Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ගයාන් - චතුරිකා ආදර කතාව කාලයක් මේ රටේ ලොකු ආන්දෝලනයක් ඇති කළා. ඊට හේතු වුණේ දෙදෙනාම කලින් විවාහ වී සිටීමයි. ඒ විතරක් නමෛයි ගයාන් දරු දෙදෙනෙකුගේ පියෙක් වීමත් ඒ ගැන විශාල අවධානයක් යොමු  වෙන්න හේතු වුණා. දෙදෙනාගේම මුල් විවාහයන් දෙදරා යාමත් මේ දෙදෙනා ආදරයෙන් අලුත් ජීවිතයක් ආරම්භ කිරීමත් අද වන විට කලා ලෝකයට රහසක් ‍නෙවෙයි. නමුත් පහුගියදාක ගයාන් - චතුරිකා දෙදෙනා බොහොම ලස්සන මංගල ඡායාරූප පෙළකට පෙනී සිටීමත් සමග අද වෙද්දී මේ දෙදෙනාගේ කතාව ආයෙමත් කරළියට ඇවිත්. ගයාන් - චතුරිකා දෙන්නා කාටත් හොරෙන් ඔවුන්ගේ මංගල උත්සවය අරගෙනද කියන කුතුහලය ඇති කළ මේ ඡායාරූප පෙළ ගැන ඇත්ත කතාව විමසන්න ගයාන් සහ චතුරිකාට අපි කතා කළා. 
 
ගයානුයි - චතුරිකයි හොරෙන්ම මංගල ගමන ගිහින් වගේ...?
ගයාන් : අපි දෙන්නගේ මංගල ඡායාරූප දැක්කට පස්සේ හැමෝම ඔය ප්‍රශ්නය අහනවා.
චතුරිකා : ඒක වෙඩිං ෂූට් එකක් විතරයි. අපි දෙන්නා ඇත්තටම මංගල උත්සවයක් ගත්තේ නැහැ.
 
ඔය දෙන්නාට ඇයි හදිසියේම ඒ වගේ දෙයක් කරන්න හිතුණේ?
ගයාන් : ඒක... අපි සැලසුම්කරලා කරපු එකක් නමෛයි.
චතුරිකා : අපි කළේ ඒ ෆොටෝ ෂූට් එකට පෙනී හිටපු එක විතරයි.
 
කවදාද? කොහෙදීද ?
ගයාන් : පසුගිය ඔක්තෝබර් 28 වැනිදා 
චතුරිකා : නුවරදී තමයි මේ ෆොටෝ ෂූට් එක තිබුණේ.
 
ගයාන් - චතුරිකා ආදරයෙන් එක්වූ පසු මේ වගේ මංගල ඡායාරූප පෙළකට පෙනී සිටි පළමු අවස්ථාවද මේ ?
ගයාන් : නෑ මේ දෙවැනි අවස්ථාව.
චතුරිකා : මීට කලින් Magazine එකකටත් මේ වගේ වෙඩිං ෂූට් එකක් කළා?
 
සැබෑ ජීවිතේදී ගයානුයි - චතුරිකායි මංගල ඡායාරූපයකට පෙනී සිටීමේ අවස්ථාව දවසින් දවස දුර යනවා නේද?
ගයාන් : ඔව්. ඒකනම් ඇත්ත තමයි. මේ අවුරුද්දේ මැයි මාසේ තමයි ඒක හිතාගෙන හිටියේ. ඒත් ඒක කල් දාන්න වුණා.
චතුරිකා : හැබැයි ලබන අවුරුද්දේ අප්‍රේල් මාසෙන් පස්සේ ඒ දවස අනිවාර්යයෙන්ම උදා වේවි.
 
එදාට ඒ සතුට බෙදාගන්න කලා ලෝකේ හැමෝම එකතු කරගන්න බලා‍පොරොත්තුවක් තිබෙනවාද?
ගයාන් : ලොකු උත්සවයක් ගන්න නම් අපේ අදහසක් නැහැ.
චතුරිකා :  හැබැයි එදාට අපි සැරසෙන්නේ නම් උඩරට මනාල යුවළක් විදියට. මොකද මම හරිම කැමැතියි උඩරට මනාලියක් විදියට සැරසෙන්න. 
 
ආරියවංශ කුලතිලක

ස්වාධීන රූපවාහිනී සේවයෙන් විකාශය වන කූඹියෝ ටෙලිනාට්‍යය ප්‍රේක්ෂකයන් අතරේ ජනප්‍රියවීමත් සමග එහි ඇතුළත් චරිතවලටත් ඉහළ මට්ටමේ ප්‍රතිචාර ලැබෙන්න පටන් අරගෙන තියෙනවා. එවැනි එක් චරිතයක් තමයි අංජානි කියන්නේ. කූඹියෝ හි අංජානිගේ චරිතය නිරූපණය කරන්නේ සුජීවා ඩයස්. සුජීවා කියන්නේ පුංචි තිරයට ආගන්තුක නිළියක් ‍නෙවෙයි. නමුත් මෑතකදී වෙනත් ටෙලි නිර්මාණවලින් ඇයව වැඩිපුර දකින්නට ලැබුණේ නැහැ. ඇගේ ඒ නිහැඩියාවට බලපෑ හේතුව මොකක්ද කියන කාරණයක්. 'රිද්ම' සමග මෙම සංවාදයට එක්වෙමින් සුජීවා හෙළි කළා. 
 
කූඹියෝ නාට්‍යය නිසා ඔබට ලැබිලා තියෙන ජනප්‍රියත්වය ගැන මොකද හිතෙන්නේ? 
ඒ ගැන ගොඩක් සතුටුයි. වසර ගණනාවක් ක්‍ෂේත්‍රයේ හිටියත් මට මේ වගේ ඉහළම ජනප්‍රියත්වයක් ලැබුණේ කූඹියෝ නාට්‍යයෙන් තමයි. 
 
කූඹියෝ ටෙලි නාට්‍යයේ අංජානිට ඉදිරියේදී මොනවා වෙයිද?
එෆ්.බි. එක හරහාත් මේ දවස්වල මගෙන් වැඩිපුරම අහන ප්‍රශ්නය තමයි ඕක. මම හිතන්නේ මම ඔය ප්‍රශ්නයට උත්තර දෙනවාට වඩා හොඳයි ප්‍රේක්ෂකයින්ට ටෙලි නාට්‍ය නරඹලාම ඒකට උත්තරයක් හොයාගන්න ඉඩ දෙන එක. 
 
සුජීවා නිළියක් වුණේ කොහොමද කියලා මතක් කළොත්? 
මම පාසල් කාලෙදිම වගේ පැජන්ට් එකකට සහභාගි වුණා. ඒ විතරක් ‍නෙවෙයි. මම ඒකේ අන්තිම දහදෙනා අතරටත් තේරී පත් වුණා. ඒ ලැබුණ ජනප්‍රියත්වයත් එක්ක පස්සේ වෙළෙඳ දැන්වීම් කීපයකටත් සහභාගි වෙන්න අවස්ථාව ලැබුණා. ටිකිරි රත්නායකගේ දූ කුමරියෝ නාට්‍යයෙන් තමයි මම ටෙලි නාට්‍ය රංගනයට අවතීර්ණ වුණේ ඒ  2008 වසරේදී. 
 
මේ වෙද්දී ටෙලි නාට්‍ය කීයකට විතර රංගනයෙන් දායක වෙලා තියෙනවාද? 
ටෙලි නාට්‍ය 15ක විතර මම රඟපාලා තියෙනවා. 
 
හැබැයි සෑහෙන කාලෙකට පස්සෙයි සුජීවාගේ රංගනයක් පුංචි තිරයෙන් දකින්නට ලැබෙන්නේ? 
ඔව්. මගේ පදිංචිය නුවර. නුවර ඉඳන් කොළඹ ඇවිත් ටෙලි නාට්‍යවලට දායක වෙන එක මට හුඟක් අසීරු වුණා. ඒ නිසා මම රඟපෑමෙන් ඉවත් වෙන්න තීරණය කරලයි තිබුණේ. 
 
නමුත් ඔබට රඟපෑමෙන් සදහටම ඉවත් වෙන්න සිදුවුණේ නැහැ? 
ඔව්. මගේ නිහඬතාව අලුත් ගමනක ආරම්භයක් වුණා. 
 
ඒ කිව්වේ?
මම අන්තිමට රඟපෑවේ කූඹියෝ ටෙලි නාට්‍යයේ කූඹියෝ රූගත කළේ මීට වසර කිහිපයකට කලින්. ඒත් එක්කම මමත් රඟපෑම නතර කළා. වසර ගණනකට පසුව දැන් කූඹියෝ විකාශය වනවා. ඒත් එක්ක මමවත් හිතපු නැති තරම් ජනප්‍රියත්වයක් මට ලැබිලා තියෙනවා. කූඹියෝ නිසා මට දැන් එක දිගට  ටෙලි නාට්‍යවලට ආරාධනා ලැබෙනවා. ඉතින් ඒ ජනප්‍රියත්වයත් එක්ක මම ඉබේම වගේ ආයෙමත් රංගනයට යොමු වුණා. 
 
ඒ කියන්නේ සුජීවා දැන් රංගන කටයුතු නිසා කාර්ය බහුල වෙලා ඇති? 
ඔව්. මේ දිනවල මම මේ මල් වසන්තයයි ටෙලි නාට්‍යයේ රඟපානවා. තවත් නිර්මාණ කිහිපයකටම ඉදිරියේදී එක්වෙන්නත් හිතාගෙන ඉන්නවා. 
 
සුජීවාගේ පෞද්ගලික තොරතුරු ටිකකුත් කතා කරමුද?
මගේ සැමියා ගීතාන් ඩයස්. මගේ කලා කටයුතුවලට උපරිම සහයක් ඔහුගෙන් ලැබෙනවා. මට ලොකු පුතෙක් ඉන්නවා. පුතාගේ නම කෙවින්. පුතා මේ වෙන කොට මහනුවර ත්‍රිත්ව විදුහ‍ලේ 10 වසරේ ඉගෙන ගන්නවා. 
 
ආරියවංශ කුලතිලක 
 
ඡායාරූප - මංජුල පෙරේරා

යුරේනි නොෂිකා අන්තර්ජාලයේ පුවත් මවන්නියන් අතරින් කෙනෙක්. සතියකට දෙකකට වතාවක් යුරේනි ගැන කුමක් හෝ උණුසුම් පුවතක් පළ වෙනවා. මේ දවස්වලත් ඔන්න යුරේනි ගැන උණුසුම් පුවත් දෙකක්ම අන්තර්ජාලයේ සැරිසරනවා. අපි යුරේනිට කතා කළේ මෙවැනි පුවත් මැවෙන එක ගැනයි, ඇගේ පෞද්ගලික තොරතුරු ගැනයි විමසන්නයි. 
 
මේ දවස්වල යුරේනි ගැන උණුසුම් පුවත් දෙකක්ම අන්තර්ජාලයේ පළවනවා
ඉස්සර නම්, මං ගොසිප්කාරයන්ගේ වැඩ හින්දා හරියට හිත් රිදවාගත්තා. දැන් නම් ඒ වගේ වබේ සයිට් බලන්නෙවත් නැහැ. මගෙ යාළුවෝ ඕවා දැකලා මට කෝල් කළාම තමයි මමත් ඒවා දැනගන්නේ.
 
සජීවි වැඩසටහනකදී යුරේනි එහි නිවේදකයාට කරන විහිළුවක් තමයි යුරේනි ගැන පළවන අලුත්ම ප්‍රවෘත්තිය.
අයියෝ.... ඒක බොහොම පුංචි විහිළුවක්. වැඩසටහනට ආපු මමයි පැතුම්, රුක්ෂාන් ඇතුළු කට්ටියයි එකතු වෙලා වැඩසටහන කරපු නිවේදකයව බයිට් කළා එච්චරයි.
 
ඒත් අන්තර්ජාලයේ පළවන Video Clip එකෙන් පෙනෙන්නේ යුරේනි කළ දේ විතරයි 
මමයි පැතුමුයි වැඩසටහනට ගියේ ඩෙනිම් කලිසම් ඇඳගෙන. අපේ ඇඳුම්වල දණහිස ඉරිලා තිබුණා. ඒ විලාසිතාවට ඒත් ‍ප්‍රෝග්‍රෑම් එක කරපු කෙනාගේ විලාසිතාව වුණේ දණහිසින් ඉහළ කොටස්. අපි ඒකට විහිළු කළා. ඒත් මම විහිළු කරපු ටික විතරයි ඔය අන්තර්ජාලයේ පළ වෙන්නේ.
 
සජීවි වැඩසටහනකදී කැමරාවක් ඉදිරියේ කරන කියන දේවල් ගැන සැලකිලිමත් වෙන්න ඕන නේද?
අයියෝ මම කැමරාවක් ළඟදී බොරු ප්‍රතිරූපයක් මවාගන්න උත්සාහ කරන කෙනෙක් නමෛයි. සාමාන්‍ය ජීවිතයේදී කරන කියන දේ හැසිරෙන විදිය කැමරාවක් ළඟදී වෙනස් කරන්නේ නැහැ.
 
අනේ මම නම් කවදාවත් පතිවත රකින්නේ නැහැ කියලා යුරේනි ප්‍රකාශ කළෙත් ඒ හින්දද?
ඔය ප්‍රවෘත්තියත් මේ දවස්වල අන්තර්ජාලයේ පළවනවා. එතැනදී වුණේත් වෙන දෙයක්.
 
මොකක්ද?
කිසිම සත්වයෙක්, එකම යුවළක් හැමදාම එකට ඉන්නේ නැහැ. එහෙම ඉන්න එකම සතා මනුෂ්‍යයා. ඒත් මනුෂ්‍යයා කියන්නෙත් සත්වයෙක්. ඒ හින්දයි එකම යුවළක් ජීවිත කාලෙම එකට ඉන්න කොට ගැටලු මතුවන්නේ. අනියම් සබඳතා ඇතිවන්නේ. දෙවැනි තුන්වැනි විවාහවලට යන්නේ. ඔන්න ඔය කාරණය මම දීර්ඝව කතාකරපු සාකච්ඡාවක් ඔය. ඒත් එතැනින් වෙන වෙනම මම කියපු වාක්‍ය දෙකක් අරගෙන සංස්කරණය කරලා මට නම් පතිවත රකින්න බැහැ කියලා හදලා තමයි ඔය අන්තර්ජාලයට දාලා තියෙන්නේ.
 
තමන් ගැන වැරදි පුවත් මාධ්‍යවල පළවුණාම ඊට ප්‍රතිචාර දක්වන්නේ නැත්තේ ඇයි ?
එක වතාවක් එක්තරා පුවත්පතකට ගත්ත ඡායාරූප පෙළක එන පින්තූරයක මගෙ ගවුම ටිකක් මෑත් වෙලා තිබිලා තියෙනවා. එදා ඡායාරූප සිය ගණනක් ගත්තා. ඒත් අර ඡායරූප අරගෙන පත්තරේ පළකරලා තිබුණා. එදා නම් මම ඒ පත්තරේට කතාකරලා බැන්නා. ඒත් දැන් එහෙම මොකුත් කියන්න යන්නේ නැහැ. මම කර්මය විශ්වාස කරනවා. මේ ආත්මේ මම කිසි කෙනෙකුට හිත් රිදීම් කරලා නැහැ. ඒත් පෙර ආත්මවල කරපු පව් හා පින් පළදෙන එක වලක්වන්න බැහැ. එහෙම හිතලා මම හිත හදාගන්නවා. අනෙක දැන් කවුරු මොනව කලත් මගෙ හිත රිදෙන්නේ නෑ. ඔය වගෙ සිදුවීම්වලට මුහුණ දීලම දැන් මගෙ හිත ගලක් වෙලා.
 
හැබැයි ඉතින් අන්තර්ජාලයේ පුවත් මවාගෙන ජනප්‍රිය වන අය ඉන්නවා කියලත් මතයක් තියෙනවා.
ඇත්ත. එහෙම අය ඉන්නවා. ඒක ඒ අයගේ උගත්කම පිළිබඳ ප්‍රශ්නයක්. ඒ අය පව්. හැබැයි මම එතන නැහැ. අන්තර්ජාලයේ පුවත් මවාගෙන ලබන ජනප්‍රියත්වය මට නම් එපා.
 
විවාහ වෙලා තැන්පත් වුණා නම් මේ කතා හැදෙන එක අඩුවෙයි.
මම විවාහ වෙයිද, සදාකාලිකව තනිව ඉඳියිද මම දන්නේ නැහැ. සුදුසුම කෙනා හමු නොවුණොත් තනිකඩව ඉන්න එක හොඳයි.
 
යුරේනි දැන් ප්‍රේමවන්තියක්ද? 
නැහැ.
 
කී වතාවක් ආදරේ කරලා තියෙනවාද?
හතර වතාවයි.
 
ඒ ආදර සබඳතාවලට මොකද වුණේ ? 
මම ඒ හැම අවස්ථාවකම අවංකව ආදරේ කළා. ඒත් ඒ එක්කෙනෙක්වත් මට ඇත්තටම ආදරේ කරලා නැහැ කියලා දැන ගත්තේ පස්සේ. 
 
ආරියවංශ කුලතිලක

“සිරස ටි.වී” ඔස්සේ විකාශය වන “මේ ආදරයයි” ටෙලි නාට්‍යයේ ඒ තේමා ගීතය අද වන විට ඉමහත් ජනප්‍රියත්වයක්
අත්පත් කරගෙන තිබෙනවා. ආදරය ගැන ඒ ගීතය ගැයූ ඒ ආදරණීය හඩේ හිමිකාරිය මීනා ප්‍රසාදිනී පසුගියදා තමන්ගේ ආදරයත් ජයගත්තා. වසර 8ක පෙම් කතාවක් ජයගෙන පසුගිය සැප්තැම්බර් 28 වැනිදා යුග දිවියට පිවිසුනු මීනා පහුගිය ඔක්තෝබර් 17 වැනිදා ලංකාව අතහැරලා තමන්ගේ ආදරණීය සැමියා සමග ඕස්ට්‍රේලියාව බලා පිටත් වුණා. 
 
මෙච්චර කාලයක් මීනා තමන්ගේ ආදරවන්තයා ගැන මාධ්‍යයට වසන් කළා. දැන්වත් කියන්නකෝ ඔහු ගැන තොරතුරු ටිකක්? 
ඔහු ඉරේෂ් පෙරේරා. එයාගේ ගම වෙන්නප්පුව. දැනට ඔස්ට්‍රේලියාවේ පදිංචි වෙලා පෞද්ගලික ආයතනයක රැකියාව කරනවා. 
 
ඉරේෂ් මීනා හමුවීම දිගු කතාවක් කියලයි අපිට නම් අහන්න ලැබුණේ? 
මම මීගමුවේ. ඉරේෂ් වෙන්ප්පුවේ. උසස් පෙළ නිමාවෙලා වැඩිපුර ඉගෙන ගන්න පෞද්ගලික පන්තියකට ගියාමයි එයාව මට මුණ ගැසුණේ. මුලදී අපි ඇසුරු කළේ යාළුවෝ විදියටයි. සැප්තැම්බර් 28 වැනිදා දවසක තමයි මුලින්ම ඉරේෂ් එයාගේ ආදරය මා වෙත ප්‍රකාශ කළේ. ඒ හින්දා තමයි සැප්තැම්බර් 28 වැනිදා දවසක  විවාහය සිදු කළේත්. පවුල් දෙකේම අය කතෝලික. ඒ හින්දා විවාහය සිදුවුණේ කතෝලික චාරිත්‍රවලට අනුවයි. 
 
මීනා ගායනයට පිවිසිලා රටේ ජනප්‍රිය චරිතයක් වුණේ ඉරේෂ් හමු වූ පසු නේද? 
ඔව්. අපි දෙන්නා මුණ ගැසුණේ 2008දී. මම සුපර් ස්ටාර් තරගයට ආවේ 2009දී. 
 
රියැලිටි තරග හරහා කරළිියට ආ බොහෝ අය අද සොයා ගන්නත් නැහැ. ඒත් ඔබගේ කටහඬ තවමත් අපට අසන්නට ලැබෙනවා. මීනාට මොනවාද ඒ ගැන කියන්න තියෙන්නේ? 
මට ඒ ගැන ගොඩක් සතුටුයි. මම බින්දුවටත් එහා සෘණාත්මක තැනකින් ඇරඹිලා මේ ගමන ආවේ. ඒ එන අතරතුර හොඳ නිර්මාණ කිහිපයක් මට ලැබුණා. මම පසුබිම් ගීත ගැයූ එකයි “කලර්”, “කොස්තාපල් පුඥ්ඥසෝම” “උලත් එකයි පිලත් එකයි“ චිත්‍රපට  තිරගත වුණා. තව චිත්‍රපට 7ක් විතර තිරගත වෙන්නත් තිබෙනවා. මේ දවස්වල මම ගී ගැයු “ධර්ම යුද්ධය” තිරගත වෙනවා. “ශ්‍රී වික්‍රම රජ” චිත්‍රපටයේ මම දමිළ ගීතයක් ගැයුවා. ඒ වගේම සෝමරත්න දිසානායක  මහතාගේ  “සරිගම” චිත්‍රපටය මේ වන විට දමිළ බසින් තිරගත කරන්නත් කටයුතු සූදානම් කර තිබෙනවා. සිංහල චිත්‍රපටයට උරේෂා රවිහාරි ගැයූ ගීත දමිළ බසින් ගායනා කරන්නේ මමයි. 
 
කෙටි කලකින් මේ තරම් අවස්ථා ලැබිලා ඒ හැමදේම අතැරලා විදෙස් ගතවෙන්න ඔබ සූදානම් වනවා. මේ ලිපිය පත්තරේ පළවන විට ඔබ ලංකාවේ නැහැ. 
ඔව්. මම 17 වැනිදා මගේ සැමියා සමග ඔස්ට්‍රේලියාවට යනවා. පවු‍ලේ අය යාළු මිත්‍රයෝ මේ හැමදෙනාම දාලා රට යන තීරණය ගත්තේ බොහොම අමාරුවෙන් අපි දෙන්නගේ අනාගතය ගැන හිතලයි ඒ තීරණයට ආවේ. ඒත් මම සංගීතයට ආසයි. ඉඩක් ලැබෙන හැම වෙලාවකම ලංකාවට ඇවිල්ලා ගීතයක් හෝ ගායනා කරන්නයි  මම හිතාගෙන ඉන්නේ. 
 
ඔබ ඔස්ට්‍රේලියාවේ පදිංචියට යන්නේ නවතින්නමද? 
සමහර විට නවතින්නත් පුළුවන්. ආයෙමත් ලංකාවට එන්නත් පුළුවන්. ඒක ඉතින්  ගිහිල්ලා තමයි තීරණය කරන්නේ. 
 
චන්ද්‍රලතා තන්ත්‍රිගේ
 
ඡායාරූප - ධනුෂ්ක සේනාධීර

ස්වර්ණවාහිනියේ “කාසි වත්ත”, ස්වාධීන රූපවාහිනියේ ‘නිසල අරණ”, සිරස “සිහින සොයා”, සියත “ආදරවන්තයෝ” වගේම “ලව් යූ බොස්” ආදී ටෙලි නාට්‍ය කිහිපයකින්ම වෙනස් විදිහේ චරිත හරහා මේ දිනවල ධනංජි තාරුකා ප්‍රේක්ෂකයන් හමුවට එනවා. රංගනය නිසාම කාර්යබහුලවී සිටින ඇයට මේ දිනවල ලැබෙන ප්‍රතිචාර මොනවාද කියා දැනගන්නත් එක්ක ‘රිද්ම’ අපි මේ විදියට ඇයව කතාබහට එකතු කරගත්තා.
 
අපි ඔබට “පූසී” කියලා කියන්නද, නැත්නම ධනංජි කියලා කියන්නද?
මොන නම කිව්වත් ප්‍රශ්නයක් නැහැ. “බෝධි” ටෙලි නාට්‍යය ඉවර වෙලත් තාම හුඟක් අය මට ‘පූසි‘ කියන්නේ ඒ චරිතයට තවමත් හැමෝම ආදරේ කරන නිසා නේ. ‘බෝධි’ ටෙලි නාට්‍යයේ මම රඟපාපු ඔය කියන පූසිගේ චරිතෙට මමත් ගොඩක් ආසයි.
 
මේ දවස්වල මොන නාලිකාවේ ටෙලි නාට්‍ය බැලුවත් ධනංජී ඉන්නවා. ඉතින් ඒවාට සෑහෙන්න ප්‍රතිචාරත් ලැබෙනවා ඇති නේද?
ඔව්. ඉන්දියානු ටෙලි නාට්‍යවලට අපේ ප්‍රේක්ෂකයෝ කොයිතරම් ඇලුම් කළත්, අපේ නාට්‍ය බලන පිරිසකුත් ඉන්නවා කියලා මට ලැබෙන ප්‍රතිචාරවලින් පැහැදිලි වෙනවා..
 
ඔබ මේ වන විටත් නිර්මාණ බොහොමයකට සම්බන්ධ වෙන රංගන ශිල්පිනියක්. ඒත් ඔබේ නම ජනප්‍රිය නිළිය කියන නිර්දේශ නාමයන් අතරට තවමත් එක්වෙලා නැහැ නේද?
සම්මාන උළෙලවල්වල මගේ නම ජනප්‍රිය නිළියන්ගේ ලැයිස්තු අතර නැත්තේ ඇයි කියලා නම් මම දන්නේ නැහැ. ඒත් ජනතාව අතර ධනංජි ඉන්නවා කියන එක නම් මම දන්නවා. ජනප්‍රිය නිළියන් අතරට නිර්දේශ නොවුණා කියලා මම ජනප්‍රිය නැහැ කියලා කියන්න බැහැ නේ.
 
මොනවද ඉදිරියේදී එන්න තියෙන ඔබ රඟපෑ ටෙලි නාට්‍ය ?
නිර්මාණ ‍පෝලිමක්ම එන්න තියෙනවා. ලක්ෂ්මන් පුෂ්පකුමාරගේ “රන්බැඳි මිනිස්සු” හා සමන් කුමාරගේ “සුනේත්‍රා” කියන ටෙලි නාට්‍ය දෙක විකාශනය වෙන්න තියෙනවා. ඒ වගේම නිහාල් බණ්ඩාර අධ්‍යක්ෂණය කළ “සීමා නෑ ආකාසේ” චිත්‍රපටය වගේම බ්ලැක්මේල් කියන චිත්‍රපටයත් තිරගත වෙන්න තියෙනවා. ඒ වගේම වෙළෙඳ දැන්වීම් කිහිපයකත් වැඩ කළා. ඒවාත් ළඟදීම එළියට එයි.
 
ධනංජි දැන් ක්ෂේත්‍රයට ඇවිත් වසර අටකට ආසන්නයි. ඉතින් හැම රංගන ශිල්පිනියකට වගේම ඔබටත් කලාව ගැන විශාල බලා‍පොරොත්තුවක් ඇති නේද?
මේ අවුරුදු හත දිහා හැරිලා බැලුවාම, මාත් එක්කම ආපු පිරිසට වඩා මම අද යම් තැනක ඉන්නවා කියලා කියන්න පුළුවන්. දැන් මට තියෙන ලොකුම බලා‍පොරොත්තුව තමයි හොඳම නිළිය වීම. මට දැන් ක්ෂේත්‍රය ගැන බොහෝ අත්දැකීම් තියෙනවා. හැබැයි තව ඉගෙනගන්නත් බොහෝ දේවල් තියෙනවා. හොඳම නිළිය කියන සිහිනය කවදාහරි හැබෑ කරගන්න පුළුවන් කියන විශ්වාසය මට තියෙනවා.
නිරූපණය, නිවේදනය, රංගනය ඒ වගේම නර්තනය අතරින් ධනංජි වැඩිපුරම ආශා කරන්නේ කුමන ක්ෂේත්‍රයටද?
ඔය කිව්ව දේවල්වලට විතරක් ‍නෙවෙයි මම ක්‍රීඩාවටත් දක්ෂ කෙනෙක්. මම එකකට විතරක් කියලා නැහැ. හැම දේටම දක්ෂ ඕල් රවුන්ඩර් කෙනෙක්.
 
මෙවර සුමති සම්මාන උළෙ‍ලේ හොඳම ළමා තාරකාව වූ සහේලි සඳිත්මා සමග ඔබේ නෑකමක් තියෙනවා නේද?
සහේලි මගේ අක්කගේ දුව. දුවව රඟපෑමට යොමු කළේ මමයි. පුංචි කා‍ලේ ඉඳලා මම දක්වපු කුසලතා සහේලි දැක්කා. ඒත් සහේලි අද මටත් වඩා ඉදිරියෙන් ඉන්නවා. සහේලි තව ගොඩක් දුර යන්න පුළුවන් දක්ෂ රංගන ශිල්පිනියක් කියන එක නම් කියන්නම ඕනේ.
 
පෞද්ගලික ජීවිතයේදී ඔබ මොනවගේ චරිතයක්ද?
මම බොහොම සැහැල්ලුවෙන් ජීවත් වෙන කෙනෙක්. ඒ වගේම ලැජ්ජාව ගෑවිලාවත් නැති කෙනෙක්. හැබැයි මම මගේ සීමාව දන්නවා. ඕනෑම කෙනෙක් එක්ක කතාබහ කරලා හිනාවෙලා ඉන්න මට පුළුවන්. මේ නිසාම තමයි මම දඟකාර කෙනෙක් කියලා සමහරු හඳුන්වන්නේ. 
ප්‍රේක්ෂකයෝ  මට කියන්නේ ධනංජි ඔයා ගාව කිසිම ආඩම්බරකමක් නැහැ කියලා. අන්න ඒ නිසයි මිනිස්සු මට මේ තරම් ආදරේ.
 
ධනංජිට ආදරේ කරන්න විශේෂ කෙනෙකුත් ඇති නේද?
මට ආදරේ කරන්න විශේෂ කෙනෙක් කලින් හිටියා. ඒත් දැන් නම් එහෙම කෙනෙක් නැහැ. ඔය කියන විශේෂ ආදරේ දැනෙන්න විරහව කියන දේ විඳලා තියෙන්නේම ඕනේ. අද දවස තුළ මට දෙන්න තියෙන්නේ ඒ වගේ උත්තරයක්.
 
සමන්මලී නැලිගම

ඉස්කෝලෙ යන කා‍ලේ අපේ වීරයෝ වුණේ, පරමාදර්ශී චරිත වුණේ ගුරුවරු. පාස‍ලේ සිටින ගුරුමඩුල්ල අතරින් ළමයින්ගේ විශේෂ අවධානය දිනා ගත්තු ගුරුවරුත් හිටිය. ඒ අයගේ ඉගැන්වීමේ දක්ෂතාවය වගේම පෞද්ගලික ප්‍රතිරූප හා ඔවුන් සමග පවතින ගුරු සිසු සම්න්බන්ධයත් ඊට බලපෑවා. 
මේ දවස්වල විකාශය වන “දෙවැනි ඉනිම ටෙලිනාට්‍යයේ” “සොනාලි ටීචරුත්” රටේම ආදරය දිනාගත්තු චරිතයක්. මේ සතියේ “රිද්ම” කවරය සරසන්නේ “සොනාලි ටීචර්” විදියට පුංචි තිරයෙන් අපට හමුවන හිමායා බණඩාරයි.
 
ඉස්කෝලෙ ක්‍රිකට් පුහුණුකරු ලයනල් සඳුන් සහ සොනාලි ටීචර්ගේ සමහර ජවනිකා නාට්‍යයේ ජනප්‍රියත්වයට බලපානවා. ඒත් ඒවා පාසලකට සුදුසුද කියලා ඇතැමුන් ප්‍රශ්න කරනවා. ඔබ ඒ ගැන මොකද කියන්නේ? 
මේක නිර්මාණය කරපු චරිතයක් විතරයි. ඉන්දීය සිනමාව ගන්න මේ වගේ අභව්‍ය සිදුවීම් කොයි තරම් තිබෙනවාද? දෙවැනි ඉනිම ටෙලිනාට්‍යයේ මගේ චරිතය නමෛයි වැරදි කරන්නේ. ඒ චරිතය පරමාදර්ශීි චරිතයක්. ඒ හින්දා මට කවුරුත් දොස් කියන්නේ නැහැ. 
 
ඔබ ඔය කියන විදියට සොනාලි ටීචර් පරමාදර්ශී චරිතයක් හින්දා පෞද්ගලික ජීවිතයත් දැන් ඔබට වෙනස් කරගන්න සිදුවෙලාලු නේද?
ඒක නම් ඇත්ත. මට දැන් ඇඳුම් පැළඳුම් ගැන පවා සැලකිලිමත් වෙන්න වෙලා තියෙනවා. 
 
ඒ කියන්නේ පාරේ තොටේ යද්දී ප්‍රේක්ෂකයන්ගේ ප්‍රතිචාර ඉහළින්ම ලැබෙනවා කියන එක නේද?
ප්‍රතිචාර නම් ඉහළයි. ටෙලි නාට්‍යයක චරිතයක් තමන්ගේ බවට පත් කර ගන්න මිනිස්සු ඒ චරිතය රඟපාන නළු නිළියන්ගෙනුත් ඒ චරිතය බලා‍පොරොත්තු වෙනවා. ඒ වගේම ප්‍රතිචාර ඉවසාගන්න සිදුවනවා. 
 
ඔබ සාමාන්‍ය ජීවිතයේදී මොන වගේ චරිතයක්ද? 
මම සාමානය ජීවිතයේදී දඟකාර සැහැල්ලු චරිතයක්. සොනාලි ටීචර්ට වඩා ගොඩක් වෙනස්. 
 
ඔබ ගැන ඔබේ ආදරණීය ප්‍රේක්ෂකයෝ නොදන්නා වෙන යමක් තිබෙනවාද? 
මගේ අම්මා අංශභාග රෝගියෙක්. පියා ජීවතුන් අතර නැහැ. 
ඒ ප්‍රශ්න මැද තමයි මම රඟපෑම කරගෙන ඉන්නේ. 
 
ආදරවන්තියක් බව ආරංචියි? 
ඔව්. මම ආදරය විඳිනවා. වැඩි විස්තර ඉදිරියේදී කියන්නම්. 
 
ආරියවංශ කුලතිලක 
 
ඡායාරූපය - මංජුල පෙරේරා

Page 1 of 8

IMAGE

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 1468

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 3201

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 3351

මුහුණුපොත ගැන ඔබ මෙතෙක් නෑසූ කතා

IMAGE 2017 Nov 16 09:44
‘ෆේස්බුක්’ කියන්නේ නම කියූ මණින් අද උපන් දරුවාගේ සිට සිහිකල්පනාවක් ඇති මහල්ලා දක්වාම...
Views - 3155

හැංගිමුත්තම් කරන අතරේ ඇඳ යටදී දැරියට අතවර කරලා

IMAGE 2017 Nov 15 09:26
හැංගි මුත්තම් සෙල්ලමක් අතරදී වයස අවුරුදු 10 ක වන පාසල් සිසුවියක දුෂණය කළ බව කියන 16 හැවිරිදි...
Views - 6299

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 5589

Please publish modules in offcanvas position.