීෂා රැකියාවක් කරන්න අදහසක් නැද්ද?
මගේම කියලා ව්‍යාපාරයක් පටන් ගන්න ආසයි.
 
දිලූම් තෙරුණිගේ අප‍්‍රකාශිත ආදරය ප‍්‍රකාශ කරන්නේ කවදද?
එහෙම වෙන එකක් නෑ නේද? එයාලා හොඳ යාළුවොනේ.
 
ඔය යාළුකම් තමයි දුර දිග යන්නේ?
තෙරුණි එච්චර මෝඩ නෑ. එයා බුද්ධිමත්.
 
ආදරය කියන්නේ මෝඩ කමක්ද?
නෑ.. නෑ... මම කිව්වෙ තෙරුණි ගැන.
 
තෙරුණි තරමටම මනීෂත් බුද්ධිමත් ඇතිනේ?
ඔව්.
 
මනීෂා බුද්ධිමත්ව තෝර ගත්ත ආදරයක් ගැන රසිකයන්ට කියන්නේ කවදාද?
ඇයි ඔය තරම් හදිස්සි. හෙමින් වෙලාව කලාව ආවම ඒ ගැන කතා කරමු නේද? 
 
හිමේෂා සවන්තී රාජපක්ෂ
ඡායාරූප - අසන්ත ගමආරච්චි

ගංගු රොෂානා නිතර කලා නිර්මාණවලින් දකින්නට නොලැබුණත් කතා බහට ලක්වෙන චරිතයක්. මේ දිනවල සියත රූපවාහිනී නාලිකාවේ විකාශය වන ලෝකාන්තරයෝ ටෙලි නාට්‍යය නිසාම ගංගු ගැන ආයෙමත් කතා බහක් ඇතිවෙන්න පටන් අරන්. ගංගු නම් කියන්නේ කාලෙන් කාලෙට තමන් ගැන අලුත් විදිහට කතා කරන්න කැමති බවයි. ගංගු එහෙම කියන්නේ කුමන හේතුවක් නිසාද යන්න ඔබට මේ කතා බහේදී දැන කියාගන්නට පුළුවන්. 
 
කාලෙකට පස්සේ ගංගුව ආයෙමත් පුංචි තිරයෙන් දකින්න ලැබෙනවා නේද? 
ඔව්. මේ දවස්වල සියත රූපවාහිනී නාලිකාවේ සති අන්තයේ රාත්‍රී 9.00ට විකාශය වන ලෝකාන්තරයෝ කියන ටෙලි නාට්‍යයේ මම චරිත දෙකක්ම නිරූපණය කරනවා. 
 
ලැබිලා තියෙන ඒ චරිත දෙක ගැනත් මතක් කරමු නේද? 
ලෝකාන්තරයෝ කියන්නේ කාලාන්තර සම්බන්ධ සංකල්පයකට සම්බන්ධ වුණ කතාවක්. එය තුෂාර තෙන්නකෝන්ගේ අධ්‍යක්ෂණයක්. ඒ කතාවේ එක එක ලෝක තියෙනවා. මම එහි ගෝත්‍ර ලෝකයේදී බලය ලබාගන්න හදන චමී කියන චරිතයත්, අනිත් ලෝකයේදී ආත්මාර්ථකාමී පෙම්වතියක් විදිහට සිටින චාමලී කියන චරිතයත් නිරූපණය කරනවා. 
 
ලෝකාන්තරයෝ ටෙලි නාට්‍යය නිසා ඔබට මොන විදිහේ ප්‍රතිචාරද ලැබෙන්නේ? 
ලෝකාන්තරයෝහි මම රඟපාන චරිත දෙක මටම ගැළපෙන විදිහට ගොඩනගපු චරිත දෙකක්. එතකොට ඉතින් ලැබෙන ප්‍රතිචාර කොහොමත් හොඳ වෙන්න ඕනනේ. 
 
රඟපෑමට අමතරව ගංගු වෙනත් වෘත්තියක නියැළෙනවාද? 
නෑ. මොකද සාමාන්‍යයෙන් මම හරිම හරි බෝරිං කෙල්ලක්. ඒ නිසා මම වැඩිපුරම කැමති ගෙදරට වෙලා ඉන්න තමයි. ගෙදර හිටියාම ඕනෑම වැඩක් කරගන්න පුළුවන්. ඒ නිසා ගංගු රොෂානා කියන්නේ ගෙදරටම ඇබ්බැහි වුණ චරිතයක් කිව්වට වරදක් නෑ. 
 
ඔබේ පෞද්ගලික ජීවිතය ගැන තොරතුරු ටිකක් කියමුද? 
මගේ ජීවිතය ගැන කතා කරනවා නම්, මං ගැන ලියනවානම් මම කැමති ගංගු රොෂානා කියන නිළිය ගැන විතරක් කතා කරන්නයි. මම හම්බ කරන්නේ මටනේ. ඉතින් මගේ පෞද්ගලික ජීවිතය විදිහට මගේ නිළිකම විතරක් දැන ගත්තම ඇති නේ... 
 
ගංගුගේ කලා ජීවිතේ විශේෂිතම අවස්ථා මතක් කරන්න කියලා කීවොත් මොනවාද මුලින්ම  සිහියට එන්නේ? 
මම “සමන්තා” “යාළුවෝ”  “හොරා ‍පොලිස්” කියලා චිත්‍රපට තුනකට සම්බන්ධ වුණා. ඒ අතරින් සමන්තා චිත්‍රපටය වෙනුවෙන් මට හොඳම නැගී එන නිළිය කියන සම්මානය ලැබුණා. ඒ වගේම ‘‘යාළුවෝ’’ චිත්‍රපටයටත් මට විශේෂ සම්මානයක් ලැබුණා. මේ සම්මාන ද්විත්වයම මගේ කලා ජීවිතයට අති විශේෂයි.
 
ගංගුව කලා නිර්මාණවලින් නිතර දකින්න නොලැබෙන්නේ වැඩිපුර ආරාධනා නොලැබෙන නිසාද? 
එහෙම දෙයක් නිසා නමෛයි, ගංගු රොෂානා කියන්නේ කවදත් වේගය පාලනය කරමින් ඉදිරියට යන කෙනෙක්. ඒ නිසා මේ විදිහට මගේ වෘත්තිය ජීවිතය ගලාගෙන යනවාට මම හරිම කැමතියි. 
 
ආරාධනා ලැබුණත් ඒ හැම ආරාධනාවක්ම බාරගන්නේ නෑ කියලාද ඔබ ඔය කියන්නේ? 
ආරාධනා බාරගන්නේ නෑ කියන එකම නමෛයි, මම අදහස් කළේ. දැන් බොහෝ නිර්මාණ හැදෙන්නේ තෝරා ගත් පිරිසකටනේ. ලංකාවේ හොඳ නළු නිළියන් ඉලක්ක කරගෙන නිර්මාණය වෙන නිර්මාණ තිබෙන්නේ 
අතළොස්සයි. ඒ නිසා මම වගේ අයට ගැළපෙන විදිහට කෙරෙන නිර්මාණත් අඩුයි කියලා කියන්න පුළුවන්. 
 
එතකොට අලුතින් ක්ෂේත්‍රයට එන නළු නිළියන්ව ගංගුට දැනෙන්නේ මොන විදිහටද? 
අලුත් පිරිසට අපට වඩා අවස්ථා වැඩියි. ඒත් ඔවුන් ඒ අවස්ථාවලින් හරියට ප්‍රයෝජන ගන්නේ නැහැ. 
 
ඉදිරියේදී ඔබට සුවිශේෂී චරිතයකට දායක වෙන්න අවස්ථාව ලැබිලා තියෙනවා කියන්නේ ඇත්තද? 
ඔව්. දිවාග්නි කියන ටෙලි නාට්‍යයේ මම සුවිශේෂී චරිතයක් නිරූපණය කරනවා. එය සේනක විජේසිංහගේ අධ්‍යක්ෂණයක්. මේ කතාව ගොඩනැගෙන්නේ මාෂල් ආට්ස් සම්බන්ධව. මම එහි නිරූපණය කරන්නේ මාධ්‍යවේදිනියකගේ චරිතයක්. ඒ නිසා ඉදිරියේදී මම මාධ්‍යවේදිනියක් විදිහට  ප්‍රේක්ෂකයන් අතරට එන්න සූදානමිනුයි දැන් ඉන්නේ. 
 
සමන්මලී නැලිගම

අඛිලයි - සජිතයි දෙන්නම මේ වන විට පෙම්වතුන් බව කාටවත් රහසක් ‍නෙවෙයි. සජිත පසුගිය දවසක අලුත්ම ගීතයක් ගයලා, පෙම්වතියත් එක්ක ඒ ගීතයේ රූප රචනාවත් කරලා පෙම්වතිය රටටම හඳුන්වා දුන්නා. ඒත් අඛිල තවමත් තමන්ගේ පෙම්වතිය මාධ්‍යයට හඳුන්වා දෙන්න මැලිකමක් දක්වනවා. ඒ ඇයි කියලා අපි අඛිලගෙන්ම ඇහුවා. 

අඛිලගේ නෑනව නම් දැන් රටම හඳුනනවා? 
ඔව්. මල්ලි එයාගේ පෙම්වතිය එක්ක ගීත රූප රචනාවක් කළානේ. මේ දවස්වල හැමෝම කතා කරන්නේ ඒ ගැන තමා. 
 
ඒත් අඛිල තවමත් තමන්ගේ පෙම්වතිය වසන් කරනවා. ඇයි ඒ? 
කවුද එහෙම කියන්නේ. මම පෙම්වතෙක් බව හැමෝම දන්නවා. මම යන එන තැන ඇයව එකතු කරගෙන යනවා. 
 
ඒත් තමන්ගේ පෙම්වතිය මාධ්‍ය ඉදිරියට ගෙනත් හඳුන්වා දෙන්නේ නැහැනේ? 
මල්ලි ඒ දේ කළේ එයාගේ පෙම්වතිය එයත් එක්ක ඒ ගීත රූප රචනාවේ රඟපෑ හින්දා. ඒත් ඉතින් මගේ පෙම්වතිය රඟපාන්න එන්නේ නැහැනේ. ඉතින් මම කොයි විදියටද එයාව මාධ්‍ය ඉදිරියට අරගෙන එන්නේ. 
 
ජනප්‍රිය චරිතවල පෞද්ගලිකත්වය දැන ගන්න රසිකයන් කැමතියි. අඛිලගේ පෙම්වතියගේ විස්තර දැනගන්න ඔබේ රසිකයනුත් කැමති ඇති? 
පෞද්ගලිකත්වය අනවශ්‍ය විදියට හෙළි කරන්න ගිහින් මම බැට කාලා තියෙනවා. ගිනි පෙනෙල්ලෙන් බැට කාපු මිනිහා කණාමැදිරි එළියටත් බයයි කියනවනේ. 
 
ඔය කියන්නේ පෙම්වතිය මාධ්‍ය ඉදිරියට රැගෙන ඒම ගැනද? 
ඔව්. එක් වතාවක් මම එය කළා. පෙම්වතිය ගැන, ආදරය ගැන විවාහ වෙලා ගෙවන ජීවිතය ගැන පවා එළිපිට කතා කළා. ඒත් අන්තිමට ඒ දේවල් ඔක්කොම නැති වුණා. 
 
තවමත් ඒ අතීතය වෙනුවෙන් හඬා වැටෙනවාද? 
මට ගොඩක් ආදරේ කරන මාව හරියට තේරුම් ගත්තු පෙම්වතියක්් මගේ ජීවිතේ ළඟ ඉන්නවා. ඉතින් ඇයි මම අතීතය වෙනුවෙන් හඬා වැටෙන්නේ. 
 
කලා ලෝකයේ ඉන්න දෙන්නෙක් ළංවෙලා ඉඳලා වෙන් වුණත් කලා ලෝකය තුළ ඒ දෙන්නා හමුවන අවස්ථා තියෙනවා. ඔබේ අතීතයත් ඒ විදියට ඔබට හමුවනවා ඇති? 
එහෙම අවස්ථා තියෙනවා. ඒ වෙලාවට නාඳුනන දෙන්නෙක් වගේ ඉන්නවා. එච්චරයි. 
 
ටෙලි නාට්‍යයක හරි චිත්‍රපටයක හරි ඇය සමග රඟපාන්න වුණොත්? 
පෞද්ගලිකත්වයයි වෘත්තියයි මම කවදාවත් පටලවාගන්නේ නැහැ. 
 
අපි අතීතය අතීතයටම දීලා වර්තමානයට එමු. ආදරය හා විවාහය ගැන දැන් තියෙන සැලසුම් මොනවාද? 
කවදා හරි හොඳ සල්ලිකාරයෙක් වෙනවා කියන අදහස මට තිබුණේ කාලෙක ඉඳන්. මගේ පෙම්වතිය මගේ බිරිඳ වූ පසු ඇයට සතුටින් ජීවත් වෙන්න පසුබිම ගොඩනගන හැටි, දරුවන් ලබලා හොඳ පවුල් දිවියක් ගෙවන හැටි, ඔන්න ඔය වගේ බලා‍පොරොත්තු සැලසුම් ගොඩක් අද මට තියෙනවා. ඒ ගොඩක් සැලසුම් රැඳිලා තියෙන්නේ ආදරය හා පෙම්වතිය ගැන සිතුවිලි අතරෙයි.
 
ඔය විදියට සිතුවිලි අතරේම ඉන්නේ ළඟදීම විවාහ වෙන්න අදහසක් නැද්ද? 
(හිනැහී) තියෙනවා...... තියෙනවා.... මං හිතන විදියට තව වැඩි කාලයක් බලා ඉන්න වෙන එකක් නැහැ ඒකට. 
 
ආරියවංශ කුලතිලක
 
එක්වන්න අපගේ Facebook පිටුවට - www.facebook.com/lakbima.lk

ඇත්තද උපමාලි නිසා තරින්ද්‍රිටත් බොහෝ දෙනා ආදරේ කරනවා කියන්නේ ?
ඔව්, උපමාලි කියන චරිතේ නිසාම තරින්ද්‍රිට අම්මලා, දූවරු වගේම පිරිමි ළමයින්ගෙනුත් හොඳ ප්‍රතිචාර ලැබෙනවා. ඒත් උපමාලි තරම්ම තරින්ද්‍රි නම් අහිංසක නැහැ. තරින්ද්‍රි හරි දඟකාරයි. ඒ වුණත් උපමාලි වගේම තරින්ද්‍රිත් හරිම අවංකයි. 
 
උපමාලි දිල්මිණට මෙතරම් අකමැති ඇයි ? 
දිල්මිණ කියන්නේ හැමදේටම මිලක් නියම කරන කෙනෙක්. ඒ වගේම එයා හරිම ලෝභ කෙනෙක්. එහෙත් දිල්මිණ ඇත්තටම උපමාලිට ආදරෙයි කියලා දැනෙන අවස්ථාත් තියෙනවා. සමහරවිට දිල්මිණගේ ලෝභකම නැතිකරලා උපමාලි දිල්මිණට කැමති වෙන්නත් පුළුවන්. 
 
උපමාලිගේ අහිංසකකම් නිසාම තරින්ද්‍රිටත් ක්‍ෂේත්‍රයෙන්ම ආදර යෝජනා එනවා ඇති ?
ආදර යෝජනා නම් ගොඩක් ඇවිත් තියෙනවා. ඒත් මම තාම කාටවත් වචනයක් දීලා නැහැ. ඒ වගේම ඒ වගේ වචනයක් දෙන්න හිතලත් නැහැ. මම ප්‍රාර්ථනා කරන්නේ කලාව අතහරින්න කියන්නේ නැති මාව තේරුම් ගත් හොඳ කෙනෙක්. මට වත්‍පොහොසත්කම් අදාළ නැහැ.
 
තරින්ද්‍රිගේ පෞද්ගලික විස්තර ගැනත් කතා කළොත් ?
මමයි, තාත්තයි, අක්කයි මගේ පවු‍ලේ ඉන්නේ. මගේ අම්මා ජීවතුන් අතර නැහැ. ඒත් අම්මගේ ආශිර්වාදේ තමයි මගේ ලොකුම ශක්තිය. මගේ අක්කා විවාහ වෙලා ඉන්නේ මාධ්‍ය ක්‍ෂේත්‍රයට හා දේශපාලනයට සම්බන්ධ නිරෝෂන් ප්‍රේමරත්න සමගයි. 
 
සමන්මලී නැලිගම 
 
ඡායාරූප - මංජුල පෙරේරා

Page 1 of 7

IMAGE

කාමරංකා කන්න එපා

IMAGE 2017 Sep 24 13:10
වකුගඩු ආසාදන ශ්‍රී ලංකාවේ බරපතළ සෞඛ්‍ය තර්ජනයකි. කිහිප ආකාරයක වකුගඩු ආසාදන ශ්‍රී ලංකාවේ...
Views - 815

ඔය කියන නිරුවත් ඡායාරූපවල ඉන්නේ මම ‍නෙවෙයි

IMAGE 2017 Sep 24 12:18
ගයාත්‍රි ඩයස් දැන් අන්තර්ජාලයේ පුවත් මවන්නියක් බවට පත් වෙලා. ඒ විදියට ඇය ගැන පැතිර ගිය එක්...
Views - 652

මම මිය ගියේ නැහැ

IMAGE 2017 Sep 24 11:59
රොඩ්නි වර්ණකුල හදිසියේ මිය ගිය බවට බොරු පුවතක් පසුගිය දවස්වල අන්තර්ජාලයේ එහා මෙහා වුණා. මේ...
Views - 407

අද කාලේ කඨින පිංකම් අස්සේ 'බෝතල් පාටි'ත් දානවා

IMAGE 2017 Sep 22 15:40
කඨින චීවර මාසයක් ළඟ ළඟම එයි. බෞද්ධයන්ට සිදුකළ හැකි අට මහ කුසල් අතරින් මුල්ම කුසලය වන කඨින චීවර...
Views - 883

16 වියැති සිසුවිය බස් නැවතුමේ දී හෘදයාබාධයකින් මියයයි

IMAGE 2017 Sep 22 11:12
තම දූ පුතුන් පාසල් ගොස් යළි නිවසට පැමිණෙන තුරු දෙමාපියන් සිටිනුයේ දැඩි විමසිල්ලකින් බව...
Views - 3058

සුමති සම්මාන හිමිකරගත් කලා ලොවේ දිදුළන තරු

IMAGE 2017 Sep 21 12:27
ජාතියේ මහා කලා මංගල්‍යය හෙවත් සුමති සම්මාන උළෙල 20 දා  ප.ව. 6.30ට කොළඹ නෙළුම් ‍පොකුණ රඟහ‍ලේදී 22...
Views - 3663

Please publish modules in offcanvas position.